رواية حين اشرقت بسمتها من الفصل الاول للاخير بقلم ايمان الرشيد
رواية حين اشرقت بسمتها من الفصل الاول للاخير هى رواية من كتابة ايمان الرشيد رواية حين اشرقت بسمتها من الفصل الاول للاخير صدر لاول مرة على موقع التواصل الاجتماعى فيسبوك رواية حين اشرقت بسمتها من الفصل الاول للاخير حقق تفاعل كبير على الفيسبوك لذلك سنعرض لكم رواية حين اشرقت بسمتها من الفصل الاول للاخير
رواية حين اشرقت بسمتها من الفصل الاول للاخير
- بقالنا ساعه طالبين الاوردر هو فين ؟!
= انتِ لسه طالباه ارتاحي وخلال ثواني هيكون عند حضرتك.
- انتِ كمان بتردي عليا..!!
= فين الرد ؛انا بس بوضحلك ان انا متاخرتش انتِ لسه طالبه.
- لا والله عال اوي انا مُش عارفه ازاي بيشغلوا ناس مشلو.له هنا وكمان بترد علي اسيداها.
بصتلها بضيق واتكلمت بعصبيه:
= مسمحلكيش تتكلمي معايا بالاسلوب ده احترمي نفسك.
اتكلمت بزعيق:
- فين مدير المطعم ، انا عاوزه مدير المطعم حالا.
/مكنتش اعرف مدير المطعم لاني متوظفه جديد ولا حتي شوفته ، صحبتي ندي اتوسطت ليا عنده ولانه كان في
شغل بره وافق ، لكن معتقدش انه يعرف اني عاجزه ،
جه مدير المطعم علي صوتها وزعيقها ولمه الناس
واستغرابها منها واتكلم برسميه:
- خير حضرتك فيه حد ضايقك ؟!
اتكلمت بخبث وهيا بتبصلي من فوق لتحت:
= انتوا ازاي توظفوا خدم بالاسلوب ده.
بصتلها بغرور واتكلمت بهدوء عكس النار الا جوايا:
- انتِ فاكره الناس خدم زيك ، وبعدين احنا بنعامل الخدم اللي زيك بالاسلوب الا تستحقه.
اتكلمت بغيظ وهيا بتجز علي اسنانها:
= لا وكمان مشلو.له مبتعرفش تتحرك ولسانها طويل ،
انتوا ازاي توظفوا وحده مشلوله ؟؟!.
بصلي بجمود ورجع بصلها:
- حضرتك اي الا مضايقك ؟!.
= بقالي ساعه طالبه الاوردر وهيا اتاخرت.
اتكلمت بثبات:
- كدابه عشان هيا لسه جايه وانا كنت هجهزه وهيا عملت الدوشه دي كان زمان الاوردر جهز من بدري.
بصلي بهدوء واتكلم بجمود:
= علي شغلك انتِ ، والاوردر هيكون عندك .
اتنهدت بغيظ وقالت:
- شكرا لكرم اخلاقك يا استاذ ايوب.
/كُنت ملاحظه نظراتها ليه كويس ونبره صوتها اللي اتغيرت وخداعها ، وركزت في الاسم اللي قالته كويس ده انا حتي مكنتش اعرف اسمه ؟!.
اتكلمت ندي بضحك:
- مُش قادره يا فيروز.
= اضحكي اضحكي يا اختي.
- تستاهل والله لو كُنت هنا مكنتش سيبتها تتكلم كده معاكي.
= كان نفسي اخبطها بالطبق في وشها ، بس قومت بالواجب.
اتكلمت وهيا بتحاول تداري ضحكتها:
- يعجبني ردودك.
اتكلمت بغيظ وانا بقلد طريقتها وصوتها:
- بت شبه البومه ، قال اي شكرا لكرم اخلاقك يا استاذ ايوب، واستاذ ايوب بتاعها ده مقالهاش غير الاوردر هيكون عندك !!
- انتِ سكتي لي انتِ كمان ، ما انا شوفت استاذ ايوب ده.
حمحت بتوتر وخوف:
= اسكُتي.
- مُش هسكت.
اتكلم ايوب من ورايا:
= سيبيها تقول الا في قلبها حرام برضوا تكتم في قلبها؟!.
اتكلمت بتوتر وابتسامه:
- تصدق وتؤمن بالله.
= لا اله الا الله.
- كُنت جايبه سيرتك في كُل خير.
اتكلم بجمود:
= ما انا عارف كمل بنفس الجمود خلصتي الاوردر.
هزيت راسي ب" ايوه ".
- تمام اتفضلي وديه لاصحابه وعاوز ندي في كلمتين.
/اتنهدت بهدوء وانا بسيبلهم المكان علي انفراد ، بس لسوء الحظ نسيت العصير ورجعت عشان اخده ، سمعته وهو بيقولها:
- انتِ مقولتليش لي انها مُش بتتحرك.
اتكلمت ندي بتوتر:
= مُش هتفرق يا استاذ ايوب.
اتكلم بجمود:
- لا هتفرق وبعدين ازاي هتشتغل ، الموضوع هيبقي صعب عليها ومرهق، وممكن لقدر الله حاجه تقع عليها وهيا شايلاها.
/ندي كانت هتتكلم لسه وتوضحله بس انا دخلت عليهم
بابتسامه حاولت اداري وراها حزني:
- اا..انا بس نسيت العصير هاخده حالا وهطلعه.
بصلي بهدوء وندي اتكلمت بلهفه:
= اساعدك يا فيروز.
اتكلمت بصوت يكاد مسموع:
- خدي انتِ طلعي الاوردر يا ندي ، ومفيش داعي تقلق بخصوص الشغل انا مُش عاوزه اعملكم مشاكل.
بصتلي ندي بحزن:
= انتِ بتقولي اي يا عبيطه انتِ استاذ ايوب خايف عليك.
ابتسمت وانا بطبطب علي ايدها:
- مفيش داعي تداري انا مُش زعلانه صدقيني.
اتكلمت ندي بحزن:
- صدقيني انتِ وجودك لوحده هنا بهجه.
= مفيش داعي يا ندي مُش زعلانه صدقيني.
= انا هستقيل.
اتكلمت ندي بحزن:
- فيروز انتِ ناسيه انك محتاجه للشغل.
قاطع كلامنا وهو بيتكلم برسميه:
- ومين قالك انك هتستقيلي ؟!.
بصتله بعدم فهم:
= انا مُش عاوزه حضرتك تشفق عليا ومفيش داعي للحرج.
بصلي بهدوء واتكلم بجمود:
- هتكوني مسؤوله عن قسم الحسابات.
اتنهدت وبصتله بخنقه:
= مُتشكره انا مُش عاوزه شفقه.
اتكلم بصوت عالي نسبيا وهو بيتلفت عشان يمشي:
- انا قولت كلامي ومُش بكرره.
بصتله بعصبيه:
= وانا محدش يمشي كلمته عليا.
اتكلمت ندي وهيا بتحاول تداري ضحكتها:
- انتِ فكراه خطيبك ولا اي ؟!.
بصتلها بعصبيه:
= مين المغرور ده.
رجع اتكلم بابتسامه خبيثه:
- مدير المطعم الا انتِ فيه ايوب الهواري اسالي عني.
نفخت خدودي بضيق:
= كُنت هناسبك انا عشان اسال عليك.
اتكلم بغمزه وهو بيديني ضهره:
- ولي لا.
/بصيت لندي اللي كانت بتضحك:
- انتِ بتضحكي علي اي انتِ كمان ؟!.
= استاذ ايوب بقي بيقلش والله عاش من شاف.
- هو كده بيقلش ده دمه سم.
= والله طيب هتتعودي عليه مع الوقت.
- ولا عاوزه اتعود حتي.
= طب يالا يا اختي علي الشغل.
/وفعلا سمعت كلامها وبدأت شغل ، مُش هنكر فعلا ان كُنت محتاجه الشغل جدا وبكابر ، بس انا مُش بحب حد يشفق عليا لمجرد اني قاعده علي كرسي متحرك !!.
- سبحان الله مفيش انسان كامل فعلا.
= افندم ؟!.
- اصلك زي القمر ما شاء الله لكن مُش بتتحركي.
= وانتَ مال حضرتك ؟!.
- لا شرسه كمان لا عجبتيني.
مديت ايدي عشان اضربه:
= انتَ قليل الادب ومُش متربي.
يتبع..
- انتَ قليل الادب ومُش متربي.
مسك ايدي واتكلم بخبث:
= ايدك لتوحشك ؛ وبعدين انتِ مُش هتعرفي تتحركي.
بصتله بغيظ:
- انتَ فاكر نفسك راجل كده ، اوعي تكُون حاسب نفسك من الرجاله ازعل والله ؟!.
/بصلي بغضب وحرك الكرسي صرخت بعلو صوتي:
- انتَ بتعمل اي يا مجنون واخدني علي فين.
اتكلم بخبث وهو بيغمز:
= هعرفك مقامك كويس وفيها اي لو اتسلينا سوا شويه.
بصتله بغضب وانا بحاول اقاومه بإيدي فتابع كلامه:
- تؤ تؤ صعبتي عليا متحاوليش لانك كده كده مشلو.له !!.
بصتله بقهر وصرخت بعلو صوتي علي ندي:
- ندي الحقيني.
= ندي مُش هتسمعك لانها مُش فاضيه.
/لحسن الحظ لقيت ايوب حاولت اندهله لكن حط ايده
علي بوقي عشان معرفش اندهله ، حسيت بشعور كنت
دايما بحاول علي قد ما اقدر محسوش وهو شعوري
بالعجز فلتت مني دمعه غصب عني، عضيت ايده
وندهت بأعلي صوت :
- ايوووووووب !!.
/كان لسه هيمشي لكن رجع تاني لما سمع صوتي ، كان بيتلفت عشان يشوف مصدر الصوت لحد ما شافني جه
بلهفه واتكلم بجمود:
- مالك بيها يا جدع؟؟.
اتكلم بخبث:
= هيا الا شاورتلي وغمزتلي وقالتلي اجيلها ؟؟!.
اتكلمت من بين دموعي:
- كذاب والله هو الا مُش محترم وبيتعدي حدوده.
اتكلم بخداع:
= وانتِ فكرك ان هبص لواحده مشلو.له زيك.
/الكلمه رشقت في قلبي وكأنه خن.جر ، حاولت اتمالك واتماسك عشان مبانش ضعيفه قدامهم او قدام نفسياا..!!
- انا مبكذبش وعمري ما اعمل كده انتَ كداب ومُش راجل.
= بطلي كدب انتِ الا ندهتيلي واغرتيني !!.
- لو انا السبب هنادي علي استاذ ايوب ليه يلحقني.
/بصيت لايوب بدموع بحاول افهم نظراته ليا هل هو فعلا مصدقه ومكدبني انا ، انا عارفه انه ميعرفنيش بس انا مُش كده ومُش عشان قاعده علي كرسي متحرك كله هيحط اللوم عليا لمجرد ان مقدرتش ادافع عن نفسي لكن صدمني رد فعل ايوب لما ضربه ضرب مبر.ح:
- انتَ صنفك اي لما تعاكس بنت وهيا مُش قادره تدافع
عن نفسها انتَ كده راجل ؟؟!.
بصتله بدموع واتكلمت بتوتر:
= سيبه يا استاذ ايوب هيمو.ت في ايدك متحطش نفسك في مشكله بسببي.
/لكن كأنه كان في عالم تاني مسمعنيش مكنتش عارفه اشيلهم عن بعض فعيطت بقهر ، جت ندي واتكلمت بقلق:
- في اي، اي الا بيحصل ده.
بصتلها بدموع:
= شيليهم اول عن بعض بسرعه.
/وفعلا ندي شالتهم عن بعض بصعوبه ، فتابع ايوب كلامه مشوفش وشك في المطعم هنا تاني احنا مبندخلش الا الاشكال المحترمه انما انتَ معداش عليك ريحه التربيه ، وفعلا مشي الشاب وهو بيتوعدله قرب ايوب مني واتكلم بحده:
- انتِ كويسه.
هزيت راسي ب " اه "
اتكلم بزعيق:
- هو انا مُش قولتلك انتِ في قسم الحسابات ولا مبتفهميش ، مالك ومال تقديم الطلبات انتِ.
اتنهدت بدموع:
= انتَ بتزعقلي انا محدش يزعقلي بقولك اهو ، وبعدين انا كنت بطلع اخر اوردر وبعد كده هعمل زي ما انتَ قولت وخلاص انا مُش عاوزه اشتغل عندك اصلا انا هستقيل.
بصلي بضيق وهو بيمسح علي وشه بضيق:
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
- كُل ما يحصل حاجه هستقيل ، طب اطمني يستي استقالتك مرفوضه شوفي هتعملي اي.
= انتَ مين عشان تقولي لا.
اتنهد بهدوء وبصلي بابتسامه مستفزه وهو بيتلفت كالعاده:
- ايوب الهواري اسالي عني كل شويه هقولك ولا اي ؟؟
= ولا عاوزه اعرف عنك حاجه اصلا ولا يهمني.
اتكلمت ندي بقلق وهيا بتحضني:
- انتِ كويسه انا اسفه ان مكنتش جنبك اي الا حصل.
بادلتها الحضن بابتسامه وانا بحكيلها الا حصل:
- انا اسفه والله حقك عليا مسمعتكيش.
= متتاسفيش مُش ذنبك.
اتكلمت ندي بضحك بتحاول تغير المود:
- لا بس انا حاسه ان علاقتك بأيوب بتتطور؟؟
= انا مبطيقوش انتِ بتقولي اي.
- يا بت عليا انا.
= مين ايوب ده اصلا شخص مستفز ، متكبر ، فاتح اكبر سلسله مطاعم فيكي يا مصر ، واسمه ايوب الهواري اساله عنه وانننن.
- برافو بدأتي تتعلمي وتعرفيني اهو صح.
= ولا يفرقلي وقفت كلام بصدمه فتابعت ندي كلامها:
- انتِ بتتكلمي في الاوقات الغلط.
ابتسمت بهطل:
= كنت بجيب سيرتك في كل خير والله دايما بتيجي كده فجاه مُش تقول اي حاجه.
- وانتوا بقي واقفين تتكلموا وسايبين شغلكم ؟؟.
اتكلمت وانا بشوح بايدي:
= هات كرسي بس كده وتعالي اقعد ، متنحش كده.
- متنحش..!!
= يوه هتقفلي علي الكلمه..هات كرسي بس.
/جاب الكرسي فعلا وقعد بجانب مني هو وندي ؛ الوقتي هعملكم فقره الساحر عاوزاكم تنبهروا لازم تنبهروا:
- ان ان احلي طبق ورق عنب.
اتكلمت ندي بمرح:
= ايوه بقي دلعينا..حمحت بخجل اسفه يا استاذ ايوب.
- ان ان عملتلكم كيكه بالبرتقال محدش بيبدع فيها غيري.
اتكلمت ندي بخبث:
= عملتلكم.
اتكلمت بتلقائيه:
- بصراحه مكنتش عامله حسابك يا استاذ ايوب بس لقمه هنيه تكفي ميه.
كملت بابتسامه:
= احلي بشاميل هتاكلوه من ايدي ومُش هتلاقوا زيه ابدا.
/ضحك بيأس وتقريبا دي اول مره اشوفه بيضحك من غير ما يكشر او يتكلم بجمود منكرش ان ضحكته جميله ، كفايه شكله جميل ووسيم ، واي الا انا بقوله ده ؟!.
- اي رايكم.
اتكلمت ندي بابتسامه:
= انا مُش فاضيه اقول راي انا باكل.
- طفسه طول عمرك.
= كالعاده يعني جميل تسلم ايدك بجد.
اتكلم ايوب بابتسامه:
- بصراحه جميل فعلا.
= المهم انا مسكتلهاش طبعا.
اتكلم باهتمام وهو بياكل من الكيكه:
- عملتيلها اي؟؟
/قاطع كلامنا صاحب ايوب وهو بيقوله:
- انتَ سايب المطعم والزباين مستنين وقاعد هنا ؟؟
= اسكت انتَ كده الوقتي كملي يا انسه فيروز اي الا حصل.
اتكلمت بضحكه:
= لا دي حكايه تانيه طويله هكملها بعدين.
- واحنا ورانا اي كملي.
صاحبه رفع حاجبه بسخريه:
= ورانا اي لا موراناش حاجه صحيح نقفل المطعم ونجبلكم اتنين لمون.
اتكلم ايوب بسخريه:
- ياريت يكون بالنعناع.
اتدخلت ندي بضحكه:
= لو سمحت خليهم تلاته.
بصلنا بغضب واتكلم بعصبيه:
- انا هطق منكم.
اتكلمت بضحكه:
= امال عامل كاريزما علينا لي يا ايوب.
بصلي بجمود من تاني وقام وقف:
- يالا علي شغلكم.
= الله ما كنا ماشين كويس اتحولت لي بس.
____________________
- فيروز ممكن بس تساعديني عقبال ما اشوف طلبات الناس؟
= من عيوني اساعدك في اي.
- شيلي الحله من علي النار وياريت لو تجهزي الشوربه؟؟
/وفعلا جيت اعمل زي ما ندي قالتلي لكن اتلسعت من الحله لانها سخنه ووقعت مني عليا وعلي الارض جه ايوب علي صوت الكسر واتكلم بغضب وزعيق اول مره اشوفه جد للدرجه دي:
- انتِ غبيه كام مره قولتلك متدخليش هنا ؟!.
يتبع.
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
- انتِ غبيه كام مره قولتلك متدخليش هنا ؟؟!.
= انا مكُنتش هدخل بس ندي قالت...
قاطع كلامي بزعيق:
- انتِ من يوم ما جيتي وكُل يوم مُشكله ، وكده هنتأخر علي تقديم الطلبات بسبب حضرتك لازم نعيد كل ده من تاني.
/بصتله بهدوء وحركت الكرسي ومشيت من قدامه ، قابلت ندي في وجهتي وانا خارجه بس مُردتش عليها لحد ما جت في وشي ووقفتني:
- انا بكلمك مُش بتردي عليا لي ، رَفَعت وشي بهدوء واتكلمت بفزع:
= انتِ بتعيطي لي ، حد كلمك وانا والله ما هسيبه؟؟
هزيت راسي بالنفي:
- لا محدش كلمني.
حركت الكرسي وخدتني معاها عشان تجهز الطلبات:
= انتِ تضحكي علي كله ماشي الا انا.
بصتلها بدموع وحاولت ابتسم:
- صدقيني مفيش حاجه والله.
طبطبت عليا وبصتلي بشك:
= تقدري تكذبي علي كله بس انا لا انا حافظاكي يا فيروز.
بصتلها بدموع واتكلمت بانهيار:
- انا همشي من هنا ومُش هرجع تاني.
اتكلمت بحزن:
= تمشي تروحي فين مُش هسمحلك تمشي.
اتنهدت بعياط وانا بمسح دموعي بكفوف ايدي:
- لا همشي وهسيب الشغل مُش عاوزاه.
بصتلي بشك واتكلمت بقلق:
= تسيبي الشغل وده لي ان شآء الله.
- مفيش حاجه بس انا هستقيل.
= ايوب كلمك قالك حاجه صح بسبب الا واقع ده ؟؟
بصتلها بهدوء ودموعي نازله كانها شلال ومُش راضيه تقف:
- مفيش حاجه يا ندي والله.
رفعت وشي من تاني بهدوء:
= بصيلي متنزليش عينك ، زعقلك ؟
عيطت بقهر واتكلمت بانهيار:
- ايوه زعقلي ، انا بس كُنت محتاجه الشغل اوي عشان
احاول اشتري شقه ، او اجيب شقه ايجار حتي وامشي
من عند مرات ابويا ، انا فرحت جدا لما اتقبلت في الشغل ده ، لكن حتي فلوسه مُش هتكفيني كان تفكيري غلط من الاول ، انا بس اتبسطت لان كمان كُنت بغير جو وبنزل بدل
ما انا محبوسه 24ساعه لوحدي في البيت.
بصتلي بحزن ودموع:
= فيروز انا اسفه حقك عليا انا ، انا هتكلم معا..
قاطعت كلامها وانا بتلفت عشان امشي:
- سبيني ارجوكي يا ندي سبيني لوحدي متجيش ورايا ،
وانا خلاص مُش عاوزه الشغل ، مُش عاوزه حاجه كفايه اهانه ، وكفايه وجع لحد كده ، انا بهرب من حقيقه اني
عاجزه مع ان دي حاجه مُش بايدي ومختارتش
يحصلي كده بس الناس مؤذيه ومؤذيه اوي
مصممه تأذيني وانا مأذتهمش والله..!!
بصتلي بدموع واتكلمت بحزن:
- انتِ راحه فين بحالتك دي متمشيش.
/مشيت ومُردتش عليها ، مشيت وانا بعيط بانهيار ، احساس العجز والشفقه تجاهك بتكسر القلب ، كُنت بحاول علي قد ما اقدر اتجاهل الشعور ده ومهتمش بيه عشان مبانش ضعيفه ، بس انا ضعيفه وهشه اوي من جوايا مهما كنت بمثل القوه بس مكُنتش قادره اواجه نفسي بالحقيقه والمجتمع اللي مبيرحمش وكأننا ناس غريبه مُش بشر زيهم !! .
/فوقت من شرودي وسرحاني ، علي صوت العربيات وهيا بتعدي ، اتوترت من المنظر معرفش جيت هنا امتي وازاي
انا كُنت ماشيه تايهه ، حاولت اعدي الطريق لوحدي لكن لسوء حظي وقعت بالكرسي علي الارض ، الناس وقفت تبصلي بشفقه مبحبش النظره دي اتكلم واحد بعصبيه :
- ما دام مُش بتعرفي تمشي سايبينك لوحدك لي انتِ معطله الطريق كله !!
/ما اهتمتش لكلامه ، كُنت بحاول اتحدي نفسي واقوم ، انا مُش عاوزه مساعده من حد انا مُش عاوزه اشوف نظرات الشفقه دي في عيونهم اتكلم صوت انا عارفاه كويس:
- فيروز انتِ كويسه ، حصلك حاجه !!
حاولت اتماسك لكن فشلت اتكلمت بانهيار:
= لا مُش كويسه يا ايوب.
- هساعدك قومي.
اتكلمت بدموع وعصبيه وانا بدب علي رجلي:
= مُش عاوزه مساعده انا هقوم لوحدي محدش يبصلي كده انا مُش مجنونه.
/بصلي بحزن وشالني علي غفله تلقائيا لفيت دراعي حوالين رقبته ، وشهقت بتوتر ، سرحت في شكله ، عيونه رغم جموده لكن جواها حنيه فوقت من شرودي وهو بيحطني في عربيته اتكلمت بتلعثم:
- انتَ ازاي تشتالني وليه جاي ورايا مُش انا بسببلك مشاكل؟!
رجع راسه للخلف ومسح علي وشه:
= انا اسف.
بصتله بعدم فهم:
- اسف علي اي ؟؟
= علي اسلوبي معاكي انا كُنت متعصب وطلعت عصبيتي فيكي انتِ وانتِ ملكيش ذنب ومكنش ينفع الا عملته.
اتنهدت بهدوء وبصتله كان باين عليه الندم فعلا:
- اسفك مقبول.
= هترجعي الشغل ؟؟
هزيت راسي بالنفي:
- لا مُش هرجع الافضل اكون بعيد.
اتنهد وهو بيبصلي بهدوء اتوترت من نظراته فتابع كلامه:
= يبقي لسه زعلانه وقلبك شايل.
بصتله بابتسامه حزينه:
- ايوه ودعيت عليك.
ضحك بيأس:
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
= كده متعادلين يبقي ارجعي ، وبصراحه بالصدفه سمعتك وانتِ بتتكلمي مع صحبتك ندي وانك محتاجه الشغل
ف ليه تسيبيه.
- بس انا مبحبش الشفقه.
بصلي بابتسامه ومد ايده:
= اعتبريه رد دين للي عملته.
ابتسمت وانا بمد ايدي اصافحه:
- عاوزني ابقي صافيه خالص تعزمني.
حرك راسه بمعني مفيش فايده:
= تحبي تروحي فين ؟!.
- ممكن نروح علي البحر لو مُش هتعب حضرتك؟؟
= حضرتك اي بقي خليها ايوب.
/ابتسمت بقله حيله ميلت دماغي علي ازاز العربيه وشردت فوقت من شرودي علي صوته وهو بيقول وصلنا:
حرك الكرسي بتاعي وخدني قدام البحر ابتسمت بحُب وانا بستنشق الهواء ومنظر السما :
- اسندني عاوزه اقعد علي الارض ، وفعلا سندني وقعد بجانب مني.
= انتِ دايما بتيجي هنا علي كده؟؟
- انا هنا لما بكون مضايقه ، البحر صاحبي الوحيد الا بيفهمني وبيفهم وجعي وبيسمعني لان معنديش صحاب غير ندي..؟؟
هز راسه بتفهم وبصلي:
= لي معندكيش صحاب.
هزيت اكتافي بعدم معرفه وفلتت دمعه مني :
- مُش عارفه ، يمكن هما مُش بيحبوني او زي ما انتَ شايف بيستعروا مني ، بس بصراحه دايما كُنت بتمني شله صحاب.
بصلي بنظره مفهمتاش ومد ايده يمسح دموعي برفق:
= دموعك غاليه ، الله انتِ هتقلبيها نكد انا مُش متعود منك علي كده .
/الوحده شعُور صعب لا يمكن وصفه ، بينهش في الروح والقلب ، تخيل تتعب ومتلاقيش حد جنبك انتَ بمفردك ،
او تكون حزين ومُش لاقي حد تبوح بحزنك ليه ، او حد يشاركك خروجك ، حد يشاركك حزنك ووجعك قبل فرحك ، ده يا بخت الا ليه عزوه واهل وصحاب يمسك فيهم بروحه.
ضحكت بيأس:
- اقولك علي سر؟؟
= قولي؟؟
- انا مُش بطيقك انتَ مين اصلا؟؟
اتكلمنا احنا الاتنين في نفس واحد بضحك:
= ايوب الهواري اسالي عني.
امسك كده اعملك مصلحه بصلي باستغراب فتابعت كلامي بضحكه وانا بمدله ايدي:
- عملتلك كيكه عمايل ايديا وحياه عنيا بس منك لله عشان كنت نكدت عليا.
= المفروض تحترميني ده انا حتي مديرك.
- طب هات الكيكه خساره فيك.
ضحك ضحكه رجوليه:
= خلاص متبقيش قماصه كده.
ابتسمت وانا بطلع العصير:
- مش عمايل ايدي ده اشتريته.
بصلي بصدمه وضحك بصتله بضيق ونفخت خدودي:
- بتضحك علي اي.
= انتِ بتشربي ميكس شكولاته يا صغنن؟
- طب والله خساره فيك انا اصلا كُنت جيباه ليا ولندي.
بصلي بابتسامه:
= خلاص مُش هزعلك هاتي.
- تحفه صح؟
= اوي.
ضحكت وقولتله:
- مُش قولتلك هيعجبك...بس انا عندي سؤال.
= اسالي.
- لي بتبقي بجد رخم في الشغل وكده.
= هتصدقيني لو قولتلك ان انا اول مره اتعامل مع حد كده والحد ده انتِ عموما.
- يا اخي من تواضع لله رفعه.
ابتسم بهدوء واتكلم:
= والله مُش مغرور انتِ الا شايفه كده بس.
ضحكت بيأس بصلي بابتسامه:
= ضحكتك حلوه ياريت تضحكي دايما.
ابتسمت بخجل وانا بتلاشي النظر ليه قاطع الصمت الا بينا فونه وهو بيرن:
- رد يمكن فيه حاجه مهمه ؟!.
= مُش حابب ارد.
/فضل الفون بتاعه يرن كتير ، وانا طبعا مُش بحب اتدخل في حاجه مليش فيها بس الفضول بقي ، بصيت بطرف
عيني علي الا بيتصل لكن كانت اسم بنت:
بصتله بضيق وانا باكل في ضوافري:
- ما ترد علي زوزتي دي .
بصلي باستغراب:
= طب وانتِ مضايقه لي.
- وانا هضايق لي ، اصلها قاعده ترن وانتَ مُش بترد علي خطيبتك دي ، وبعدين هتفكر انك بتخونها.
اتكلم بعدم فهم وادراك:
= خطيبه مين.
- ست زوزو دي انا اعرف مين.
بصلي ورجع بص للفون وضحك للدرجه عيونه دمعت نفخت بضيق واتكلمت بعصبيه:
- انتَ بتضحك علي اي عاوز تخليها تغير وقاعد معايا يعني؟
= دي امي ؟!.
بصتله بخجل:
- بيجاااد لا مؤاخذه اصل مسميها زوزتي ولا مُش عارفه اي ، وبعدين مُردتش لي عليها؟؟
= عشان يستي عاوزه تتعرف عليكي
- عليا انا ؟!.
= اصل صاحبي مراد حكالها عنك.
رجعت بتفكيري لورا:
- الا قالنا اجبلكم لمون.
= الله ينور عليكي.
/فضلنا قاعدين نتكلم انا وايوب ، الوقت سرقنا ، اكتشفت شخصيته كانت مختلفه تماما عن الا بيتصنع بيها ، كان
طيب وحنين دمه خفيف وحلو !!
- الله الله كُل ده حصل الخطوبه امتي بقي.
نغزتها في كتفها:
= احنا مُجرد صحاب.
- ما هيا بتبدأ بكده يا هبله !!
= امشي يا ندي متعصبنيش.
غمزت وهيا بتتلفت عشان تمشي:
- اوعي تنسي تجيبيلي صاحبه ها.
هزيت راسي بيأس منها.
____________________
- ايوه انا ماشيه علي الخطه مظبوط.
= بتديلها الحبوب كُل يوم.
- بحطلها في العصير وهيا مُش عارفه اصلا !!
= اوعي تاخد بالها.
- لو عرفت ان بحطلها حبوب عشان متمشيش هروح فيها ؟!.
يتبع..
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
- ايوه انا ماشيه علي الخطه مظبوط.
= بتديلها الحبوب كُل يوم.
- بحطلها في العصير وهيا مُش عارفه اصلا !!
= اوعي تاخد بالها.
- لو عرفت ان بحطلها حبوب عشان متمشيش هروح فيها ؟!.
/كانت المخُادعه صديقتنا << ندي >> ".
/وقفت بصدمه في مكاني مُش قادره اتحرك حاسه ان الدنيا بتلف بيا وانفاسي بتقل وغمام بيحاوط عيني ، شهقت بخضه وانا بحبس انفاسي عشان متسمعنيش ، عيطت بقهر وخرجت قبل ما تحس بيا ان انا جيت وانا خارجه قابلت في طريقي ايوب وقفني واتكلم بقلق بان عليه:
- فيروز مالك انتِ بتعيطي لي ؟؟!
بصتله بدموعي اللي مغرقه وشي اتكلمت بخوف وتوتر:
= اا..ا.. انا طلعت مُغفله !؟
قعد علي رُكبه وقرب مني واتكلم بقلق بان علي نبره صوته:
- حصل اي اهدي ؟؟
اتكلمت بتلعثم وخوف وزعيق:
= ابعد عني ابعد انتَ زيهم انتَ متفق معاهم مُش كده.
بصلي بخوف علي حالتي وحرك الكرسي وخدني بره:
- انتَ عاوز مني اي واخدني علي فين.
اتكلم بحنيه:
= متخافيش انا مُش هعملك حاجه هاخدك علي البحر.
اتنهدت بشحتفه وعياط فتابع كلامه بهدوء:
- اهدي مُش هضغط عليكي الوقتي.
/وصلنا وخدني ونزلنا عند البحر ، فهمت ان جابني هنا ،
لان قولتله ده مكاني المُفضل ، وقت حزني ، كُنت علي نفس حالتي ضايعه وجسمي بيترعش وخايفه مُش قادره اصدق حاسه ان في كابوس :
قلع الجاكت بتاعه وحطه عليا واتكلم بخوف:
- مالك بتترعشي لي ، انتِ تعبانه ، اجبلك الدكتور.
هزيت راسي بالنفي بدموع:
= لا.
مسك ايدي واتكلم بقلق:
- مالك يا فيروز متخوفنيش عليكي.
عيطت بقهر وانا بحاول ارتب حروفي:
= اا..انا لاول مره اكون خايفه اوي كده يا ايوب انا خايفه.
- خايفه من اي ، انا جنبك متخافيش مُش هخلي حد يقربلك.
اتكلمت بانهيار وانا بحاول اتنفس:
= انا اتخدعت في ندي يا ايوب انا فكرتها العوض ليا ؟!!
بصلي بصدمه واتكلم بهدوء:
- عملتلك اي ندي اهدي بس.
بصتله بدموع وايدي بتترعش:
= طلعت بتديلي حبوب عشان ممشيش يا ايوب.
بصلي بجمود وكور ايده بعصبيه:
- انتِ متاكده من كلامك ده.
= سمعتها بوداني وهيا بتكلم مرات ابويا طلعوا متفقين عليا!!
اتنهد وهو بيحاول يكون هادي عشان حالتي فكملت كلامي بعياط:
- ندي يا ايوب ، ندي بتخُوني انا ، ده انا قولت ربنا بيعوضني بيها عشان معنديش صحاب غيرها ، طلعت مبتحبنيش وكل ده فيك وخداع وكذب ، طب ازاي قدرت تزيف مشاعرها وكلامها معايا ، انا عمري ما شكيت لحظه انها ممكن تإذيني ازاي قدرت تشوف دموعي ووجعي وهيا السبب فيه.
بصلي بحزن واتكلم بهدوء عكس الغضب اللي جواه :
- متستاهلش يتقال عليها صاحبه ، عمري ما كنت اتوقع ان ده كُله يطلع منها.
عيطت بقهر وانا بشهق بعدم استيعاب:
= انا كُنت بحكيلها كُل حاجه ، كُنت بحكيلها معامله مرات ابويا ليا ، كُنت بقولها انها مُش بتحبني من صغري ، انا كُنت فاكره ان العجز الا انا فيه بسبب صدمتي بخبر وفاه امي، طلعت مرات ابويا بتحطلي حبوب واتفقت مع ندي ،
علي كده طلعت بتتفق مع كُل دكتور كان بيشوف حالتي !!
بصلي بحزن وفتح ذراعه ليا وقرب يحضني قربت منه وحضنته بدون وعي واتشبت في حضنه بعياط:
- انا مليش حظ دايما في الدنيا دي لي يا ايوب ، انا مُش وحشه ، انا مستاهلش كُل ده.
= هنعترض علي حكم ربنا ولا اي ، بعدين ده ربنا بيحبك عشان بيبتليكي وافتكري ان الابتلاءات بتغفر الذنوب
وبعدين دي دنيا فانيه ، وصدقيني هيجي اليوم الا ربنا يعوضك فيه وهتبكي من الفرحه.
/اتنهدت بدموع، شعُور صعب لما تكون واثق في حد
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
ومتعشم فيه اكتر من نفسك ، لما تجري عليه وتحكيله يومك ،مشاكلك ، كل حاجه بتحصل في يومك ، وتكتشف
انه بيكرهك ، انه بيخدعك ، بيمثل عليك الحب ، بيز.يف المشاعر محستش بنفسي غير وانا بستسلم للغمامه السوده اللي علي عيني ".
__________________
- اخيرا صحيتي ؟!.
/فتحت عيني بصعوبه كانت الرؤيه مُش واضحه لكن بدأت توضح ، حركت نظري علي الاوضه اللي انا فيها ، استغربت المكان اللي انا فيه اتكلمت بخضه وانا بقوم:
= انا فين وحضرتك مين ؟!.
اتكلمت بابتسامه:
- انا مامت ايوب ، ايوب جابك هنا كان مغمي عليكي ، فضلت قاعده جنبك لحد ما تفوقي.
حاولت ابتسم واتكلمت بتوتر:
= انا اسفه تعبتكم معايا.
اتكلمت بابتسامه:
- تعب اي بس ده انا مبسوطه ان انا شوفتك ، ايوب مقاليش انك كتكوته وحلوه كده ، ليه حق برضوا يداري عنك.
ابتسمت بهدوء:
= شكرا لحضرتك.
- لاحضرتك اي بقي وشكرا اي ، انا مامتك زيه بالظبط.
ابتسمت واتكلمت بتوتر:
= طب ممكن حضرتك تساعديني اقعد علي الكرسي عشان امشي.
اتكلمت بحزن بان علي ملامح وشها:
- تمشي ، تمشي فين ، ملحقتش اتعرف عليكي ؟!.
اتنهدت بابتسامه:
= مره تانيه ان شآء الله.
اتكلمت بابتسامه حزينه:
- لا خليكي ، وبعدين فيها اي لو فضلتي معانا هنا ، ونطرد ايوب عادي مُش ابني بس نطرده عشانك المهم تكوني مرتاحه.
ابتسمت بخجل:
= شكرا لذوق حضرتك بس..
قاطعت كلامي بابتسامه وهيا بتسندني وقعدتني علي الكرسي وخدتني للبلكونه:
- مُش هتمشي من هنا الا لما ايوب يرجع.
فركت ايدي بتوتر وابتسمت:
= المنظر هنا جميل اوي ، الله دي قطتكم انا بحب القطط اوي ؟!.
ابتسمت واتكلمت بمرح:
- دي بتاعه ايوب ، بيحبها حب ، اعتبريها بقت بتاعتك اي حاجه تخص ايوب هتبقي ليكي كده كده.
بصتلها بعدم فهم وابتسمت وانا بملس علي القطه:
= الا يشوف ابنك يا طنط في الاول ميشوفهوش وهو مربي قطه ، انا اصلا مكنتش بطيقه !!
ضحكت بيأس:
- ولا انا كُنت اصدق انه يتغير غير لما مُراد حكالي ، طب والوقتي بتطيقيه ؟!.
اتكلمت بتوهان:
= طلع طيب ، وشخصيته مختلفه عن الجمود الا هو بيبينه للناس ودمه خفيف ، كُنت مفكراه مغرور بصراحه.
قاطع كلامنا وهو داخل بابتسامه:
- بتجيبوا سيرتي في اي.
اتكلمت مامته بابتسامه:
= في كل خير يا حبيبي.
اتكلم وهو بيبوس ايد مامته وراسها:
- عامله اي يا ست فيروز.
ابتسمت علي حنيته مع مامته:
= كويسه.
اتكلمت مامته بحزن مصطنع:
- كانت عاوزه تمشي قولها تفضل معانا ، بدل ما انا قاعده لوحدي ، ومُش مهم انتَ تفضل في البيت.
اتكلم بضحكه:
= شايفه باعتني عشانك في ثانيه.
اتكلمت بابتسامه:
- هو حضرتك معندكيش بنات ؟؟
اتنهدت واتكلمت بابتسامه حزينه:
= عندي بنت بس متجوزه في بلد تانيه ، بس بتيجي يومين كل اسبوع.
هزيت راسي بتفهم تابعت كلامها:
- هقوم اجبلك حاجه تشربيها انما ايوب يعمل لنفسه.
اتكلم وهو بيحرك شعره بعشوائيه:
= ناويه علي اي ؟؟!
اتنهدت بهدوء:
- هجيب شقه ايجار ، هواجه ندي بس مُش الوقتي ، اما مرات ابويا هتصل ببابا وابلغه كل حاجه مكنتش عاوزه اخرب عليها بس هيا الا جابته لنفسها ولا اي ؟!.
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
اتنهد بابتسامه:
= طب والله قليل فيهم ، بس انا طردت ندي ؟؟.
- طردتها لي.
اتكلم وهو بيبص في عيوني:
= عشانك يا فيروز.
بعدت نظري عنه بتوتر:
- شكرا يا ايوب انتَ الوحيد الا واقف جنبي الفتره دي.
= عقبال الفترات الجايه ان شآء الله
بصتله بعدم فهم:
- فترات اي.
اتكلم بغمزه:
= هتعرفي بعدين.
/جت مامته وقاطعت كلامنا بابتسامه:
- اتفضلي العصير.
اتكلمت بابتسامه:
= مدوقتيش انتِ يا طنط الكيكه بتاعتي بقي ولا الاكل بتاعي عموما بس ايوب داقه.
اتنهدت بابتسامه خبيثه:
- اممم ايوب داقه ، وانا بقول بيرجع مُش عاوز ياكل لي.
بصلها بابتسامه متوتره:
= خلاص يا ماما يا حبيبتي.
- لازم ادوقك اكلي يا طنط.
اتكلمت بابتسامه:
= قوليلي يا ماما لو مُش عندك مانع انا اعتبرتك بنتي خلاص.
اتنهدت بابتسامه:
- حاضر.
اتكلمت بابتسامه خبيثه:
= ايوب ده وهو صغير كان بصي مقلبظ...استني اوريلك الصوره انا هفرجك علي الالبوم كله.
/ضحكت لما شوفت صوره وهو صغير ؛ فاتكلم بغيظ ، خلاص يا ماما يا حبيبتي الله يخليكي كفايه فضحتيني.
/قضيت اليوم معاهم ، مُش هنكر ان حسيت بدفئ العيله
اللي افتقدته ومحستش بيه من زمان ، نظرا لسفر بابا ، ووفاه امي، ومعامله مرات ابويا ، ابتسمت لمامت ايوب
وانا ببادلها الحضن فرت دمعه من عيني لحنيتها عليا ،
/روحت علي شقتي الا ايوب جبهالي بسعر يناسبني ،
علاقتي بايوب اتطورت ، وبقيت بنزل الشغل، واوقات
بروح عند مامت ايوب بصراحه حبيتها جدا وهيا حبتني، وبدأت جلسات عشان ارجع امشي من تاني بدأت بقوه وتحدي مقولتش لايوب ولا لمامته كُنت عملاهالهم مفاجاه كان صعب عليا الجلسات لكن بالعزيمه قدرت اقاوم، مع اتصالات ندي الكتير لكن مدتهاش اهتمام لحد ما اواجهها.
________________
- فيروز تقبلي تتجوزيني؟!.
ابتسمت بحب واتكلمت بخجل:
= وده سؤال يا ايوب ، موافقه طبعا.
ابتسم ولسه هيتكلم لكن قاطعت كلامه:
- لكن هتتجوزني بحالتي دي هتظلم نفسك معايا ؟؟
اتنهد بابتسامه وضربني علي دماغي:
= نفسي تبطلي نكد ، انا بحبك زي ما انتِ يا فيروز ، عاوزك زي ما انتِ ، انا حبيتك عشان انتِ مُش عاوز حاجه غيرك.
اتنهدت بابتسامه مليانه دموع وقومت وقفت اتكلم بخضه:
- فيروز انتِ وقفتي انا بحلم صح ؟؟
اتكلمت بدموع:
= لا حقيقه انا كمان مُش مصدقه نفسي.
اتكلم بصدمه:
- ازاي ؟!.
/فكرت في كلامك وفي العلاج الطبيعي مُش هنكر في
الاول ان كان املي ضعيف جدا بس بعد كلامك انت
ومامتك وتشجعيكم ليا خدت الخطوه دي بس قررت اعملهالكم مفاجاه وملقتش احسن من الموقف ده اقولك
فيه انتَ اول واحد كان لازم تشوفني وانا بمشي انتَ
كنت راضي بيا بكل حالاتي ، تستاهل تشوفني في احسن حالاتي.
/ابتسم وقرب مني حضني جامد لدرجه حسيت ضلوعي هتتكسر بادلته الحضن بدموع ، شالني ولف بيا اتكلم بهمس:
- انا قولتلك ان انا بموت فيكي.
ابتسمت بخجل واتكلمت بهدوء:
= لسه فيه حاجه هعملها يا ايوب قبل ما نبدا حياتنا.
/وقفت عند بيت ندي ، الشعور مختلف ، اللهفه اتمحت ، الذكريات اتنست ، بس اللوم والعتاب موجودين ، فضل
ايوب تحت مستنيني خبطت علي باب بيتها فتحت وكانت الصدمه باينه علي ملامح وشها :
- مُش هتقوليلي اتفضلي ادخلي ولا اي ؟؟
اتكلمت بتوتر وخوف:
= اتفضلي.
دخلت بهدوء واتكلمت بضحكه:
- غريبه الدنيا دي يا ندي مُش كده دواره؟
بصتلي بهدوء وحزن قدرت اميزه:
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
= كنتي فكراني هفضل مغفله ولا اي ، انا مُش جايه اعاتب بس جايه اقولك يا خساره يا ندي ، كُنت فكراكي صحبتي بجد وغيرهم طلعتي حيه متلونه ، بس الا انا مُش فهماه انا عملتلك اي ، كُنت بعيط في حضنك هُنت عليكي بس صحيح انتِ اصلا معندكيش مشاعر ولا دم ؟؟
اتكلمت بدموع:
- سامحيني يا فيروز ، كُنت غبيه لما عملت كده ، الحقد كان عاميني ، انتِ كنتي احسن مني في كل حاجه رغم عجزك، حتي في روحك وطيبتك طلعتي احسن مني بكتير انا ندمانه حاولت اتصل بيكي كتير واجيلك بس مقدرتش اوصلك .
اتكلمت وانا بقوم اقف عشان امشي:
= ندمك جه متاخر للاسف ، علي العموم انتِ مبقتيش تفرقيلي ، قولت اجي اوريكي انا فين وانتِ بقيتي فين
داين تدان ربنا مُش بيسيب حق حد حتي لو عدي سنين.
اتكلمت بدموع:
- حسيت بيكي وبمعاناتك ، لما بقيت قاعده علي كرسي متحرك ومُش قادره اتحرك ، ربنا خدلك حقك مني ، سامحيني يا فيروز.
اتكلمت بابتسامه حزينه:
= مش قادره اسامحك بس هسامح عشان ربنا بيسامح بس ، انا هسامح شوفي ربنا هيغفرلك ذنبك ولا لا ، اللي كانت بتساعدك ماتت بحسرتها قبل ما تكفر عن ذنوبها قدامك وقت.
/نزلت من بيتها كان ايوب واقف مستنيني ، خدني في حضنه ومسح دموعي واتكلم بحب:
- مُش عاوز اشوف دموعك ، دموعك غاليه.
ابتسمت وانا ببادله الحضن وبمشي:
= كان معاك حق ربنا عوضني يا ايوب ويا بختي بيك.
/قضيت اجمل ايامي بجانب ايوب ومامته ، عوضتني عن حنان امي الا ملحقتش اتمتع بيه لاني اتحرمت منها في سن صغير ، وحنيتهم عليا لوحدها خلتني انسي كُل حاجه وحشه.
- بقولك مراتك ضربتني يا ايوب.
بصلها واتكلم بهدوء:
= ازاي ده يحصل ، ضربتك يا ملك.
اتكلمت بنت خالته بضيق:
- ايوه دي مُش معقول تكون بشر.
بصلي ووجه كلامه ليا:
- انتِ ضربتيها فعلا يا فيروز.
هزيت راسي بابتسامه:
= ايوه ضربتها يا ايوب يا حبيبي.
اتكلم بضيق:
- ضربتيها ازاي.
= جبتها من شعرها.
اتكلم بابتسامه وهو بيبوس راسي:
- شاطره يا حبيبتي بارك الله فيكي.
اتكلمت بنت خالته بغيظ:
= انتَ بتتكلم جد يا ايوب؟؟
اتكلم بضحكه وهو بيبوس ايدي:
- ايوه انا قايلها الا يزعلك زعليه.
/ بصتلنا ومشت بغيظ ، فضحك بيأس وهو بيحضني:
- سيبك منها البطيخه عامله اي؟
بصتله بغيظ:
= هعضك انتَ كمان شايله ولادك في بطني وتقولي بطيخه.
حاول يداري ضحكته:
- حقك عليا يا حبيبتي.
بصتله بضيق:
= انتَ مجبتليش حرنكش لي.
بصلي باستغراب:
- مُش لسه جايبه امبارح واكلتهولي عشان معجبكيش.
= وانتَ اكلته لي ها وبعدين انا عاوزه تاني.
ضرب كف علي كف:
- هرمونات الحمل دي هتخلص امتي.
= انتَ زهقت مني اظهر علي حقيقتك.
اتكلم بابتسامه:
- شكلك حلو اوي النهارده ما تجيبي بو.سه.
= بجد شكلي حلو.
- يجنن.
= طب تصدق انك تستاهل بو.سه
تمت