زمرد بصوت مهموس : اعمل اي دلوقتي لازم اتصرف فضلت تفكر لحد ما خطر في بالها فكره 

خرجت من الحمام 

المقنع : شاطره 

زمرد بصوت هادئ: محتاجه طلبات من الصيدلية 

المقنع باستغراب وشك : طلبات اي 

زمرد بخوف :طلبات بنات ممكن تجبها ليا 

المقنع بشك : اي هيا 

زمرد : مش هينفع اقولك بس ممكن اكتبها ليك 

المقنع : تمام اكتبيها استني اجبلك حاجه تكتبي عليها 

زمرد فضلت تبص علي المكان شقه كبيره مليانه صورها من وهي صغيره استغربت من كل الصور دي لكن الصدمه لما شافت صورة مازن وهي غرقانه دم 

المقنع : خدي يا حبيبتي اكتبي 

زمرد بخوف : أأنت لي حاطت دم علي صورة مازن 

المقنع : علشان هعمل كدا لي في الحقيقه هو خدك مني وانا لازم اخد روحه منه 

زمرد بخوف وتوتر : علشان خاطري سيبه 

المقنع بعصبية : بس هو خدك مني وكمل وهو بيكسر كل حاجه كانت محطوطه علي الترابيزه الا جانبه 

زمرد حطت ايديها علي ودنها وصوت عياطها مالي المكان 

المقنع بهدوء فجاء : لا لا متعيطيش يا حبيبتي أنا هموته متخافيش معتش هيقرب منك تاني ابدا 

زمرد هزت راسها بمعني لا 

المقنع بعصبية مسكها من شعرها: قولت اي 

زمرد بصوت مهزوز : حاضر هسكت 

المقنع : شاطره ياله اكتبي عايزه اي 

زمرد كانت بتكتب وهي بتعيط لحد ما شد منها الورقه وقالها : هاتي ايدك علشان احط الحديد علشان محدش يعرف يخدك مني لحد مارجع يا حبيبتي 

مسك ايديها سالسالها في عمود في نص الشقه 

زمرد بخوف : مش مش هعمل حاجه 

المقنع : عارف انك بتحبيني وهتسمعي الكلام 

زمرد اصتنعت الكسوف : طب ممكن الصيدلية الا هتجيب منها تكون دكتوره  الا تجيب الحاجه علشان هتعرف انا عايزه اي 

المقنع بابتسامه: حاضر يا حبيبتي 

عند مازن كان قاعد سرحان في زمرد 

زمرد : انت عارف اني مقدرش اعيش من غيرك 

مازن بصوت عالي: زمررررد انتي فين 

فجاء فونه رن 

مازن بتنهيده : ازيك يا ماما 

ساميه بحب : الحمدالله يا حبيبي عامل اي وزمرد عامله اي 

مازن بتوتر : احنا كويسين الحمدالله 

ساميه : طب فين زمرد 

مازن بخوف : انا انا برا وهي في البيت 

ساميه بخوف: مازن زمرد فين قلبي وجعني عليها 

مازن بدموع : انا اسف معرفتش احافظ عليها 

ساميه بدموع: بنتي فين يا ابن اختي ضنايا فين يا مازن 

مازن بدأ يحكي ليها كل حاجه 

كمال بخوف شد الفون من ساميه إلا كانت واقفه هتموت من خوفها علي زمرد 

كمال : ايو يا مازن خير يا ابني 

مازن بدموع : هرجعها يا عمي دي روحي 

كمال حاول يبان قوي : عارف يا ابني انك هترجعها سليمه بس انا عايزك تيجي البيت 

مازن من غير نقاش رد : حاضر يا عمي جاي 

بعد وقت

مازن : ازيك يا عمي 

كمال بحزن : الحمدالله يا ابني ادخل 

مازن فصل واقف علي الباب : مش هدخل غير ما امي تقولي ادخل 

ساميه بدموع: تعالي يا ابني 

مازن قرب حضنها : هرجعها والله 

ساميه بحب: عارفه يا حبيبي انك هترجعها 

كمال كمل بضحكه باهته : طب مش هناكل والا اي 

ساميه : حاضر 

كمال خد مازن وبدا مازن يحكي كل حاجه فجاء فونه رن 

مازن : ايو يا ساهر 

ساهر : مازن لقينا دليل 

مازن بفرحه : بجد انا جاي ليك دخلت سامية علي صوت مازن 

ساميه : حصل اي 

مازن بابتسامه: لقينا دليل انا لازم انزل بعد اذنكم 

ساميه : خد بالك من نفسك يا مازن 

مازن بابتسامه: حاضر يا امي 

في احد الصيدليات 

المقنع : فين البنت الا شغاله هنا 

الدكتور : لي في اي 

المقنع : مراتي عايزه طلبات بنات 

الدكتور بتفاهم : تمام هات وانا اجيب الطالبات 

المقنع بعصبية: لا انا عايز واحده ست  

الدكتور : تمام ثواني 

بعد دقايق خرج الدكتور ومعا دكتوره 

الدكتور : اتفضل قولها عايز اي 

الدكتوره استغربت الشال المحطوط علي وشه : نعم اتفضل يا فندم 

المقنع : عايز الطالبات دي 

الدكتوره خدت الورقه : ثواني هجيب الحاجه 

الدكتوره دخلت تجيب الطالبات لقت أن في كل اخر طلب كتبه رقم بطريقه صعب حد يعرفها غير دكتور بدأت الدكتوره تكتب الرقم لحد ما لقت أن الرقم طلع رقم فون استغربت بس كملت علشان ميشكش في حاجه واستغربت اكتر أن مكتوب بالانجليزي كلمة ( ساعديني ) 

كل حرف كان جانب نوع علاج

الدكتوره خرجت : اتفضل يا فندم دي الطالبات لكن ناقص نوع دواء هيجي بكرا ممكن تبق تيجي تاخده 

المقنع بشك : دواء اي 

الدكتوره بثبات : المدام عندها مشاكل في الرحم والدواء دا مهم جدا حاول تحافظ عليها 

المقنع بخوف : يعني حياتها في خطر 

الدكتور كان قاعد مستغرب كلامها لكن فضل ساكت 

الدكتوره : لا يفندم أن شاء الله خير انت بس شرفنا بكرا وخد الدواء 

المقنع : تمام الحساب اي

الدكتوره : ٥٩٠ 

المقنع : اتفضلي 

عند مازن 

مازن : فين الدليل 

ساهر : خد نفسك يا ابني 

مازن : مش مهم انا فين الدليل 

يوسف : مع الطب الشرعي 

مازن : اي هو 

يوسف : سلسله عليها صورة زمرد 

مازن باستغراب : صورة زمرد 

ساهر طلع تليفونه : هي دي 

كانت عبارة عن سلسله دهب جو منها صورة زمرد وشخص تاني ملامح وشه مش باينه 

مازن : هات فونك 

ساهر : هتعمل اي 

مازن خرج من غير كلام 

الدكتوره بخوف بدأت تقول كل حاجه لدكتور 

الدكتور : انا فاكر الشخص دا جه من فتره طويله طلب مراهم للحروق تقريبا ليه بس مين إلا طالبه المساعده وبعدين انتي بتقولي أن من طريقة الكتابه أنها دكتوره 

الدكتوره : ايو انا حتي صورة الورقه 

الدكتور : بصي ملناش دعوه احنا هنا في منطقه شعبيه وكمان الصيدليه مفتوحه من غير ترخيص يعني لو حد من الصحه شم خبر هنروح في داهيه انسي الموضوع 

الدكتوره هزت راسها بمعني حاضر لكن جواها بيقولها اتصرفي 

مازن وصل قدام بيت عمه 

ساميه : مازن واقف عندك لي

مازن : السلسله دي بتاعت مين 

ساميه مسكت الفون بصدمه : رحيم 

مازن باستغراب : رحيم !!! مين رحيم 

كمال : تعالي يا مازن وانا اقولك