-أنا مش ابنك وعمري ماهكون زي العر.ة ده وهو مطلوب القبض عليه بتهمة محاولة قتل مراته وامها وابقوا بعد كدا ربوا عيالكم متطلقوهمش على الناس 

ــــــــــــــــــــــــــــــــــــ

في المستشفى 

قامت صباح لما لقت سيد ومحمد اتأخروا عشان تشوف نرمين راحت اتكعبلت في المحلول والممرضة دخلت في الوقت وراحت سندتها وقعدتها تاني وقالت:عايزة ايه بس يا طنط وانا اجبهولك 

-عايزة اروح اشوف بنتي واطمن عليها

-حاضر هودي حضرتك دلوقتي حطي ايدك على كتفي عشان اسندك

دخلوا اوضة نرمين لقتها مامتها قاعدة على السرير ومفاقتش فقالت للمرضة برعب :مالها مفاقتش ليه كل ده هو في ايه 

-هي عندها غيبوبة أصلا بسبب نفسيتها 

وقعت في مكانها من صدمتها راحت سندتها الممرضة وقالت لها :متخافيش يا طنط هي بس محتاجة حد دافع عشان تصحى اقعدوا اتكلموا معاها وعرفوها قد ايه بتحبوها وادعيلها 

سبتها الممرضة ومشيت قعدت صباح على الكرسي ومسكت اديها وبستها وقالت لها : أنت وأبوكي كل حياتي عايزة تسبيني كدا طب هان عليكي أبوكي طب قومي عشان أحنا والله ما نعرف نتنفس طول ما نفسك مش معانا قومي عشان خاطري أنا بحبك ومليش غيرك يا ضنايا 

فضلت تعيط صباح وتدعي أنها تقوم ونرمين بدأت تحرك أديها عمالة تصارع نفسها وبتحاول تقوم بس مش عارفه نرجس سابتها وراحت براحة وهي بتتسند عشان تتوضى وتصلي 

ــــــــــــــــــــــــــــــــــــ

في القسم 

-أنت مش قولتلي لو طلقتها مش هتحبسني ليه كدا أنت بتستغفلني 

-اه يا مغف.ل عشان الي عملته ولسا هتشوف سواد يا علي يا علي تعالى خده على التخشيبة لحد ما يبانله صاحب

طلع محمد لعم سيد عشان يرحوا المستشفى وركبوا ولما وصلوا راح على طول محمد لنرمين وقال لعمه أنه يطمن الاول صباح عشان متقلقش وبعد ما وصل لأوضة نرمين قعد جمبها وقال :عارفة جبتلك حقك وسجنته واخدتلك كمان المؤخر بتاعك أنا مكنتش عايز أي أثر ليه معاكي وصعب عليا أنه يربطك بيه حتى مؤخر بس عشان احرق.ه عارفة أنا مستنيكي تقومي عشان مش هسيبلك فرصة تسبيني مش مستعد اخسرك تاني عايز اجيب منك دستة عيال يا حبيبي عارفة عايز نربيهم على القرآن ونعرفهم الحلال من الحرام وأنهم ينشروا الاسلام ويكونوا رجالة كدا ويعتمد عليهم ونفسي في بنوتة منك تاخد ملامحك وتبقى في حنيتك هحبها قد الدنيا بس مش قد حبي ليكي لأن عمر ما حد يوصل له اصحي بقى 

"وظن الحبيب أني لا أرجوه وأنا تالله لا أرجو سواه"

طلع من الاوضة وراح عشان يستريح في الاوضة التانية إلي حجزها ليه لأنهم في أخر الليل دخل اتوضأ وراح يصلي قيام الليل وهو في سجوده قال:يارب مليش غيرك جتلك وأنا عارف إنك الصمد الذي لا ملجأ غيره نجيها يارب قومها بالسلامة واحفظهالي وأرزقني بيها 

خلص قيام ومدد على السرير وحاول ينام مش عارف لحد ما نام بعد مدة من التعب 

ــــــــــــــــــــــــــــــــــــ

في اوضة نرمين

بتحاول تصحى سامعة كلام مامتها وباباها ومحمد وعايزة تصحى بتحاول لحد ما قدرت تفتح عينيها بس رجعت قفلتها تاني من اللمبة وبتحاول تفتحها لحد ما اتعودت على الضوء وقالت في سرها :في ماما وبابا وحشوني زمانهم قلقانين منه لله عمار أنا عملت له ايه بس لكل ده 

سكتت فجأة بعدين وبعدين كملت :ومحمد طلع بيحبني يعني حنيته عليا ديه طلعت حب مش مجرد إخوة أنا حقيقي محتارة بس أنا هتعامل بحدود مش عايزة اعلق قلبي بحد تاني هو يستاهل حد يديله كل مشاعره أما أنا معنديش حاجة اديهاله يارب إسعده وريح قلبه وقلبي وعوضنا خير

بعدين لقت جمبها زرار الي بيتداس عليها عشان تنادي الممرضة داست عليه فجت الممرضة جري وهي مستغربة واول مشافتها اتفاجأت وقالت بفرحة :ألف سلامة عليكي يا قمر متعرفيش أهلك وجوزك كانوا خايفين عليكي إزاي عايزة أقولك أنه كان عمال يت.خانق مع دبان وشه عشانك هروح انادي الدكتور واقولهم وجاية

راحت الممرضة تبلغهم بفرحة واول واحد جرى عليها كان هو لانه سيد كان بيسند صباح دخل من الباب ووقف مكانه متصنم اول مشاف عيونها ولما انتبه نزل عيونه في الارض تاني لأنه وعد نفسه مش هيغضب ربنا فيها تاني عشان ربنا يرضى عنه ويبارك له فيها دخل سيد وصباح وقعدوا يبوسوها ويحضنوها وقالوا :كدا تخوفينا عليكي وتوجعي قلوبنا يا نونو هونا عليكي ؟

بصت لهم بحب وباست اديهم وقالت :مليش غيركم ربنا يباركلي فيكم 

سكتت وقالت : ماما انتي كويسة الجرح عمل ايه هو كان زقك 

-متخافيش يا عيون ماما أنا بخير دلوقتي والجرح اتخيط

محمد اتحمحم وقال :ألف سلامة عليكي يا حب...نرمين وربنا يقومك بالسلامة محتاجة حاجة اجبهالك 

-الله يسلمك يا محمد وشكرا على وقفتك معانا وربنا يخليك مش محتاجة حاجة أنا بس حاسة بجسمي مكسر مش قادرة حاسة اني مدغدغة

قالها بلهفة: ثواني هنده الممرضة تجيلك، طلع جري وراح للمرضة وراح عطاها حلاوتها وقالها :روحي بسرعة لنرمين عشان جسمها وجعها ووديلها الدكتور 

طلع الدور الي فوق لمطعم المستشفى وجابلها أكل من هناك عشان يبقى صحي ليها ونازل بالصنية لقى راجل لابس بدلة وطويل بيسأل الممرضة عن اوضة نرمين السيد راح ناحيته وحط أيده على كتفه قبل ما يفتح الباب وقاله :رايح فين يا حيلت.ها و.......يتبع