هدى بعد ما دخل فضل يرتاح شويه في اوضته قامت حضرت الغداء ودقايق وكانت فريده وصلت. 

فريده انا جيت يا اهل الدار يا ناس يا اللي هنا فريده وصلت 

هدى بابتسامه انت لازما يعني تعملي دوشه ما تدخلي وانت ساكته 

فريده لازم احسسكم بوجودي. عشان لما اغيب اعمل فراغ واوحشكم 

هدى مش هتوحشينا احنا ما هنصدق انك تمشي 

فريده بضحك كده برده يا هدهد ماشي يا ستي مش هصدقك برده وانا متاكده اني هووحشك قوي بس على فكره مش هبعد كثير انا هبقى كل يوم عندك 

هدى ليه بقى ان شاء الله هو انا بجوزك عشان كل يوم تبقي عندي 

انت لازم تبعدي شويه علشان توحشيني يعني اقعدي لك بتاع شهرين ثلاثه كده ما تجيش 

فريده بزعل مصطنع كده برده يا هدهد ماشي واهون عليك 

هدى وهي تحضنها لا يا حبيبتي ربنا يتمم لك على خير ويهدي سرك ويجعلها جوازه السعد واوعي تقطعي بيا لازم تكوني هنا كل يوم. 

فريده شفتي بقى ان كان عندي حق. امال بابا فين 

هدى بابا دخل يرتاح شويه عقبال ما انتوا تيجوا من بره واكون انا جهزت الغداء

فريده اه والله يا هدهد انا كمان هموت من الجوع.

هدى طب يلا ادخلي غيري هدومك وتعالي اعملي معايا مساعده علشان نخلص بسرعه ويكون اخوك حاتم جه وبابا صحي وناكل مع بعض 

فريده حاضر يا ماما. فعلا دخلت فريده تغير هدومها وبعد دقائق خرجت دخلت لمامتها المطبخ وهم واقفين بيحضروا الاكل 

فريده ماما انا عايزه اكلم طب علشان تيجي لازم تكون معايا في الوقت ده مفروض كانت جات من بدري بس مش مشكله 

هدى بابا كلم جوزها وهو قال ان شاء الله هيجوا. بس كلميها يمكن تقدر تيجي بدري شويه وهو تقعد معانا حبه علشان هي وحشتني قوي. 

فريده تمام. كمان علشان تلحق تقعد مع مياده شويه قبل ما تسافر لانها هتسافر بعد فرحي باسبوع على طول 

هدى تمام يا حبيبتي ربنا يتمم لك على خير ويقومها هي كمان بالسلامه ويطمني على صبا. 

فريده وهي تحضنها امين يا رب ويخليكي لنا يا ست الكل.

وفى اللحظه دي دخل حاتم عليهم 

حاتم بتريقه ايه فقره العشق الممنوع دي 

فريده يا لهوي على الرخامه الرخامه كلها وصلت 

حاتم بقى كده برده اقفلي مش انا اخوكي حاتم ماشي دلوقتي تروحي بيت جوزك وتقولي ولا يوم من ايامك يا حاتم. 

فريده وهي تحضنه حبيبي ربنا يبارك لي فيك. 

حاتم ماما انا هموت من الجوع 

هدى طيب خدي يا حبيبي الاطباق جهز الترابيزه عقبال ما انا واختك نطلع الاكل 

حاتم تمام 

وفعلا وقف حاتم وفريده مع امهم حضروا الغداء ودخلوا يتغدوا بعد ما نادوا فضل 

فضل لسه في حاجات كتير ناقصاك يا فريده 

فريده لا يا حبيبي كل حاجه تمام الحمد لله 

فضل طب الحمد لله ربنا يتمم لك على خير يا حبيبتي

هدى هم الولاد هيفضلوا عند امل لحد امتى

فضل انا كلمتها وهيجوا بكره ان شاء الله. ما فيش مروح تاني هناك غير بعد فرح فريده ان شاء الله. 

هدى طيب تمام. انا مش عارفه ليه الولاد ما بقوش يرضوا ابدا يروحوا عند ماجد في بيته دايما هنروح عند تيته امل وبابا يجينا هناك. 

فريده سهر قالت لي ان مراته وحشه تقريبا كده يا ماما مش كويسه معاهم. 

هدى حبايب قلبي والله بيقطعوا قلبي. بس هانت كلها فتره بسيطه وهيسافروا ويروحوا لمامتهم 

حاتم الله اعلم ما يمكن جوز مامتهم كمان يعملهم وحش 

هدى لا جوز صبا شكله حنين وبيحبهم وده كان واضح قوي لما كنا هناك اديكوا شفته كان بيتعامل معاهم ازاي.

فريده فعلا كان بيتعامل بطريقه كويسه قوي وكانه هو باباهم. 

(زواج تحت التهديد بقلمي اسراء محمود اللهم صل وسلم وزد وبارك على سيدنا محمد اشرف الخلق اجمعين وخاتم الانبياء والمرسلين) 

فضل فعلا الولد شكله محترم وكويس جدا ومؤدب وخلوق ربنا يهديه ويهدي سرهم ويرزقه حنان الدنيا والاخره على اولادها 

امن الجميع على قوله 

اما عند مياده وجوزها احمد 

مياده انا تعبانه قوي يا احمد الحمل تاعبني جدا 

احمد وهو يضع على بطنها ويملس عليها بحنان ربنا يقويك يا حبيبتي ان شاء الله تقومي بالسلامه وتجيبي لنا صبا الجميله تنور حياتنا. وتكون زي صبا بالظبط

ابتسمت مياده فعلا نفسي تكون زي صبا في حنانها ورقتها وهدوقها وحبها للناس علشان كده انا هسميها صبا 

احمد والله انا صبا صعبت عليا جدا من الموقف الوحش قوي اللي اتعرضت ليه ده 

مياده فعلا هو موقف رخم بس تحس كان في هدف من الموضوع يعني ربنا مش بيعمل غير الصالح صح 

احمد ونعمه بالله طبعا اكيد في حكمه في اللي حصل 

مياده صبا ما كانش ليها نصيب تكمل بقيه حياتها مع ماجد. كمان انا حسيت بعد الغلطه اللي ماجد عملها صبا نفرت وجوده ما كانتش حابه وجوده معاها. كمان ما تضايقتش خالص انها اتطلقت منه بالعكس كل زعلها هي الطريقه اللي كانت هتتجوز بيها وخوفها على اولادها بس. 

احمد فعلا ان كان يشوفهم قبل كده يقول ان دول اثنين عشاق. بس اهو القدر فرق بينهم علشان كل واحد فيهم ليه نصيب مع واحد ثاني خالص. بس قولي لي يا مياده جوزها اللي هي تتجوزته عامل ايه كويس مش كويس يعني من خلال تعاملكم معاه 

مياده والله انا كل اللي شفته منه ما يجيش غير من راجل محترم وكويس تحس ان جدع وشخصيه كده عنده كاريزما كمان حسيت حنيته على اولادها لما كنا هناك. كمان حسيته بيغير عليها. تعرف انا حاسه ان ممكن تكون في قصه حب جميله هتجمع صبا مع جوزها ده 

احمد ممكن الله اعلم احنا نتمنى كده احنا بنحب صبا ونفسنا تبقى عايشه مرتاحه لو هو فعلا هيكون زوج كويس ومخلص ويحبها خليه لا ربنا يهدي سرهم 

مياده اللهم امين. 

احمد تفتكر هتيجي فرح فريده 

مياده اكيد طبعا دي اختها الوحيده لازم هتيجي وهو اكيد مش هيعارض حاجه زي كده . ثم سكتت قليلا. مش عارفه 

(صلوا على النبي يا جماعه النهارده ليله الجمعه وصلوا على النبي اكثروا من الصلاه على النبي صلى الله عليه وسلم فهو قال صلى الله عليه وسلم. من صلى علي مره صلى الله بها عليه عشر)

تعالوا بقى نرجع تاني عند صبا وعيسى ونشوف احوالهم ايه مع بعض يا ترى صبا هتعمل بنصيحه وهيبه ليها ولا ايه اللي ممكن يحصل كمان عيسى هيعمل ايه علشان يخلي صبا تنسى فكره الطلاق. 

عيسى بعد ما رجع من اسطبل الخيل طلع لغرفته لقى صبا بتلبس ونازله 

عيسى راحه فين 

صبا هنزل اقعد مع ماما وورد وصفا وجميله تحت 

عيسى طيب اقعدي عشان عايزك. جلست صبا على طرف السرير وهو جلس على الكنبه الموجوده في الغرفه. 

صبا خير في حاجه.

عيسى خير ان شاء الله. اولا والدك اتصل عليا من شويه 

صبا باستغراب بابا ليه في حاجه 

عيسى بيعزمني على فرح فريده اختك. 

صبا ماما كانت كلمتني بس قلت لها هشوف عيسى الاول 

عيسى انت مفكره اني ممكن ارفض انك تروحي فرح اختك. سكتت صبا وما ردتش عليه 

عيسى المهم جهزي نفسك علشان نسافر بعد بكره ان شاء الله 

صبا بفرحه بجد يعني هروح احضر فرح فريده واشوف الولاد عيسى كان مبسوط قوي انه شايف فرحتها وابتسامتها.

عيسى ايوه كمان هكلم ورده وصفا وجميله يجهزوا نفسهم عشان يبقوا يحصلونا. 

صبا يعني هنروح قبلهم 

عيسى ايوه اكيد اختك محتاجاك جنبها دلوقتي فلازم تكوني جنبها وهم هيروحوا على الفرح على طول. 

صبا بابتسامه شكرا 

عيسى بغض النظر عن كلمه شكرا دي بس انى فرحان انك مبسوطه 

هزت صبا راسها دون ان تتكلم. 

عيسى المهم في حاجه تاني عاوز اكلمك فيها 

صبا ايه هي 

عيسى انا عارف انك انت وورده وصفا اخواتي بتحبوا بعض جدا وفي حوارات ما بينكم. عاوزك تبقي تكلمي ورد اختي لوحدكم وتشوفي رايها ايه في محمد ابن عمي لانه عاوز يتجوزها 

صبا بفرحه بجد اكيد طبعا هكلمها. 

عيسى عايزك تعرفي رايها ايه علشان لو كده هيتقدم لابويا وهيخطبها ويكتب عليها على طول 

صبا مستعجل قوي يعني 

عيسى هو مش مستعجل ولا حاجه بس هو هيموت عليها من زمان بس كان ساكت لحد ما تخلص جامعه واهو فاضل ترم وخلاص. الراجل لما بتكون قدامه اللي بيعشقها ما بيقدرش يسيطر على حاله كثير 

اتوترت صبا من مخزى كلام عيسى بس تجاهلته تماما 

صبا حاضر هكلمها وهرد عليك. وكانت في نفسها فرحانه ومبسوطه ان عيسى دخلها في موضوع مهم في حياتهم زي ده وده معناه ان هو عاوز يربطها بكل شيء بيحصل معاه حتى ولو يخص اخته. 

عيسى قومي انزلي روحي لامي واخواتي اكيد مستنينك. هزه صبا راسها. وقامت لكي تنزل 

(زواج تحت التهديد بقلمي اسراء محمود لا اله الا الله وحده لا شريك له له الملك وله الحمد وهو على كل شيء قدير وسبحان الله والحمد لله ولا اله الا الله والله اكبر ولا حول ولا قوه الا بالله العلي العظيم) 

اقترب منها عيسى قبل ان تنزل كي يعدل من نقابها الغير مرتب ولكنه على حين غره اقترب وخطف قبله خفيفه من على شفتيها وابتعد سريعا.

وقفت صبا بصدمه تحاول ان تستوعب ما حدث وكان وجهها يشعر احمرارا من كثره الخجل وفرت هاربه من امامه سريعا حتى لا يحدث ما لا يحمد عقباه.

عيسى لنفسه اهدى يا عيسى وحاول تسيطر على حالك اكثر من اكده. انا لازم اخليها تحب من الاول علشان لما اقرب منها يكون بحب وبالرضا. وده ان شاء الله قريب قوي 

نزلت صبا ووجدت كلا من وهيبه وورد وجميله يجلسون في غرفه خاصه بهم يتسامرون ويضحكون. 

خلعت صبا النقاب وهي تائهه وغير مدركه لما يحدث حولها. وهذا لفت انتباه جميله ووهيبه وورد 

جميله بابتسامه واه مالك يا صبا وشك ماله 

صبا باستغراب مال وشي 

ورد بابتسامه كيف الطماطم يا مرت اخويا. 

جميله شكلك ده عيسى كان بيصبح عليكى

خجلت صبا كثيرا من تلميحات الجميله وورد 

وهيبه وبعدها لك منك ليها سيبوها في حالها. هو انتم مش لاقيين حد تعملوا حكاوي عليه 

صبا فعلا يا ماما شكلهم كده ما فيش حد يعمله عليه حفله النهارده 

وضحكوا جميعا. 

وهيبه ربنا يهدي سركم يا بنتي. 

صبا يا رب. ماما فرح اختي فريده ان شاء الله بعد اسبوع وماما كلمتني وطلبت مني اخلي حضرتك وورد وصفا وكمان جميله تيجوا تحضروا الفرح. 

وهيبه الف بركه يا بنتي ربنا يتمم على خير. بس انت عارفه الطريق واعر وانا صحتي ما بقتش زي الاول . تبقى صفا وورد وجميله يروحوا. 

صبا ربنا يديك الصحه. بس لو جيتي الفرح هيكون ليه طعم تاني 

وهيبه ربنا يبارك فيك يا بنتي. بس معلش اديكم هتروحوا كلكم وحسي هيبقى معاكم. 

صبا تمام 

ورده الله فرح تمام اكده انا راشقه معاكم.

ابتسمت صبا لها وقالت عقبال فرحك يا جميل وغمزت لها 

ورد ان شاء الله يا حبيبتي بس هو فين مش لما يجي الاول 

وهيبه واه اتحشمي يا بنت ايه اللي انت بتقوليه ده 

ورد واه ياما انا قلت حاجه انا بدعي بس. 

وهيبه ربنا يرزق ابن الحلال يا بنتي.امن الجميع على دعائها 

جميله وانت مش هتروحي الفرح غير معانا على ميعاده على طول 

صبا لا عيسى قال لي ان احنا هنسافر بعد بكره وانتم هتيجوا مع يونس محمد ابن عمكم 

ورده ايوه يا عم اخويا عايز يستفرد بيكي وغمزت لها 

اتكسفت صبا وبعدين معاكي بقى 

ورد خلاص خلاص اخويا عيسى لو شاف الطماطم اللي على وشك دي كل شويه اكده هتجنني 

وهيبه وبعدها لك يا ورد هملي مرت اخوك بلاش تكسفيها 

جميله سيبيها يا ورده بس بصراحه يا صبا ورده عنديها حق. 

صبا انت كمان لا انا هقوم بقى اطلع. كفايه قوي 

جميله وانا رايك اكده  برده. القعده مع عيسى احسن وغمزت لها سكتت صبا ولم تقدر على الرد ولكن خجلت كثيرا من تلميحاتهم. مر اليومين سريعا وكان فيهم عيسى بيحاول يتقرب من صبا بطريقه غير مباشره علشان تحبه وتحس بيه. كمان هي قالت له انها هتاجل كلامها مع ورد لحد بعد الفرح وهو شاف ان دي فكره كويسه. والنهارده هم خلاص مسافرين رايحين عند اهلها. حضرت صبا شنطه هدومها هي وعيسى بكل حاجه هيحتاجوها في الفتره دي وهي فرحانه جدا ومتشوقه لرؤيه اهلها واولادها اللي ليهم فتره ما شافتهمش. عايزه كمان ركب عربيته الخاصه وكان معاه اثنين من عربيات الحرس اللي ماشيين وراه وكانوا مليانين من خيرات ربنا بعد ما اصرت وهيبه انها لازم تروح بزياره قيمه. وصلت صبا هي وعيسى لمنزل امها وابوها. وطلعت وهي بتجري 

عيسى على مهلك لاحسن تقعي 

صبا ما تخافش عليا. وطلعت فضلت تخبط على الباب بخبطات مختلفه بتدل على مدى فرحتها وحمسها لرؤيه اهلها. دقائق وكان حاتم فاتح الباب واول ما شافها حضنها جدا فضل يبوس فيها وهي كمان تبوس فيه وده كان سبب ان عيسى كان قرب يولع فيهم كانت ودانه حرفيا بتطلع دخان من كتر الغيره. 

عيسى وهو يبعد حاتم عنها مش هتسلم عليا ولا ايه يا حاتم 

حاتم وهو يحضنه منور يا ابو الرجال 

عيسى حبيبي. وفي الوقت ده جات فريده وهدى وكمان فضل اللي سمعوا صوت صبا وفضلوا يسلموا عليهم بشوق ومحبه . دخلت صبا وعيسى لغرفه الجلوس وهي عماله تسلم على امها وابوها واختها بتتكلم معاهم 

صبا امال فين الولاد وحشوني قوي 

فضل عند ماجد وهيجوا بعد شويه. اللحظه دي الباب خبط راح حاتم يفتح الباب والمفاجاه انه كان ماجد جايب اولاده. 

حاتم ازيك يا ماجد اخبارك ايه 

ماجد بخير والحمد لله يا حاتم انت عامل ايه خالي ومرات خالي اخبارهم ايه انا قلت اجيب الاولاد وبالمره اطمن عليهم. 

حاتم اه طبعا اتفضل. ودخل ماجد عندهم واللي اتفاجئ الجميع بيه 

ماجد وهو يرفع عينه السلام عليكم ورحمه الله وبركاته ولكن تصنم مكانه وهو يرى صبا امامه. ولكن مهلا هناك عيون مثل الصقر يخرج منها شرار تقف بجوارها لحظه واحده وكان عيسى واقف قدام صبا يحجب رؤيه ماجد لها وهذا كان انذار لماجد بان من تقف ليس له الحق في رؤيتها فهي اصبحت ملك لاخر وها هو يقف كدرع حامي لها. اما الاولاد لما شافوا مامتهم جريوا عليها وفضلوا يسلموا عليها ويحضنوها وهي كمان كانت بتحضنهم وتسلم عليهم 

ماجد انا اسف كنت جاي اطمن عليك يا خالي بس خلاص اطمنت عليك وهمشي 

خرج ماجد من الاوضه وخرج وراه فضل 

فضل معلش يا ماجد يا ابني بس اديك شايف مش هقدر اقول لك خليك وصبا وجوزها هنا.

ماجد تمام يا خالي.عادى ولايهمك عن أزنك .وانصرف ماجد وهو يبكى ندما على خسارته تلك.

اما جوه عند صبا صبا وحشتوني قوي يا ولاد عاملين ايه 

سهر وانت كمان وحشتينا قوي يا ماما. 

ساهر انت وحشتيني قوي يا ماما ويحضنها جامد 

عيسى وانا بقى ما وحشتكوش ولا ايه. التفت اليه الاطفال وهو يفتح لهم يده فجريو عليه وحضنوا. 

ساهر وحشتني يا عمو. 

عيسى وانت كمان وحشتني قوي قوي عارف انا جايب لكم معايا حاجات حلوه كتير 

ساهر بجد 

عيسى طبعا بجد ليك انت وسهر تعالوا ننزل نجيبها من العربيه . فعلا نزل هو والاولاد وجاب لهم حاجات كثير كان جايبها معاه ديهم حلويات والعاب والاطفال فرحوا بيها جدا كمان صبا انبسطت لانها ما كانتش عارفه حاجه عن الحاجات دي واتفاجئت انه مهتم باولادها جدا وده فرحها جدا. 

فريده اخيرا جيت يا صبا في حاجات كتير جدا لسه محتاجاها وكنت محتاجاك معايا 

صبا اديني جيت يا حبيبتي وهفضل معاكي لحد ما توصلي لعريسك

فريده تمام تعرفي البنت مياده لو عرفت انك جيتي هتيجي حالا 

صبا تعرفي وحشتني جدا بنت الايه.احمد جه ولا لسه.

كانت هناك في هذه اللحظه عيون تكاد تقتل صبا من هذا الاحمد التي تسال عنه 

فريده جاء وسال عليك وكان فرحان جدا بحمل مياده وهيحضر معانا الفرح اجل سفره علشان يحضر فرحي بيشوفك ويطمن عليك. اشتده غضب عيسى وغيرته التي تريد ان تقتل تلك الفتاتين وهم يتحدثون بتلك البساطه عن هذا الشخص اللعين بالنسبه له.

عيسى بغضب مكتوم مين هو احمد ده 

فضل احمد ده  اخو صبا في الرضاعه وهو جوز مياده صاحبتها كانوا دايما مع بعض ما بيفترقوش بس هو سافر وهو متعود يسال عنها ويجي يسلم عليها  كمان .كان بيروح لها بيتها لما كان بيجي من السفر علشان يسال عليها ويطمن عليها. بس طبعا الحال دلوقتي اتغير. 

عيسى اطمن نوعا ما لانه اخوها بس برده هو بيغير عليها ده كان هينفخ حاتم من شويه وهو حاضنها وبيبوسها ما بالك بذلك الرجل. هدى لحظه غيره عيسى على صبا وفرحت جدا. وعرفت انه اكيد بيحبها لان الراجل مش بيغير على واحده ست الا اذا كانت حبيبته وده شيء طمنها الى حد ما. 

هدى قومي يا حبيبتي خدي جوزك وادخله ريحوا شويه من الطريق لحد ما احضر لكم الغداء. 

صبا تمام. روح يا ولاد مع خالو حاتم العبوا بالحاجات اللي جابها لكم عمو هرتاح شويه من السفر وهقوم العب وياكم ايه رايكم 

الاطفال تمام يا ماما. وجريو ا دخلوا مع حاتم الاوضه. وهي قامت دخلت الاوضه هي وعيسى وبدلوا ملابسهم وناموا بسبب تعب السفر. 

هدى لفضل خدت بالك يا فضل 

فضل من ايه 

هدى من عيسى جوز بنتك 

فضل بابتسامه اه حسيت انه غيران لما اتكلمت على احمد 

هدى فعلا هو ده ان انا اخذت بالي منه كمان وده اللي انا اخذت بالي منه كمان. معنى كده انه بيحبها ربنا يهدي سرهم 

فضل اللهم امين. وتعدي ساعتين وهم نايمين وتقوم صبا وعيسى على صوت خبط جامد على الباب بتاع الشقه. تكون طبعا مياده اللي عرفت بوجود صبا وجديد علشان تشوفها. 

عيسى بنوم ده مين اللي بيخبطك اكده عليكم 

صبا بصوت شبه نائم وابتسامه دي اكيد مياده هي الوحيده اللي بتخبط كده. 

اعتدل عيسى من رقدته. عيسى تمام يلا نقوم علشان نخرج كفايه نوم لحد كده. 

صبا تمام يلا بينا. وقامت صبا بدلت ملابسها البيجامه بيتيه مريحه ولكنها محتشمه. لان جميع من في المنزل يحق لهم رؤيتها بهذا الوضع 

عيسى انت هتخرج اكده

صبا اه فيها ايه ما فيش حد هنا غريب 

عيسى مش بتقولي صاحبتك مياده بره اكيد جوزها معاها ما ينفعش يشوفك كده 

صبا لا احمد مش ممكن يجي دلوقتي هيجي بالليل وهبقى البس عبايه فوق هدومي وخلاص 

عيسى ووشك 

صبا ماله وشي 

عيسى لازم تلبسي النقاب

صبا انا مش بلبس النقاب قدام احمد لانه اخويا. واخويا عادي جدا يشوفني بوشي اه مش بخلع قدامه الحجاب بس وشي عادي 

عيسى يا ريت تلبس النقاب قدامه علشان انا حابب اكده.

صبا بتقدير تمام حاضر. ثم قامت بارتداء الاسدال عليها واخذت معها النقاب ولبسته حتى تتاكد اولا ان احمد غير موجود وخرجت 

مياده وهي تصرخ صبا وحشتيني وحضنتها 

صبا حبيبتي يا مياده انت وحشتيني كتير ما شاء الله بقيتي بكرش حبيب خالتو عامل ايه. 

مياده وانت الصادقه دي حبيبه خالتو 

صبا ما شاء الله حامل في بنوته 

مياده اه حامل في صبا 

صبا بفرحه حبيبتي يا مياده هتسميها صبا.

مياده اه طبعا انا عندي اغلى منك كمان احمد فرح قوي لما قلت له كده 

صبا حبيبتي امال هو فين صحيح 

مياده كان في مشوار وهيخلصوا هيجي على هنا لانه عرف انك جيتي 

صبا تمام. هو في الوقت ده دخل عيسى وسلم على مياده بكل احترام وخرج. 

مياده قولي لي يا بت يا صبا مالك طالعه كده بالاسدال والنقاب في ايه 

صبا عيسى طلب مني كده علشان كان مفكر احمد معاكي 

مياده وفيها ايه ما احمد على طول بيبقى موجود وبتقعدي بوشك 

صبا بتنهيده هو طلب مني كده وانا ما حبتش ادخل معاه في جدال 

مياده بغمزه شكله بيغير عليك يا كوتش 

صبا سيبك مني عامله ايه في حملك 

مياده الحمد لله كويسه يعني شويه التعب اللي انت عارفاهم بتوع الحمل وهو ربنا يستر 

صبا ربنا يقومك بالسلامه يا حبيبتي هتسافري امتى 

مياده بعد الفرح باسبوع 

صبا بالسلامه بس ما تطولوش الغيبه

مياده انا ما بقدرش ابعد اصلا بس اعمل ايه ظروف احمد كده 

صبا ربنا يقويه يا حبيبتى 

وبعد شويه جه احمد وسلم على صبا واستغرب انها قاعده قدامه بالنقاب كمان كمان نتعرف على عيسى وحبه جدا وعرف من مياده ان عيسى اللي طلب من صبا انها تلبس النقاب قدام اي حد حتى لو كان هو. واحمد احترم ده جدا وعرف انه بيعمل كده بدافع الغيره والحب واطمن على صبا ان كان خايف عليها من بعد ما عارف الموضوع اللي حصل معاها فضلوا قاعدين كثير مع بعض وبعد كده استاذن احمد هو ومياده وروحوا وفضلوا صبا وعيسى واهلها مع بعض والاولاد شبطوا انهم يناموا مع امهم وعيسى وافق اخذهم يناموا معاهم والولاد كانوا فرحانين جدا بده وكل يوم كانوا بيتعلقوا بعيسى اكثر. اللي كان بيعمل كل اللي يقدر عليه علشان يبسط الاولاد وده كان مفرح صبا واهلها جدا مرت ايام بسرعه وكانت صبا مشغوله مع فريده وكان معاهم مياده بسبب الفرح والتجهيزات كمان عيسى كان واقف مع فضل وحاتم وحس فضل وكانه ابنه فعلا وفرح جدا بانه اكتسب ابن زي ده. هدى كانت مرتاحه لانها حست مدى حب عيسى لصبا وده طمنها جدا على بنتها. وعدت الايام بسرعه وجاء يوم الفرح الصبح وجات ورد وصفا وجوزها وجميله ويونس وكمان محمد ابن عمهم علشان يحضروا الفرح وصبا كانت فرحانه جدا. بالتجمع ده. وحضر الفرح ان كانت صبا جميله جدا رغم احتشامها وده كان مخلي عيسى عينه معلقه معاها طول الفرح 

ورد واخده بالك انت يا صبا 

صبا من ايه بقى يا ستي 

ورد من واحد كده ما شالش عينه من عليك من وقت ما بدا الفرح

صبا باستغراب ومين ده بقى ان شاء الله 

ورد هيكون مين يعني اخويا عيسى 

صبا يا سلام 

ورد طب بصي بعينيك عليها كده وفعلا بصيت صبا ناحيه عيسى لقيته باصص وسرحان فيها وده خلاها تفرح وتحس باهتمامه بيها وكمان تكون مكسوفه من نظراته. 

صبا تعرفي فعلا بس مش انا لوحدي ان في حد هياكلني بعنيه 

ورد قصدك مين 

صبا في هنا حد كمان هياكلك بعينه بس يا عيني مش قادر يتكلم 

ورد واه وده مين ان شاء الله.

صبا محمد ابن عمك اللي ما شالش عينه من عليك من اول ما جيتوا وسرحان وباين عليه انه غرقان لشوشته

ورد يا سلام. اتكسفت جدا من كلام صبا حاولت تغير الموضوع 

صبا ماشي غيري الموضوع براحتك بس على العموم في جلسه بيني وبينك لما نروح ولازم اكلمك في موضوع مهم. 

ورد موضوع ايه 

صباقلت لك لما نروح. وانتهى الفرح وراحت فريده مع جوزها. وفضلت صبا مع اهلها يومين بعد الفرح وكان يونس اخذ ورد وجميله وصفا وكمان جوزها وابن عمهم محمد ورجعوا البلد اما عيسى كان مع صبا اللي صمم منهم يفضلوا كمان يومين لحد ما يطمنوا على هدى وفضل كمان علشان هي تقعد حبه كمان مع اولادها. بس كان لازم يمشي علشان عنده شغل وهو قاعد هنا كتير ودعت صبا اهلها واولادها ان كانوا زعلانين جدا انها ماشيه وهي وعدتهم انهم قريب قوي هيروحوا عندها بعد ما يخلصوا دراسه وهيفضلوا معاها على طول ومشيت وهي زعلانه عليهم وعيسى احاول يهديها وحاول يعمل حاجات كتير تفرح الاطفال قبل ما يمشوا وده اللي حصل فعلا.