راح محمود يفتح الباب لقي امو وابو ولاكن اتفاجاء من شكل ابو 

محمود_ ايدا مين اللي عمل في وشك كده يابا

صالح ابو محمود وهو بيبص لقدريه لا اتخبط بس 

هنا محمود فهم ان امو السبب مش اول مره تتضربو ابو ملوش شخصيه خالص 

قدريه_ بس بقه يا محمود انا خلاص مش طايقه اسراء مراتك انت لازم تطلقها 

محمود_ طب لي يما ما انتي منعها هي والبنات يجو عندك عايزه اي تاني 

قدريه_ خلفتها بنات حرام لما فلوسك وتعبك يروح لبنات فلاخر 

محمود_ وملهم البنات يما وبعدين ما ربنا رزقني ب الواد في بطن مني وفهما علي الخطه بتاعتو هو ومني 

قدريه_ تعجبني دماغك يا مني 

مني _تسلمي يا طنط بس انا عايزه محمود يعترف بجوزنا علشان الواد لما يتولد الناس تعرف مين ابو 

قدريه فضلت سرحانه في كلام مني وبتقول في سرها قريب اوي الكل هيعرف وهي اللي هتطلب الطلاق طلما ابني مش راضي يطلق 

محمود_ طب انا لازم اروح بقه سلام عليكو

كان محمود عمال يحاول يكلم هدير وهو مروح ولاكن فونها مقفول وطبعا ده كلو اسراء شيفه 

رنت علي اختها قلتلها ماتفتحش فون هدير دلوقتي خالص لانها لسه ما واجهتش محمود 

بيعدي يومين والدنيا زاي مهي واسراء متعرفش محمود متجوز مين لحد ما صافي ترن عليها وتقولها الخبر الصدمه 

صافي_ اه والله يا اسراء الرقم طلع بأسم قدريه السيد اسم حماتك قلبت الدنيا عقبال ما عرفت تبع مين 

اسراء_ يعني هي عارفه وكمان هي اللي بعتت تعرفني انا هروحلها 

صافي بقلق_ خايفه عليكي منها دي وليه مفتريه 

اسراء لا انا لازم أواجه انا تعبت 

بعد مده كانت واقفه اسراء قدام عماره حماتها خدتت نفس طويل ودخلت كانت متردده وهي بتخبط لان اخر مره لما ولدت مسك حماتها منعتها تتدخل عندها تاني هي وبنتها 

فاقت علي صالح وهو مستغرب وجودها 

صالح_ اسراء خير يا بنتي عايزه حاجه 

اسراء_ اه عايزه طنط قدريه 

صالح_ يا بنتي امشي من غير مشاكل 

اسراء_ لا انا لازم ادخل ودخلت علي جوه علطول لقت قدريه اقعده وقاعد معها كمان مني واللي استغربتو اسراء ان مني قاعده بهدوم بيت وبشعرها 

(((ملحوظه  اسراء عارفه مني لانها كانت مرات صاحب محمود وكانو صحاب جدا بس بعد موت جوزها مني اختفت خالص )))

قدريه بعصبيه _انتي اي اللي جابك هنا يبت انتي 

اسراء_ لو سمحت يا طنط عايزه اتكلم معاكي 

قدريه_ اي اللي بنا علشان نتكلم 

اسراء_ بينا اني مرات ابنك وأم احفادك 

قدريه بصوت عالي _انا مليش أحفاد لما تجيبي الواد سعتها يبقه ليا أحفاد 

بصت اسراء لمني اللي قاعده مكنها متحركتيش 

ازيك يا مني 

مني_ اهلا يا اسراء 

قدريه_ امشي اطلعي بره يا اسراء يلا 

اسراء_ لا منا لازم اقول اللي انا جايه علشانو دلوقتي انتي بعتالي ان محمود متجوز عليا من رقم غريب لي 

قدريه بتوتر_ اي انا معملتش كده وابني متجوزش عليكي 

اسراء بزعيق_ لا انتي اللي بعتالي وابنك متغير بقالة فتره يبقه اي بقه بتخربي عليا ولا كلامك بجد 

ولاكن اللي صدم اسراء ان مني هي اللي ردتت 

مني لا مش كلام وخلاص يا اسراء فعلا محمود متجوز عليكي 

كلهم بصولها بصدمه 

مني_ وكمان ابقه انا العروسه 

قالت مني الجمله دي مع دخول محمود من الباب اللي اتصدم من وجود اسراء هنا