بصيت للتليفون اللي في أيدي بصدمة وبعدين بصيت حواليا وأما اتأكدت أن مفيش حد غيري فتحت التليفون وقولت بصوت واطي / ألو..انتي مين وعاوزه اي مني؟ ولاكن أتاكدت من شكوكي لما سمعت صوتها ووقاحة كلامها وهي بتقول / جرا ايه يا عنيا ، انتي هتستعبطي عليا يابت ، أحنا اتفاقنا علي اي من الاساس، حاولت أتمالك نفسي وقولت بنبرة هادئة ولاكن بالحقيقة هي مصطنعه / عاوزه اي مني يا هند انا حاليا مش في البلد عندكم ، ومش هرجع بتكلميني عاوزه مني اي؟ لقيتها بتقولي بفظاظة وسخرية / اؤمال انتي فين يا حيلة امك ، فين المعلوم يا بت اللي طالبته منك وخدتي فلوسك انتي بتكروتيني ، وهنا وكانت فلتت اعصابي وسيبت للساني المجال لياخد حريته / جرا يا يا هند في اي داخله فيا شما*ل ليه كدا انا قولتلك من الاول اني هسافر شهرين ، وبعدين اي هتعمليلي فضيحة، وزي م توقعت لقتها بتقولي بوقاحة / انتي لسه مشوفتيش الفضيحة اللي علي أصولها لو ملقتكيش بكره في المنطقة وديني لأكون فضحاكي ومبلغه عنك ، اتغاظت جدا وقولتها بسخرية انا مكنتش مدركاها في الوقت دا / وهتبلغي عني هتقولي اي يا حلوه ؟ سرق*ق مني فلوس عشان تجيب لي بدالها حشي*ش ولا عشان ابيعه قطاعي ، وبدون أن كلام كتير قالت / وديني لأكون مورياكي يا قدر الكلب ، قالت الجملة دي وقفلت في وشي السكة ، خبيت الفون زي ما يعمل دائماً وبعدين جيت عشان اخر لسه بلف أتصدمت لما لقيته واقف قدامي وحاطط أيده في جيوبه ، تلقائياً ابتلعت ريقي بصعوبة من اللي جاي وبالفعل مفيش ثواني و لقيته بيقولي بشك / اشمعنا يعني فونك هنا وكنتي بتكلمي مين كدا، حسيت أن نفسي هيتقطع من كتر التوتر والخوف اللي لبسني ولاكن لبست قناع الشجاعة وانا بقول بكل ثقة مش موجودة عندي من الأساس /  كنت بكلم اهلي يا باشا وبعدين حضرتك مينفعش تسألني انا هنا بشتغل زي زي اي خدامة يافندم ولاكن الحقيقي انا ليه مش فاهمة حضرتك بتسألني، قولت كدا وسكت ولاكن لما بصيت ليه استغربت لما لقيته رافعلي حواجبه وهو بيتكلم بكل ثقة عرفت وقتها أن كنت غبية لما اتكلمت بيها / نعم؟؟ هو مش انتي أصلاً قولتي انك مالكيش أهل ولا بيت يتاويكي ازاي بقا كدا ممكن افهم كل حاجة ؟ سكت وقلبي وقع في رجليا ولاكن اخيرا لقيت حجة غبية زيي وقولت /  عندك حق دي صحبتي بس يعتبر اهلي وكل ما ليا لأني فعلا أنا ماليش اهل غيرها؟ ومعنديش فعلا مكان يتاويني.

أستغربت لما لقيت هز رأسه بغموض مش عارفه جايبه منين ومشي بدون حتي ما يرد عليا ، اتغاظت جدا وبعدين خرجت.

في أوضة حسن 

كان قاعد وهو ماسك كتاب بيقرأ فيه ولاكن لما سمع حد بيخبط علي باب اوضته قال / ادخل ، دخل مروان وقعد قدامه وقال بهدوء / حقيقي اللي انا سمعته دا يا حسن؟ بصله حسن وقال بسخرية / هي لحقت تقولك!بص مروان ليه وقال بحدة / سيبك من عائشه دلوقتي يا حسن ورد عليا ، تنهد حسن بضيق وقال / اه يا مروان حقيقي انا تعبت ، مش عارف اسيطر عليها وهي مراتي بتخرج وبتروح وتيجي وانا ببقا زي المجنون ، من حقي أن يبقا ليا حياتي زي اي حد.

بصله مروان وقال بهدوء / تمام فاهم قصدك كويس ودي حاجة حلوة ، لاكن الأهم من دا كله انتا هتعرف تمشي امورك ؟ حسن بهدوء / أنشاء الله أكيد 

مروان / تمام يا حسن ودا اللي انا كنت عاوز أوصله

أبتسم حسن لأخيه وقال بمشاكسه / اي مش هنفرح بيك انتا كمان؟ وتلقائياً تفكيره راح لأمر خادمته الفاتنة ولكنه أبتسم وقال بشرود / قريب باذن الله ،

قال الجملة دي وخرج من الاوضة ، ولاكن باله مش مرتاح من قدر وفونها  ، ولاكن اتي شيئاً في باله علي الفور فأتجه لغرفتها دون تردد ثم دق علي باب غرفتها ودخل ليها من غير ميبصلها / قدر أنا قررت قرار جديد .

بصتله باستغراب ولاكن قولت باحترام وفضول / خير يا فندم، لقيته بيبصلي بعمق وبيقولي/ قدر أنا وووووووو

لقيته بيبصلي وبيقولي / قدر أنا معجب بيكي.

بصتله بذهول وصدمة مبقتش عارفة أتلم علي نفسي حسيت أن هق*طع النفس وضربات قلبي بقت في السما من كتر نبضها ، سكت ومازالت بصاله بذهول ، لقيته بيبتسم وبيقولي / حالي زيك كدا بالضبط معرفش ازاي وامتا بس فعلاً انا حاسس ان بحبك، وما كان ناقصني الكلمة دي حسيت أن هيغم عليا بجد ، يعني انا قدر بنت نعمات اللي كانت بتتلزق في الناس زمان عشان حد بس يرضي يبصلي الاقي واحد أغني من بلدنا في حالها يقولي أنا معجب ليكي ، بصتله برضو بصمت ومش عارفه أقوله اي ، لقيته قرب مني جداً وبيهمس في ودني / ناقصلك لحظه كمان وهيغم عليكي ، قال الجملة دي وخرج بصيتله بصدمة وبعدين روحت قاعدة مكاني وانا باصه لأثره بذهول انا حاسه ان بحلم.

في الخارج 

كان ماشي وهو مستغرب نفسه ليه قالها كدا ، هو اللي بيترمي كل يوم تحت رجله. الاف من البنات اللي هاي من المستوي بتاعه العالي ويوم ما قلبه ينبض لبنت ينبض للشغالة عنده ، سكت لما لاقي الفون بتاعه بيرن ورقم صديقه بيزين شاشته مسك تليفونه وقال ببسمة / محمد أخبارك.ابتسم صديقه وقال بمرح / زي الفل أهو انا بره في الجنينة عندك أخرج.قال مروان باستغراب / عندي انا بره ، لقيته بيقول / ايوا أخرج.

قفل معاه وبعدين خرج لقاه قاعد بإبتسامة زي عادته وماسك فونه ، فقال باستغراب / أشمعنا كدا.

محمد بصدمة / اي مش عايزني أجي.أبتسم مروان وضمه له / لا يا عم بيتك وتيجي في اي وقت .

قعد محمد معاه وبعد ما طلب قهوه من كبيرة الخدم مروان قال / ها لسه مش ناوي تاخد خطوة جد؟كان في نفس الوقت خرجت قدر وهي ماسكه القهوه بأرتباك ، فنظر لها محمد وقال بهيام / مكنتش ناوي بس هنوي .، كان مروان باصصله باستغراب وعدم فهم فرجع نظره في الناحية اللي باصص فيها شاف قدر وبعدين بص لصاحبه ففهم قصده ، أتعصب جداً ومروان لما بيتعصب الكل بيبقا عارفه مابيشوفش قدامه مبيبقاش عارف هو بيقول اي ، فبص لصاحبه وقال بغضب لما شاف قدر حاطه القهوه / أشرب القهوه يا محمد.، مسمعش محمد كلام مروان وهو مازال بيبص لقدر بأعجاب باين في عنيه ، فطرق مروان علي الطاولة وبعدين قال بصوت أعلي / محمد.

بصله محمد وقال باستغراب / في اي يا مروان ؟ وبعدين بص تاني لقدر لاقها مشيت فقام مروان وهو بيمسك محمد من ياقته / لا انتا كدا زودتها اوي .

قال محمد بذهول / في اي يا مروان هي البنت دي قربتك أو أختك؟

مروان بغضب / مالكش دعوه. بعد محمد يد مروان ثم قال بهدوء / تمام يا صاحبي اهدي؟انا مكنتش اعرف انها تخصك، قعد مروان وهو بيتنهد بهدوء وقال بأسف / انا اسف يا محمد مش قصدي بس انا اتعصبت شوية ، المهم عامل اي في شغلك؟ محمد / انا تمام.

في القصر من جوا 

كنت بجري وانا بحاول تضبيط أنفاسي لحد م قعدت علي أول أريكة قابلتني وحاطة أيدي علي وشي وبعدين همست من كتر صدمتي / دا طلع مجنون بجد.ولاكن أتصدمت لما لقيت حد بيقول / اي دا في حاجة ولا اي ؟

بصيت لقيت حسن اللي قال كدا قومت وانا بحاول تضبيط لبسي وبعدين قولت وانا بقول ببسمة محرجة / أسفه يا فندم انا بس دوخت وقعدت هنا غصب عني، لقيته قال بلهفة / طب اقعدي لحد ما انادي حد يجبلك مياه بسكر، قولت بهدوء / لا شكرا مانا بقيت تمام دلوقتي.لقيته بيقولي بشك / بجد يعني بقيتي كويسه؟ قولتله ببسمة واحترام له / أيوا يا فندم شكرا ليك، أبتسم ليا وبعدين دخلت تاني.

في الخارج 

قال بهدوء بعد ما قام / تمام انا ماشي بقا عشان عندي شغل لازم يكمل.

مروان بأسف / محمد انا اسف جداً والله انا مكنش قصدي اللي حصل بس انتا عارف ان لما بتعصب مش بشوف قدامي حد . قال محمد ببسمة مشاكسه / لا يعم لا زعل ولا حاجة مانا عارفك كويس ، وبعدين قال باستغراب / حقيقي انا نسيت أسألك مين بقا البنت دي؟

مروان بغموض / هبقا اقولك يلا مع السلامة قال كدا وهو بيحضنه وبعدين قام دخل.ولاكن استغرب لما لقي قدر واقفه قدامه وهي حاطه عينيها في الأرض وبتقول بعياط باين في نبرة صوتها / مروان بيه انا........ووووو