فتح عمر الباب و تفاجئ بمنظر همس .. كانت نائمة تستند علي الجدار و تضم جسدها بانكماش .. و ثعبان اصفر طويل يتحرك ناحيتها ببطئ 

اسرع عمر باخراج مسدسه و اطلق علي الثعاب فانتفضت ريم برعب 

ريم : اممم .. ايه .. ايييه في ايه ؟؟ 

نظرت للثعبان الميت امامها : ينهااار اسود هو كان جاي يعضني ؟؟ 

اجهشت في البكاء فاقترب عمر منها يهدأها 

عمر : اهدي محصلش حاجة .. انا قتلته قبل ما يوصلك 

ريم ببكاء : و الله حرام اللي بيحصل فيا ده .. انا عملتلك ايه بجد علشان تعمل فيا كل ده ؟؟ 

عمر بضيق : هو احنا الي هنقوله هنعيده و لا ايه ؟ 

امسكت ريم فيه بشدة تبكي : طب بالله عليك سيبني اروح هستحمي و اغير هدومي و اجي عندكم تاني .. انا بجد حسه اني ريحتي بقت معفنة و نفسي استحمي 

عمر : انتي هتستعبطي يا بت و لا اي ؟ 

ريم ببكاء و هي تنهار : بستعبط ايه بس حرام عليكم .. انتو جايبيني هنا و عمالين تهينوني و تلقفوني لبعض و انا و الله ما عملت حاجة و لا جيت جمبكم .. و سكتلكم و قولت اكيد ليكم حق عن بابا زي ما بتقولو .. بس كده كتييير بجد كتييييير .. انا لا اعرف هو فين و لا اعرف عنه حاجه ، و امي عيانة و سايباها لوحدهاا بقالي بتاع يومين .. بجد حرام عليكم بقي خرجوني من هنا و الا و الله لاهرب و ابلغ عنكم البوليس 

عمر بسخرية : تهربي ؟ .. ده نجوم السما اقربلك 

ريم بغضب و اصرار : ايوة ههرب و اخرج من سجنكم ده 

عمر : ابقي فكري اعمليها و انا اقطم رقبتك 

ثم تركها و خرج صافعا الباب خلفه و اغلقه بالمفتاح 

☆☆☆☆☆☆☆☆☆☆☆☆☆☆

في المساء 

ظلت ريم تدور حول نفسها تبحث عن شيئ تقف عليه حتي تصل لاحدي النوافذ العالية لتهرب منها 

بحثت كثيرا الي ان وجدت احدي الحبال القديمة 

ريم بتفكير : هيستحملني ده و لا هيتقطع علي طول ؟ .. عايزة طوبه 

بحثت عن حجر ثقيل و ربطت به طرف الحبل و القته عدة مرات حتي خرج من النافذة و استقر في الارض 

ريم : ايوووة كده .. ان شاء الله يستحمل وزني انا خفيفه 

بدأت تتسلق الجدار مع الحبل الي ان وصلت و قفزت من النافذة 

اخرجت لسانها : اديني هربت يا اللي اسمك عمر .. وريني هتجيبني تاني ازاي 

ثم ركضت بعيدا عن المنزل .. في الاعلي كان عمر يتابعها ببرود و هو ينفس سيجاره 

عمر : هتروحي مني فين يا ***** 

☆☆☆☆☆☆☆☆☆☆☆☆

وصلت ريم لمنزلها ..اطمئنت علي والدتها المريضة اولا .. ثم دخلت للاستحمام 

ريم : ياااااااه ده انا كنت حسه اني جسمي عفن و الله و ريحتي طلعت 

خرجت من المرحاض و امسكت هاتفها تحادث صديقتها المقربة حور 

حور : انتي يا جزمة بقالي يومين بتصل بيكي مش بتردي عليااا و الله لاضربك لما اشوفك 

ريم : اسكتي يا بت ده انا كنت واقعة واقعة مهببه 

حور : ايه اللي حصل 

ريم : واحد اسمه عمر ... عمر ايه و الله ما اعرف .. شكله واصل كده ف البلد جه الكباريه اللي كنت بشتغل فيه في الساحل .. و اول لما شافني راح خاطفني ليه حق هو  و ابوه عند ابويا باين و كل شوية يقولولي يومك اسود يا بنت الجوهري و هندفعك التمن و معرفش ايه .. كلام غريب كده و فضلو حابسيني لحد ما عرفت اهرب 

حور بقلق : طب الحمدلله انك عرفتي تهربي .. اوعي يكون باعت حد وراكي يا بت و تلاقيه طابب عليكي زي القضا المستعجل 

ريم : لا متقلقيش اتاكدت محدش ورايا 

حور : خلاص ماشي .. بكره هجيلك بقي و ابقي احكيلي ع كل حاجه بالتفاصيل 

ريم : ماشي يا حبيبتي سلام 

☆☆☆☆☆☆☆☆☆☆☆☆☆

في اليوم التالي 

جلست حور مع ريم تقص عليها ما حدث مع عمر 

حور بشهقة : ايه الناس دي .. هما علشان معاهم فلوس هيدوسو علي خلق الله و لا ايه 

ريم بتنهيدة : و الله يا بنتي ما اعرف .. و قعدت احلف لهم اني معرفش عن الراجل ده حاجة مصدقونيش 

اتاها صوت امها تصرخ : ريييم بت يا رييييم 

ريم : ايوة يا ماما جاية 

ركضت ناحية والدتها لتري ماذا تريد .. رن جرس الباب ففتحت حور لتصدم بشخص طويل و عريض امامها 

حور : ايوة حضرتك 

يونس : مش ده بيت البت الرقاصة و لا اي 

حور ببرود : اي البت الرقاصة دي متحترم نفسك 

يونس : مهي رقاصة فعلا .. اوعي من وشي احسنلك 

حور : لا مش هوعي .. انت غلطان في العنوان 

اتي صوت عمر من خلفه : مين الحشرة اللي بتتكلم دي يا يونس 

حور : حشرة في عينك يا بعيد انت مين انت 

اقترب عمر و زجها بعنف لتسقط في الخلف 

عمر : مش عمر الانصاري اللي واحده زيك هتقف في وشه .. هي فين ؟؟ 

استقامت حور تصرخ : هي مين يا جدع انت .. انت ازاي تقتحم بيوت الناس كده عيني عينك 

عمر : بقولك ايه انا مش عايز صريخ ع الفاضي 

ثم اشار ليونس : سكتها احسن لها 

اقترب يونس منها و ضربها بضهر يده فوق رقبتها لتسقط فاقدة الوعي 

يونس : سوري بس انتي صوتك عالي اووي فعلا 

خرجت ريم علي اصوات الصراخ لتصدم بعمر و يونس امامها 

 ريم برعب : لا لااا مش ممكن .. انتو عرفتو طريق بيتي ازاي ؟ 

اتت امها علي صوتهم : مين الناس دي يا ريم 

عمر بهدوء : انا يا حاجة عمر الانصاري .. و جاي اطلب ايد بنتك 

ريم بصدمة : .............................!