مازن بصدمه: اكيد في حاجه غلط 

يوسف : مازن لو سمحت ابعد عن العمليه دي 

دخل اللواء هاشم فجاء 

الكل قام قد التحيه 

هاشم : مازن كويس انك هنا انا كنت عايزك 

مازن : نعم يا فندم 

هاشم : كنت عايزك تطلع ماموريه في شرم الشيخ في هناك شباب بيتاجرو في الاثار 

مازن بإصرار : انا اسف يا فندم 

هاشم : لي يا مازن 

مازن : انا مش اهبل علشان حضرتك تضحك عليا بشغل العيال دا 

هاشم : مازن انا خايف عليك 

مازن : وانا العقيد مازن السويسري والعمليه بتاعت الصعيد محدش هيمسكها غيري 

هاشم : متنساش يا مازن أن دول اهلك 

مازن : اسف يا فندم بس دا شغلي يوسف اعمل حسابك قدام تالت ساعات تكون حجزت لينا في مكان قريب من الجبل وكما كلامه 

مازن : اسف يا فندم بس معتش عندي وقت غير اربع ايام بس 

ساهر : الشحنه هتتسلم يوم الخميس ساعة الفجر 

مازن : كويس جدا 

هاشم : عارف انك عنيد بس خد بالك من نفسك متنساش انك في مقام ابني قبل اي حاجه 

مازن : حاضر يا فندم وكمل يوسف جهز الفريق انا عايز اجتماع بعد ربع ساعه 

زمرد : ماما وحشتيني اوي 

ساميه : وانتي كمان يا حببتي 

زمرد : فين بابا 

ساميه : في الشغل ليس مجاش 

زمرد : طب كويس علشان نجهز كل حاجه 

ساميه باستغراب : نجهز اي 

زمرد بابتسامه: النهارده عيد ميلاد بابا يا ست ماما انتي نسيتي 

ساميه : والله يا بتي راح عن بالي 

زمرد : يا ماما ما كنا كويسين لي بق نقلب صعيدي 

ساميه بضحك : خلاص يا بنتي كدا كويس 

زمرد : ايو كدا 

وبدأت زمرد ومامتها تجهز الشقه من زينه والبلالين 

بعد وقت كانت الساعه داخله علي عشره بالليل 

نورا : كدا خلاص كل حاجه تمام 

زمرد بجوع : ماما انا جعانه 

ساميه : بجهز العشا علشان جوزك كمان 

زمرد : يا نهار ابيض دانا نسيت اني متجوزه 

ساميه ونورا فضلو يضحكوا عليها 

زمرد بزعل مصطنع : والله بق كدا يا ماما 

ساميه بحب : لا يا حبيبتي متزعليش وانتي يا نورا اسكتي 

نورا بحماس: بابا طالع علي السلم 

زمرد كانت لابسه ترنج وفرده شعرها وحطه توكه علي شكل فراشه 

زمرد: طب أطفئ النور 

نورا طفت النور وزمرد أوقفت قدام الباب واول ما انفتح الباب حضنت الا فتحه وقالت : بابا حبيبي كل سنه وانت بالف خير يارب يا حبيبي 

مازن : كان نفسي اقولك وانتي طيبه بس النهارده مش عيد ميلادي 

زمرد بصدمه وفجاء بعدت عنه وقالت بكسوف : انا اسفه بس كنت فكرا بابا إلا فتح الباب لأن نورا شافته طالع 

مازن بهدوء : ولا يهمك 

ساميه شغلت النور وقالت : اتفضل يا حبيبي دا بيتك وبعدين دي مراتك 

مازن : ازيك يا طنط 

ساميه قربت من مازن و مسكته من ودنه وقالت : اسمي ماما ساميه الخاله والده يا بابن اختي 

مازن : حاضر يا ماما 

ساميه : ايو كدا انا رايحه احط العشا وكملت وقالت فين عمك صحيح 

مازن : عمي كان طالع معايا بس نسي يجيب طلب من تحت فداني المفتاح وقالي افتح 

زمرد مكنتش واخده بالها أنها بشعرها كانت ليس هتجري علي الاوضه لكن وقفه مازن وهو بيقرب من ودنها وقال : شكلك من غير الطرحه يجنن خليك كدا 

زمرد بصت عليه بكسوف ومازن كمل برجاء : ممكن 

زمرد ابتسمت وهزت رأسها بمعني ماشي 

فضلو يضحكوا ويتكلمه وزمرد فضلت قاعده في حضن باباها 

مازن بحمحمه : بعد اذنك يا ماما كنت عايزك في موضوع 

ساميه : خير يا ابني 

مازن : مفيش حاجه بس كنت عايز اسالك علي حاجه ممكن 

زمرد بفضول : حاجه اي 

مازن : خليك في حالك 

زمرد : سامع يا بابا بيقول اي 

كمال ضحك : بس يا مازن متقولش كدا 

زمرد بزعل مصطنع: والله بق كدا يا بابا 

مازن : خلاص اسكتي هي مش امي زي ماهي امك انا عايز امي في موضوع 

زمرد : ايو بق اي الموضوع 

مازن : عايز اشوف عروسه حلوه 

نورا : عندي صحبتي 

زمرد بعدم فهم : عروسه لمين 

مازن : ليا 

ساميه بضحك : الله يهديكم تعال يا مازن 

ساميه : خير يا ابني 

مازن : ماما انا كنت عايز اعرف لي بابا وعمي رفضين اني اعرف عائلة امي 

ساميه بقلق : بتسال لي 

مازن : بصي يا امي انا هقولك حاجه تبع شغلي مينفعش اصلا اقولها لحد بس انا مش عارف اعمل اي 

ساميه : خير يا ابني 

مازن بدأ يقص عليها كل حاجه 

ساميه : انا هقولك يا ابني كل حاجه كنا مخبينها عليك وبدأت ساميه تفتح في جراح الماضي بعد وقت خرج مازن وهو ماسك دموعه بالعافيه 

مازن : بعد اذنك يا عمي انا لازم امشي 

كمال بقلق : في اي يا ابني 

مازن : مفيش بس انا لازم أمشي 

زمرد : انا عايزه افضل هنا النهارده 

مازن : برحتك بعد اذنك يا عمي 

كمال : مع السلامه يا ابني 

مازن نزل من الشقه وهو مش طايق نفسه 

زمرد : بابا انا هقوم اعمل شاي 

كمال : ماشي يا حببتي 

نورا : بابا ماما في الاوضه بتعيط 

كمال بقلق : طب روحي انتي اوضتك 

نورا دخلت لزمرد المطبخ وقالت : زمرد ماما بتعيط

زمرد بخوف وقلق: لي 

نورا : مش عارفه 

زمرد بعصبيه: اكيد مازن السبب 

نورا : انا داخله اوضتي بابا قالي ادخل اوضتي 

زمرد : ماشي يا حبيبتي تصبحي علي خير 

زمرد خرجت من المطبخ وراحت علي اوضتة والدها وليس هتدخل سمعت ساميه وهي بتقول ******

مازن كان سايق العربيه بسرعه كبيره اوي مش شايف قدامه لحد ما وصل للبيت 

زمرد : ماما انا رايحه لجوزي 

ساميه بدموع: خليكي جانبه يا بنتي 

زمرد : بعد اذنكم 

زمرد مكنتش عارفه هي لي قالت كلمة جوزها ولي قرارت تبق جانبه ولي يهمها أمره 

مازن كان قاعد في اوضته مش عارف يعيط كسر كل حاجه حوليه 

زمرد بعد وقت كانت وصلت البيت و لاول مره تواجه خوفها وركبت الاسانسير لوحدها وفضلت تدعي ربنا لحد ما وصلت لباب الشقه افتكرت أن مفتاح الشقه معاها من امبارح لما مازن اده ليها علشان كانت خايفه تركب الاسانسير طلعته وفتحت باب الشقه لقت هدوء في الشقه 

زمرد : مازن مازن انت فين 

مكنش في صوت فضلت تقرب من باب اوضته لحد ما فتحت الباب لقته قاعد علي الارض أيده بتجيب دم وقاعد ساكت 

زمرد قربت منه وقالت بخوف : مازن انت كويس مازن رد عليا 

مازن بص عليها بسكوت وفضل ساكت 

زمرد : مازن رد عليا 

مكنش فيه اي رد منه مسكت أيده وبدأت تحط عليها مناديل علشان تكتم الدم بس مكنش في فائده لحد ما قامت وجابت ميه دافيه وبدأت تنضف الجرح ومازن ساكت مستسلم ليها 

زمرد : مازن ممكن ترد عليا 

زمرد طب عيط اعمل اي حاجه 

مازن فضل ساكت لحد ما قاعدة زمرد قدامه وقالت : طب احكيلك حدوته 

عارف كان في بنت جميله بتحب دراستها اوي و في يوم قرار والدها أنه يجوزها علشان خايف عليها وبدأت حياتها تتغير من انسه في كلية الطب لازوجه مش عارفه ازاي بقت زوجه وكملت بمرح بس متجوزه عيل بارد اوي وقليل الادب وبعدين كملت وهي بتحط أيدها علي وشه بس هو طيب اوي وعنده حنيه حلوه اوي 

مازن بص ليها وبدأت دموعه تنزل منه زمرد حضنته كأنها بتحضن ابنها الا خايفه عليه 

مازن فضل يعيط من غير اي كلمه 

زمرد : ممكن نتكلم 

مازن كان ماسك فيها كأنه كان محتاج لحضنها 

زمرد : مازن 

مازن بدأ يتكلم : ماتت بسببهم 

زمرد : الله يرحمها 

مازن بعصبية مكتوبه: مش هرحم ولا مخلوق فيهم 

زمرد بهدوء : طب ممكن تهدي 

مازن بدأ يتعصب عليها وقام من حضنها مره واحده وقال : وانتي مالك اصلا اوعي كدا 

زمرد بهدوء : طب انا اسفه 

مازن بصوت عالي وبدأ يمكس اي حاجه قدامه يكسرها اخرجي برا انتي سامعه 

زمرد بخوف : مش هسيبك 

مازن : بقولك اخرجي برا 

زمرد : مش هسيبك يا مازن 

مازن بعصبية مسكها من ايديها وخارجها من الاوضه وليس هيقفل الباب زمرد حطت ايديها لكن مازن قفل عليها وفجاء سمع صوتها وهي بتعيط من الباب المقفول علي ايديها 

مازن بخوف عليها : حصلك حاجه 

زمرد بدموع : ايدي بتوجعني اوي 

مازن : انا بجد اسف مكنش قصدي 

زمرد عملت نفسها مغمي عليها وبدأت تقع مازن مسكها وشالها حطها علي السرير 

مازن : زمرد فوقي زمرد مكنش فيه فايده فقام جاب ازازة ميه وبدأ يرش عليها شويه

زمرد : مش بحب الميه علي وشي 

مازن غصب عنه ضحك عليها 

زمرد بفرح : اي دا اول مره اشوف الشمس تظهر بالليل 

مازن عقد حواجبه ليها 

زمرد بدلع : اي بهزر معاك

مازن : انتي مكنتش مغمي عليكي صح 

زمرد : اقول الحقيقه بس متزعقش ليا 

مازن : قولي 

زمرد : بصراحه اه 

مازن : ولي عملتي كدا 

زمرد : علشان مكنتش عايزه اسيبك لوحدك بس والله ايدي بتوجعني اوي 

مازن باسف : انا بجد اسف 

زمرد : ولا يهمك بس عقابنا ليك قوم اعملي اكل

مازن بابتسامه : انتي عايزه العقيد مازن السويسري بعمل اكل 

زمرد بصدمه : احلف بالله انك عقيد 

مازن باستغراب: انتي متعرفيش انتي متجوزه مين 

زمرد : تصدق انا كنت فكرك موظف حكومي عادي الا هو بتروح الشغل الساعه سبعه ترجع الساعه اتنين الضهر 

مازن بضحك : دا شكل واحد موظف 

زمرد : وانا اقول الشقه دي كلها منين والعربيه والبواب وهو بيقولك يا باشا 

والعضلات الحلوه دي 

مازن باستغراب وضحك : انتي فهمه انتي بتقولي اي 

زمرد : ها هو انا قولت حاجه 

مازن : لا ابدا 

زمرد بجد : ممكن اطلب منك طلب 

مازن : اتفضلي 

زمرد : ينفع نبق اصدقاء 

مازن : ممكن 

زمرد : يبق من هنا ورايح اقولك يا زوز وانت تقولي يا دكتوره زمرد 

مازن بصدمه : نعم يا ختي 

زمرد : اهو قلبت هركليز 

مازن : بقولك اي قومي من هنا احسلك 

زمرد : طب براحه يا عم انا اصلا مبحبش انام في اوضتة حد وليس هتكمل كلامهاالنور قطع 

زمرد بخوف : مازن 

مازن : ثواني هشوف الفون فين 

زمرد قربت منه ومسكت من قميصه وقالت بخوف : لا والنبي خليك جانبي 

مازن : انتي بتخافي من الضلمه 

زمرد : لا طبعا بس مش بحب اقعد لوحدي 

مازن بضحكه : متاكده 

زمرد بكدب : ايو طبعا 

مازن : طب فين فونك 

زمرد : مش عارفه كان لازم يعني تسيب فونك 

مازن : معلشي مكنش اعرف ان حضرتك بتخافي من الضلمه 

زمرد بقلق: طب وبعدين 

مازن : بصراحه النور هنا لما بيقطع لصبح 

زمرد : نعم انت بتقول اي 

مازن : بجد مش بهزر ف قومي روحي ياله اوضتك 

زمرد : لا مانا مش هعرف امشي علي الارض علشان عليها ازاز وكمان كل حاجه متكسره مش هعرف امشي 

مازن : تعالي انا هوديكي اوضتك

زمرد بعصبيه طفوليه: لا بق انا مش عايزه انام في اوضتي النهارده اصلا مش بحب الاوضه الا فيها بلكونه 

مازن : تقريبا كدا شفت اوضتك فيها بلكونه 

زمرد بتوتر : لا دي مش اوضتي 

مازن : طب يعني هتنامي هنا 

زمرد : ايو 

مازن : خلاص هروح انام هناك 

زمرد بسرعه : لا انت رايح فين 

مازن : سيبي بس الاول قميصي الا انتي مسكه فيه دا 

زمرد : يعني أنا غلطانه علشان خايفه عليك 

مازن : خايفه عليا من اي بق 

زمرد : انت متعرفش أن في عفريت 

مازن بضحك : والله مين قالك 

زمرد بخوف : اسكت علشان دول بيجو علي السيره 

مازن : لا خلاص اسكتي 

زمرد : طب انا عايزه اكل مكلتش من الصبح 

مازن : طب ثواني هجبلك اكل 

زمرد بسرعه : لا خلاص شبعت 

مازن بضحك: طب تعالي معايا نجيب حاجه من المطبخ 

زمرد : ماشي 

زمرد قامت من علي السرير وهي ماسكه في مازن أو بالأصح وهي في حضنه 

مازن : حسبي في ازاز 

زمرد : مش شايفه 

مازن شالها من علي الارض علشان الازاز 

مازن : عارف عايزه تقولي قليل الادب 

زمرد بضحكه بسيطه : لا كنت هقولك شكرا 

مازن : العفو يا 

زمرد بحب : يا اي 

مازن بتوهان : ها ولا حاجه 

زمرد بحمحمه : طب نزلني بق بس خليك جانبي 

مازن فضل ماسك ايديها ودخلوا المطبخ 

زمرد : مفيش شمع 

مازن : تقريب في استني هشوفه 

ليس بيتحرك  وبيسيب ايديها 

زمرد : قولتلك متسبش ايدي 

مازن : والله حاسس اني ماسك بنت اختي 

زمرد : وانت تطول اصلا 

مازن : رجعنا للسان الطويل 

زمرد : مش قصدي بس هو كلامي كدا 

مازن : خلاص اسكتي خالص 

زمرد بصوت هادئ: بارد 

مازن : ولما اسيب ايديك دلوقتي 

زمرد بسرعه : اسفه خلاص والنبي 

مازن : طب استني اشوف الشمع 

ليس بيفتح بيرفع أيده علشان يجيب الشمع وقع عليه كيس الدقيق 

زمرد فضلت تضحك عليه 

مازن بعصبية: انتي الا عملتي كدا 

زمرد : بصراحه اه الصبح حطيته هنا علشان لو دخلت المطبخ يقع عليك بس بجد شكلك يضحك موت وليس هتتكلم النور جه 

زمرد بفرح : اخيرااااا النور جه وبصت علي مازن وهو وشه غرقان دقيق وشكله يضحك موت فصلت تضحك عليه 

مازن فضل سارح فيها وفي براءتها 

زمرد حست بعيون مازن فنكسفت: بطل تبصلي كدا 

مازن : اقولك حاجه 

زمرد بهدوء : طبعا 

مازن : مش عارف لي بتوه فيكي 

زمرد بكسوف : اااانا رايحه اقعد برا وانت اعمل اي حاجه نأكلها 

مازن مسك ايديها : استني انا هروح اغير هدومي وانتي معلشي حاولي تعملي بأيديك التانيه اي حاجه 

زمرد هزت راسها بمعني حاضر 

بعد وقت كانت عامله سندوتشات جبنه رومي وشاي 

زمرد : مازن انا لي في البلكونه 

مازن وهو جو : هغير واجي 

زمرد قاعدت مستني مازن 

مازن : معلشي كنت بغير 

زمرد : ولا يهمك 

مازن : احكيلك عنك 

زمرد بدأت تحكي لمازن قد اي هي شاطره وبتحب دراستها وأنها هتكون دكتوره شطوره 

مازن بفرحه : أن شاء الله تحققي كل احلامك وكمل بحمحمه انتي بتحبي 

زمرد : زمرد مش عارفه بس هقولك هو شعور غريب عليا اوي يعني اول مره احس بحاجه حلوه مش عارفه دا اي وعلي فكرا اول مره احس بيه النهارده ويمكن من ساعتين بس 

مازن بفرح : يعني والنور قاطع 

زمرد بكسوف : لا من قبلها بشويه 

مازن : ساعة الحضن 

زمرد بعصبيه مكتوبه: انت قليل الادب 

مازن بضحكه : مش مهم بس بجد اول مره تحسي بكدا 

زمرد هزت راسها بمعني ايو 

مازن : لا انا عايز اسمعها 

زمرد : انا بقول اقوم انام

مازن مسك ايديها وهي قيمه وقال بحب : علي فكرا انا حاسس نفس الاحساس من يوم كتب الكتاب بس انا عرفت احدد دا اي 

زمرد سحبت ايديها من أيده بهدوء وقالت بابتسامه : تصبح على خير 

مازن بابتسامه : وانتي من اهل الخير وكمل زمرد ثانيه واحده 

زمرد : نعم 

مازن : انا مسافر الصعيد يوم الاربع 

زمرد بقلق: لي ؟ 

مازن : متخافيش انا عندي شغل هناك 

زمرد : وانا كمان عندي شغل هناك 

مازن باستغراب : شغل اي 

زمرد : هروح مستشفي في حته اسمها *****

مازن بخوف : مستحيل 

زمرد : لي بق 

مازن : لا وخلاص 

زمرد : لا هروح 

مازن بعصبية: زمرد بلاش عند 

زمرد بعصبيه: انا مش بعاند 

مازن : امال بتعملي اي 

زمرد : ولا حاجه كل الموضوع اني مش هسيبك تروح هناك لوحدك 

مازن بابتسامه: يعني بتحطيني قدام الأمر الواقع 

زمرد بضحكه : بالظبط 

مازن : بس انا خايف عليكي 

زمرد بخوف : وانا خايفه عليك 

مازن بخبث : دا لي 

زمرد بتوتر : هااا مش ابن عمي وابن خالتوا وكملت بضحكه واخويا 

مازن بعصبية مكتوبه: نعم يا اختي اخوكي ازاي !!!! 

زمرد : اي مش انت بتقول لماما يا ماما يبق اخويا 

مازن بعصبية مكتوبه وبصوت عالي : امشي من وشي يا بت احسلك 

زمرد : اعمل حسابك انا جايه معاك 

مازن بعصبية: لا 

زمرد : ماااازن 

مازن : امشي قولتلك 

زمرد بدلع : طب علشان خاطر مراتك حببتك 

مازن باستغراب : انتي هبله يا بت انتي مش ليس بتقولي اني اخوكي 

زمرد : يالهوي عليك دائما واخد كلامي جد 

مازن : يارب صبرني عليها

زمرد : انا بجد هنام باي 

مازن بضحكه : مجنونه 

زمرد : شكرا بس بردو جايه معاك 

مازن كلم يوسف 

يوسف : حاضر يا مازن هحجز ليكم جناح في فندق 

مازن : مش عايز حد يعرف اني في الفندق 

يوسف بضحكه : عيب عليك يوم الاربع أن شاء الله هينزل رجل الأعمال المشهور سامي الجيار وحرمه فندق ال**** 

مازن بضحكه : اشوفك بكر 

في بيت كمال 

ساميه بدموع: انا خايفه علي مازن يا كمال 

كمال : متخافيش زمرد معا اهي زمرد بترن 

كمال : الو يا حبيتي مازن عامل اي 

زمرد بتنهيده : الحمدالله يا بابا كويس 

ساميه : زمرد خليكي معانا يا بنتي 

زمرد بهدوء : حاضر يا ماما 

كمال : زمرد انا عارف انك معتبره مازن حد غريب عنك بس يا بنتي هو دلوقتي محتاجه ليكي خليكي معا 

زمرد حاسة بوجع في قلبها لأنها حبته بجد ايو كانوا كام يوم بس حبته 

كمال : سمعاني يا بنتي 

زمرد بحب : سمعاك يا بابا بس مازن طيب اوي وانا وهو بقينا أصحاب 

كمال في نفسه يارب دعوتي تتحقق وتكوني من نصيبه يارب 

زمرد : بابا انا هقفل دلوقتي 

كمال : ماشي يا حببتي 

كمال : اهدي بق يا ساميه 

ساميه بدموع: انا السبب 

كمال : كان هيجي وقت ويعرف 

ياترى الا عرفه مازن