رواية هو قدري وانا نصيبه من الفصل الاول للاخير بقلم عمرو راشد
رواية هو قدري وانا نصيبه من الفصل الاول للاخير هى رواية من كتابة عمرو راشد رواية هو قدري وانا نصيبه من الفصل الاول للاخير صدر لاول مرة على موقع التواصل الاجتماعى فيسبوك رواية هو قدري وانا نصيبه من الفصل الاول للاخير حقق تفاعل كبير على الفيسبوك لذلك سنعرض لكم رواية هو قدري وانا نصيبه من الفصل الاول للاخير
رواية هو قدري وانا نصيبه من الفصل الاول للاخير
شايف البت اللي بترقص هناك دي؟
= فين دي؟
اللي لابسة فستان احمر
= دي مراتي يا حيو*ان،، انت بتقول ايه؟
" كتير مننا بيحلمو كل يوم بشريك حياته،، سواء كانت بنت أو ولد،، يعني كل يوم المفروض ان الراجل بيحلم ببنت بس بشكل مختلف وفي الاخر بيتجوز واحدة تانية خالص اساسا الا انا بحلم بنفس البنت كل يوم،، عارفين يعني ايه كل يوم،، كل ما بنام بحلم لدرجة اني بقيت احب انام جدا عشان اشوفها،، الحلم كل يوم بيتكرر وهي ماسكة ايدي وماشية معايا وبتضحكلي وكل مرة بتحصل عاصفة شديدة جدا بتبعدنا عن بعض واسمعها وهي بتصرخ وبتقول
متسبنيش يا فارس
" صوتها بيكون برئ ومليان حنية،، بقوم من النوم كل يوم على هذا الحال،، بقوم وانا مضايق وحاسس بخنقة لاني مش عارف اكون معاها،، ممكن تقولو عليا مجنون بس انا فعلا حبيتها،، كالعادة صحيت من النوم على صوت امي وهي داخلة تزعق وتقول
انت نايم لحد الضهر!!،، انت مش عندك شغل؟،، قوم انزل بدل ما تترفد
= يا امي النهاردة الجمعة مفيش شغل
هو في بنوك بتقفل الجمعة
= ايوا يا امي البنوك اجازتها الجمعة وأنا كل مرة بقولك كدا
طب قوم ساعدني في تنضيف الشقة
= هي الكرة الأرضية هيحصلها حاجة لو سبتيني نايم يوم اجازتي اللي المفروض ارتاح فيه اساسا
اومال انا اعمل ايه اللي شايلة همك و هم ابوك وهم اخواتك،، ارحموني بقا اوووف
" للعلم انا ابويا متوفي من خمس سنين ومليش اخوات بس هي أمي دايما تحب تكبر المواضيع زي ام وعشان متزعلش مني قومت ساعدتها بالفعل،، بس وانا معاها قالتلي
عارف يا فارس،، البت اسماء بنت ام حسين جارتنا بقت زي القمر،، شوفتها امبارح وانا في السوق،، ما شاء الله ادب واخلاق وجمال وشايلة البيت كله لوحدها
= ليه وحسين فين؟
" زعقت فيا
انت مالك ب حسين؟،، انت هتتجوز حسين؟
= امممم قولي بقا كدا،، أنتي قصدك على جواز بقا
اومال بحكيلك عنها ليه؟،، عشان تقيمها مثلا؟
= انسي الموضوع دا يا ماما شوية
انسى ازاي يعني؟،، يا حبيبي انت كبرت ولازم تتجوز
= مين قال انه لازم؟،، مين اقنعك بكدا؟
انا اللي بقول يا فارس،، و ايوا انا عايزاك تتجوز،، فيها ايه لما ابقا عايزة افرح بيك؟
= مفيهاش حاجة يا امي،، بس أنا من حقي اختار البنت اللي انا هتجوزها
طب ما انا سايباك براحتك يا حبيبي،، بس مفيش مانع اما الاقي حاجة كويسة اقولك وتشوفها،، جايز تعجبك
= طب بعدين يا امي،، بعدين مش وقته
لا وقته بقا
= انتي عايزاني انزل يعني؟
يا حبيبي تنزل ليه بس؟،، أنا كل اللي عايزاه منك انك تيجي معايا تشوفها
= ماشي يا ماما ابقي حددي معاهم معاد
ماهو احنا رايحين النهاردة بليل عندهم
= مين اللي رايحين دول؟
انا وانت يا فارس في ايه؟
= انتي ازاي تقرري حاجة زي كدا من غير ما تقوليلي؟
وانت هترفض ليه؟وبعدين انت كنت لسة موافق اهو وعايزني احدد معاد؟
= تقومي تفاجئيني اننا رايحين النهاردة؟
مانا عارفة ان النهاردة اجازتك ومعندكش حاجة
= دلوقتي افتكرتي انه يوم اجازتي صح
اومال يعني هكلمك في الموضوع ازاي وانت قاعد في اوضتك كدا
" الأمهات دول عليهم حاجات غريبة،، بس برضو مكنتش حابب ازعلها،، رضا الوالدين دا اهم حاجة في حياتك،، وبما ان واحد منهم مش موجود يبقا أنا لازم اراعي التاني كويس اوي،، استنيت ل بليل وخدت دش ولبست طقم شيك و روحت مع امي عند ام حسين جارتنا،، الصراحة الست كانت ذوق جدا،، قعدنا معاها ومع بنتها أسماء،، في وسط الكلام امي طلبت من أمها اني آاخد اسماء و نروح نقعد في البلكونة عشان نعرف ناخد راحتنا وفعلا انا عملت كدا،، اول ما دخلنا لقيتها قالتلي
ثواني وجاية
" ممكن تكون داخلة الحمام ومكسوفة تقول،، عارف انا حركات البنات دي،، بعد دقيقة لقيتها جات وقعدت جنبي وخرجت علبة السجاير و سحبت واحدة منها و بتو*لعها
بتشرب؟
= لا سجاير لا الحمدلله
طب قولي بقا يا برو الكلام على ايه؟
= الكلام جميل و زي الفل حضرتك
طبعا امك جايباك هنا عشان نتعرف على بعض بقا والجو دا
= الصراحة اه
وانت بقا هتعرف؟
= عيب كدا يا استاذة اسماء احنا برضو في بيتك
انت فهمت ايه؟،، أنا قصدي هتعرف تفتح بيت
= ياااه انا مفهمتهاش كدا خالص
اومال فهمتها ازاي؟ اوعا يكون اللي في بالي،، انت طلعت سا*فل بقا
= لا والله مش كدا الأمور اختلطت يعني
طب انت ايه رأيك في الجواز عموما؟
= والله انا شايف انه مشروع اتنين بيكملو بعض،، بيعيشو سوا ويتشاركو مع بعض كل حاجة بقا سواء حلوة أو وحشة،، فكرة نجاح او فشل الجواز بتعتمد على اختيار الشخص اللي هعيش معاه
يعني انت ممكن توافق تعيش معايا؟
= ممكن ليه لأ؟
بس انا بشرب سجاير
= و مالو
عندي صحاب ولاد كتير
= غيره
بنسافر كتير مع بعض
= مش جاي
ساعات بنتجمع في شقة واحد صاحبنا وممكن نبات
= كملي مترحميش
عندي بيست فريند ومش ممكن هبعد عنها،، هتكون اهم منك انت شخصيا
= بنت ولا ولد
لا بنت طبعا،، انت عايز الناس تقول عليا ايه؟
= بنت!! انا اسف يا استاذة اسماء مش هنعرف نكون مع بعض،، للاسف احنا مش متشابهين
" خرجت من البلكونة و روحت عشان آاخد امي اللي اتفاجأت وقالتلي
ايه اللي جابك بدري كدا؟
= مفيش نصيب يا امي
" بعدها لفيت ل امها وقولتلها
لما حسين يرجع من السفر ابقي قوليله ان اختك زي الفل،، ناقصها تربية بس
#بقلم : #عمرو راشد
" خدت امي ومشيت رجعنا بيتنا وبمجرد ما وصلتها نزلت علطول عشان عارف لو قعدت هسمع كلام مش هيخلص لحد الصبح،، نزلت و اتمشيت شوية في الشوارع لحد ما بالصدفة لقيت قاعة مفتوحة وفيها فرح،، من ضمن عاداتي الغريبة واللي دايما بتجيبلي المشاكل هي اني بدخل أفراح ناس انا معرفهاش،، بدخل اسلم وابارك للكل وبتعشى و امشي،، كنت محتاج فعلا افك شوية عن نفسي وفعلا دخلت الفرح،، كان فرح حلو جدا،، باين انه اتصرف عليه كتير،، يعني أصحاب الفرح اغنيا،، دخلت سلمت على العريس اللي انا معرفوش اصلا وحتى هو كمان مكنش مستغرب،، فضلت واقف شوية لحد ما زهقت وقررت امشي،، خرجت من باب القاعة ولسة همشي لكن سمعت صوت حد بيقولي
رايح فين؟
" بصيت ورايا لقيت شخص في التلاتينات من عمره لابس بدلة شيك جدا وباين عليه انه غني،، ساعتها انا كنت مصدوم،، لقيته قرب مني وقال
البوفيه لسة هينزل،، مستعجل ليه؟
= معلش انا اتأخرت ولازم امشي
ايه هو الفرح مش عاجبك؟
= بالعكس والله دا جميل جدا
طب قولي بقا انت تبع مين؟
" مفيش مغامرة من غير رعب و دا اكتر سؤال مرعب بالنسبالي في المغامرة دي
انا تبع العروسة
= تبعنا يعني،، ابن مين بقا ولا من فين ولا اسمك ايه،، قولي اي حاجة،، مالك متوتر ليه؟
مش متوتر ولا حاجة بس زي ما تقول انا مليش في الافراح أوي
= دول ساعتين بنفرح ونتبسط فيهم عديهم وخلاص مفيش مشكلة
" الصراحة هو كان بيتكلم كويس وبيضحك معايا لدرجة اني نسيت اني اساسا واقع في مشكلة دلوقتي،، بعدها مد ايده وسلم عليا
انا اسمي وليد بشتغل رجل أعمال،، وانت
= فارس شغال محاسب في بنك
دا كويس جدا،، و يا ترى مبسوط عندك؟
= عادي والله الحمدلله زي اي حد
انا ممكن اشغلك معايا لو عايز و مش هنختلف على الراتب
= دا بجد؟
بجد ولو لقيت انك شاطر هتترقى اسرع و المرتب هيكون اكبر بكتير
= طب تمام،، اجيلك امتا؟
الوقت اللي يناسبك
" خرج ايده من چاكيت البدلة ب كارت و مد ايده بيه
دا الكارت بتاعي كلمني في الوقت المناسب ليك
= تمام شكرا ليك والله
قولي بقا انت تبع مين؟
= العريس
انت مش كنت قولت العروسة؟
= مفيش فرق بقا احنا بقينا اهل خلاص
" دخلنا القاعة تاني وفضلنا واقفين انا وهو بنسقف وبنرقص مع بعض كأننا نعرف بعض من سنين،، بس وقفت للحظة وشوفتها،، مش ممكن تكون هي،، الحلم اكيد مش هيتحقق،، لكن هي،، والله العظيم هي،، انا فضلت واقف مبنطقش مش عارف اسيطر على ضربات قلبي،، نفس الجمال اللي شوفتها بيه في الحلم،، نفس كل حاجة،، وليد ساعتها لاحظ وقالي
حطيت عينك على حد ولا ايه؟
= ومش اي حد دي قمر
فين دي؟
شايف البت اللي بترقص هناك دي؟
= لا فين؟
اللي لابسة فستان احمر دي
= دي مراتي يا حيو*ان،، انت بتقول ايه؟
مراتك!!،، مراتك ازاي يعني؟
= بتعاكس مراتي وانا واقف جنبك يا ابن الو***
والله ما اعرف انها مراتك،، أهدى بس واسمعني،، الموضوع كله عبارة عن حلم
= انت كمان بتحلم بمراتي!!!،، يا ابن الكل* والله ما هسيبك
" ساعتها لقيته ضر*بني بوكس قوي جدا في وشي،، المشكلة ساعتها ان الناس بدأت تتجمع وهيضر*بوني لكن انا مستنتش وجريت بسرعة برا القاعة،، كملت جري للشارع،، بصيت ورايا والحمدلله ملقتش حد،، حطيت ايدي في جيبي لكن الصدمة اني ملقتش التليفون،، كان لازم ارجع تاني لانه عليه شغلي،، رجعت بهدوء لكن مدخلتش القاعة،، خايف ادخل،، بقدم رجل وبأخر رجل،، وبعدين هدور عليه فين أصلا وسط الناس دي كلها،، قررت ساعتها أني امشي بدل ما ادخل ويحصل حاجة بس سمعت صوت تاني من ورايا بيقول
انت بقا سبب الخنا*قة اللي حصلت دي؟
" بصيت ورايا وشوفتها،، كانت هي،، حاولت امنع الابتسامة البلهاء اللي ظهرت على وشي دي وبصيت قدامي وقولت
لو سمحتي كفاية لحد كدا بدل ما جوزك يضايق بس انا والله ما كنت انه جوزك اصلا،، أنا كنت ماشي بس تليفوني وقع جوا و راجع ادور عليه
= هو انت ليه باصص قدامك،، أنا وراك على فكرة
معلش عشان محدش يتضايق
= هو مين اللي هيتضايق؟
جوزك
= جوزي ايه!!،، أنا مش متجوزة اصلا
" بصيتلها بإستغراب
ازاي مش متجوزة!!،، اومال وليد دا يبقا مين؟
هو انت ليه باصص قدامك،، أنا وراك على فكرة
معلش عشان محدش يتضايق
= هو مين اللي هيتضايق؟
جوزك
= جوزي ايه!!،، أنا مش متجوزة اصلا
" بصيتلها بإستغراب
ازاي مش متجوزة!!،، اومال وليد دا يبقا مين؟
= انا لازم ارجع الفرح زمانهم بيدورو عليا
استني طيب انا محتاج اتكلم معاكي
= صدقني مش هينفع،، امشي دلوقتي وأنا هدورلك على التليفون ولو لقيته هكلمك
طب انا هلاقيكي تاني ازاي؟
= انا هعرف الاقيك
طب أنتي اسمك ايه؟
" مشيت ومردتش عليا ودخلت القاعة،، أنا مكنش ينفع ادخل وراها،، رجعت ل ورا وقررت ارجع بيتنا وانا مبسوط للمرة الأولى في حياتي،، أنا عمري ما كنت هتخيل اني ممكن اقابل واحدة شوفتها في حلم لا واتكلم معاها كمان،، رجعت البيت وانا بغني
اجمل عيون في الكون انا شوفتها،، الله عليك الله على سحرها❤️✨
" سمعت امي وهي خارجة من اوضتها وبتقولي
عيون مين يا فارس؟،، عيون مين يا حبيبي
= القمر يا امي
القمر دي اللي انت خليتك تمشي من عند الناس وتكسفنا بالشكل دا
= يا ماما انا راضي ضميرك دي اشكال ناس نناسبها؟
طب قولي انت حاطط عينك على حد معين؟
= من ساعتين بس ابتديت احط عيني و احط قلبي كمان والله
الله الله طب قولي مين هي؟،، ولا اقولك حدد معاد علطول
= في ايه يا امي اهدي شوية مش كدا،، أنا لسة بتعرف عليها
بعد الجواز تتعرفو مفيش مشكلة يا حبيبي
= هو احنا مش كنا بنتعرف في الخطوبة باين؟
خطوبة ولا جواز مش هتفرق يا فارس،، المهم بس قولي هي مين؟
= معرفش
طب اسمها ايه؟
= برضو مش عارف
طب من عيلة مين ولا ساكنة فين؟
= لا برضو معرفتش
اومال جاي مبسوط وفرحان على ايه؟ وتقولي عيون القمر،، قمر ايه يا واد انت؟
= يا ماما دي لسة اول مرة اشوفها اصلا
بص يا ابني انا داخلة انام قبل ما تجيلي جلطة
" محدش فاهمني،، بس ماهو طبيعي محدش يفهم حاجة اذا كنت انا مش فاهم نفسي ومش عارف الموضوع هياخدني على فين بس انا مبسوط،، شعور غريب كدا انا مش فاهمه بس هو حلو،، أول مرة احس بكدا ولكن الغريب بقا هي اني فعلا معرفش عنها حاجة و ازاي هي مش مرات وليد اومال هو قصده مين؟،، محبتش انهي لحظات السعادة اللي كنت فيها وافكر كتير،، قررت انام ولما صحيت خرجت برا الأوضة عشان افطر،، امي ساعتها كانت بتنضف الشقة،، دخلت المطبخ عملت القهوة بتاعتي وبعدها سمعت صوت تليفون امي وهو بيرن،، هي ردت وسمعتها بتقول
مين انتي؟،، انتي كمان مش عارفة متصلة على مين؟
ايوا هو،، استني هو انتي العروسة؟
" ساعتها انا خرجت من المطبخ جري وخدت التليفون من امي وكلمتها
ايوا
= عروسة ايه يابني؟،، انت قولت ل مامتك ايه؟
معلش هي بتحب تهزر،، المهم انتي لقيتي التليفون؟
= ايوا لقيته
طب ايه؟
= ايه؟
ايوا انا عايزه
= قابلني النهاردة في كافيه ********،، عارفه؟
عارفه طبعا
= هستناك الساعة 7
" قفلت معاها و بصيت ل امي اللي كانت واقفة جنبي وبتحاول تسمع المكالمة
هتروح تقابلها؟
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
= يا ماما انا تليفوني وقع مني و رايح آاخده منها
مش جايز تكون هي اللي سر*قته؟
= وهو اللي بيسر*ق حاجة بيرجعها يا امي؟
يمكن عايزة تتوب؟
= انا دلوقتي لازم ادخل البس عشان انزل
ماهي قالتلك الساعة 7 مستعجل ليه
= اه دا أنتي سمعتي المكالمة كلها بقا
حاجات بسيطة بس
= يا امي انا نفسي تفهمي ان الجواز دا بالدور،، أنا لما ييجي دوري هتجوز،، فهمتي؟
فهمت و دي اخر مرة هكلمك في الموضوع دا يا فارس
" دخلت اوضتي تاني وبدأت اجهز نفسي،، للعلم الساعة كانت لسة 3 بس انا حاسس اني متوتر أوي،، محتار هلبس ايه،، البس كاچوال ولا بلاش ولا ايه،، مش عارف،، الساعة بقت 5 وأنا لسة قاعد ومحتار كأني رايح اخطب،، كان احسن قرار اني اكون عادي،، قررت اني هلبس طقم كاچوال شيك،، لبست وجهزت نفسي ونزلت عشان اروح الكافيه دخلت لقيتها قاعدة مستنياني جوا،، نفس الابتسامة البلهاء اترسمت على وشي أول ما شوفتها وقربت منها
حضرتك متأخر 3 دقايق،، ممكن اعرف ايه السبب؟
= مفيش والله انا كنت جاي في معادي بس العربية عطلت
وفلوسك وقعت وانت مش هنا وعايز ترجع بلدك صح
= صح
قديمة اوي الحجج دي
= انا اسف عموما اني اتأخرت
عادي محصلش حاجة
= قوليلي بقا انتي فتحتي تليفوني ازاي؟
ولا حاجة انا لقيت التليفون عليه باسورد ومش هعرف افتحه،، خدت الخط من تليفونك وحطيته عندي ملقتش عليه غير رقم واحد ومكتوب ماما ف اتصلت بس كدا
= بصراحة ذكية جدا
I Know
= طب هو ينفع لحد دلوقتي اكون معرفش اسمك؟
يا سيدي انا اسمي رقية
= اسمك حلو أوي،، أنا فارس
بحب اوي الاسامي اللي مبتكونش منتشرة كتير دي
= طب ايه،، احكيلي عنك شوية
اه دا انت جاي تتعرف بقا مش جاي تاخد تليفونك
= الحقيقة فعلا انا جاي اتعرف عليكي مش هكذب
واشمعنا انا اللي عايز تتعرف عليا؟
= انا شوفتك في الحلم،، حلمت بيكي كتير أوي ومن ساعتها وانا بتمنى اشوفك
قولتلك قديم الجو دا
= انا والله ما بكذب عليكي،، أنا فعلا حلمت بيكي اكتر من مرة،، ومش واحدة شبهك لا أنتي،، نفس كل حاجة
بص يا فارس من مصلحتك انك متعرفش عني حاجة،، احنا اللي بينا حاليا هو تليفونك و اتفضل اهو
" خرجت من شنطتها التليفون وحطته قدامي على الترابيزة وكملت كلامها
فرصة سعيدة وعلى فكرة انا مصدقاك لأنك باين عليك شخص محترم وكويس بس صدقني مش هينفع
= طب سؤال واحد بس؟،، وليد دا يبقا مين؟،، جوزك؟
" اتنهدت و ردت عليا بعد ما وقفت وخدت شنطتها عشان تمشي
انا مش متجوزة يا فارس،، لو سمحت انا همشي
" مشيت وانا الحيرة والتساؤلات في دماغي بدأت تشتغل،، أسئلة كتير أوي ملهاش اجابة ولكن مكنش في غير جملة واحدة بس هي اللي بتتردد،، مينفعش بعد ما الاقي حلمي اسيبه،، قومت وراها بسرعة لقيتها ركبت عربية ومشيت،، ساعتها وقفت تاكسي و ركبت فيه ومشيت وراها لحد ما وصلنا قدام فيلا كبيرة،، ساعتها هي نزلت من عربيتها ودخلت الفيلا،، مكنتش عارف ساعتها اعمل ايه؟،، ادخل وراها ولا استنى،، قررت استنى لحد ما اشوف هعمل ايه،، رجعت البيت لقيت امي نايمة،، دخلت اوضتي وقعدت افكر في كل اللي حصل،، البنت دي غريبة ووراها سر،، ويمكن عشان كدا انا مش عارف اكون معاها في الحلم،، النوم ساعتها غلبني و حلمت نفس الحلم و سمعت صوتها وهي بتصرخ
متسبنيش
" قومت مفزوع من الحلم،، ساعتها سمعت أذان الفجر،، قومت اتوضيت وصليت وقعدت تاني افكر في اللي حصل،، هل دي إشارة من ربنا طب؟،، أصلها لو مش إشارة هحلم بيها كل دا ليه،، أنا لازم افهم في ايه،، خدت اجازة يومين من الشغل وخدت كتابين من المكتبة عندي ولبست ونزلت،، والساعة 10 الصبح كنت انا واقف قدام بيتها،، فتحت الباب ودخلت رنيت الجرس،، فتحتلي الباب واحدة من اللي بيشتغلو هناك وقالت
حضرتك مين؟
= انا زميل استاذة رقية وكنت محتاج اتكلم معاها
" ساعتها شوفتها وهي جاية ووقفت قدامي وقالت للست اللي ردت عليا
طب ادخلي انتي جوا
" بعدها بصتلي بترقب،،
مين حضرتك؟
" ساعتها ابتسمت
مين حضرتي ايه ؟،، انتي لحقتي تنسيني؟ انا فارس
= فارس مين يعني؟ انا معرفكش
متعرفنيش ازاي،، بأمارة تليفوني اللي لقتيه
= تليفون ايه؟؟،، حضرتك اكيد غلطان في العنوان
" فضلت مركزة فيا وبعدها قالت
هو انت؟،، وكمان جاي لحد هنا،، دا انت مبتحرمش بقا؟
#بقلم : #عمرو راشد
" ساعتها شوفت وليد وهو جاي يقف جنبها واول ما شافني جري عليا وقالي
انت جاي لحد هنا كمان؟،، شكلك لسة عايز تكمل ضر*ب
= يا جماعة استنو في ايه والله ما فاهم حاجة
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
انت ياض جاي تعاكس مراتي تاني وفي بيتي كمان؟،، انت ايه البجا*حة دي ؟
= مراتك!!!
انت برضو هتعمل نفسك عبيط،، مانا قولتلك دي مراتي
" ساعتها قربت منها وقولتلها
انتي مش قولتيلي امبارح انك مش متجوزة؟
= انت بتقول ايه يا مجنون انت؟
" وليد ساعتها زعق وقال
انتي كمان قابلتيه امبارح يا نورا؟
= والله ما حصل،، والله ما عملت حاجة دا كداب
" ساعتها اتكلمت انا وقولت
نورا مين؟،، هو انتي مش اسمك رقية؟
" ساعتها شوفت واحدة تانية نسخة منها خرجت من الباب وقالت
في ايه يا جماعة؟،، ايه الصوت العالي دا؟
" دي نسخة حرفيا من اللي واقفة معايا،، بعدها بصت ليا بدهشة وقالت
فارس!!،، انت بتعمل ايه هنا؟
" ساعتها وليد زعق وقال
هو في ايه اللي بيحصل هنا؟
" وقرب منها وقال
انتي تعرفيه؟
= ايوا اعرفه
البيه دا كان بيعاكس نورا،، يبقا مين دا ولا تعرفيه منين؟
= فارس دا يبقا صحبي عارفاه من زمان
" ساعتها انا قربت من وليد
صدقني انا معرفش انهم توأم،، أنا كنت اقصد رقية مش مراتك خالص
= و ازاي انت صاحب رقية ومتعرفش ان ليها اخت توأم
أصلها محكتش ليا قبل كدا على اي حاجة من حياتها
= وانت جاي ليه؟
انا جاي عشان ارجع الكتب اللي كنت مستلفها منها
= اتفضل رجعها
" كانت رقية واقفة مستغربة لان فعلا انا مستلفتش منها حاجة،، حطيت الكتب في ايدها و رجعت خطوتين ل ورا ولقيت وليد قالي
دي اخر مرة اشوفك هنا،، فاهم ولا لا؟
" حركت رأسي بالموافقة وخرجت من باب الفيلا،، مكنش في اي عربية اركبها عشان ارجع البيت،، فضلت واقف لحد ما لقيت اتنين شكلهم ضخم جدا بيقربو عليا ومسكوني،، واحد منهم ضر*بني بالبوكس،، وقعت على الأرض،، والتاني قرب مني و سندني عشان اقوم وكمل ضر*ب فيا لحد ما وقعت على الأرض وفقدت الوعي
" خدت منه الكتب و دخلنا جوا عشان الاقي وليد بيزعقلي وهو صوته عالي جدا
قولتلك قبل كدا مفيش حد ييجي البيت دا صح ولا لا؟
= انا معرفش هو جه ليه والله وانا اساسا مقولتلوش على عنواني
طب انا حذرتك يا رقية،، المرة الجاية هعمل تصرف هتزعلي منه،، انتي مينفعش تختلطي بحد،، مينفعش يبقا ليكي علاقة بأي حد،، كفاية المشاكل اللي عملتيها يإما والله هرجعك للمستشفى تاني
" ساعتها جريت على اوضتي وفضلت اعيط،، كانت دي الطريقة الوحيدة اللي بهرب بيها،، اعيط لحد ما انام،، لكن المرادي منمتش و دا زود الوجع اكتر،، فضلت قاعدة لحد بليل مبعملش اي حاجة،، الساعة كانت 9 بليل ولقيت اختي نورا دخلت وقالتلي
العشا جاهز
= مليش نفس
هنستناكي تحت،، متتأخريش عشان وليد ميزعلش
" مشيت وقفلت الباب وراها،، كل حاجة بعملها بتكون غصب في البيت،، لازم اعمل كل حاجة و اوافق على اي حاجة عشان وليد ميزعلش لانه لو زعل هيرجعني للمستشفى تاني،، قومت بسرعة ونزلت قعدت معاهم على السفرة وكنت لسة هبدأ اكل لكن لقيت جرس الباب بيرن،، وواحدة من الخدم فتحت الباب بعدها بثواني لقيت فارس داخل علينا وهو مبتسم
مساء الخير،، انا شكلي جيت في وقتي،، أنا فعلا جعان
" قعد جنبي وبدأ ياكل،، كلنا كنا مستغربين وخصوصا وليد اللي كان باصص ل فارس بغضب شديد،، بعدها فارس بص ل وليد وقاله
بالمناسبة السعيدة انا جاي اطلب ايد رقية!!
للانضمام لجروب الواتساب اضغط هنا
↚
بالمناسبة السعيدة انا جاي اطلب ايد أستاذة رقية
= انت عبيط يابني ولا ايه،، اولا رقية مخطوبة وثانيا انت ازاي تدخل علينا كدا
" ساعتها بصيتلها وقولتلها
أنتي مخطوبة؟
" عينها كانت عليا وجواها كلام كتير ولكن في الاخر هي مردتش عليا ولكن وليد قام من مكانه و شدني من الچاكيت بتاعي
انت عايز مننا ايه؟،، تحب اطلبلك البوليس دلوقتي؟
= البوليس لو هييجي دلوقتي هياخدك انت يا وليد عشان الناس اللي انت بعتها يضر*بوني
ناس مين؟ ايه الكلام الاهبل دا؟
= ليه هما مش الاتنين اللي واقفين برا بيحرسو الفيلا بتاعتك يعني تعرفهم واكيد هما مش هيعملو حاجة زي دي غير بإشارة منك
طب انا لاخر مرة هقولك امشي و ملكش دعوة بينا
= انا مش هخرج من هنا غير لما توافق على طلبي
انت غبي!!،، قولتلك رقية مخطوبة
= مفيش دبلة في ايدها
ملكش دعوة،، خليك في حالك،، احنا ناس مبنحبش نلبس دبل
= انا مش مجنون عشان اصدق الكلام دا
= كلمة واحدة كمان وهطلب البوليس فعلا وييجو يشيلوك من هنا
" ساعتها رقية قامت من مكانها وقالتلي بصوت هادي
امشي يا فارس،، عشان خاطري امشي
" كنت ببصلها مرة وببص على وليد مرة وفي النهاية انا قررت امشي لان حاسس ان في حاجة غريبة بتحصل ووجودي هنا مش هيحل حاجة،، خرجت من الفيلا و رجعت البيت،، امي قابلتني ساعتها و اول ما شافتني صرخت وقالت
ياالهوي ايه اللي عمل فيك كدا؟
" اتحركت من عند باب الشقة و روحت قعدت على الكنبة
مفيش يا ماما خناقة بسيطة مع واحد معايا في الشغل
= خناقة ايه يا فارس؟،، من امتا وانت بتتخانق يا ابني؟
يا ماما عادي فيها ايه يعني
= فيها انك راجع متبهدل بالشكل دا
انا هدخل انام
= انت ماشي في سكة غلط يا فارس
سكة ايه مش فاهم؟
= انا معرفش،، بس قولت انبهك عشان شكلك مكمل ومش واخد بالك انت رايح على فين
مانا طول عمري ماشي صح كنت استفدت ايه؟
= انا ابني فارس عمره ما يرد رد زي دا،، وانا كدا اتأكدت فعلا ان في حاجة غلط
" قومت مشيت من قدامها ودخلت اوضتي،، أنا فعلا مش مستحمل اي كلام دلوقتي،، كل تركيزي في البنت دي،، الموضوع بيتعقد زيادة،، وسط تفكيري في حل لمحت على الكوميدينو جنبي الكارت بتاع وليد،، خدته وأنا مقرر اروحله بكرا الشركة بتاعته،، أنا لازم افهم في ايه،، وفعلا مجرد ما الصبح طلع لبست ونزلت و روحت الشركة وطلبت اقابله وطبعا مقولتش على اسمي الحقيقي للسكرتيرة عشان لو كنت قولت مكنتش هدخل،، دخلت و هو كان قاعد على مكتبه وباصص في الورق اللي قدامه،، ساعتها اتكلم وقال
خير،، اقدر اساعدك ازاي؟
= انا عايز اتجوز رقية
" ساعتها رفع عينه و بص ليا بتعجب،، وعلى عكس المتوقع لقيته هادي جدا وقالي
اتفضل اقعد يا فارس
" قربت من المكتب وقعدت فعلا على الكرسي اللي قدامه،، بعدها قالي
تشرب حاجة؟
= شكرا مش عايز
تمام ندخل في الموضوع علطول،، هو سؤال واحد و ارجوك تجاوبني بصراحة،، انت عايز ايه من رقية؟
= قولتلك أنا عايز اتجوزها
هو انت تعرفها يا فارس اصلا؟،، انت تعرف ايه هنا؟
= ماهي قالتلك احنا صحاب
طب احنا عايزين نتكلم بصراحة للاخر،، اولا لو انتو صحاب يا فارس كنت عرفت انها ليها اخت توأم ومكنتش هتتلخبط بينها وبين اختها
= ماشي انت صح،، أنا فعلا معرفش رقية بس انا شوفتها قبل كدا كتير
فين؟،، في الشارع؟
= في الحلم
ازاي يعني؟
= انا حلمت ب رقية اكتر من مرة و هو دا السبب اللي مخليني عايز اقرب منها
وهو اي حد نشوفه في الحلم نقرب منه؟ يعني انا لو شوفت واحد م*يت في الحلم اروح اقت*ل نفسي عشان ابقا قريب منه،، قول كلام ينفع اصدقه يا فارس
= والله انا ما بكدب،، أنا فعلا شوفتها في الحلم وكان باين ان عندها مشكلة وفي حاجة بتمنعني عنها
مشكلة!!
= ممكن انا معرفش
طب بص يا فارس انت شكلك طيب و ابن ناس لولا كدا انا كان زماني مبلغ عنك دلوقتي،، وعشان كدا هنصحك واقولك ان موضوع جوازك من رقية دا صعب
= صعب ليه
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
رقية مريضة يا فارس،، عندها مرض نفسي خطير،، رقية عدوا*نية جدا مبتسمعش كلام حد ولا بيهمها اي شخص،، بتعمل مشاكل كتير جدا،، وانا من ضمن الناس اللي اتأذ*يت بسببها لانها عملتلي أكتر من مشكلة في شغلي،، الدكاترة بيقولو ان دي حالة اضطراب ما بعد الصدمة لان أبوها اللي يرحمه توفى،، ومن ساعتها انا واختها بنحاول نبعدها عن الناس بقدر الإمكان عشان متعملش اي مشكلة تانية
= بس أنا لما شوفتها كانت طبيعية جدا ومفيش أي حاجة باينة عليها بالعكس دي كانت هادية جدا
ماهو دا طبع رقية تكون هادية معاك في الأول وبعد كدا تبدأ المصيب*ة،، الكلام دا انا مكنش ينفع اقوله بس انا كان لازم احذرك خصوصا انك مصمم على كلامك
" كانت صدمة كبيرة بالنسبالي مكنتش قادر استوعبها،، حاسس بتشويش في دماغي،، صوت وليد نفسه مكنتش قادر اسمعه،، بعد مرور ثواني صوته رجع يقرب تاني وسمعته بيقول
لو لسة عايز تشتغل معايا انا ممعنديش مانع بس فكرة الجواز دي تنساها خالص
= شكرا
#بقلم : #عمرو راشد
" قومت مشيت وخرجت من الشركة،، مكنتش عارف اروح فين،، فضلت ماشي في الشوارع مكنتش مصدق اي كلمة من اللي سمعتها،، في حاجة غلط اكيد انا مش غبي عشان ملاحظش عليها اي حاجة من اللي قالها وليد،، الساعة كانت 1 الضهر ولقيت رسالة من رقم غريب،، كان مكتوب فيها
" مستنياك في الكافيه الساعة 3 متتأخرش "
" مكنتش محتاج اعرف مين اللي بعت الرسالة،، ساعتها علطول ركبت تاكسي و روحت على مكان الكافيه،، وصلت في معادي بالظبط ودخلت لقيتها قاعدة على نفس الترابيزة،، رغم اني كنت مضايق ساعتها بس معرفتش اكتم ابتسامتي لما شوفتها،، مجرد بس ما اشوفها بحس ان الحياه جميلة أوي،، بحس اني لازم أعيشها مليون مرة وفي كل مرة هختارها برضو،، قعدت قدامها وكانت عاقدة حواجبها
في حاجة ولا ايه؟
= ممكن تقولي ايه اللي انت عملته امبارح دا؟
" كانت مضايقة وساعتها حسيت ان كلام وليد ممكن يكون صح وقولت في سري
الحالة باين عليها اشتغلت
= انت بتقول ايه؟
مبقولش حاجة،، قوليلي انا عملت ايه؟
= انت ازاي تيجي تتقدملي وانت متعرفنيش أصلا ولا أنا اعرفك؟
ماهي الخطوبة اتعملت عشان نتعرف على بعض،، مش كدا ولا ايه؟
= لا مش كدا لان انا قولتلك ان الموضوع مينفعش،، وانت برضو جيت ورايا وعملتلي مشكلة في البيت
انا بجد اسف انا مكنتش اقصد اعملك مشاكل بس..
= بس إيه؟،، قول اللي عندك؟
بصراحة انا كنت لسة مع وليد جوز اختك وقالي على اللي حصل ليكي
" حسيت ان عنيها بدأت تدمع وقالتلي
قالك هيرجعني المستشفى صح،، عشان خاطري يا فارس قوله ميرجعنيش انا مش عايزة اروح هناك
= مستشفى ايه بس فهميني؟
" مسحت دموعها وقالتلي
انا دخلت المستشفى فترة عشان أعصابي تهدى،، هما كانو بيقولولي اني بعمل مشاكل وبتخانق مع الناس بس أنا مش فاكرة اي حاجة من دي،، أنا في حاجة غريبة كانت بتحصلي،، زي ما يكون مكنتش في وعيي وأنا بعمل كدا
= هو مين اللي قال انك تدخلي المستشفى
وليد،، هو عمل كدا عشاني وعشان شركة بابا لانه كان خايف المشاكل دي تأثر على الشركة
= ايه شركة بابا دي؟ هو ابوكي عنده شركة؟
ايوا الشركة اللي وليد بيشتغل فيها دي بتاعت بابا
= انا كدا فهمت
فهمت ايه
= رقية أنتي عندك مانع اننا نتجوز؟
تاني،، تاني يا فارس
= المرادي مفيهاش هزار،، انا بتكلم بجد،، وليد هو الرياح الشديدة اللي بتمنعني عنك في الحلم،، هو اللي قال انك تدخلي المستشفى عشان هو يعرف ياخد الشركة ويستولى عليها
وهو يعمل كدا ليه؟
= اكيد طمع
لو طمع مكنتش خرجت من المستشفى يا فارس
= ماهي دي اللي أنا مش فاهمها بقا،، في حاجة ناقصة عشان الصورة تبقا واضحة،، لو هو هيستولى على الشركة سمح انك تخرجي من المستشفى ليه؟
انا مش مصدقة كلامك ومش مقتنعة،، وليد دا يبقا جوز اختي و هو اللي محافظ علينا بعد وفاه بابا،، مستحيل هو يفكر بالطريقة دي
= انتي طيبة بزيادة يا رقية ومش فاهمة حاجة
فارس ارجوك انا مش عايزة مشاكل وكفاية لحد كدا،، ياريت تبعد عني بقا وتسيبني في حالي
" قامت وسابتني من غير حتى ما ارد عليها،، بس انا تفكيري صح لكن رقية طيبة ومش هتفهم كلامي،، مش هينفع اسيبها،، أنا متأكد ان وليد دا وراه حاجة كبيرة اوي وعشان كدا لازم اكمل،، لازم اكون معاها،، الليل كان خلاص جه وانا ساعتها ركبت تاكسي،، و روحت وقفت قدام الفيلا بتاعتها لاحظت ان عربيته مش موجودة،، فضلت واقف مستني لحد ما وليد يرجع وفعلا بعد أقل من ساعة لقيته رجع،، دخلت وراه واول ما نزل من عربيته كنت انا واقف في وشه
في ايه يا فارس؟،، ايه اللي جابك تاني؟
= انا فكرت كويس في كلامك و لقيت ان عندي حق وعشان كدا انا بجدد طلبي وعايز اتجوز رقية
انت مش هترتاح غير لما تتسجن صح؟
= اتسجن ليه هو انا عملت ايه؟،، أنا جايلك اهو من الباب وبقولك عايز اتجوز رقية
وانت معاك ايه عشان تتجوز رقية؟
= شوف طلباتك ايه وانا موافق
" ساعتها مشي من قدامي ودخل الفيلا وانا دخلت وراه لقيته فتح باب كبير كان جواه المكتب بتاعه،، قعد على الكرسي وقالي
طالما مصمم يبقا تدفع بقا،، رقية مهرها غالي أوي معتقدش انك تقدر عليه
= اي حاجة هتقولها انا موافق عليها
منين يا فارس؟،، اللي انا اعرفه عنك انك على قد حالك يعني
= والله انا شايف اننا نسأل رقية احسن وهي اللي تقرر،، انت مش وكيلها عشان تتكلم معايا
انا هنا راجل البيت دا،، دي الأصول برضو ولا ايه؟
= اصول،، بس هي برضو لازم تبقا موجودة في القعدة دي
الكلام هيكون معايا انا ولو مش عاجبك تقدر تمشي بكل سهولة
= تمام،، طلباتك ايه؟
سيبني افكر وهرد، رقية دي اصلها غالية اوي عندي ولازم اكون ضامن مستقبلها
" نزلت من على السلم وشوفت فارس خارج من أوضة مكتب وليد،، بعدها وليد خرج وشافني ولكن متكلمش،، ساعتها انا جريت على فوق و دخلت اوضتي،، يا ترى فارس كان جاي يعمل ايه تاني؟،، أنا مش مطمنة،، استنيت ساعة بالظبط وخرجت من اوضتي بهدوء ووقفت قدام اوضة اختي وسمعت نورا اختي وهي بتقوله
انت بجد موافق على جواز رقية من الواد دا؟
= انتي عبيطة ولا ايه يا نورا؟،، الواد دا انا مش مطمنله،، وشكله بيتكلم كتير وممكن يقلب علينا الدنيا
وهتعمل معاه ايه؟
= الواد دا لازم يختفي!!
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
انت بجد موافق على جواز رقية من الواد دا؟
= انتي عبيطة ولا ايه يا نورا؟،، الواد دا انا مش مطمنله،، وشكله بيتكلم كتير وممكن يقلب علينا الدنيا
وهتعمل معاه ايه؟
= الواد دا لازم يختفي
انت ناوي على ايه يا وليد؟
= ناوي اخلص منه بس بالعقل
" مكنتش مصدقة اللي انا بسمعه،، جريت بسرعة على اوضتي قبل ما حد يحس بيا،، قعدت على سريري وأنا مش متخيلة ان وليد ممكن يعمل حاجة زي كدا و أختي كمان موافقة،، واضح ان فارس كان عنده حق،، أنا لازم احذره،، ساعتها جيبت تليفوني وكلمته
كنت عارف انك هتكلميني؟
= فارس ارجوك ابعد عني ومتحاولش تقرب مني تاني
ليه بتقولي كدا؟
= انا سمعت وليد وهو بيقول انه ناويلك على شر،، عشان خاطري ابعد
رقية انا بحبك
= يا فارس انا مش فاهمة انت بتفكر ازاي؟،، وليد مش هيعدي اللي حصل دا واكيد هينفذ كلامه
وانا مبخافش من حد،، أنا ربنا باعتني ليكي يعني مينفعش اسيبك،، دي أمانة يا رقية
= أمانة ايه بس؟،، كل دا وهم
" ساعتها خبيت التليفون تحت المخدة بسرعة لاني سمعت باب اوضتي بيخبط
ادخل
" الباب اتفتح و دخلت نورا اختي
انتي بتعملي ايه؟
= مفيش كنت هنام
انتي عرفتي اللي حصل؟
= لا حصل ايه؟
اللي اسمه فارس دا اتقدملك وعايز يخطبك
= بجد؟
أنتي متعرفيش يعني؟
= لا معرفش والله
هو كان موجود من شوية هنا وطلب ايدك من وليد؟
= ووليد رأيه ايه؟
رأيه انه واد نصاب ومش صريح وشكله داخل على طمع
= بالعكس انا شايفة انه غلبان جدا
ما تبطلي الطيبة الزيادة دي،، بقولك شكله نصاب
= وانتو ناويين معاه على ايه؟
وليد قاله انه عساكر بس انا قولت اجيلك اعرف رأيك؟
= بصراحة مش عارفة
مش انتي بتقولي انه صحبك يعني اكيد عارفاه كويس؟
= الحقيقة انا كنت بكدب،، أنا معرفوش خالص،، انا عرفته بالصدفة في الفرح
هو الواد دا اصلا كان بيعمل في الفرح؟،، لا هو من قرايب العريس ولا من قرايبنا،، الواد دا كان جاي يعمل ايه؟
= معرفش برضو،، ممكن يكون صاحب حد في الفرح
دا محدش يعرفه ولو في واحد بس يعرفه كان هو بنفسه اللي قال انه تبعه عشان يحمي نفسه من الخناقة اللي حصلت في الفرح لكن دا مقالش،، اذا هو مش من اهل العرسان ولا صاحب يبقا دا يثبت ان كلامي صح و هو بيلعب علينا فعلا
= تفتكري؟
انتي لو شوفتيه ولا كلمتيه قوليله يبعد عننا أحسن عشان وليد ميزعلش منك ومنه،، اتفقنا
" حركت راسي على اني موافقة،، بعدها هي قامت ونظرات الشك مبتفارقش عنيها،، الباب اتقفل وهنا انا خرجت تليفوني بسرعة واستغربت لما لقيت المكالمة لسة مفتوحة
انت لسة دا كله مقفلتش؟
= وانا اعرف منين انك هتكلميني تاني ولا لا؟
طب ما تتصل انت ولا مش معاك رصيد يعني؟
= معايا بس خايف انتي اللي مترديش
فارس انتي عايز مني ايه
= انا مش عايز اي حاجة غيرك انتي،، صدقيني يا رقية انا مش كداب،، عايزك تثقي فيا
بس انا معرفكش ولا اعرف حاجة عنك،، اثق فيك ازاي؟
= بلاش تثقي فيا بس الاهم انك متثقيش في وليد او اختك،، الاتنين دول وراهم حوار كبير وأنا لسة هعرفه
انت اتجننت يا فارس!!،، دي اختي انت بتقول ايه؟
= لمرة واحدة بس صدقيني ووالله ما هتندمي
طب انا عايزة اسألك على حاجة وتجاوبني بصراحة
= اسألي اللي أنتي عايزاه
انت كنت جاي الفرح ليه؟
= بصراحة يعني دي حركة بعملها من زمان،، لما بلاقي اي فرح قدامي بدخله
وانت متعرفش صحاب الفرح مين أصلا
= ولا اعرف اي حاجة عنه
متأكد ان دي الحقيقة؟
= والله انا ما بكدب عليكي يا رقية،، كل كلمة قولتها من اول ما قابلتك حقيقة
خلاص مصدقاك بس عشان خاطري ممكن تبعد شوية اليومين دول،، أنا مش مطمنة
= انا في خلال اليومين دول مستني مكالمة من وليد وهاجي اتقدم رسمي
" انا فعلا مكنتش بهزر وعايز اتقدملها،، يمكن انت هتقول انه جنان بس انا شايفه بشكل تاني خالص،، أنا ربنا بعتلي هدية ومش عايز اضيعها،، رقية هي الهدية.،، وصلت البيت لقيت امي قاعدة مستنياني وشكلها متعصبة جدا
مالك يا ماما؟
= ماهو اسمع بقا انت مش كل يوم هترجع نص الليل،، قولي بتروح فين؟
مع صحابي عادي يا ماما في ايه؟
= هتكدب عليا انا؟؟،، يابني صارحني لو بتشرب حاجة؟
بشرب حاجة ايه بس يا ماما؟،، الموضوع مش كدا خالص
= اومال ايه بقا فهمني؟
انا ان شاء الله في الايام الجاية هاخدك معايا مشوار وهتعرفي ساعتها كل حاجة
" امي ابتسمت وغمزتلي
لا متقولش؟
= لا اقول
متقولش؟
= يا ماما اقول
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
المعاش بتاع ابوك زاد وعايزني ااجي معاك عشان امضي على الورق
= معاش ايه يا ماما؟،، وهو حتى لو زاد هاخدك معايا ليه؟
اومال هتاخدني فين؟
= انتي طول عمرك نفسك ف ايه؟
تتجوز
= وانا هحققلك امنيتك
بتتكلم بجد يا فارس؟
= والله بجد
مين قولي بسرعة
= واحدة صحبتي لسة متعرف عليها جديد
وتسيب اسماء بنت أم حسين؟،، والله ما ليك حق يا فارس
= كفاية بقا يا ماما السيرة دي،، المهم عايزك تجهزي نفسك لاني في خلال يومين هنروحلهم
انا مش مرتاحة يا فارس
= ليه يا ماما؟
قلبي مش مطمن،، فرحتك الزيادة دي قلقتني
= متقلقيش خالص يا ست الكل كل حاجة معمول حسابها ومش ناقص غير وجودك معايا واحنا رايحين نتقدملها
هي اسمها ايه؟
= رقية
" الحقيقة مش امي بس اللي قلقانة،، أنا كمان قلقان والله بس واثق ان ربنا هيوفقني في الخطوة دي،، عدا يوم واتنين وتلاتة ومفيش أي اتصال وعشان كدا قررت انا اللي اكلمه
انا لقيتك اتأخرت قولت اتصل انا واهو بالمرة اعرف سبب التأخير؟
= والله عشان اكون صادق معاك انا مكنتش هكلمك اصلا،، كنت مستنيك انت اللي تكلمني عشان اعرف رقية غالية عندك وعايزها فعلا ولا لا
وانا كلمتك اهو،، معادنا امتا بقا؟
= مستعجل اوي انت
أوي
= طب يا حبيبي أنا مستنيك النهاردة الساعة 8 عندي في البيت
" الساعة كانت لسة 2،، جريت بسرعة على امي وقولتلها
ماما عايزك تجهزي نفسك عشان النهاردة هنروح نتقدم للبنت زي ما قولتلك
= وهو دا ينفع برضو يا فارس؟،، كدا تفاجئني
يا امي انا نفسي متفاجئ
= يا حبيبي هي مش الحاجات بيكون ليها مواعيد ومتفقين عليها من قبلها
لا ماهي الدنيا اتغيرت دلوقتي يا امي،، قومي بس جهزي نفسك عشان نلحق
= هو احنا هنروح امتا؟
معادنا 8
= دا الساعة لسة 2 يابني،، هنقوم نعمل ايه من دلوقتي
عشان نجهز نفسنا،، يلا بس قومي بلاش كسل
" سيبتها ودخلت الحمام خدت دش وظبطت دقني،، بعدها خرجت كانت الساعة لسة 4،، دخلت اوضتي وبدأت اختار الطقم اللي هروح بيه،، كان انسب اختيار وهو قميص ابيض وبنطلون اسود،، جهزتهم ولبست مع برفيوم ريحته مميزة جدا وبكدا انا بقيت جاهز،، خرجت برا والساعة كانت لسة 5،، لقيت امي لسة قاعدة بنفس هدومها
يا ماما أنتي كل دا ملبستيش؟،، هنتأخر على الناس
= انا مش عارفة انت مستعجل اوي كدا ليه،، أصبر شوية يا حبيبي وخليك تقيل عشان ميقولوش انك مدلوق ويرفضو
هبقا تقيل والله،، اتقل حاجة ممكن تشوفيها بس يلا قومي
" بالفعل دخلت تلبس وبعد نص ساعة بالظبط خرجت وبقينا جاهزين واتحركنا،، وصلنا قدام الفيلا والساعة لسة 7 ونص،، امي ساعتها قالتلي
عيب يا ابني نروح عند الناس قبل معادنا،، يقولو علينا ايه؟
= عادي يا امي دا اسمه احترام للمواعيد
دا لما تكون رايح في معادك بالظبط مش رايح قبلها
= طب انا من رأيي اننا ندخل احسن
يابني هيقولو علينا مدلوقين
= ما يقولو اللي يقولوه يا ماما،، ابوس ايدك يلا بقا
" بالعافية عقبال ما وافقت اننا ندخل،، دخلنا بالفعل و وليد رحب بينا وقعدنا،، مكنتش اتوقع انه هيكون مرحب بالشكل دا ولكن انا مش مطمن،، بعدها بشوية نورا اخت رقية جات،، امي قامت من مكانها وقالت
بسم الله ما شاء الله،، ايه الجمال دا،، ذوقك حلو أوي يا فارس،، فعلا مفيهاش غلطة،، تعالي في حضني يا حبيبتي
" نورا ضحكت وحضنتها فعلا و بعدها قعدت جنب وليد،، امي ساعتها اتكلمت وقالت ل وليد
انت بقا أخوهم؟
= لا
عمهم؟
= برضو لا،، أنا جوزها
" امي ساعتها بصت ليا بغضب وقالت
اعوذ بالله جاي تتجوز واحدة متجوزة
= يا ماما استني بس
فين مخك؟،، فين دينك يا فارس؟
= يا ماما افهميني بقا،، دي نورا اخت العروسة التوأم
" امي ساعتها بصت ل نورا وقالت
وبتحضنيني اوي كدا ليه لما أنتي مش العروسة؟
" طبعا في سؤال بيدور دلوقتي وهو أنا عرفت ازاي ان دي نورا،، نورا توأم رقية فعلا وصعب تفرق بينهم ولكن نورا ملامحها حادة على عكس رقية ملامحها هادية جدا،، حتى طريقة كلامها تختلف عن نورا اللي تحس انها بتتكلم بخبث،، وليد ساعتها اتكلم وقال
احنا ندخل في الموضوع علطول،، بص يا فارس،، انت طبعا شايف المستوى اللي رقية عايشة فيه لذلك انا مش هقبل أنها تعيش في مستوى اقل من دا
= طبعا معاك حق بس انا اوعدك اني هعمل كل اللي اقدر عليه عشان اخليها مرتاحة
اللي تقدر عليه دا اللي هو كام بالظبط؟،، مليون مثلا؟
= اكيد لا طبعا،، رقم زي دا كبير اوي عليا حاليا
دي اقل حاجة هتقدمها ولا هو الجواز ببلاش
= اكيد لا بس انا حاليا ظروفي متسمحش بمبلغ زي دا
" امي ساعتها اتكلمت وقالت
وبعدين فارس ما شاء الله محاسب قد الدنيا و ان شاء الله هيكون عنده مستقبل كبير
" رجعت انا اكمل كلامي معاه
وبعدين مفيش حد بيتولد بمستوى عالي يعني انت مثلا عمرك ما كنت هتتكلم بالشكل دا الا اذا اشتغلت في شركة والد رقية
" اتعدل في مكانه وكدا أنا عرفت ان الكلمة ضايقته،، بعدها بص ليا وقالي
انا موافق بس بشروط،، أولهم انا مضمنش الشغل اللي انت فيه،، مش ضامن المرتب،، مش ضامن الشغل دا هيكون ثابت ولا لا وعشان كدا هتيجي تشتغل معايا في الشركة عشان تكون تحت عيني،، تاني شرط بما انك مش هتقدر تعمل حاجة ل رقية ف انا اللي هعمل كل حاجة،، يعني انت مش هتجيب اي حاجة نهائي الا هدومك ولو عايز انا ممكن اجبهالك كمان بس هتمضيلي على وصل امانة ب 2 مليون جنيه
= امضي على ايه!!!،، امضي على وصل برقم كبير زي دا وانا حتى مش معايا ربعه
والله انا قولت اللي عندي وكل واحد حر
" امي ساعتها بصتلي وقالتلي
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
يلا بينا يا فارس دي ناس متفهمش في الأصول
" وليد رد عليها وقال
يا حجة انا بضمن حق اخت مراتي،، أنا في مقام أخوها دلوقتي لان الوالد والوالدة متوفيين وانا عايز ابقا ضامن حقها و دا مش عيب ولا حرام ثم أنا لازم برضو اكون ضامن ان فارس مش هيزعلها اصلها محتاجة معاملة من نوع خاص
= من نوع خاص ازاي يعني؟
هو فارس مقالش ل حضرتك ولا ايه،، اصل رقية بعد موت والدها حصلها صدمة أدت ل دخولها للمستشفى وفضلت فترة تتعالج هناك لحد ما بقت كويسة بس من وقت للتاني ساعات بيجيلها حالات غريبة كدا بس متقلقوش طول ما هي بتاخد العلاج مش هتأ*ذي حد
" ساعتها امي قامت من مكانها وقالتلي
يلا بينا يا فارس
= يا ماما استني هفهمك
بقولك يلا يإما والله همشي لوحدي
#بقلم : #عمرو راشد
" قومت معاها وانا شايف الفرحة في عيون وليد ونورا ومشينا من الفيلا،، طول الطريق مكنتش بتكلم ولا هي اتكلمت معايا لكن بمجرد ما دخلنا شقتنا
انا عايز اعرف ايه اللي أنتي عملتيه دا؟
= انا اللي عملت!!،، رايح تتجوز واحدة مجنونة،، انت اتهبلت في مخك خلاص،، ملقتش غير دي؟
ايوا ملقتش غيرها ثم انها مش مجنونة ولا حاجة،، أنتي لو شوفتيها عمرك ما هتقولي كدا
= اهلها بذات نفسهم قالو كدا،، عايزني اصدقك انت؟
عشان هما رافضين الموضوع من الاول،، انت مشوفتيش طلباتهم عاملة ازاي؟
= ولما هما رافضين انت رايح تعمل ايه؟
بقولك ايه يا ماما انا هتجوز رقية يعني هتجوزها
= هتتجوز مجنونة؟؟
اه هتجوز مجنونة،، دي حياتي وانا حر فيها
= ياابني أنا خايفة عليك،، الناس دي باين عليهم مش كويسين،، بلاش يا فارس،، بنات الدنيا كلها موجودة وقدام عنيك،، بلاش البنت دي
عشان خاطري يا ماما لو عايزاني فعلا مبسوط سبيني اكمل للاخر وانا هثبتلك اني صح
" الموضوع معقد وصعب جدا بس انا لازم اكمل،، أما امي بتقول كدا عشان هي مش فاهمة،، هي مش هتعرف تفهم اللي انا بقوله،، لازم تشوف عشان تصدق وحاليا انا معنديش فرصة اخليها تشوف حاجة ولكن قريب هي هتعرف الحقيقة كلها وخصوصا بعد ما انا بقيت متأكد ان وليد وراه مصايب كتير أوي،، دخلت اوضتي ومسكت تليفوني كنت عايز اكلمها بس مكنتش عارف هقول ايه،، فتحت الواتساب وبعتلها جملة واحدة بس
انا مش هسيبك مهما حصل
" قفلت التليفون ونمت،، صحيت تاني يوم وانا مقرر اني هكلمه تاني وفعلا كلمته
تصدق والله ما كنت متوقع انك هتكلمني بالسرعة دي
= ما صدقت اني مشيت طبعا
ايه هي الحجة وافقت ولا ايه؟
= ملكش دعوة ب امي،، كلامك معايا
تمام مفيش مشكلة،، نويت على ايه؟
= انا موافق على كل اللي أنت قولته
قرار عظيم برافو
= عايزين نكمل اتفاقنا
ومالو معنديش مانع،، تعالى النهاردة ونكمله،، هستناك الساعة 10
" بالمناسبة انا نسيت اقول اني خدت اجازة تانية من الشغل عشان اكون فاضي تماما للي بيحصل دا،، متكلمتش مع امي خالص طول اليوم لحد ما لبست ونزلت من البيت و روحت الفيلا،، الباب كان مفتوح،، دخلت بس مكنش فيه اي حد لحد ما لقيت وليد جاي من أوضة المكتب اللي كنا فيها وماسك في ايده ازازة خم*را و كاسين،، ساعتها ضحك وقالي
واقف ليه،، اقعد
" مشي وانا مشيت وراه لحد ما قعد على الكنبة وانا قعدت قدامه،، ساعتها فتح الازازة
على فكرة انا مبشربش
= ماهو عشان نكمل الاتفاق لازم تشرب عشان تبقا فايق
انجز يا وليد
= لا براحة كدا انا عايزك هادي النهاردة
" مسك الكاس ب ايده وبدأ يشرب
بص يا سيدي انا حذرتك قبل كدا وقولتلك مينفعش تتجوزها صح؟،، وانت برضو صممت وجيت تتقدملي انت وامك
" شرب للمرة التانية
رفضت وحاولت اقولك طلبات صعبة عليك عشان تعجزك وتمشي وتصرف نظر عن الموضوع وانت برضو وافقت صح،، بعدها قولت ل امك ان رقية مجنونة وبتتعالج يمكن يكون ليها تأثير عليك ع شان اتفاجئ النهاردة والاقيك بتكلمني وموافق وعايز تكمل الاتفاق
" شرب للمرة التالتة وبعدها حط الكاس بعن*ف على الترابيزة اللي قدامه وقال
بس انا مش جايبك عشان نتفق يا فارس
" ساعتها انا حسيت بحد بيتحرك ورايا،، بصيت ورايا بسرعة وشوفت واحد من الاتنين اللي كانو ضر*بوني قبل كدا في الشارع،، قرب مني وبقا واقف في ضهري،، بعدها بصيت قدامي ل وليد اللي كمل كلامه وقال
انت دلوقتي قدامك حل من الاتنين يإما تصرف نظر عن موضوع الجواز و تخرج من هنا على رجلك او تكمل براحتك بس ساعتها انسى انك تطلع من هنا حي!!
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
انت دلوقتي قدامك حل من الاتنين يإما تصرف نظر عن موضوع الجواز و تخرج من هنا على رجلك او تكمل براحتك بس ساعتها انسى انك تطلع من هنا حي!!
" ساعتها سمعت صوت شد الأجزاء من ورايا ولما بصيت لقيت الشخص الضخم ماسك مسد*س في ايده و موجهه ناحيتي،، قومت بسرعة من مكاني
انت اتجننت يا وليد
= بالعكس،، يا حبيبي دي دايرة مقفولة ملكش مكان فيها كان لازم تفهم كدا من الاول
وانا عملت ايه؟،، أنا بقولك عايز اتجوزها على سنه الله ورسوله،، ايه الغلط ف كدا؟
= وانا قولت ايه؟،، قولتلك وانت مصمم،، قولي بقا هتختار ايه؟
" ساعتها بصيت على الشخص الضخم اللي ماسك المسد*س و رجعت ابص على وليد تاني
انا هتجوز رقية بالذوق أو بالعافية هتجوزها
= في الجنة ونعيمها يا فارس
" ساعتها شاور للشخص اللي ماسك المسد*س،، غمضت عيني و قولت الشهادة لكن فجأه سمعت صوت حد بيصرخ،، فتحت عيني بسرعة وشوفت نورا وهي داخلة من باب الفيلا
ايه اللي انت بتعمله دا يا وليد؟
= بعمل ايه يعني؟،، بنفذ اللي اتفقنا عليه
تقوم تقت*له!!
" نورا كملت كلامها وقالت للشخص اللي ماسك المسد*س
اختفي بسرعة من هنا،، رقية جاية ورايا
" الشخص المجهول دا جري وخرج برا الفيلا بعد ما رجع المسد*س في جنبه تاني،، بعدها هي بصت ليا وقالتلي
وانت احسنلك متقولش حاجة ل رقية دا لو عايز تفضل عايش
" ساعتها رقية دخلت الفيلا و استغربت لما شافتني موجود وقالت
انت بتعمل ايه هنا؟
" مشيت ووقفت جنبها وانا متابع نظرات نورا ليا اللي كانت كلها توعد وقولتلها
مفيش حاجة انا كنت بكمل كلامي مع وليد عشان موضوع جوازنا دا حتى هو وافق واقتنع جدا
" ساعتها رقية بصت ل وليد وقالتله بنبرة فيها فرح
بجد يا وليد؟
" وليد رد عليها بعد ما بص ل نورا
بجد طبعا
" اتكلمت انا ساعتها وقولت
طب انا همشي بقا عشان اتأخرت ونبقا نكمل كلامنا بعدين،، بعد اذنكو بس عايز رقية في كلمتين
" وليد رد عليا وهو مبتسم
طبعا يا حبيبي اتفضل
" رقية مشيت وخرجت قدامي من الفيلا وانا كنت لسة هخرج وراها لكن وقفت لما سمعت صوت نورا
اي كلمة هتقولها هيكون تمنها عمرك يا فارس،، متبقاش غبي
" ساعتها لفيت وبصيتلها وابتسمت
متقلقيش مش هقول حاجة ومش عشان خايف،، بس هي مينفعش تعرف انها ليها اهل بالوسا*خة دي
" مشيت ساعتها وخرجت من الفيلا و روحت ل رقية
كنت عايز تقولي ايه بقا؟
" بالرغم اني كنت لسة همو*ت من شوية لكن اول ما شوفتها قدامي ابتسمت،، ساعتها بس اتأكدت اني بحبها،، لأن من علامات الحب هو انك متقدرش متضحكش اول ما تشوف حد بتحبه،، ساعتها بتترسم ابتسامة بلهاء زي اللي على وشي دلوقتي
مفتاح عربيتك فين؟
= معايا،، ليه؟
هاتيه
" خرجته من شنطتها و مدت ايدها بيه،، خدته منها و ركبت العربية وهي لسة واقفة برا ومستغربة
احنا هنروح فين
= اركبي وهقولك
" فعلا ركبت جنبي و مشينا بالعربية
على فكرة مينفعش اخرج غير لما اقولهم
= امال لو هتباتي برا بقا؟
ينهار ابيض!!!،، دا انا عمري ما عملتها
= عمرك اللي فات حاجة و عمرك معايا حاجة تانية خالص،، مش عايزك تخافي من اي حاجة
" كملت طريقي وانا متجه ل إسكندرية،، اكتر مدينة مشهورة بقصص الحب،، وانا في الطريق سمعت تليفونها بيرن
دي نورا أختي
" خدت منها التليفون و رديت
انتي فين يا رقية؟،، خدتي العربية و روحتي فين؟
= معايا
انت واخد اختي و رايح بيها فين؟
= هنروح مشوار صغير ونرجع،، معلش بقا عشان سايق مضطر اقفل
" قفلت في وشها و حطيت التليفون جنبي وكملت طريقي،، شوية وهي تعبت ونامت،، كانت شبه الملايكة،، انتي خسارة والله في اهلك دول،، حتى ميستاهلوش اقول عليهم اهل،، بعد 3 ساعات وصلنا وصحيتها
قولي بقا جايبنا هنا نعمل ايه؟
= كان لازم نبعد شوية عنهم عشان نعرف نتكلم
عن مين؟
= اي حد
هو انا ليه حاسة انك غامض او زي ما يكون مخبي عليا حاجة؟
= في حاجات يستحسن متعرفيهاش يا رقية عشان متتصدميش
مش هتبقا اول مرة اتصدم يا فارس،، أنا خدت صدمات كتير أوي في حياتي
= برضو هقولك بلاش،، خلي كل حاجة في وقتها
طب وهنعمل ايه دلوقتي
" نزلنا من العربية وخدتها و روحنا على الكورنيش واتمشينا وعلى عكس العادة لقيتها هي اللي بدأت الكلام
# بقلم : #عمرو راشد
ممكن اسألك سؤال
= ياريت
انت بتعمل كدا ليه؟
= تاني يا رقية؟
محتاجة اعرف بجد،، اصل انا عمري ما حد عمل معايا حاجة زي كدا،، عمري ما شوفت حد بيحبني بجد،، لعلمك انا بعرف كويس مين اللي بيمثل انه بيحبني و مين بيحبني بجد
= وانتي حبيتي حد قبل كدا؟
مرة واحدة،، بس اختلفنا و سيبنا بعض عادي زي اي اتنين ،، أنا كنت بحب حاجات وهو كان بيحب حاجات تانية خالص
= مش فاهم ازاي؟
يعني مثلا أنا كنت انا بحبه جدا وهو كان بيحب فلوسي
" ضحكت على كلامها
من بعدها مكررتش التجربة تاني
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
= ومفيش حد بعدها شوفتي انه يستاهل فرصة منك
للاسف انا مكنتش بشوف اصلا،، أنا كنت محبوسة بين اربع حيطان عشان جوز اختي بيقول اني بعمل مشاكل واني عصبية وبغلط كتير
" كنت هرد عليها لكن هي قاطعتني وكملت كلامها
رغم اني والله مش فاكرة انا عملت دا امتا،، من بعد مو*ت بابا وانا عايشة فاقدة للوعي،، مش حاسة بأي حاجة حواليا،، أي حاجة بتحصل مليش دعوة بيها وحتى لو انا بعمل حاجة غلط،، طب ماهو دا طبيعي لو بتعصب او بعمل مشاكل،، كل دا طبيعي في الفترة دي،، لاني كنت في صدمة ومش عارفة افوق منها،، اصل دا بابا اللي ما*ت يا فارس،، بابا مش حد من الشارع،، وبعدين انا خسرته بعد ما خسرت امي يعني انا بقيت لوحدي،، يبقا ليه بقا مزعلش و اكسر الدنيا كمان،، كانو هما المفروض يحتووني ويحسو بيا،، كان نفسي يحسو بيا بس يا فارس،، مش عايزة منهم حاجة تانية ولكن دا برضو محصلش،، وفي النهاية شافو اني واحدة أعصابها تعبانة و دخلوني مستشفى امراض نفسية يعني حياتي انتهت وعايز بعد دا كله مستغربش لما الاقيك بتعمل حاجة اقرب الناس ليا معملهاش
" عيونها كانت بتدمع،، خدتها في حضني بسرعة وطبطبت عليها،، كانت ماسكة فيا بكل قوتها كأنها حاسة اني همشي وهسيبها،، فضلت اطبطب عليها لحد ما بدأت تهدى،، بعدها خرجت من حضني ومسكت ايدها
عارفة الجو دا محتاج ايه؟
= ايه؟
ايس كريم طبعا،، اسكندرية يعني ايس كريم معروفة
" خدتها من ايدها و روحنا نشتري ايس كريم و رجعنا تاني قعدنا على البحر
تعرف ان دي اول مرة اروح اسكندرية؟
= ايه رأيك نعيش فيها علطول
والناس اللي في القاهرة هنسيبهم
= مش مهم عندي اي حد غيرك
وصحابك وشغلك واهلك
= انا مليش غير امي،، ست طيبة وغلبانة هتحبيها أوي يا رقية والله
وباقي الناس؟
= انتي عندي بالناس كلها
" ابتسمت ومالت على كتفي وسندت راسها
بس انا خايفة من وليد ونورا
= انتي متخافيش من اي حاجة،، وليد ونورا ميقدروش يعملو ليكي اي حاجة طول ما أنا موجود
خايفة عليك انت منهم
= هحاول ممو*تش حاضر
مبهزرش يا فارس،، أنت متعرفش وليد؟
= انا معرفش وليد فعلا بس اعرف ربنا كويس اوي،، ربنا اكيد مش هيبعتني طريق فيه شر،، ربنا هو اللي بعتني ليكي يا رقية،، يعني انتي امانة وهدية كبيرة اوي لازم احافظ عليها
ومش خايف دلوقتي؟
= انا مش حاسس بأي حاجة دلوقتي،، أنا حاليا بعيش اجمل لحظات حياتي
" ساعتها مسكت تليفونها
بتعملي ايه؟
= في اغنية بحبها أوي،، عايزاك تسمعها
" أنا قلبي ليه حاسس أوي بالشكل دا،، هو الهوى بيعلي احساسنا كدا،، صدقني خلاص صدقت،، ان انا حبيت دلوقت،، ومكنتش اعرف قلبي هيحبك كدا،، وكنت فين انت وكل الحب دا،، وليه سايبني لوحدي طول العمر دا♥️"
انا بحبك يا رقية♥️
= خايفة احبك واتعلق بيك وتسيبني
أنا اسيب الدنيا كلها ولا اني اسيبك أنتي
" سكتنا للحظات بعدها قولتلها
مش جعانة؟
= الصراحة جعانة
طب قومي معايا
" قومنا و ركبنا العربية و مشينا ووقفت قدام محل الاكل
عربية كبدة يا فارس!!!
= ومش أي كبدة،، دي كبدة الفلاح
بس انا مباكلش الحاجات دي ولا عمري جربتها
= انا اي حد احبه لازم ياكل معايا كبدة،، هطلبلك ومش هتندمي والله
" بعد مرور نص ساعة كنا واكلين 20 سندوتش كبدة
بس عارف الطحينة محتاجة تزيد شوية
= انتي لسة هتطلبي تاني؟
ايه انت شبعت ولا ايه؟
= اللي أنتي عايزاه،، عايزة تاكلي تاني؟
بصراحة هي حلوة اوي،، اطلبلنا 20 كمان
" بعد ما كلنا وخلصنا كنا خلاص سامعين اذان الفجر،، اشتريت عصاير و رجعنا قعدنا على البحر تاني عشان نشوف الشروق،، قعدنا و كانت هي نايمة في حضني
الشمس دي غريبة أوي،، كل يوم بتشرق على حال غير التاني،، كل يوم بقصة جديدة،، بحياه جديدة،، كأننا بنجري في الدنيا
= وانت بتجري بقالك قد ايه؟
كتير والله،، كتير أوي،، تعبت من كتر الجري،، عارفة المشكلة ايه؟،، إن ساعات الجري دا بيكون هروب،، وانا اتعودت دايما اهرب من اي حاجة،، زي مثلا ابويا لما ما*ت كنت بهرب من المسؤولية،، مش عايز حاجة تفكرني انه ما*ت،، عايز اكمل حياتي طبيعي كأنه لسة عايش لحد ما بدأت اشوف اننا في كارثة،، البيت مكنش فيه اكل،، امي نزلت تشتغل والقبض مكنش بيكفي،، حتى معاش ابويا مكنش مكفينا،، كان لازم اتحرك،، ولما اشتغلت بقيت بهرب برضو من اي حاجة بالشغل،، مش عارف هل دا طبيعي ولا انا فيا ايه؟
= و دلوقتي لسة حاسس انك عايز تهرب؟
ليكي،، اهرب ليكي انتي وبس،، أنا تقريبا كنت بهرب عشان مش لاقي مصدر امان
= وانت شايف اني مصدر امان ليك؟
وجودك جنبي بس يخليني اطمن
" الشمس كانت طلعت والناس بدأت تظهر في الشارع من تاني،، ساعتها قومنا و ركبنا العربية و رجعنا تاني على القاهرة،، واحنا في الطريق شغلت انا المرادي اغنية بحبها
" ياما قلوب وعيون شغلتني واما قابلتك هي يدوب نظرة وسحرتني لقيتني بحبك،، ايوا بحبك♥️ "
" وصلنا القاهرة و وصلتها البيت
عارف يا فارس ان دا اجمل يوم في حياتي
= دا أنتي اللي حياتي والله
" نزلنا من العربية و دخلنا الفيلا عشان الاقي وليد ونورا قاعدين ومعاهم.... معاهم ظابط شرطة،، اول ما شافوني وليد قام بسرعة و زعق
هو دا يا فندم،، هو دا اللي خطفها
" الظابط قرب مني وقالي
تقدر تقولي كنت فين انت والانسة
= حضرتك انا استأذنت منهم اني هخرج معاها
وكنتو فين لحد دلوقتي؟
= في اسكندرية
" ساعتها نورا زعقت وقالت
دا كداب،، الكلام دا محصلش
" وليد بعدها كمل وقال
اقبض عليه يا حضره الظابط دا خط*ف اخت مراتي والله اعلم عمل فيها ايه،، انتو لازم تحبسوه
" ساعتها الظابط بص ليا وقالي
اتفضل معايا نكمل كلامنا في القسم
" بصيت ل رقية اللي خرجت من شنطتها ورقة وقالت
استنى يا حضره الظابط،، الكلام اللي هما بيقولوه دا محصلش عشان مفيش حد بيخط*ف مراته والعقد اهو!!
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
استنى يا حضره الظابط،، الكلام اللي هما بيقولوه دا محصلش عشان مفيش حد بيخط*ف مراته والعقد اهو!!
" الظابط مسك العقد وبدأ يتفحصه بدقه،، بعدها بص لينا كلنا وقال
العقد سليم
" نورا و وليد بصو ل بعض في حالة ذهول،، الظابط ساعتها اتكلم وقال
اعتقد دلوقتي الامور بقت واضحة يا وليد بيه،، استأذن انا بقا
" الظابط خرج من باب الفيلا وساعتها وليد جري عليا ومسكني من رقبتي
عملتها برضو يا فارس الكل*،، طلقها يالاا،، طلقها دلوقتي حالا
= وانا مش هطلق و الطلاق بالاجبار لا يجوز يا وليد يعني يعتبر طلاق باطل
يعني ايه!!
" ساعتها بص ل نورا اللي كانت واقفة وشايفة الموقف كله،، وليد ساعتها سكت وهي اللي اتكلمت
تاخد كام يا فارس وتطلق؟
= انتو عايزين تدفعو كام؟
مليون كويس
= عيب والله لما تبقو مليونيرات و تدفعولي مليون بس
مليون ونص؟
= 10 مليون جنيه
كااام!!!
" وليد ساعتها اتكلم وقال
10 مليون ايه!!،، انت عبيط ياالا ولا ايه؟
= والله انا شايف ان دا المبلغ اللي هيأمنلي مستقبلي
" بعدها بص ل نورا وقالها
الواد دا نصاب،، أنا قولتلك من الأول انه نصاب وحرامي
" رقية ردت عليه وقالت
بعد إذنك يا وليد،، فارس مش نصاب ولا حرامي،، وبعدين انا مش صغيرة عشان حد يقولي اعمل ايه ومعملش ايه،، أنا مش محتاجة حد يقررلي في حياتي،، دي حياتي انا يعني انا اللي اقرر
= دا غسل دماغك بقا
" بعدها بص ل نورا وقال
الحقي بتقولك حياتها وعايزة هي اللي تقرر
" نورا اتحركت وقربت من رقية وقالت
أنتي مش واعية ل تصرفاتك يا رقية،، مين دا اللي انتي رايحة تتجوزيه؟
= والله انا اخترت اللي انا حاسة معاه بالامان،، اخترت اللي بيحبني بجد
وفيها ايه لما تحسي بالامان والحب وتتمتعي بالحياه بس مع راجل غني مش دا،، دا مش شبهك يا رقية
= وهو أنا لما اخترت اللي شبهي حصل ايه؟ ولا اي حاجة
معناه ايه الكلام دا؟ عايزة تسيبي اهلك وتروحي معاه يعني؟
" ساعتها انا مسكت ايد رقية وشديتها ووقفت انا قدام نورا
خليكي في حالك،، هي قالتلك انها عارفة هي بتعمل ايه،، ملوش لازمة كلامك دا بقا
" نورا ردت وهي باصة ل رقية
لو خرجتي من البيت دا يا رقية مش هترجعيه تاني
" رديت أنا ساعتها
دا بيت اهلها يعني لو رفضتي انها تقعد هروح ل اقرب قسم وهخليها تقعد هنا بالعافية بس انا مش هعمل كدا،، احنا هنمشي لاني ميشرفنيش اني اقعد معاكو في بيت واحد،، و اي تصرف هيطلع منكو تاني مش هسكت،، رقية من النهاردة مراتي واللي يقرب من مراتي هفرم امه،، أظن الكلام واضح ليكو انتو الاتنين
" رقية طلعت فوق عشان تحضر شنطتها وبعد 20 دقيقة بالظبط نزلت وهي معاها الشنطة،، خدتها منها ومشينا ركبنا العربية تاني وخرجنا من الفيلا
انت ليه عملت كدا؟
= عشان انا كنت عارف اللي هيحصل
فلاش باك
" ركبنا العربية عشان نتحرك ونرجع القاهرة تاني بس قبل ما امشي طلعت الورقة اللي في جيبي وقولتلها
انتي واثقة فيا يا رقية؟
= طبعا
انا عايزك تمضي على الورقة دي
= دي ايه؟
عقد عرفي بتاريخ قديم،، خليت واحد صاحبي محامي يعمله
= طب ليه؟
انا مش مطمن ل رد فعل وليد،، لازم اكون عامل حسابي على اي حاجة هتحصل
= حاضر
باك
طب احنا هنروح فين دلوقتي
= عند امي،، لازم ارجع عشان اطمنها،، زمانها قلقانة عليا
وهبات فين؟
= مع امي هناك
وانت؟
= خلينا نوصل بس الاول
" بعد ساعة بالظبط وصلنا البيت عندي،، دخلت الشقة
انت كنت فين ياابني دا كله،، حرام عليك يا فارس،، أنا كنت همو*ت من القلق عليك،، ليه كدا ياابني
= معلش يا ماما حقك عليا،، المهم بس انا معايا ضيوف
ضيوف مين؟
" ساعتها خرجت عشان اشيل الشنطة و رجعت ادخل الشقة ومعايا رقية،، و ابتسمت وأنا بتكلم
رقية يا ماما
" امي رجعت خطوتين ل ورا و استغربت،، بعدها شاورتلي اني آاجي،، قربت منها فعلا وقالتلي بصوت واطي
جايبلي مجانين في البيت يا فارس،، هي دي اخرتها
= مجانين ايه بس يا ماما،، والله رقية طيبة وهتحبيها
وجايبها هنا ليه يا عين امك؟
= اصل في مشكلة حصلت عندها في البيت وهي هتقعد عندنا يومين بشكل مؤقت يعني
وانت هتروح فين؟
= هبات عند واحد صاحبي
لا يا فارس خليها ترجع بيت اهلها،، مينفعش ياابني تبات برا بيتها
= يا ماما بقولك متخانقة معاهم،، معلش والله هما يومين وهنمشي،، عشان خاطري بقا
" بعدها بصيت ل رقية وقولت
دي بقا امي يا رقية اللي حكيتلك عنها
" رقية ابتسمت وقالت ل امي
ازيك يا طنط،، يارب تكوني كويسة
" امي شدتني من ايدي وقالت
ياالهوي يا فارس دي بتتكلم
= يا ماما هو أنا قولتلك انها خرسة؟ ابوس ايدك اتعاملي معاها كويس يإما والله همشي
" بعدها امي بصتلها وقالت
اهلا يا حبيبتي،، نورتي البيت والله
" اتكلمت انا ساعتها وقولت
تعالي بقا يا رقية عشان تشوفي الأوضة اللي هتباتي فيها
" خدتها من ايدها و مشينا و دخلنا اوضتي
ايه رأيك؟
" ساعتها بصتلي وهي مبتسمة وقالت
حلوة أوي
= دي هتبقا اوضتك من النهاردة لحد ما نشوف هنعمل ايه
فارس أنا خايفة
" مسكت ايدها وقولت
من ايه يا حبيبتي؟
= من كل حاجة،، أنا مش عارفة اطمن وخايفة عليك أوي
" ساعتها قربت منها وحضنتها وطبطبت عليها
أنا جنبك مش هسيبك،، اوعدك
" بعدها خرجت من حضني
عايزك تبقي عارفة اني زمان مكنش عندي حاجة اعيش عشانها،، حياتي مش فارقة معايا لكن دلوقتي أنا حياتي مهمة جدا على الأقل عشان اقضي كل ثانية فيها معاكي
" سيبتها ومشيت بس قبل ما اخرج من الأوضة سمعت الكلمة اللي خليتني اقف ومتحركش تماما
انا بحبك يا فارس
" لفيت وبصيتلها وانا بضحك وجريت عليها وحضنتها تاني بس المرادي كان بقوة اكبر حتى هي كانت ماسكة فيا بكل قوتها،، بعدها بشوية خرجت من حضني وهي بتضحك
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
وانا بحبك اكتر بكتير أوي
#بقلم : #عمرو راشد
" ساعتها مشيت بسرعة لاني مكنتش عارف اسيطر على نفسي،، قلبي بيدق بسرعة جدا،، مش عارف من ضحكتها ولا حضنها ولا من ايه بالظبط،، أنا مش على بعضي خالص بس مبسوط،، مبسوط أوي،، لقيت امي جاية وبتقرب مني
طمني ياابني انت كويس؟
= كويس يا ماما في ايه؟
انت من ساعة ما قابلت البنت دي وانت حالك متشقلب وأنا خايفة عليك يا فارس،، طمني ياابني،، قولي في ايه؟
= والله يا ماما انا نفسي مش عارف في ايه،، المهم خلي بالك من رقية،، على فكرة والله رقية كويسة مفيهاش حاجة عشان خاطري عامليها كويس،، كفاية اللي حصلها من اهلها
حاضر يا حبيبي متقلقش بس انت هتروح فين؟
= في كام مشوار هعملهم و ارجع تاني
" الساعة كانت لسة 2،، نزلت من البيت بس في الحقيقة انا مكنتش عارف اروح فين،، اول مرة اكون في موقف زي دا،، قعدت على كافيه وفضلت افكر لحد ما لقيت عمر صاحبي المحامي اللي عمل العقد ليا سحب الكرسي اللي قدامي وقعد عليه
مالك قاعد كدا ليه؟،، هو الموضوع فشل منك؟
= قلقان من اللي انا داخل عليه،، خايف تحصل حاجة ومعرفش اتصرف
متقلقش وبعدين انت معاك عقد الجواز دا اكبر حماية ليك يا فارس
= يا عمر انت متعرفش الراجل دا،، الناس دي متعرفش ربنا ومبيفرقش معاهم أي حاجة
القانون حاليا في صفك متقلقش،، كله هيكون كويس ان شاء الله
" فضلت قاعد حتى بعد ما عمر مشي لحد ما لقيت تليفوني بيرن،، كانت رقية
فارس انت فين؟،، انت كويس؟
= انا بخير يا حبيبتي
طب انت مش هتيجي؟
= محتاجة حاجة؟
بصراحة انا زهقانة أوي،، عايزة انزل اشوف الشارع
" اتحركت ساعتها من الكافيه و وقفت تحت البيت وكلمتها عشان تنزل،، وبعد 10 دقايق نزلت فعلا وخدت منها مفتاح العربية و ركبنا و مشينا من المنطقة
وحشتيني
" ساعتها بصت ل تحت وهي بتضحك،، ضحكت انا كمان على شكلها وهي مكسوفة بعدها بصتلي وقالت وهي مبتسمة
انت اكتر على فكرة
= طب تحبي نروح فين؟
اي مكان مش هتفرق،، المهم اني معاك
" بعدها مسكت دراعي وحضنتني،، انا دلوقتي في أعلى مراحل السعادة والله،، ساعتها شغلت اغنية بحبها أوي
و اخبارك مع التفاصيل احب أسمعها بالتفصيل،، مادام اتفتحت السيرة آاخد و آادي لنص الليل،، في حبك كل يوم في جديد ولو توحشني وانت بعيد،، بالاحساس بنتلاقى مفيش حاجة اسمها مواعيد♥️ "
" بصيتلها وهنا شوفت في عيونها حياه،، حياه كنت اتمنى اعيشها من زمان أوي،، نظرات عيونها اللي كلها حب ولا ضحكتها اللي قادرة تداوي تعب سنين،، كنت عايز اكون معاها اطول وقت ممكن وعشان كدا نزلت جيبت الاكل و العصاير وكملنا لف بالعربية عشان مشوفش ولا اسمع اي حد غيرها
فارس انت حبيت قبل كدا؟
= انا معرفتش اني عايش غير دلوقتي يا رقية والله
يعني ايه؟
= يعني انا بحبك مثلا وعمري ما حبيت قبل كدا،، يعني حياتي مكنش ليها أي طعم من غيرك
كل دا ظهر في كام يوم؟
= انا حاسس اني اعرفك من زمان أوي يا رقية،، عارفة في واحدة كدا مجرد ما تشوفها تقول ان هي دي اللي هتتجوزها وأنا من ساعة ما شوفتك قولت هي دي اللي اتمنى اعيش معاها مليون حياه على حياتي يمكن في مرة منهم اعرف امسك قلبي اللي بيقع مجرد ما اشوفك
" مردتش عليا ولكنها عملت حاجة احلى بكتير،، هي دخلت في حضني وفضلنا طول الطريق بالشكل دا
اول ما تخلص المشكلة دي هتجوزك واعملك فرح كبير أوي
= طب ما احنا متجوزين
دا عقد عرفي ملوش لازمة،، أنا عملته بس عشان اعرف احميكي من اختك و جوزها
= طب انا عايزة فرح كبير أوي وشقة حلوة وتكون كبيرة وتكون في عمارة فيها اسانسير
ايه دا كله،، انتي داخلة على طمع بقا
= وانا هطمع فيك ليه بقا؟ معاك ايه عشان اطمع فيك؟
معايا كنز بالدنيا وما فيها،، أنتي يا رقية
" وصلنا البيت عندي ونزلنا من العربية وطلعنا فوق عند امي،، فتحت الباب و دخلنا عشان اتفاجئ ب وليد قاعد مع امي
اتأخرت ليه يا فارس،، دا انا قاعد مستنيك بقالي كتير
= انت جاي ليه؟
جاي اقولك بلاش تلعب اللعبة دي،، الموضوع دا اكبر منك وانت مش قده،، هات عقد الجواز و انا هراضيك
= اطلع برا
" وليد ابتسم وبص ل امي وقالها
قولي ل ابنك حاجة يا ست الكل،، خليه يفهم
" ساعتها زعقت وكررت الكلمة تاني
بقولك اطلع برا
" الابتسامة اختفت من على وشه وبص في الأرض وقال
أنا كنت عارف أنها مش هتبقا سهلة
" ساعتها خرج مسد*س من جنبه و كان موجهه ناحيتي
هات العقد يالا
= فاكرني هخاف منك
خاف على امك على الأقل
" امي ساعتها قالتلي بنبرة فيها خوف
اديله يا فارس،، اديله ياابني العقد
" رقية هي كمان اتكلمت
ايه وليد دا انت اتجننت ولا ايه؟
= اسكتي أنتي،، انتي حسابك معايا بعدين
" بعدها بص ليا وقالي
هات العقد بقولك
" حطيت ايدي في جيبي ولكن في خلال ثانية كنت هج*مت عليه ووقعنا على الارض،، ضر*بته ساعتها بالبوكس في وشه لكنه عرف يضر*بني ب رجله في ضهري،، وقعت جنبه على الارض وشوفت المسد*س وهو واقع وقريب مننا،، اتحركت ساعتها وقومت عشان آاخده لكن هو كان اسرع مني و اخده قبلي و وجهه ناحيتي تاني
هات العقد يا روح امك
" بصيت ل رقية لكنه زعق بصوت عالي أوي
هات العقد يإما..
" في اللحظة دي خرجت طل*قة من المسد*س بتاعه و دخلت في رقية،، رقية ساعتها حطت ايدها على جنبها
رقية
" رقية وقعت في الأرض اما وليد جري بسرعة من الشقة
رقية فووقي،، خليكي معايا،، لا لا حاولي تاخدي نفسك،، رقية خليكي معايا هنا،، أنا معاكي مش هسيبك،، ساعتها شيلتها بسرعة ونزلت جريت بيها على العربية،، حطيتها على الكرسي اللي جنبي و ركبت بسرعة ومشيت،، كنت سايق بأقصى سرعة ممكنة،، كنت طاير حرفيا،، كل شوية ببص عليها
رقية خليكي معايا،، احنا قربنا خلاص امسكي نفسك،، رقية
= حاسب يا فارس العربية
" ساعتها هي صرخت بالجملة دي عشان اتفاجئ بالعربية اللي جاية في وشي،، تفاديتها وكملت جري بالعربية لحد ما وصلت المستشفى،، نزلت بسرعة و شيلتها ودخلت المستشفى
رقية امسكي نفسك،، هتبقي كويسة والله،، حاولي تخليكي معايا هنا
" الممرضات جابو العربية اللي هننقلها عليها وحطيتها وبدأنا نجري على العمليات لحد ما دخلو وساعتها الممرضة قالتلي
ممنوع حضرتك
" فضلت واقف باصص عليهم من برا،، الممرضات كانو بيوصلو عليها الأجهزة والدكاترة بدأت تفتح الجر*ح عشان تشيل الرصا*صة،، بعدها ب دقايق سمعت الممرضة بتقول
القلب وقف يا دكتور
" ساعتها الممرضات جريو وجابو جهاز الصدمات الكهربائية عشان ينعشو القلب،، اول صدمة مكنش في استجابة،، قلبي كان بيدق جامد جدا يكاد يكون هيقف من الخوف،، تاني صدمة وبرضو مفيش استجابة،، حسيت ان جسمي بدأ يترعش،، بعدها الصدمة التالتة وهنا الدكتور بص للممرضة وحرك راسه بالنفي وعدم الاستجابة،، بعدها قلع الكمامة وخرج وطبطب على كتفي
البقاء لله
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
القلب وقف يا دكتور!!
" ساعتها الممرضات جريو وجابو جهاز الصدمات الكهربائية عشان ينعشو القلب،، اول صدمة مكنش في استجابة،، قلبي كان بيدق جامد جدا يكاد يكون هيقف من الخوف،، تاني صدمة وبرضو مفيش استجابة،، حسيت ان جسمي بدأ يترعش،، بعدها الصدمة التالتة وهنا الدكتور بص للممرضة وحرك راسه بالنفي وعدم الاستجابة،، بعدها قلع الكمامة وخرج وطبطب على كتفي
البقاء لله
" ساعتها انا حسيت اني مش شايف اي حاجة،، الدنيا كلها كانت سودا قدامي،، كنت شايف الدكتور بيتكلم معايا ولكني مش سامع هو بيقول ايه كأني اتنقلت ل عالم تاني لكن اللي رجعني تاني صوت الممرضة وهي بتجري وجاية من أوضة العمليات
تعالى بسرعة يا دكتور
" الدكتور دخل جوا بسرعة وأنا دخلت وراه وسمعت الممرضة وهي بتقول
الحمدلله نبضات القلب رجعت
" الدكتور ساعتها قال
لازم نعمل العملية حالا يإما هتموت
" الممرضة لاحظت وجودي جوا أوضة العمليات ف جات وقربت مني وهي بتزعق
حضرتك دخلت هنا ليه،، اتفضل برا
" خرجت والباب اتقفل ورايا،، حاولت اهدى واتمالك اعصابي،، ربنا اكيد هينقذها،، اكيد ربنا مبعتنيش ليها عشان اتعلق بيها وتروح مني،، يارب لا،، كنت زمان وانا صغير لما بقلق وبتوتر بتجيلي حالة تشنجات كنت بحاول اخرج منها عن طريق اني باخد نفس عميق و و اخرجه على 3 مرات،، فضلت اعمل كدا اكتر من مرة لحد ما عدت ساعة ولقيت الدكتور خرج من اوضة العمليات وقالي
الحمدلله دا ربنا كتبلها عمر جديد،، احنا قدرنا نشيل منها الرصا*صة و إن شاء الله هي هتفوق بعد دقايق بس طبعا احنا هنفتح تحقيق عشان اللي حصل دا،، مجرد ما حالتها هتستقر هنفتح التحقيق عشان نعرف مين اللي عمل كدا،، بعد إذنك
" كنت ساعتها مش شايف اي حاجة قدامي،، مش شايف غير اني لازم آاخد حقها،، رقية كانت هتضيع مني واكيد دي مش هتبقا اخر مرة،، مشيت من المستشفى و ركبت العربية و روحت بسرعة على بيت وليد،، كنت هدخل من البوابة لكن الامن منعني وقالي
رايح فين؟
= انا عايز اقابل وليد
طب ثواني
" الأمن خرج اللاسلكي و اتكلم منه وساعتها انتهزت فرصة انه مشغول وجريت منه ودخلت الفيلا،، الباب كان مفتوح لما دخلت ولقيت وليد كان قاعد على الكنبة ووقف بسرعة اول ما شافني وطبعا نورا كانت جنبه،، دخلت وجريت عليه وضر*بته بالبوكس في وشه،، وقع على الأرض ونورا جريت وقعدت جنبه بتحاول تسنده عشان يقوم
اقسم بالله انا مش مانعني عن قت*لك غير رقية
" بعدها بصيت ل نورا وقولتلها
جوزك ضر*ب نار على اختك،، اختك كانت هتمو*ت،، يا ترى عندك علم بالموضوع دا ولا لا؟
" وليد ساعتها قام وقف وقالي
انا مكنتش اقصد وبعدين هي مش بقت كويسة يبقا خلاص
= انت صح بس رقية هتقوم و هبلغ عنكو وهتهمكو انتو الاتنين،، والله ما هرتاح غير لما اشوفكو انتو الاتنين في السجن
" خرجت من البيت و ركبت العربية تاني و رجعت المستشفى،، من ساعة ما نزلت من البيت وامي بتتصل بيا وأنا مبردش،، رديت عليها المرادي عشان اطمنها
خير ياابني،، طمني عملت ايه؟
= كويسة يا ماما الحمدلله الموضوع بسيط
يا فارس قولتلك يابني ابعد عن الناس دي،، افرض الطل*قة دي كانت جات فيك انت،، أنا مش مستحملة يا فارس حرام عليك
= يا ماما متخافيش مفيش حاجة،، اطمني انا كويس
طب عشان خاطري،، لو بتحب امك يا فارس ابعد عن البت دي هي واهلها،، الناس دي خطر ياابني
= حاضر يا ماما بس معلش انا مضطر اقفل دلوقتي عشان معايا مكالمة تانية،، سلام
" قفلت معاها ولكن انا معنديش مكالمة تانية بس انا حاليا مكنتش مستحمل كلمة او لوم من اي حد،، أنا مقدر خوفها عليا ولكن دا مكنش وقته،، رجعت المستشفى و عرفت أنها خرجت من العمليات واتنقلت ل أوضة تانية،، دخلت عرفت رقم الاوضة و روحت خبطت على الباب و دخلت،، اول ما شافتني اتعدلت وكانت لسة هتقوم لكني جريت عليها
خليكي مكانك متتحركيش،، استريحي
= انت كنت فين؟
مش مهم،، المهم انتي كويسة دلوقتي؟
= انا تمام متقلقش
كنت همو*ت من القلق عليكي،، حمدالله على سلامتك يا حبيبتي
" الممرضة دخلت هي و الدكتور اللي قال
انتي هتقعدي معانا كام يوم لحد ما نطمن عليكي،، عايزك بقا تسمعي الكلام وتاكلي كويس عشان الجر*ح يخف بسرعة
" بعدها شاورلي،، خرجنا برا الأوضة وقالي ساعتها
انا بلغت البوليس وهو هييجي الصبح عشان يفتح التحقيق
= تمام احنا جاهزين
" دخلت الأوضة تاني وقعدت جنبها
البوليس هييجي الصبح،، عايزك تقولي كل اللي حصل يا رقية
= ما بلاش يا فارس،، بلاش عشان الموضوع هيكبر أكتر
وهو كدا الموضوع مش كبير؟،، انتي بتقولي ايه؟
= بقول اللي لازم يحصل،، أنا لو بلغت عن وليد،، نورا مش هتسيبني
ما تولع نورا،، هي اللي زي نورا دي تتسمى اخت؟،، خايفة على زعل نورا أوي،، هي نفسها مخافتش عليكي ولا جاتلك،، ولعلمك يا رقية لو انتي مبلغتيش عن وليد هبلغ انا عنه
= يا فارس أنا خايفة من المشاكل
مشاكل ايه أكتر من كدا؟،، اللي احنا فيه دا مصيبة مش مشكلة بس
= بس يا فارس..
مفيش بس،، البوليس هييجي وهنحكيله كل اللي حصل وانا شاهد معاكي
" بعد ما فارس خرج من الفيلا،، وقفت ساعتها قدام وليد وقولتله بغضب
مكنش لازم تضر*بها بالنار،، خليتنا نقع في مشكلة ملهاش اي لازمة
= يا حبيبتي والله خرجت مني بالغلط،، أنا مكنتش اقصد وبعدين كفاية لوم عليا بقا،، قوليلي دلوقتي هنتصرف ازاي،، دا بيقولك هيبلغ عننا
متقلقش رقية هتخاف تبلغ
= دا كان زمان يا قلبي لما كانت رقية معانا قبل ما الواد دا يظهر في حياتها،، الواد دا له تأثير كبير عليها واكيد هيخليها تبلغ
اومال هنعمل ايه؟
= ايه رأيك نخط*فها؟
عايزني اخط*ف أختي؟
= ماهو احنا مش هنخط*فها بجد يعني،، احنا هنخوفها بس عشان متبلغش
لا لا مش هينفع،، احنا محتاجين نشيل فارس من الصورة خالص
= ازاي بقا؟
هي مش الفيلا فيها كاميرات؟
= ايوا فيها
واكيد الكاميرات سجلت لما دخل الفيلا و ضر*بك وبعدها خط*ف اختي
= وفارس يلبس
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
يلبس بس؟،، دا هيشيل مش اقل من 5 سنين
= طب وهو خط*فها ليه؟
عشان هو جه اتقدملك وانت رفضته،، وهو اساسا مختل عقليا وبيشرب مخد*رات ف خط*فها والله اعلم عمل فيها ايه مع دمعتين منك قدام الظابط
= دماغ الماظ والله العظيم،، الماظ
يلا ادخل هات الفيديوهات و اطلع على القسم عشان تعمل احلى محضر وفي خلال ساعات هيكون فارس بيه في السجن
= طب تفتكري هو هيكون فين؟
أنا هعرف
#بقلم : #عمرو راشد
" ساعتها جيبت تليفوني واتصلت ب رقية بس تليفونها كان مغلق
التليفون مقفول
= يبقا هو اكيد معاها في المستشفى
يعني عشان ينقذها لازم يروح ل اقرب مستشفى،، اعمل سيرش بسرعة على اقرب مستشفى ل بيت الواد دا وانا هحاول تاني مع رقية
" جاتلي رسالة بعد نص ساعة ان التليفون اتفتح،، اتصلت بيها بسرعة
ايه يا رقية،، ايه يا حبيبتي،، طمنيني عليكي انتي كويسة؟
" ردت عليا وهي بتعيط
شوفتي جوزك عمل فيا ايه؟
= أنا اسفة يا حبيبتي والله،، أنا لسة عارفة حالا،، دا انا طردته اول ما عرفت والله الكل* دا،، قوليلي يا حبيبتي عنوانك فين وأنا اجيلك
انا معرفش انا في مستشفى ايه بس اليوم هبعتلك لوكيشن احسن
" وفعلا بعد ما قفلت معاها اللوكيشن وصل عندي و عرفت المستشفى
عنوان المستشفى معاك،، يلا اطلع على القسم
" قلقت الصبح كانت الساعة 8،، مكنتش عارفة انام اصلا من التفكير،، فارس كان نايم جنبي صحيته من النوم
في ايه يا حبيبتي؟،، أنتي كويسة؟
= انا كويسة مفيش حاجة
اومال ايه؟
= فارس أنا عملت حاجة غلط
حاجة غلط ازاي؟،، عملتي ايه؟
= نورا امبارح اتصلت بيا قبل ما تيجي انت وانا رديت عليها وبعتلها عنوان المستشفى
ليه يا رقية،، ليه تعملي كدا
= هي قالتلي انها متعرفش اللي وليد عمله
يا حبيبتي بتكدب عليكي،، وليد كان هناك اساسا لما انا روحت،، يا رقية انتي ازاي لسة بتصدقيهم لحد دلوقتي
= طب ممكن تهدى
اهدى ايه بس!!،، اهدى ازاي قوليلي
= طب هنعمل ايه؟
احنا لازم نمشي من هنا،، أنتي الدليل الوحيد اللي لازم يخفوه عشان وليد ميدخلش السجن،، قومي معايا بسرعة
" ساعتها سمعت صوت سرينة عربية البوليس،، فارس قرب من الشباك وشاف
في ايه يا فارس؟
= البوليس طالع ومعاهم وليد،،اكيد دي مصيبة من مصايبه
" فارس قفل الستارة و لقيته بيزعقلي
قومي بسرعة يلا
" خرجنا من الاوضة،، فارس كان ساندني عشان نمشي بسرعة،، لقيت سلم خلفي نزلنا منه وكملت لحد أخره،، كان اخره الباب الخلفي بتاع المستشفى،، ساعتها فارس بص ليا وقالي
خليكي هنا لحد ما اروح اجيب العربية و ااجي
" مشي واتحرك بهدوء وبعد خمس دقايق لقيته جاي بالعربية،، ركبت جنبه بسرعة و مشينا
هنروح فين؟
= لازم نبعد بقدر الإمكان
ايوا فين طب؟
" لقيته خرج تليفونه و اتصل ب حد
ايوا يا عمر،، أنت فين،، طب كويس انك في البيت،، أنا جايلك حالا،، متتحركش لحد ما اجيلك
" قفل معاه وبعدها انا سألته
هو مين عمر دا
= واحد صاحبي محامي
وهو دا هنقعد عنده؟
= معرفش لسة،، هنروح ونشوف
" بعد ساعة ونص بالظبط وصلنا بيت عمر،، طلعنا على السلم،، فارس خبط على الباب وبعد دقيقة الباب اتفتح،، كان شخص في التلاتينات باين عليه الحكمه و العقل،، دخلنا الشقة وقعدنا،، فارس حكاله على الموضوع كله من اوله و دا كان رده علينا
يعني مثلا يا فارس لو افترضنا ان وليد دا سبق وبلغ عنك بأي تهمة مثلا وانت هربت،، طب ماهو انت كدا بتأكد كلامه،، أنت غلطان يا فارس مكنش لازم تهرب من المستشفى
= ياابني افهم انا لو كنت دخلت السجن كانت رقية هتبقا لوحدها وساعتها هيعرفو يسيطرو عليها
وانت لما هربت كدا انت حليت المشكلة يعني؟
= معرفش بقا اهو اللي حصل،، المهم احنا المفروض نعمل ايه بعد كدا؟
اول حاجة لازم تروح مع رقية وتخليها تعترف ان وليد ضر*بها بالنار وتقرير المستشفى موجود دا غير شهادة الدكتور والممرضين
= برضو لا انا مش مطمن،، الموضوع مش هيبقا سهل كدا
انت كدا اللي بتصعبها يا فارس،، الموضوع سهل جدا
= وليد ونورا اكيد هيكونو عاملين حسابهم وانا عارف
والله انا قولتلك على الحل اللي عندي وشوف انت بقا عايز تعمل ايه
= طب معلش يا عمر احنا هنقعد عندك يومين بس لحد ما نفكر عشان اكيد البوليس هيروح البيت
انت شكلك عايز تجيبلي مصيبة صح؟
= والله هما يومين بس وهمشي،، خليك جدع و اقف جنب صاحبك
ماشي بس فكر في اللي انا قولتلك عليه عشان هو دا الصح والله،، و أنا هروح ابات كام يوم عند امي لحد ما الموضوع دا يخلص
= تسلم يا عمر والله،، ربنا ميحرمنيش منك
طب أنا هستناك تحت عشان عايزك في موضوع،، خلص وتعالى ورايا
" عمر دخل الاوضة وبدأ يجمع حاجته في شنطة صغيرة وبعدها نزل،، بعدها قعدت جنب رقية وطبطبت عليها
متخافيش انا هتصرف
= مش خايفة طول ما انت جنبي
" مسكت ايدها وقومنا عشان ترتاح شوية،، دخلنا الأوضة عشان تنام و روحت انا على دولاب عمر خدت منه تيشرت وبنطلون للنوم عشان اخليها تغير هدومها
امسكي دول،، غيري هدومك و ارتاحي شوية وانا هنزل ومش هتأخر
= فارس انا بحبك
" وبدون أي مقدمات لقيتها دخلت في حضني،، طبطبت عليها وقولتلها
وانا كمان بحبك اكتر
" خرجت من حضني وقالتلي وهي عيونها بتدمع
انا اسفة،، والله اسفة على كل اللي بيحصل دا
" حطيت ايدي على بوقها
ششش احنا لو وسط مليون مشكلة كفاية اني اكون شايفك قدام عيني ومطمن عليكي،، دا انا اللي بشكر الظروف والمشاكل دي والله انها جمعتني بيكي،، متقلقيش انا جنبك،، كل دا هيخلص قريب ان شاء الله
" قربت منها و بو*ستها من جبينها
مش عايزة أي حاجة من تحت؟
= متتأخرش عشان بخاف اقعد لوحدي
أنا مقدرش اتأخر اصلا
" بعدها فارس نزل وانا غيرت هدومي ونمت على السرير،، كنت حاسة اني مرهقة أوي،، دا غير مكان الجر*ح اللي واجعني،، في لحظة عنيا قفلت ونمت،، معرفش نمت قد ايه لكني قلقت بعدها على صوت خطوات في الشقة،، فتحت عيني لقيت فارس قاعد على كرسي جنبي ونايم،، فجأه الباب اتفتح و شوفت البوليس دخل ومسك فارس، ساعتها صرخت
فارس،، فارس متسبنيش، متسبنييش لا
فااارس!!
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
صباح الخير يا أجمل راجل في الكون كله
= صباح النور يا حبيبتي،، أنتي رايحة فين؟
هحضرلك الفطار
= فطار ايه وأنتي تعبانة كدا،، لازم ترتاحي لحد ما الجر*ح يخف
جر*ح ايه
= مكان الرصا*صة يا رقية
اه يا حبيبي ما انا بقيت كويسة خلاص
= لا برضو خليكي،، انا مش عايز اتعبك
تتعبني!!،، طب اتعبني بس وملكش دعوة انت
= انا مش عايز حاجة غير راحتك يا حبيبتي
طب استنى بقا احضرلك الفطار وارجع عشان اسمع الكلام الحلو دا تاني
" قومت عشان احضر الفطار،، الشقة كانت وحشة ومفيهاش اي حاجة ينفع تتاكل،، فتحت التلاجة لقيت جبن وطبق فول،، جيبته وسخنته وحطيت السم فيه،، سمعت صوته وهو بيتكلم من برا وبيقول
رقية اعملي حسابك اننا ممكن نمشي النهاردة او بكرا بالكتير عشان مش هينفع نقعد هنا اكتر من كدا،، انا بقيت مكسوف من عمر أوي
" خرجت برا وقولتله بإستغراب
عمر مين؟
= عمر يا رقية،، صاحبي المحامي اللي كان قاعد معانا،، أنتي نسيتيه ولا ايه؟
معلش يا حبيبي دماغي مشغولة في اللي احنا عشان كدا مش مركزة
= قولتلك متقلقيش بقا،، كله هيتحل بإذن الله
طبعا يا حبيبي هيتحل
" رجعت المطبخ عشان اجيب صنية الاكل و اخرج بيها برا لكن لقيته جاي ورايا وواقف في ضهري
رقية انا اسف،، انا عارف انك ملكيش ذنب في اللي بيحصل دا ولا أنتي عمرك اتعرضتي لحاجات زي كدا بس انا مكنش ينفع اسيبك،، كان لازم تعرفي وتشوفي حقيقة الناس اللي عايشة معاهم سواء اختك أو جوزها الاتنين او*سخ من بعض واوعدك انا مش هسكت غير لما ارجعلك حقك
" لفيت وشي وقربت منه و حطيت ايدي على دقنه وبدأت احسس على وشه بالكامل
تعرف انك جدع أوي ومتستاهلش اي حاجة من اللي بتحصلك دي
= انا مستعد اتحمل اي حاجة مقابل انك تبقي كويسة
اي حاجة؟
= اي حاجة
طب يلا عشان نفطر بقا
" لما فتحت عيني لقيت نفسي في بيتنا،، ايوا في الفيلا بتاعتي،، بس في اوضة ضلمة انا عارفاها كويس،، الأوضة دي طول عمرها فاضية مفيهاش حاجة،، لما كانت نورا تحب تعاقبني كانت بتخلي وليد يحبسني في الأوضة،، كنت قاعدة على كرسي ومربوطة فيه لدرجة اني مش عارفة اتحرك نهائي،، عمري ما كنت اتوقع ان نورا اختي تعمل فيا كدا و ليه وعشان مين،، دا انا اختها،، دي لو طلبت مني اي حاجة هعملها من غير ما افكر،، ليه بتعمل كدا،، لو عايزة الورث تاخده انا مش همنعها لكن ليه كدا،، واضح ان فارس كان عنده حق لما قالي اني مينفعش اثق فيهم تاني،، شوية ولقيت الباب اتفتح و وليد داخل ومعاه صنية اكل
جيبتلك الاكل اللي بتحبيه عشان متقوليش حارمينك من حاجة،، بلا اطفحي بقا
= بقى انت بتعمل معايا انا كدا؟،، نسيت بابا عمل معاك ايه لما كنت جاي تتقدم ل نورا،، مسكت شركته وبقيت مدير الشركة،، دا غير المرتب اللي بتاخده،، دا غير العربيات والعيشة اللي انت عايشها،، هو دا رد الجميل؟
انا رديت ل ابوكي الجميل يوم ما خرجتك من المستشفى وانا عارف انك مجنونة و مينفعش تخرجي برا،، كدا احنا خالصين
= انا كويسة،، انت اللي مش طبيعي،، انا اعقل منكو كلكو
ماهو الكلام مش بفلوس،، اتكلمي براحتك
= بكرا تشوف فارس لما ييجي هيعمل فيك ايه يا وليد
" لقيته رد عليا وهو بيضحك
دا لو فارس لسة عايش اصلا لحد دلوقتي
= يعني ايه؟،، انتو عملتو فيه ايه؟
اختك هناك معاه في الشقة،، هتخلص عليه وتيجي
= والله لو خرجت هبلغ عنكو وما هسيبكو يا وليد
لما تخرجي بقا،، تصدقي الاكل دا خسارة فيكي وكدا كدا أنتي مش هتعرفي تاكليه عشان انا مش هفكك،، هاخده انا احسن
" شال الصنية تاني وخرج بيها برا وقفل الباب والضلمة رجعت تاني..
" قربت منه اكتر وهو بيقول
انا مستعد اتحمل اي حاجة مقابل انك تبقي كويسة
= اي حاجة؟
اي حاجة
= طب يلا عشان نفطر بقا
" شال هو الصنية وخرجنا بيها برا،، قعدنا على السفرة وهو قاعد قدامي،، عملت سندوتش من الفول المسموم ومديت ايدي بيه
اتفضل يا حبيبي
= شكرا يا حبيبتي،، تسلم ايدك
" اخد مني السندوتش ولسة هياكله سمعت باب الشقة بيخبط،، فارس ساب السندوتش بسرعة و جري على الباب ووقف وراه،، الباب خبط تاني وسمعت صوت بيتكلم من برا وبيقول
افتح انا عمر
" فارس اطمن وفتح الباب ولقيت شخص داخل من برا
خضتني يا عمر
= معلش حقك عليا،، انا جاي هاخد بس شوية ورق عشان نسيته وأنا باخد حاجتي
طب يلا
" الشخص دا مشي من قدامي هو و فارس،، نفخت بعصبية،، حظك عالي أوي يا فارس،، قومت من على السفرة وقربت من الأوضة اللي كانو فيها وسمعتهم وهما بيتكلمو
فكرت في اللي قولتلك عليه؟
= اللي هو ايه؟
انك تروح تعترف أو تخلي امك تشهد انها شافت اللي حصل
= يا عمر مينفعش وقولتلك قبل كدا اني مينفعش تدخل في المواضيع دي
انت فاهم بتقول ايه طيب؟،، كلمتين من امك هيقلبو الموضوع كله وهيشيلو من عليك كل التهم
= انا هتصرف بس بعيد عن امي
براحتك يا فارس،، اعمل اللي انت عايزه
= قولي بس انت كدا،، الميكب اللي عندك دا بتاع مين؟
ميكب ايه؟،، انا معنديش ميكب
= يا عم بلاش الحركات دي بقا،، احنا شوفناه خلاص
ياابني والله ما عندي،، هيبقا عندي ميكب ليه يعني؟
= ازاي دا؟،، اومال رقية جابت الميكب منين؟
تلاقيه كان معاها يا فارس
= كل حاجة اتاخدت منها في المستشفى،، مكنش معاها غير التليفون بس
يعني ايه الكلام دا؟
= وبعدين هي قالتلي أصلا أنها شافته عندك هنا
طيب يا سيدي الشقة قدامك اهي دور براحتك
= مش قصدي يا عمر بس كدا الكلام دا معناه ايه،، رقية بتكدب؟
ممكن
= طب هتكدب ليه؟
مش عارف والله،، ملهاش سبب،، عموما ابقا اسألها
= طب هشوف الموضوع دا،، انت لقيت الورق بتاعك؟
اه تمام
= طب يلا بينا
" ساعتها جريت بسرعة من قدام باب الأوضة و رجعت قعدت على السفرة،، لقيتهم هما الاتنين ماشيين وخارجين على برا،، قومت وندهتله
فارس انت رايح فين؟،، مش هتفطر؟
= لا خلاص مليش نفس،، انا هنزل شوية و راجع
" رجعت قعدت على الكرسي،، في ايه،، انت ايه الحظ دا،، بتفلت مني مرتين بس التالتة لا،، التالتة مش هتعرف تفلت يا فارس،، قومت ومسكت تليفوني وكلمت وليد
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
ايه الاخبار عندك؟
= كله تمام يا حبيبتي،، المهم انتي ايه؟،، خلصتي عليه؟
لسة بس متقلقش هيحصل في اقرب وقت
= طب انتي مش محتاجة حاجة؟
قولي يا وليد،، هي ام فارس كانت موجودة ساعة لما ضر*بت رقية بالنار
= ايوا كانت موجودة
ومقولتش ليه يا بني آدم من الأول؟
= قولت أنها ست كبيرة مفيش منها قلق يعني
طب اهي الست الكبيرة دي وليد ممكن يخليها تشهد عليك وتدخل السجن
= ينهار اسود!!!،، طب اعمل ايه؟
النهاردة تروح تجيبها وتحبسها مع البت اللي عندك دي
= تمام
يلا سلام و ابقا طمني لما تخلص
= بقولك ايه يا نورا،، هو احنا هنعمل ايه مع رقية؟
هنخليها تختار يإما تعيش وهي ساكتة ومتنطقش بأي كلمة يإما هتفضل محبوسة في الأوضة لحد ما ربنا ياخدها
#بقلم : #عمرو راشد
" قفلت معاه،، كنت متعصبة جدا و مخي بيسترجع كل اللي فات،، أيام ابويا و امي لما كانو بيفرقو بينا،، دايما رقية هي اللي صح وانا غلط،، بيحبوها عشان مسكينة وضغيفة،، بيصدقوها عشان بتعيط ليهم شوية،، عمرهم ما ضر*بوها عشان بيخافو عليها،، اما أنا كانو بيعاملوني او*سخ معاملة،، كل حاجة عندهم رقية
• قومي من على الكرسي دا بتاع رقية
" افتكرت مرة لما ماما كانت عاملة سمك وهي عارفة اني مش بحبه وبيتعبني وبيعملي حساسية شديدة،، بس دا كان ردها عليا
معلش يا نورا اصل رقية نفسها في السمك،، وأنتي ابقي كلي أي حاجة بقا مش هتفرق
" حتى في عيد ميلادنا،، كانت الهدايا الحلوة والبو*س والاحضان ل رقية،، وأنا عادي،، حضن مفيهوش اي حنية ولا حب،، حضن من غير نفس،، على فكرة انا الكبيرة،، انا اكبر من رقية ب 5 دقايق بس،، و رغم دا بس كان لازم استحمل،، لازم اتقبل اي حاجة منهم عشان دي اختي الصغيرة،، التي هي في نفس سني برضو على فكرة،، حتى الجواز،، لما جه شاب يتقدم،، بابا اختار انه يخطب رقية مش انا،، كان قراري ساعتها وهي اني اخلي الموضوع دا مينفعش يتم وفعلا محصلش نصيب والشاب اترفض بسببي،، بسبب اني لعبت في دماغ رقية وقولتلها
الواد دا بتاع بنات انا عارفاه،، والله يا رقية ما هترتاحي معاه،، وبعدين ابوه و امه هما اللي بيصرفز عليه يعني عيل مش بتاع مسؤولية،، لازم ترفضيه طبعا..
" وفعلا رقية رفضته،، حاجات كتير أوي عيشتها بسبب اللي ابويا و امي كانو بيعملوه،، فوقت ساعتها ومسحت دموعي وقومت ارتاح شوية
" فضلت قاعدة والوقت بيمر عليا ببطئ شديد جدا،، الوقت كان بيقت*لني،، قاعدة مربوطة ومش عارفة اعمل حاجة،، خايفة على فارس ومعرفش حصله ايه لحد دلوقتي،، بس طالما نورا لسة مرجعتش يبقا هي لسة معاه هناك عشان كدا انا لازم احذره،، حاولت افكر في اي حل بسرعة عشان اعرف اخرج،، مكنش فيه غير حل واحد،، بدأت أصرخ بصوت عالي جدا
حد يساعدني،، حد يخرجني من هنا
" فضلت ما يقرب من 5 دقايق بصرخ لحد ما تعبت وسكت لكن فجأه سمعت صوت من برا بيتكلم ويقول
أستاذ وليد خرج يا انسة رقية
" دا كان صوت زينب،، واحدة من اللي بتشتغل في الفيلا
زينب حاولي تخرجيني من هنا ابوس ايدك
= ازاي بس دا الأوضة مقفولة بالمفتاح
اكسري الباب،، اعملي اي حاجة أنا لازم اخرج
= يا انسة رقية كدا أستاذ وليد هيطردني و انا عندي عيال
والله هعوضك وهجيبلك شغل احسن من هنا مليون مرة بس خرجيني من هنا،، في واحد هيمو*ت وهو ملوش ذنب،، ابوس ايدك يا زينب خرجيني
= طب ثانية انا هحاول اجيب حاجة افتح بيها الباب
" غابت عني لمدة دقيقتين و رجعت تاني و بدأت تحاول تفتح الباب،، حاولت كتير اوي لحد ما اتفتح اخيرا وساعتها دخلت بسرعة وبدأت تفكني،، قومت بسرعة من على الكرسي وجريت لحد ما خرجت من الفيلا،، كملت جري،، كنت بجري بسرعة جدا،، مفيش حد في الشارع،، مفيش اي عربيات،، كملت جري لحد ما لقيت سوبر ماركت صغير،، دخلت فيه وأنا مش عارفة اتنفس
لو سمحت انا محتاجة موبايل ضروري
= الحقيقة مفيش هنا موبايل
بالله عليك انا محتاجاه جدا،، الموضوع خطير والله
= للاسف مفيش والله
" قومت من النوم كانت الساعة 5 المغرب مكنش فارس لسة رجع،، قومت و بدأت اسخن الاكل اللي كنت عملته امبارح عشان لما يرجع ياكله،، وفعلا كل حاجة بقت جاهزة الساعة 6،، فضلت مستنياه لحد ما رجع الساعة 8 من برا
ايه يا حبيبي اتأخرت ليه؟
= معلش يا حبيبتي كان عندي مشوار لازم يخلص
طب يلا عشان انا مستنياك،، يلا هناكل سوا
= طب ثواني هدخل اغير هدومي
" دخل الأوضة وانا دخلت المطبخ جيبت صنية الاكل و خرجت حطيتها على السفرة
يلا بقا يا فارس
= جاي اهو
" كان لسة هييجي لكني سمعت صوت تليفوني بيرن
رقية انتي فتحتي تليفونك؟
= لا دا انا..
انتي عايزة تخليهم يقبضو علينا،، حرام عليكي ليه كدا
" مسك هو التليفون وقالي
دا رقم غريب
" كنت لسة همشي وأنا خلاص فاقدة الامل لكن الراجل اللي كان واقف في السوبر ماركت قالي
هو فعلا مفيش تليفون بس طالما محتاجاه ضروري ممكن تستعملي تليفوني
" خدته منه بسرعة و اتصلت على رقم فارس لكن تليفونه مقفول،، جربت اكتر من مرة وبرضو مفيش فايدة،، مكنش في حل قدامي غير اني اتصل على تليفون نورا وفعلا اتصلت عليها،، مرة واتنين وبرضو مفيش رد،، جربت التالتة ولقيت المكالمة اتفتحت
الو
= مين معايا
" دا صوت فارس
ايوا يا فارس،، انا رقية،، اللي عندك في البيت دي نورا مش انا،، نورا عايزة تقت*لك يا فارس
" كنت واقفة قدامه ومش عارفة ارد،، لقيته مسك التليفون وقال
دا رقم غريب
" كان باصصلي وعنيه كلها نظرات شك،، التليفون رن مرة واتنين،، لحد ما لقيته رد وقال
مين معايا
" لقيته بعدها سكت وبص ليا وهو مندهش وسمعت صوت رقية وهي بتقوله
اللي معاك دي نورا يا فارس
" ساعتها هو رما التليفون ولسة هيجري لكن كنت انا سبقته وجريت وقفلت باب الأوضة بالمفتاح من برا،، كان بيحاول يفتحه بكل قوته
افتحي يا نورا،، افتحي احسنلك
= سوري يا فارس أنا مستعجلة دلوقتي،، مضطرة انزل بس مش هتهون عليا اسيبك لوحدك،، هشغلك حاجة تسليك
" مشيت من قدام الأوضة و روحت بسرعة على المطبخ وفتحت الغاز ومشيت
انا ماشية يا فارس،، الموضوع كله مش هياخد وقت كتير
" سمعت صوت خطواتها وهي بتبعد عن المكان وبعدها سمعت باب الشقة وهو بيتقفل،، فضلت أحاول افتح الباب بكل قوتي بس مش عارف،، افتكرت التليفون اللي أنا رميته،، مسكته بس لقيته بيهنج تقريبا اتكسر لما رميته،، بدأت أصرخ في المكان كله عشان حد يساعدني
يا جماعة حد يسااااعدني،، انا محبوس هنا
" خلصت صلاه العشا وقعدت ادعي
ربنا يحميك يا فارس،، ربنا ينصرك ياابني
" قعدت ادعي كتير أوي،، بعدها خلصت وقومت عشان ادخل انام لكن سمعت الباب بيخبط،، روحت وقربت عشان افتح وفعلا فتحت و شوفت الشخص اللي ضر*ب رقية بالنار،، صرخت وكنت لسة هقفل الباب لكن هو كان أقوى مني وفتح الباب بقوة،، ساعتها وقعت على الأرض وبدأت أصرخ عشان حد ينجدني،، لكن هو قرب مني بسرعة وكتم صوتي وبدأ يحاول يخن*قني،، حاولت اضر*به ب ايدي لكن مكنتش عارفة،، انا خلاص حاسة اني بتخنق،، روحي هتطلع،، انا بموووت!!
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
فارس انا بحبك
" وبدون أي مقدمات لقيتها دخلت في حضني،، طبطبت عليها وقولتلها
وانا كمان بحبك اكتر
" خرجت من حضني وقالتلي وهي عيونها بتدمع
انا اسفة،، والله اسفة على كل اللي بيحصل دا
" حطيت ايدي على بوقها
ششش احنا لو وسط مليون مشكلة كفاية اني اكون شايفك قدام عيني ومطمن عليكي،، دا انا اللي بشكر الظروف والمشاكل دي والله انها جمعتني بيكي،، متقلقيش انا جنبك،، كل دا هيخلص قريب ان شاء الله
" قربت منها و بو*ستها من جبينها
مش عايزة أي حاجة من تحت؟
= متتأخرش عشان بخاف اقعد لوحدي
أنا مقدرش اتأخر اصلا
" بعدها فارس نزل وانا غيرت هدومي ونمت على السرير،، كنت حاسة اني مرهقة أوي،، دا غير مكان الجر*ح اللي واجعني،، في لحظة عنيا قفلت ونمت،، معرفش نمت قد ايه لكني قلقت بعدها على صوت خطوات في الشقة،، فتحت عيني لقيت فارس قاعد على كرسي جنبي ونايم،، فجأه الباب اتفتح و شوفت البوليس دخل ومسك فارس، ساعتها صرخت
فارس،، فارس متسبنيش، متسبنييش لا
فااارس!!
" فتحت عيني وانا مفزوعة وهنا جسمي بدأ يهدى شوية لما استوعبت اني لسة في شقة عمر،، حمدت ربنا و قومت من على السرير،، الجر*ح ساعتها كان واجعني جدا ولكني قومت،، خرجت برا للصالة لقيت فارس نايم على الكنبة،، قعدت جنبه وطبطبت عليه بهدوء وبدأت المس وشه ولكنه صحي بسرعة
رقية أنتي كويسة؟
= كويسة يا حبيبي اهدى
طب اومال قاعدة كدا ليه؟
= اصل حلمت حلم وحش أوي ف كنت خايفة اكمل نوم
" بص ليا و غمزلي وقال
ايه رأيك انام جنبك؟
= لا طبعا
هحكيلك حدوتة
= افكر
هحكيلك كل يوم حدوتة مختلفة وحتى لو منمتيش هحكي واحدة تانية
= عرض مغري الصراحة
بسرعة بقا قبل ما اسحب العرض عشان دا لمدة معينة
= هفكر و اقولك
طب متفكريش كتير ونبي
" رديت وأنا بضحك
حاضر
" الساعة كانت 5 الفجر،، فارس أول ما سمع الأذان نزل يصلي وانا كمان اتوضيت وصليت في البيت،، بس هو اتأخر شوية تقريبا نص ساعة بعد معاد الصلاه لحد ما لقيته داخل من باب الشقة
جيبتلك بقا فطار هتحلفي بيه طول عمرك
= جيبتلي ايه؟
فول وطعمية وبطاطس وبتنجان و جبن،، حاجات كتير مش لسة هعد
= بس انا تعبانة مش هعرف احضر كل دا
يا سيدي على الدلع
= طب ماهو انا تعبانة فعلا يا فارس
يا حبيبة قلب فارس أنا عارف ومين قالك أصلا اني كنت هسيبك تعملي حاجة بنفسك،، أنتي تقعدي وترتاحي وكل حاجة هتيجي لحد عندك
" بالفعل هو اللي دخل المطبخ وبدأ يحضر الاكل وبعد 10 دقايق لقيته خارج،، بصراحة الاكل كان شكله جميل أوي،، و محطوط على الصنية بشكل منظم ويفتح النفس،، قعدنا جنب بعض وفارس تقريبا مكنش بياكل لانه كان طول ما هو قاعد بيأكلني بإيده،، خلصنا اكل وهو برضو اللي قام وعمل الشاي اللي انا اساسا مبحبوش
يعني ايه مبتحبيش الشاي؟
= مبحبوش والله يا فارس
اومال بتحبي ايه يا حبيبتي؟
= يعني ممكن اشرب نسكافيه مثلا أو كابتشينو
دا في جنينة بيتكو وانتي ماشية بتقطفي الورد،، هنا مفيش غير شاي وشاي بالنعناع
= طب مفيش شاي بلبن حتى
نسيت اجيب لبن والله،، هبقا اجيب وأنا راجع
= هو انت نازل؟
اه هنزل اروح ل امي،، زمانها قلقانة عليا اكتر بعد ما البوليس راح البيت
= طب ما تكلمها
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
امي مش هتطمن بمكالمة تليفون انا عارفها
= طب هاجي معاك؟
تيجي معايا فين يا رقية؟،، مينفعش طبعا انتي تعبانة
= هيبقا خطر عليك يا فارس
متقلقيش انا مش هتأخر،، وعمر هيبقا معايا
= خلي بالك من نفسك عشان خاطري،، عشان خاطري يا فارس بالله عليك
متقلقيش يا حبيبتي،، المهم اوعي أنتي تفتحي تليفونك
= حاضر
" فارس شرب الشاي وقعدنا مع بعض شوية وبعدها نزل،، وأنا فضلت قاعدة لوحدي،، كنت رايحة وجاية في الشقة من كتر الزهق،، لقيت تليفوني قدامي،، وبمجرد ما فتحت لقيت نورا بتتصل
" نزلت انا روحت عند امي بس ركبت عربية عمر،، كنت لابس كاب ونضارة شمس عشان محدش يعرفني،، وصلنا قدام البيت،، نزلت من العربية وطلعت البيت وفتحت الباب و دخلت لقيت امي نايمة على الكنبة في الصالة،، قربت منها بهدوء وبدأت اصحيها
ماما،، يا ماما
" فتحت عينها واول ما شافتني قامت بسرعة و حضنتني
فارس حبيبي وحشتني أوي
= وانتي كمان وحشتيني يا امي،، طمنيني عليكي
هتطمن عليا ازاي وانا في الحالة دي؟
= مالك يا امي؟
القلق والخوف مش بيفارقو قلبي يابني،، مش عارفة انام
= معلش يا امي هي مشكلة بسيطة وهتعدي ان شاء الله
على فكرة البوليس جه هنا وسأل عليك
= وقولتيله ايه؟
قولتله انك مبتجيش بقالك كتير واني معرفش انت فين
= وهو دا الرد اللي عايزك تقوليه دايما لاي حد يسألك
لحد امتا يا فارس،، هتفضل هربان لحد امتا؟
= لحد ما اعرف اثبت الحقيقة
وهي ايه الحقيقة؟
= الحقيقة أن وليد دا وراه مصايب وأنا مش ههدى غير لما اعرفها
الحقيقة ان الناس دي اكبر منك يا فارس وانا مش قدهم،، عشان خاطري بلاش
= مبقاش ينفع يا امي خلاص،، المهم دلوقتي عايزك تطمني وفي خلال أيام ان شاء الله كل دا هيخلص
" طبعا امي عندها حق مليون في المية بس انا هعمل ايه،، مقدرش اسيب رقية لوحدها،، فضلت قاعد معاها عشان أحاول اطمنها بأي شكل وبعدها نزلت ركبت العربية مع عمر عشان ارجع تاني للبيت عنده
على فكرة يا فارس امك ممكن تروح تشهد ان وليد هو اللي ضر*ب نار على رقية وبكدا كل التهم اللي عليك هتسقط و هتروح ل وليد
= انا مقدرش احط امي في موقف زي دا يا عمر،، افرض بقا هما بعتو حد عمل فيها حاجة لقدر الله،، هعمل ايه ساعتها؟
انت ليه متشائم كدا،، انت عندك حل تاني؟
= حتى لو معنديش،، خلي امي بعيد عن الموضوع دا يا عمر
" وصلت البيت كانت الساعة 4 العصر،، طلعت الشقة ودخلت
رقية،، رقية انتي فين
" فجأه لقيتها خارجة من جوا وهي مبتسمة وبتقول
نعم يا حبيبي
= بتعملي ايه
كنت بعملك الغدا ولا انت مش جعان؟
= انتي ايه الميكب اللي في وشك دا؟،، جبتيه منين؟
تصدق لقيته هنا عند عمر
= مش سهل عمر دا والله،، طب يا حبيبي ليه تعبتي نفسك وقومتي،، مانا قايلك تقعدي عشان الجر*ح بتاعك
انا مش تعبانة خالص على فكرة،، و يلا بقا لو سمحت متعطلنيش و روح اقعد لحد ما اخلص الاكل
" ساعتها دخلت المطبخ وجهزت الاكل كله،، تقريبا مخرجتش غير بعد ساعتين،، لما خرجت لقيته نايم وحاولت اصحيه كتير بس مكنش راضي يقوم،، قعدت جنبه وسندت دماغي ل ورا
فلاش باك
رقية انتي فين؟
= على فكرة انا زعلانة منك،، بتبلغي عن اختك يا نورا؟
يا حبيبتي والله دا مش انا،، وليد سمعني وأنا بتكلم معاكي و لما سألني عنك ومقولتش ضر*بني،، سامحيني يا حبيبتي
= انتي مش كنتي قولتي انك طردتيه
رجع تاني يا رقية ما انتي عارفة وليد،، مكنتش قادرة عليه المهم يا حبيبتي طمنيني عليكي
= انا كويسة يا نورا متقلقيش
مش ناوية ترجعي بيتك بقا؟،، البيت وحش أوي من غيرك
= هرجع لما اثبت الحقيقة على جوزك
يا حبيبتي فارس دا هو سبب المشاكل كلها،، لولا ظهوره في حياتنا كان زماننا قاعدين مبسوطين ومكنش حصلت المشاكل دي
= انا مكتشفتش اني عايشة يا نورا غير لما فارس ظهر،، قبلها كنت مدفو*نة بالحيا
طب قوليلي أنتي فين؟
= عشان تبلغي عني تاني
والله المرادي هاخد بالي كويس،، متقلقيش بقا بس انا همو*ت و اطمن عليكي،، و رحمه بابا وماما قوليلي مكانك فين
= طب هبعتلك لوكيشن
" ساعتها خدت وليد والرجالة و روحنا على العنوان،، وصلنا و طلعنا فوق،، خبطت على الباب وبعد شوية رقية فتحت
وحشتيني أوي يا نورا
= وانتي كمان يا قلب نورا
تعالي ادخلي
= لا يا حبيبتي انا مش هدخل،، أنتي اللي هتيجي معايا
هاجي معاكي فين؟
" ساعتها وليد والرجالة دخلو الشقة،، رقية بدأت تصرخ
يا نورا خليهم يسيبوني،، يا نورااا
" وليد ضر*ب رقية على دماغها لحد ما فقدت الوعي،، خدتها و دخلت جوا معاها في الأوضة وبدلت الهدوم بتاعتنا،، انا لبست هدومها وهي لبست هدومي،، بعدها خرجت وشاورت للرجالة يدخلو ياخدوها،، وفعلا شالوها ونزلو بيها على تحت اما انا كان عندي مهمة تانية لاني اكتشفت اني مش هينفع اخفي رقية غير لما فارس يختفي هو كمان بس السجن مكنش كفاية،، دا كان لازم يختفي تماما وعشان كدا قعدت واستنيته لحد ما رجع وعملتله الاكل اللي هحطله فيه السم عشان يمو*ت و ارتاح منه للابد!!
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
هو وليد فين؟
= أستاذ وليد زوج حضرتك خرج من شوية ولسة مرجعش
طب اطلعي حضري شنطة السفر بسرعة
= هو حضرتك مسافرة؟
و أنتي مالك أنتي،، اعملي اللي بقولك عليه
" مكنتش مطمنة خصوصا لما فارس هيمو*ت و اكيد رقية مش هتسكت،، كان لازم اتأكد ان كل حاجة ماشية صح زي ما خططت ليها وعشان كدا طلعت فوق للاوضة اللي كانت محبوسة فيها رقية،، لقيت الأوضة بابها مفتوح ومفيش حد جوا،، صرخت بأعلى صوتي
انتي يا زفتة يا سعاد
" سعاد دي واحدة من اللي بيشتغلو في الفيلا،، جات بسرعة وهي بتجري وبتقولي
خير يا ست هانم
= رقية فين؟
انسة رقية أنا شوفتها وهي خارجة من الفيلا من شوية
= خرجت!!
" نزلت اجري بسرعة وفتحت باب الفيلا ولسة هركب العربية لقيت وليد جاي ب عربيته و بيركنها ونزل منها،، جريت عليه بسرعة
رقية هربت يا استاذ
= ايه!!
كنت فين لما هي خرجت من الفيلا؟
= جرا ايه يا نورا مش انتي اللي قولتيلي اروح اجيب ام فارس
وهي فين ام فارس؟
= الناس اتجمعت وخوفت حد يمسكني
فلاش باك
" خلاص انا بمو*ت،، روحي هتطلع بس في لحظة سمعت صوت ام حسين جارتنا جاية وهي بتقول
مالك يا ام فارس ايه الصوت العالي دا؟
" ساعتها وليد سابني وجري بسرعة خرج من الشقة،، اما أنا وقعت على الارض لاني مكنتش عارفة اتنفس
باك
احنا لازم نهرب من هنا دلوقتي حالا
= حالا ازاي يعني،، والشركة و فلوسنا اللي في السوق هنعمل فيها ايه
عايز تقعد عشان تتسجن،، رقية هربت و زمانها دلوقتي بتبلغ عننا يعني خلاص مبقاش في وقت،، انا خليتهم يحضرولي الشنطة،، اطلع انت كمان هات شنطتك وهات كل الفلوس اللي موجودة،، هنروح نقعد في اي مكان كام يوم لحد ما نشوف هنطلع برا البلد دي ازاي
" كان واقف ولسة بيفكر في كلامي،، صرخت فيه
انت واقف بتعمل ايه،، اطلع بسرعة يلا
" جري ساعتها من قدامي ودخل الفيلا وانا دخلت وراه،، هو طلع على الاوضة وأنا دخلت أوضة المكتب عشان اجيب كل الأوراق اللي تخصنا،، منهم ورق الشركة كله،، شهادات الوفاه بتاعت ابويا و امي ساعتها لما بصيت فيهم افتكرت اللي حصل زمان
فلاش باك
اسمع يا وليد انت المرتب اللي بتاخده دا مش هيعمل حاجة معانا،، المصاريف بقت كتير دا غير ايجار الشقة،، دا غير الخروج والسفر،، حاجات كتير واحنا محتاجين فلوس
= قولي ل ابوكي يا نورا،، روحي قوليله هو يزود المرتب شوية،، بتكلميني انا ليه؟
طب ولو انا قولتلك على حل يخليك تمسك الشركة وتبقا المدير بتاعها كمان
= طب مانا المدير اصلا،، انتي ناسية ولا ايه؟
بس مدير مرتبه 20 الف جنيه،، انت لما تمسك الشركة تحت قيادتي انا الموضوع هيختلف
= تحت قيادتك ازاي يعني؟
اسمع بقا اللي هقولك عليه ومتناقشنيش في حرف واحد
= قولي
انا عرفت ان بابا مسافر السويس يوم الجمعة عشان يزور قرايبه وهياخدنا معاه
= تمام
انا هتحجج وهقول اني تعبانة ومش هعرف اروح
= وبعدين
هتفك فرامل العربية،، عايزة العربية من غير فرامل خالص كأنها مش موجودة وساعتها ولا رقية ولا بابا ولا ماما هيبقو موجودين والشركة والفلوس وكل حاجة هتبقا بتاعتنا انا وانت وبس
" بعد مرور يومين
الحقي يا نورا
= في ايه
رقية قالت مش هتسافر،، بتقول عندها امتحانات وعايزة تذاكر
= مش مشكلة يا وليد خليها تذاكر
تذاكر ازاي يعني؟،، طب واللي اتفقنا عليه
= متشغلش بالك انت،، نفذ بس اللي قولتلك عليه وأنا هتصرف
بااك
" حقيقي أنا مكنتش عايزة اعمل كدا بس هما اللي اضطروني اعمله،، الناس اللي زي دي مكنش ينفع تعيش تاني،، لميت كل الورق وخدته معايا ورجعت وقفت برا تاني،، لقيت الخدامة نازلة بالشنطة وحطيتها جنبي،، زعقت بصوت عالي
يلا يا وليد بسرعة
" بعد 5 دقايق وليد نزل ومعاه شنطته ووقف جنبي
هنروح فين؟
= اسكندرية ومنها هنطلع على برا علطول المهم نختفي دلوقتي
# بقلم : #عمرو راشد
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
" لسة كنا هنتحرك لكن وقفنا لما شوفت.. فارس!!،، لقيت وليد رفع المسد*س في وشه وقال
انت جيت ل قضاك
" لكن لقيت فارس هو كمان رفع مسد*سه في وش وليد وقال
البوليس جاي دلوقتي حالا وهيعملو معاكو الواجب
" وليد ساعتها بص ليا،، هو دا فعلا اللي انا مكنتش عاملة حسابه،، بس رديت انا عليه
وانت ايه دليلك يا فارس؟ عندك دليل؟
= عندي
قصدك رقية،، تفتكر رقية هتوافق انها تشوف اختها مسجونة
= متقوليش اختها بس،، انتي خسارة فيكي كلمة اخت،، انتي خسارة فيكي انك تعيشي اساسا،، ايه دا،، انا عمري ما شوفت حد بالسواد دا،، عملت فيكي ايه الغلبانة دي عشان تعملي فيها كدا،، بس وحياه امي ل هاخد حقها وحقي منكو انتو الاتنين،، وهتقضو اللي باقي من عمركو في السجن
" وليد ساعتها رد عليه
لا لا طالما وصلت للسجن يبقا انا مليش فيه،، انا ياعم مليش علاقة باللي بيحصل دا كله،، انا مجرد بنفذ بس،، هي اللي كانت بتخطط وبترتب كل حاجة
= كويس هينفعك دا في النيابة
سيبني امشي يا فارس،، سيبني امشي ووالله انا ما عايز حاجة،، طب اقولك،، على فكرة هي اللي دبرت حادثة ابوها و امها،، هي اللي قالتلي افك الفرامل،، والله العظيم ما بكدب هي اللي قالتلي اعمل كدا
" بصيتله بغضب و زعقت فيه
انت بتقول ايه،، انت اتجننت
" لكنه رد عليا بصوت اعلى وقالي
اسكتي خالص،، اسكتي
" بعدها رما المسد*س من ايده و رجع يكمل كلامه
والله يا فارس انا ما عملت حاجة،، هي سبب المصايب كلها،، حتى هي اللي كانت سبب ان رقية تدخل المستشفى
" ساعتها فارس كان باصص ليا وهو مندهش
كانت سبب ازاي يعني؟
= هي اللي كانت بتحطلها حبوب منوم عشان تنام اكتر من يوم ولما تصحى متبقاش فاكرة حاجة وساعتها هي بتلعب في دماغها أنها اتخانقت وعملت مشاكل وكل الكلام دا،، رقية سليمة يا فارس مفيهاش حاجة،، هي اللي كانت عايزة تجننها عشان رقية تدخل المستشفى و تستولى هي على كل حاجة
= وانت اللي خرجتها؟
بس ب أوامر منها برضو لانها كانت بترشي الدكاترة اللي في المستشفى عشان يخلوها قاعدة هناك اطول وقت ممكن،، اصل مفيش دكتور هيقبل ان واحدة عاقلة وسليمة 100% تقعد في مستشفى مجانين،، بس الدكاترة بقا استغلو الموقف وكانو بيطلبو فلوس أكتر وعشان كدا هي خرجتها
" فارس ساعتها بص ليا وقالي
انتي مش خسارة فيكي الحياه؟ أنتي خسارة فيكي المو*ت،، المو*ت راحة ليكي،، انتي لازم تعيشي وتتعذ*بي زي عذبتيها كدا
" وليد رجع يكمل كلامه وقال
انا قولتلك كل حاجة اهو،، سيبني امشي بقا
" ساعتها انا ابتسمت و مديت ايدي على الارض وخدت المسدس وفي ثانية كنت ضر*بت الرص*اصة في قلب وليد،، بعدها وقع على الأرض و روحه بدأت تطلع،، لكن فارس ضر*ب طل*قة في الهوا و زعق وقال
ارمي المسد*س يا نورا،، ارمي
" لكن انا وجهته ناحيته وكنت لسة هضغط على الزناد بس اتفاجئت ان البوليس دخل الفيلا وحاوطني من كل مكان
فلاش باك
" بدأت أصرخ واقول
يا جماعة حد يساعدني،، انا محبوس هنا
" ريحة الغاز كانت بدأت تتسرب في الشقة وفعلا انا كنت شاممها،، ساعتها انا بدأت استسلم بالفعل،، مكنش في اي طريقة اخرج بيها حتى التليفون مش بيشتغل،، قعدت على الارض،، يارب،، يارب،، فجأه سمعت صوت حد بيخبط على الباب،، قومت وبدأت ازعق بأعلى صوتي
انا محبوس هنا،، حد يخرجني
" وفعلا سمعت الباب بيتكسر،، وصوت الخطوات بيقرب من باب الأوضة اللي أنا فيها وفتح القفل،، فتحت الباب بسرعة وخرجت لقيته عمر،، جريت بسرعة على المطبخ وقفلت الغاز وبعدها كملت جري على برا،، عمر جري ورايا
فهمني ايه اللي بيحصل؟
= نورا هي اللي كانت قاعدة معايا،، هي اللي فتحت الغاز عليا وكانت عايزة تقت*لني،، هي اللي خط*فت رقية
" كملت جري لحد الشارع،، مكنتش عارف اروح فين ولا هعمل ايه
" لقيت عمر ورايا و ركب عربيته،، فتحت الباب و ركبت جنبه ومشينا
انت لازم تبلغ البوليس يا فارس
= برضو هتقولي البوليس،، بقولك كانت عايزة تقت*لني،، انا لو روحتلهم هيحبسوني انا
اومال انت عايز تعمل ايه؟
= انا هروحلهم الفيلا
انت اتجننت!!،، عايز تروحلهم عشان يقت*لوك
= عندك حل تاني؟
فارس عشان خاطري اسمع كلامي ولو مرة واحدة،، اقتنع برأيي
= مين قالك اننا مش هنبلغ البوليس،، ماهو احنا هنبلغه بس مش انا اللي هعمل كدا
اومال مين؟
= انت اللي هتبلغ يا عمر
طب وأنت؟
= انا هروح الفيلا ولو لقيتهم هوقعهم في شر اعمالهم
ازاي؟
= هسجل كل كلمة بتتقال وساعتها هتبقا دليل قوي ومع شهادة رقية تبقا ايه
تبقا التهمة اتعملت على مقاسهم بالظبط
" بعدها عمر وقف قدام قسم الشرطة وقبل ما ينزل بص ليا وقالي
افتح الدرج دا؟
" فتحته بالفعل ولقيت جواه مسد*س،، مسكته وبصيتله وقولت
ايه دا؟
= خلي بالك من نفسك يا فارس
" بعدها نزل من العربية وانا كملت طريقي للفيلا
باااك
" البوليس حاوط الفيلا كلها ومسك نورا اللي بدأت تصرخ وتقول
سيبوني هما اللي غلط،، هما اللي أذو*ني،، انا معملتش حاجة حرام عليكم،، حرام عليكم سيبوني
" البوليس اخدها و حط في ايدها الكلبش و ركبت البوكس،، وبعدها الإسعاف جه وشالو وليد من على الارض،، قعدت على السلم عشان ارتاح،، كنت حاسس اني مش قادر اقف على رجلي،، مكنتش متخيل اني ممكن ادخل في مواقف زي دي،، مواقف صعبة عليا،، معرفتش اسرح كتير لاني لقيت قدامي رقية كانت داخلة وبتعيط،، خدتها في حضني بسرعة وطبطبت عليها
متخافيش كل حاجة خلصت،، انتي في امان دلوقتي،، انتي في امان طول ما انا موجود
" انتهينا من إجراءات العزا ومن بعدها إعلان الوراثة،، رقية كانت هي الوريثة الوحيدة،، بقيت باصص للسما وبقول انا نجحت يارب،، انا نجحت في الاختبار،، يارب انت سامعني،، انا نجحت،، نجحت في اختبارك،، دموعي كانت بتنزل من الفرح،، انا و رقية فعلا كنا محتاجين بعض،، محتاجين نداوي جروح بعض،، محتاجين نعوض بعض عن كل اللي فات،، ممكن يبان للكل اننا اتقابلنا في وقت غلط لكن دا كان بترتيب ربنا،، هو دا الوقت اللي ربنا اختاره،، هو دا كان انسب وقت عشان اقابل شريك حياتي♥️ "
فارس انت بتعمل ايه؟
= في اغنية بحبها أوي عايزك تسمعيها
" و رضيت اعيشلك انت يا حبيبي،، كفاية ان انت حبيبي كفاية مليش غير اني اعيش على الأحلام،، حبيت ومبصتش ايه ورايا هي دي كل الحكاية،، متسألنيش حبيبي مفيش عندي كلام♥️ "
للانضمام لجروب الواتساب اضغط هنا