ظلت ريم تدور حول نفسها في الغرفة تنفخ بضيق 

ريم بغضب : أيه الجنان ده أنا مش عارفة طلعلي منين الراجل ده 

ثم نظرت الي نفسها .. ريم بضيق : حتي البدلة مغيرتهاش واخدني زي البهيمة و جاررني وراه و لا كأني بني أدمة .. و الله لأوريه مش هسكتله .. هو علشان عنده شوية فلوس يعني هيدوس علي خلق الله 

نفخت بغضب و ضربت علي الباب المغلق 

ريم بصراخ : انت يا بني آدم .. انت يا مجنون افتح أم الباب ده .. و الله ما هسكتلك أفتحلي حااالا !

صعد عمر علي صوت صراخها بعد أن انهي كوب الويسكي الخاص به .. فتح الباب فوضعت يدها في خصرها و صرخت في وجهه 

ريم بصراخ : ايه يا عم انت أطرش و لا مبتسمعش .. انا عايزه امشي من هنا 

عمر ببرود : صوتك عالي و أنا مصدع 

ريم : ما تصدع و لا تموت انا مالي خرجني من هنااا 

عمر : بقولك ايه يا بت انتي علشان انا اتخنقت .. خروج من هنا مش هتخرجي و لو وقفتي علي راسك .. فاخرسي بقي و اقفلي جعورتك دي شوية علشان انا اتخنقت منك 

ريم بسخرية : هتعملي ايه يعني لو مسكتش ! 

عمر بمكر : هسكتك بطريقتي 

ريم انتفضت و رجعت بقلق : بقولك ايه يا .... معرفش اسمك ، انا بجد معرفكش و لا اعرف انت عايز مني ايه .. ممكن تسيبني امشي 

جلس عمر ببرود و وضع قدم فوق الاخري بكبرياء 

عمر : لا مش هتمشي .. بنا طار قديم و حق لازم يخلص 

ريم بتعجب : طار ايه و حق ايه .. انا عمري شوفتك غير النهارده يا كابتن ؟؟ 

عمر : لا مشوفتكيش .. بس شوفت ابوكي و ليا حق عنده مش هسيبه أبدا 

ريم بسخرية : طب انت ليك حق مع ابويا جايبني انا ليه .. و لا هو انت مبتعرفش تتشطر غير علي الستات !! 

انتفض عمر و صفعها بغضب : اخرسي يا حيوانة انتي .. انا مش عايز منك حاجة و لا هاجي جمبك ، انا هستعملك كطعم اجيب بيه أبوكي 

وضعت ريم يدها علي خدها و دمعت عيناها بألم 

ريم بدموع : مش هيجي و لا هيعبرك لأني مش فارقة معاه .. جبت الطعم الغلط يا باشا 

عمر : مش مهم .. لو مجاش هاخد حقي منك انتي .. اهو انتي بنته و تشيلي شيلته بردو 

ريم ببكاء : أنا عايزة أروح .. سيبني امشي ابوس ايدك 

عمر و هو ينظر لها من اعلي لاسفل : اسيبك علشان تروحي ترقصي اودام الرجالة و تهزيلهم !! 

ريم : مهو ده شغلي 

عمر ببرود : فضيناها سيرة .. مفيش مرواح غير لما أجيب أبوكي مذلول قدامي 

ريم بصراخ : و انا قولتلك مش هيجي 

عمر بصراخ : يبقي هتفضلي هنا لحد ما تتعفني ! 

قالها و خرج صافعا الباب بغضب أما ريم فظلت تبكي علي حالها 

☆☆☆☆☆☆☆☆☆☆☆

يونس : ها عملت معاها ايه ؟ 

عمر : حبستها لحد ما اشوف هجيب ابوها ازاي 

يونس : ابوها لو عرف انها عندك انت بالذات هيجي جري 

عمر بشرود : اما نشوف 

يونس : بس انت بتفكر تعمل معاها اي لو ابوها مجاش زي ما هي قالت 

عمر بشر و غضب : ساعتها هقتلها و ابعت راسها لأبوها هدية 

يونس : طب بس اهدي و كل حاجة هتتحل 

عمر : ماشي اعمل حسابك هنرجع القاهرة بكره .. عندنا شغل مينفعش يتأجل 

يونس : طب و اللي فوق دي هتعمل معاها ايه هنسيبها هنا ؟؟ 

عمر : لا طبعا هناخدها معانا 

يونس : و هتقول لأبوك ايه يا فهيم !

عمر بغل و مكر : هقوله الحقيقة و هو هيفرح اصلا لما يعرف ان معانا الخيط الي يوصلنا لابن الجوهري 

اماء يونس : معاك حق 

☆☆☆☆☆☆☆☆☆☆

ظلت ريم تبكي حتي سقطت في النوم مكانها أثر الارهاق و التعب 

انتفضت صباحا علي شيئ القي في وجهها و عمر يصرخ : قومي يا بت انتي غيري هدومك علشان نمشي 

ريم بغضب : نمشي نروح فين هو انت اشترتني و لا ايه .. مش هاجي معاك في حته 

عمر : هتقومي تلبسي بالزوق و لا ألبسك انا بقلة الزوق ؟ 

ريم : اطلع بره يا حيوان يا متخلف  

عمر بغضب اقترب و جذبها من شعرها بعنف : لمي لسانك علشان مقصهوش يا حلوة .. و نفذي الي بقوله كويس احسنلك 

ريم بغيظ : طب سيب شعري .. سييب شعري 

تركها فرمته بنظرة غاضبة و صرخت : اطلع بره علشان اغير 

عمر بسخرية : ما تغيري اودامي هو الي انتي لابساه ده اصلا ساتر حاجة 

ريم : ملكش دعوة ده شغلي قولتلك 

عمر : طب يلا اخلصي مش هنفضل نتساير طول اليوم 

ريم بغضب : قولتلك اطلع بره علشان اتنيل اخلص 

رمقها عمر شذرا و تركها و رحل .. بدلت ثيابها و نزلت وجدته يقف في البهو 

عمر ببرود : يلا انجزي اخرتينا 

ريم : يلا علي فين مش هروح معاك ف حته 

عمر ببرود : انا معنديش خلق علي الصبح 

اتجه نحوها و حملها علي كتفه مثل الشوال صرخت و ضربت ظهره 

ريم بصراخ : يا مجنون .. نزلني نزلني حااالااا سيبني بقووولك .. حد يلحقني 

ظلت تتحرك بعنف فضربها بيده علي مؤ*خرتها حتي تصمت 

عمر بغضب : اخرسي بقي خنقتيني 

صمتت بحرج و دمعت عيناها : طب قولي احنا رايحين فين 

القاها عمر في سيارته .. استقل مقعد السائق 

عمر : لما نوصل هتعرفي !

ريم ببكاء : بجد و الله حرام .. انا معملتلكش حاجة 

عمر : قولتلك اخرسي بقي دماغي وجعتني 

ريم ببكاء : طب هعملك اي حاجة بس متأذنيش انا و الله مليش دعوة باللي أبويا بيعمله 

نظر لها عمر ببرود و لم يرد ظلت تتوسله طوال الطريق و هو لا يجيب عليها 

وصل الي منزله أمرها : انزلي حالا 

نزلت في صمت .. استقبلتهم علي الباب عمته التي ما ان رأتها حتي صرخت 

ألفت بغضب : مين دي يا عمر .. البت دي مش غريبة عليا !

عمر : دي بنت الجوهري يا عمتي 

مالك بصوت هادر من الخلف : بنت مييييين ؟؟ .. ده انتي ليلتك سودا انتي جاية لحد عندنا برجليكي !!!!! 

ارتعبت ريم : انا مجتش و الله .. ابنكم اللي جابني 

اقترب مالك و سحبها من شعرها بعنف فصرخت بخوف 

مالك بغضب : و ليكي عين تتكلمي يا بجحة يا بنت ال *** .. ده انا هقتلك و اشرب من دمك انتي و ابوكي الو**

ريم بصراخ : ااااااه سيب شعري انا معملتش حااجة سيبني 

القاها بعنف ارضا و صرخ في الأمن بصوت جهوري 

مالك بغضب شديد : تاخدوا البت دي للبدروم و تخلوا حد يروقها لحد ما اجيلكم !

ريم ببكاء و رعب : اي يروقها دي .. بقولكم سيبوني انا معملتش حاجة .. سيبوووني يا ناس سيبوووني يا مجرمين ......!!!!