رواية احببتك ولم تشعر من الفصل الاول للاخير بقلم ملك بكر

رواية احببتك ولم تشعر من الفصل الاول للاخير بقلم ملك بكر

رواية احببتك ولم تشعر من الفصل الاول للاخير هى رواية من كتابة ملك بكر رواية احببتك ولم تشعر من الفصل الاول للاخير صدر لاول مرة على موقع التواصل الاجتماعى فيسبوك رواية احببتك ولم تشعر من الفصل الاول للاخير حقق تفاعل كبير على الفيسبوك لذلك سنعرض لكم رواية احببتك ولم تشعر من الفصل الاول للاخير

رواية احببتك ولم تشعر من الفصل الاول للاخير بقلم ملك بكر

رواية احببتك ولم تشعر من الفصل الاول للاخير

عائشه : أصل انا بحبه ودي فرصه قدامي اقول لاء يعني 
ساره : بس انتي عارفه أنه بيحب واحده تانيه وأنه عايز يتجوزها هيا 
عائشه :طب وانا مالي ... م يحبها ولا يكرهها ... عمي وجه قالي طالبك لابني ... وانا بحب ابنه ... أقوله لاء يعني 
ساره : ايوه ... عشان هو مش بيحبك 
عائشه : أقوله لاء في حاله واحده بس ... لو انا مش بحب ابنه ... بس انا بحبه 
ساره : طب وهتعيشي معاه ازاي ومفيش حب متبادل 
عائشه : دي بقا بتاعتي أنا ... منا مش هفضل طول عمري احبه من بعيد وهو مش معبرني 
ساره : يسلام على أساس لو اتجوزتيه هيعبرك 
عائشه : هو مش هيعبرني لاء ... هو مش هيقدر يعيش من غيري اصلا بعد كده 
ساره : عاجباني الثقه دي  
عائشه : شايفاني قليله مثلا 
أما هو كان بيتكلم مع باباه 
عمرو : يعني ايه ي بابا ... أنا قولتلك أن عايز أخطب بس انا بحب بسنت مش عائشه
باباه ( حامد ): وانا مش موافق عليها ... وشايف أن عائشه مناسبه اكتر 
عمرو : مهي عائشه طول العمر قدامي ... عمري م حبيتها 
حامد : أنا مش بتاع حب ... الحب بييجي بعد الجواز ... المهم نسل العيله ... هيا مش هتروح لحد غريب ... ابن عمها اولى بيها 
عمرو : وهيا ايه رأيها 
حامد : مكانتش موافقه ... بتقول انها عمرها م شافتك غير اخوها ... بس لما قولتلها أن دي وصيه ابوها ... قالتلي سيبني افكر 
عمرو : اهو يعني هيا كمان مش موافقه 
حامد : أنا مباخدش رأي حد ... اللي قولته هيتنفذ ... الفرح يوم الخميس الجاي ... قدامك اسبوع تكون رتبت شغلك ونفسك 
خرج من عنده وشاف عائشه قاعده ع الفون 
عمرو : قاعده ولا على بالك 
عائشه وهيا لسه باصه في الفون: عايز ايه 
عمرو : الكلام اللي بابا بيقولوا ده ... أنا مش موافق عليه 
عائشه : ومين قالك اني موافقه ... ولا هوافق حتى 
عمرو : ده قال الفرح يوم الخميس الجاي 
عائشه بصتله وقالت : طب م تسيبه يقول اللي هو عايزه ... وبعدين ي برو لو اتجوزنا يعني ... هل انت هتحبني يعني أو أنا هحبك ... لاء خالص ... بل بالعكس ... هنكره بعض اكتر ... وبعدين هوافق ازاي وانت بتحب البت بتاعتك يعني 
عمرو : طب وهنعمل ايه عشان نلغي الجوازه دي 
عائشه : سهله خالص 
قالت كلامها وقامت من مكانها دخلت على مكتب عمها 
عائشه : يعني ايه ي عمو الفرح الخميس ... أنا مقولتش اني موافقه اصلا 
حامد : وانا قولتلك مش هاخد رأيك ... اللي انا عايزه هو اللي هيحصل 
عائشه : خلاص اتجوزه انت ... لكن تقرر بالنيابه عني لاء ... انت عارف اني هعارض ... وبعدين م أنت عارف أنه بيحب بسنت ... ليه بقا جواز الغصب والكلام اللي موضته قدمت من ايام احمد عرابي ده 
حامد : محدش بيتجوز من بره العيله ... دي وصيه محافظين عليها بقالنا قرون 
عائشه : اديك قولت قرون ... دلوقتي احنا في زمن مفيش فيه الكلام ده ... وانا مش هتجبر ع الجواز من حد مش عايزاه ... وصيه ابويا وصيه امي وصيه مين حتى ... مش هنفذها ... ميكونوش كلهم مرتاحين في قبورهم وانا هنا بتجبر اعمل حاجات مش عايزاها 
قالت كلامها وسابتهم ومشيت
حط أيده على قلبه واتكلم ببطء : ليه كده يبنتي
عمرو : بابا انت كويس 
حامد : جيبلي مايه 
صبله مايه في كوبايه وناولهاله 
عمرو : حاسس بايه 
حامد : لازم تتجوز عائشه ومتبوظش الوصيه ي عمرو 
عمرو : هتجوزها والله ... بس انت كون كويس بس 
حامد : طل.....
غاب عن الوعي وهو اتخض جدا ... اتصل بدكتور العيله وجابه ... كشف عليه وقال : ضغطه وطي جدا ... بلاش تضايقوه ... ياريت لو طلب حاجه تنفذوها علطول 
عمر : طب هو كويس 
الدكتور : الحمد لله بقا كويس ... ودي شوية ڤيتامينات كتبتهاله 
عمر : تمام شكرا ي دكتور 
وصل الدكتور للرع وبعدين راح عند عائشه وخبط على اوضتها 
عائشه : مش عايزه اشوف حد 
عمرو : عايز اتكلم معاكي 
عائشه : لاء 
عمرو : م تخلصي بقا 
عائشه : والله العظيم م هتكلم مع حد دلوقتي فاتفضل بقا 
مشي عشان عارف لماضتها ...
 في نص الليل خرجت من اوضتها وراحت لعمها كان صاحي وبيتكلم في الفون 
حامد : تعالي 
عائشه : اي ي عم الجمدان ده ... ده انت طلعت ممثل محترف بقا 
حامد : عيب عليكي أنا جامد برضو 
عائشه : أنا اقتنعت والله ... طول عمري بقول مليش الا عمي 
حامد : انتي عارفه غلاوتك ... المهم كلمك 
عائشه : مرضتش اتكلم معاه 
حامد : احسن علميه الأدب ... سيبيه يحفى عشان يتجوزك 
عائشه : لسه التقيل جاي ورا ... يلا تصبح على خير يا حجوج 
سابته وخرجت  ... تاني يوم كانوا متجمعين ع السفره بيفطروا 
عمرو وأخوه مالك وساره اخت عائشه وعائشه وأم عائشه ومرات عمها وبنتها سما وعمو حامد 
عائشه : عن اذنكوا عندي كليه 
عمرو : استني اوصلك 
عائشه : شكرا هروح لوحدي 
عمرو : قولتلك استني 
عائشه : وانا قولت هروح لوحدي 
قام من ع السفره ومسك دراعها ومشي وهي متحركتش 
عائشه : ايدك لتوحشك 
عمرو : أنا عايزها توحشني ... امشي معايا واتلمي احسنلك 
عائشه : متخلينيش اتغابي عليك 
عمرو : خدي بالك أنا ساكتلك ... متخلينيش أنا اللي أقل ادبي عليكي
حامد : مفيش احترام ولا ايه 
عائشه : انت مش شايفه عامل ازاي 
حامد : اي يعني ابن عمك ويوصلك ... وبعدين جوزك المستقبلي 
عائشه : برضو هنتكلم في الموضوع ده تاني 
عمرو : خلاص ي بابا أنا هتصرف .... يلا امشي قدامي 
عائشه : متزوقش بس 
خرجت وهو خرج وراها 
عائشه : لو اتكررت تاني هضايقك مني 
عمرو : انتي لو متلمتيش أنا هلمك بجد 
عائشه : انت هتطلعهم عليا 
عمرو : أنا مش عارف هستحملك ازاي بصراحه 
عائشه : لا وانت الصادق ... مين قالك اني هوافق عليك اصلا 
عمرو : وانا اللي مقطع نفسي عليكي ... أنا بس هتجوزك عشان ابويا 
عائشه : شكرا مش هتجوز دلوقتي ... أنا لسه قدامي الجامعه والماجستير والدكتوراه و....
عمرو : أما نتطلق 
عائشه : احلم براحتك بالجواز والطلاق 
عمرو : يلا عشان اوصلك ... وبعد كده نجهز ليوم الفرح المشؤوم 
ركب وهيا ركبت جنبه ... في الطريق فونه رن وكانت بسنت 
عمرو : نعم ي بوسي 
بسنت : فينك 
عمرو : هوصل عائشه وهجيلك 
بسنت : مستنياك متتأخرش 
عمرو : حاضر ... مسيو 
بسنت : مسيو تو 
قفل معاها وهيا فونها رن 
عائشه : ٥ دقايق وجايه 
ملك : الدكتور بدأ واحنا مش هندخل عشان كده كده هنتطرد 
عائشه : على نفسه يطردنا دي ... هدخل وهحضر المحاضره 
ملك : دكتور جديد هتكون حوار والله 
عائشه : هبقي اشوف الحوار ده لما اجي 
قفلت ومستنتش ردها 
عمرو : في ايه 
عائشه : وانت مالك 
عمرو : م تحترمي نفسك 
عائشه : مش أما تحترمها انت الاول 
عمرو : انتي جايبه اللماضه دي منين هااا ... بجد مشوفتش كده
عائشه : جايباها من عمو بتاع السوبر ماركت 
عمرو : ايه ي بت الخفه دي 
عائشه : من بعض م عندكم ي خفيف ... يلا اركن وورينا عرض كتافك 
عمرو : والله لاظبطك ي عيوشه 
عائشه : متنادليش بالاسم ده احسنلك 
عمرو : ماشي ي عيوشه يلا مش هتوحشيني خالص 
عائشه : والله ولا انت يا ابو عميره 
نزلت وسابته 
عمرو : أما نشوف اخرتها معاكي 
دخلت وشافت صحابها قاعدين في الكافتيريا 
عائشه : ايه اللي انتوا فيه ده 
ملك : جايين بدري والله بس دخل قبلنا 
عائشه : وفيها ايه 
مريم : فيها أننا هنتطرد بس 
سلمي : أو هنشيل الماده 
عائشه : هجيب الكوفي بتاعي وجايه ... اللي عايز يدخل يدخل واللي مش عايز ميدخلش براحته 
عائشه : هاتلي الكوفي ي هشام 
هشام : من غير سكر اهو 
عائشه : كويس انك حفظت 
اخدتها وقالت : حد جاي 
مريم : أنا مش جايه 
سلمي : ولا أنا 
بصت لملك : ولا أنا عايزه ادخل ... أنا مش عايزه اتهزق قدام توفه 
عائشه : توفه ... ده انتوا بيض 
سابتهم ودخلت المحاضره من غير م تخبط ... دخلت وقعدت في البنش التالته 
الدكتور : انتي 
مردتش وقعدت عادي 
الدكتور : انتي ي انسه 
عائشه بصت وراها وجنبها وقالت : بتكلمني أنا 
الدكتور : لاء بكلم خيالك ... انت ازاي تدخلي كده ... وبعدين تقومي تقفي 
عائشه : ادخل ازاي يعني مش فاهمه ... ادخل وانا برقص مثلا 
الدكتور : ايه قلة الذوق دي 
عائشه : لا أنا مش قليلة الذوق ... أنا دخلت كده عشان مقطعش شرحك ... وقعدت في المكان اللي عاجبني ... واللي هسمعه ده الشرح اللي انا جايه عشانه 
الدكتور : ومين قالك انك هتسمعي المحاضره ... اتفضلي بره 
عائشه : مش هتفضل ... أنا م جايه جامعه خاصه عشان اتطرد من المحاضرات ... وهسمع الشرح 
الدكتور : انتي فعلا قليلة الذوق ... وطول م أنا مش عايزك تسمعي الشرح مش هتسمعيه 
عائشه : تمام ... اللي عندك اعمله 
الدكتور ساب المحاضره وخرج 
عائشه : ابتدينا هو يوم باين من أوله اصلا
شويه وكانت في اوضة المدير والمعيد اللي كان عليهم موجود 
المدير : ممكن اعرف ايه اللي حصل ده 
عائشه : حضرتك أنا اتأخرت ١٠ دقايق فيها ايه يعني ... ميدخلنيش احضر ليه مش فاهمه 
المدير : ومتجيش بدري ليه 
عائشه : ظروف ... مش بايدي 
المدير : اتفضلي اعتذري واخر مره تتكرر 
عائشه : وانا مش شايفه نفسي غلطانه عشان اعتذر 
المدير : انتي ازاي تناقشيني في حاجه طلبتها 
عائشه : انا رفضت اصلا 
سابتهم وخرجت 
الدكتور : دي محتاجه فصل 
المدير : هيا كده طول عمرها ... مبيهمهاش حد ولا ليها كبير 
الدكتور : يبقى تنفصل 
المدير : فصلناها اكتر من مره وكانت بتيجي تاني يوم ... دايما بتجيب مشاكل ... بس هيا شاطره ومواظبه 
الدكتور : وقليلة الأدب كمان 
خرجت وراحت لأصحابها 
ملك : يا جبروتك ي شيخه 
عائشه : بقولكوا ايه عدوا اليوم عشان اتعكنن اصلا 
خلص اليوم ورجعت ... عمها نادالها 
حامد : هتوافقي امتى 
عائشه : لما ازهقه الأول 
حامد : المهم قبل الخميس 
عائشه : طب م يتأجل عادي 
حامد : لاء ... الخميس انسب يوم 
عائشه : ماشي ... أما نشوف 
طلعت اوضتها وذاكرت ... شويه ونزلت الجنينه 
عمرو : مش حرام اصطبح واتمسى بيكي 
عائشه : هو حرام فعلا ... بس حرام ليا م ليك 
عمرو : امممم بتقلبي الدنيا في ثانيه 
عائشه : والله مسميش عمرو عشن اقلبها 
عمرو : اه لو مكنتيش بنت 
عائشه : اعتبرني مش بنت ووريني اخرك 
عمرو : انهارده الحد ... فاضل كام يوم ع الخميس 
عائشه : اه ماشي فيه حاجه مهمه الخميس مثلا 
عمرو : مفيش غير كتب كتابك بس 
عائشه : م قولت مش موافقه ... هو بالغصب 
عمرو : انتي عارفه بابا هيتعب ازاي ... فمعلش خلينا نسايسه ... وبعدين م ساره ومالك متجوزين اهو وزي الفل 
عائشه : أنا مش زي حد ... أنا اللي هكسر قواعد العيله دي 
عمرو : اكسريها براحتك بس بعد م ننفذ لبابا اللي هو عايزه 
عائشه : وبالنسبه للسنيوره بقا ... قولتلها ايه 
عمرو : لسه معرفتش 
عائشه : رن عليها قولها 
عمرو : مش هينفع فون 
عائشه : خلاص قابلها دلوقتي وعرفها .... غير كده مش هوافق 
عمرو : الوقت اتأخر 
عائشه : وانا مالي ... محسسني أنها مبتنزلش من البيت بعد المغرب يعني 
عمرو : انتي صعبه كده ليه 
عائشه : أنا كده ... وبعدين لسه شروطي مخلصتش 
عمرو : ارغي 
عائشه : تيجي بكره تطلبني من ماما ... رسمي يعني 
عمرو : على اساس مش عارفين بعض ... ده احنا متربيين مع بعض
عائشه : مش عاجبك بلاها 
عمرو : هو مش عاجبني ... بس مضطر ... مش حبا فيكي يعني ... بس عشان بابا ماشي 
عائشه : انت بعد الجواز هتعرف البنات اللي انت عايزها ومليش حق اتكلم 
عمرو : حلو ده 
عائشه : وانا كمان ليا حق اعرف الشباب اللي انا عايزاها وملكش حق تتكلم
عمرو : نعم ي روح امك 
عائشه : زي م سمعت 
عمرو : ليه شايفاني بقرون 
عائشه : لاء والله انت من غيرها اهو 
عمرو : أنا م موافق 
عائشه : خلاص يبقى نفشكل من دلوقتي ... اصلا بيك أو من غيرك هيحصل اللي أنا عايزاه 
عمرو : ومين اصلا هيقبلك باللي انتي فيه ده 
عائشه : ده شئ ميخصكش بقا
عمرو : ماشي أنا اصلا مليش دعوه بيكي ... انتي مجرد بنت عمي بس 
عائشه: حلو ... رابع شرط 
عمرو : وهو لسه فيه تاني 
عائشه : علاقتنا هتفضل زي م هيا حاليا ... يعني ملكش دعوه بحياتي الشخصيه ولا تقرب مني بأي صله ... وبلاش أنا جوزك أنا جوزك دي 
عمرو : ماشي موافق
عائشه : طبعا الاوضه هيبقى فيها سرير ... أنا اللي هنام عليه وانت ع الكنبه 
عمرو : لاء طبعا ... مش هنام أنا ع الكنبه 
عائشه : ولا أنا هنام عليها 
عمرو : هتصرف أنا في الحوار ده 
عائشه : حلو ... بالنسبه لطلاقنا ... فده بعد سنه واحده من جوازنا
عمرو : اشمعنا
عائشه : انسب وقت 
عمرو : تمام موافق 
عائشه : ممكن تمشي وتسبني بقا في الحوسه اللي انا فيها 
عمرو : قصدك اللي انا فيها 
عائشه : أنا مالي بيك اصلا 
خرج من البيت وقابل بسنت 
عمرو : مش عارف اقولك ايه والله 
بسنت : قول اللي منزلني عشانه 
عمرو : احم .. ام ... انا ... هتجوز
يتبع......
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
عمرو : مش عارف اقولك ايه والله 
بسنت : قول اللي منزلني عشانه 
عمرو : احم .. ام ... انا ... هتجوز 
سكتت ومتكلمتش
عمرو : سكتي ليه 
بسنت : أنا سمعت صح ؟ 
عمرو : مؤقتا والله 
بسنت : لا والله 
عمرو : مجبر بجد والله مش بمزاجي 
بسنت : تصدق صدقت ... مس عارفه اقولك ايه والله ... أنا مش مستوعبه اساسا  
عمرو : اعملي اللي انتي عايزاه انا مقدر 
بسنت : طب وانا 
عمرو : هتجوزك بعد م أطلقها
بسنت : هيا مين 
عمرو : عائشه 
بسنت : اصلا ... قول كده بقا ... ملقتش غير الشرشوحه دي 
عمرو : متقوليش عليها كده لو سمحتي 
بسنت : ايه بتحبها ولا ايه
عمرو : دي بنت عمي 
بسنت : وخطيبتك صح ... وانا اتبخرت 
عمرو : انتي اللي في قلبي والله 
بسنت : أنا اللي في قلبك وهتتجوز واحده تانيه ؟ 
عمرو : بابا اللي مصر ... هيا كمان مش موافقه  
بسنت : خلاص يبقى تفهموه ... مش تروحوا تتجوزوا 
عمرو : ضغطه علي جدا وغلط عليه نعارضه 
بسنت : هتبقوا اخوات طيب ؟ 
عمرو : اه طبعا ... احنا اصلا هنتطلق بعد سنه 
بسنت : خلاص تمام ... واحنا هنتجوز بعد سنه 
عمرو : اتفقنا 
طلع من جيبه فلوس وادهالها 
عمرو : خلي دول معاكي 
خدتهم وعدتهم وقالت : دول بس 
عمرو : هيكفوكي صح ؟ 
بسنت : اكيد لاء طبعا 
عمرو : خلاص خدي كمان الف 
بسنت : الف ؟؟؟ 
عمرو : قليل ؟ 
بسنت : اه طبعا 
عمرو : خدي ي ستي الفين اهم 
بسنت : تمام ... يلا تصبح على خير 
باسته وطلعت بيتها 
تاني يوم جهز نفسه ونزل تحت ... مرات عمه وباباه كانوا معاه ... و الناحيه التانيه صباح 
صباح : هو انتي محدش قادر عليكي خالص كده ... ابن عمك وطلبتي منه يجيلك رسمي 
عائشه : عشان احس اني عروسه 
صباح : وكده مش عروسه يعني 
عائشه : لاء مش عروسه ... انا طول عمري بتمني أن اللي بحبه ييجي يتقدملي وبما انكوا قررتوا تنفذوا وصيتكوا وتجوزوني لابن عمي ... يبقى ع الأقل بشروطي 
صباح : انتي طالعه لمين ي بت انتي 
عائشه : لنفسي ... وده اللي انا عايزاه ... أنا مش نسخه من حد ... ويلا اجهزي كده عشان أما يجولنا 
صباح : انتي هتنقطيني ي بت ... ده احنا ساكنين في نفس البيت 
عائشه : ودي مشكله يعني 
صباح : أنا هنزل ... لاحسن تشليني 
نزلوا واتجمعوا كالعاده ... بس المرادي مختلفه 
حامد : احنا بنطلب ايد عائشه بنتك لابننا عمرو 
صباح : وانا مش هلاقي احسن من عمرو لبنتي 
كوثر زغرطت وسما قلدتها وعائشه خرجت وزعت عليهم القهوه ... أدت لعمرو المج بتاعه وهو قالها : ياريت تكوني ارتاحتي دلوقتي 
عائشه : اصول ب اصول ي ابو عميره 
بصلها بقرف وهيا مشيت 
عدي اسبوع وجه يوم كتب الكتاب ... مكانش في كتير ... يادوب صحابها وصحابه وأهلهم
_ بارك الله لكما وبارك عليكما وجمع بينكما في خير
الناس باركولهم  
حامد : سيبوا العرسان يطلعوا اوضتهم ويلا كله على اوضته 
طلعوا اوضتهم ودخلوا ... كانت لابسه فستان لونه سيمون وهو كان لابس بدله 
عائشه : هدخل اغير هدومي في الحمام تكون شوفت مكان تنام فيه 
عمرو : ادخلي انتي بس 
دخلت لبست بيجامه عاديه وخرجت لقت سريرين صغيرين 
عائشه : جهم ازاي دول 
عمرو : ملكيش دعوه بقا 
عائشه : وفين السرير الكبير 
عمرو : م قولت ملكيش دعوه 
عائشه : فعلا مليش دعوه المهم أنام ... اليوم كان استغفر الله يعني 
عمرو : نوما هنيئا ي حرمي المصون
عائشه : خفه 
نامت وهو نام ع السرير اللي جنبها 
محدش فيهم عرف ينام 
عمرو : صاحيه 
عائشه : لاء نايمه 
عمرو : خفيفه يخربيتك 
عائشه : عايز ايه 
عمرو : مش جايلي نوم 
عائشه : خدلك منوم 
عمرو : حياتي بقت اجمل بكتير 
عائشه : والله ... طب كويس 
عمرو : علفكره كان شكلك حلو انهارده 
عائشه : دي اقل حاجه عندي ... اومال لما تشوفني يوم فرحي بقا ع الشخص اللي بحبه 
عمرو : علفكره كان شكلك وحش انهارده 
عائشه : رأيك مش مهم عندي ... المهم أنا شايفه نفسي ازاي 
عمرو : تعجبني ثقتك دي 
عائشه : نام بقا 
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
عمرو : تصبحي على خير 
ناموا بعد وقت طويل من السرحان 
صحي الصبح لاقاها صاحيه ومجهزه نفسها 
عمرو : صباح الخير 
عائشه : صباح النور 
عمرو : لابسه ليه 
عائشه : خارجه 
عمرو : يوم الصباحيه 
عائشه : بالنسبالي يوم عادي 
عمرو : والله وبالنسبه للي بره 
عائشه : مليش دعوه بيهم 
عمرو : لو سمحتي بطلي هبل ... غيري هدومك واقعدي 
عائشه : سيبني بس اكمل الايلاينر ده عشان ارسمهم زي بعض 
قام من على سريره وضم السريرين على بعض ورتبهم زي م كانوا 
عائشه : دماغ شغاله 
عمرو : عيب عليكي 
عائشه : يلا اسيبك مع الاوضه 
عمرو : خليكي ... بلاش انهارده 
عائشه : قولتلك محدش ليه دعوه بالتاني ... يعني أخرج براحتي 
عمرو : أنا بقول عشان كتب كتابنا كان امبارح 
عائشه : وانا قولت ميهمنيش 
سابته وخرجت ... نزلت لقت مامتها وسما ومرات عمها 
صباح : رايحه فين يوم صباحيتك 
عائشه : عندي مشوار مهم 
صباح : يوم الصباحيه 
عائشه : اه 
مرات عمها ( كوثر ) : ميصحش ي بنتي ... المفروض شهر اجازه ولا حاجه 
عائشه : معلش مزاجي كده 
قربت من سما ( عندها متلازمة داون )وحضنتها 
عائشه : هجبلك شوكولاته وانا جايه 
سما : متأخريش 
عائشه : عيوني 
عدى اليوم ورجعت بالليل الساعه ١٠ 
طلعت اوضتها براحه لقت عمرو جوا 
عمرو : انتي كنتي فين لدلوقتي
عائشه : اعتقد انك ملكش دعوه 
قرب عليها ومسكها من دراعها : انتي شايفه أن عدم وجودك طول اليوم ورجوعك دلوقتي يتسكت عليه اصلا
شدت دراعها وقالت : اه شايفاها حاجه عاديه ... وانت اصلا ملكش دعوه 
عمرو : وانا من امتى كان مليش دعوه بيكي هااا ... غير انك مراتي فانتي بنت عمي 
عائشه : ومش هكون غير بنت عمك ... واتفاقنا يرجع ... ملكش دعوه بيا ولا انا ليا دعوه بيك 
سابها وخرج من البيت كله 
عائشه : لسه مبدأتش اصلا ي عمرو 
قعدت تستناه يرجع بس مرجعش لحد الصبح ... وهيا محستش بنفسها ونامت 
رجع المغرب ... كانوا قاعدين تحت كلهم  
كوثر : يبني انتوا لسه متجوزين جديد ... يوم انت تخرج ويوم هيا 
عمرو : مشاغل بقا ... عن اذنكوا 
صباح : بت ي عائشه في ايه 
عائشه : وانا ايش عرفني 
صباح : متخانقين ولا ايه 
عائشه : لاء ونتخانق ليه 
كوثر : اومال طلع ليه من غير م يكلمك 
عائشه : اشم على ضهر ايدي اعرفلكوا ولا ايه 
صباح : روحي شوفيه 
عائشه : يووووه هو صغير 
صباح : اطلعي ي بت شوفي جوزك 
سابتهم وطلعت ... فتحت الباب كان قاعد بيشتغل ع اللاب 
عائشه : هو انا مليش دعوه بيك بس هما اللي قالولي اطلعي شوفيه 
بصلها ومردش وكمل شغله 
عائشه : ياريت قدامهم يبقى فيه تعامل 
فونه رن ورد 
عمرو : أنا مشغول دلوقتي ي بسنت لما افضي هكلمك 
بسنت : فاضي ليها هيا يعني 
عمرو : اعتبريني مش متجوز قولتلك ... وبعدين م احنا اتفقنا بقا ... كده كده كلها كام شهر ونتطلق 
بسنت : طيب انا الفلوس اللي معايا خلصت 
عمرو : هو مش انا مديكي من اسبوع 
بسنت : خلصوا 
عمرو : طيب ... هقابلك انهارده 
بسنت : تمام هستناك 
سابت الأوضه وخرجت ... نزلت تحت ودخلت لعمها المكتب 
حامد : رجع ؟ 
عائشه : اه رجع ... بيردلي امبارح 
حامد : طب كويس طلع بيحس 
عائشه : ومبيتكلمش معايا 
حامد : سيبيه يتفلق 
عائشه : كان لسه بيكلمها ... وبيقولها أنه هيطلقني كمان كام شهر 
حامد : لاء اجمدي احنا لسه في الاول ... وبعدين رديله انتي كمان وعرفيه أن في حد في حياتك 
عائشه : مهو مفيش 
حامد : أنا هعرفك على ابن واحد صاحبي وهرسيه ع الحوار 
عائشه : طيب 
حامد : ووريه العين الحمرا كده 
عائشه : مع إن مش عاجبني الحوار ... بس بعمل كل ده عشانك ... حتى لو بحبه ... بس هو مبيحبنيش ... بس انت عايز تبعده عن الناس الوحشه في حياته وطلبت مني اساعدك ... ولولا أني عارفه أن بسنت دي بتضحك عليه وانت اكدتلي ... مكنتش فكرت في حوار اني اتجوز منه ... ومفهمه ساره اني اتجوزته عشان بحبه بس ... واتمنى فعلا يحبني في يوم من الايام ويسامحني 
حامد : لما يعرف أننا بنعمل كل ده عشانه ... هيقدر 
عائشه : ربنا يستر 
خرجت من عنده والغدا اتحط والكل قاعد ( حامد كوثر وصباح وسما وعائشه وعمرو ) 
حامد : في شغل كنت عايزك تخلصهولي ي عمرو 
عمرو : بكره إن شاء الله
حامد : انهارده  
عمرو : مشغول والله 
حامد : لازم انهارده 
عمرو : منا عندي شغل أنا كمان 
حامد : شغلك اهم من شغلي ولا ايه ؟
عمرو : لاء بس هخلصه لما ارجع ... ساعه كده وراجع 
حامد : متتأخرش عن ساعه 
عمرو : حاضر  
خلصوا غدا وهو طلع يغير هدومه ... وهيا طلعت وراه ... حاولت تشد السريرين من جنب بعض بس معرفتش ... حاولت تاني بس لاقته جه وشدهم من جنب بعض ... داس على الشبشب اللي هيا لابساه غصب عنه فاتكعبلت ووقعت ع السرير وهو وقع فوقها ... فضل شويه يبص لملامحها وجه يقوم زرار قميصه شبك في بلوزتها فبقت شفايفهم على بعض ... زقته بسرعه وقامت من مكانها ... أما هو فخد جاكته وخرج.....
يتبع .....
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
الصبح صحيت لاقته نايم على سريره ... بصتله شويه وبعدين قامت غيرت هدومها ... صحي وضم السريرين كالعاده ودخل الحمام من غير م يكلمها .. خرج وهيا قالت 
عائشه : ممكن افهم ايه اللي مضايقك؟ ... احنا مش اتفقنا محدش ليه علاقه بالتاني
عمرو : وده اللي انا بعمله 
عائشه : حضرتك مخاصمني ... ممكن افهم ايه السبب 
عمرو : أنا بتجنبك 
عائشه : اوكي ... زي م تحب 
فونها رن وهيا ردت : ايوه ي اسلام 
اسلام : جنبك ؟ 
عائشه : اها 
اسلام : طيب انزلي انا واقف بره
عائشه  : نازله اهو ... ٥ دقائق هكون عندك 
اسلام : مستني 
قفلت وخدت شنطتها وخرجت 
عمرو : مين اسلام ده كمان ... اكيد زميلها يعني 
خرج وراها ونادالها 
عائشه : عايز ايه 
عمرو : ممكن اعرف انتي رايحه فين ومين ده ؟
عائشه : لاء مش ممكن 
سابته ونزلت 
عمرو : غبيه 
عدى اسبوع مفيش جديد ... بيتجنبوا بعض نوعا ما وكل واحد علاقته بتطور مع حبيبه
صحيت كالعاده غيرت هدومها وهو كمان عشان كل واحد يشوف شغله 
عمرو : هو ايه اللي انتي لابساه ده 
عائشه : ماله 
عمرو : انتي هتخرجي كده ؟
عائشه : عندك مانع ؟ 
عمرو : طبعا ... مش هتخرجي بالمنظر ده 
عائشه : هخرج 
عمرو : مفيش خروج ... واحترميني بعد اذنك 
عائشه : وده ازاي 
عمرو : متجبرنيش اعاملك بمعامله مش هتحبيها ... غيري القرف ده 
عائشه : قرف؟ ... وسع عشان اتأخرت 
عمرو : غيري القرف ده 
عائشه : للمره المليون ملكش دعوه ... إن شالله حتى البس بكيني انزل بيه 
عمرو : متستفزينيش عشان معملش حاجه متعجبكيش 
عائشه : أعلى م في خيلك اركبه 
عمرو : انتي اللي اختارتي 
بصتله بلامبالاه... ام هو فبحركه سريعه شق البلوزه الكت اللي هيا لابساها لنصين 
بصتله بغضب وحطت ايديها  على صدرها ودخلت الحمام بسرعه ... اتأخرت جوه فخبط عليها وقال : أنا اختارتلك بلوزه تانيه خدي البسيها 
عائشه : انت تمشي من وشي احسنلك 
عمرو : مش همشي قبل م اوصلك 
عائشه : في حد مستنيني هروح معاه ... فاتفضل 
عمرو : بس انا موجود ... هتاخدي البلوزه ولا تطلعي تغيري هنا 
فتحت وخدت البلوزه اللي كانت طويله وبكم مش لايقه ع الجيبه اللي هيا لابساها خالص ... خرجت وهو ضحك على منظرها ... فتحت الدولاب واختارت بلوزه شبه اللي اتقطعت
عمرو : مش هتلبسيها 
عائشه: ابعد عني عشان انا مش طايقاك 
عمرو : أنا بقولك اللي هيحصل علفكره ... انتي اصلا لبسك محترم ... فلما تلبسي كده يبقى لازم اعترض ... بصفتي ابن عمك ... ولو مالك نفسه شافك كده م هيخليكي تخرجي 
عائشه : ومين اصلا قالك اني هخرج كده 
فونها رن وكان اسلام 
عائشه : ايوه ي حبيبي 
اسلام : جنبك ولا ايه 
عائشه : مش هتأخر اهو دقايق ونازله استناني قدام البوابه 
اسلام : أنا مستنيكي فعلا 
سحب منها الفون وقال : هو مين ده اللي حبيبك 
عائشه : هات الفون 
رزعه في الحيطه ودشدشه وهيا اتخضت 
عمرو : بلاش تختبري صبري اكتر من كده ... انتي كده بتهنيني 
عائشه : ابعد عني متقربش مني 
قرب اكتر وقال  : ليه ... عشانه صح ؟ 
عائشه : بقولك ايه انت بتخوفني 
عمرو : وانتي اصلا بتخافي ؟ 
عائشه : عمرو ابعد 
زعق وقال : مش عايزاني اقرب ليه ؟
عائشه : متنساش الاتفاق اللي بينا 
عمرو : قوليلي ليه مش عايزاني اقرب منك
عائشه : عشان مش عايزاك انت اول واحد تلمسني ... أنا بحب غيرك وعايزاه  
عمرو : بتحافظي على نفسك من جوزك ... عشانه 
عائشه : انت جوزي ع الورق بس واوعي تنسي ... أنا وأنت هنتطلق وانت هتتجوز بسنت وانا هتجوز اسلام 
عمرو : مش هنتطلق قبل م اخد حقوقي منك 
عائشه : قصدك ايه 
عمرو : مش هسمحله يكون هو أول واحد يقرب منك 
عائشه : ابعد عني احسنلك 
قرب وزقها ع السرير ... رجعت لورا فقال : متقلقيش مش هقرب منك ... اظن ان احنا مش متفقين مع بعض ومش مناسبين اصلا ... زي م قولتي أنا هتجوز بسنت وانتي اتجوزي كلب يعبرك
حطت ايديها على قلبها 
عمرو : يعدي شهر كده وهطلقك ... وروحيله 
قال كلامها وسابها وخرج 
رنت على عمها بسرعه وقالت : حاول يقرب مني 
حامد : وحصل ايه 
عائشه : حاولت ابعد بس لما حس برجاء مني أنه ميقربليش سابني وقال هيطلقني بعد شهر 
حامد : كده بدأ يغير 
عائشه : معتقدش
حامد : زودي شويه 
عائشه : هحاول 
سمعت صوت تحت فقالت : شكل في خناقه ولا ايه 
حامد : ايه اللي بيحصل 
عائشه : هشوف واقولك 
نزلت بسرعه وخرجت لقت عمرو بيتخانق مع إسلام ونازل فيه ضرب وصباح وكوثر واقفين مش عارفين يحوشوا ... جريت عليه وحاولت تحوشه ... وقفت قدام عمرو 
عمرو : ابعدي من قدامي 
عائشه : متقربش منه فاهم 
عمرو : اشبعي بيه 
سابهم وركب عربيته ومشي أما اسلام فكان بيضحك 
اسلام : شكله استوي 
برقتله عشان اللي واقفين 
صباح : هو ايه اللي بيحصل ومالك انتي كمان متبهدله كده ليه 
عائشه : عمرو مفكر اسلام حبيبي وهو مجرد زميل 
كوثر : لا حول ولا قوه الا بالله ... يقوم يعمل كده 
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
صباح : طب تعالي يبني جوه نشوف وشك ده بدل م هو بينزل د"م 
اسلام : لاء يطنط شكرا أنا كويس 
كوثر : انت مش شايف وشك ... تعالي متخافش 
عائشه : يلا ادخل 
إسلام : جامعتك
عائشه : جامعه ايه بقا 
دخل وعائشه هيا اللي مسحت وشه 
اسلام : هو حصل ايه خلاه كده 
عائشه : اسكت عشان اللي قدامك دول عواجيز الفرح 
إسلام بصوت واطي: انتي مش قولتي مش بيحبك 
عائشه : اه بيحب واحده تانيه
اسلام : اومال لو كان بيحبك كان عمل فيا ايه 
عائشه : قتلك بس 
اسلام : ياااه بس كده 
عائشه : شوفت 
اسلام : ده الحمد لله أنه مش بيحبك بقا 
عائشه : م تسكت شويه 
خلصت وهو جاي يمشي 
صباح : خليك اتغدي معانا اهو بدل اللي عمرو عمله 
اسلام : لاء أنا لازم امشي مينفعش اطول اكتر 
كوثر : اقعد بس ومتقولش لاء ... لاحسن تقول الناس دي معندهاش كرم ضيافه 
اسلام : اكتر من كده 
عائشه: خليك 
اسلام : تفتكري هيرجع 
عائشه : معرفش بس هما ماسكين فيك فدي فرصه كويسه ... خليك 
اسلام : طيب 
صباح : قولت ايه 
اسلام : زي م تحبوا تمام 
عائشه : هطلع اغير القرف ده ونازله 
اسلام : ده زوقه ولا ايه 
عائشه : يعني 
طلعت غيرت هدومها ونزلت ... طلعت هيا واسلام الجنينه 
اسلام : انتوا هتفضلوا كده لامتى 
عائشه : علمي علمك 
اسلام : أنا عارف انك مش ضعيفه بس برضو خدي بالك منه 
عائشه : ازاي 
اسلام : يعني في النهايه هو مبيحبكيش وبيحب واحده تانيه ... يعني مش هيفرق معاه زعلك أو انتي اصلا مش هتفرقي معاه 
عائشه : بس انا بنت عمه برضو 
اسلام : بس مبيحبهاش ... بنت عمه اللي اتجبر يتجوزها عشان باباه 
عائشه : هو عشان بيحب بسنت مش شايف غيرها ... بس هيا استغلاليه ... بس اكيد مش هروح واقوله خد بالك منها ... أنا مستحيل ابينله حبي وخوفي عليه .... مستحيل اخسر كبريائي ... حتى لو روحي فيه 
اسلام : غريب الحب مين فاهمه 
عائشه : مش دي الحكايه بس لو قولتله أنه بحبه من زمان ... ايه اللي هيحصل ... مش هيحصل حاجه لانه بيحب واحده تانيه ... أنا بس بحاول افوقه من اللي هو فيه ... واحسسه بأن في حد تاني بيحبه ... بس بطريقه غير مباشره 
اسلام : اللي بيحب مبيشوفش ... هو عمره م هيشوف عيوبها 
عائشه : هكون عملت اللي عليا وخلاص ... وفي الاخر تجربه وهتنتهي ... ولو مقدرتش اخليه يحبني ... يبقى هننفصل 
اسلام : بس هو بدأ يحبك فعلا 
عائشه : ايه اللي خلاك تقول كده 
اسلام : اللي حصل انهارده 
عائشه : لاء ده مش حب ... هو شايفني بنت عمه بس ... لكن مش مراته ... أنا بحاول ابينله قد ايه هو مش فارق معايا وان انا حره ... وبنكر وجوده ... وده اللي ضايقه ... عشان كده اتصرف كده ... اتصرف كده عشان يبين رجولته 
اسلام : فاهماه
عائشه : عشان بحبه ... ففهماه ... ومعتقدش أنه ممكن يحبني ... اصل انا قدامه طول العمر ... مفكرش فيا غير اني أخته ... لو حبني فعلا كان من زمان ... مش هييجي دلوقتي يحبني ... اصل الحب ده من اول نظره ... بتحس بشعور غريب ناحيه الشخص ده ... بطنك بتوجعك لو تشوفه وقلبك بيوقع ... بتتصرف بطريقه غريبه ... بتكون طاير من الفرحه بس مش بتبين ده ... وممكن تعامله وحش كمان 
عدي اليوم وهيا طلعت تذاكر ... منامتش غير لما رجع ... بس هو مطلعش الاوضه ... استنته كتير بس مطلعش ... نزلت تشوفه لاقته في اوضة المكتب ... طلعت اوضتها تاني وسابته ... الصبح صحيت مكانش موجود ... غيرت هدومها ونزلت ... كانوا بيجهزوا الفطار 
عائشه : صباح الخير 
صباح : صباح النور ... الفطار جاهز 
عائشه : لاء مش عايزه اتاخر انهارده كفايه اني بقالي كتير مبروحش 
صباح : كلي لقمه وابقي امشي 
عائشه : لاء شكرا بالهنا 
خرجت ولقت حد بيناديلها ... صوت مش غريب عليا 
عائشه : نعم ... لسه مخلصتش اهانه وجاي تكمل 
عمرو : استني هوصلك 
عائشه : شكرا عارفه الطريق 
عمرو : أنا مش باخد رأيك ... أنا بقولك 
عائشه : لو.........
عمرو : لو سمحتي ... خلينا ننهي الخلافات دي 
ركبت معاه واتحرك 
عمرو : أنا آسف ع اللي حصل مني امبارح ... بس انتي بنت عمي برضو 
عائشه : وبتعتذر ليه 
عمرو : اني تعديت حدودي معاكي ... انتي معاكي حق ... المفروض أن محدش ليه دعوه بالتاني ... احنا ولاد عم وبس 
عائشه : كويس انك فهمت 
عمرو : بس برضو ميمنعش اني لو ابن عمك هسمحلك تلبسي اللي عايزاه وتكلمي اللي انتي عايزاهم 
عائشه : مبدئيا انت عارف كويس اني مكنتش هخرج كده وان في جاكت هيتلبس فوق البلوزه دي ... وان لبسي كله مبيبقاش مفتوح للدرجه دي ... ثانيا ... اسلام مش غريب ... ده اللي هكمل معاه بعد م نتطلق 
عمرو : حقك ... بس خروجك معاه وانتي مراتي مش مرغوب فيه 
عائشه : زميلي ... فيها حاجه ... وبعدين انت ليك حق تخرج مع أي واحده انت عايزها ... مقولتش لاء 
عمرو : بس مش لدرجة أنها تجيلي البيت وأخرج معاها 
عائشه : والله لو زميله اهلا وسهلا ... ولو حبيبه برضو فهعتبرها زميله لحد م نتطلق 
عمرو : طب أنا مش عايز كده 
عائشه : يعني 
عمرو : حياتك وانتي حره فيها ... بس كل واحد يحافظ على مشاعر التاني ... يعني براحتك تكلمي اللي انتي عايزاه بس مش قدامي ... وانا برضو 
عائشه : اتفقنا 
عمرو : استني 
عائشه : اتفضل 
عمرو : ده فون بدل اللي كسرته امبارح 
عائشه : اسلام جابلي واحد شكرا 
عمرو : وانا جبت ده ... خليه معاكي 
عائشه : طيب ... شكرا 
عمرو : استني 
عائشه : ايه تاني 
عمرو : خدي دول خليهم معاكي لو احتاجتي حاجه 
عائشه : شكرا أنا معايا 
عمرو : بما اني زي جوزك يعني فهتاخديهم ... عشان انتي مسؤوله مني 
عائشه : عمو بيديني وانا معايا يكفيني ... شكرا 
عمرو : عايزه اكتر ولا ايه ؟ 
عائشه : سلام ي عمرو 
نزلت وهو استغرب لانه كان متوقع أنها هتعمل زي بسنت 
نزلت وسابهم مع الأمن وقالوا يديهملها وركب عربيته ومشي 
يتبع......
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
دخلت وقابلت أصحابها في الكافتيريا كالعاده 
ملك : اهلا بعروستنا 
عائشه : عاملين ايه ؟
سلمي : عاملين سنجل 
عائشه : والله ... طب يبختكوا 
مريم : هو الجواز طلع وحش ولا ايه 
عائشه : لاء حلو جدا ... المهم اتجدعني انتي ومحمد بتاعك ده 
مريم : قولي يارب 
عائشه : يختي يارب ... يلا ندخل المحاضره عشان منتأخرش زي كل مره 
ملك : اه ياريت والله 
عائشه : مين اللي علينا 
ملك : دكتور ساجد
عائشه : اكتر دكتور بكرهه 
ملك : اه ليكي حق ... م انتي اول محاضره خليتيه ميشرحش اصلا وساب المحاضره 
عائشه : يا يشرح للكل ي أما ميشرحش ... يلا اخلصوا
دخلوا قبل الدكتور وقعدوا ورا وهو دخل رحب بيهم وبدأ يشرح 
ساجد: اللي قاعده ورا دي 
بصوا الاربعه لبعض وهو قال : اللي لابسه اسود 
وقفت عائشه
ساجد : انتي محضرتيش ولا محاضره ليا ... تقدري تقوليلي ليه 
عائشه : ظروف 
ساجد : والظروف دي تمنعك من عدم حضورك 
عائشه : اه الظروف دي منعتني 
ساجد : تقدري تقوليلي ايه اللي اتشرح خلال الأسبوع اللي فات 
عائشه : لاء مقدرش عشان معرفش 
ساجد : يبقى تتفضلي ومتحضرليش ولا محاضره 
عائشه : وحضرتك بقا بتطردني بناءا على ايه 
ساجد : انا حر 
عائشه : لاء مش حر ... محدش ليه حق يحرمني من التعليم ... ولو على عدم حضوري فده كان ظرف وعدى 
ساجد : وانا قولت اتفضلي مش هتحضريلي ... كملي جميلك ومتحضرليش 
عائشه : تمام 
لمت حاجاتها وخرجت ... رن اسلام عليها وهيا خارجه 
عائشه : نعم 
اسلام : انتي فين 
عائشه : في الجامعه 
اسلام : مسنتيش اوصلك ليه 
عائشه : عمرو وصلني 
اسلام : ايه التطور ده 
عائشه : شوفت ... اقفل بقا عشان أنا مش طايقه نفسي 
اسلام : ليه ؟
عائشه : الدكتور المتخلف طردني ... وانا محبتش اعمل مشاكل 
ساجد : متخلف ؟؟ 
لفت بسرعه وقفلت الخط 
عائشه : مقصدش 
ساجد : اومال كنتي تقصدي ايه 
عائشه : اصل انا معملتش حاجه عشان اتطرد ... وجايه بدري عن معادي ... وقولت اني مش هعمل مشاكل بعد كده مع دكاترة الجامعه 
ساجد : المتخلفين صح ؟ 
عائشه : مش كلهم بصراحه 
ساجد : وأنا من ضمن المتخلفين صح ؟ 
عائشه : لاء مكنتش اقصد ... بعتذر جدا 
ساجد : تقدري تدخلي تكملي المحاضره وسابها ودخل 
_ يا عائشه 
بصت وراها لقت واحد من الأمن اللي ع البوابه 
عائشه : اتفضل 
_ اتفضلي دول ليكي 
مد ايده بفلوس 
عائشه : بتوع ايه دول 
_ جوز حضرتك سابهم معايا وقالي اوصلهوملك 
عائشه : تمام شكرا 
قعدت في الكافتيريا تستنى صحابها لحد م خرجوا وراحولها 
ملك : هو لما الدكتور خرج ... شوفتيه 
عائشه : اه 
ملك : عمل ايه ؟
عائشه : قالي لو عايزه تحضري اتفضلي 
مريم : عشان كده كان كل شويه يبص ع الباب 
سلمي : مدخلتيش ليه ؟ 
عائشه : كده كده كانت قربت تخلص وانا كنت زهقت 
ملك : احنا استغربنا لما خرجتي اساسا 
عائشه : معنديش خلق اناهد 
مريم : طب مش انا بعتلك المحاضرات اللي فاتتك 
عائشه : مفتحتهاش 
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
سلمي : دكتور ساجد هناك بيبصلنا 
لفت مريم تشوفه
عائشه : طب م تسيبيه يبص
سلمي : جاي علينا
ملك : ايه الرعب ده 
ساجد : ازيكوا ي بنات 
هزوا راسهم وهو بص لعائشه قال : ممكن ثانيه 
عائشه : اتفضل 
ساجد : في مكتبي 
عائشه : تمام 
مشي وهيا قالت : شويه وراجعه 
دخلت وراه 
ساجد : تقدري تقوليلي سبب غيابك 
عائشه : أنا قولت أنها ظروف 
ساجد : بصي ... أنا انهارده هحط الدرجات ... بس انا مش عارف مستواكي ... وبصراحه مفيش دكتور قال انك مش شاطره ... اي نعم اعترضوا على لماضتك بس ده ميمنعش انك شاطره 
عائشه : طب م تشيلني الماده وتريح دماغك ... مش ده كان كلامك برضو 
ساجد : بناءا على ايه ... أنا معرفكيش اساسا ... ولما تكوني دايما بتحضري وتيجي تغيبي حوالي أسبوعين ... يبقى من حقي أسأل 
عائشه : وحضرتك سالتني وانا مجاوبتش ... وعدم حضوري ده شئ خاص بيا ... وانت هددتني انك هتشيلني الماده ... ودي مش اول مره دكتور يشيلني الماده عشان مش حاببني ... فدي حاجه عاديه بالنسبالي 
ساجد : وانا مش زي الدكاتره دي ... أنا هعرض بكره كويز يحدد مستوى كل الطلاب ... وبناءا عليه هحدد مستوى كل طالب 
عائشه : تمام ايه المطلوب مني بقا 
ساجد : الحضور بيأثر بنسبه كبيره في الدرجات ... عشان كده كنت حابب أسألك عن سبب غيابك وبما انك بتقولي ظروف فأنا مقدر ايه هيا الظروف دي 
عائشه : تمام ... عن اذنك 
ساجد : اتفضلي 
خلصت يومها وروحت ... طلعت اوضتها وحاولت تلم كل المحاضرات اللي فاتتها ... بالليل عمرو رجع ودخل لاقاها بتذاكر 
عمرو : عامله ايه 
بصتله وقالت : شايف ايه 
عمرو : انتي بتذاكري في كل الكتب ازاي بالله 
عائشه : مضطره الم اللي فاتني اعمل ايه بقا 
عمرو : خلصتي ولا ايه 
عائشه : لسه شويه 
عمرو : عندي مقابلة شغل مهمه ... هدخل اجهز نفسي وامشي 
عائشه : تمام ربنا معاك 
دخل اخد شاور وخرج لبس بدلته 
عمرو : بتعرفي تربطي الجرافته 
عائشه : لو ملبستش جرافته هيكون احلى 
عمرو : انتي شايفه كده 
عائشه : اه ... سيب اول زرارين واقلع الجرافته 
سمع كلامها وكان شكله احلى فعلا 
عائشه : استني اعدلك اللياقه من ورا 
عدلتله البدله وقالت : بس كده مفيهاش غلطه 
عمرو : تسلمي ... بقولك ايه 
عائشه : قول 
عمرو : م تيجي معايا 
عائشه : اجي معاك مقابلة الشغل ؟ 
عمرو : اه ده عشا برا الشركه عادي ومراته هتحضر هيا كمان 
عائشه : بس انا عندي مذاكره لسه عايزه اخلصها 
عمرو : كملي وقت تاني عادي ... بس تعالي معايا 
عائشه : مش عارفه 
عمرو : يلا 
عائشه : مستعد تستنى ساعه 
عمرو : انتي هتجهزي نفسك في ساعه 
عائشه : دي اقل حاجه ... لو هتتأخر خلاص 
عمرو : طيب ... هستناكي ... بس حاولي تخلصي بسرعه 
عائشه : تمام
دخلت لبست فستان شيك بعد الركبه لونه اسود ولمت شعرها كحكه تحفه وحطت ميكب سمبل ... كل ده خد منها حوالي ساعه ونص 
خرجت من الحمام بعد م جهزت وكان هو واقف في البلكونه 
عائشه : يلا! 
عمرو : اتأخرت... اللهم صلي على النبي
عائشه : في ايه ؟
عمرو : شكلك واو 
عائشه : ميرسي 
عمرو : ده انتي تستاهلي بقا التأخير ده كله 
عائشه : علفكره أنا كده خلصت بسرعه 
عمرو : حضرتك أنا جهزت في ربع ساعه 
عائشه : اه منا اخدت بالي ... يلا عشان متتأخرش 
عمرو : يلا 
نزلوا وقالوا للعيله أن هما هيتعشوا بره ... راحوا مطعم فخم وكان في كذا واحد ومراته ... اتعرفوا كلهم على بعض ... خلصوا كلام في الشغل وجت فقره مهمه وهيا الرقص ... كل واحد بيرقص بس مش مع مراته ... بيبدلوا مع بعض وده نوع من أنواع الموافقه على الصفقات 
جه واحد من اللي قاعدين اسمه نزار ومد أيده لعائشه وقال : ممكن تشاركيني 
بصت لعمرو وجايه تتكلم فسابقها وقال : بس هيا هترقص معايا 
نزار : بس انت عارف ان محدش بيرقص مع مراته 
عمرو : بس انا هرقص معاها 
نزار : ياريت متتكلمش نيابه عنها ... هيا اللي تقرر مش انت 
عائشه : وانا قراري زي قراره 
جت مرات نزار وقالت : خلاص مفيش مشكله ... أنا هرقص مع عامر ونايله ترقص معاك وعمرو يرقص مع عائشه 
عامر : أنا معنديش مشكله 
نزار : تمام ... زي م تحبوا 
كلهم بدأوا يرقصوا على اللحن اللي كان واحد في المطعم بيلحن بيه
يتبع.......
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
كل واحد بيرقص مع واحده 
عمرو : عايزه تقولي ايه ؟ 
عائشه : مستغربه 
عمرو : من ايه ؟ 
عائشه : ازاي بيقبلوا مراتاتهم يرقصوا مع رجاله غيرهم 
عمرو : ملناش دعوه 
عائشه : بس انت بتشتغل معاهم
عمرو : بشتغل اه ... أتأثر بيهم لاء ... انا راجل وعندي نخوه 
عائشه ضحكت وقالت : وانت لو كنت زيهم كان عمو حبسك في البيت 
عمرو : بقولك ايه يلا نتخانق ... ده انتي دمك سم 
عائشه : هو أنا لو مكنتش جيت معاك ... كنت هتيجي لوحدك 
عمرو : لاء مهو ... اصل انا كلمت بسنت وقالتلي أنها تعبانه ... فقولتلك 
مردتش فقال : سكتي ليه 
عائشه : هو انت مش شايف أن بسنت دي استغلاليه 
عمرو : أنا شايفها احسن واحده 
عائشه : هيا فعلا جميله بس حبك ليها مانعك تشوف حاجات لازم تشوفها 
عمرو : انتي بتقولي كده عشان غيرانه منها ... عشان هيا احلى منك 
سابته وقالت : أنا مفيش حد احلى مني ... أنا احلى واحده في الكون ... واكيد لو هغير فمش هيكون من دي ... ومش هستني واحد زيك انت يقيمني ... كفايه اللي شايفني ملكة جمال 
قالت كلامها وراحت جابت شنطتها وخرجت ... استوعب اللي حصل وخرج وراها مسك دراعها 
عمرو : أنا مكنتش اقصد 
شدت دراعها وقالت : ولو تقصد حتى ... كلامك مش هيفرق معايا ... كده كده احنا مش لبعض ... روح شوف حبيبتك اللي بتهرب منك ومش هاممها شكلك قدام حد ... ده لو كانت تعبانه اساسا  
مشيت ومحبتش تروح ... راحت كافيه بتحب تقعد فيه دايما ... أما هو فدخل استأذن وروح
وصل البيت ودخل كانوا متجمعين كالعاده ( صباح وكوثر وسما ) 
صباح : اومال فين عائشه 
عمرو : هيا مرجعتش 
صباح : انتوا مش خارجين مع بعض 
عمرو : ايوه بس 
صباح : بس ايه 
عمرو : هرن عليها 
صباح : انت سبتها ليه اصلا ؟ 
عمرو : هيا اللي سابتني ومشيت 
صباح : المفروض تكون رجعت ... مش امانه في ايديك هيا 
كوثر : اهدي ي صباح هتلاقيها جايه دلوقتي 
صباح : أما نشوف ... اتفضل شوفها فين 
رن عليها بس مردتش ... حاول مره واتنين بس مردتش 
عمرو : رني عليها انتي كده 
فتحت كوثر التليفون ورنت 
كانت قاعده والفون بيرن ... مردتش اول مره لما كوثر رنت ... جت تقفل الفون لقت كوثر بترن ففتحت عليها 
عائشه : نعم 
كوثر : انتي فين قلقتينا عليكي 
عائشه : في ايه هو أنا صغيره ... نص ساعه وراجعه 
صباح : انتي فين ؟ 
عائشه : شويه وراجعه ي ماما
صباح : سبتي جوزك ومشيتي ليه 
عائشه : سلام ي ماما 
قفلت فقالت : البت دي عامله كده ليه
عمرو : المهم انها كويسه 
خرج وركب عربيته وراح عند بيت بسنت ... فضل واقف شويه بيفكر في كلام عائشه ... كان لسه هيرن عليها لاقاها نازله من عربية واحد ودخلت عمارتها ... مشي ورا العربيه اللي نزلت منها ... ورن عليها 
عمرو : انتي فين ؟ 
بسنت : ايه الدخله دي ؟
عمرو : بقولك انتي فين ؟ 
بسنت : في البيت ليه ؟ 
عمرو : مجيتيش معايا ليه انهارده 
بسنت : م قولتلك كنت تعبانه ومش قادره 
عمرو : يعني انتي منزلتيش انهارده ؟ 
بسنت : لاء ... أنا اصلا بكلمك وانا في السرير 
عمرو : طيب ... سلام 
قفل معاها ولما لقي العربيه ركنت ونزل منها واحد ... نزل من عربيته وناداله 
عمرو : يا برنس 
_: بتكلمني أنا 
عمرو : ايوه انت 
_: اؤمر 
عمرو : انت مرتبط ؟ 
_: يهمك في ايه يعني ؟ 
عمرو : لاء من ناحية يهمني فهو يهمني جامد 
_: هو انت تعرفني اصلا 
عمرو : لاء ... بس محتاج اعرف حاجه كده 
_: اه مرتبط 
عمرو : قابلتها انهارده ؟ 
_: وانت مالك يعم 
عمرو : مقولتلك عايز اعرف حاجه 
_: اه لسه سايبها اصلا 
عمرو : مرتبط بيها 
_: اه والله في ايه 
عمرو : اسمها بسنت 
_: اه ... عرفت منين 
عمرو : تعالي نقعد في حته ونشوف الحوار ده 
وافق وراحوا اقرب كافيه 
_: قولي بقا في ايه ؟ وتعرفها منين؟
عمرو : انت تعرفها بقالك قد ايه ؟
_: سنه 
عمرو : ممكن تقولي علاقتك بيها عامله ازاي 
_: انت بتسأل ليه هو فيه حاجه
عمرو : أنا مرتبط بنفس البنت 
_: نعمم 
عمرو : زي م سمعت ... اكتشفت انهارده أنها مرتبطه بيك ... صدفه
_: انت كداب 
عمرو : ياريت ... ياريتني كداب 
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
_: أنا ايه يثبتلي انك بتتكلم صح 
فتح فونه ووراه صورهم مع بعض 
عمرو : ايه رايك
_: مش كفايه 
رن عليها وفتح الاسبيكر 
بسنت : ايوه ي حبيبي 
عمرو : كنت عايز اسألك سؤال ي بوسي 
بسنت : اسأل 
عمرو : هو عيد ميلادك كان تلاته شهر ٤ ولا اربعه شهر ٣ 
بسنت : شهر ٤ ي حبيبي 
عمرو : كنتي قايلالي نفسك في ايه 
بسنت : عربيه 
عمرو : ماشي ي حبيبتي ... يلا سلام 
قفل معاها وبصله 
_: هيا عايزاني اجبلها ايفون اخر اصدار 
عمرو : اكتر حاجه بتمناها دلوقتي ... إني أكون في حلم وافوق منه 
_: أنا في السن ده ويتنصب عليا 
عمرو : حذروني ... حذروني منها بس انا مصدقتش اي حاجه عليها 
_: وانا برضو ماما قالتلي انها مرتاحتلهاش ... بس مسمعتهاش 
عمرو : خدت منك كام لحد دلوقتي ي بطل 
_: كتير ... كتير اوي 
 الاتنين ضحكوا جامد 
_: وبعدين 
عمرو : مش عارف ... قولي رقمك ونبقى نشوف هنعمل ايه ... عشان مش عارف افكر في حاجه 
_: شادي 
عمرو : عمرو 
_: هنكلمها عادي بقا ولا ايه 
عمرو : زي م احنا ... لحد م نشوف اخرتها 
روح البيت لقا باباه وأخوه مالك 
عمرو : مالك ؟ جيت امتى 
مالك : لسه دلوقتي ... عامل ايه 
عمرو : عامل ايه ؟ م بلاش 
حامد : في ايه ؟ 
عمرو : مفيش ... بس متضايق شويه 
حامد : من ايه ؟ 
عمرو : من الشغل عادي 
مالك : لاء اجمد كده  
حامد : انت كنت فين صحيح 
عمرو : كان عندي مقابله 
حامد : عامل ايه مع عائشه 
عمرو : عايزين نتطلق ... مش قادرين نكمل  
مالك : انتوا لسه متجوزين
حامد : هو لعب عيال ... ولا لسه عايز اللي اسمها بسنت دي 
عمرو : أنا مش عايز حد ... أنا عايز تسيبوني في حالي 
سابهم وطلع اوضته ... حس بكبت جواه فكسر كل حاجه قابلته ... أما عائشه فكانت قاعده مع اختها 
ساره : وبعدين 
عائشه : هنتطلق قريب 
ساره : مقدرتيش تخليه يحبك 
عائشه : لسه مجاتش الفرصه 
ساره : وهتيجي امتى ... بعد م تتطلقوا
عائشه : لاء ... بس قريب ... المهم ... انتي ومالك عاملين ايه 
ساره : احسن منك 
عائشه : ي ستي ماشي 
ساره : أنا ومالك غيركوا ... احنا بنحب بعض من زمان اصلا فالمشاكل بينا قليله 
عائشه : عقبالي ... يلا ارتاحي انتي وانا هدخل اكمل مذاكره 
خرجت ونزلت المكتب عند عمها 
حامد : تعالي 
عائشه : فين مالك 
حامد : طلع لصباح وكوثر 
عائشه : طب عملت ايه 
حامد : كله تمام ... لسه قافل مع شادي 
عائشه : عرف 
حامد : بس محبش يبين ... عشان مشمتش فيه 
عائشه : طب شادي ده مقالش هيعملوا ايه 
حامد : قاله هنكمل معاها لحد م نشوف هنعمل ايه 
عائشه : يا ترى بيفكر في ايه 
حامد : اي حاجه منه متوقعها 
عائشه : هطلع اشوفه 
حامد : عائشه
عائشه : نعم 
حامد : حاولي تقربيه منك 
عائشه : تفتكر ممكن يحبني 
حامد : ممكن 
ابتسمت وطلعت الاوضه لقته قاعد على السرير ورأسه بين ايديه 
عائشه : ايه ده ... الاوضه مالها ؟ 
بصلها وقال : خلي حد ييجي يرتبها 
عائشه : انت اللي عملت كده ؟ 
عمرو : عندك مانع ؟ 
عائشه : م تولع وانا مالي 
خرج وسابها ... نزلت ودخلت المطبخ 
عائشه : ممكن ي مريم تيجي ترتيب معايا الاوضه 
مريم : طبعا ... جايه اهو 
عائشه : اومال فين طنط تهاني 
مريم : طنط صباح عايزاها في حاجه 
طلعوا ورتبوا الأوضه وخلصوها بعد ساعه تقريبا 
الساعه ٤ الفجر رجع وطلع اوضته ... لاقاها نايمه قرب منها وصحاها ... قامت مفزوعه 
عائشه : أنت كويس 
عمرو : أنا مش كويس ... أنا مش عارف ليه عملت فيا كده 
عائشه : هيا مين ؟ 
عمرو : بسنت ... كنت مستعد اعملها اي حاجه ... ليه 
عائشه : هو انت شارب ؟ 
عمرو : قوليلي ليه في طبعكوا الخيانه
عائشه : متجمعش ... أنا مش زيها 
عمرو : صح ... انتي احلى 
قرب اكتر وقال : هو انتي حلوه كده ليه 
عائشه : عايز ايه ابعد 
عمرو : أنا عايزك ... قربي متبعديش 
عائشه : بقولك ايه انت مش في وعيك ... ابعد عني
قرب و........
يتبع 
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
قرب اكتر وقال : هو انتي حلوه كده ليه 
عائشه : عايز ايه ابعد 
عمرو : أنا عايزك قربي متبعديش 
عائشه : بقولك ايه انت مش في وعيك ... ابعد عني 
قرب و حاول يبوسها ... زقته معرفتش فمسكت الكوبايه اللي جنبها وضربته على دماغه فوقع على الأرض وهيا كانت مرعوبه ... معرفتش تعمل ايه ... خرجت من الأوضه وراحت اوضة عمها وخبطت ... فتح وكان لسه صاحي من نومه 
حامد : في ايه مالك ... مخضوضه كده ليه 
عائشه : عمرو 
حامد : ماله ... في حاجه حصلت 
عائشه : كان .. كان جاي سكران وحاول يقرب مني بس ... بس ضربته بالكوبايه على دماغه وخايفه عليه 
مشي معاها ودخل لاقاه واقع ع الأرض ... نزل يقيس نبضه بايده وقالها : كويس متقلقيش ...هو نايم بس من تأثير القرف اللي شربه 
عائشه : الحمد لله 
حامد : لو سيبتيه يقرب منك ممكن تربطيه بيكي ومتتطلقوش 
عائشه : مش بالطريقه دي 
حامد : انتى حره ... تعالي اسنديه معايا عشان مش هقدر أشيل الجته دي لوحدي 
حاولوا يشيلوه وحطوه ع السرير 
حامد : لما يفوق شوفيه هيقول ايه وعرفيني 
عائشه : تمام 
حامد : لسه برضو مش عايزاني أقوله انك بتحبيه 
عائشه : لاء ... اوعي بجد ... كده كده هو قرب يسيب بسنت لما انا لفت انتباهه امبارح ... وقتها مفيش حاجه تربطني بيه غير قرابتنا بس ... وأظن كده أنا عملت اللي عليا 
حامد : لسه في وقت ... حاولي بطريقتك 
عائشه : إن شاء الله 
حامد : يلا تصبحي على خير 
عائشه : وانت من أهله 
لقت الساعه داخله على ٥ ... صلت الفجر وذاكرت شويه في البلكونه لحد م النهار طلع ... غيرت هدومها ونزلت جامعتها بدري عن عادتها 
أما هو فصحي الضهر ودماغه كانت بتوجعه ومش فاكر اللي حصل بالليل ... غير هدومه ونزل  ... جاي يخرج من البيت باباه ناداله 
عمرو : في حاجه ي بابا 
حامد : انت هتفضل كده لأمتى 
عمرو : مش فاهم تقصد ايه 
حامد : طبعا م أنت مش فاكر اللي هببته امبارح 
عمرو : أنا عملت ايه عشان مش فاكر 
حامد : راجع البيت الفجر سكران ... ده اللي ربيتك عليه ... عايز تنسى ايه ي اخويا ... ايه اللي وجعك اوي كده 
عمرو : حاجه خاصه 
حامد : خاصه ؟ وده من امتى ... فاكرني مش عارف أن بسنت طلعت بتستغلك زي م قولتلك 
عمرو : انت مين اللي قالك ؟ 
حامد : أنا عارف كل حاجه عن ولادي ... أنا مش هشمت فيك واقولك اني حذرتك ... أنا بس عايز اعرف ايه اللي هتعمله معاها
عمرو : دي حاجه خاصه بيا 
حامد : هتفضل غبي لامتى ... بص للي في ايديك قبل م تضيع 
عمرو : تقصد ايه؟
حامد : عائشه اللي بتحبك وبتموت عليك دي ... وانت مش عايز غير بسنت 
عمرو : أنا وعائشه اتجوزنا عشان انت عايز كده 
حامد : وهيا كانت ممكن تقبل بيك لو مش بتحبك ي متخلف 
عمرو : بس هيا بتحب واحد تاني 
حامد : زميلها ... مين قالك أنها بتحبه ... لتكون فاكر أنها هتيجي تقولك أنها بتحبك كده عادي 
عمرو : عايز توصلي ايه ؟
حامد : اللي فهمته 
جاي يمشي ناداله 
عمرو : نعم 
حامد : متتأخرش عشان عمتك وبناتها جايين انهارده 
عمرو : حاضر 
عند عائشه كانت قاعده في الكافتيريا مع صحابها مستنيين المحاضره اللي بعدها وفونها رن 
اسلام : ايه يبنتي فينك 
عائشه : موجوده 
اسلام : ايه الاخبار ؟ 
عائشه : زي م هيا عادي 
اسلام : مبقتيش ترني ليه طيب 
عائشه : اتفاق م بينا ... محدش يجرح مشاعر التاني 
اسلام : يعني مبقتيش محتاجاني 
عائشه : أنا بعتبرك صاحبي بجد ... حتى لو محتاجه منك حاجه 
اسلام : وده شرف ليا 
عائشه : يلا باي عشان عندي محاضره 
قفلت معاه ودخلوا محاضرة دكتور ساجد أما عمرو فكلم بسنت 
عمرو : عايز اشوفك 
بسنت : اوكي ي حبيبي هقابلك انهارده 
عمرو : دلوقتي ... محضرلك مفاجأه هتعجبك 
بسنت : بجد 
عمرو : اه والله اجيلك فين 
بسنت : أنا في الشغل 
عمرو : تمام ١٠ دقايق وهكون عندك 
بسنت : اوكي ... مسيو 
عمرو : مسيو تو 
قفل معاها ورن على شادي 
شادي : صباح الخير
عمرو : انهارده هننهي كل حاجه 
شادي : فهمني 
عمرو : عايزك تعرض عليها الجواز ... قولها لو وافقتي هكتبلك شاليه في دهب وهحطلك مبلغ في البنك 
شادي : وبعدين 
عمرو : هتمضيها على وصل بكل الفلوس اللي خدتها منك 
شادي : وبعدين 
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
عمرو : هنذلها شويه لحد م ترجع اللي خدته ... عشان تحرم 
شادي : تمام هكلمها واقابلها 
عمرو : حلو ... سلام 
قفل معاه ولما وصل لقاها مستنياه 
بسنت : ايه ده انت جبت عربيه جديده ولا ايه ؟ 
عمرو : عجبتك 
بسنت : دي تحفه 
عمرو : دي بتاعتك ي قلبي 
بسنت : اكيد بتهزر ... انت جبتلي دي 
عمرو : ايوه ي حبيبتي طبعا مش كان نفسك فيها 
بسنت : عااااااااا .... مش مصدقه ... توحفههههه 
عمرو : مش عايزه تجربيها 
بسنت : اكيد عايزه طبعا ... بس بجد بتتكلم ... ولا بتضحك عليا
عمرو : انتي عارفه انا بحبك قد ايه ... وانتي استحملتي معايا حاجات كتير ... ودي اقل حاجه ممكن اعملهالك 
بسنت : بحبك بحبك بحباااااااك 
عمرو : يلا تعالي جربي اقعدي مكاني 
بسنت : أنا مش بعرف اسوق 
عمرو : أعلمك ي حبيبتي ايه المشكله 
بسنت : بتتكلم جد 
عمرو : يلا!
بسنت : يلا طبعا 
ركبت وهو حاول يعلمها شويه وهيا كانت طايره 
عمرو : استني بقا نقعد في كافيه شويه 
بسنت : أنا هبات فيها اصلا مش هنزل منها 
عمرو : انتي هتفضلي راكناها اصلا كام يوم لحد م تتعلمي السواقه كويس 
بسنت : م أنت علمتني شويه 
عمرو : شويه ... لكن لازم تكوني حريفه 
بسنت : هحاول اخد كورسات واتعلمها بسرعه 
عمرو : تمام 
نزلوا وقعدوا في كافيه وهو مدلها ايده بالمفتاح ... جت تاخده سحبه وقالها : لسه مبقتش بتاعتك 
بسنت واختفت ابتسامتها : قصدك ايه ؟
عمرو : هتمضي ع الورق ده عشان تكون ملكك 
بسنت : بس كده ... حاضر من عنيا 
اخدت القلم منه ومضت على الورق واخدت المفتاح 
عمرو : مبروك ي حبيبتي 
بسنت : شكرا جدا بجد ... انت متعرفش فرحتني قد ايه 
عمرو : تتجوزيني ؟!!
بسنت : اتجوزك ... انت مش قولت بعد سنه 
عمرو : أنا وعائشه خلاص قربنا نتطلق 
بسنت : بجد ... أنا موافقه طبعا بس هقول لبابا 
عمرو : تمام 
وصلها البيت ولما اتكدت أنه مشي خرجت وراحت لشادي 
شادي : وحشتيني 
بسنت : وانت كمان وحشتني اوي 
شادي : محضرلك مفاجأة هتعجبك 
بسنت : والله ؟ 
شادي : خدي شوفي الصور دي 
خدت الفون وشافت صور لشاليه تحفه 
بسنت : حلو اوي 
شادي : ده اللي هنسكن فيه ... هكتبه باسمك بعد م نتجوز 
اختفت ابتسامتها تدريجيا وقالت : بعد م نتجوز 
شادي : اه ي حبيبتي ... اصل انا هعرض عليكي الجواز 
فتح علبه فيها خاتم الماظ 
شادي : جبتلك اغلى خاتم في المحل كله ... عشان انتي اغلى حاجه عندي 
بسنت : شكله تحفه ... بس 
شادي : بس ايه 
بسنت : لسه هقول لبابا 
شادي : اه طبعا ي حبيبتي 
لبسها الخاتم وهيا كانت فرحانه وقلقانه 
شادي : بما انك وافقتي فأنا هكتبلك الشاليه باسمك ... وكمان عملتلك حساب وحطيتلك في مبلغ تمشي بيه حالك ... عشان لو احتاجتي في أي وقت وانا مش موجود 
بسنت : أنا مش عارفه اقولك ايه والله 
شادي : متقوليش حاجه انتي متعرفيش انتي غاليه عندي ازاي ... من ساعة م شوفتك وانا قولت هيا دي اللي هتكمل معايا ... وده يا ستي ورق امضي عليه ... ده موافقه على حسابك اللي عملتهولك في البنك ... وإن شاء الله اول م نكتب الكتاب هكتبلك الشاليه باسمك 
ابتسمت ومضت 
بعد م عمرو وصل بسنت راح لعائشه الجامعه واستناها بره ... رن عليها لما اتأخرت بس مردتش فقرر ينزلها أما هيا فخلصت الكويز اللي الدكتور حطه وخرجت بس الدكتور نادالها
ساجد : فين اسمك ؟ 
عائشه : اه سوري 
اخدت الورقه وكتبت اسمها
ساجد : اتمنى تكوني حاله كويس 
عائشه : إن شاء الله 
خرجت وعمرو شافها فراح عليها لقا حد بيناديلها 
عائشه : في حاجه تانيه ي دكتور 
ساجد : فونك ... نسيتيه 
عائشه : اه ... شكرا 
مشي وعمرو قرب وقال : عائشه 
عائشه : عمرو ... ايه اللي جابك ؟
عمرو : كنت قريب منك قولت اعدي عليكي 
عائشه : تمام ... أنا خلصت 
عمرو : مين اللي كان واقف معاكي ده ؟
عائشه : ده الدوك ... كان بيديني الفون عشان نسيته 
عمرو : طيب ... يلا عشان عمتو جايه 
عائشه : ليه ؟
عمرو : هو ايه اللي ليه ؟
عائشه : مبحبش عيالها أنا 
عمرو : عشان انتي دبش زيهم 
عائشه : خد بالك دي مش اول مره تجرحني 
عمرو : آسف ... يلا ! 
روحوا البيت ودخلوا الجنينه 
عمرو : هو أنا امبارح لما رجعت .... قولت حاجه او كده ؟
عائشه : زي ايه ؟
عمرو : اي حاجه 
عائشه : قعدت تتكلم عن بسنت كلام مش مفهوم 
عمرو : قولت ايه 
عائشه : قولت ليه عملت فيا كده ... الا صحيح هيا عملت ايه؟ 
عمرو : مفيش ... متشغليش بالك 
عائشه : بس انت شبهتني بيها 
عمرو : أنا مش فاكر حاجه اصلا ... بس المهم نفضل زي م احنا ... انتي عارفه ان كده كده هنتطلق 
عائشه : اه طبعا ... اصلا قولت لعمو امبارح 
عمرو : حلو ... احنا اصلا مش مناسبين لبعض
عائشه : انت هتتجوز بسنت ؟
عمرو : اظن دي حاجه متخصكيش 
عائشه : ميهمنيش فعلا ... اهم حاجه متقربش مني لأي سبب 
عمرو : وانا امتى قربت منك اصلا 
عائشه : هاا لاء مفيش ... بتكلم عموما 
كانت في واحده واقفه بتتصنت عليهم وقالت في نفسها : يعني هما عايشين زي الاخوات ... حلو اوي 
_: بتعملي ايه هنا ي سلمى 
يتبع......
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
ساره : بتعملي ايه هنا ي سلمي 
اتخضت وبصت وراها : اا... كنت ... كنت خارجه بره 
ساره : بس انتي واقفه ...في حاجه ؟ 
سلمى : لاء مفيش 
ساره : ايه ده عائشه وعمرو جم 
سلمى : اه منا لسه شايفهم ... اا شكل ماما بتنادي هروح اشوفها 
مشيت وساره طلعتلهم 
ساره : كويس انكوا جيتوا بدري 
عائشه : اه م عمتك جت بقا ... هدخل اسلم عليها هيا وبناتها 
دخلت وهيا قالت : وانت مش هتدخل 
عمرو : اوف بجد ... داخل 
دخلوا سلموا عليهم وعمرو استأذن وعائشه قعدت معاهم ... كانوا كلهم في المطبخ بيحضروا الغدا مع مريم وطنط تهاني 
سلمي كانت بتتودد مع اختها بصوت واطي : مش هتصدقي عرفت ايه ؟ 
ناريمان : ايه ؟ 
سلمى : عمرو وعائشه متجوزوش 
ناريمان : ازاي 
سلمى : سمعتهم ... متجوزين ع الورق بس ... هو بيحب واحده تانيه اسمها بسنت 
ناريمان : يعني عمرو مش بيحبها ؟ 
سلمى : تؤ ... ولا قرب منها لحد دلوقتي 
ناريمان : حلو ده ... شوفي اللي هعمله بقا 
صباح : اطلعي غيري هدومك يا عائشه على م الغدا
عائشه : حاضر 
ومشيت
صباح : هيا قالت حاضر ولا أنا بيتهيألي 
ضحكت نادية ( عمة عائشه ): لاء زي م سمعتي 
صباح : يارب اهدي كمان وكمان 
ناريمان : صحيح يا طنط صباح مبروك 
صباح : على ايه يا حبيبتي 
ناريمان : على حمل عائشه ... سمعت انها حامل 
صباح : بتتكلمي جد ... سمعتي فين ؟ 
ناريمان : سلمى سمعتها بتتكلم مع عمرو اول م جت من برا 
كوثر : ده  ي ألف نهار مبروك 
زغرطت صباح والباقي باركولها 
طلعت ودخلت الاوضه لقت عمرو بيلبس الكوتشي 
عائشه : رايح فين ؟ 
عمرو : عندي شغل 
عائشه : اومال انت لسه جاي منين 
عمرو : كنت في مشوار 
عائشه : طب عمتو هنا 
عمرو : ولما اقعد هعملهم ايه يعني مش فاهم ... انتي مش كنتي قاعده معاهم!
عائشه : اه مهي ماما قالتلي اطلعي غيري هدومك ... والله الواحد ملوش الا امه 
عمرو : كل مره بسال نفسي ليه مش بنحبهم 
عائشه : عشان هما دبش زيي 
عمرو : قلبك اسود 
عائشه : انت اللي بتحدف طوب 
عمرو : علفكره مش ببقى قاصد ... انتي عارفه غلاوتك 
عائشه : اه طبعا طبعا 
عمرو : لو عوزتي حاجه رني عليا 
نزل ولقاهم فرحانين وبيزقططوا 
عمرو : مش عايز اقطع الفرحه دي 
صباح : تعالى ي حبيبي ... مليون مبروك 
عمرو : على ايه ؟ 
صباح : مش ناويين تعرفونا ولا ايه ؟ 
عمرو : نعرفك ايه بس فهميني 
كوثر : على حمل عائشه ي عمرو ... مش هيا حامل 
اتصدم من كلامها وصباح قالت : شكلكوا كنتوا عايزين تعملوها مفاجأه 
بصلها بتوهان وابتسم ابتسامه مزيفه وقال : اه ... اه فعلا ... عن اذنكوا 
سابها وخرج 
ناديه : ماله ده هو مش فرحان ولا ايه ؟ 
كوثر : مش فرحان ايه بس تلاقيه كان عايز يقولنا بطريقه تانيه بس احنا بوظناها 
قالت ناريمان لسلمى : كده شعللت ... سدي ودنك بقا 
سلمى : ده انتي طلعتي شيطان 
أما هو طلع وهو مصدوم وفهم بمزاجه ... دخل الأوضه لقاها بتسرح شعرها 
عمرو : منه صح ... قوليلي ... محترمتيش وجودي 
عائشه : مش فاهمه تقصد ايه ؟ 
عمرو : استغفلتيني ... م انتي كده كده متجوزه فعادي 
عائشه : ممكن توضح كلامك 
زعق وقال بصوت عالي : حامل من مين ؟ هاااا؟ 
عائشه : هيا مين دي اللي حامل ؟ 
عمرو : انتي هتستعبطي ... حامل من مين انطقي ... حامل من الزفت ده مش كده ؟ 
مردتش عليه وكملت تسريح شعرها 
قرب ومسكها من شعرها وقالها : لما اكلمك تردي عليا ... ولو كنتي فاكره انك هتلبسيلي العيل ده تبقي غلطانه 
عائشه : نزل ايدك واتكلم بإسلوب احسن من كده احسنلك 
عمرو : حامل من مين ؟ انطقي 
عائشه : سيبني بقولك 
عمرو : جاوبيني 
عائشه : انت متخلف ... حامل ازاي ومحدش لمسني اساسا 
عمرو : اومال ايه الكلام اللي سمعته تحت ده 
عائشه : كلام ايه 
عمرو : انك حامل 
عائشه : أنت اغبي واحد أنا شوفته في حياتي 
ضربها بالقلم جامد فوقعت ع الأرض وبوقها جاب دم 
عائشه : مش بقولك غبي 
عمرو : أنا غبي فعلا ... غبي اني سمعت كلام ابويا واتجوزتك ... وانتي واحده خاينه ... بس بجد برافو ... حامل وانتي متجوزه وكلهم هيفكروا أن ده ابني أنا 
قامت وقفت وقالت : كمل 
عمرو : عارفه بابا قالي ايه ... قالي بتحبك ... مش عارف ليه مصدقتهوش ... قالي أنه زميلك وانك مش بتحبيه ... بس دلوقتي بقا واضح انك بتحبيه ... وابويا بيضحك عليا 
عائشه : عشان انت غبي .... أنا مش حامل ... أنا لسه زي م أنا محدش لمسني ... ومتخافش بنت عمك مستحيل تعمل كده ... واه اسلام مجرد زميل مش هياخد مكانه اكتر من كده ... اما بالنسبه لاني بحبك ... فخليك متأكد أن دي الحاجه الوحيده اللي عمرها م هتحصل ... ابدا 
قرب عليها وقالها : تعالي معايا ... انزلي قدامي 
عائشه : واخدني على فين سيبني 
جرجرها وراه ونزل وكلهم جريوا عليه وحاولوا يفهموا في ايه بس مردش عليهم 
ركبها جوه العربيه 
صباح : واخد البت على فين 
كوثر : ي ابني استهدى بالله وقولنا في ايه 
ركب عربيته واتحرك 
ناريمان : يا حرام ... صعبانه عليا اوي 
سلمي : أنا خايفه منك بصراحه 
ناريمان : أنا ... ده انا حتى غلبانه 
عملت نفسها بتعيط وراحت لصباح 
ناريمان : أنا مش عارفه هو عمل معاها كده ليه 
صباح : اخدها على فين ؟
ناديه : إن شاء الله يرجعوا بسرعه 
نزلت ساره وسالت : في ايه ؟ 
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
صباح : عمرو خد اختك ومشي ... خدها غصب عنها 
ساره : ازاي ده وليه اصلا 
كوثر : احنا كنا في المطبخ لقيناه نازل بيها وهيا بتصوت وبتقوله سيبني ... حاولنا نفهم فيه ايه معرفناش 
ناديه : ملحقوش يفرحوا بالحمل يعيني 
ساره : حمل ايه ؟ 
ناديه : حمل عائشه 
ساره : مين قال إن عائشه حامل اصلا 
صباح : الاه هيا مش حامل 
ساره : أنا عايزه اعرف مين اللي قال اصلا أنها حامل 
صباح : ناريمان بتقول سلمى سمعتهم 
ساره : وسمعتي ايه ي سلمي ؟
سلمى : اا ... الصبح ... كانوا بيتكلموا فسمعتهم 
ساره : وسمعتي ايه بقا 
سلمى : ان ... أن عائشه حامل 
ساره : متأكده من اللي سمعتيه 
ناريمان : هو تحقيق م قالت اه ... وجت قالتلي 
ساره : متأكده ي سلمى 
سلمى : اه 
ساره : اصل مش عائشه اللي حامل 
صباح : اومال ايه 
ساره : أنا يا ماما بس حمل كاذب 
صباح : جت الحزينه تفرح 
كوثر : هدي نفسك يختي لاحسن ضغطك يعلي 
أما هو فوصل قدام مستشفى 
نزل وسحبها وراه 
عائشه : وربنا لادفعك تمن المرمطه دي غالي اوي 
تجاهلها ودخل عند دكتوره 
عمرو : عايزك تكشفي على اللي في بطنها 
الدكتوره : تمام ... ممكن تتفضلي هنا 
راحت نامت ع الشيزلونج وبدأت الدكتوره تكشف وهو واقف 
الدكتوره : انتوا متأكدين من حملها 
عائشه مردتش فقال : مش عارف 
الدكتوره : أصلها لسه بنت اصلا 
عمرو : ب ... بنت 
الدكتوره : ايوه 
عائشه : لاء يدكتور شوفي كويس ... ولو مفيش قولي فيه عادي 
بصتلها الدكتوره باستغراب وهو قالها : طب يلا ي عائشه 
عائشه : مش هتحرك من هنا 
عمرو : يلا يا عائشه 
عائشه : أنا جيت معاك بمزاجي ... بس مش همشي 
الدكتوره : هو في مشكله ؟ 
عائشه : اه في ... أنا مش همشي معاه 
عمرو : مفيش مشكله أنا جوزها اساسا 
عائشه : هه 
عمرو : يلا! 
مردتش فشالها وخرج وقال : شكرا ي دكتوره 
وهيا رفصت برجلها 
عائشه  : نزلني احسنلك 
مردش فصوتت وقالت : الحقوني ... خاطفني 
لقا الأمن جاي وكذا واحد من المستشفى 
الأمن : نزلها 
عمرو : أنا جوزها علفكره 
عائشه : كداب أنا معرفهوش 
الأمن : نزلها واتفضل معانا 
عمرو : اتفضل فين 
الأمن : ع القسم ... هناك هنعرف كل حاجه 
واحد من اللي واقفين : نزلها ي بني ادم واحترم نفسك ... هيا هتتبلى عليك ليه 
نزلها وقال : والله العظيم مراتي 
بصلها وقال : بطلي سخافه وقوليلهم انك مراتي 
عائشه : أنا معرفهوش اصلا ... هو أنا ممكن امشي؟
الأمن : اه طبعا هنخلي حد يوصلك كمان مكان م تحبي 
عمرو : والله العظيم كمان مره مراتي ... انتي هتسيبيني وتمشي!
بصتله بغضب ومشيت أما هو فراح ع القسم 
رجعت ع البيت ودخلت لقتهم متجمعين في الصاله 
جريت صباح عليها وقالتلها : انتي كويسه ي حبيبتي ... خدك فين وفي ايه ؟
عائشه : أنا كويسه ي ماما 
علت صوتها لكل الموجودين وقالت : أنا عايزه اعرف مين اللي قالت اني حامل 
ساره : ناريمان وسلمى 
بصتلهم وقالت : انتوا ؟ كنت متوقعه أن الحركه دي متتطلعش الا من جرابيع وحرابيق 
ناريمان : تقصدي ايه ي اسمك ايه انتي ؟... م تتلمي شويه 
بصتلها بغضب وتحدي ولما شعرها وراحت جابتها مش شعرها وضربتها والباقي كانوا بيحاولوا يحوشوها 
عائشه : سيبوني اربيها بما انها متربتش 
ناريمان : روحي شوفي نفسك الأول ... ليه حق عمرو يطفش منك 
عائشه : خليكي حاطه عينك عليه ... برضو مش هيكون ليكي ... موتي بغيظك كده 
ناديه : ايه قلة الذوق بتاعتكوا انتوا الاتنين دي ... دي تصرفات بنات عاقله!
صباح : ولا احترام لينا 
سابتهم وطلعت اوضتها وساره طلعت وراها 
ساره : ممكن تفهميني ايه اللي حصل ؟
عائشه : المتخلفه دي بتقول اني حامل ... وهو مقربش مني ولا مره ... تخيلي لما واحد يعرف أن مراته اللي ملمسهاش قبل كده حامل ممكن يعمل ايه ؟
ساره : طب انتي اتكلمتي معاه ايه ساعة م رجعتوا من بره ؟
عائشه : كان بيقولي هنتطلق قريب ... يمكن يتجوز بسنت بتاعته دي 
ساره : هو فين ؟ 
عائشه : في السجن 
ساره : نعم 
عائشه : عشان يبقى يمد أيده عليا تاني 
ساره : انتي بتهزري ولا بتتكلمي بجد 
عائشه : والله بتكلم جد 
ساره : طب ليه ؟
عائشه : ابقوا اسالوه ... أنا عايزه انام لحد م اللي تحت دول يمشوا 
ساره : مش هيمشوا انهارده 
عائشه : اه م هي ناقصه 
ساره : أنا هرن على مالك وعمو اعرفهم اللي حصل 
عائشه : براحتك ... اتفضلي بقا عايزه اتخمد 
خرجت ساره وهيا رنت على حامد 
عائشه : عمرو في السجن ... ومحدش يطلب مني اروح أخرجه عشان مش هقبل
حامد : انتي بتقولي ايه انا مش فاهم حاجه 
عائشه : حوار حصل 
حامد : ايه اللي حصل قولي 
حكيتله كل اللي حصل وهو قال : أنا جاي ونشوف الحوار ده وننهيه عشان المهزله دي 
عائشه : تمام 
يتبع......
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
عمرو : عايزني اعمل ايه لما اسمع انها حامل ومستحيل يكون مني ... أخدها بالحضن مثلا 
حامد : بس تصرفك كان غلط ... يعني ايه تاخدها تخلي الدكتوره تكشف عليها
عمرو : ده الطبيعي لما اعرف انها حامل وبعدين عجبك اللي عملته ... أنا عايز أخرج من هنا
حامد : هيا مش راضيه تيجي 
عمرو : قسيمة الجواز معاك 
حامد : اه بس لازم هيا اللي تيجي بنفسها 
عمرو : أنا هخرج بيها أو من غيرها 
حامد : هما مش هيسبوك تمشي غير لما هيا تقول انك جوزها 
الباب خبط وهيا دخلت 
عمرو : شرفت اهي 
عائشه : أنا مش جايه عشانك ... أنا جايه عشان ماما وطنط كوثر قعدوا يزنوا عليا بس اطلعك 
عمرو : لاء تكرمتي اوي 
حامد : كويس انك جيتي ي عائشه ... الظابط جاي كمان شويه والناس اللي كانوا موجودين الصبح بره هيتعرفوا عليكي 
عائشه : هما شافوني اساسا 
دخل الظابط والأمن أكدوا أنها نفس البنت وجايين يمشوا الظابط وقفهم
حامد : في حاجه تانيه ي حضرة الظابط
الظابط : المدام مقبوض عليها 
عائشه : نعممم ... ليه ؟ 
الظابط : بلاغ كاذب 
عمرو : هه كما تدين 
عائشه : بس انا مكذبتش هو فعلا واخدني غصب عني 
الظابط : بس ده جوزك ومفيش واحد بيخطف مراته 
عمرو : قولّها 
حامد : طب والعمل هيا مكانتش تقصد بلاغ كاذب دي 
الظابط : أنا هقفل المحضر بس ياريت متتكررش عشان مش هقدر افيدكوا بحاجه تانيه 
حامد : كتر خيرك يا حضرة الظابط 
مشيوا ووصلوا البيت وعائشه اول م وصلت طلعت اوضتها القديمه من غير م تكلم حد 
صباح : مالها دي في ايه 
عمرو : فكك منها ... أنا جعان 
صباح : تعالي كل ي حبيبي محضرالك الاكل بتاعك 
ساره : بس في ضيفه مستنياك 
عمرو : مين ؟ 
ساره : بسنت ... لما رنت عليك ومردتش رنت ع البيت 
بصت لناريمان وقالت : والست ناريمان قالتلها انك محبوس 
عمرو : هيا فين ؟ 
ساره : في اوضة الضيوف 
دخلها وهيا اول م شافته جريت عليه حضنته 
عمرو : انتي ايه اللي جابك ؟ 
بسنت : قلقت عليك جدا ولما قالولي انك محبوس مقدرتش امسك نفسي ومجيش 
عمرو : مكانش في داعي 
بسنت : مكنتش هعرف ارتاح ... حمد الله على سلامتك 
عمرو : الله يسلمك 
بسنت : انت عملت ايه عشان يدخلوك السجن ؟
عمرو : حوار تافه متشغليش بالك بيه 
كانت صباح وكوثر وناديه في المطبخ وناريمان وسلمى وساره بره في الصاله 
ناريمان : هيا هتفضل قاعدالنا كده زي العمل الرزي 
سلمى : عايزه ايه تاني 
ناريمان : كنت عايزه اولعها شويه 
سلمى : م تتهدي بقا 
عائشه نزلت وسألت ساره : فين عمو ؟ 
ساره : في مكتبه مع مالك 
دخلت المكتب وقالت : عايزه انهي كل حاجه 
حامد : في حاجه حصلت تاني ولا ايه 
عائشه : لاء بس انا تعبت ... وهو مش حاسس بحد وانا خلاص عملت اللي عليا واظن أنه ممكن ميشوفش بسنت دي تاني 
مالك : بسنت دي اللي معاه دلوقتي 
عائشه : معاه دلوقتي ؟ 
مالك : اه بره 
عائشه : شكله مبيتعظش ... عملنا كل حاجه ممكن تلمحله وهو ولا هنا ... بس انا منسحبه 
حامد : مينفعش في نص الطريق نقول منسحبين ... انتي وافقتي من الأول وخلاص 
مالك : هو في ايه ؟ 
حامد : متشغلش بالك انت ... وانتي اعقلي 
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
عائشه : طب أنا فشلت ... ومن ساعة م اتجوزته وانا متمرمطه ... واخر مره من شويه 
حامد : كنتي مفكره ايه ... هتعيشوا في تبات ونبات 
عائشه : لاء بس مكنتش متخيله كده برضو 
حامد : اسبوع يعدي ونشوف الحوار ده وانا هتكلم معاه ... خليه ييجي
عائشه : تمام لما نشوف اخرتها 
عند عمرو 
بسنت : هيا سنه زي م كنا متفقين ... علشان بابا ... انت عارف أنه لوحده ومش هقدر اسيبه
مردش عليها وقام وقف عند الشباك 
قامت وراه وحضنته من ضهره وقالت : انت عارف انا بحبك قد ايه وعارف اني مقدرش ازعلك صح ؟ 
دخلت عائشه وشافتهم ... لف لقاها واقفه 
عائشه : ا....كلم عمو عايزك 
قالت كلامها ومشيت 
عمرو : عاجبك كده 
سابها وخرج 
عمرو : فين عائشه يا ساره ؟
ساره : في اوضتها 
طلع عمرو وفتح اوضتهم بس ملاقهاش ... دور عليها في الحمام بس مكانتش موجوده ... لقا نور اوضتها القديمه شغال فراح وخبط ودخل ... كانت واقفه في البلكونه ومسمعتش الباب ... دخل وقف جنبها 
عمرو : هو انتي بتعيطي!؟ 
بصتله ومسحت عينيها وقالت : لاء واعيط ليه ... كنت سرحانه بس 
عمرو : سيبتي اوضتك ليه ؟
عائشه : عشان زهقت من المشاكل ... عايزه هدوء على م الشهر يخلص 
عمرو : ارجعي وانا مش هضايقك
عائشه : أنا مرتاحه هنا 
عمرو : أنا آسف 
عائشه : ليه ؟ 
عمرو : على كل حاجه 
عائشه : ياريت الاسف كان بيصلح كل حاجه ... ياريت 
عمرو : كل مره بنتخانق فيها ببقى عايز نصفي الخلافات دي 
عائشه : كلها اسبوعين وهتنتهي ... لما نتطلق 
عمرو : انتي عايزاني اطلقك ؟
عائشه : هتفرق مثلا ... احنا متجوزين كأننا مش متجوزين ... معتقدش هتفرق 
عمرو : معاكي حق 
عائشه : اصلا انت بتحب واحده تانيه ... فهتكون معايا أنا ليه 
عمرو : وانتي مبتحبيش 
عائشه : بحب ... بحب احلى واحد في الدنيا دي كلها ... بس هو بيحب واحده تانيه 
عمرو : مين ده ؟ 
عائشه : قولتلك احلى واحد في الدنيا 
عمرو : اعرفه ؟ 
عائشه : معرفش ... أنا نفسي ساعات بحس اني معرفهوش 
عمرو : بتتكلمي الغاز كده ليه 
عائشه : مش الغاز لاء ... كلام أنا بس اللي فاهماه ... فكك ... عمو كان عايزك 
عمرو : تمام هنزل اشوفه 
عدى اسبوع 
شادي : أنا سايبك تفكري بقالك اسبوع ... قولتي لباباكي؟ 
بسنت : انت عارف اني موافقه بس بابا معترض على اني اسيبه ... فلسه بحاول اقنعه 
شادي : هتردي عليا امتى ؟
بسنت : اول م بابا يوافق 
شادي : طب سيبيني أكلمه أنا وأقنعه 
بسنت : لاء ... قصدي يعني عشان ميحسش بضغط وكده ... أنا هفهمه واحده واحده 
شادي : مش لابسه الخاتم ليه ؟
بسنت : هلبسه بس مش بلبسه قدام بابا ... علشان ميسألنيش عليه 
شادي : ماشي ي بسنت 
في كلية عائشه 
خلصت محاضرتها وكالعاده قاعده مع اصحابها 
عائشه : المحاضره الجايه لمين ؟
مريم : دكتور ساجد 
عائشه : أنا مش هكمل اليوم ... حاسه اني تعبانه 
ملك : طب استأذني 
عائشه : لازم ؟ 
ملك : عشان يكون عارف وكمان عشان مينقصكيش كتير 
عائشه : طيب ... يلا باي هتوحشوني 
راحت مكتب دكتور ساجد وخبطت ودخلت لما سمعته بيقول اتفضل 
ساجد : في حاجه يا عائشه 
عائشه : كنت بس عايزه استأذن من محاضرة حضرتك م هقدر أحضرها 
ساجد : ليه ؟ 
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
عائشه : حاسه اني تعبانه شويه وعايزه اروح 
ساجد : الف سلامه بس المحاضره مهمه 
عائشه : هخلي حد من صحابي يبعتها 
ساجد : تمام براحتك 
عائشه : عن اذنك 
ساجد : عائشه 
عائشه : نعم 
ساجد : كنت حابب اتكلم معاكي في موضوع 
عائشه : اتفضل 
ساجد : انتي مخطوبه 
عائشه : لاء بس متجوزه ليه؟
ساجد : متجوزه!!!! 
عائشه : اه 
ساجد : تمام ربنا يوفقك 
عائشه : عن اذنك 
مشيت وروحت البيت لقت حامد مع عمرو وطالبها
حامد : اهي عائشه جت 
عائشه : في ايه ؟ 
عمرو : في اني فهمت كل حاجه 
عائشه : كل حاجه ايه 
حامد : ليه اتجوزتيه 
عمرو : اخدت منك اكبر درس 
حامد : احنا كنا بنعرفك حقيقة اللي عايز تضيع نفسك عشانها 
عمرو : بانكوا تضحكوا عليا ... مثلت تعبك وخلتني اطلب منها تتجوزني وتمثل عليا ... كل شويه خناقات بينا ... دي كمان تمثيل منها 
عائشه : أنا ممثلتش ... أنا عملت اللي عمو طلبوا مني ... لما بعتلها شادي واستجابت معاه ... وقتها عرفت انها بتضحك عليك 
عمرو : هو شادي من ضمن اللعبه كمان ؟ يعني ده فخ منكوا ليها 
حامد : مش فخ ... هيا اللي طماعه 
عمرو : انتوا لا يمكن تكونوا اهلي ... مش عارف ازاي لعبتوها كده ... مش قادر اصدق ان كل ده تمثيل ... كل ده عشان تخلوني ابعد عنها ... وهل أنا دلوقتي مبسوط؟؟؟ أنا أتعس واحد في الدنيا دي ... أنا مش هبعد عنها أنا هتجوزها ... عندًا فيكوا ... انت اكيد مش ابويا ... بتعاملني ليه على اني واحد صغير ... بتتفق عليا ... وانتي ... للدرجادي أنا مش فارق معاكي ... بتمثلي عليا ... وحطالي شروط ... وسترونج اندبندبنت وومن ومطلعاني وحش ... وقولي بتحبك ... كل ده تمثيل ... وياترى بقا اسلام ده كمان تمثيل ... وحوار حملك كمان 
عائشه : كل حاجه صدفه ... ممثلتش عليك حاجه ... فاكر لما قولتلك بحب احلى واحد في الدنيا وهو بيحب واحده تانيه ... مكنتش بمثل ... انت اللي انا حبيته من زمان ... وافقت اتجوزك عشان بحبك ... ومكنتش عايزه اشوف واحده بتضحك عليك واقف ساكته 
عمرو : انتي انانيه ... مش بتفكري الا في نفسك وبس ... مهمكيش إذا كنت هكون مبسوط معاكي ولا لاء ... طول عمرك حاطه مناخيرك في السما وبس ... ودايما بتطلعيني غلطان ... واللي يدوسلك على طرف تدوسي عليه بالجزمه ... انتي وحشه اوي ... ولو فاكره أن في حد هيحبك بالمنظر ده تبقي غلطانه أنا بجد بكرهك ... انتي طالق 
سابهم وخرج وهيا قالت : هو ... هو طلقني
حامد : أنا السبب أنا آسف ... أنا عشمتك 
عائشه : أنا ... أنا فكرت أنه ... ممكن يحبني ... ونكون حلوين مع بعض ... هو أنا عملت ايه ... أنا معملتلهوش حاجه 
حامد : هتتصلح والله بس اهدي 
عائشه : متتضحكش عليا اكتر من كده ... قولي اني بغبائي ضيعته ... قولي أنه محبنيش ... قولي أنه بيكرهني 
خرج وكلم شادي قابله 
عمرو : هتكلم بسنت دلوقتي تقولها انك هتخرج من حياتها 
شادي : ليه ؟ 
عمرو : انا عرفت اللعبه الو'سخه اللي دخلتها مع ابويا 
شادي : أنا عملت اللي اتطلب مني بس 
عمرو : العيب مش عليك ... المهم تخرج من حياة بسنت 
شادي : متأكد 
عمرو : اه ... هتكلمها حالا وتقولها انك مش عايزها في حياتك تاني وانك مسافر ومش راجع 
شادي : تمام براحتك 
رن عليها وخلع بشياكه ... كان الحوار بالنسبالها عادي ومتأثرتش وعمرو طلب يقابلها 
بسنت : في حاجه مهمه ؟ 
عمرو : عملتي ايه مع ابوكي 
بسنت : قولتله ووافق بس مش دلوقتي
عمرو : حلو كتب الكتاب يوم الخميس 
بسنت : الخميس اللي بعد ٣ أيام ده 
عمرو : اه عندك مشكله 
بسنت : مش شايف أنه بسرعه وبابا كمان... وبعدين عائشه
عمرو : طلقتها ... ومش بسرعه لاء ... قولتي ايه ؟
بسنت : معنديش مشكله هحاول تاني مع بابا وإن شاء الله يوافق 
روح البيت عرفهم أنه هيتجوز ومشي ... مرجعش طول ال ٣ أيام ومكانش بيكلم حد خالص 
دخلت ساره لعائشه اوضتها 
ساره : انتي كويسه ؟ 
عائشه : خسرت يا ساره ... خسرت اهم حاجه ... أنا ... أنا تقبلت الأمر الواقع ... أنا بس عايزه اطلب منك طلب 
ساره : اطلبي 
عند عمرو كان سرحان وفاق على جملة " بارك الله لكما وبارك عليكما وجمع بينكما في خير " 
بسنت : مبروك يا حبيبي 
عمرو : كنت عايز اقولك مبروك بس للأسف ... محضرلك مفاجاه 
بسنت : هو في ايه ؟ 
عمرو : انتي طالق 
والد بسنت : ايه يبني اللي انت عملتوا ده ... انتوا لسه مكتوب كتابكو 
عمرو : ابقى اسأل بنتك المحترمه 
بسنت : انت ... انت عملت ايه ؟ 
عمرو : خلي شادي ينفعك 
بسنت : شادي ؟ 
عمرو : فكراني مش عارفه ... مش عارف ازاي مكنتش فاهمك ... كل الناس فاهماكي الا أنا ... بس متقلقيش مش هتخرجي مني بمصلحه 
طلع الوصل من جيبه 
عمرو : اصل ده وصل بمبلغ كبير اوي .... تمن كل حاجه خدتيها مني ... عشان لو فكرتي تلعبي بديلك 
بسنت : انت مين ؟
عمرو : أنا المغفل اللي حبيتك ... بس بعد م فوقت ... أنا مش عايز منك حاجه ... أنا بس خدت العربيه اللي جبتهالك ... والمؤخر والمهر ... يعني هتخرجي منها فاضيه ... ومطلقه 
سابها ومشي وهيا عيطت 
عند عائشه 
عائشه : اخر طلب هطلبه منك والله ... بس عايزه اتكلم معاه 
ساره : مش هييجي 
عائشه : خلي مالك يكلمه وييجي بأي طريقه ... بس عايزه اتكلم معاه 
ساره : طيب هقول لمالك 
دخلت عائشه اوضة عمرو ... استنته فيها لحد م ييجي ... استنته كتير لحد م سمعت خطوات رجله ... شربت كوباية المايه اللي ع الكومودينو ... دخل وشافها قاعده على سريره 
عمرو : انتي بتعملي ايه هنا ؟
عائشه : مستنياك ... كنت عايزه اشوفك عريس ... وانت راضي عن اللي هتتجوزها 
عمرو : البركه فيكوا ... مبقتش احب حد ولا عايز اتجوز حد 
عائشه : أنا ... مش وحشه ي عمرو ... أنا ... أنا بس حبيتك ... سألتني اذا كنت بحبك ولا لاء ... أنا محبتش في حياتي قدك ... انت ... اول واحد انا فتحت عيني عليه ... و ... حبيته من أول مره ... محدش لمس قلبي ... زيك ... حسيت معاك ... بحاجات كتير اوي ... حلوه ... معاك أنت بس ... بحب حنيتك اوي ... وبحب وجودك ... بس مش متقبله فكرة ... انك مش ممكن تحبني ... ربع م بحبك ... قولتلي اني انانيه ... أنا ... مش انانيه 
كانت بتنهج وهيا بتتكلم وكملت : أنا ... كنت عايزه ابقى قويه ... مش ضعيفه يتضحك عليها ... وعمري م كنت مهتميه غير بيك ... وعايزاك ... دايما مبسوط 
كانت بتتكلم وهيا بتقطع في الكلام ووقعت ع الأرض 
عمرو : عائشه ... عائشه مالك في ايه ؟
عائشه : مش حاطه مناخيري ... في ... السما ... بس ... مم..مش عايزه اسمح .. لحد ي... يضايقني ... أنا ... عارفه ... إن محدش هيحبني ... بس ... بس انا بحبهم ... كلهم ... أنا ضعيفه ... اوي ... بس عامله ... اني قويه ... أضعف واحده 
عمرو : اهدي متتكلميش انتي تعبانه 
عائشه : حتى في الجامعه ... كل ... الدكاتره ... بيقولوا عليا دبش ... بس ... مره ... دكتور حاول يتح'رش ... بيا ... عشان كده ... بقيت ناشفه معاهم في الكلام ... محدش ... محدش منكوا يعرف ... عني ... حاجات كتير ... عارف ... أنا
كانت بتنهج جامد ومش قادره تتكلم : أنا ... فرحانه اوي ... دلوقتي 
عمرو : انتي فيكي ايه ؟
عائشه : أن انت اخر ... اخر حد ... هشوفه ... انا عمري ... م اعتذرت لحد ... بس انا أنا اسفه ليك ... سامحني 
عمرو : قصدك ايه ... عائشه في ايه ؟
عائشه : بحبك أوي يا احلى حاجه حصلتلي 
قفلت عينيها بين أحضانه 
عمرو : عائشه ... عائشه فوقي فيه ايه ... عائشه أنا بحبك والله ... والله العظيم بحبك ... أنا رديتك والله في نفس اليوم اللي طلقتك فيه ... أنا  اللي اسف ... فوقي بالله ... عاااااااااااائشه .......💔
تمت ......
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
الجزء الثاني
كان في المستشفى على أعصابه رايح جاي ولأول مره دموعه تنزل والكل موجود وبيدعوا انها تكون بخير 
خرج الدكتور وهما جريوا عليه واولهم هو 
عمرو : كويسه صح ... مسابتنيش 
الدكتور : الحمد لله قدرنا نخرج السموم من جسمها ... بس ادعوا ال ٢٤ ساعه الجايين يعدوا على خير ... عشان لو مفاقتش ممكن تدخل في غيبوبه 
صباح : عايزه اشوفها ي دكتور 
الدكتور : لاء مينفعش دلوقتي 
صباح : دي بنتي ... لازم اشوفها 
دخل عمرو ليها وحاولوا يمنعوه بس معرفوش 
دخلت ممرضه وقالت : مينفعش تقرب منها عشان الأكسجين يوصل للرئه صح 
عمرو : مش هقرب منها انا واقف بعيد عنها 
الممرضه : الدكتور قال ٥ دقايق وتخرج 
أما بره كانت صباح بتقول : أنا عايزه ادخل اشوفها ... دي بنتي ... بتمنعوني اشوف بنتي ليه 
كوثر : اهدي يا صباح ... وادعي تكون بخير 
صباح : يارب يارب 
ساره : تعالي ي ماما شوفيها من هنا 
عمرو قعد على الأرض جنب سريرها ومسك ايديها وباسها 
عمرو : كنت حاسس ان قلبي اتخلع من مكانه لما شوفتك بين ايديا مش قادره تتنفسي ... اول مره تكوني مستسلمه كده ... مش دي عائشه اللي انا اعرفها ... انتي طول عمرك قويه ... حتى لو قويه من بره بس ... فانتي اكتر واحده شجاعه أنا عرفتها ... مكنتش اعرف اني بحبك ... يمكن كنت بحبك بس مش معترف ... زي بالظبط م انتي معترفتيش بحبك ليا ... أنا مش هقدر اعيش من غيرك ... انتي ... انتي دلوقتي اغلى انسانه عندي ... أنا فعلا غبي زي م قولتي ... أنا مش مقدر النعمه اللي معايا ... ارجعي ي عائشه ... ارجعي عشان انا عايزك معايا ... أنا مزعلتش على بسنت قد م زعلت عليكي ... علفكره أنا طلقتها ورديتك ... أنا طلعت عايزك انتي ... اختارتك من غير م احس ... عشان كده ارجعي ... عشاني 
دخلت الممرضه وقالت : الخمس دقايق عدوا ... ممكن تتفضل
قام وقف ومسح دموعه وخرج 
كوثر : هو احنا ممكن ندخل نشوفها 
الممرضه : مش هينفع ... الاستاذ لسه خارج ... لما ينفع هخلي حد واحد يدخل 
صباح : طب ابص عليها من بعيد طب ... دي بنتي ضنايا 
الممرضه : اقفي بعيد متقربيش 
هزت راسها وشافتها من بعيد ... كانت عايزه تقرب منها بس الممرضه مسمحتش
وصلوا حامد ومالك وشافوهم واقفين 
حامد : ايه اللي حصل عائشه كويسه ؟ 
ساره : لسه الحاله مش مستقره 
حامد : ايه اللي حصلها 
ساره : شربت حاجه مسمومه 
مالك : عائشه ؟!!! 
ساره : ايوه عائشه 
مالك : وليه ؟ 
ساره : معرفش 
مالك : تعالي معايا 
راحت معاه وحامد قال لعمرو : بسببك صح ؟ 
عمرو : بابا لو سمحت ... أنا مستحمل بالعافيه 
حامد : محدش كان يتوقع أنها تعمل كده ... ايه السبب اللي خلاها كارهه الدنيا كده 
عمرو : لو حد السبب فهيكون انت ... عشان انت عايز كل حاجه على مزاجك ... انت اللي خلتنا نتجوز وانت برضو اللي خلتنا نتطلق ... وانت اللي خلتها تحاول تنتحر .... أنا بس كنت رد فعل ... أنا اصلا مصدوم لحد دلوقتي ومش مستوعب ... ادعي انت بس تعدي منها على خير 
عند مالك وساره 
مالك : ايه الحوار ؟ 
ساره : معرفش ي مالك معرفش ... أنا زيي زيك 
مالك : ايه اللي خلاها تعمل كده ... هيا لا يمكن تتخلي عن حياتها بالسهوله دي
ساره : يمكن عشان عمرو اتجوز غير كده معرفش 
مالك : مستحيل ... وبعدين ردة فعلك ع اللي حصل بارده اوي ... هو أنا مش فاهمك ولا ايه 
ساره : مالك ماما اول م عرفت انهارت لحد م خدت حقنه مسكنه وانا كان لازم اكون قدامها هاديه عشان تعرف أن الحوار هيعدي إن شاء الله ... وكويس أن عمرو لحقها والا كان زمانها في دنيا تانيه ... وبالنسبه لطلاقها وجوازها من عمرو فدي حاجه بجد معرفش عنها حاجه ... هما مش حابين أننا نتدخل في حياتهم ... ده الحوار 
مالك : أنا مش مقتنع بس ماشي ... هتطمن على عائشه وهسافر إن شاء الله 
ساره : قد ايه طيب ؟ 
مالك : شهر 
ساره : شهر؟!!! مش قليل اوي شهر ده ... اصلها ناقصه 
مالك : شغلي وانتي عارفه ... واكيد انتي مش هتسافري معايا 
ساره : اكيد ... ماشي يا مالك ... نتطمن بس على عائشه 
بعد ساعه
حامد : لسه قدامها وقت على تفوق ... يعني وجودنا هنا ملهوش لازمه ... خد يا مالك ساره وصباح وكوثر وروحوا وتعالوا بكره 
صباح : مش هسيب بنتي لاء 
ساره : وجودك مش هيفيد بحاجه يا ماما ... عمرو وعمو هيكونوا موجودين ولو حصلت حاجه هيقولك
صباح : عايزه اكون معاها لحد م تفوق 
كوثر : انتي تعبتي اوي انهارده ... روحي ارتاحي وارجعي تاني 
حامد : يلا يا مالك 
مالك : أنا هوصلهم وهرجع ... لو عايز تروح روح انت 
حامد : لاء مش همشي 
حاولوا يقنعوها لحد م روحت 
حامد : هتفضل واقف عندك كده 
عمرو : أنا حر 
حامد : لما انت بتحبها كده ... ليه كنت بتكابر 
مردش عليه 
الفجر اذن وهو صلى ودعالها كتير جدا ... نام وهو قاعد وفاق على حد بيصحيه 
_: المريضه فاقت وعايزاك 
يتبع.....
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
خرج بسرعه وراحلها ... كان باين عليها التعب وشكلها مرهق ... شد كرسي وقعد جنبها 
عمرو : حمد الله على سلامتك 
عائشه : ليه جبتني هنا ... كنت سيبني اخلص 
عمرو : كلنا كنا هنموت عشانك ... ليه عملتي كده؟ 
عائشه : على اساس كنتوا خايفين عليا اوي 
عمرو : كنا مرعوبين مش بس خايفين 
عائشه : يا راجل 
عمرو : ليه يا عائشه ... ليه عملتي كده ؟ 
عائشه : اتخنقت ... عايزه اريح وارتاح ... يومين وهتنسي عادي يعني 
عمرو : محدش يستاهل تضيعي حياتك عشانه 
عائشه : أنا مضيعتهاش ... أنا كنت عايزه اريحها ... بس ربنا يسامحك بقا 
عمرو : هيسامحني ... وهيسامحك 
عائشه : بتمني 
عمرو : انتي فعلا بت.....
قاطعته عائشه : ممكن اطلب منك طلب 
عمرو : اه طبعا 
عائشه : انسى اي حاجه انا قولتهالك ... اعتبرني مقولتش حاجه ... أنا وقتها كنت مش في وعيي ... تمام 
عمرو : كل حاجه كل حاجه 
عائشه : اه ... ياريت يعني لو تعمل كروب لليوم ده ... أو بص ... يعني ياريت لو نبدأ صفحه جديده ... اعتبرنا متجوزناش اصلا ومحصلش كل ده 
عمرو : تمام زي م تحبي ... بس 
عائشه : بس ايه 
عمرو : أنا ... رديتك
عائشه : رديتني ؟!!!! 
عمرو : اه ... نفس اليوم 
عائشه : من غير موافقتي 
عمرو : أنا روحت للمأذون وقولتله ورجعني 
عائشه : بس مينفعش ... هو مقالكش ولا ايه 
عمرو : يقولي ايه ... وليه مينفعش 
عائشه : احنا كنا متجوزين ع الورق بس ... يعني لو اتطلقنا بنرجع نتجوز من اول وجديد ... كأننا مكناش متجوزين اصلا 
عمرو : اقسم بالله ؟ 
عائشه : والله ... وبعدين انت قاعد وعمال بتاخد وتدي معايا في الكلام وانا لسه تعبانه 
عمرو : انتي تعبانه انتي ... ده كلنا اللي تعبانين ... وبعدين ملقيتيتش غير الساعه ٦ اللي تصحي فيها 
عائشه : يعم غور ... يلا روح ... معرفش ليه قاعد معايا وسايب مراتك اساسا 
عمرو : مراتي مين 
عائشه : اللي كنت هتموت وتتجوزها 
عمرو : لاء مهو أنا سنجل بائس زيك 
عائشه : ليه؟؟ متجوزتهاش 
عمرو : لاء اتجوزتها ... بس طلقتها 
عائشه : سبحانه بجد 
عمرو : في ايه 
عائشه : مفيش 
الضهر كله اتجمع عندها واتطمنوا عليها وطبعا سألوها عن اللي خلاها تعمل كده 
عائشه : أنا الحمد لله بقيت كويسه وياريت محدش يسالني على حاجه ... اكن محصلش حاجه 
صباح : أنا عايزه اعرف ايه اللي وصلك لكده 
حامد : خلاص يا صباح سيبيها براحتها ... المهم انها بخير 
عائشه : هو أنا هخرج من هنا امتى
حامد : الدكتور قال كمان يومين هتتحطي تحت المراقبه ... وكانوا عايزين يحولوكي لدكتوره نفسيه 
عائشه : دكتوره نفسيه ؟! بس انا كويسه ومش محتاجه لحد 
حامد : للسلامه 
عائشه : شكرا بس مش عايزه ... أنا كويسه وعايزه أخرج من هنا 
حامد : اول م تكوني كويسه هخلي الدكتور يكتبلك على خروج 
عدى يومين ورجعت البيت ... صباح وكوثر خانقينها باهتمامهم ... كانوا معاها في اوضتها بيحاولوا يغدوها 
عائشه : شبعت ... والله شبعت ... قسما بالله شبعت 
كوثر : لازم الأكل كله يخلص عشان تستعيدي صحتك 
عائشه : يارب ... ياجماعه مش قادره تاني والله 
دخلت ساره وقالت : أنا هقعد معاها متقلقوش 
صباح : خليها تاكل الأكل كله 
ساره : حاضر 
خرجوا وهيا قعدت معاها 
ساره : معرفش ازاي بتقدري كل مره تخليني اطاوعك في حاجات غلط 
عائشه : عشان انتي اختي 
ساره : الاخت بتفوق اختها وتصححلها تفكيرها ... مش بتسايرها حتى لو كانت غلط 
عائشه : عشان انتي عارفه اني مش غلط 
ساره : معرفش وقتها دماغي كان فيها ايه 
فلاش باك 
عائشه : خسرت يا ساره ... خسرت اهم حاجه ... أنا ... أنا تقبلت الأمر الواقع ... أنا بس عايزه اطلب منك طلب 
ساره : اطلبي 
عائشه : عايزه ارجع عمرو 
ساره : وانا اقدر اساعدك ازاي 
عائشه : هترني عليه ييجي دلوقتي 
ساره : وبعدين 
خرجت عائشه علبه من جيبها وقالت : انتي عارفه ده ايه 
ساره : ايه ؟ 
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
عائشه : سم مزيف 
ساره : ازاي يعني؟ ... في حاجه اسمها سم مزيف 
عائشه : الحاجه اللي بتفيدك لما تاخدي منها كتير ممكن تعمل ايه ؟
ساره : اضرار كتير 
عائشه : اهو البرشام ده كده ... برشام مفيد بس لو حد اخد منه كميه كبيره ... بيضره ... حاجه أشبه بالموت بس مش موت ... بتتكون سموم في الجسم ... لو مقدرتيش تخرجيها من الجسم خلال ٢٤ ساعه ممكن تؤدي للموت 
ساره : اه يعني ايه بقا ؟
عائشه : أنا متأكده من إن عمرو بيحبني ... او حبني ... ده اللي هتأكد منه انهارده ... هحط شويه من البرشام ده في كوباية مايه ... اول م اشرب الكوبايه هحش بان نفسي بيتقطع واني مش قادره اقف ... وبعدها هغيب عن الوعي ... ولما اتكلم معاه هشوف رد فعله وهيعمل ايه 
ساره : انتي هبله يا بت ... انتي عايزه تجننيني!!! 
عائشه : ولا هبله ولا هجننك ... بس فكرت كتير اوي ايه اللي ممكن يخليه يصفى من ناحيتي ونرجع زي م كنا 
ساره : بالهبل اللي بتقوليه ده ؟
عائشه : مش هيحصل حاجه والله ... هعرف بس اذا كان بيحبني ولا لاء 
ساره : وهتكوني واعيه بقا للي بيقوله 
عائشه : م انتي اللي هتسمعيه 
ساره : اتصنت يعني 
عائشه : بالظبط ... وبعدين الحوار مش هياخدله كام ساعه 
ساره : ونفترض انك تعبتي بجد بقا ومقومتيش منها 
عائشه : قولتلك مش بيأذي جامد ... هتعدي والله 
ساره زعقت : ولو معدتش ... ايه اللي هيحصل ؟
عائشه : يا بنتي مش هتعدي غير في حاله ... لو محدش لحقني ... وهو هيكون معايا يعني اكيد هيوديني المستشفى 
ساره : غلط ... غلط ومليون غلط 
عائشه : أنا مش شايفاه غير صح ... وانتي  كمان هتشوفيه صح 
ساره : لاء يعائشه ... الحوار مش سهل 
عائشه : عشان خاطري بقا ... فاكره لما كنت بساعدك ايام خطوبتك من مالك 
ساره : بتساعديني في حاجات عبيطه ... صح ؟ 
عائشه : ودي حاجه عبيطه 
ساره : يعني عايزه مني ايه ؟
عائشه : عايزاه ييجي دلوقتي ... انتي عارفه أنه مش بييجي من كام يوم 
ساره : هتشل منك 
عائشه : اخر طلب هطلبه منك والله ... بس عايزه اتكلم معاه 
ساره : مش هييجي 
عائشه : خلي مالك يكلمه وييجي بأي طريقه ... بس عايزه اتكلم معاه 
ساره : طيب هقول لمالك 
عائشه : هستناه في اوضته 
ساره : خلي بالك هاا 
عائشه : خلاص بقا متخافيش 
باك 
عائشه : جابت نتيجه ولا لاء 
ساره : جابت بصراحه ... وطلع متيم 
عائشه : قولتلك 
ساره : بس حاسه مالك شاكك في حاجه 
عائشه : شاكك ازاي؟ 
ساره : بيقولي رد فعلك بارد ع اللي حصل 
عائشه : طب م انتي بارده عموما ... مستغرب ليه يعني ؟
ساره : والله ما في بارد غيرك 
عائشه : خليكي بارده تعيشي اكتر 
ساره : لاء في دي معاكي حق ... المهم عمرو كلمك في ايه ؟
عائشه : قولتله انسى اي حاجه قولتها 
ساره : ده انا صدقتك والله ... شويه والدمعه كانت هتفر من عيني 
عائشه : احنا عيله ممثله والله 
ساره : طب قالك ايه ؟
عائشه : قالي ماشي اللي عايزه ... تخيلي أنه قالي أنه ردني 
ساره : ردك ؟!!!!
عائشه : اه والله ... بس مينفعش يردني عشان متجوزين على ورق 
ساره : امممم ... والله عمرو ده طلع مش قليل
عائشه : ولا أنا قليله ... معا لجعلهم ميشوفوش غيرنا ؟ 
ساره : يشوفوا غيرنا ... هه ... غلابه اوي 
عائشه : اوي اوي 
ساره : كلي بقا عشان قولتلهم هخليكي تاكلي
عائشه : كلي انتي 
ساره : بس يا ماما 
الباب خبط ودخل عمرو 
عمرو : عامله ايه دلوقتي ؟
عائشه : الحمد لله 
ساره : مش راضيه تاكل ... وانا غلبت معاها ... وعندي مشوار هتأخر عليه 
عمرو : خلاص يا ساره اخرجي انتي أنا قاعد معاها 
ساره : اوكي ... يلا سلام 
غمزتلها وخرجت 
عمرو : مغلباهم ليه يا ست انتي ؟
عائشه : هما اللي مغلبني ... بيعاملوني على اني عيانه 
عمرو : ردك دايما كده جاهز 
عائشه : مش انت اللي بتسأل!
عمرو : أنا آسف يا ستي ... مش هتكلم ... ممكن تاكلي بقا؟! 
عائشه : والله م عايزه اكل ... كل انت لو عايز 
عمرو : طب هاكل معاكي يا ستي بس تاكلي
عائشه : حتى انت بتعاملني على اني عيانه وبتاخدني على قد عقلي 
عمرو : أنا اللي عيان والله ... ارحميني بقا 
عائشه : أنا عندي ايدين وبحس وكل حاجه والله ... يعني لو حسيت اني جعانه هقوم اجيب الاكل بايديا واكل عادي 
عمرو : ماشي يا عائشه براحتك ... أنا همشي وهسيبك ترتاحي بقا 
عائشه : صحابي جايين كمان شويه 
عمرو : ينوروا ... وانا عندي شغل كنت مأجله 
عائشه : ومأجله ليه بقا ؟
عمرو : عادي مكانش ليا مزاج 
عائشه : هو ده السبب ؟!
عمرو : اه هو ده 
عائشه : اوكي ... ربنا معاك 
ابتسم وخرج من الأوضه ورجع دخل : ياريت تاكلي أكلك عشان عايز اعملك مفاجاه
عائشه : ولو مخلصتهوش 
عمرو : هعملهالك برضو بس ياريت تاكلي 
عائشه : حاضر يا عمرو 
عمرو : يخواتي عليها لما بتقول حاضر 
يتبع......
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
مريم : مش حددنا فرحنا خلاص كمان اسبوع 
عائشه : يا شيخه 
مريم : اقسم بالله 
عائشه : اخيرا ... مبروك يا ابو جبل 
سلمى : كلنا بجد هرمنا لأجل هذه اللحظه 
عائشه : صح ... أنا حاسه ان احنا اللي زهقنا 
مريم : والله وانا كنت زهقت بس هعمل ايه؟
ملك : سيبوا البت في حالها يا جماعه مش كده ... هيا عشان مخطوبه بقالها ٥ سنين يعني تعملوا كده 
مريم : ٥ سنين ايه بس ... دول ٤ سنين و ١١ شهر 
عائشه : يخربيت الظولم 
مريم : قوليلها
عائشه : م هي سامعه 
ملك : أنا اسفه يا ستي ... ٤ سنين و١١ شهر ... حلو كده 
مريم : اهي كده معقوله شويه اه 
عائشه : هه ... اطفال 
سلمى : م تبس يا ماما ... الله يرحم 
عائشه : هيرحم إن شاء الله ... عارفه ليه 
سلمى : ليه ؟ 
عائشه : معرفش 
ضحكوا كلهم وعائشه قالت : مين فيكوا جابلي المحاضرات 
ملك : هو في غيري 
عائشه : مردودالك ي ملوكه 
سلمى : ودكتور ساجد سأل عليكي 
عائشه : قولتوا ايه؟ 
سلمى : قولناله منعرفش 
ملك : قالنا انتوا صحاب انتوا 
مريم : وقالنا هاتوا رقمها اكلمها 
عائشه : كدابه 
مريم : اكيد كدابه يعني ... هو سالنا قولناله منعرفش وخلاص 
عائشه : كويس 
مشيوا وكان الوقت ١٢ بالليل وهيا حست بملل ... اختارت فيلم رعب تتفرج عليه بما أن كلهم ناموا ... نزلت تحت وفتحت الشاشه الكبيره وشغلته ... كانت مندمجه فيه جدا ومركزه ... لحد م لقت مره واحده حد بيملس على خدودها  ... اتنفضت وبصت لقته عمرو 
عائشه : الله يخربيتك يا شيخ ... ايه الرعب ده ؟
عمرو : اني آسف ... وبعدين انتي مش حاسه بحاجه خالص 
عائشه : هووووف ... مركزه 
عمرو : بتتفرجي على ايه 
عائشه : The Exorcist 
عمرو : دي المره الكام اللي تتفرجي عليه بالله 
عائشه : مش فاكره بصراحه بس بحبه ... وبعدين اسكت بقا عشان فوتت حته 
عمرو : على اساس مش ممكن ترجعيها ... اومال لو مكنتيش شايفاها
عائشه : م قولتلك بحبه الاه 
عمرو : مع نفسك بقا هااا ... اتفرجي لحد م تتلبسي 
عائشه : تيجي تتفرج معايا 
عمرو : لاء اتفرجت عليه قبل كده 
عائشه : خلاص هجيب واحد جديد
عمرو : إذا كان كده ماشي 
اختاروا واحد تاني وشغلوه ... شويه وحسوا بصوت كركبه في المطبخ 
عمرو : سمعتي اللي سمعته 
عائشه : هو انت سمعت اللي سمعته 
عمرو : أنا سمعت انك سمعتي اللي سمعته 
عائشه : وانا سمعت انك سمعت اني سمعت اللي سمعته 
عمرو : طب أنا خايف 
عائشه : وانا 
عمرو : قومي شوفي طيب مين جوا 
عائشه : مفيش حد يعم اكيد بيتهيألك
عمرو : وبيتهيألك انتي كمان 
عائشه : اه عادي ... وبعدين مش احنا اللي جامدين وعايزين رعب 
عمرو : معاكي حق ... يلا نكمل 
معداش دقيقه وسمعوا صوت تاني وهيا صوتت 
عمرو : أنا مش مكمل ... أنا هنفد بجلدي احسنلي
عائشه : طب نشوف في ايه جوا!
عمرو : انسي ... أنا هطلع بكرامتي احسن 
قفلت التليفزيون وقامت شغلت النور 
عائشه : أنا هدخل اشوف 
عمرو : مش خايفه 
عائشه : هيحصل ايه يعني 
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
عمرو : ايه يا شيخه قلبك ده 
عائشه : يع......
فجأه النور قطع 
عمرو : سلاما قول من رب رحيم 
عائشه : حافظ ايه الكرسي 
عمرو : انتي حافظاها 
عائشه : مش اوي 
عمرو : الله يخربيتك ... بصي ... أنا هجري وانتي تجري ورايا 
عائشه : هات ايدك ونجري مع بعض 
عمرو : يلا 
مسكت أيده ولسه هيطلعوا لقوا اتنين شكلهم مرعب 
صوتوا الاتنين والاتنين المرعبين ضحكوا جامد وقلعوا الأقنعه وكانوا ساره ومالك 
ساره : اللي بيخاف ميتفرجش 
عمرو : اه يا ولاد ال....
مالك : وعاملين فيها جامدين 
عائشه : ايه السماجه دي ... الواحد كان هيموت بجد 
مالك : تستاهلوا ... عشان بتتفرجوا من غيرنا 
عمرو : انتوا اللي عملتوا الأصوات اللي جايه من المطبخ 
ساره : واحنا اللي قطعنا النور 
عائشه : طب ليه ... كنتوا سيبونا نتفرج 
ساره : احنا لسه فيها 
مالك : يلا كلنا نتفرج 
عمرو : اتفرج انت ومراتك وسيبونا في حالنا
ساره : متبقاش قفوش كده 
عائشه : يلا يا عمرو عادي يعني
عمرو : انتي شايفه كده 
عائشه غمزتله : اه 
عمرو : طيب 
قعدوا كلهم وعائشه قالت لعمرو بصوت واطي : هنتقم متقلقش 
عمرو : لو محتاجه اي مساعده كده ولا كده انا موجود 
عائشه : تسلم يا برو ... هنطرقهم بس
قالت لساره : ادخلي هاتي فشار 
ساره : جاهز ؟! 
عائشه : لاء بس مش هياخد حاجه يعني 
ساره : تمام 
دخلت ساره وعائشه قالت لمالك : وانت مش هتساعدها 
مالك : لاء 
عائشه : هتسيبها لوحدها 
مالك : اه ... ملكيش دعوه انتي 
عائشه : طيب روح انت ي عمرو 
عمرو : امري لله 
شويه وعمرو نده لمالك فراحله وعائشه قامت بالواجب 
جهزوا الدنيا وقعدوا واندمجوا والنور عمل قفله وبقا يقطع ويشتغل ولقوا حد شكله مرعب ظاهرلهم 
ساره : لو هزار بطلوه بجد 
مالك : لما احنا الاربعه موجودين مين المرعب ده 
عائشه وعمرو مشيوا بسرعه وساره جريت معاهم لحد م خرجوا بره في الجنينه وقفلوا الباب على ساره  ... جت ترجع لقت نفسها في اوضة الضيوف ومقفول عليها والنور قطع وبره في الصاله فضل الشخص المرعب ده 
مالك : ساره انتي روحتي فين ؟
أما هيا كانت في الأوضه وخايفه 
مالك كان شايف الشخص المرعب ده بيتنطط ... قرب براحه لقاه بيبعد واوضة الضيوف اللي ساره كانت فيها اتفتحت ودخل جواها ... اول م شافته صوتت جامد وغابت عن الوعي ولما مالك سمع صوتها خاف عليها وجري يشوفها 
أما عمرو وعائشه استخبوا لحد م سمعوا صوت ساره 
عمرو : الله يخربيتك حصلها ايه ؟
عائشه : هشغل النور وانت شوف فيه ايه 
رجعت النور ودخلوا لقوا مالك قاعد بيفوق ساره 
عمرو : ايه اللي حصل في ايه ؟
مالك : مش عارف ... هات مايه 
دخلت عائشه وشافتها 
عائشه : احيه ايه اللي حصل ؟
عمرو جاب المايه وفوقوها 
عائشه : ساره حصل ايه ؟ 
ساره : مين اللي قفل عليا ومين اللي دخل ده ؟
مالك : انتوا اللي عملتوها صح ؟ 
عائشه : ثانيه ... مشوفتوش سما 
مالك : سما ايه دلوقتي 
خرجت بره لاقيتها قاعده ع الكنبه في الصاله وعمرو خرج وراها واول م شافها قعد يضحك 
عائشه راحت لسما وحضنتها 
سما : عملت زي م قولتيلي بالظبط 
عائشه : واكتر والله 
عمرو : انتي عملتي ايه فيها ... يخربيت دماغك ... مش قادر بجد 
سما : انت بتضحك ليه ؟ 
عمرو : مفيش حاجه مفيش 
عائشه : تعالي انيمك يلا 
طلعت معاها وعمرو دخل لمالك وساره 
مالك : انتوا صح ؟ 
عمرو : عائشه مش أنا 
ساره : مين اللي كان داخل ده 
عمرو : دي سما ... عائشه اللي عملت فيها كده 
مالك : طب ده هزار بالذمه؟!
عمرو : لا يعم هزاركوا هو اللي هزار 
ساره : بتردوها يعني ... ده انا كنت خلاص بودع
عمرو : معلش تعيشوا وتاخدوا غيرها ... تصبحوا على خير بقا
كل واحد راح اوضته وعدى اسبوع وجه يوم فرح مريم 
يتبع......

انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا