سيف بغضب: اه وايه كمان.. البنات لفت بصدمه وخوف 

: والله عال لما تلت سيدات محترمين واقفين يتكلموا على راجل بالطريقه دي وانتم يعتبر وجهه الشركه وقدوه لباقي الموظفين سبتو ايه لغيركم...

ياسمين بتوتر: سيف ده يعني.. 

سيف قطع كلامها: بس خلاص حسابنا بعدين يلا انت وهي على جوه مع الناس.. وشاور على ياسمين وندى.. وانتي تعالي معايا .. ومسك دموع من دراعها وسحابها وراه دموع حولت تفلت ايديها 

: سيب ايدي يا سيف اوووعه كده ما ينفعش سيبني بقول لك.. قالت الاخيره بصوت عالي ..

سيف فتح المكتب وزقها على جوه ورزع الباب وراه دموع اتنفضت في مكانها والخوف ظهر اكتر عليها لما شافت منظر المكتب اللي اغلبه متكسر..

سيف فضل رايح جاي في المكتب بعصبيه وقرب من دموع بسرعه وواقف قدامها :يلا انا سامعك 

دموع بخوف: مش فاهمه..

: عمل لك ايه عشان تقولي عنه جريء قرب منك لمسك اتمادى معاكي بالكلام حصل ايه هناك انطقي بدل ما اطلع اولع في الشركه باللي فيها انا جوايا نار اخلصي..

سيف كان بيتكلم وعروقه نفره وصوته كله غضب دموع استجمعت نفسها: ما يخصكش وبعدين بصفتك ايه بتسال..

سيف بحده: بصفه اخوك يا روح امك اخلصي يا بت عمل لك ايه..

دموع ببرود: معملش حاجه وبعدين ما تخافش عليا انا بعرف احافظ على نفسي كويس مش ماشيه ابوس في الرجاله يمين وشمال.. وهي قصدها على بيري..

سيف بسخريه لازعه: واضح من كلامك عليه انه جنتل مان وحلوه قوي للدرجه دي الخروف اللي نايم في البيت مش مالي عينك..

دموع بصه ليه بصدمه وبكل غضب نزلت بالقلم على وشه: انا ما اسمحلكش يا حيوان وبعدين وانت مالك اصلا ده مش غلطك ده غلطي انا ان اديتك اكبر من حجمك وتدخلك في خصوصياتي وفي الاخر بتعيب فيا وفي جوزي بني ادم وووقح.. وسبته وخرجت وهي بتمتم بعصبيه وحزن وكسره في قلبها..

سيف كان واقف مصدوم من كلامه اكتر من قلم وكلام دموع وحاسس انه زودهم بدون وجه حق وان دي حاجه ما تخصهوش وعمل كده بدافع الغيره والغضب على واحده ملك راجل ثاني واخذ قراره ان مهما حصل مش هيتدخل في شؤونها وهيتجاهلها تجاهل تام وخد بعضه وخرج لغرفه الاجتماعات وهو مش حاسس باي حاجه ومشاعره متبلده ولا غيره ولا غضب ولا حزن ولا حاجه خالص..

الاجتماع خلص وتم الدمج الشركتين وانتهى يوم صعب على بعض...

بالليل كان فارس وسيف وتميم سهرانين مع بعض عند سيف اللي كان قاعد بيشرب ويدخن بشرود

وتميم فتح الكلام: احم بقول لكم ايه..

سيف وفارس انتبهوا ليه 

: انا عايز اطلب ايد ياسمين ايه رايكم انا قلت بما انكم اخواتها افاتحكم انتم الاول في الموضوع 

سيف بابتسامه: اكيد مش هتلاقي راجل زيك يا باشا 

تميم بص لفارس اللي ساكت: وانت ايه رايك يا فارس 

فارس:بصراحه مش عارف هو انت عينك من اختي اللي احنا مامنينك عليها ويعتبر هي معاك اكثر مننا في كل حته يا تميم 

تميم بهدوء: عيب يا فارس انا احميها بروحي ويعلم الله اني امين عليها وبعدين ده انا اتمنى توافق انا هلاقي زيها فين.. ست البنات وعمرها ما خرجت منها العيبه ..وبعدين انا طالب ادخل البيت من بابه ولا رفقتها في الحرام 

ولا بصيت لها بصه عفشه احنا رجاله متخرجش مننا العيبة...

فارس بضحكه: بس بس خلاص ايه يا عم ده انا قشعرت يا جدع وبعدين احنا عمرنا ما هنلاقي في رجولتك ولا في جدعنتك يا تميم وهو تكمل حمايتها بس هتكون حرمك المصون

تميم بص ليه بصدمه وسيف ضحك: ما انت اللي غلطان حد ياخد راي التافه ده 

: مقبوله منك يا بروو بس قول لي مالك صح انت من الصبح حاسك مش تمام..

: اتخانقت مع دموع..

: وايه الجديد ما انت على طول بتتخانق مع دموع 

سيف بخفوت: المره دي غير انا زودتها وضربتني بالقلم 

فارس بصدمه: ييييح بالقلم يا نهار فحلقي انت اتحرشت بيها ولا ايه يا بروو هههههه

سيف بص ليه بقرف: اخرس يااه.. وبص ليهم بخبث.. اصل سمعتهم واقفين هي وندى وياسمين بيتكلموا على ادهم زيدان وبيقولوا عليه جريء وجنتل وحلو وكلام ابن مراا...

تميم وفارس اتعدلوا بصدمه: انت بتقول ايه لا انا عايز تفاصيل التفاصيل يا برو خخخخ احاااا ي ندي 

: لا ندى ما تكلمتش عليه 

فارس فرد ظهره ونفش ريشه: اصيله 

سيف كتم ضحكته: كانت مركزه مع المز اللي جنبه 

: واطيه بنت كلب..

سيف ضحك على اخره وبشماته: انت شفت حاجه دي كانت هيمانه وبتقول لدموع من القمر اللي غمز لك ده قالت لها انت كنت فين ده ادهم خراا قالتلها  اصلي كنت مركزه مع المزه اللي جنبه... و دموع قالتها انه جريء وكلام ابن وسخه شبه جوزها...

بص لتميم وهو كاتم ضحكته: راحت ياسمين قالت لها ااه جريئ مووت ده تميم كان هيتشل منه ساعه العشا 

هو انت كنت هتتشل ليه يا تميم صحيح..

تميم بعصبيه: عيل ماسخ كيف الحريم وكلامه ونظراته وعينيه كنت عايز افجعهم لي ومسك ايديها وفضل يتنحنح كان هاين عليا اجطعها انا مش عارف ايه

 اللي لم سالم بيه عليهم..

: انا اللي هيجنني هو عمل ايه لدموع وهي في الشركه عنده عشان تقول عليه كده.. ومسك شعره بعصبيه.. المشكله ان انا السبب هي  راحت هناك بسببي كل ما اتخيل انه لمسها ولا قال لها كلمه ما عجبتهاش ببقى عايزه اروح اولع فيه 

فارس بعصبيه: والله انت بعد اللي قلته ده كلنا عايزين نروح نولع فيه كانت ناقصه قرف هيا.. وتعدل وهو بيخبط على الترابيزه.... بقول لكم ايه احنا كده قاعدين بنبكت في نفسنا وسايبين الموضوع الاساسي احنا لازم نحط عينا وسط راسنا لاولاد الوسخه دول ويا احنا يا هما احاا هو انا عارف اطولها لما يجي غيري يلاغيها البت هتتشقط مني يا ولاد المراه...

سيف ببرود: انا عن نفسي ما ليش دعوه..

تميم وفارس بصوا ليه باستغراب 

سيف: ايه انت ركز مع حبيبتك اللي هي مش حبيبتك.. وانت ركز مع مراتك المستقبليه اما دموع ما تلزمنيش ولا لي دعوه بها دي واحده متجوزه انا مالي...

فارس بسخريه: اه اه عندك حق فعلا انا صدقت وتميم صدق وكلنا مصدقين ما تقلقش 

سيف برود: فكك يا فارس 

: هفكني حاضر بس ما تنساش انك انت اللي لطتها مع العر* ده زي ما قلت انك السبب ودموع هبله وعلى نياتها على العموم ركز انت بس مع بيري وانا هخلي بالي من اختي ومن دموع وندى ويلا تصبح على خير انا مروح بيتنا امي وحشاني ابقى تعالى زورها واعتبرها انها امك في مره سلام...

سيف زمجر بغضب واخذ الكاس وخبطوا في الحيطه اللي قدامه..

تميم مسك ايده: اهدى يا سيف وكل حاجه هتكون تمام 

سيف خد نفس ومسح وشه: ما فيش حاجه يا تمام روح وراه انا مش عايزو يرجع يسهر في الاماكن اللي بيروحها تاني يلا الحقوا وروح معاه..

تميم وقف: ماشي سلام تصبح على خير..

: سلام.. قالها سيف وكالعاده هرب من همومه في الرسم بعد ما شغل مكبر الصوت وبعد ما اخلص اخذ السجاير 

وطلع البلكونه وسمعها: بسس بسسس مشااكس تعالي هنا مشااكس متخرجش البلكونه..

وشاف قط اسود بفرو بيلمع وعيون خضراء نط في بلكونته شالوا بين ايديه وحضنه القط اتعلق فيه وطلع فوق كتفه..

وطلعت معذبته باسترتش وبادي حمالات وشال على كتفها وشافت سيف وعلى كتفه القط بتاعها واتعصبت: مشاكس تعالى هنا 

سيف بسخريه من غير ما يبص ليها: رد عليها مشاكس وخليك ولد مطيع

دموع نفخت بنرفزه: هات القط يا اسمك ايه انت 

سيف بص ليها برفعت حاجب ودخل وما عبرهاش ودموع كانت واقفه مصدومه من نظراته الحاده اللي ما تختلفش عن نظرات قطها اللي كان على كتفه ودخل المستفز و معبراش وخد قطهاالعزيز..

سيف مسك القط بين كفوفه: اخلص من صاحبتك تطلع لي انت 

:ميااوو

سيف ضحك: الله يحرقك يا دموع انا حالتي بقت تتطور بسببك من الكلام مع نفسي للكلام مع الحيوانات ولسه تعالى يا سيدي..

 وراح بيه المطبخ طلع له علبه تونه وحطها في الارض مع طبق صغير في ميه ودخل ياخد شاور قبل ما ينام..

دموع دخلت الشقه وهي بتتكلم بنرفزه حسين كان لسه داخل وشاف دموع بتكلم نفسها: ما شاء الله وبقيتي تكلمي نفسك كمان يا ست المديره 

دموع بعصبيه: بقول لك ايه يا حسين بلا مديره بلا زفت فكك مني مش ناقصه برودك 

حسين بعصبيه: مالك يا بنت الكلب انت انا كلمتك 

دموع: بقول لك ايه احترم نفسك وما تغلطش انا بحذرك 

حسين مسك شعرها: ايوه خير يا بنت الكلب تاني هتعملي ايه يعني ايه النكد والقرف ده يلعن ابو امك 

ودبت بينهم خناقه وصوتهم كان عالي سيف سمعهم وهو بياخد شاور ومتمزج وعمال يغني وقالوا عليكي....

ثاني يوم الصبح في الشركه كلهم وصلوا ودموع كانت واقفه في الريسبشن بتطبع اوراق لقيت ادهم بيقرب منها 

وفي ايده كوبايتين قهوه: صباح الخير يا قمر 

: صباح الخير يا مستر ادهم... قالتها دموع بعمليه 

ادهم عض شفته وقرب منها: اتفضلي جبت لي الكوفي معايا 

دموع ابتسمت بهدوء: ميرسي ما كانش في داعي تتعب نفسك 

: ولا تعب ولا حاجه يا قمر 

: دومي منور الشركه يا برنس تعالى عايزك في حوار... قالها فارس اول ما شافه واقف مع دموع وهو ولا في 

حوار ولا نيله 

وقرب من دموع بخفوت: لمي نفسك شويه بلا مستر ادهم بلا محن انا بقول لك اهو الشركه دي فيها راجل قولي لصاحبتك ان دورها جاي انا فوقت لكم يا ولاد ال... وعض على شفته ومشي وهو بيشد ادهم وراه 

سيف كان متابع من بعيد واول ما فارس اتحرك عدا

 من قدام دموع وبكل برود الدنيا خد الكوبايه الورقيه ورماها في الزباله وكمل طريقه ولا كانه عمل حاجه وهو ماشي يتمخطر بغرور وكالعاده دموع كانت واقفه بتبص ليه بتعجب.. اللي هو ماله المجنون ده..

وهزت دماغها وكملت شغلها وافتكرت كلام فارس وضحكت ...عليه وهي فعلا معتبره اخ ليها احساس ان يكون ليكي اخ يخاف عليك ويهتم بيكي ويوجهك للصح والغلط ده احساس جميل مفتقداه دموع وبتحسه مع فارس عشان كده بتحبه برغم دماغه السوا..

ندى كانت قاعده في مكتبها وسمعت الباب بيخبط اتعدلت بهدوء: اتفضل 

الباب اتفتح ودخل عاصم زيدان ندى وقفت بابتسامه: اتفضل يا استاذ عاصم 

عاصم: ابتسم صباح الخير 

: صباح النور حضرتك محتاج حاجه 

: لا ابدا انا بس حبيت اتعرف عليكي امبارح ما لحقناش نتعرف كويس انا المحامي عاصم زيدان.. ومد ايده

: اهلا بيك غني عن التعريف طبعا انا ندى... وسلمت عليه 

: اهلا يا ندى انا حبيت يكون بينا معرفه عشان الشغل يكون اسهل 

: اكيد طبعا تحب تشرب ايه 

: لا ما فيش داعي يا جميل انا بس حبيت اعرف شويه حاجات منك لو ما فيهاش تعب طبعا 

: اه اكيد اتفضل اقدر اساعدك ازاي وقعدت ندى قدام عصام وشويه يدردشوا وشويه يتكلموا في الشغل وندى كانت معجبه بلباقته واسلوبه في الكلام وشكله الرجوله وهدوءه الجذاب 

دخل فارس المكتب وشافها بتضحك مع عاصم وهو بيحكي لها عن اول معرفه ليه 

: طب ايه هنشوف شغلنا ولا هنفضل نضحك ونهزر كثير 

ندى اتعدلت ببرود: اتفضل يا فارس بيه خير 

فارس بسخريه: خير اللهم اجعله خير قلبه مرفرف زي الطير يا اختي... فين الملفات اللي سيف طلبها منك انا خلصت المطلوب فين شغلك 

ندى وقفت وراحت عند المكتب: خد دول وديهم وانا هخلص الباقي وحصلك اتفضل 

: لا مع نفسك بقى انت وسيف حرين 

: انا ممكن اساعدك لو تحبي واه ارد الجميل 

: لا ميرسي يا عاصم ما فيش داعي 

:يامحنننني قالها فارس... بهمس وهو بيجز على اسنانه 

عاصم وقف: احم طب استاذن انا ولو احتجتي اي حاجه في اي وقت الكارت معاكي يا جميل عن اذنكم 

: اتفضل... قالها فارس ببرود وهو بيشاور ناحيه الباب 

وقرب من ندى بعصبيه: فين الكارت بتاع ابن المراه ده 

: وانت مالك 

: ندى ما تقرفنيش انجزي فين الزفت 

: اهو خير بقى 

فارس خد منها الكارت وقطعه: احنا جايين نشتغل مش نشقط يا بنت صباح فوقي والزفت ده تبعدي عنه يا ندى الشغل الهق والمئ والمحن ده مش هنا...

ندى بسخريه: والله مين بيتكلم ما تقول لنفسك 

: انا غيرك انا راجل انتي بنت اقل غلطه هتدمرك وتدمر سمعتك خلي بالك يا ندى انت حره انا حذرتك 

ندى ببرود: وانا مش محتاجه تحذرك يا فارس وفروا لنفسك ولحريمك انا بعرف احمي نفسي كويس..

فارس بغضب: ماشي يا ندى واعتبريني ما قلتش حاجه ولو شفتك بتولعي مش هعبرك سلام 

فاتت الايام وعاصم بيقرب من ندى اكتر وهي بتقنع نفسها ان هو ده الشريك المثالي والمناسب ليها..

وادهم مش بيخلي فرصه غير هو بيحاول يقرب من دموع اللي لسه بتصده...

بيري كانت ال 24 ساعه في مكتب سيف ودي حاجه كانت بتجنن دموع..

ندى كانت مش مهتميه بتجاهل فارس ليها لان عاصم كان دايما حواليها....

تميم كل يوم بعد الشغل يوصل ياسمين للدكتوره النفسيه ودايما جنبها وبيشجعها و حياتهم هاديه 

في يوم في الشركه في مكتب ادهم كانت بيري وعاصم عنده..

بيري كانت قاعده حاطه رجل على رجل وبتتكلم بقرف: مش ناويين تبطلوا رمرمه وتفككم من دموع وندى وكفاياكم جري وراهم.. ونشوف شغلنا احنا كان زمانه اعلنا افلاسنا لولا بابا دمج الشركه دي مع سالم الالفي وانتم هنا بتجروا ورا بتوع الحاره...

ادهم بسخريه: شوف مين بتتكلم انتي ما بتخرجيش من مكتب سيف يا قلبي..

بيري ببرود: اديك قلتها سيف... سيف القاضي يعني ملايين مش بتنتهي انا لو عرفت اوقعه يبقى يا بختي مش شويه اوباش من حاره معفنه... واحد فيكم يحاول مع ياسمين الالفي بدل ما هي مقضياها مع حته سواق معدوم هياخد فرخه بتبيض دهب انتم اغبياء ليه..

ادهم بسخريه: ونوقعها ليه لما ممكن لو سمحت يا عمي انا طالب ايد بنتك...

: طب ما تعملها 

: مش هعملها غير لما ادوق دموع اصل بحب الحزين قوي هههههه... وبعدين سيبك من انهم من حاره المهم هم هنا ماسكين كل الشغل وده اللي احنا محتاجينه عشان نسيطر على الشركه عن طريقهم...

بيري بعصبيه: انتم فعلا اغبيه ورجاله معدومه الذوق انا مش عارفه فيهم ايه ندى ودموع عشان انت وسيف وعاصم وفارس هتتجننوا عليهم دي دموع لحسه دماغ سيف ال 24 ساعه متابعها ومراقبها ده غير اسلوبه وطريقته ونظراته اللي بتتغير 360 درجه لما يشوفها

او تتكلم معاه.. وبسخريه.. ما لكش فرصه يا دومي 

سيف القاضي نفسه ما عرفش يوقعها...

وسابتهم وخرجت وهي طالعه شافت دموع ماشيه خبطت فيها بقصد وبصت ليها بقرف من فوق لتحت ودخلت مكتب سيف وهي بتبص لها بسخريه...

ادهم بص لعاصم: بتفكر في ايه..

عاصم بشرود: بفكر اقول لندى اني عايز اخطبها عشان تلين معايا شويه انا حاسس ان هي مياله ليا بس مسترجله قوي 

ادهم بضحكه: وانا اللي فكرتك بتفكر في حاجه مهمه احنا فعلا اغبيه بس البنات بلدي قوي وعايزين يتاكلوا اووووف هتبقى وجبه دسمه جدا هموت واكلها...

: ومين سمعك دي ندى عليها حته جسم اوووف كرباج

ادهم: ايه رايك نعزمهم على الغداء النهارده اصل الاشكال دي جعانه لو صرفت عليها واكلتها وخرجتها وجبت لها هدايا تفتح لك رجليها بكل سهوله 

: تمام نجرب ليه لا مش خساره فيهم كام الف  

: طب يلا يلا خلينا نشوف الاجتماع اللي ورانا ده وفي استراحه الغداء نعزمهم 

وخرجوا عشان عندهم اجتماع بخصوص اتيليه هيتم افتتاحه وفي كولكشن فساتين لازم يتعرض ضمن الاعلان 

سيف اتعدل وبعمليه: بس كده تمام قوي نعرض الاعلانات اللي جهزناهم للمعرض ويختاروا اللي يناسبهم وكده مش هيكون فاضل غير الموديلز اللي هيعرضوا الشغل 

ادهم: والله انا من رايي بدل ما نجيب موديل بيقبضوا بالدولار نخلي دموع تعرض الكولكشن كله وبعدين مش هنلاقي اجمل منها اكيد 

دموع بصدمه: انا 

ادهم ابتسم: اه انتي

: لا لا انا مش هقدر طبعا 

عاصم: ليه لا وممكن كمان ندى تكون معاكي وبيري وياسمين 

بيري بابتسامه خبيثه: انا ما عنديش مانع 

فارس كان لسه هيعترض كان سيف اتكلم: رايك مرفوض 

: طب ده لي 

سيف بص لي بقرف: عشان مش هخلي اختي تطلع تستعرض جسمها ومنحنياتها والناس كلها تتفرج عليها عشان اوفر 3000 دولار هتاخدهم موديل ده شغلها..

ادهم بسخريه: تفكيرك بلدي او يا سيف ده حتى انا سمعت انك كنت عايش في فرنسا 20 سنه المفروض تكون بتقدر الجمال ودموع ايقونه جمال 

دموع توترت من نظرات سيف اللي بص ليها بغضب والقلم وقع منها نزلت تجيبه من تحت الترابيزه 

وتصدمت لما لقت رجل بيري بتحسس على رجل سيف بكل فجر وفهمت ابتسامتها الخبيثه سببها ايه اتعدلت وهي وشها احمر ومش قادره تبلع غصتها..

سيف بغضب: والله مش معنى اني قعدت بره كتير فالمفروض ارجع وقروني للسما وبعدين يا ريت يكون في حدود بينك وما بين باقي الموظفين مش قاعدين في بيت خالتك احنا..

دموع بصت على سيف لقيته لسه بيتكلم مع ادهم وهو ولا كانه في واحده بتتحرش بيه وما كانتش قادره تمسك نفسها الموضوع علي مزاجه يعني 

قامت وقفت وبصوت عالي: وانا موافقه.. انا هعرض الكوليكشن يا ادهم في تصوير الاعلان عن اذنكم 

ادهم عضه على شفته ورفع كتفه لفوق وبص لسيف بتحدي: وافقت 

سيف خبط على الترابيزه: وانا مش موافق وما تنساش ان اي حاجه لازم تحصل في الشركه هتكون بقرار مني انا في الاول وفي الاخر يلا الاجتماع انتهى اتفضلوا 

الجميع انسحبوا بهدوء الا بيري اللي فضلت قاعده مكانها لحد ما كلهم خرجوا... دموع كانت في الحمام غسلت وشها مره واثنين وهي بتحاول تمنع دموعها وحاسه ان قلبها وجعها وكرهت اليوم اللي افتكرت فيه انه بسها وغمضت عينيها بقهر على حالها واللي وصلت ليه وهي واحده متجوزه....

قربت من سيف اللي واقف وباين عليه الغضب: ريلاكس يا سيف مالك اهدى ما تعمل الاعلان انت مهتم ليه خليك معايا انا وحطت ايديها على رقبته وبتقرب عشان تبوسه..

سيف مسكها من رقبتها وخبطها في الحيطه: انت عايزه ايه هااا

بيري عضت عد شفتها بمحن: اه عايزاك انت ومش هتنازل من ساعه ما بوستني في شرم وانا مش قادره ابعد عنك يا سيفي..

سيف: انا كنت سكران وبعدين انا ولا بتاع حب ولا جواز والقرف اللي بتعمليه ده مفكره انك هتوقعيني بيه فكك منه كله بمزاجي يا حلوه سامعه.. وضغط على رقبتها اكتر بيري ئنت بمحن.. سمعته دموع اللي خرجت من الحمام وراحت تاخد حاجتها من غرفة الاجتماعات دخلت بهدوء وشافتهم واقفين بيري لمحتها وقربت بسرعه من سيف وقفشت في شفايفه.. 

دموع شقت بصوت عالي.. وسيف لف بسرعه وشاف دموع بتاخد حاجتها وخرجت بسرعه وبصت لهم وهي خارجه بقهر... بسبب بيري اللي كانت بتبص لها بانتصار وبتعدل الروچ بتاعها 

بيري بصت لسيف وابتسمت بخبث: سي يو بيبي 

سيف مسك ايديها ولفها ليه بغضب ونزل على وشها بالقلم: انا حذرتك ومش هحذرك تاني همحيكي يا بيري غوري يلا من وشي..

خرجت بسرعه واخذت شنطتها وطلعت بره الشركه وهي بتتوعد لسيف ودموع..

سيف راح مكتب دموع ودخل من غير ما يخبط دموع كانت واقفه قدام القزاز ودموعها نازله سمعت الباب اتفتح مسحت دموعها من غير ما تلف وهي عرفته من ريحته اللي وصلت ليها: خير يا استاذ سيف 

سيف بتوتر: احم انا يعني اللي حصل ده انت فهمتي غلط..

دموع ببرود: وانا مالي كنت من بقيت اهلي عشان تيجي تبرر لي انت حر.. اتفضل عشان عندي شغل 

سيف هز دماغه بهدوء وخبط الكرسي بغضب وهو خارج ولف ليها تاني وهي لسه مدياه ضهرها: العرض اللي انت وافقتي عليه ده تخرجيه من دماغك عشان مش هيحصل لو اطبقت السما على الارض مش قاعد انا هنا احقق احلام المراهق اللي عايز يشوفك في فساتين عريانه واحقق له افكاره القذره معاكي يا ست هانم سااامعه...

دموع لفت ليه بغضب: والله ما فيش حد هنا قذر غيرك وفالح بس تعدل على الباقي وانت مقضيها في المكاتب 

خليك انا اللي خارجه.. 

وعدت من قدامه وسيف واقف مبهوت من طريقتها وكلامها وعينيها اللي باين عليها اثر البكي ..

دموع خرجت وقابلت ياسمين في الريسبشن وقفوا يتكلموا مع بعض لحد ما ندى تيجي عشان يتغدوا سوا 

ندى وهي طالعه من مكتبها شافت فارس واقف مع هنادي وهو مقرب منها بشكل كبير وبيهزروا مع بعض بالايد: هات يا فارس بقا.. وكانت عايزه تاخد الموبايل منه بعد ما فارس قفشها بتحب على جنب..

فارس رفع ايده لفوق: تؤتؤ المقابل 

: اللي انت عايزه يا فروسه 

فارس قرب وهمس في ودنها بعد ما لمح ندى واقفه من بعيد متبعاه ...هنادي ضحكه بصوت عالي وضربته على كتفه: انت مجنون بس انا موافقه ماشي 

فارس بضحكه: قلبي يا ناس اللي بيفهمني.. وغمز ليها ما تجيبي بوسه..

ندى عدت من جنبه وخبطته في كتفه فارس ضحك وهو بيضرب كف على كف : ما تحااسب ي قطر 

هنادي بهدوء: والله انت مجنون انت كده هتخليها تطفش مش تغير 

فارس اتنهد: هتجنن يا هنادي مش عارف اعمل ايه عشان تحس بيا 

: معلش يا حبيبي لو لك نصيب فيها هتشوفه.. هات الفوم بقى خليني الحق اتغدى عشان ورايا شغل 

فارس مد ليها الفون: تمام يا قمر 

: قمر ايه بقى ده انت مسوء سمعتي خالص ههههه..

ندى راحت لياسمين ودموع ووقفت معاهم وهي عينيها بتطق شرار..

ياسمين بصت ليها وبصت لدموع: هو انتم فيكوا ايه انا خوفت...

لسه ندى هتتكلم وتسب وتلعن في فارس لقت عاصم جاي عليهم هو وادهم وابتسمت بهدوء..

عاصم: يعني لسه ما نزلتوش تتغدوا البريك فاضل عليه نص ساعه..

ندى: ما احنا نازلين دلوقتي 

ادهم بهدوء بص لدموع: خلاص يلا مع بعضينا احنا كمان لسه هنتغدى في مطعم جنب الشركه تووب..

دموع بصت ليه وافتكرت كلام سيف عنه واومأت وهي عايزه تحرق دمه اكتر زي ما دمها اتحرق بسببه

عاصم ابتسم: يلا يا ندوش ايه رايك 

ندى رفعت كتفها: تمام اوكي يلا يا ياسمين 

ياسمين بتوتر: تمام روحوا قدامي انا نسيت موبايلي هجيبه وجايه..

وراحت مكتبها و افتكرت يوم دمج الشركه لما تميم اتصل عليها بالليل وهزقها لما عرف انها كانت واقفه تتكلم عليهم مع ندى ودموع وحذرها ولا تقف ولا تتكلم معاهم عشان ما يزعلهاش وياسمين من ساعتها بتنفذ كلامه عشان هي متاكده ان ما فيش حد هيخاف عليها زي تميم وهي بتثق فيه وهو اكيد عارف حاجه هي ما 

تعرفهاش واتصلت بتميم: ايوه يا تميم عامل ايه 

: بخير يا حبيبي يعني لسه ما منزلتيش

: ندى ودموع نزلوا مع ادهم وعاصم وانا ما حبيتش اروح معاهم 

تميم ابتسم: ماشي يا جلبي خير ما عملتي 10 دقائق وهجيب لك الغدا اللي بتحبيه سلام 

قفل مع ياسمين وشاف ندى ودموع طالعين معاهم ورفع تليفونه واتصل بسيف وفارس وعرفهم وكانوا قاعدين مستنيين على نار عشان مش عارفين راحوا انهي مطعم 

سيف كان واقف في الشرفه بيدخن وبيشرب من قزازه الوسكي الصغيره اللي مش بتفارق جيبه دلوقتي... وعينيه على مدخل البنايه..

وفارس كان قاعد في الريسبشن مستنيها ترجع بعد ما رن عليها كذا مره وما ردتش..

سيف شافهم داخلين وقاعده على مكتبه بهدوء عكس اللي جواه.. 

فارس شافهم داخلين وبيتكلموا على الاعلان اللي رفضوا سيف وعاصم بيضحك مع ندى فارس قرب منهم بسرعه ومسك دراع ندى: تعالي عايزك.. وجرها وراه 

عاصم مسك ايديها التانيه وشدها ليه: سيبها انت ماسكها كده ليه احنا في زريبه وبعدين انت مش شايفها واقفه معانه

فارس بصله بغضب وعض على شفته وبكل غباء نزل بالبونيه على وشه مره واثنين وثلاثه بسرعه... وعاصم مناخيره نزفت وكل اللي واقفين شهقو بصدمه.. اول مره يشوفوا فارس كده هم عارفين ان هو مرح مش بتاع مشاكل ودايما بيهزر..

وبصوت عالي: قرب منها ولا المسها تاني وانا هطلع ميتينك.... وشد ندى وراه اللي بتزعق فيه عشان يسيب ايديها..

سيف سمع صوت دوشه وخرج يشوف في ايه عاصم قرب منه: اخوك لو مش عيل انا كنت حاسبته... وخبط سيف في كتفه ومشي بغضب..

ادهم: يلا كله يشوف شغله يلا خلصنا.. وقرب من سيف.. عقل اخوك يا سيف انه يضرب عاصم في نص الشركه ده عيب وعلمه الادب انت احسن..

سيف رفع عينه بحده وبص ليه بتحدي: انت بتقول اللي اخويا ده عمله غلط وما يصحش.. وانا بقول لك طول ما اخويا عمل كده يبقى يصح وربت على كتف ادهم ومشي من جنبه بكل غرور (طااوووووسي🦚💋)

ادهم عض على شفته بقهر وراح مكتب عاصم...

سيف قرب من دموع اللي واقفه جنب ياسمين وبتحكي ليه على اللي حصل وواقف قدام دموع: حصليني على المكتب حالا.. وسابها ومشي 

ياسمين بهدوء: روحي شوفيه يمكن عايز يعرف ايه اللي حصل.. دموع اوامات ببرود وراحت وراه..

في مكتب ندى وفارس ندى اول ما دخلت معاه نفضت دراعها بعنف وبصوت عالي: انت اتجننت ايه اللي عملته ده وازاي تمسكني كده وتجرني وراك في نص الشركه بالشكل ده مين سمح لك اصلا يا حيوان فضحتني..

فارس قرب منها ومسك فكها: صوتك ما يعلاش وما تغلطيش احسن لك في الوقت ده.. كنتي فين 

ندى ببرود: وانت مالك 

:نداااااي اتعدلي.. قالها فارس بصوت عالي.. كنت فين مع ابن العر*اللي بره ده 

ندى بقرف: ما يخصكش وبعدين هو انا كنت معاه لوحدي عشان تتكلم كده احترم نفسك وبعدين ما لكش دعوه انت هتعمل عليا راجل ولا ايه يا ابو شخه انت يلا روح شوف هنادي ولا شوف انت هترمرم فين النهارده...

فارس اتقهر من كلامها وببرود: انا لو رمرمت فانا رمرمت لما كلمتك وعرفتك يا ندى فوقي واوعي تنسي نفسك ولا الحاره اللي انت جايه منها انا اللي اديتك اكبر من حجمك وعملت لك قيمه وانت ولا تسوي اصلا واحده من اللي برمرم معاهم... سلام يا بنت صبوحه 

وخد الجاكيت بتاعه وخرج بره الشركه...

في مكتب عاصم اللي قاعد حاطط كيس ثلج على وشه: وديني لقهرو واحرق دمه عليها الخو*اللي عامل لي فيها روميو ويانا يا انت يا ابن الالفي 

ادهم بسخريه: هتعمل ايه يعني 

عاصم بوعيد: هتشوف..

دموع دخلت مكتب سيف وبرود: افندم 

سيف لفه ليها ونفخ دخان السيجاره وطفاها وقرب منها بهدوء: ايه اللي حصل وكنتوا فين..

دموع بنفس البرود: اللي حصل انت شفتو وكنا فين وانت مالك يشغل حضرتك في ايه مش فاهمه انا هو احنا هنا بنشتغل ولا بنراقب بعض يا ريت كل واحد يكون في حاله 

سيف بص ليها ببرود وعينه كان فيها جحيم ومره واحده ابتسم ابتسامه خلت جسم دموع قشعر وكأن شياطينه اتمكنت فيه: امم يشغل حضرتك في ايه.. وقرب بسرعه 

منها ومسك شعرها بغضب: انا بقول وانت سكرانه طينه  البوسة ما كنتش احلى حاجه وبالمره اثبت لك انك انت حالي وشغل الشاغل يا دمووووع.. قال الاخيره بخشونه وهو بيضغط على شعرها بهمجيه وقرب من شفايفها بغضب ونار بتحرق قلبه من الغيره ووو