آدم: يبقي مين توفيق العطار ده أصلاً يا أدهم ، وتعرفه منين يا عمي

أدهم: ده صاحب شركة منافسة لينا 

إبراهيم: ده أوطي راجل عرفته الشركة دي شركتي ، سعاد هانم عارفة كل حاجة 

أنا زمان كنت صاحب أكبر شركة إستيراد وتصدير

وكان ليا شريك...أيوة هو توفيق العطار

كنت بثق فيه ثقة عمياء لأنه كان دايماً بيثبتلي إنه يستحق الثقة دي 

أما أخويا اللي هو أبو نور 

أدهم بدهشة: إيه نور مش بنتك 

إبراهيم: لا نور بنت أخويا الصغير مات في حادثة هو ومراته ومراتي....حادثة دبرها الندل توفيق

كان عيد ميلاد نور ومريم الاتنين أتولدوا في نفس الشهر لكن في أيام مختلفة لكننا كتبناهم في نفس اليوم وكنا بنحتفل باليوم ده 

وإحنا راجعين خبطتنا عربية ومات أخويا ومراته ومراتي وأنا اللي ربيت نور ومريم 

بعد ما دفنتهم رجعت شركتي منعوني من الدخول وعرفت إنه خلاني أمضي علي كل حاجة لأني كنت واثق فيه وبعدها عرفت إنه كان السبب في كل اللي حصل أخدت نور ومريم وعيشت علي قدي بالفلوس اللي كانت في حساب أخويا لأن دي الوحيدة اللي توفيق مقدرش ياخدها 

سعاد هانم: أنا كنت عارفة إنه شريكك ضحك عليك لكن مكنتش أعرف كل ده 

إبراهيم: دي حاجة كنت كاتمها في نفسي السنين اللي فاتت دي كلها 

لكن مش مهم دلوقتي المهم هو إن بناتي يرجعولي بالسلامة 

أدهم: متقلقش يا عمي هيرجعوا مهما كلفني الأمر 

في نفس الوقت رن التلفون 

أدهم: الو مين

توفيق: أيوة إيه مش عارفني 

أدهم: أنت عايز إيه بالظبط وإيه دخل نور ومريم في اللي بينا 

توفيق: براحة بس ، دخلهم كبير طبعاً ، أكيد عشان خايف عليهم هتعمل كل اللي أنا عايزه 

أدهم: عايز إيه

توفيق: تتنازلي علي الصفقة اللي رسيت عليك

أدهم: تمام 

توفيق: لأ أستني مش بس كده 

أدهم: بعصبية إيه تاني 

توفيق: والصفقة اللي بتحضرلها ترسي علي شركتي 

أدهم: تمام موافق بس أطمن عليهم 

توفيق بضحكة خبيثة: هههه لأ متقلقش في الحفظ والصون دول ولاد شريك عمري 

صحيح إبقي سلملي عليه 

أدهم بعصبية: قفل السكة

آدم: أهدي يا أدهم

إبراهيم: قالك إيه الندل ده يا أدهم 

أدهم: ولا حاجة طلب حجات تبع الشغل ، أرتاح أنت يا عمي وأنا وآدم هنتصرف

إبراهيم: أرتاح إزاي بس 

سعاد هانم: معلش يا إبراهيم بيه لازم ترتاح عشان متتعبش 

آدم: أيوة يا عمي متقلقش أنا وأدهم مش هننام إلا لما نوصلهم 

إبراهيم: يارب أنت عالم إنه مليش في الدنيا غيرهم 

في مكتبه 

قاعد علي كرسيه 

آدم بتوتر إيه يا أدهم أنت ساكت ليه مش لازم نتصرف بسرعة 

أدهم: متقلقش يا آدم كله تمام

آدم: كله تمام إزاي مالك محسسني إنه الموضوع عادي كده

أدهم: ههههه هتعرف بعدين يلا بينا 

آدم: علي فين بس 

أدهم: يلا بس هفهمك في العربية

في العربية 

آدم: إحنا رايحين فين 

أدهم: رايحين لنور ومريم 

آدم بدهشة: وأنت عرفت مكانهم إزاي 

أدهم: هههههه عيب عليك يا أبني أنا كنت عارف إن في ناس كتير ممكن تنتقم من أقرب الناس ليا بسبب الشغل فكنت عامل حسابي

آدم: أنا مش فاهم أي حاجة