فريد قام من مكانه و طلع مسدسه : مين هنا

محدش رد و سمع نفس الصوت تاني ، جاي بيبص ف الركن البعيد اتفاجئ

فريد بابتسامه صغيرة : انت طلعت موجود !!

القط الصغير كان بيتحرك ببطئ من الخوف ، فريد مدهوش اي فرصه و كان ضرب عليه رص*اص

فريد بابتسامه أوسع : صاحبتك هي الحكمت عليك بكدة

“فريد درويش يبقي صاحب سلسله كافيهات و دا المعروف قدام الناس ، عمرو ٢٨ سنه ، قاسي بطبعه و يمتلك عيون حادة معروف بيها زي الصقر”

……………..

“كان قاعدة ف اوضتها بتعمل الضفيرة بتعتها و بتغني و بتحاول تجمع كل احداث اليوم الحصلت ،ليان الحديدي تبقي بطله الحكايه بتعتنا ، عمرها ١٩ سنه، دخلت عليها بنت كان شعرها من اللون البني و جسمها متناسق ، عنيها من اللون العسلي و عندها ٢٢ سنه و دي تبقي اخت ليان من والدها ”

زهرة : ليان حبيبتي بتعمل ايه

ليان قامت و حضنتها : زهرة انتي جيتي من الكليه !

زهرة : ايوة من بدري بس كنت باخد شاور و باكل

ليان بدموع : شوفتي الحصل

زهرة : ماما حكتلي الموضوع مش مستحق كل دا يا ليان ، بكرة نجبلك غيرو

ليان كمان افتكرت اكتر حاجه وجعاها و عيطت اكتر : انتي عارفه أن بابا كان اول مرة يجبلي حاجه و يعاملني كويس ، و دي كانت حاجه كبيرة بالنسبالي

زهرة قربت منها و مسكت وشها بحنيه : ليان حبيبتي ، بابا مش بس كان معاكي كدا ، بابا طول عمرو قاسي و ظلمنا معاه ، عارفه أن كانت حاجه غاليه عندك بس قوليلي مش دايما واحنا صغيرين كنا بنقول كل حاجه حلوة بتروح بيجي قصادها عشرة ؟ ، فاكرة دا

ليان بابتسامه : فاكرة ، انا مستنيه العشرة الجايين

************

مراد بنرفزة : انت متخلف ، تق*تل حيوان عشان تصفي حساب مع حد مجاش جمبك اصلا !!

“مراد درويش اخو فريد ، عمرو ٢٤ سنه ، شعرو من اللون الاسود ال لامع و عنيه من اللون العسلي ، طويل القامه و عريض الكتفين ”

فريد : ايه المشكله مش فاهم ، الحيوان دا كان لازم اعمل كدا عشان هي التجيلي بنفسها و تتأسفلي

مراد بزعيق اكتر : انا متاكد ان واحدة زي دي لو عرفت الحصل دا مش هتيجي تتأسف ابدا !

فريد : مش مهم ،المهم أنها تجيلي تاني برجليها

مراد : فريد طول عمرك بتأذينا بتصرفاتك ، متأذيش حد تاني انا بتمني دا

فريد قرب منه : مراد ياريت تسبني ف حالي و تسبني اعمل العاوزو .

********************