كنت من الصدمة مش قادرة افهم ولا مخى قادر يستوعب فقولتله بغباء مش فاهمه يعنى ايه يا دكتور ،انا مش فاهمه حاجة ...؟

قالي وكان صوته مدايق جدا " مش فاهمه ايه بقولك

كان جوه جثة الست دى ٦ اعمال  لست اشخاص مختلفة بصورهم  ، وفي الطبيعي واللى صفحتنا بتعمله زى ما انت عارفة  احنا بناخد الصور ننشرها على الصفحة علشان الناس الماذية تعرف ان في حد عامل لها سحر  فتحاول تتعالج ..وتحل مشكلتها دا هدفنا ..

انت عارفة صفحتنا...

قولتله بشرود "  ايوة يا دكتور عارفة طبعا  وعلشان كدة كلمتك.."

كمل بفزع وبصوت عالي ..

"لكن اللى كان في الجثة دا مخيف جدا ومرعب ..دى كانت  عاملة جسم المتوفية حافظة ، وحد متعمد يعمل كدة ومش لشخص واحد لا دا كان بياذي ٦ اشخاص ..انت مستوعبه الشر  اد ايه ..يعنى مش نفس قصتك ...اللى قولتيها من البداية يا دكتورة..

قولتله بتوتر " انا معرفش والله ولكن  هي قالتلي كدة ودلوقتى مش فاهمه حاجة خالص "

قالي بغيظ "  المشكلة انها طلعت الأعمال والصور  بنفسها من الجثة واخدتهم ومرديتش حد يلمسهم  غيرها  واستغلت انشغلنا بتطهير التربه وخدت كل حاجة وهربت بسرعة من المقابر مستغلية الضلمة واختفت مرة واحدة  ...

قولته وانا مش مصدقة

"هربت ازاى مش فاهمه مخبيه ٦ اعمال لست اشخاص ازاى ...عقلي مش قادر يستوعب ...واختفت مرة واحدة  ازاى حد يفهمني...

انا كنت واثقة  انها كذابة ومش بتقول الحقيقة ، بس كدة انا مش فاهمه بجد حاجة  هو فيه ايه..؟

الرجل كلامه كله اتهام ليا مباشر ، حتى لو مقالش صراحة بس طريقته وصوته بيتهمنى انى انا السبب وانا اللى قولت لسماح تعمل كدة...

مكنتش عارفة اقول ايه للرجل، دا حتى لو حلفتله مش هيصدقنى خالص ، ولقيت نفسي بضحك بصوت عالي  ، والله مش ذنبي انى لما بتحط في موقف محرج أو مرعب أو حتى غريب بضحك ...

طبعا الرجل اكيد يعنى شك فيا ولقيت صوته اتغير وبدأ يهددني انه هيبلغ عني وهيفضحني على السوشيال ميديا وهيقول للناس انى بعمل سحر وبدفنه في أجساد الموتى لو مرجعتش اللى سماح اخدته..ولازم اتعاقب بأشد عقاب  ونهايته على إيده وكلام بقى كتير وشتيمه..

وانا كل اللى طالع عليا انى بضحك وبقوله " مين انا "

عقلي مش مستوعب اللى حصل والرجل ميعرفنيش اووى ، هو عارفني على الفيس وعارف اني بحب الرعب وقصص الرعب قال بس يبقى استغلتنى ودى مشعوذة وساحرة..

وعلشان كدة مجتش معانا امبارح المقابر ، وبعتت واحدة بنقاب  علشان ميبقاش في دليل عليها ..

نهاية كلامه كانت تهديد بالفضيحة ونشر الحقيقة وكلام كبير اووى ، خلانى قفلت في وشه السكة،  هو دا جزائي بالنهاية 

يا لهوى لا حول. لا قوة إلا بالله منك لله يا سماح ،ودا اخر اللى يدخل في اللى ملهوش فيه انا مالي ومال القصة دى كلها بس يارب؟

خلتي الرجل مش طايق شكلى وحمدت ربنا اني مروحتش معاهم المقابر ولا حتى بعت للرجل دا رسالة مكتوبة.. 

انا اخدت رقمه وكلمته فون ، واعدت احمد ربنا كتير لانى دايما بكتب الرسايل...

يعنى كدة مفيش دليل عليا انا مش ناقصة فضايح وقلة ادب ولو عمل بوست هيدخل كل واحد يشتم ويتهم من غير ما يفهم القصة ودى بقيت موضة الفيس بوك دلوقتى..

الناس بتخرج أسوأ ما فيها دلوقتى من ورا الشاشة من غير ما تفهم  ، قفلت الفون وكنت متغاظه من الحية اللى اسمها سماح...

وحمدت ربنا بردوا انى مقولتلهاش انى اعرف اخت حماتها وجاتلي العيادة.. ودى نقطة كويسه لازم استغلها..

قولت لازم افكر بالراحة كدة واخطط  اشوف سماح دى وراها ايه بالظبط ...؟

واكيد مش هعرف افكر من غير ماكل واشرب القهوة بتاعتى ، وبعد ما اكلت وشربت وشربت القهوة قعدت افكر في المصيبة دى ، هخرج منها ازاى دلوقتى ...لقيت إشعار على الماسنجر 

والرجل بعتلي رسالة بيقولى قدامك ٤٨ ساعه لو الحاجة مرجعتش القصة كلها هنشرها على الفيس بوك .على صفحتنا.

مردتش عليه بس معتقدش يقدر يعملها ،مفيش دليل معاه وبعدين هيقول ايه روحت فتحت تربه ومقبرة بدون علم اصحابها دا يروح في داهيه.. والسجن ..

مكنتش مهتمه اووى بكلامه بس كنت مضايقة انه زعلان وحصل كدة وانا مليش ذنب والرجل بردوا كان بيساعد ...

بس هو يعنى غريب بردوا شويه ..بس خليه على جنب وانا هبقى أفهمه الموقف بعدين لما اشوف هعمل ايه...

فكرت أكبر دماغي ومليش دعوة وكدة كدة الرجل مش هيعمل حاجة وكفاية لغاية كدة ، بس ضميري مسمحليش وكنت متغاظة من سماح دى وكنت لازم انتقم منها ...

الصراحة انا عاوزة انتقم منها واكشفها وتستاهل بقى اللى يجرالها، وقولت لازم اكلم اخت حماتها واللي يحصل يحصل  بقى...  

طلعت رقم تليفونها اللي كنت اخدته منها يومها بالعيادة، واتصلت بيها اسأل عليها وسبحان الله لقيتها بتقولى ..

، " انا كنت هيجيلك انهاردة انت بنت حلال والله " 

قولتلها " ليه في حاجة ولا ايه انا قولت اطمن عليك  وكنت عوزاك في موضوع "

قالتلي " خير يا دكتورة منى "

قولتلها طيب ممكن تجيلي العيادة انهاردة لو سمحت 

قالتلي دانا طالعه عمره بعد بكرة وكنت عاوزة اسلم عليك واشوف لو محتاجة حاجة من هناك ، قولتلها " ربنا يكرمك يارب يا امي ترجعي بالسلامة  "

سكتت وقالتلي " عارفة انا مكنتش طالعة بس حلمت باختى وقالتلي ان ربنا هيسرها خلاص ، وقالتلي اسلم عليك واوصلك السلام والأمان وسكتت شويه وقالتلي هو انت كنت تعرفيها اووى يا دكتورة..

انا مكنتش عارفة أرد عليها هقولها ايه انى مش عارفة أختها بس عارفة شبحها وقابلته في المستشفى  وكان قاعد على الكرسي الاسود  ، هقولها اللى عملته مرات ابنها فيها ...

سكت وقولتلها "ربنا يتقبل منك يارب"

قولتلها انا عوزاك ضرورى ممكن تجيلي ...

قالتلي "  خير يا بنتى "

قولتلها "لم تيجى هقولك ان شاء الله .."

قالتلي كنت انا رايحة اشتري حجات للسفر من كازيون هعدى عليك دلوقتى ، لبست بسرعه وروحت استناها بالعيادة..

وجاتلي وكانت مبسوطة انها طالعه عمره ..

وقالتي الحمد لله بقالي سنين نفسي اطلع العمرة والحمد لله ربنا كتبها انت وسك حلو عليا ..

قولتلها مبروك ربنا يتقبل يارب منك...

قالتلي خير يا بنتى عاوزة ايه ..؟

قولتلها عاوزة اروح بيت سماح...

قالتلي سماح مين مرات حمادة..؟

قولتلها ايوة هى مرات حمادة ..ممكن توصلينى لبيتها..

قالتلي بعد ما وشها اتغير " ليه وايه اللى وقعك في طريق سماح بس دى طريقها كله شر وشوك اتقي الله ..:

قولتلها " انا لازم اشوفها بالله عليك ضرورى، قالتلي بشرود؛

- انت عاوزة تأذي مين بس ..؟

قولتلها اذي ليه بس كدة ..انا عوزاها بس في حاجة خاصة ..

لقيت الست وشها اتغير وقالتلي ...

عاوزة عمل وبتعملي لمين السحر يا دكتورة اتقي الله ...

قولتله هعمل سحر ايه بس الله يهديك انا بقولك عاوزة مكان سماح بس...

قالتلي مهى سماح معروفه بتاعة اسحار واعمال من زمن ، ومحدش بيقرب منها الا اللى شبها . 

قولتلها استنى بس انت بتتكلمى عن مين ...

قالتلي سماح مرات حمادة اللى منها لله بتاعة اعمال واسحار ،معرفش حمادة ابن أختى اتجوزها ازاى سحرتله....وبسببها أختى ماتت مقهورة على حمادة وقبلها جوزها ...سماح دى شر ماشي على الارض ولعنه اللى بيقرب منها بيتحرق بنارها...قولتلها يعنى انتوا عارفين انها بتاعة اسحار واعمال ..

قالتلي ايوة من اول يوم اتجوزت في حمادة هي وامها معروفين في المنطقه ، وهو حمادة اتجوزها ازاى دا كان خاطب بنت عمه الله يرحمها وبسببها وبسبب أعمالها جابتلها المرض وماتت مقهورة الغلبانه واتجوزت هي حمادة اللى بقى زى الخاتم في صباعها ...

انا من الصدمة مش قادرة استوعب بس بعد اللى شوفته من سماح وكذبها ممكن اصدق اي حاجة عنها دى شر ماشي على الارض..

قولتلها وانتوا سبتهوها ليه....قالتلي وهنعمل ايه وحمادة بقى زى الشخشيخه في ايديها ملوش كلمة ولا رأي...

قولتلها استنى ازاى دانا سمعته بيزعقلها وتعاملها وحش...

قالتلي من بعد موت أختى الحمد لله حمادة فاق موت امه فوقه..

.وكمان ماتت وهى غضبانه عليه بسبب سماح اللى منها لله..

قولتلها طيب مدام عارفينها كدة ازاى دخلتها يوم موت اختك المستشفى...قالتلي بصوت عالي " انت بتقولى ايه سماح محدش يستامنها على صاحى هنستامنها على ميت الكل عارفها ومقاطعنها من زمن وسنين...

لما سالتينى عنها المرة اللى فاتت استغربت بس قولت يمكن أختى حكتلك اللى كانت بتعمله فيها وارتاحتلك.

لكن دلوقتى فهمت كنت بتسالي عنها ليه ربنا يسمحك ويهديك يا دكتورة ...

كانت دماغي هتجنن  سماح دى ايه حكايتها يا ترى...

الست مشيت وهى متعصبه  وبتحسبن قولتلها استنى بس ارجوك الموضوع مش كدة خالص والله ...

تعالي هحكيلك كل حاجة لأنك لازم تعرفي وتوصلينى بها أو بجوزها ضرورى بالله عليك...

الست قعدت بالعافيه وانا حكتها كل حاجة من بداية 

القصة وهي كانت بتسمع برعب بس واضح انها مصدقة كلامى جدا ...

بعد ما خلصت كلامى معاها  جالى إشعار على الماسنجر من الدكتور الغريب  بتاع تطهير المقابر ولقيته باعت تسجيلات صوت..

والمصيبه  والمفاجاة كان صوتى ومسجلي وانا بقوله موضوع العمل والسحر والجثة ... لا والمصيبه بعرفه بنفسي واسمى بالكامل ...

ولقيته بعتلي رسالة بيقولى  فيها..

" لو الحاجة مرجعتش هتندمى أشد الندم مش انا اللى يتعمل معايا كدة  انا عارف كويس اووى انت اخدت الحاجة لمين 

بس مش انا اللى حد يسبقني يا شطورة ولا يضحك عليا الشيطان نفسه بيكلمنى هتيجى انت وتضحكي عليا "

انا قريت الرسالة بتعجب هو الرجل دا بيهددنى ولا إيه ..

يا لهوى وايه الكلام الغريب دا وهو هيعمل ايه بالأعمال والسحر دا وماله هيتجنن عليهم ليه ...

معرفش انا ايه اللى ورطني في كل دا من البداية 

الست كانت بتبص عليا  بتعجب وهي خايفة  وانا منهارة ومش مصدقة اللى انا سمعته بجد...

هو الرجل دا بيهددنى  ولا إيه مش فاهمه بجد 

هو ايه الورطة دى ..

وبعدين هو ماله ومال الأعمال والصور مخلاص طلعهم وساعد الست الميته مهتم ليه اووى دا كمان ...

بظهر انى داخله على مصيبه ما يعلم بيها الا ربنا 

الست كانت بتبصلي اووى وانا مش قادرة اتكلم 

انا خلاص...معرفش في ايه بجد...

قالتلي بتوتر وخوف بعد ما سمعت القصة كلها وسمعت كمان رسالة الدكتور وهو بيهددنى :

"وهنعمل إيه يا دكتورة؟ 

حمادة  كان رافض يطلقها بس بعد موت امه اتغير الحمد لله وربنا هداه  ، كان الاول كل شوية يعمل مشاكل معانا ويقولنا محدش له دعوة بمراتي… 

ولا كأننا أهله.. حتى لما أمه كانت بتعيطله وتقولّه مراتك دي دمرتنا وشيطان بعملها وسعرها الأسود... كان يزعق فيها..لدرجة نرة ضربها..

سحرته الملعونة ، وربنا عالم بيه… هي وأمها مش سايبين حد في حاله خالص ومعروفين .

قعدت أبص عليها  ودماغي  بتغلي، يعني مش بس  عملت كل ده، لأ دي معروفة ومكشوفة من سنين، وأنا اللي وقعت في فخها بغباء وصدقت قصتها وورط نفسي في مصيبة ..

قولتلها:

"طيب، تقدري توديني بيتها لازم اروح عندها بسرعة ؟

لازم اخلص من الورطه الكبيرة اللى انا فيها والرجل المجنون اللى بيهددنى دا كمان  ولازم أخلص الموضوع ده انهاردة ارجوك  قبل ما يحصل مصيبة اكبر 

بصت لي بخوف وقالتي..

"أنا هوصلك… بس بالله عليك لو دخلتي بيتها، خلّي بالك… دي ما بترحمش، وهتأذيك… ووشها مكشوف كانت مستورة ، ودلوقتي انكشفت وربنا فضحها وكل يوم حد بيتفضح سر من اسررها  وحد يتأذي من غدرها وربنا انتقم منها بمرض ابنها اللى ملوش علاج..."

قولتلها حرام متقوليش كدة ابنها ملوش ذنب ربنا مش بعاقب حد بذنب حد يا حاجة...

روحت  معاها  وقلبي مش مرتاح ، مش عارفة داخله على إيه… بس اللي متأكدة منه إني مش هخرج من بيتها غير وأنا مخلصة القصة دي كلها واعرف هي عملت ايه وليه ...

وردت الأعمال دى فين ..؟

وليه ضحكت عليا ودبستنى معاها في قصتها .. حسبي الله ونعم الوكيل...

وبعدين  ابقى اشوف بقى  الدكتور المجنون  دا كمان عاوز منى ايه  بالظبط وليه مهتم اووى كدة بالأعمال دى مش فاهمه بىدوا ..حاجة غريبة اووى ومش مفهومة خالص ليا  ..

انا هتجنن ..

ودماغي بتلف وميت سؤال وسؤال في دماغي  اللى هتنفجر 

انا 

انا