نزلت قدريه وهي مش مستوعبه الكلام اللي مني بتقولو يعني الواد كان ابن جوزها فعلا مش ابن محمود يعني هي ضحكت علينا كلينا 

دخلت بنت قدريه ومعها عيلها وبتعبط 

قدريه _خير يا نعمه اي اللي جابك 

نعمه بعياط_ حسن طلقني يا ماما 

قدريه بشهقه_ اي طلقك لي يا عين امك 

نعمه_ كل ده علشان طلعت حامل في بت

قدريه _وفيها اي يعني حامل في بت مانتي معاكي ولدين عايز اي تاني بقه اومال اللي معانا دي جيبلنا ٣ بنات 

نعمه _فين محمود عايزه اعرفو 

قدريه _اخوكي مش هنا زمانو جاي 

نزلت اسراء الشغل وبدأت تاخد علي المكان والناس وكانت مرتاحه جدا مع ان الشغل كان كتير بس كفايه الهدوء والراحه والمعامله 

محمود بعد ما سمع اختو بقه سرحان انو طلق مراتو واتجوز عليها بسبب كده واختو نفس الحوار 

قدريه فهمتو_ بقولك اي اللي انت بتفكر في ده غلط اختك معها ولدين يا حبيبي إنما دي خلفتها بنات 

نعمه _انا يما دلوقتي في مشكلتي انا 

محمود_ يعني انتي دلوقتي عايزه اي 

نعمه_ عايزه شقتي انا معايا عيال يعني حضنه وهو يغور في دهيه

قدريه_ اه انتي معاكي عيال الشقه من حقك 

محمود_ والشقه مكنتيش من حق اسراء وعيالها لي يما 

قدريه_ علشان دول بنات ياروح امك  

محمود قام وهو بيقول هشوف الحوار ده وسبهم وطلع لمني 

اللي اول ما سمعت صوت محمود طالع عملت نفسها بتعيط 

دخل محمود في اي يا مني بتعيطي لي 

 مني_ علشان ابني اللي راح 

محمود_ قرب عليها بحزن معلش ربنا بكر يعوضنا بعيل تاني 

بيمر يوم وار يوم واليوم يجيب اسبوع والاسبوع شهر وعلي هذا الحال لحد ما ؤزهق محمود واتخانق مع مني علشان مجبتلوش الواد والخناق يوصل للضرب الشديد ومن كتير الضرب مني بتقول كلام مكنش ينفع يتقال 

ايوا قالت الكلام اللي قدريه سمعتو وسكتت علشان خافت ابنها يعمل حاجه و يورط نفسو في مصيبه 

مني بعياط ووجع_ وهو كان ابنك اصلا ده ابن جوزي اللي مات سامع جوزي اللي مات 

محمود_ ده كلام بنضحك بي علي الناس مش عليا 

مني بضحك سخريه_ لا منا كنت بضحك عليك انت كمان مع الناس 

قرب محمود  من مني اللي بقت ترجع بخوف متقؤبش يا محمود طلقني وسبني في حالي بقه 

محمود_ اه يبنت ال..... بقع انا تضحكي عليا وتستغفليني ومسكها بقه يضرب فيها اجمد من الاول 

لحد ما طلعت أمة واختو يحوشو وبعد فتره كانو في المستشفي بمني بعد ما إغماء عليها 

الدكتور _ده حالت تعدي انا هبلغ البوليس 

قدريه بخضه_ بلويس لي يا خويا دى خناقه بسيطه بينها وبين جوزها 

الدكتور بسخريه_ بسيطه تأدي للكسور يا حاجه دي عندها كسر في رجليها الشمال وايديها اليمين 

نعمه _يا دكتور هي خناقه بسيطه بنهم وهيتصلحو 

الدكتور_ سبهم لما لاقش فايده في الكلام 

طبعا محمود حاكه لمو كل اللي قالتو مني وقدريه تصنعت الصدمه خوف ان محمود يعرف انها عارفه 

دخلو كلهم لمني 

مني_ انت راجل انت بتتشطر علي واحده ست 

محمود_ قرب منها وقال بغضب اسكتي بدل ما اكسرك الباقي من جسمك ......اقولك علي حاجه احسن انتي طالق يا مني طالق 

مني_ ده يا الف بركه يا خويا غور في داهيه 

قدريه كل اللي شغلها في الموضوع ده مني متطمنه اوي ومش خايفه من الطلاق معني كده عندها مكان للسكن طب فين فوقتها بنتها اللي خدتها وخرجو من المستشفي 

اما عند اسراء كانت اتقلمت علي حياتها العمليه وفي نفس الوقت مش مقصره مع بناتها 

جاسر_ اسراء كنت عايز اتكلم معاكي 

اسراء_ دلوقتي 

جاسر _اه سيبي اللي في ايدك وتعالي 

خرجت_ اسراء وقعدت قدام جاسر اللي فضل ساكت شويه وبعدها فتح الكلام 

جاسر بتنهيده _بصراحه كده يا اسراء انا معجب بيكي 

اسراء_ متصدمتش لانها ملاحظه كده من بادرى بس مينفعش 

جاسر_ اسراء روحتي فين بكلمك 

اسراء _مينفعش يا جاسر انت واحد لسه عايز تبتدي حياتك إنما أنا واحده متطلقه ومعها كمان ٣ بنات انت فاهم 

جاسر_ وانا موافق وبناتك بناتي فكري يا اسراء قبل الرفض وقام وسبها 

روحت اسراء بعد الشغل ودمغها شغاله في الحوار عدت علي صافي وحكت ليها كل حاجه 

صافي كانت عكس اسراء كانت مرحبه جدا بي جاسر وشايفه انو العوض بلنسبه لي اسراء 

طلعت اسراء شقتها وهي بتفكر وتبص لبنتها حوليها ومش عارفه تاخد قرار 

في شقت قدريه كانو متجمعين كلهم 

نعمه _هو انت يا محمود مش بتسأل علي بناتك خالص 

محمود ركز في الكلمه وحس انو غلطان ورد قال لا 

قدريه بعصبيه من بنتها_ ويسأل لي يا ختي دول حيله ٣ بنات 

محمود بص لمو ولتاني مره اقصد للمره المليون كلامها يأثر علي محمود  

صالح_  بس بردو يطمن عليهم هو كل من خلف بنات رماهم 

قام محمود وهو حاسس بلخنقه طلق الست اللي كانت مستحمله وعايشه وساكته وقبل ما يطلق خانها مع اقرب الناس ليها واتجوز عليها وفلاخر اي اللي حصل انا اللي طالع خسران في الاخر 

(((محمود بيحب يعيش دور الضحيه علطول شايف انو اتظلم )))

                 ____________________________

ياتري اسراء هتوافق علي جاسر ولا لا ؟؟؟؟

ومني كده حكيتها خلصت ولا لسه؟؟؟؟

وياتري محمود هيعمل اي مع اسراء هيحاول يرجعها او يسأل علي بناتو ولا هيسمع كلام امو ؟؟؟