رواية حزن بين احضان الفرح الفصل الرابع عشر 14 بقلم حازم الباشا
رواية حزن بين احضان الفرح الفصل الرابع عشر 14 هى رواية من كتابة حازم الباشا رواية حزن بين احضان الفرح الفصل الرابع عشر 14 صدر لاول مرة على موقع التواصل الاجتماعى فيسبوك رواية حزن بين احضان الفرح الفصل الرابع عشر 14 حقق تفاعل كبير على الفيسبوك لذلك سنعرض لكم رواية حزن بين احضان الفرح الفصل الرابع عشر 14
رواية حزن بين احضان الفرح الفصل الرابع عشر 14
كانت جوري قد وصلت بصحبه فاتن الى منزلها الجديد ، ثم اخدت حماما دافئا ، وخرجت لتجد فاتن تنتظرها ، وهي تقول بكل لهفه :
هاااا يا قمر القمرات
احكيلي بقا مالك
وايه اللي حصل وخلاكي
شايله الهم اوي كده
ردت جوري بكل حسره :
شوفي فاتن
انا راح احكي لك سر
ما في احد بالعالم يعرف بيه
انا ....
انا .....
انتفضت فاتن ، وقالت بتوتر واضح :
انتي ايه يا جوري !!!
ما تتكلمي يا قلب اختك
ردت جوري وهي تغالب دموعها :
والله ما بعرف كيف اشرح لك
او كيف احكي لك
بس بالله عليك ما تحكمي عليا
زاد توتر فاتن وهي تقول بصوت منفعل :
في ايه يا جوري
الفار ابتدى يلعب في عبي !!!
اتكلمي يا بت
مالك !!!
ردت جوري وهي تنفجر بالدموع :
انا ....
انا بنت منحرفه
انا بحب راجلين بنفس الوقت !!!
اقتربت فاتن من جوري التي كانت ترتعش بشده ، واحتضنتها بود ، وظلت تربت على ظهرها حتى هدأت
ثم قالت بكل حنان وهدوء :
تصدقي بالله
انتي بت هبله
ما تحبي اتنين ولا حتى عشرين
انتي حره نفسك
مش على ذمة اي راجل
ردت جوري وهي تستجمع انفاسها :
ما بيصح ان بنت تحب راجلين بذات الوقت
هادا شيء ضد الفطره
يللي ربنا خلقنا عليها
قاطعتها فاتن بكل حماس :
الله ينور عليكي
اديكي قولتيها بلسانك
ده ضد الفطره
يبقى انتي بتحبي واحد بس
والتاني ده اكيد مجرد إعجاب
وممكن يطلعوا الاتنين مجرد اعجاب
ردت جوري :
وكيف اعرف انه حب ولا اعجاب
انا بفكر في اتنيناتهم بنفس الدرجه
والمصيبه مش بس هيك
الكارثه يا فاتن
ان الاتنين مجرمين !!!
اقتربت فاتن من اذن جوري وهمست ضاحكه:
اسالي نفسك يا بت
مين اللي بتتخيليه جنبك
وانتي في فرشتك بالليل
هو ده اللي فعلا بتحبيه بجد
انتفضت جوري وقد احمر وجهها خجلا ، ثم لطمت بيدها على فخذ فاتن بقوه ، وقالت بارتباك :
والله انك عديمه الحياء يا فاتن
وانا خلاص ما بدي احكي معك
بهالموضوع ابدا ... ابدا
انهت جوري ذلك الحوار ، وهي تشعر بكم كبير من الخجل
الا ان كلام فاتن قد ارشدها بشكل كبير ، الى هوية الشخص الذي يحتل الجزء الاكبر من وجدانها !!!
--------------------ء
ومرت الايام سريعا ...
وفي احد الليالي
بينما كانت فاتن تستعد للانصراف من عملها بالمطعم ، دخل عليها احد الرجال مفتولي العضلات وهو يقول :
سلامو عليكو
انتي الاستاذه فاتن ؟
ردت فاتن :
ايوه يا افندم
انا فاتن
حضرتك مين !!!
وعاوز ايه ؟؟؟
رد الرجل :
انا واحد من زباين المطعم هنا
وسألت الويتر بتاعكم
عن اشطر طباخه عندكم
فقالي على اسمك
ثم مد الرجل يده في جيبه واخرج مبلغا كبيرا من المال ، واعطاه لفاتن وهو يقول :
انا عندي حفله كبيره بكره
وعاوزك انتي اللي تعملي الاكل
وهاديكي عشرين الف جنيه
ايه رايك ؟؟
ردت فاتن بكل اندفاع :
تحت امرك يا باشا
المكان فين ؟
وكام ضيف معزوم عند حضرتك
رد الرجل :
الفيلا في التجمع الخامس
ولو اتفقنا ...
فانا هابعت لك عربيه تاخدك الصبح
وترجعك بعد الحفله
وتقريبا هيكون موجود تلاتين فرد
واكيد طبعا هتحتاجي حد يساعدك
عرفيني كام واحد وانا هاديكي
عشر تلاف كمان عشان
توزعيهم على المساعدين بتوعك
ردت فاتن بنفس الاندفاع :
انا كده هاحتاج واحده بس
وعندي زميله شاطره اوي
في الاكل السوري
قال الرجل وهو يبتسم :
ده كده عظمه اوي
لان في ضيوف جايين من
سوريا ولبنان
انتهى الحوار بهذا الاتفاق ، وهرولت فاتن للمنزل ، لتخبر جوري بموضوع تلك الحفله
وقبلت جوري ان تشترك مع فاتن في تجهيز الطعام ، فقد كانت الاخيره لا تزال تبحث عن عمل ، وكانت تشعر بالحرج الشديد ، لانها اصبحت عبء على فاتن !!!
--------------------ء
وفي نفس المساء ...
قامت صفاء بالاتصال بنزار ، لتدعوه الى حضور حفل خطوبتها على روسيا !!!
وقبل نزار دعوة صفاء ، وقد رأى انها ستكون فرصه مناسبه لتصفيه الاجواء بينه وبين الجميع
------------------ء
وفي صباح اليوم التالي ...
كانت فاتن وجوري قد ذهبتا الى فيلا "صابر علوان" ، دون ان تدري بهوية صاحب الحفل
فقد تعمد ذلك الرجل ان يدخلهما الى المطبخ من الباب الخاص بالخدم ، وامر كل العاملين بالفيلا بعدم التحدث مع فاتن او جوري
ثم ذهب الرجل ليخبر صفاء بقدوم فاتن وجوري !!!
حيث دار بينهما هذا الحوار ...
الرجل بحزم شديد :
كله تمام يا صفاء هانم
جوري تحت في المطبخ
والفساتين وباقي الحاجات
اللي طلبتيها سعادتك كلها جت
وميشو الكوافير هيكون
موجود الساعه ٥ مساءا
ردت صفاء :
تمام اوي
تسلم ايدك يا محمد
فاضل اهم حاجه
اول ما ميشو يوصل
تبعت لي فاتن وجوري على اوضتي
وتقولها صاحبه الحفله عاوزه تشكرك
رد الرجل بنفس الثبات والصرامه:
اوامرك يا صفاء هانم
---------------------ء
ومع الغروب ...
كانت مراسم حفل الخطوبه قد بدأت ، حيث وصل معظم المدعويين يتقدمهم الزعيم " نزار الصباغ "
وكان موكب روسيا قد تحرك من قلعته الحصينه وهو يضم روسيا ، وامه الحاجه انتصار ، وزاهر وبعض من افراد عائله روسيا واصدقاءه واعوانه
وفي تلك الاثناء ...
دخل مستر محمد الى المطبخ واقترب من فاتن وجوري وقال وهو يبتسم :
الله ينور عليكم يا جماعه
ريحه الاكل تفتح النفس
لو سمحتوا تطلعوا معايا دلوقتي
عشان العروسه عاوزه تشكركم بنفسها
وفي غضون لحظات ، كانت جوري وفاتن قد صعدا الى غرفه صفاء ، وطرقا الباب ثم دخلا ، ليجدا صفاء في استقبالهما
وما ان وقعت عينا جوري على وجه صفاء ، حتى شهقت شهقه قويه ، وقالت بانفعال عظيم :
انت العروسه !!!
شو هالمزحه السخيفه
ظلت صفاء ساكنه ، بينما التفتت فاتن الى جوري وقالت :
في ايه يا جوري !!!
انتي تعرفي الهانم
فهموني يا جماعه
ايه اللي بيحصل !!!
ردت جوري بنفس الانفعال :
هالبنت اللي حكيت لك عنها
هي يللي خطفتني وبعتتني عا سوريا
كادت فاتن ان تنقض على صفاء وتفتك بها ، وهي تقول :
يا بنت ال....
الا ان الرجل قبض على ذراع فاتن بقوه ، ثم قال بصوت اجش :
اللي هاتتجنن فيكم
وتغلط بنص كلمه في حق صفاء هانم
هادفنها مطرح ما هي واقفه
اركبوا العقل كده
واهدوا انتو الاتنين
قاطعه صوت صفاء بلهجه ودوده وهي تقول :
ما يصحش كده يا محمد
سيب دراع فاتن
ولو سمحت سيبنا لوحدنا
دول ضيوفنا وانا اللي غلطت فيهم الاول
وفي لحظات ، خرج الرجل تاركا الغرفه ، واقتربت صفاء من جوري وقالت بكل هدوء :
لو سمحتي يا جوري اهدي شويه
وسامحوني انتم الاتنين
على كل عملته معاكم
انا النهارده حابه اصفي كل اللي فات
وافتح صفحه جديده من حياتي
ردت فاتن بغضب :
ولما حضرتك عاوزه تصفي الموضوع
كان لزمته ايه الحوار الفكسان ده
مسرحيه الحفله والخطوبه والطبخ ده
تبعتها جوري مستطرده :
هيك طبعها يا فاتن
تعشق المؤامرات وشغل العصابات
مو جديده عليها هالشغلات
ردت صفاء بلهجه مستعطفه :
يا بنات اهدوا بقا
وادوني فرصه اشرح لكم الموضوع كله
اولا ...
النهارده فعلا حفله خطوبتي
ومفيش اي مؤامره
ولا نيه للغدر
انا بس مالقتش اي طريقه
اقنعك بيها يا جوري عشان تيجي
الا الطريقه دي
ردت جوري بتعجب :
وشو خصني انا بحفل خطوبتك
ردت صفاء بصوت بكسوه الاسى ، وقد لمعت الدموع في عينيها :
لما تعرفي مين هو خطيبي هتفهمي السبب
خطيبي يبقى ... احمد مرسي !!!!
اللي انا عارفه انه ...
بيحبك انتي يا جوري !!!
هنا خارت قدما جوري من الصدمه ، فجلست وقد امتقع وجهها ، وساد الصمت للحظات
قبل ان تستطرد صفاء وتقول :
خليني احكيلك القصه من بدايتها ...
فاكره يا جوري اول يوم اتقابلنا فيه
الليله السودا اللي
جينا فيها المطعم انا وروسيا
ردت جوري :
يوم ما كنتي بتضربيه بالكرباج
وما قدرت افهم
ليه كنتي تربطيه وتعذبيه !!!
ردت صفاء :
انتي بعقلك كده مصدقه
اني اقدر اربط روسيا وكمان اضربه !!!
بصي يا جوري
من كام سنه كده
روسيا قدر يهرب قنبله من بره مصر
لعميل من العملا بتوعه
وللاسف القنبله دي انفجرت في المطعم
وقتلت ناس كتير ...
ومن ساعتها روسيا بيروح المطعم كل سنه
ويخليني اضرب فيه
لحد ما يغمى عليه !!!
هو بيحس ان الضرب ده
يقلل عذاب ضميره
قاطعتها جوري باشمئزاز :
ما تحاولي تقنعيني
ان واحد مجرم وقاتل مثله
لسه في عنده ضمير
اندهشت صفاء وقالت :
ولما انتي شايفاه مجرم وقاتل
صاحبتيه ليه
وسايبه بلدكم وجايه وراه ليه !!!
ده كان هيموت بسببك
او هيقتل نزار عشان يرجعك مصر !!!
ردت جوري وهي تبكي :
انا لما اتعلقت ب أحمد
كنت فاهمه انه سواق تاكسي بسيط
وياريته كان ضل سواق
وما طلع مجرم !!!
اما بخصوص سفره لسوريا
فأنا ما طلبت منه هالشيء
وما بظن انه كان مهتم بانقاذي لهالدرجه
خصوصا انه لمن عرف انك بخطر
قرر يتركني ويرجع عمصر
حتى ينقذك انتي !!!
ضحكت صفاء وقالت :
هو انتي غبيه يا جوري !!!
مهو طبعا لازم يرجع وينقذني انا
لانه متأكد ان "نزار" عمره ما هيأذيكي
انما عادي جدا كان ممكن يقتلني انا
يا بنتي روسيا ده اذكى واجدع حد
انتي ممكن تقابليه في حياتك
ولعلمك بقا
لا انا ولا روسيا اختارنا اهلنا
احنا الاتنين اتولدنا لقينا اهلنا تجار سلاح
واتغصبنا على العيشه دي
بس انا خلاص قررت اطلع من العيشه دي
واعيش في حالي
بعيد عن شغل ابويا
ردت جوري بانفعال :
شو هالتحول المفاجيء
لا تأخذيني يا اخت صفاء
لكني ما بثق فيكي
وحاسه ان في الامر ملعوب كبير
ردت صفاء بغيظ :
بصي يا جوري
لو عاوزه تمشي دلوقتي حالا
انا مش هامنعك
بس انتي اللي هتخسري احمد للابد
انما لو فعلا بتحبيه
فلازم تقعدي وتتكلمي معاه
وتحلوا مشاكلكم مع بعض
قاطعتها جوري بارتباك :
وانت شو مصلحتك
اني اخد احمد منك
كيف يعني تفرطي فيه بهالسهوله
وانت واضح جدا انك تحبيه !!!
ردت صفاء بكل حسره:
لما تحبي حد اوي كده
بتتمني تشوفيه مرتاح ومبسوط
حتى لو ده على حسابك
وعلى حساب وجوده في حياتك
المهم بقا خلينا نتفق يا جوري
انا هاديكي فرصه عمرك
انك تقعدي مع روسيا
نص ساعه بس
بعدها تحددي انتي هو
هل عاوزين تكملوا حياتكم سوا
ولا كل واحد فيكم يروح لحال سبيله
ردت جوري بارتباك :
وكيف راح تسوي هالشيء ؟؟؟
ردت صفاء والالم يعتصر قلبها :
سيبي الترتيب ده عليا
دلوقتي البسي الفستان ده
وواجهزي كده
وميشو الكوافير بتاعي
هيظبط لك شعرك والميكب بتاعك
وانتي كمان يا فاتن
انا جايبه لك فستان
تحضري بيه الحفله
وبالفعل استجابت جوري لطلب صفاء ، وارتدت ذلك الثوب الاحمر الانيق ، تبعتها فاتن وكلاهما في حالة صدمه وارتباك من تصرف صفاء معهما
فقدت تحولت صفاء فجأه ... من فتاه مجنونه شريره ، الى انسانه رقيقه ومضحيه