خرج ذياد من عند نجمه واتصل بالبودى جارد بتاعه وفى نفس الوقت يبقى صديقه يوسف 

ذياد . ايوه يايوسف هبعتلك اسم واحد وعيزك تجمعلى عنه كل حاجه واهم حاجه نقطه ضعفه 

يوسف. تمام يا باشا علم وهيونفذ 

ذياد . بكره يايوسف الموضوع ده مهم جدا بكره كل حاجه تكون عندى 

يوسف. متقلقش ياباشا إن شاء الله كل حاجه من يوم أمه مولدته 

ذياد . راح على الفيلا وهناك لقى نيفين قاعده مع مرات أبوه جيهان نفخ بزهق وجى يطلع على غرفته ندهته نيفين بلهفه وجريت عليه 

نيفين. ذياد حبيبي اذيك اخبارك ايه وحشتينى

ذياد بضيق . تمام كويس انت اخبارك ايه 

نيفين بدلع . كويسه طول ما انت كويس 

ذياد  بزهق . تمام أنا طالع الاوضه بتاعتى لانى جى تعبان عن اذنك وسبها وطلع 

نيفين فى سرها. بكره هتبقى اوضتنا وكل شىء تملكه هيكون ليه لوحدى

( هنا واضح انها انسانه طماعه وحربايه بس على مين انا اللى بكتب القصه وهبهدلها هههههههه )

عند ذياد راح عند غرفه ولدته ليله ذياد وهو بيخبط على الباب وبيفتحه ويدخل رأسه

ذياد. ادخل ياست الكل 

ليله . حبيبي اتفضل عامل  ايه ياقلبي 

ذياد بيوطى ويبوس اديها وبيقعد جنبها .

الحمد لله ياامى انتى عمله ايه وقاعده هنا فى الاوضه لوحدك ليه مش تحت هى البنى ادمه اللى اسمها جيهان دى ضيقتك 

ليله . لا ياحبيبى ما ضايقتنيش ولا حاجه 

ذياد . ياامى تعالى نمشى من هنا ليه غاويه تتعبى نفسك أنا مش قادر اتنفس طول مانتى مش مبسوطه

ليله. تانى ياذياد هنرجع لنفس الكلام ياحبيبى هنسيب ابوك لمين هو فى غفله لازم نفضل جنبه لغايه أما يفوق منها ولا عايزنا نسيبه مع العقربه اللى متجوزها وتاخد كل اللى وراه اديك انت فى الشركه وخد بالك منها وانا هنا مرقباها دى مش فلوس ابوك لوحده فيهم ورثى من أبويه الله يرحمه ده حقك فى الاخر يابنى 

( الناس اللى بتقول أذاى هى قبله تعيش معه ومتمسكه بيه ده على شان حق ابنها ميضعش وده إن دل يدول على ذكأها )

ذياد باس اديها وقال لها. صدقينى أنا مش فرق معايه غيرك انت

ليله بتطبطب على كتفه . انا عرفه ياحبيبي وانا مستحيل أضحى بحقنا اللى شقينا فيه لناس نصابه 

ذياد باس راسها. طيب يا امي أنا هدخل  اوضتي اغير هدومى على شان ننزل نتغده سوى 

عند نجمه دخلت عليها صاحبتها الانتيم شيماء 

شيماء . نوجا قلبى ياناس كده تعملي حادثة ومتقوليش واعرف من طنط

نجمه . انتى عبيطه يابنتى اقولك ازاى وانا متخرشمه كده دانا حته معيش تليفون 

شيماء وتليفونك راح فين 

نجمه . تلقيه وقع منى فى الشارع لما اتخبط

شيماء .طيب انت اتصلتى بطنط ازاي

نجمه . اخت التليفون من الشخص اللى خبطنى

بدأت نجمه تحكلها كل اللى حصل معاها وحكت كمان عن موضوع ذياد جوازه منها

شيماء بتنط وبتسقف من الحماس .

الله ده زى الروايات بظبط يابنت اللذينه يانجمه 

بقولك ايه يبت عرفينى على صاحبه 

نجمه . صاحبه مين ياعبيطه أنا معرفهوش غير من يومين دانا خيفه اوافق على جوازى منه بس مفيش حل غيره قدامى يااما هبقى مراط حسن أفندى 

شيماء . ياشيخه تفى من بقك قال حسن قال هو ده بنى ادم اصلا ده بطريق متنقر علي هيئة بني ادم وفضلوا يضحكو

مع بعض 

عند ذياد نزل هو مامته  علشان يتغدوا كان قاعد خالد ابوه على رأس السفره خالد بيبص على ليله مراطه باشتياق فهى انسانه جميله جدا على شان كده ذياد طلع شبها هى من يوم متجوز عليها وهى حرمت نفسها عليه 

جيهان شفته بيبصلها النار كلتها فهى متجيش جنبها حاجه 

رغم أنها اصغر بكتير من ليلة بس ليله مايبنش عليها سنها جيهان بتقرب من خالد وبتاكله فى بقه خد ياحبيبي دانا وقفت فى المطبخ النهارده مخصوص علشان اعملك الاكل من ايدى 

كل ده تحت أنظار ليله وذياد اللى نفخ ورزع الشوكه فى الطبق بتاعه وقام 

ذياد . الحمد لله عن اذنكم أنا طالع ارتاح

ليله . استنى ياحبيبي أنا كمان شبعت خدنى معاك

جيهان فى نفسها وهى فرحانه ولسه عقبال مشفكم خارجين من هنا 

طلع ذياد ومامته 

ليله . مضيقش نفسك ياحبيبى واصبر تعالى أنا عزماك على الغده فى الاوضه بتعتى هخلى داده سميحه تحضرو لينا

ذياد محبش يزعل مامته ودخل معاها وبعد ماكله 

ذياد قال. الحمد لله فى الوقت ده دخل خالد لقاهم بيتغدو مع بعض

خالد. طيب ليه ما تغديتوش معايه

ذياد باندفاع . على شان الهانم مراتك مش بتراعى مشاعر حد 

ليله  بحده.  ذياد 

ذياد بغضب . يوه بقى أنا ماشى وخرج ورزع الباب وراه 

خالد وعينه بتلمع  بحب والاشتياق لحب عمره. متزعليش ياليلتى أنا هفهم جيهان تاخد بالها من تصرفاتها بعد كده

ليله  بجدية وجمود. لا عادى برحتها أنا مش زعلانه دى مراتك ومن حقها تتدلع عليك

خالد وهو بيمسكها من اديها ويقربها منه وبغضب. بس انت كمان مراتي انت اللى ليكى الحق مش هى 

ليله  بحده وهى بتزق ايديه . كان ليه لكن من يوم متجوزت عليه وانا اتنزلت للحق ده ليها

خالد. انتى ليه مش عايزه تفهمى انى جوازى منها غلطه 

غصب عنى أنا اتفجات أنها جنبى على السرير ازاى جت معرفش أنا حتى مش فاكر ايه اللى حصل ما بنا دانا حتى من ساعة ما تجوزتها مقدرتش أقرب منها أنا مش عايز

 غيرك انت وبس 

( كده احنا عرفنا أن معانا حربوقه رقم ٢ )

ليله  بجمود وكأنها متاثرتش بكلامه. لو سمحت يا خالد أنا محتاجه استريح وعايزه انام

خالد  بضيق.  تمام ياليلتى وخرج ورزع الباب وراه

أما ليله اول ما خرج  نهارت من العياط

تانى يوم صحى زياد ودخل اخد الشور بتاعه واتوضى وصلى ولبس هدومه ونزل اخد عربيته وفى طريقه للشركة رن تليفونه برقم يوسف 

ذياد. ايوه يايوسف ها عملت ايه 

يوسف. معايا كل حاجه عنه من يوم متولد لحد امبارح 

ذياد بابتسامه. تمام تعالى لي على الشركه أنا فى الطريق وقفل معه 

وصل الشركه ودخل مكتبه 

دخلت السكرتيرة وبلغته أن يوسف بره 

أمرها أنها تدخلو 

دخل يوسف. برو الملف زى ما طلبت

ذياد . قعد يقراء فى الملف اد ايه حسن ده واطى وبتاع 

و...... هنكمل بكره