بعد ما غدرت بنرمين للمره الثانيه بس المره دي طردتها واخدت منها بنتها روحت وعرفت غيرها ونسيت ان هي السبب في الشهره الكبيره اللي انا فيها دي

نرمين كانت ماشيه مش عارفه هي رايحه علي فين مفيش مكان تروح ليه كانت ماشيه ضايعه لحد ما قعدت علي الأرض وفضلت تبص للسماء وتهز رأسها بس مش قادره تتكلم فجأه في حد حط ايديه علي كتفها

رفعت رأسها تشوف مين لقيتها ست مش كبيره في السن لكن واضح جدا ان هي طيبه 

مالك يا بنتي قاعده كدا ليه

نرمين ماصدقت حد سألها السؤال دا وانهارت في البكاء

لا دا انتي حالتك صعبه اوى قومي تعالي معايا بيتي مش بعيد عن هنا

واخدتها معاها 

تعالي يا حبيبتي اتفضلي واتطمني يا سيتي مفيش حد عايش معايا هنا انا عايشه لوحدى يعنى تقدري تاخدي راحتك علي الاخر

ادخلي الاول بدلي ملابسك اللي عليها مية مطر دي علي ما أجهز لينا العشاء وبعدين نتكلم

دخلت نرمين بدلت ملابسها بعد ما مدام ألفت جابت ليها ملابس من عندها واكلوا 

هو انتي كدا اكلتي

ايوه الحمد لله 

طب يلا قومي اغسلي ايديكي واطلعي البلكون استنيني هعمل لينا كوفي ميكس ونتكلم من دلوقتي لبكره الصبح

بعد شويه

ها يا سيتي احكيلي ولو مش عايزه براحتك بس اوقات الكلام بيريحنا وانتي واضح عليكي انك تعبانه ومحتاجه تحكي

هحكي ليكي بس قبل اي حاجه انا ما جيتش علي كرامتي برضايا انا جيت عليها غصب عني

مش فاهمه

يعني انا اتولدت بنت وحيده لاهلي كنا عايشين في عماره انا وبابا حبيت ابن الجيران هو كان اكبر مني ب 5 سنين لكن هو ما حبنيش بسبب العلامه اللي في وجهي دي وكان دايما شايفني مش حلوه

لا يا روحي مش كل الناس زي بعض

طب اي انا هفضل واقف كدا 

لا يا حبيبي اتفضل

واتبادلوا السلام والضحك وقامت الفت مع نرمين يجهزوا الاكل مع بعض جيت نرمين تأكل في المطبخ الفت منعتها وقالت مش هتأكل من غيرها بعد الاكل دخلت نرمين تعمل نسكافيه والفت وايمن طلعوا البلكون

وبدأت الفت تحكي لأيمن حكاية نرمين 

يااااه هو في حد ممكن يتحمل وييجي علي كرامته بالشكل الصعب دا 

تخيل والاخر الندل اخد بنتها منها وطردها 

طب لي كل دا يعني عشان حاجه مش بإيديها  وربنا خلقها بيها 

بفكر نتواصل مع جمعية حقوق المرأة ونحكي لبهم حكايتها ونوصلها للرأي العام لازم نقف جنبها مش لازم نسيبها لوحدها

لا يا ماما مش هنتواصل مع حد سيبي الموضوع دا عليا وفي اقرب وقت هتكون بنتها معاها 

وبعد يومين فعلا ايمن كان بيتحرك عشان يجيب ليها حقها من رامز وبعدها عرف ان رامز متهم في قضية تهريب ادويه طلب زياره ليه واتقبلت

انت مين

مش مهم انا مين المهم انا جاي اعرض عليك عرض ولو قبلته هخرجك من التهمه دي

اطلب

تطلق نرمين 

حاضر هي طالق وبالثلاثه كمان 

وترجع ليها بنتها 

لا طبعا

خلاص للاسف مضطر امشي عشان شكلك حابب القعده هنا

لا خلاص تااخدها

فعلا زي ماسمعت عنك ودلوقتي امضيلي علي ورقة الطلاااق دي 

رامز اخد ورقة الطلاق ومضي عليها وهو ما يعرفش ان هو طلقها واتنازل ليها عن حقوقها وكمان مضي علي عقد ان الفيلا بقيت ملكها وان مالوش اي حق علي بنته ولا يقرب عليها غير بإذن من نرمين

رجع ايمن البيت وسلم نرمين كل الأوراق وقال ليها حقها رجع ورجع ليها كمان بنتها وبعد كام يوم ظهرت براءة رامز من خلال كاميرات المراقبة اللي قدام المستشفي ظهر فيها شخص فتح عربية رامز وحط ليه فيها الادويه 

وكلم الشرطه من نفس المكان ولما استمروا في البحث عنه ووصلوا ليه عرفوا ان دا بسبب اطباء استأجروه عشان يحط لرامز الادويه دي ويبلغوا عنه وبكدا الشهره تفضل ليهم هما وهو يبعد عن طريقهم 

رامز خرج من القسم وهو مش قادر من قلة النوم والتعب راح الفيلا الخاصه بيه لقي نرمين فيها

انتي بتعملي اي هنا هو انا مش طلقتك ولسه هيمد ايديه عليها ايمن وقف قدامه وقال :

هو دكتور رامز ما يعرفش ان الفيلا دي بقيت بإسم نرمين

انت بتقول اي

زي ما سمعت كدا لا ومش بس الفيلا والعربيه كمان وفوقهم بنتها ونفقه شهريه مش اقل من 5000 جنيه 

انت 

زي ما قولتلك ماانا مضيتك وانت في القسم علي كل دا ويلا بقي عشان نرمين عايزه ترتاح هي وبنتها 

انا مش هسكت علي اللي بيحصل دا

اعمل اللي تقدر عليه اتفضل يلا 

رامز مشي وهو مقرر ان لازم يتصرف ويرجع كل اللي نرمين اخدته منه وفضل يتوعد ليها ان مش هيسيبها ولازم يحررررق قلبها من جديد 

وهو ماشي ووسط وعوده في حد ضرررب عليه رصااااص كتير جدا ومن خلال بحث الشرطه عرفوا ان اللي ضر...ب رامز دا والده كان مريض ولازم يعمل عمليه في اسرع وقت ممكن

تكاليف العمليه كانت كبيره رامز رفض يعمل لوالده العمليه بسبب ان ابن الشخص المريض مفيش معاه غير نصف المبلغ وقتها رامز رفض ان يعمل للاب العمليه وبعدها الاب ما اتحملش واتوووفي وهنا الابن قرر ينتقم من رامز

اما عن نرمين فهي خلاص قررت تعيش الباقي لبنتها وبعد وفاة رامز اخدت والده ووالدته يعيشوا معاها لان هما مالهومش ذنب في اللي رامز عمله والفت كمان بإعتبار ان دول هما عيلتها الحقيقيه

طب ماتتزوج من ايمن وتعيش حياتها وتكون كدا اخدت العوض الجميل

ايمن متزوج وشغله كله برا مصر وبيرجع زيارات لوالدته نرمين ربنا عوضها فعلا بأهل رامز والفت وبروضه بنتها نرمين اتوظفت في شركة كبيره بواسطه من ايمن واللي ساعدها اكتر ان بتتكلم ثلاث لغات مختلفه 

خلاصة الروايه ان الجمال جمال الروح ومهما كان الانسان جميل فالجمال بييجي يوم ويتنفي خلي روحك دايما جميله لان اللي بيدوم للانسان سيرته الحسنه مش جماله اللي ظلمك بلاش تنتقم منه وانت الاهك اسمه المنتقم اقف واتفرج وربنا بياخد ليك حقك منه خليك دايما حامد ربنا عشان هو دايما مخبي الخير ليك وان حمدته ذادك من خيراته ما حمدتوش هتجري طول حياتك 

جري الوحوش في البريه ومش هتطول غير اللي كتبه ليك بردوا زي رامز كدا ما كانش راضي فبلاش طمع وتكبر على الناس مش وقت ما تتشهر تنسي اللي وقف جنبك ودعمك وتروح للي لو انت مركزك قليل شويه ما كنش رمقك حتي بنظرة عين انتهت الحكايه