ـــــــــــــــــــــــــــــــــــــــــــــ

_لا تعاقب الورده علي ما فعلته اشواكها، فأنت من اقتربت وحاولت قطفها🌺❤

_كان قاعد عز بيعيط علي ابنه اللي فقد حياته وجنبيه فيروز بتعيط بصمت وهي مش مستوعبه اللي قاله الدكتور، وفجأه طلع يونس الصاوي من الاوضه اللي المفروض فيها زين.... 

عز بصله بعدم فهم وقال

انت بتعمل ايه هنا، وكنت جوه بتعمل ايه؟ 

يونس بخبث

بردلك جزء من اللي كنت بتعمله فيا زمان، في المقابر يا صاحبي العزيز.. 

عز بصدمه 

لا ما تقولش ابني عايش وده مقلب منك؟.. 

ابتسم يونس وفيروز قالت 

ابني فين يا يونس وايه الحكايه وايه البرود اللي انت واقف بيه ده.. 

طلع فجأه زين من الاوضه وقال بقلق

مبدائياً كده انا اسف بس هو قالي انا لو ما سمعتش كلامه مش هيجوزني يارا.. 

جريت عليه فيروز وحضنته وقالت ببكاء

اخص عليك يا زين ده كانت هتجرالي حاجه وهموت فيها، كده تعمل فيا كده طيب هو راجل عره وهايف تسمع كلامه ليه.... 

يونس بغيظ 

جرا ايه يا وليه ما تحافظي علي كلامك، ما تشوف الوليه دي يا عز.. 

عز شمر اكمام قميصه وقال بغضب

هي قالت وانا هعمل يا واطي، هو ده مقلب تقولي ابني مات وتخليني اصدق وطالع تضحك يا حيوان.. 

يونس 

طيب لم نفسك عشان احنا في مستشفي محترمه وانا مش عايز اقل منكم، وبعدين يا جماعه احنا بقينا اهل خلاص تتقبلو هزاري بقي ولا اقول بلاش منه الجواز خالص.. 

زين بسرعه قال

لا عادي يا يونس بيه هزر براحتك علي قلبنا زي العسل.. 

عز بغيظ 

ياد بلاش الدلقه دي انت مش شايف عمل فينا ايه دلوقتي بسبب حبك لبنته.. 

زين بجديه

عارف انه موقف صعب بس انا قداكم اهو بقول انا هموت فعلا لو ما اتجوزتش يارا.. 

ابتسم يونس بهدوء وفيروز قالت بسرعه

بعد الشر عليك يا حبيبي انا مش زعلانه الحق مش عليك انت كله من ابوك ومعارفه الزباله.. 

يونس بحده

يا وليه انتي احترمي نفسك، انا لولا مش بمد. ايدي علي ستات كنت.. 

عزز

كنت عملت ايه يا بجح سيبها تقول اللي عايزااه.. 

يونس 

مش هصغرك وهسكت وهسيبها تقول اللي عايزااه، المهم انا اتفقت مع زين علي اخر الاسبوع انا عازمكم كلكم في المدينه السياحيه بتاعتي.. 

عز بسخريه

اتنطط علينا بقي بالمدينه بتاعتك الله يرحم العربيه الميكروباص والموقف يا معلم اتنين من عشره هاااا. 

فيروز بغيظ 

وليك. نفس تهزر معاه ده انا لو مكانك. اقطع علاقتي بيه... 

يونس

ما تتلمي بقي يا وليه انا ساكتلك من بدري احتراما لابنك وبس.. 

فيروز بحده 

انت تبطل تقولي يا وليه يا راجل يا قليل الذووق انت فاهم ولا لا.. 

عز 

خلاص انا مسامح ما هو اللي عملته فيه زمان مش قليل يا جماعه، المهم انت عازمنا ليه عشان نيجي نخطب البت للواد.. 

يونس 

لا انا اتفقت مع زين ما فيش حاجه هتبقي رسمي غير لما يارا تخلص المدرسه وتكمل السن القانوني وقتها تيجو تتقدمو.. 

عز 

بلاش انا وابني يا يونس اللي تتعامل معانا كده، النهارده عندي بكره عندك.. 

يونس

ربنا ما يحوجني ليك يا اخويا واللي عندي قولته وانا اتفقت مع ابنك ولو الكلام اتغير في اي وقت ولاي سبب هعتبر اني كنت متفق مع عيل مش راجل والموضوع هيتقفل خالص، ابنك عايز بنتي يبقي يتحمل ويثبتلي انه يقدر يتحمل اي حاجه عشاانها وعشان نمشي بالاصول والصح مش سلق بيض هو.. 

بص عز لابنه وقال

خلاص مدام اتفقت معاه وهو وافق يبقي هو حر، بس انت بقي عايزنا نتجمع ونتقابل ليه مدام ما فيهااش خطوبه 

يونس

عشان هنبقي عيله واحده في المستقبل فانا عايز نتعرف علي بعض اكتر واشوف بنتي هتقدر تتعود علي العيله اللي هتنجوز فيها ولا لا، والعزومه مش ليكم لوحدكم ده لعيلتك كلها.. 

عز 

طيب مدام. كده خلينا نتجمع في فرح كمال ابن اختي اخر الاسبوع في الصعيد واهو بالمره تجيب العيله من تحت اووي من المكان اللي اتنشأت فيه.. 

فيروز

لا طبعا زين تعبان ومش هينفع يساافر.. 

عز 

المسافه مش بعيده اووي يعني وهو مش هيسافر بجمل وهما يومين ونرجع وجو البلد هيخليه يبقي احسن ولا ايه يا زين.. 

زين

انا موافق ما عنديش مشكله بس ماما طبعا تيجي معانا.. 

سكتت فيروز وبان عليها الضيق ويونس قال

خلاص ظبطها يا عز وكلمني عشان اظبط اموري انا كمان، ولامؤخذه علي المقلب اللي اتعمل ده.. 

قال كلامه ومشي وفيروز قالت بغيظ

راجل مستفز والله لولا اني بحب يارا ما كنت خليت الجوازه دي تتم بعم اللي عملو ده.. 

زين 

لا يا ماما ابوس ايدك الا الموضوع ده وانا اسف انا اللي غلطان عشان سمعت كلامه بس هو حطني في الامر الواقع.. 

عز بغيظ 

عارف يالا انت لولا انك لسه تعبان انا كنت اديتك علقه معتبره، عمال تمشي ورااه وتقوله حاضر ونعم ايييه ما تنشف كده بس اقول ايه تربيه حريمي.. 

فيروز بحده

اهي التربيه الحريمي دي احسن من تربيتك. 

زين 

والنبي كفايه احنا اتشبهنا واتفضحنا في المستشفي دي.. 

عز 

استني هما لسه شافو فضايح بعد المقلب اللي اتعمل فينا ده، فين المسؤل هنا.. 

زين 

هو انت ما تعرفش يا بابا مش المستشفي دي المستثمر بتاعها يبقي يونس الصاوي.. 

عز بصدمه 

يخربيته دي كمان عملها ازاي، جاب الفلوس دي منين وامتي؟.. 

فيروز 

وقت ما كنت انت داير ورا الستات في بلاد الخواجات، سبحان الله كان اقل واحد فيكم بقي اغني منك انت وعمار المنشاوي صاحبك.. 

عز 

مش مهم كده كده هنبقي نسايب والواد ابنك هيبقاله نصيب من ورثه.. 

كتم زين ضحكته وفيروز قالت بغيظ 

يلا بينا يا زين ده ناوي يجلطني هو وصاحبه النهارده.. 

ــــــــــ #بقلم_الكاتبه_رحاب_القاضي ــــــــ

_وفي الصعيد كانت أسرار قاعده في اوضتها والباب خبط فقالت بهدوء.. 

أسرار

مين؟ 

كمال

انا.... افتحي يا أسرار عايز اتكلم معاكي.. 

قامت أسرار ولبست حجابها وفتحت الباب وقالت

نعم يا كمال.. 

كمال بجمود 

روحتي فين معاه؟ 

أسرار بضيق

مع مين؟ 

كمال بحده

انتي هتستهبلي، اخدك وروحتو فين انتو الاتنين لوحدكم؟ 

أسرار 

ما تعليش صوتك عليا وعندك اخوك روح اسأله.. 

ذقها بعنف ودخل وقفل الباب عليهم وهي قالت بقلق وخوف

ايه اللي بتعملو ده ما يصحش يا كمال افتح الباب.. 

كمال بغضب

كنتو فين؟ 

أسرار بعِند رغم خوفها 

قولتلك عندك اخوك روح اسأله، مش هو اللي جه وخدني.. 

مسكها من دراعها وضغط عليه بكل قوته وقال

وانا بسألك انتي عشان انتي اللي تخصيني، والمفروض يا محترمه لما كان قالك يلا بينا كنتي قولتيلو اسأل خطيبي الاول.. 

أسرار بدموع والم 

سيبني وما عنديش رد. عليك... 

كمال بحده 

لا هتردي وغصب عنك هتحترميني.. 

بصتله بدموع وقالت 

وانت بتحترمني قووي يعني تحب اقولك بتكون فين وانت في القاهره، بتراافق كام واحده ولما ترجع تعمل عليا دور المؤدب المحترم، انا وانت عارفين الهدف من جوازنا بس انا هحترمك عشان انا محترمه ومتربيه غصب عنك وعبدالله دلوقتي بقي مكان عمر الله يرحمه يعني اخويا فمتجيش في يوم وتتكلم عليا وعليه بالطريقه دي، وقبل ما تكلمني انا علي الاحتراام احترم انت نفسك الاول واتقي ربنا في تصرفااتك لو مش عشاني عشان بنتك، خاف عليها ليترد فيها القرف اللي بتعمله.. 

ساب كمال ايدها وهي مسكتها بألم وقال بجمود

انا ما حدش يقولي اعمل ايه وما اعملش ايه انا حر وانا الراجل، وانتي غصب عنك هتسمعي كلامي، وعلي فكره انا كلمت كل قرايبنا وعزمتهم علي كتب كتابنا اخر الاسبوع وقولت لعبدالله انك موافقه، وجوازي منك مش عشاان بنتي وبس والاقي واحده تخدمني لا هو عِند في عبدالله عشان انا اللي عايزه بعمله يا بنت عمي... 

جه يمشي بس هي قالت بغيظ 

وانا مش عايزاااك هنزل دلوقتي واقولهم اني صرفت نظر عن الجوازه دي... 

بصلها بغضب وقال

لا انتي مش هتعملي كده عشان انتي مش غبيه يا اسرار، وفكري فيها كويس روان بتغير منك علي جوزها يعني لو انا ما اتجوزتكيش هتبقي تقيله علي الكل علي امي اللي طبعا هتفضل بنت اخوها عليكي وعبدالله اللي انا وانتي عارفين انه من زمان بيعشق روان، يعني مش هيبقالك مكان هنا جوزي منك هو اللي هيعملك قيمه ومن غير الجوازه دي انتي ولا حاجه، فبلاش غباااء واسمعي كلامي احسنلك.. 

نزلت دموعها بحزن ظهر علي ملامحها وبصت للارض بكسره حقيقيه وهو قرب منها ورفع وشها بأيده وقال بشماته.. 

كمال

قوليلي كنتي فين انتي وعبدالله؟ 

بعدت عنه ومسحت دموعها وقالت

شعبان ولد خلف كلمني وهددني وعبدالله خدني عندهم وجابلي حقي منه قدامي وهدده انه يكلمني تاني... 

كمال 

وما قولتليش ليه انا انه كلمك اشمعنا عبدالله؟.. 

اسرار

انا ما قولتش لعبدالله، انا وقت ما كلمني خوفت وروحت لمرت عمي وقولتلها اللي حصل وهي اللي قالتله حتي اسألها.. 

كمال 

اوكي اهدي وبطلي عياااط لو كنتي رديتي عليا كده من الاول ما كنتش زعلتك مني علي فكره.. 

أسرار بضيق

افتح الباب وامشي مش خدت الرد اللي عايزه خلاص.. 

قرب منها كمال اكتر وقال بخبث

وانتي خايفه مني ليه طيب علي فكره احنا مخطوبين يعني عادي وو.. 

بعدت عنه بسرعه وقالت بخوف حقيقي

لا مش عادي يا كمال ما ينفعش كده دلوقتي.. 

كمال 

تمام الخميس مش بعيد، انا مساافر دلوقتي خلي بالك من رضوي.. 

_قال كلامه وسابها وطلع وهي راحت قعدت علي السرير وفضلت تعيط ومسكت صورة عمر اخوها وقالت ببكاء.. 

أسرار

انا اول مره ابقي محتجالك قووي كده انت وامي، انا من غيركم ما بقاش ليا حد... 

_فماذا تخبئ لكي الحياااه يا أسرار؟ 

ــــــــــ #بقلم_الكاتبه_رحاب_القاضي ــــــــ

_وفي الوقت ده كان عبدالله قااعد. بيتعشي وجنبيه روان وجات الشغاله اللي كانت بنت في العشرين من عمرها وحطت قداامه الاكل وقالت بهدوء.. 

ورد

ان شاء الله اكلي يعجبك يا عبدالله بيه؟ 

بصلها عبدالله بهدوء وقال

انتي جديده هنا انا اول مره اشوفك؟ 

ورد ابتسمت وقالت

ايوه انا بنت ام سعيد هي بعافيه اليومين دول وانا جيت مكانها، وتحت امرك في اللي تطلبه مني يا كبيرنا.. 

روان بجمود

طيب انتي هتفضلي ترغي كتير، روحي شوفي شغلك يا ورد.. 

_اتحرجت ورد وعبدالله بص لروان بحده وقال لورد قبل ما تمشي... 

عبدالله 

استني يا ورد.. 

ردت عليه وهي عيونها في الارض

تحت امرك. يا عبدالله بيه؟.. 

عبدالله ابتسم بهدوء وقال

تسلم ايدك اكلك حلو اووي، ومن النهارده ما حدش هيعملي الاكل في البيت غيرك وهعملك مرتب مخصوص ليكي حلو، وحتي بعد امك ما ترجع انتي هتفضلي قاعده معانا هنا.. 

ابتسمت ورد بأتساع وقالت

ربنا يخليك يا عبدالله بيه ويكرم اصلك يارب، بعد اذنك.. 

دخلت ورد المطبخ وهي مبسوطه وروان قالتله بحده

هو ايه اللي انت عملته ده، اومال انا بتعلم الطبخ عشان مين مش عشااانك؟ 

رد عليها عبدالله ببرود وهو بياكل

بقالك كتير بتتعلمي وما فيش نتيجه وانا مش هفضل اكل العك بتاعك ده كتير، شوفيلك حاجه تانيه اعمليها بيقولو الست اللي ما بتعرفش تطبخ بتعرف ترقص الكلام ده بجد؟ 

اتوترت روان وقالت 

لا ما اعرفش... وايه السؤال ده اصلا؟.. 

عبدالله بخبث

بسأل عادي بتعرفي ترقصي ولا لا؟.. 

وشها قلب احمر وشافت علياء جايه عليهم فقالت بسرعه

عمتو جايه اسكت بقي.. 

كتم ضحكته علي كسوفها بصعوبه وقعدت علياء معاهم وقالت

اسرار بتقول مش جعانه اتحايلت عليها تنزل مش راضيه وكمال مشي خلاص.. 

عبدالله

هما اتفقو خلاص علي يوم الخميس؟ 

علياء

ايوه ربنا يتمملهم بخير يارب، اهلك كلهم جايين يا اسرار وكمان عز عزم يونس الصاوي صاحبه وعيلته.. 

عبدالله بضيق

يا امي احنا مش قولنا هيبقي كتب كتاااب ودخله علي الدايق؟.. 

علياء

ما هو بيني وبينكم والكلام ما يطلعش بره زين هيخطب بنت الراجل ده، فعز استغل فرح كمال واسرار وقال يعرف العلتين علي بعض واحنا متجمعين.. 

عبدالله 

اذا كان كده يا اهلا وسهلا ينورو، الراجل ده محترم وانا ما اعرفوش شخصيا بس ليه سمعه كويسه.. 

روان 

عبدالله كنت عايزه لابتوب.. 

عبدالله

حاضر هبقي اجيبلك.. 

روان 

بسرعه عشان اعمل عليه حاجات للجامعه والسنه الجديده وكده.. 

عبدالله

في المكتب عندك. اللابتوب بتاعي اعملي عليه اللي انتي عايزااه لحد ما اجيبلك واحد جديد.. 

روان

وزهقت من القعده هنا بصراحه فعايزه كل فتره انزل المحافظه اغير جو.. 

بصتلها علياء بلوم وعبدالله قال بجمود

لا ما عنديش انا الكلام ده.. 

روان بضيق

يا عبدالله بجد والله القعده هنا ممله اوي وانا ما فيش حاجه اعملها جديده وبزهق اووي.. 

عبدالله بجديه

لما ابقي افضي هبقي اخدك ونغير جو... 

روان بضيق

ما انت ما بتفضااش.. 

عبدالله بحده 

يبقي اسكتي ولو مش عاجبك النظام هنا الباب يفوت جمل وقولتلك قبل كده... 

اتملت عيونها دموع وجات تقوم بس مسك ايدها وقال بحده

اقعدي ابويا الله يرحمه لما كان بيقعد ياكل امي من احترامها ليه حتي لو شبعت كانت تفضل قااعده جنبه عشاان لو احتااج حاجه، ايه كمان مش عارفه ازاي تخدمي جوزك.. 

علياء بقلق

اقعدي يا روان يا حبيبتي كملي اكلك انتي ما اكلتيش حاجه.. 

_قعدت روان ومسحت دموعها اللي نزلت بسرعه، وهو تجاهلها وقال لعلياء بهدوء.. 

عبدالله

هي فين رضوي بنت كمال؟ 

ابتسمت عليااء وقالت

بتخاف وبتتكسف منك فبتاكل لوحدها.. 

عبدالله

بتخاف مني انا، يا ورد.. ورد.. 

جات ورد بسرعه وقالت

نعم يا عبدالله بيه؟ 

عبدالله 

معلش اطلعي هاتيلي رضوي من فووق قوليلها عمك عايزك.. 

ورد

من عينيا الاتنين.. 

طلعت ورد فووق وهو بص لروان وقال بجمود

عايز مايه.. 

_اتنهدت بضيق ومسكت كوباية المايم وحطتها قدامه، وهو اول ما شرب منها قال بضيق.. 

عبدالله 

مش ساقعه ادخلي هاتيلي مايه ساقعه من جوه. 

قامت روان دخلت المطبخ وعلياء قالتله بحده

ما تتلم بقي دي روان يا عبدالله ما تكرهش مراتك وحبيبتك فيك. 

عبدالله بجمود

لو سمحتي يا امي سبيني اتعامل معاها بالطريقه اللي تريحني، اما نشووف هتتحمل لحد امتي وهتتعود علي حياتها كده ولا لا.. 

جات روان وحطت المايه قدامه وقالت

اتفضل.. اي اوامر تانيه.. 

ما ردش عليها وعليااء قالت

اقعدي يا بنتي كملي اكلك.. 

_سمعت روان كلامها وقعدت مكانها، ونزلت في الوقت ده رضوي وهي بتبص لعبدالله بخوف وقالت.. 

رضوي

نعم يا عمو.. 

ابتسم عبدالله وقال

ايه الحلاوه دي سمعتي كلمة عمو دي يا امي، جديده. عليا.. 

ضحكت علياء وقالت

ده. انت فايتك كتير هي كلها زي العسل اصلا.... 

عبدالله 

واحلي حاجه انها مش طالعه لابوها، قوليلي يا رضوي بتخافي مني ليه ومش راضيه تقعدي تاكلي معايا؟.. 

رضوي ببراءه

مش خايفه انا مش جعانه.. 

عبدالله 

طيب ايه رئيك بقي لو كل يوم بقيتي تقعدي تاكلي معانا انا هاخدك يوم لوحدك وافسحك واجيبلك حاجات حلوه كتير، ها هتقعدي تاكلي ولا ارجع في كلامي.. 

ابتسمت بسعاده وقالتله

هقعد اكل حاضر يا عمو.. 

عبدالله بأبتسامه واسعه

يا قلب عمو انتي، اقعدي يلا جنب تيته.. 

_سمعت رضوي كلامه وقعدت جنب علياء اللي بصت لعبدالله بنظره كلها رضا وقالت.. 

علياء

طول عمرك اللي يقصر فيه غيرك انت بتقوم بيه،ربنا يخليك لينا يا حبيبي.. 

عبدالله 

ويديمك في حياتي يا ست الكل.. 

_وكمل عبدالله اكله وهو متاابع روان اللي بتقلب في طبقها وما اكلتش ولا لقمه، وقاام وقالها بنفس جموده.. 

عبدالله

اعمليلي شااي وهاتيه المكتب بسرعه.. 

قال كلامه ودخل مكتبه وهي قالت لعليااء بدموع

شايفه يا عمتو والله ما هقدر انا استحمل كل ده.. 

علياء

معلش هو بس بيعمل كده عشاان زعلان، اول ما يصفي هتلاقيه رجع زي الاول واحسن، اسمعي انتي بس كلامه وبلاش عِند معاااه.. 

روان

حاضر اما نشووف اخرتها مع ابنك ده.. 

ــــــــــ #بقلم_الكاتبه_رحاب_القاضي ــــــــ

_وفي شقة سيف التانيه اللي متجوز فيها شرين، رجعت شرين من بره ولقيته قااعد وشكله متعصب جدا.. 

شرين

اهلا... حليت مشكلتك مع قريبك ولا لسه؟ 

سيف بحده 

ايه اللي عملتيه في بنتي لما كانت هنا يا شرين؟ 

شرين 

هكون عملت ايه يعني، وبعدين انت شوفت طليقتك ولحقت تسخنك عليا مش كده؟ 

سيف بحده 

ردي عليا كويس ومالكيش دعوه بريناد، انا شوفت كل حاجه بقي انا سايب بنتي معاكي امانه تقومي تعملي فيها كده،الشغاله صورتك يا هانم وانا شوفت كل حاجه.. 

شرين بحده

الشغاله اللي امك جابتها كانت بعتهالي عشان تراقبني، وبعدين هي الشغاله ما قالتش علي الالفاااظ اللي بنتك بتقولها، ما قالتش اني قولتلها اكتر من مره عيب وبنتك كانت بتغلط فيا.. 

سيف

انتي بتقولي ايه تيا يدوب تلات سنين ونص... 

شرين 

بس بتتكلم وقالت الكلام ده هو انا همد ايدي عليها غير لو خايفه عليها، بس انا غلطانه عارف ليه عشان فكرتها بنتي زي ما هي بنتك ولما هعمل كده انت هتفهم اني خايفه عليها، هي لو ريناد اللي عملت كده كان حد. هيتكلم معاها اكيد لا بس انا ازاي ما ينفعش عشان انا مش مامتها، مع ان انا اتحرمت من الخلفه بسببك انت والست ريناد لما خليتني اجهض البيبي فاكر ولا نسيت يا سيف.. 

سيف بضيق

انا مش قصدي اقول انها مش بنتك يا شرين، بس الموقف كان سخيف وبعدين انتي ما قولتليش ليه ان البنت بتقول الفااظ مش كويسه ده كنت ممكن اوديهم في داهيه علي تربيتهم الوحشه دي لبنتي... 

شرين بدموع 

انا مش عايزه اعمل مشااااكل يا سيف بينك وبينهم، بالعكس انا عايزه علاقتك بيهم تبقي كويسه عشان خاطر بنتك وقولت اتعامل مع بنتك بطريقه مناسبه عشان تخاف وما تقولش الكلام ده تاني، وسيبك بقي من التربيه الحديثه والكلام ده، دي بنت ولازم تعرف ان الغلط غلط والصح صح.. 

قرب منها سيف وقال

خلاص يا حبيبتي حقك عليا، واعتبري الفديو مش موجود بس ما تزعليش مني.. 

شرين 

خلاص يا سيف اللي حصل بقي، المهم قولي انت هتعمل ايه مع ابن خالتك؟ 

سيف

هتكلم مع كمال اخوه اصلا علاقة كمال وعبدالله مش الطف حاجه وانا هستغل النقطه دي وهاخد صف كمال واشتغل معاه. 

شرين 

بقولك ايه هو عبدالله القاضي ده هيبقي امتي هنا في القاهره؟. 

سيف

مش عارف بس انتي ليه بتسألي

شرين بخبث

انا هحل المشكله معاه بمعارفي، بس انت سيبني انا اتصرف.. 

سيف

هو انتي كنتي فين دلوقتي؟ 

شرين 

مع. صحابي يا سيف كنت هكون فين يعني، هدخل اخد شاور وانت اطلبلنا عشا من المطعم اللي بحبو يلا.. 

_قالت كلامها ودخلت اوضتها ومسكت موبيلها وكلمت حد في الفون وقالتله بصوت واطي.. 

شرين

ايوه يا حبيبي بقولك ايه ما تجيش النهارده عندي، سيف هنا ما اعرفش ايه اللي جابه بس اوعي تيجي... 

_تفتكرو بقي مين اللي كلمته شرين ده؟؟.. 

ــــــــــ #بقلم_الكاتبه_رحاب_القاضي ــــــــ

_وفي بيت يونس الصاوي كانت ياسمين قااعده بتعيط في حضن شهد وجنبيهم يارا، ونزل يوسف من فووق وقال.. 

يوسف

هي البت دي بتعيط ليه مش عملية ابوها نجحت، ولا فشلت وانتوو كنتو بتضحكو عليها.. 

شهد بحده 

بعد الشر الحمد لله العمليه نجحت بس ياسمين بتعيط عشاان نفسها تبقي جنبه في الوقت ده

يوسف 

لا وحيااتك. هي كانت مأهله نفسها تعيط فأبوها طلع عايش فقالت تطلعهم وخلاص علي اي سبب. 

شهد 

امشي با يوسف رووووح شووف نفسم هتعمل ايه.. 

يوسف

مش قصدي وبعدين يا ياسمين ما هو قالك هيخف وهيرجع بتفولي علي الراجل ليه،عارفه العيااط ده.ممكن بسببه هو تخصله حاجه مش بيقولو القلوب عند.بعضها؟.. 

صدقته ياسمين وقالت

صحيح. الكلام ده يا طنط شهد؟ 

شهد 

هو انا اول مره اسمعه بس لو اقتنعتي وهتوقفي المناحه دي يبقي كلامه صح.، ده انا قاام عليا الضغط بسببك 

ياسنين 

خلاص مش هعيط تاني هروح اكلم بابي او الممرضه عشان اطمن عليه.. 

مشيت ياسمين ويوسف بص ليارا بحده وقال

انتي كمان اللي قالبه وشك عليا،يعني غلطانه وزعلانه.. 

شهد 

يوسف بالراحه علي اختك، وبعدين الموضوع بقي في النور وقدااام. الكل زعلان ليه انت واخوك.. 

يوسف

ما هي طلعت فكره وحشه ان اختي هتتجوز وبتحب حد، يعني انتو عايزني اشووف واحد ماسك. ايد. اختي او بيقولها انه بيحبها واسكت،ده انا هولع فيهم.. 

يارا بخبث

بعد الشر عليه.. 

يوسف بغيظ

بالجزمه علي وشك يا جزمه، وبعدين انتي تعرفيه من امتي؟ 

يارا 

والله من قبل ما اعرف انه ابن اونكل عزالدين.. 

يوسف 

منين يعني شافك فين ولا شوفتيه فين؟ 

بصت يارا لشهد بخوف وشهد قالت 

عرفو بعض علي النت وما كانوش يعرفو هما ولاد مين ولا كده غير بالصدفه، وهو اول ما عرف انها بنت يونس الصاوي جه يتقدم علي طول... 

يوسف

استني بس يا ماما نت ايه؟ وكلمتي كام واحد غيره علي النت بقي؟!.. 

يارا بدموع وخوف

والله هو زين بس والله وتقدر تفتح الاكونتات بتاعتي والله مش هتلاقي اي ولد عندي غير زين.. 

شهد 

جرا ايه يا يوسف انت مش واثق في اختك؟ 

يوسف

بصراحه لا وبعد الموقف ده بصراحه ما بقااش عندي ثقه فيها خالص، وعلي فكره انا هشوووف الواد ده الاول ولو ما عجبنيش والله ما هتم الجوازه دي وان شاء الله مش هيعجبني.. 

شهد 

طيب سيب من الموضوع ده دلوقتي وقولي فاضي علي يوم التلات.. 

يوسف

ااه ان شاء الله هكون فاااضي ليه؟ 

شهد 

اخدت معاد مع. سوزان عشان تتعرف علي نيللي. 

اتنهد يوسف بضيق وقال

تمام يا ماما فاضي، انا طالع اقابل امير وعمرو بقالي كتير ما شوفتهمش.. 

شهد 

تاني الولاد دول تاني انت ما حدش كان مبوظ اخلاقك غيرهم.. 

يوسف

هو انا عيل صغير انا بعرف اتحكم في نفسي كويش وبعدين هقابلهم في اليخت بتاع بابا ومش هتأخر قبل الساعه 12 هكون في البيت، يلا سلام.. 

مشي يوسف وشهد قالت ليارا

ما تزعليش من اخواتك هما بيعملو كده عشان خايفين عليكي.. 

يارا بخوف

ده صوت يزن صح.. 

شهد 

ايوه في ايه؟.. 

يارا بخوف

لا لا انا اواجه بابا اواجه يوسف اواجه المجتمع كله بس مش هواجه يزن ايده تقيله... 

‌قالت كلامها وجريت علي اوضتها بسرعه ودخل يزن في الوقت ده وقالها بخبث.. 

يزن

كده ما شوفتكيش انا مثلا، بس انا مش هكلمك غير لما تصالحيني علي فكره.. 

بصت عليه يارا من فوق وقالت

لا انا اللي زعلانه وانت اللي تصالحني يا متكلمنيش.. 

ضحكت شهد وقالت

روح صالحها انت الكبير يا يزن.. 

قعد يزن جنب شهد وقال 

طيب اصالح ماما الاول وبعدين ابقي اصالح الهبلة دي.. 

شهد 

ومين قالك بقي اني زعلانه منك عشان تصالحني؟.. 

يزن 

مجرد احساس كده انك لسه زعلانه مني من اخر خناااقه بينك وبين بابا، وقتها انا قولتلك كلام كتير مش كويس فانا اسف.. 

شهد 

لا يا حبيبي الموضوع ده خلص خلاص، وبعدين انا فاهمه كويس انت قولت كده ليه.. 

_يزن طلع من جيبه علبه صغيره فيها خاتم شكله حلوه وقال بهدوء...  

يزن 

وبما اني ابن يونس الصاوي فمينفش ما اعملش زيه واصالحك كده علي النااشف، هاتي ايدك يا ست الكل.. 

ضحكت شهد بهدوء وقالت

مدام جيبتلي هديه يبقي باباك هو اللي قالك تعمل كده.. 

يزن 

هو قالي اجيب هديه بس انا برضو عايز اصالح ماما وما تبقاااش شايله مني.. 

شهد 

بطل هبل قال اشيل منك قال، بس هو مين اللي دفع تمن الخاتم ده انت ولا هو؟ 

يزن 

بصراحه برضو هو انا لسه ببدأ في مشروعي الجديد ومرمطه وطالع من طلاق ودفع مؤخر وحاله ما يعلم بيها ربنا.. 

اخدت منه شهد الخاتم وقالت

الخاتم واخدته وانت وباباك واحد، المهم بقي ما فيش حاجه كده عايز تحكيهالي؟ 

يزن 

اممم يبقي يوسف قالك.. 

شهد 

هو ايوه قالي بس ما قاليش هي مين، وابني حبيبي مش هيخبي حاجه عن ماما وهيفرحها ويقولها.. 

يزن

هقولك يا ماما هي تبقي اخت رضوي.. 

شهد 

رضوي البنت اللي اخوك بيحبها؟ 

يزن

ايوه اختها التوأم هي كانت متجوزه واطلقت.. 

شهد 

هي اكبر منك برضو... 

يزن

سنه سنتين مش حوار، بس بنت زي القمر يا ماما ادب واخلاق وطيبه اووي وعندها بنت اموره اووي كمان.. 

شهد 

عندها بنت؟! ليه طيب يا يزن ما انت ممكن تتجوز بنت صغيره وتبقي انت اول فرحتها.. 

يزن بهدوء

فاهم قصدك. يا ماما بس انا مش شايف فرق بين ريناد والبنات دول، انتي عارفه هي اطلقت ليه، عشان جوزها كان بيخونها.. 

بصتله شهد بدموع ويزن كمل كلامه وقال

اول مره شوفتها كانت في حاله وحشه تقريبا كانت ليه مكتشفه خيانته ليها، اليوم ده وجعت قلبي اووي كانت حالتها وحشه جدا وكانت صدفه يعني شوفتها صدفه.. 

_سرحت شهد وكلامه عن الخيانه خلاها تفتكر اول مره اكتشفت خيانة يونس ليها، وغضب عنها دموعها نزلت، فيزن ابتسم وقال بقلق.. 

يزن 

في ايه يا ماما معقوله ريناد صعبت عليكي اووي كده.. 

مسحت شهك دموعها بسرعه وقالتله

لا لا بس الموضوع فكرني بحاجه كده، انا معاك مدام انت عايزها انا موافقه وما عنديش مشكله والبنت دي جدعه بجد انها ما قبلتش تعيش مع واحد خانها وعرفت تاخد خطوه كبيره زي خطوة الطلاق دي وخصوصا انك قولتلي ان عندها بنت كمان، بجد برافو عليها انا احترمتها جدا.. 

يزن 

ده ولسه كمان لما تشوفيها هي ايوه شبه رضوي كشكل بأختلاف ملامح بسيطه زي انا ويوسف كده بس هي غير رضوي خالص كيوت اووي ورقيقه جدا.. 

شهد

ان شاء الله تكون من نصيبك يا حبيبي وشوف بقي ايه الخطوه الجايه اللي انت عايز تاخدها في الموضوع ده وانا معاااك فيها.. 

بااس يزن ايدها وقال بأبتساامه واسعه

ربنا يخليكي ليا احسن ام في الدنيا كلها، انا اتعشيت بره بالمناسبه عندي شوية شغل هخلصهم وهنام ما حدش يبعتلي عشان اكل.. 

شهد 

ماااشي يا حبيبي ربنا معااااك... 

_طلع يزن اوضته وشهد اتنهدت بضيق وقعدت لوحدها وبدأت تفتكر كم المعاناه اللي عاشتها وهي متقبله خيانة يونس ليها وكانت بتضحي عشان ما تخليش ولادها يحسو بأي حاجه، وفي الوقت ده نزل يونس من فووق وقالها.... 

يونس

قاعده لوحدك ليه يا حبيبتي؟.. 

شهد بضيق

ما فيش مخنوقه شويه.. 

يونس

ليه حصلت حاجه معاكي ولا ايه؟. 

شهد 

مش مهم قولي اوعي تكون وافقت علي الحفله اللي عايزه تروحها يارا هي وياسمين؟ 

يونس

مستحيل طبعا قالتلي وقولتلها لا وقفلنا الموضوع، وعلي اخر الاسبوع هنساافر كلنا الصعيد عند اهل عز الدين.. 

شهد 

فيروز قالتلي وانا هبقي اقول للولاد.. 

يونس

يزن ممكن ما يفضاااش يجي معانا فشوفي يوسف ويارا.. 

شهد ابتسمت وقالت

لا يزن اول واحد هيجي، انت رايح فين مش هتتعشي معانا؟.. 

يونس

يوسف جااي هروح اجيبه من المطار واقعد معاه شويه عشان واحشني. 

شهد 

بطه وسدره رجعو معاه؟ 

يونس

لا هو هيقعد يومين عشان الشغل وهيرجع تاني خلاص قررو يستقرو هناك، لو احتاجتي حاجه كلميني.. سلاام... 

_مشي يونس وهي كعادتها تحاملت علي نفسها واظهرت عكس اللي جواها وكملت يومها بكل هدوء مع ولادها.. 

ــــــــــ #بقلم_الكاتبه_رحاب_القاضي ــــــــ

_وعدي يوم في التاني وعند ريناد في المطعم اللي كانت شغاله فيه كالعاده كان يزن موجود هناك وهي اول ما شافته راحتله وقالت.. 

ريناد 

بص هو المطعم بتاعكم وكل حاجه بس ما تقعدش تبحلق فيا كده عيب يعني.. 

يزن بخبث

بيتهيألك علي فكره انا ما بصتلكيش خالص، المهم انتي قدامك اد ايه وتخلصي شغل؟ 

ريناد 

ساعه تقريبا، ليه في حاجه؟ 

يزن 

كنت عايزك في موضوع مهم ولازم نتكلم فيه.. 

ريناد 

وقت تاني يعني انا لازم اروح بدري انا بخلص شغل هنا الساعه 11 ولازم اوصل البيت قبل 12.. 

يزن 

طيب نتقابل بكره قبل الشغل.. 

ريناد بهروب

ما هو انا بقضي الوقت ده مع بنتي عشان بسيبها واجي الشغل وكده.. 

يزن بضيق

انتي بتتهربي مني ليه؟ 

ريناد بتوتر

وانا هتهرب منك ليه عادي انا ظروفي كده للاسف، بعد اذنك هشووف شغلي.. 

_قالت كلامها ومشيت من قداامه وهو اتنهد بضيق وكان هيقوم يمشي، بس سمع صوت بنت بتنااادي علي ريناد وكانو بنتين قاعدين مع بعض ومعاهم اتنين رجاله كمان، واول ما شافتهم ريناد بان علي وشها عدم الرضا، وقربت منهم وقالت.. 

ريناد 

ازيكم عاملين ايه منورين المكان، عامله ايه يا سهي.. 

سهي

كويسه..انا ما صدقتش لما شوفتك بالمنظر ده هنا خالص، اعرفك خالد جوزي ورانيا كمان اتجوزت هشاام زميلنا من اياام الجامعه.. 

ريناد 

الف مبروك انا مبسوطه اني شوفتكم.. 

رانيا 

سمعت انك اطلقتي يا ريناد الكلام ده بجد؟ 

ريناد ابتسمت بصعوبه وقالت

ايوه بجد.. 

سهي 

يا حراام ليه كده ده انتي كنتي بتحبيه اووي.. 

هشاام

طيب وبنتكم انا افتكر ان كان عندك بنت قاعده معاكي ولا معاه؟ 

ردت عليه رانيا بغيظ وقالت

مش معقوله يا حبيبي انت مركز اووي كده معاها، بس اكيد بنتها معاها والا ما كانتش هتيجي تشتغل جرسونه في مطعم عشاان الفلوس ولا انا غلطانه.. 

سهي 

او ممكن حابه تخرج وتخلي النااس تشوفها عشان تتجوز تاني.. 

اتملت عيون ريناد دموع وقالت بحده 

وانتو مالكم يعني ما شاء الله حياتكم حلوه وزي الفل اشغلو نفسكم بيها بدل ما انتو شغالين نفسكم بطلاقي وشغلي، وبعدين انا قاطعه معاكم من زمان ايه اللي عرفكم اني اطلقت؟ 

ردت عليها رانيا بحقد وقالت

لا علي فكره انتي مش محور الكون ولا حاجه، ده اختك روان قابلتني مره وفضلت تتكلم معايا وقالتلي يا حرام انه خانك وسابك واتجوز عليكي وانه رماكي انتي وبنتك عند اهلك.. 

بصت ريناد للارض بأحراج وقال هشاام 

والله ما عندوش نظر.. 

سهي

ريناد ممكن تستعجلي الطلباات بتاعتنا الخدمه هنا مش كويسه علي فكره وانا ممكن اشتكي للي مشغلينك.. 

وقف يزن جنبيها وبصلهم بجمود وقال

اتفضلو بره.. 

هشام 

مين حضرتك وازاي تقولنا كده؟ 

يزن بص لريناد وقال

انا صااحب المكان ومدام. خدمتنا مش عاجباكم شفولكم مكان تاني اقعدو فيه.. 

_ومسك ايد ريناد قدامهم بكل ثقه وقال للعامل اللي في المطعم بحده.. 

يزن 

بقولك يا ابني الاربعه دول ما تنزلش ليهم حاجه ولو ما طلعوش بره كلم. الشرطه انهم بيعملو مشااكل هنا وبيدايقو الموظفين اللي في المطعم.. 

وقال لريناد بهدوء

يلا هوصلك باباكي كلمني وقالي اخليكي تروحي بدري النهارده يا بنت خالي.. 

_ابتسمت غصب عنها ومشيت معاه بره المطعم وقالت ليزن بحزن.. 

ريناد 

انا ما غيرتش هدومي.. 

يزن 

مش مشكله ابقي تعالي بكره وظبطي الدنيا.. 

ريناد بدموع 

انا مش هاجي هنا تاني اصلا.. 

يزن 

بلاش تخلي كلام ناااس حقوووده زي دول يأثر فيكي.. 

ريناد بحزن 

لا هما معاهم حق انا مدام. اطلقت يبقي اتحمل بقي، انا اصلا كنت خايفه اطلق عشان النظره اللي شوفتها في عيونهم دي، بس هو اللي جه وقال مش عايز يكمل كنت اعمل ايه بقي وقتها.. 

يزن 

ده هو كويس انه عمل كده والمفروض قبل ما هو يقول كنتي انتي عملتي كده.. 

ريناد 

مش كل النااس بتقول زيك،مش كل الناس هتشوفني مظلومه.. 

يزن 

ومش هتعرفي ترضي كل الناااس برضو، لو كنتي كملتي معاه كانو هيقولو بصو دي ما عندهاش كرامه ازاي قبلت تكمل معاه بعد ما خانها، ولما اطلقتي اهو زي ما انتي شايفه برضو جايبين اللوم عليكي، عارفه انتي هترتاحي بجد لما تعملي الحاجه اللي انتي عايزاها مش اللي الناااس عايزاها.. 

ريناد بهدوء

معاك حق بس انا كرهت المكان ده ومش هشتغل هنا تاني.. 

يزن 

عندنا اكتر من مطعم تاني علي فكره انتي بس شاوري.. 

ضحكت بهدوء وقالت

بجد شكرا جدا انت لولا وقفتك جنبي دلوقتي كان زماني عامله اعيط ونفسيتي بقيت تحت الصفر.. 

يزن 

ولو ده الواجب يا ريناد، وبما انك طلعتي بدري شويه عن معادك ولسه بدري علي الساعه 12 يا سندريلا هانم خلينا نروح نشرب حاجه مع بعض ونتكلم عشان انا لازم اتكلم وانتي لازم تسمعيني.. 

ريناد بقلق

ما هو لو حد شافني معاك هيقول ايه.. 

يزن 

هاخدك مكان ما حدش هيعرفك ولا يعرفني فيه.. 

وقرب منها وقال بتحذير

وبطلي تتهربي مني مش هنقضيها تلميحات وجو مراهقين كده، احنا كبار علي الكلام ده... 

ابتسمت بتوتر وخجل وهو فتحلها باب العربيه وقال

اتفضلي يا سندريلا هانم.. 

ريناد 

بطل تريقه وبعدين قولي علي المكان وانا هاخد تاكسي واجي وراااك.. 

قفل يزن باب العربيه وفتحلها الباب اللي ورا وقال

اعتبريني سواق التاكسي يلا بقي.. 

ريناد 

علي فكره انت مش ساهل هركب جنبك، بس تقديرا عشان اللي عملته قدام صحاب السوء اللي كانو جوه دول.. 

_ضحك بسعاده ورجع فتحلها الباب اللي قداام، ورااح ركب جنبيها واخدها لمطعم صيني وفيه نااس كتير صينين واجانب.. 

ريناد بحمااس

انت جيبتني كوريا ولا ايه؟.. 

يزن 

لا ده مطعم صيني.. 

ريناد 

بس شبه بتوع كوريا والله.. 

يزن

انتي سافرتي كوريا قبل كده؟ 

ريناد 

لا بس بشوفهم في المسلسلات، انت ما بتتفرجش علي كوري.. 

يزن 

انا ما بشوفش مصري اصلا لاني مش فاضي، فين وفين لما اجيب فيلم انا ويوسف ويارا اختي ونتفرج عليه غير كده ماليش علاقه بالافلام والمسلسلات، الا لما ابقي رااايق اووي وقتها بتفرج علي افلام ابيض واسود عبدالحليم وشكري سرحان وسعاد حسني.. 

قعدو علي ترابيزه قدامهم وريناد قالت بحمااس

انا بحب سعاد حسني جدا وبحب كل افلامها واغانيها كمان.. 

يزن بأهتمام

طيب وايه اكتر اغنيه بتحبيها ليها؟ 

ريناد 

بانو بانو.. 

يزن 

انا كمان بحب الاغنيه دي اووي.. 

ريناد بخبث

وايه اكتر كوبيله بتحبه فيها؟ 

يزن بهدوء

وعصير العنب العنابي نقطه ورا نقطه يا عذااابي يا عذاابي.. 

ريناد ابتسمت باتسااع وقالت

وفيلم اشاعة حب ده حلو اوووي برضو.. 

يزن بنبره تمثيليه

كده برضو يا سونه يا خاين.. 

ضحكت ريناد وقالت

هههههه ما كنتش متخيله اني فيوم هلاقي حد من جيلنا بيحب الافلام دي.. 

يزن 

معاكي حق ودي احلي حاجه بينا ان ذوقنا قريب من بعض، تاكلي ايه بقي؟. 

ريناد

ما اعرفش بصراحه هما بياكلو ايه، واخاف اطلب حاجه تطلع حشرات زي ما بنسمع عن. الاكل الصيني.. 

يزن 

لا لا اطمني المطعم واخد تصريح من وزارة الصحه ما بتتعملش فيه اكالات غريبه، ناكل سوشي.. 

ريناد

ما بحبوش.. 

يزن

في مكرونه بيعملوها بصوص حلو اووي وبالشطه والحاجات دي، يوسف ويارا اخواتي بيحبوها جدا فأكيد هتعجبك.. 

ريناد

اشمعنا يعني؟ 

يزن

بجرب فيهم بصراحه يعني بخليهم يجربو هما الحاجه واقولهم طبعا انها حلوه وكده لو هما قالو حلوه تمام كده هجيبها لا مش حلوه وطلعت حاجه ما تتاكلش مش هجيبها.. 

ريناد

شكلك كده اخ مفتري.. 

يزن 

والله بالعكس ده انا اغلب واحد فيهم، المهم هطلب ليا وليكي.. 

‌_وطلب فعلا الاكل وعجب ريناد فعلا، بس كانو الاتنين ساكتين وهو قطع الصمت اللي بينهم زقال.. 

يزن 

هو انتي تعرفي اني كنت متجوز ومطلق؟ 

ريناد 

ايوه رضوي قالتلي قبل كده

يزن 

وقالتلك السبب؟ 

ريناد 

بصراحه ايوه يوسف كان حكالها عن السبب لما حاولت توقع بينكم.. 

يزن 

لا ده وكمان ما خُفي اعظم، يعني انا كنت بقدملها كل حاجه كويسه وفي المقابل طلعت بتتحايل وتعمل خطط عشان تفرق بيني وبين اهلي وبررت ده بأنها مريضه نفسيه.، بس الحقد والكره مش مرض واللي يكره اهلي او يفكر يضرهم. انا هكرهه حتي لو كانت روحي فيه، تعرفي برضو انها سابتني وهربت يوم فرحنا.. 

ريناد بصدمه

لا بتهزر، وهي عملت كده ليه؟ 

يزن بحزن

عشان. تغيط ابويا، كانت في مشكله بين مامتها وابويا فحبت تنتقم منه وداست علي قلبي انا عشان تاخد حق امها، كانت علاقه مش عارف ازاي دخلت فيها وطلعت سليم من غير ما اروح اتعالج انا نفسياً.. 

ريناد بحزن 

ربنا يعوضك بالاحسن منها.. 

ابتسم بهدوء وقال

ما هو عوضني اهو ببنت زي القمر طيبه ومحترمه وبنت نااس ومجننه امي معاها من يوم ما شوفتها.. 

ريناد بتوتر

بجد طيب كويس ابقي اعزمني بقي علي فرحكم.. 

يزن بخبث

مش بقولك بتتهربي مني، بس تمام همشيها مش فاهمه وهقولك بصراحه، انا بحبك يا ريناد وعايز اتجوزك.. 

وشها قلب احمر وقالت بتوتر وخجل

ايه ده بجد. يعني ايه اللي انت بتقوله ده، علي فكره بالراحه مش كده انت فجأتني اصلا.. 

يزن 

بالراحه انتي كده واهدي، انتي فاضل اد ايه وعدتك. تخلص؟.. 

ريناد بتوتر

شش شهر بالظبط وانت مالك؟ 

ضحك بهدوء وقال

عشان اجي اتقدملك رسمي، انا قولتلك دلوقتي بس عشان تعرفي اللي هيحصل، ولا انتي مش عايزاني.. 

ريناد 

بص مش فكرة مش عايزاك انا بس طالعه من علاقه صعبه ومعايا بنتي انا لو اتجوزت كأني بتخلي عنها وابوها ومرات ابوها دول اتنين اوحش من بعض ما اقدرش اسيبهالهم وحتي لو كويسين انا ما اقدرش اسيب بنتي.. 

يزن 

وانا ما عنديش مشكله مع بنتك يا ريناد، ما انا بقولك انا بحبك وعايز اتجوزك وعارف ان عندك بنت ولو هتيجي تعيش معانا يا الف اهلا وسهلا مش هقولك لا بالعكس هعاملها كأنها بنتي انا كمان.. 

ريناد 

انت مش فاهم. انا بتكلم في ايه، القانون بيقول لو الام اتجوزت هتسقط عنها الحضانه وقتها بنتي يا هتقعد مع ماما يا مع جدتها مامت باباها يعني ما اقدرش اتجوز واخدها معايا، ده غير كوم المشاكل اللي هيعملو طليقي.. 

يزن بضيق

يعني انا لسه بتكلم انتي قفلتيها في وشي... 

ريناد 

انا مش قصدي كده والله العظيم بس دي ظروفي وعارفه انها صعبه.. 

يزن 

طيب انا عايز اعرف لو المشاكل دي كلها اتحلت انتي هتوافقي بيا ولا لا؟.. 

ريناد بجديه 

سيبها لوقتها يعني دلوقتي في فترة العده بتاعتي ما خلصتش والله واعلم الايام اللي جايه ايه اللي هيحصل وايه اللي هيتغير.. 

يزن 

تمام نسيبها للوقت بس انا هفضل عند كلامي ومش هيتغير واعتبري الشهر ده وقت هتفكري فيه، واوعدك والله لو وافقتي انا هحل كل حاجه ومش هبعدك عن بنتك هنلاقيلها حل.. 

ريناد 

ان شاء الله انا همشي بقي عشان ما اتأخرش.. 

يزن 

هترجعي شغل في المطعم؟ 

ريناد 

قفلت من المكان كله بصرااحه.. 

يزن 

هقولهم انك اجازه ووقت ما تحبي ترجعي المكان كله تحت امرك.. 

ريناد ابتسمت وقالت 

شكرا جدا، بعد اذنك.. 

_قالت كلامها ومشيت وهو بصلها بحزن واتنهد بضيق وقلق انها تبعد عنه او ما توافقش بيه عشان ظروفها... 

ــــــــــ #بقلم_الكاتبه_رحاب_القاضي ــــــــ

_واول ما وصلت ريناد البيت قابلها عز اللي كان هو كمان لسه راجع وقالها..

عز 

كنتي فين يا ريناد؟

ريناد 

في الغشل يا زيزو،خلاص اصلا مش هروح تاني..

عز 

ليه كده حد زعلك في حاجه..

ريناد 

لا انت عارف انا مش بتاعت شغل.. 

عز 

عين العقل انتي اقعدي مرتاحه واللي تحتاجيه احنا تحت امرك.. 

ريناد 

ربنا يخليك لينا، وزين عامل ايه دلوقتي؟ 

عز 

كويس هيجي بكره هنا عندي وهيسافر معانا الصعيد.. 

ريناد

طيب كويس هيقعد معانا ونفسيته هتبقي حلوه.. 

عز 

بقولك صح هتعملي ايه في موضوع الفديو اللي معاكي.. 

ريناد 

اكيد طبعا هبلغ.. 

عز 

بصي جو المحاكم مش حلو انتي استغلي الفديو ده صح.. 

ريناد 

اعمل ايه يعني اسيب حق بنتي.. 

عز 

انا ما قولتش كده بس بنتك مش هتروح هناااك تاني، وبالفديو ده تستغلي سيف والبت اللي اتجوزها انه غصب عنه يصرف علي بنته وكل اللي تحتاجه فهماني.. 

ريناد 

مش عايزه منه حاجه انا.. 

عز 

لا لا انتي عايزه حقك وهتاخديه، المهم اطلعي عند بنتك دلوقتي وما تتصرفيش في حاجه غير لما تقوليلي وخليكي فاكره ان النفقه والحاجات دي مش هتكفي مصاريف بنتك وانتي في ايدك اللي يخليه يدفع اللي انتي عايزااه.. 

ريناد 

حاضر يا عمو ان شاء خير، بعد اذنك.. 

_وطلعت ريناد بيتهم وكان الكل نايم معادا حسن اللي قااعد مستنيها زي كل يوم.. 

ريناد 

يا بابا انت بتحسيني بالذنب انك. كل يوم تفضل صاحي كده وانت عندك شغل الصبح

حسن 

لا انا كنت بتفرج علي التلفزيون اصلا، المهم انك جيتي اهو هدخل انام بقي.. 

ريناد 

ماشي يا حبيبي تصبح علي خير.. 

حسن 

وانتي من اهل الخير... 

_ودخل حسن اوضته عشان ينام وهي راااحت اوضتها وكانت هنا نايمه جنب بنتها.. 

ريناد 

هنا... هنا.. 

فتحت هنا عيونها وريناد قالتلها

انا جيت يا حبيبتي روحي نامي في اوضتك يلا، تعبتك معايا معلش.. 

هنا 

لا تعب ولا حاجه هي اصلا نامت من بدري وانا كمان نمت جنبيها، هرووح اكمل نوم بقي.. 

_قامت هنا وطلعت من الاوضه وقفلت الباب وراها وريناد غيرت هدومها ومسكت موبيلها تقلب فيه ولقيت روان بعتالها رساله صوتيه علي الوتساب ففتحتها وكانت بتقولها... 

روان

"لو صاحيه كلميني ندردش شويه مش جايلي نوم" 

اتعصبت ريناااد وكلمتها فردت عليها روان وقالت

لسه راااجعه من الشغل مش كده؟.. 

ريناد 

انتي ايه اللي خلاكي تقولي لسهي ورانيا اني اطلقت وان سيف كان بيخوني، ليه تحكي عن حياتي قدامهم.. 

روان

مش قصدي والله وبعدين ده كان من فتره وهما كانو عارفين موضوع طلاقك انا حبيت بس اقولهم انك مظلومه وان هو اللي وحش.. 

ريناد بحده 

لا والله ومن امتي قلبك الطيب ده وانا بهمك وشكلي بيهمك قدام الناس، انا فاهمه قصدك كويس انتي واحده انانيه قولتيلهم كده عشان تباني انتي اللي حظك حلو واتجوزتي ومرتاحه، المهم تبقي انتي المميزه حتي لو علي حسااب كرامة اختك.. 

روان بدموع

انتي شيفااني كده يا ريناد يعني.. 

ريناد بعصبيه

انتي اصلا كده فعلا بني ادمه انانيه وكلنا عارفينك، وياريت ما تتكلميش معايا تاني.. 

روان ببكاء

اصلا انا ما كنتش عايزه اكلمك ولا عايزه اكلم حد.. 

_قالت كلامها وقفلت وفضلت تعيط وفي الوقت ده دخل عبدالله اللي لسه راجع من بره ولما شافها بتعيط، قرب منها بسرعه وقال بقلق.. 

عبدالله

في ايه يا روان مالك.. 

روان 

ما فيش بس ريناد اتخانقت معايا.. 

عبدالله 

ريناد؟! هي ريناد بتتخانق مع حد؟ 

روان بحزن 

لا طبعا انا اللي وحشه وبتخاانق مع الكل.. 

عبدالله 

لا انا مش قصدي كده، بس انتي ممكن تكوني زعلتيها من غير ما تقصدي.. 

روان ببكاء

هو انا كمان شايغني وحشه زيهم، شايفني انانيه وما بحبش غير نفسي؟ .. 

عبدالله 

مش ديما سعات يعني بتبقي كده.. 

روان بحزن 

تمام.. وايه بقي اللي خلاك تحبني وانا بالصفات الوحشه دي، ما اتجوزتش ليه واحده مثاليه زيك.. 

عبدالله بحمود

هو في حد بيختار يحب مين وما يحبش مين، واعمل ايه بقي فقلبي ابن الجزمه اللي اختارك.. 

روان بغيظ 

هو فعلا ابن جزمه عشان مش مخليك تصالحني.. 

عبدالله بخبث

يعني لو صالحتك دلوقتي هتبقي مبسوطه وتبطلي عياط.. 

روان بحماس 

ايوه والله العظيم.. 

عبدالله

بس مش هيبقي مصالحه بالكلام.. 

روان بتوتر

قصدك ايه؟.. 

قرب منها جدا وقال

لا انتي فاهمه قصدي كويس.. 

روان بعدت عنه شويه وقالت بخجل 

احمم لا لا انا مش فاهمه؟.. 

عبدالله بجديه

قصدي نتجوز بجد يا روان، ده الطبيعي اللي المفروض يحصل من زمان، قبل كده اخدت الخطوه دي كتير وكنتي انتي اللي بتبعدي بس دلوقتي.. 

ردت عليه بسرعه وقالت

انا دلوقتي موافقه علي كل حاجه انت عايزه، وتحت امر جوزي فكل اللي يطلبه.. 

_ابتسم عبدالله بهدوء وقرب منها وبدأت فعلا اول ليله بينهم كزوج وزوجه... 

ــــــــــ #بقلم_الكاتبه_رحاب_القاضي ــــــــ

_وتاني يوم الصبح كانت قاااعده هنا مع ليلي في المطبخ وبتجهز معاها للغدا وقالت ليلي بحده.. 

ليلي

بقولك ايه يا تعملي كويس يا تقومي وتسبيني في حالي.. 

هنا

ما انا بقور اهو والله وبعدين ليه الكميه دي كلها.. 

ليلي

عمك عز وزين هيتغدو معانا والواد قايم من عمليه وامه بنت زواد شويه في نفسها تلاقيها لا اكلته كويس ولا حاجه فانا هأكله واعوضله بقي التغذيه دي.. 

هنا 

بس يعني زين هياكل الكميه دي كلها؟.. 

ليلي

ااه ياكلها ما يكلهاااش ليه، اخلصي انتي بس بقالك تلات سعات بتقوري شوية محشي.. 

هنا 

اهو حاضر... 

_دخل عندهم طارق في الوقت ده وكان لسه صاحي من النوم وقال.. 

طارق

ماما انا جعان.. 

ليلي

النااس تقول صبااح الخير مش تقول ماما انا جعان.. 

كتمت هنا ضحكتها وهو بصلها بغيظ وقال

طيب جعان دلوقتي هتأكليني ولا اجيب حاجه من بره.. 

ليلي

طيب هحطلك باميه ورز عشان لسه اهو بنعمل في الاكل.. 

طارق

ما في لحمه اهي انا عايز لحمه.. 

ليلي

يا حبيبي لسه ما استوتش لما تستوي هجيبلك طبق بحاله وعامله حمام كمان.. 

طارق

حطيلي حته من دي انا هاكلها كده.. 

ليلي

هتوجعلك بطنك.. 

طارق 

لما اقولك بطني وجعتني ابقي اتكلمي يلاا.. 

ليلي

قومي يا هنا جهزيله ايدي مش فاضيه كلها بصل.. 

هنا 

وانا كمان مش فاضيه وبعدين مش هجهز حاجه لحد يجهز لنفسه.. 

طارق بغيظ 

ولو هي اللي جهزتلي ما كنتش هاكل اصلا.. 

قامت هنا وقالت 

طيب ايه رئيك بقي ان انا اللي هجهزلك الاكل ومش عايز تاكل براحتك خليك جعان.. 

_ابتسم طارق بخبث لان ده كان هدفه من البدايه وطلع من المطبخ، وهنا قامت تجهزله الاكل وهي مدايقه.. 

ليلي

ما تزعليش منه والله طارق ده طيب بس عصبي شويه.. 

هنا

علي نفسه مش عليا.. 

ليلي

صح هو اصلا غلطان خليكي علي موقفك، لو جه يصالحك ما تصلحيهوش. 

ابتسمت هنا وقالت

مش غلبان وطيب من شويه.. 

ليلي

هو فعلا كده بس الرجاله كله لو ما اخدش علي دماغه بيسوووق فيها... 

_ضحكت هنا بهدوء وبره كان قااعد طارق قدام التلفزيون وطلعت ريناد من اوضتها وهي شايله بنتها وقعدت جنبيه وقالتله وهي بتفتح الفون بتاعها.. 

ريناد

طارق خد كده شووف الحضانه دي كويسه لتيا ولا لا؟.. 

مسك طارق الفون وقال

لا مش حلوه خالص وكمان بعيده عن البيت اووي.. 

ريناد 

ما هو مافيش حاجه حلوه قريبه من هنا، وبعدين  مش عايزه اوديها اي مكان وخلاص اديك شايف الكوارث اللي بتحصل للاطفال في المدارس والشوارع.. 

طارق

طيب اصبري وفي دكتوره معايا في الجامعه بنتها عندها حضانه خاصه وفيها اهتمام خاااص جدا هكلمها واجيبلك التفاصيل، بس هي غاليه شويه.. 

ريناد 

ما دي برضو مشكله وانا مش عايزه اتقل علي بابا.. 

طارق

وسي سيف ما يدفعش ليه هو لبنته المصاريف دي.. 

ريناد 

انا مش مستنيه منه حاجه اصلا.. 

طارق

بلاش غبااء ده حق بنتك، وبعدين اعملي زي ما زيزو قالك امبارح انتي معاكي فديو يوديهم في ستين داهيه استغليه صح بقي وفي مصلحتك.. 

جات هنا وحطت الاكل قداامه وقالت

اتفضل.. 

طارق

من يد. ما نعدمها، استني يا هنا انا اسف عشان دايقتك من كام يوم وكسرتلك الفون هجيبلك واحد. غيره والله.. 

هنا بهدوء

لا مش عايزه بابا حسن قالي هيجيبلي واحد، وبعدين انا اصلا مش زعلانه منك، كنت هزعل لو انت فارقلي انما انا اصلا مش شيفاااك.. 

قالت كلامها ومشيت وضحكت ريناد وقالت

هههههههههه البت دشملت جبهتك اووووي.. 

طارق 

طيب قومي من جنبي انتي كمان.. 

قعدت ريناد تيا علي رجله وقالت

طيب اكل تيا معاك.. 

طارق

خدي يا بنتك انا مالي ما تأكليها انتي.. 

ريناد 

قول كده. بقي انا وبنتي ما حدش طايقنا عشان قاعدين عندكم.. 

طارق

بااااس عارف انا بوق الصعبنياات ده، غوري هأكلها.. 

_دخلت ريناد اوضتها وهو بدأ ياكل ويأكل في تيا معاه وطلعت روفان من اوضتها واخدت حتت اللحمه من قدامه وجريت.. 

طارق

خدي يا بت انتي يا حراميه يا مامااااا.. 

طلعت ليلي من المطبخ بسرعه وقالت

في ايه مالك؟.. 

طارق بغضب

بنتك روفاان الحرامية اخدت حتت اللحمه مني.. 

ليلي بغيط 

هجيبلك غيرها ده انا افتكرت القيامه قامت، فضحتونا قدام الجيران يا ابن المسعوره انت وهي.. 

طارق

انتي بتزعقيلي انا ليه ما هي اللي اخدتها وجريت.. 

ليلي 

بس امسكها وسيبوني عليها.. 

طلعت روز من اوضتها وقالت

في ايه ما حدش يعرف ينام في البيت ده. 

ليلي

غوري انتي كمان ادخلي جوه يا خلفة الهم والندامه انتو.. 

ــــــــــ #بقلم_الكاتبه_رحاب_القاضي ــــــــ

_وفي الوقت ده في بيت يونس الصاوي وفي اوضة يارا كانت قااعده هي وياسمين وقالتلها.. 

يارا

مازن ابن عمي جابلي التذااكر بتاعت الحفله.. 

ياسمين 

ما بلاش الحفله دي؟ 

يارا

انا نفسي احضرها بيقولو ان دي اول حفله تتعمل وتبقي بالشكل ده فمصر،  وانا عايزه احضرها.. 

ياسمين

طيب ايه رئيك تخلي زين يجي معانا طيب اهو يبقي معانا حد... 

يارا

ما هو بابا قالي ما اكلمش زين وما اشفوش خالص غير بأمره هو.. 

ياسمين بسخريه

وانتي قال يعني مش رايحه الحفله من ورا باباكي واهلك كلهم، اخلصي بقي كلميه وقوليلو يجي معانا واهو يغير جو.. 

يارا 

اوكي هكلمه استني.. 

وكلمته فعلا يارا وبعد شويه هو رد عليها وقال

ايوه انتي اغلطي وكلميني وانا اللي اتعاقب من ابوكي.. 

يارا 

يعني انا غلطانه اني بكلمك خلاص هقفل ما تزعلش.... 

زين 

لا ما هو الغلط ده بيبقي عشان بيخليني اسمع صوتك.. 

ابتسمت يارا بخجل وقالت

طيب المهم انا كنت عايزااك انا وياسمين تيجي معانا حفله عاملاها المدرسه.. 

زين 

حفلة ايه دي؟ 

يارا

بص هي مش المدرسه اوووي، دول شوية طلاب اللي هما اجمد شله في المدرسه منظمين حفله في مكان كده وو.. 

زين 

انتي هبله يا بت انتي، الحفله دي هتبقي في نادي زي الديسكو او الملهي الليلي ايه اللي هيخليكي تروحي انتي هناك

يارا

ايه يا زين في ايه وبعدين دول زمايلي في المدرسه.. 

زين 

يارا اهدي وافهمي كويس دي حفله مش كويسه وبعدين مش شبهك ولا العيال اللي فيها شبهك ولا زينا وبتبقي خطر يعني في اي وقت ممكن الشرطه تهجم علي المكان وفضايح وبهدله.. 

يارا

انت اوفر علي فكره وخلاص مش عايزاااك تيجي معايا.. 

زين بحده 

ولا انتي هتروحي واقسم بالله يا يارا لو روحتي هزعل منك جدا... 

يارا بضيق

خلاص يا زين قولتلك مش هروح.. سلام.. 

_قالت كلامها وقفلت في وشه وياسمين ضحكت وقالت بشماته.. 

ياسمين 

والله تستاهلي قولتلك انا مش حابه الحفله دي ومش عايزه اروح وعلي الفكره البنت اللي اسمها منه دي مش كويسه وما عزمتكيش كده وخلاص اكيد وراها حاجه.. 

يارا 

بطلي انتي كمان جو الافلام ده وانا هروح يعني هروح ولو مش عايزه انتي كمان تيجي معايا براحتك.. 

ياسمين 

مش هقدر اسيبك تروحي لوحدك. واكيد هروح معاكي وربنا يستر.. 

ــــــــــ #بقلم_الكاتبه_رحاب_القاضي ــــــــ

_في شركة يونس الصاوي كان قااعد يونس في مكتبه ومعاه حامد اللي قاله... 

حامد 

خير يا عمي بتقول عايزني في حاجه مهمه.. 

يونس

شوفت يوسف وانت طالع عندي ولا لا.. 

حامد 

ايوه شوفته توقعت بصراااحه انه يجي هنا وشويه شويه هتلاقي يزن رواااه هنا هو كمان هما مش هيعرفو ينجحو من غيرك.. 

يونس

ليه ما انت نجحت من غير ابوك؟ 

حامد 

بس نجحت مع اونكل عُدي ابويا التاني.. 

يونس 

يعني انت شايف ان ولادي فاشلين.. 

حامد بتوتر

لا انا ما قولتش كده بالعكس يزن شاطر ومتفوق وممكن بنجح.. 

يونس

ويوسف هو كمان هينجح هنا وهيبقي هو مكاني وقااعد علي الكرسي ده.. 

حامد 

اتمني ان ده يحصل ويوسف يساعدك في احلامك دي يا عمي.. 

يونس

ابوك قالي انك عايز تتجوز البشمهندسه رضوي اللي شغاله.مع يوسف ويزن.. 

حامد 

ايوه بنت كويسه ومحترمه ومن عيله كويسه، وانا عايز استقر برضو.. 

يونس 

انت عارف ان. يوسف عينه منها وقايل عليها قبلك؟ 

حامد 

هو كلم اهلها في حاجه رسمي بينهم تمنعني اتقدملها؟.. 

يونس

بص يا حامد انا مش عارف انت ايه مشكلتك مع يوسف، بس انا ديما بقول ايه حامد ومازن ولاد اخويا زيهم زي يوسف ويزن بالظبط، بس ما تزعلش مني لو اخويا نفسه جه علي ولادي ما يبقااش حبيبي، وكذلك ابوك برضو ولاده عنده اهم حاجه واي اب كده.. 

حامد 

ايه مناسبة كلام حضرتك ده دلوقتي يا عمي؟ 

يونس بحده

طلع يوسف من دماااغك يا حامد، هو ساب اختك واختك اتخطبت لدكتور محترم وهتسافر معاه والموضوع اتنسي، انت تاعب نفسك ليه في الموضوع ده ولا الحكايه ليها علاقه بحاجه تاني.. 

حامد بتوتر

حاجة ايه انا يوسف اخويا وماليش مشاكل معاه.. 

يونس

جدع يا حامد ولا هيكون في مشاكل برضو وافتكر كلام عمك ليك، كله الا ولادي والا اني اشوفهم زعلانين الدنيا كلها هتقوم علي اللي فكر يزعلهم.. 

قام حامد وقال بضيق

والمطلوب ايه ما اتقدمش لرضوي تمام يا يونس بيه مش هتقدملها.. 

يونس

رضوي هتبقي ليوسف يا حامد عشان ابني عايزها  بجد وعشان هي الوحيده اللي بسببها ابني اتغير، فمش هخليك تكون سبب ان ابني يرجع اسوأ من الاول.. 

حامد 

علي فكره انت فااهم غلط.. 

يونس

اسمها حضرتك يا ولد مش انت ، وانا فاهم صح انت زعلت وادايقت ان ابني لقي حد يطلعه من الطريق اللي هو كان ماشي فيه، انت كنت بتداري عليه قداام اختك وبتداري خيانته ليها عشان كنت عايز تفضل انت الوحيد الناجح وابني فاشل، وعايز تاخد منه السبب اللي خلاه يبقي كويس بس طول ما انا عايش ده مستحيل يحصل.. 

حامد بتوتر 

تمام لو حضرتك شايف كده. يا عمي انا اسف واعتبر الموضوع ده اتقفل ومش هيتفتح تاني.. 

يونس

وابوك ما يعرفش حاجه عن الموضوع اللي  حصل بينا ده انا مش عايز اخويا يزعل مني بسبب حوار تافه.. 

حامد

حاضر بعد اذنك يا عمي.. 

_قال حامد كلامه ومشي ودخل يوسف عنده وقال بشك وهو بيقعد علي المكتب قدام يونس.. 

يوسف

ابن اخوك كان بيعمل ايه هنا؟ 

يونس

ايه القعده المايعه دي ما تترزع علي الكرسي قدامي زي الناااس.. 

يوسف 

ااه صح. ايه القعده دي لامؤخذه تقمصت دور السكرتيره يا حج.. 

يونس ذقه جامد وقال

غور من وشي يا مستفز.. 

قعد يونس علي الكرسي قدامه وقال

المهم ما تغيرش الموضوع الواد ده. كان عايز ايه؟ 

يونس

كان عايز يتجوز.. 

يوسف

يارا صح اقسم. بالله لو اخر راجل علي وش الدنيا ما هياخد يارا، ولا هتتجوز اصلا يارب تبوري يارا.. 

يونس

انت يالا عبيط حد يدعي علي اخته ويقول كده 

يوسف 

يا بابا انت مش فااهم فكرة ان اختي تتجوز وتقعد مع راجل غريب لوحدها، طيب بزمتك هيبقي احساسي ايه وانا لما اكلمها تقولي انا قاعده جنب فلان، يالهوي ده انا ممكن اولع فيها وفي فلان ده.. 

يونس

بطل عبط واكبر شويه هو مش هيتجوز اختك هو عايز يخطب واحده تانيه انت ما تعرفهاااش، المهم روح لامك يلا.. 

يوسف

لا انا قاعد معاك.. 

يونس

يا ابني روح لامك. النادي عشان تشوف العروسه.. 

يوسف 

اايوه صح ده انا نسيت، طيب هروح حالا اهو.. 

يونس

استني يا يوسف انت متأكد انك عايز تتجوز واحده غير رضوي.. 

يوسف بضيق

اديني بجرب يمكن دي تكون طريقه كويسه انياها بيها.. 

قال كلامه ومشي ويونس ضحك بسخريه وقال

قال تنساها قال هو اللي بيحب بجد هيقدر ينسي، ولا الحب الاول بيتنسي اصلا، الله يرحمك يا نور..... 

ــــــــــ #بقلم_الكاتبه_رحاب_القاضي ــــــــ

_وبعد شويه وصل يوسف النادي وكانت قاعده شهد مع سوزان صاحبتها علي ترتبيزه لوحدهم، ويوسف قااعد مع بنت شعرها كيرلي وقصير شويه وبشرتها سمرا وعيونها خضرا وطويله ورشيقه جدا ولابسه فستان اسود بسيط بدون اكمام للركبه، وكانت جميله وانيقه جدا، لدرجة ان يوسف فعلا كان مبهور بجمالها بس اخفي انبهاره بيها وقال..

يوسف بخبث

علي فكره انا عمري ما حد كان بينا معاد واتأخر عليا، وانتي اتاخرتي عليا نص ساعه وكنت ناوي اهزأك واقوم امشي بس بعد احتراماً لامك المحترمه دي سكت

نيللي

هو انت كنت تقدر تهزأني عشااان كنت خليت اللي ما يشتري يتفرج عليك، وبعدين ما انت كنت قااعد مع مامتك 

يوسف 

 ما علينا انا اسمي يوسف الصاوي وعندي 27 سنه بتدرس في هندسه قسم ميكانيكا وما اتخرجتش ليه لحد دلوقتي لاسباب خاصه مش هذكرها وما تسأليش عليها عشان ما اكسفكيش واقولك انتي مالك، يلا عرفيني بنفسك غير ان اسمك نيللي عشان دي اعرفها

نيللي بغيظ

مش معقول الظرافه اللي بتنقط منك، علي العموم انا اسمي نيللي الجرجيري وعندي اا.. 

يوسف

استني بس هو ده بجد انتي اسم عيلتك الجرجيري؟ 

نيللي

وماله الجرجيري معلش، وبعدين انت مش عارف احنا مين في البلد؟ 

يوسف بسخريه

وازاي ما اعرفش اكيد اخوات الفجل بيه ولاد عم الاستاذ خص قرايب بقدونس باشا ههههههه

نيلللي بعصبيه

لا بقولك ايه انا انسحب من القعده دي لانك بتتريق علي عيلتي وده شئ غير مقبول.. 

يوسف ضحك بقوه وقال

ههههههه استني والله بهزر معاكي، اقعدي بس معايا شويه احنا لسه بنتعرف، وبعدين هو مين اللي ما يعرفش عيلة الجرجير بيه 

نيللي

اسمها عيلة الجرجيري المهم انا خريجة كلية الحقوق وبشتغل حاليا في اكبر مكتب محامااه في البلد، انت ما قولتليش انت شغال ايه؟ 

يوسف 

بقولك بدرس هندسه هكون شغال ايه دكتور، اكيد مهندس يا نيللي وفي شركة بابي وكده

نيللي

طيب بصراااحه بقي انا بسمع عنك من صحابي انك دلوع بزيااااده وكل يوم بتسهر في ديسكو مختلف مع بنات مختلفين، انا رفضت اجي اقابلك بس المصالح اللي بين باباك وبابايا هي اللي اجبرتني اجي واقابلك 

يوسف

ايه ده هو انتي تطولي يا بت ده انتي ليكي الشرف انك. تعرفي يوسف الصاوي اصلا مش يخطبك ويتجوزك 

نيللي 

انت شايف نفسك علي ايه يالا انت؟ 

يوسف 

من حلاوتي طبعا ده انا اوسم شباب مصر لا ده انا اوسم شباب العالم كله ما تركزي شويه يا عم جرجيري انت

نيللي بسخريه

ما هو باين من ودانك اللي لولا الجاذبيه كان زمانك طاير بيهم 

يوسف 

بتتنمري علي وداني كمان والله لاندهلك امي هي اللي ترد عليكي لانها المسؤله عن الانتاج ده.. 

نيللي بسخريه

كمان؟!... يعني مش كفايه كل العيوب اللي فيك كمان طلعت ابن امك.. 

يوسف ببرود

انتي كده بتغلطي فيا يعني لما تقوليلي ابن امك، طيب ااه انا ابن امي وحبيب امي ونور عيون امي واهم حاجه في حياتي امي ومش بمشي غير برأي امي حاجه تاني يا جرجري

نيللي 

انت مرفوض يالا هو انا ناقصه عاهات.. 

يوسف

لا ثواني كده انتي اللي مرفوضه هو انا ناقص اتجوز شريط نص متر لا واسمك جرجيري ده اسم ده اعوذ بالله.. 

نيللي بغيظ

ومدام كده وجاي تطفشني وباين اووي عليك ايه اللي جابك تتقدم ولا ماما جابتك غصب عنك يا بيضه.. 

يوسف 

بيضه؟! كان نفسي اقولك انك انتي اللي بيضه بس انتي مش بيضه انتي سمرا هههههههههه والنبي دمي عسل.. 

نيللي

والنبي دمك يلطش.. 

يوسف

طيب ارد عليكي بصراااحه ولا الف وادور.. 

نيللي

والله انا عايزه احترمك بس مش عارفه، يمكن دلوقتي لو اتكلمت بصراحه اقدر احترمك شويه.. 

يوسف

طيب بصي يا جرجيري.. 

نيللي بغيظ 

اسمي نيللي.. 

يوسف 

بصي يا فجله هانم انتي انا جيت اتقدملك لسبب واحد اني اغيظ البنت اللي بحبها واردلها اللي عملته فيا لما راحت تقابل عريس وكده.. 

نيللي بحماس

هي موجوده هنا دلوقتي؟ 

يوسف

لا هي ما بتجيش هنا كتير اصلا.. 

نيللي

اومال هي هتعرف منين انك بتخطب غيرها؟ 

يوسف

مش عارف بس انا عملت كده وخلاص.. 

نيللي

لا انت شكلك عبيط والله.. 

يوسف

لمي لساانك ده شويه، علي العموم هي دي كل الحكايه واسف لو كنت ازعجتك ممكن تعتبري اللي حصل ده كله اني بهرج معاكي.. 

نيللي

بص مدام جيت صريح معايا فانا هسااعدك انت تشووف المكان اللي هي هتكون فيه وروح هناك وكلمني وهنعمل date  قدامها وردلها اللي عملته فيك وهي لو بتحبك مش هتتحمل ظن غيرتها عليك وهتصالحك.. 

يوسف

تصالح ايه يا جرجيري دي ما اعترفتش انها بتحبني اصلا، دي من لما عرفتها وانا بسف تراب الارض وان البعيده تحس بيا ما فيش، انا اخدت اكتر من تلات اربع عُلق بسببها، اتضربت من طوب الارض عشانها.. 

نيللي

يا حراام دي ما بتحسش دي والله، استني هي دي البنت اللي انت كنت خطبها، بنت الشيخ اللي بيطلع في التلفزيون ده؟ 

يوسف

لا مش هي اهو انا سيبت خطيبتي عشاانها، انا اللي كنت كل ليله اعرف بنت واسهر معاها للصبح بقيت مش عارف حتي اعجب بواحده غيرها، ومش عشان حاجه كأنها سحرالي زي اللي حصل دلوقتي انا لو كنت يوسف القديم كان زماني شاقطك في اي اوتيل قريب من هنا.. 

نيللي

احترم نفسك والله حلال اللي بتعمله فيك. ما انت واحد بالسمعه دي عايزها تثق فيك بسرعه ازاي.. 

يوسف

طيب كلام رجاله بجد انتي هتساعديني.. 

نيللي

هساعدك يا عم بس تبطل تقولي جرجيري دي.. 

يوسف ابتسم وقال

حاضر يا جرجيري.. 

نيللي بغيظ

رخممم انت علي فكره.. 

ــــــــــ #بقلم_الكاتبه_رحاب_القاضي ــــــــ

_وفي الصعيد صحيت روان من يومها وبصت جنبيها ما لقيتش عبدالله، وافاكرت اول ليله بينهم وابتسمت وبخجل ولسه هتقوم لقيته قااعد قدامها علي الكنبه وشكله متعصب جداً.. 

روان 

انت هنا انا افتكرتك روحت الشغل.. 

عبدالله بجمود

في رساله جاتلك علي الوتسااب امبارح بالليل في وقت ما كنا مع بعض، افتحي شوفيها.. 

روان بقلق

رسالة ايه دي؟.. 

_ما ردش عليها وبصلها بجمود وهي مسكت اافون بتاعها وفتحت الوتسااب واتصدمت اول ما لقيت امير باعتلها رساله من رقمه القديم بيقولها فيها...

امير

" وحشتيني ونفسي اشووفك اووي، انا بجد. بحبك يا روان ومش عارف انساكي ومستعد اعمل اي حاجه بس ترجعيلي وتسيبي جوزك. المتخلف ده".. 

روان بتوتر وخوف

اا الرقم ده قديم وانا نسيت اعمله بلوك من عليه هعمل حالاً.. 

عبدالله قام وقف قدامها وقال

والله ربنا ده كبير اووي مش عايز يجمعني بواحده رخيصه زيك، عارفه ليه عشان كل ما باااخد خطوه بجد. في علاقته بكتشف انك ما تستهليش، من. سووء حظك وحسن حظي انا انك مدخله كل بيانات موبيلك علي اللابتوب وبفتح. اشووف شغلي لقيت الرساله في وشي ومش بس كده ده. الشااات كله كمان ظهر قدااامي بصورك يا هانم. اللي كنتي بتلعتيهاله والكلام الزباله اللي بينكم، وجايه تمثلي عليا انا انك مكسوفه ومحترمه.. 

روان ببكاء وخوف

والله كل ده. كان الاول قبل ما انت تدخل حياتي والله.. 

عبدالله بحده 

بس حصل بينكم الحاجات دي.. 

بصت للارض بأحراج وندم وهو قال بغضب

اهلك جاين كمان يومين عشاان كتب كتااب كمال واسرار، بعد كتب كتابهم نفس المأذون هيطلقنا انا وانتي واللي حصل بينا امبارح هيفضل اكبر غلطه في حياتي.. 

ـ قال كلامه وسابها ومشي، وهي فضلت تعيط بندم ومسكت الفون بتاعها رمته علي الارض بكل قوتها.. 

_فتفتكرو بقي ايه اللي هيحصل لابطالنا الايام الجايه؟ 

ــــــــــــــــــــــــــــــــــــــــــــــــــــــــــــــــــــــ