رواية ابتسامة بعد العوض من الفصل الاول للاخير بقلم هاجر نور الدين

رواية ابتسامة بعد العوض من الفصل الاول للاخير بقلم هاجر نور الدين

رواية ابتسامة بعد العوض من الفصل الاول للاخير هى رواية من كتابة هاجر نور الدين رواية ابتسامة بعد العوض من الفصل الاول للاخير صدر لاول مرة على موقع التواصل الاجتماعى فيسبوك رواية ابتسامة بعد العوض من الفصل الاول للاخير حقق تفاعل كبير على الفيسبوك لذلك سنعرض لكم رواية ابتسامة بعد العوض من الفصل الاول للاخير
رواية ابتسامة بعد العوض من الفصل الاول للاخير بقلم هاجر نور الدين

رواية ابتسامة بعد العوض من الفصل الاول للاخير

_أنا حامل.

=حامل من مين ياروميساء?

كنت بقول جملتي بفرحة كبيرة جدا والبسمة علي وشي من الودن للودن أنا حامل من أكتر شخص بحبه في حياتي بس رده صدمني وضحكتي تلاشت.

_قصدك اي يامراد?

قولتها بصدمة..يعني اي حامل من مين اكيد بيهزر يعني اكيد مش بيتكلم بجد.

_بلاش الهزار التقيل دا يامراد قولتلك مش بحب الهزار دا

=مين قالك اني بهزر..حامل من مين يا روميساء 

_يعني اي حامل من مين في واحد يسأل مراته اللي بتقوله انها حامل يقولها حامل من مين????

كان فاض بيا وقولت كلامي بزعيق وبصوت عالي.

=صوتك ميعلاش في بيتي إنتي واحدة ر*خيصة

_مراد إنت بتقول اي وبتقول كدا ليه اصلاً

قولتها وانا الدموع ف عيني وكنت خلاص مش قادرة مبكيش انا مش مصدقة الكلام اللي بيقوله دا مراد حب عمرى 6 سنين حب قبل الجواز وبقالنا سنتين متجوزين مستنيين اللحظة دي من بدري ولما جات يعمل كدا!!

=أنا مبخلفش يا روميساء..عرفتي بقي بقول كدا ليه?

_إزاااي يعني مبتخلفش ازاااي ولما عملنا التحليل كنا احنا الاتنين سُلاام

=لأ العيب كان عندي وانا مبخلفش وخبيت عليكي عشان متعايرنيش ب دا ومحدش من أهلي يعرف..تقدري تقوليلي بقي دلوقتي حامل من مين?

_إنت أكيد مجنون بجد يعني اي حامل من مين بطل تقولها كل شوية هيكون من مين يعني إنت عندك شك ولو واحد فالمية إني بخوونك!?

= في الحالة دي ف أنا مش عندي شك أنا متأكد إنتي واحدة ر*خيصة وخا،ينة

مستنتش يتكلم تاني روحت ضربته بالقلم وانا بعيط مفيش واحدة ست ابداً هتسمع الكلام دا علي نفسها وتسكت حتي لو من اكتر حد بتحبه وهيفيد ب إي الحب وهو بيقول عليا كدا.

=دانتي نهار ابوكي إسود بتمدي ايدك عليا يار*خيصة ورحمة ابويا لأوريكي

مسكني من شعري جامد وبيجرني وراه لباب الشقه وانا ببكي وبترجاه يسيب شعري عشان الوجع رهيب رماني برا البيت بمنتهي القسوة و ولا كإن كان في بيننا حب او عِشرة.

_إنتي طالق ياخا*ينة يا ر*خيصة أنا غلطان اني اتخميت فيكي ربنا بيحبني عشان بينلي حقيقتك المقر*فة وغلطان اني مسمعتش كلام أمي من الاول عليكي

وبعدين سابني وقفل الباب نزلت الشارع وانا ببكي ومش عارفة هعمل اي حب سنين اختفي ف ثانيه عشان وهم في دماغه فضلت اتمشي وخبطت في واحد وانا مش شايفة من الدموع ف أتأسفتله ومشيت..وصلت بيت أهلي واول ما والدتي فتحت الباب اترميت في حضنها وفضلت أبكي.

=بسم الله الرحمن الرحيم مالك يحبيبتي في اي

_طلقني يماما مراد طلقني وشاكك فيا



=إي اللي إنتي بتقوليه دا يا روميساء احكيلي يابنتي اي اللي حصل

قعدت حكيت لماما كل حاجة حصلت من ساعة ماقولتله إني حامل لحد ماخبطت علي باب بيت أهلي كانت بصالي وساكتة وبعدين أتكلمت.

=إنتي أكيد معملتيش حاجة غلط ياروميساء صح?

بصيتلها بصدمه

_إي يماما إنتي كمان هتشكي فيا ولا اي هتشكي ف بنتك تربيتك??

=لا يابنتي والله مش قصدي بس ازاي بيقول ان التحاليل بتقول انه عقيم وانتي حامل.

بصيلتها بصدمه اكتر وسيبتها وقومت دخلت اوضتي ماهو انا برضوا زيي زيها مش فاهمة حاجة بس هي امي اللي ربتني دا كان اخر رد اتوقعه منها فضلت نايمة علي السرير بعيط وبفتكر كل حاجه بيننا وازاي جاله قلب يعمل فيا كدا او يتهمني الإتهام البشع دا شوية وسمعت صوت الباب بتاع الشقة بيخبط وماما فتحت وسمعت صوت بابا داخل بيزعق وبيناديني.

=هي فييين الخا*طية اللي شوهت سمعتنا جوزها كلمني وقالي انها بتخونه وحامل من حد غيره ولما زعقتله ومصدقتهوش جابلي التحاليل اللي بتثبت إنه عقيم

_إستهدي بالله بس اكيد في حاجة غلط بنتنا متعملش كدا

=وأهي عملت وحطت راسنا في الطين

قال جملته وانا سامعه كل دا ف اوضتي وخايفة ومصدومة وبعيط سمعت صوت باب اوضتي بيتفتح ودخل منه والدي وجابني من شعري وفضل يضرب فيا ولما تعب وقف وقال.

=اللي ف بطنك إبن الحر*ام دا لازم ينزل وتقوليلي مين اللي غلطتي معاه عشان وديني لأوريه الويل

_حرام عليكم يبابا أنا معملتش حاجة مراد هو ابوه إنتوا ازاي كلكم مش مصدقني دانتوا أهلي وسندي اللي المفروض تكونوا عارفين أنا علي اي كويس.

قولت جملتي وانا ببكي وببصله يمكن قلبه يحن ويتراجع عن فكرة اني انزل ابني واقتله بإيدي وهو لسه مجاش ع الدنيا.

=دا أخر كلام عندي الواد اللي فبطنك هينزل ياخا*طية خليتي وشنا ف الطين

قال اخر كلام ليه وخرج معرفش اعمل اي ولا هحل اللي انا فيه ازاي عمر مابابا كان قاسي اوي كدا وعمر مراد ماكان بالشكل دا حتي ماما هي مقالتش الكلام نفسه بس شايفة ف عيونها انها بتلومني علي حاجه معملتهاش اصلا بعد شوية دخلتلي أكل وهي بتعيط وقعدت جنبي.

=معلش يابنتي مش عارفة كان مستخبلنا دا كله فين انا عارفة انك مغلطتيش انتي تربيتي وانا عارفاكي بس الدليل معاه ان الولد مش منه مش عارفة اساعدك ازاي ولا اصدقك ولا اقف مع قرار ابوكي انا مش عارفة

فضلت سرحانه وباصة قدامي ومش برد عليها ف قامت وخرجت كنت مصدومة فعلا من كل اللي حواليا وكل حاجة بتحصل مكنتش قادرة اتكلم ف سكتت ما أصل حتي لو اتكلمت هما مصدقينه ومصدقين الورقة اللي معاه ومش مصدقني 

عند مراد....

والدته نزلت بعد ما روميساء مشيت مكنتش تعرف اي الخناقة اللي حصلت بس كانت مبسوطة لما سمعت صوت اليمين وان ابنها طلقها

_اي اللي حصل يامراد ياحبيبي سمعتك وإنت بتزعق مع اللي متتسمي دي وطلقتها

=انا طلقتها خلاص بتخونني ياأمي بتخونني وحامل من غيري وجاية بكل بجاحة تقولي انها حامل

أمه اتصدمت وقالت

_بتخونك ازاي وازاي يعني حامل من غيرك وعرفت ازاي

=أنا مبخلفش ياأمي لما عملنا التحاليل طلع انا اللي عندي عيب ومش بخلف وهي قالت انها حامل يبقي من مين 

_يالهوي مش بتخلف ازاي دا

=أمر الله 

_ ونعمة بالله ..انا قولتلك من الاول مش مرتاحة للبت دي باين اصلا عليها انها ماية من تحت تبن ولا يهمك يحبيبي اجوزك ست ستها جميلة بنت خالتك بتحبك ولما تعرف انك مش بتخلف مش هتعترض دي بتموت فيك

=مش عايز اتجوز دلوقتي ياأمي أنا لسه مخلصتش من اللي انا فيه

_هتعصي كلامي تاني مانت جربتني ف المرة الاولي وشوفت بعينك اي اللي حصل هتندملو مسمعتش كلامي مرة تانيه

=هفكر ياأمي هفكر

عند روميساء....

تعبت من كتر التفكير والعياط وافتكرته مفيش حد هيساعدني إني أثبت برائتي غيره..آسر إبن عمي وصديق طفولتي كلمته وحكيتله كل حاجة حصلت معايا وعكس الكُل قالي انه واثق فيا ومش مصدق حاجة زي كدا عليا ..

_طب اعمل اي دلوقتي ياآسر بابا عايزني أنزل الجنين وانا مستحيل اقتل إبني بإيدي

قولتها وانا ببكي وسمعت صوت تنهيدته

=بوصي يا روميساء انا هاجي من السفر عليكي علي طول وهنتقابل ونفكر في حل في المشكلة دي

_أنا متشكرة اوي ياآسر بجد إنت بتعمل اللي القريب معملهوش

=متقوليش كدا احنا ولاد عم ..وإخوات ولا اي 

_أكيد ياآسر

=يلا سلام دلوقتي هخلص شغل واحجز تذكرة سفر واجيلك علي طول

_ماشي ياآسر مع السلامة وشكرا مرة تانيه

قفلت معاه واتلاقيت مراد بيتصل ثانيه ثانيتين تلاتة مش عارفة أرد ولا لأ ولو رديت هيقولي اي تاني أكتر من اللي قاله رديت عليه

روميساء_ألو...

يتبع...
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
روميساء_ألو

=اهلا بالر*خيصة

اتعصبت جامد وكنت جاية أرد عليه وأزعق بس قاطعني وقالي...

=إسمعي ياإسمك اي والدتك كلمتني ومتدايقة اوي عشانك مش فاهم ليكوا عين تتكلموا إزاي بعد اللي عملتيه غيركم المفروض يسكت ويحمد ربنا إني مفضحتكوش في قلب الشارع بتاعكم وف كل حتة مانا صاحب حق وقالتلي انها مش مصدقة انك تعملي كدا هه لسة مفكراكي البريئة

=أسكت بقي إنت إزاي كدا وازاي مش مصدقني داحنا بيننا عشرة عمر وحب سنين مش يوم وليلة تصدق عني كدا يمراد حتي ممكن نعمل تحليل DNA وتتأكد انه إبنك

 = بلا تحليل بلا بتاع انا مش عايز اعرفك تاني اصلا في اي اكتر من التحليل اللي بيثبت إني مش بخلف ولو علي ايامنا ف هي ايام زبا*لة بالنسبالي ومش عايز افتكرها

قولت بدموع

_حرام عليك يامراد تظلمني بالشكل دا وتهدم كل حاجة بيننا طب عشان ابننا اللي جاي أتأكد علشانه 

=إسمعي ياحلوة انا مش متصل عشان تستعطفيني أمك قالتلي ان ليكي الحق ف انك تاخدي كل حقوقك والمؤخر عرفيها إن دا مش هيحصل ولو كنتي انتي اللي حاطة دا ف دماغها ف اسمعي بقي مش هتاخدي مني جنيه واحد بس حتي ولو حابة ف نتقابل ف المحاكم ونشوف الست الخاينة ليها حق ولا لأ

_أخررص أوعي تجيب سيرتي علي لسانك تاني انا اللي اتغشيت فيك ولو علي حقي فأنا مش عايزة حاجة منك اصلا 

أتعصبت جدا وقفلت السكة وانا بعيط أنا مش متخيلة أن دا مراد حب حياتي يعمل فيا كدا ومش راضي حتي يسمعني فين الحب اللي كان بيوعدني بيه والأمان إفتكرت موقف بيننا زمان خلاني أزيد ف البُكا وقد اي الإنسان قادر يتغير 180° 

flash pak...

من 5 سنين...

_مراد انا عايزة بيتنا يبقي دافي كدا عارف...

=عارفة انتي هيبقي دافي إزاي وجميل

ابتسمت

_إزاي ?

=بوجودنا جنب بعض وحبنا اللي مالي البيت بيت صغير كدا يلمنا وتكمل فرحتنا وجمال بيتنا لما نخلف بيبي صغير شبهك كدا يملي البيت إزعاج

كشرت_متقولش علي ابننا مزعج

=مش لما ييجي الاول وبعدين ياستي مش مزعج ولا حاجة انا اللي مزعج

ابتمست_ربنا يخليك ليا يامراد بجد انا بحبك اوي ونفسي فعلا ف بيتنا الدافي اللي مليان حب وأمان دا بأسرع وقت

=إن شاء الله يحبيبتي اوعدك هيبقي أحسن بيت

paakk...

 فوقت من افكارى علي حد بيفتح باب الأوضة واتلاقيتها ماما مسحت دموعي واتكلمت

_إنتي كلمتي مراد ليه ياماما ومؤخر اي اللي بتكلميه عليه
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
=حقك يابنتي هو احنا لاهنطول منه سما ولا ارض ولازم يصرف علي ابنه

زعقت وانا بعيط

_مش لما يعترف ان هو ابنه اصلا ياماما مراد مش معترف بيه اساسا ولو سمحتي متكلميهوش فآي حاجة تاني هو انا معنديش كرامة ولا ليا حق ف انك تكلميه علي الفلوس ?!!

لسه هترد باب الشقة خبط سابتني بمسح دموعي وراحت تفتح وسمعت صوت بابا

_هي فين 

=في اوضتها ياصابر بتسأل عليها ليه

سألته ماما وهي مترددة وخايفة

_مالكيش دعوة انتي وقوليلها تلبس وتطلعلي 

مقدرتش أسكت اكتر من كدا علي الظلم اللي بيحصل ف حياتي دا من اقرب الناس ليا خرجت وبدأت أزعق

_حراام عليكم بقي مش مكفيكم اللي بيحصل فياا بتكملوا عليا وعايزني أقتل إبني بإيدي اللي المفروض تكونوا سند ليا وتجيبولي حقي من الحيوا*ن اللي أسمه مراد مصدقه يابابا وجاي تكمل عليا وتقولي أقتلي أبنك دا ابني انا ومراد معملتش حاجة غلط إنتوا اي مبتفهمووش

مكملتش كلام عشان اتلاقيت قلم نزل علي وشي وقعني في الارض من كتر الشدة وبصيت لبابا بزهول وصدمة عمروا ماكان بالقساوة دي الباب خبطت وراح يفتح وانا لسة مكاني

_آسر..إزيك يابني عامل اي

=الحمدلله ياعمي إنت عامل اي واخباركم اي

_الحمدلله

بص عليا اتلاقاني بعيط ومرمية ف الارض ف استغل الفرصة وسأل بابا

=اي اللي بيحصل ياعمي وفي اي مالها روميساء

_مفيش يابني انا وهي هنروح مشوار ونرجع علي طول اقعد خد ضيافتك يابني مش هتأخر عليك

=هو انا ضيف ياعمي وبعدين مش عايز اتضايف انا عايز اعرف في اي

_مفيش حاجة ياآسر قولتلك عن إذنك يابني عشان مستعجلين

جه شدني من إيدي وقومني وكان هيخرج بيا برا البيت عشان ياخدني انزل الجنين فضلت اعيط وانا بكلم آسر

_آسر بالله عليك ماتخليه ياخدي يآسر عايزني أنزل إبني عايزني اقتله بإيدي 

=إي الكلام دا ياعمي سيبها بس كدا وبعدين تنزل جنين اي ياعمي إنت مؤمن بالله وعارف ان دا قتل نفس وعقابها شديد اوي عند ربنا

_إنت مش فاهم حاجة يآسر سيبني أمشي عشان اخلص من الفضيحة واللي انا فيه

=لا انا فاهم كل حاجة روميساء حكتلي ثم إن فضيحة اي ياعمي روميساء متجوزة علي سنة الله ورسوله معملتش حاجة غلط او حرام

_مكنتش مصدق زيك يابني لحد ماشوفت الإثبات بعيني

=وليه ميكونش غلط ليه متصدقش بنتك وتصدقه هو او تصدق حتة ورقة ومتصدقش بنتك تربيتك

_في اي اكتر من كدا عشان اصدق والاتنين عملوا التحاليل مع بعض اي هو الدكتور هيغلط ف واحد ويطلع واحد صح ولا اي
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
=جايز ياعمي كل شئ جايز بس متصدقش كدا علي روميساء ياعمي دي بنتك وتربيتك

_قولي إنت أصدقها ازاي وانا هصدقها مش عمال تدافع عنها كأنك خايف عليها اكتر مني قولي اصدقها ازاي

=ممكن نخليه يعمل التحليل تاني ياعمي دا حق بنتك ولازم تتمسك بيه قبل ماتعمل اي حاجة دلوقتي تندم عليها

_ولو مرضيش يعمل تحليل تاني دا متمسك بالتحليل اللي معاه كأنه كنز ثقته ف التحليل خلتني مشكش فيه واحد فالمية

=يبقي نعمل تحليل DNA بيتعمل من الشهر الرابع تقريبا إنتي ف الشهر الكام ياروميساء

كنت بتابع الحوار وانا زعلانه علي حالي اني وصلت للمرحلة دي الغريب خايف عليا اكتر م القريب لحد ماسألني السؤال وجاوبته

_انا ف نص التالت

=خلاص ياعمي نستني الكام يوم دول ونعمل التحليل حتي لو هنعمله غصب عنه زي ماقولتلك دا حق بنتك ولازم تتمسك بيه ووقتها لو طلع سلبي مع انها مستحيلة بس لو طلع سلبي من حقك تعمل اللي تعمله 

حسيت بابا هِدي شوية وكأنه بيفكر وكإنه كان مستني حد يكلمه ويفكره إني بنته تربيته وان اللي كان هيعمله حرام بابا معرفش يرد ف سابنا ونزل وانا قعدت اعيط علي حالي وماما حضنتني وقعدنا نعيط سوا وآسر بيبوصلي بشفقة ممزوجة بحزن عميق أوي طبيعي إني اعرف احساسه انا حفظاه تماما

آسر _طب كفاية عياط لحد كدا ياروميساء إنتي اقوي من كدا أثبتيلهم انك بريئة وحاربي عشان حقك عمرى ماشوفتك ضعيفة كدا انتي قوية قومي تعالي معايا عشان نروحله عشان ناخد حقنا منه ونقوله اننا لازم نتمسك بإننا نعمل تحليل

كلامه شجعني ف مسحت دموعي وقومت معاه روحنا لبيتي او اللي كان بيتي ووقف العربية وقبل مانطلع

روميساء_إنت شايف إنه هيوافق 

=إنتي عندك شك ولو واحد ف المية إنك مش صاحبة حق

_لا طبعا 

=يبقي هنطلع ونتكلم بقلب جامد ومشوفش دموعك ابدا

إبتسمتله بتعب ابتسامة بشكره فيها علي اللي بيعمله معايا طلعنا وخبطنا وأول ماالباب فتح ظهرت جميلة!!!!

جميلة بنت خالته اي اللي جابها هنا اول ماشفتنا عوجت بوقها وقالت

_اي اللي جابك هنا يخا*طية

آسر كان هيرد عليها بس مسكت ايده وبصيتله بمعني بلاش عشان نعرف نتكلم مع مراد من غير مشاكل تاني ظهر مراد من وراها بهدوم البيت واللي انا مستغربة اي اللي جابها ومقعدها معاه ف البيت كدا!!

مراد_ إنتي اي اللي جابك هنا وإي دا آسر هه أهلاً إوعي تكون إنت اللي عملت معاها كدا مانت حب الطفولة صح

آسر مقدرش يسكت أكتر من كدا ومسكه من لياقة البيچامة بتاعته 

=حسك عينك تجيب سيرتها علي لسانك تاني دي أنضف منك ومن عيلتك كلها يحيوان

_آسر سيبه عشان خاطرى خلاص متنساش اللي جايين عشانه

=عندك حق..إسمع ياروح امك اللي طعنتها ف شرفها اللي هي تبقي مراتك ياعديم الرجولة هنثبت حقها برضاك أو غصب عنك

_نزل ايدك كدا وبعدين في اثبات اي اكتر من التحليل اللي معايا

=لأ التحليل دا تبله وتشرب مايته اللي هو 100% غلط وعشان نثبت فإحنا هنعمل تحليل DNA للجنين واللي مليون ف المية هيطلع إبنك

حسيته اتوتر وبان ف عيونه التردد 

_قصدك اي بإن التحاليل غلط ومين قالك يمكن صح او الاكيد انها صح وهي فعلا واحدة ر*خيصة 

آسر مردش عليه ومسكه فضل يضرب فيه علي باب الشقة وأمه نزلت من الصوت وفضلت تصوت وتحاول تبعده عنه بس محدش قادر عليه الغضب كان عاميه وانا كل اللي همي آسر يقوم عشان ميأذيش نفسه جاية أحوش آسر عن مراد مامته مسكتني من شعري وقالتلي

=إنتي السبب ياخا*طية يار*خيصة ابني مسلمش منك ولا من قرايبك وجاية بكل بجاحة هنا تاني دانتي عايزة تتربي من اول وجديد

فضلت شداني من شعري وبنده لآسر بس آسر ف عالم تاني الغضب عاميه جات جميلة وراحت ساعدتها ووقعوني من ع السلم محسيتش بآي حاجة بعدها غير سائل دافي بين رجلي وصوت آسر 

_روميسااااااء

يتبع...
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
آسر _روميسااااء
نزل يجري عليها وشالها بسرعة وجرى بيها علي أقرب مستشفي قابلته 
_ دكتووور بسرررعة هتموووت مني حااملل شكلها أجهضتت
الدكتور=إهدي يأستاذ هاتها حطها ع الترولي لاازم تدخل عملياات بسررعه
خدوها ودخلوا أوضة العمليات وآسر فضل يدعي أن ميحصلهاش حاجة وأتصل بأهلها وعرفهم اللي حصل وكلهم وصلوا وقاعدين مستنيينها ووالدتها قعدت تبكي وبتدعيلها عدا ساعتين جوا ف العمليات وبعد توتر أخيراً الدكتور طلع وكلهم جريوا عليه
صابر(والد روميساء)_طمني يادكتور بنتي مالها وعامله اي دلوقتي
الدكتور=هي كويسة الحمدلله عدت مرحلة الخطر
آسر: طب والجنين يادكتور
الدكتور بأسف:...
عند مراد...
مراد:اي اللي إنتوا هببتوه دااا
والدته:عاملنا اللي لازم يتعمل مع مقصوفة الرقبة الر*خيصة دي
مراد: عارفين لو حصلها حاجة
جميلة: مالك متدايق عليها كدا ليه لسة بتحبها ولا اي مش دي اللي خانتك
مراد: لأ مبحبهاش ياجميلة بس دي لو حصلها حاجة هندخل في س و ج وهتتسجنوا
والداته: إنت خوفتنا ليه ماهما اللي بدأوا والزفت قريبها دا اللي فضل يضرب فيك الاول
جميلة:أيوا هو اللي تعدي عليك مش احنا
مراد: حتي لو هو اللي تعدي عليا هي مالها ف إنكم تزقوها من علي السلم وانتوا عارفين إنها حامل داا مصييبة أنا هقوم ألبس وأروح اشوفها
جميلة: تروح تشوف مين يامراد إنت إتجننت ولا اي قول بقي إنك لسة بتحب الخاينة الر*خيصة دي 
مراد: جميلة حلي عن دماغي دلوقتي بدل ماتبقي مطلقة زيها
والدته: يالهوي تطلق اي تعالي ياجميلة اقعدي واسكتي دلوقتي
جميلة: أسكت ازاي ياخالتي دا بيقولك هيروحلها عايز يتطمن عليهااا
والدته: سيبيه يابنتي هيشوف حصلها اي بس عشان يعرف اللي حصل
جميلة:ماشي ياخالتي ماشي 
نزل مراد رايح في طريقه للمستشفي اللي قريبه من بيته اللي شافه وهو رايح ليها بعد مانزل وراهم يشوف حصلها اي
في المستشفي...
الدكتور بأسف: للأسف الجنين حالته خطر اوي وحصل مضاعافات كتير جدا وكانت كلها دقايق وهينزل لو ملحقتوهاش خلال 24 ساعه هنعرف إذا كان الحمل هيثبت ولا لأ إدعولها وإدعوله
سابهم الدكتور ومشي وهما فضلوا قاعدين مستنيين والتوتر هو سيد الموقف، وصل مراد المستشفي وطلع أول ماآسر شافوا جري عليه ومسكه من لياقة قميصه ولسه وهيبدأ ضرب فيه تاني والد روميساء جه وبعده عنه
صابر _مش وقته ولا مكانه ياآسر..وإنت جاي ليه بعد اللي هببتوه والله لأوريكم كلكم واحد واحد وبالنسبة لبنتي فأنا هثبت برائتها ووقتها والله ماهرحمكم
مراد=أنا جاي أتطمن عليها مش جاي اتخانق يعني
آسر _بأي حق تتجرأ وتيجي اصلاا وتطمن عليها بتاع اي
مراد= هو اي اللي بتاع اي مش مراتي
آسر _ كانت مراتك وامشي غور من هنا يلا وحسك عينك اشوفك قريب منها تاني مش تقتل القتيل وتمشي ف جنازته
مراد وقد ظهر عليه القلق: قتيل اي هو الجنين نزل?
آسر _وإنت مالك إنت يأخي هو مش إنت كنت بتشكك فيها وبتقول انه مش إبنك إمشي من وشي بقي الساعة دي عشان اللي ماسكني عنك عمي صابر وشوية كمان ومش هشوف حد 
مشي مراد من المستشفي وهو حاسس بشوية ندم علي التسرع وبعدين إفتكر إنه معاه التحليل وبيوهم نفسه إن هو اللي صح ومعاه تحليل يأكد دا هي خانته وهو فعلا مش عايز يشوفها تاني،
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
تاني يوم في المستشفي آسر اللي كان صاحي وشاف الدكاترة والممرضات بيجروا علي أوضة روميساء قام ووقف ممرضة وسألها
_هو في اي انتوا بتجروا كدا ليه
الممرضة=المريضة اللي ف اوضة 12 فاقت ولازم نلحق الموقف ونطمن علي الجنين ونشوف قلبه وحالته عن إذنك 
سابته ومشيت وهو قعد يدعي ووالدة و والد روميساء خرجوا من الاوضة اللي كانوا بايتين فيها من امبارح وعرفوا اللي حصل من آسر إستنوا نص ساعه وخرج الدكتور وهو بينهج
آسر _ خير يادكتور الجنين حالته اي
الدكتور=الحمدلله دي معجزة من عند ربنا إن الجنين يفضل عايش ومكدبش عليك انا كنت متوقع انه كالعادة هينزل بس سبحان الله ربنا رايدله يعيش
آسر _ شكرا جدا يادكتور تعبنا حضرتك معانا..أقدر أدفع مصاريف المستشفي منين
الدكتور: تحت ف الحسابات 
صابر: لا يابني مالكش دعوة انت بمصاريف او بأي حاجة انا هروح ادفع 
آسر : ياعمي أنا وإنت واحد معلش ريحني هنزل انا وادخلوا انتوا لروميساء وانا هخلص تحت وارجع علي طول
نزل آسر للحسابات ودخلوا هما الأوضة وروميساء كانت بتفوق وبتفتح عينيها بتقاوم النور وأول ماجمعت اللي حصل قامت مرة واحدة وحست بدوخة
والدة روميساء: براحة يابنتي إرتاحي
روميساء:إبني ياماما إبني اخباره اي
_إهدي ياحبيبتي إبنك بخير متقلقيش عدا مرحلة الخطر والدكتور قال ترتاحي
إفتكرت كل اللي حصل معاها وقعدت تعيط علي حالها ،دخل آسر وإستغرب عياطها
روميساء بدموع:آسر أنا مش هستني للشهر الرابع أحنا لازم نجبره يعمل التحليل تاني في وجودنا ونرفع قضيه علي أمه وبنت خالته إنهم كانوا عايزين يقتلوني ويقتلوا إبني 
آسر:حاضر إرتاحي إنتي بس وكدا كدا إمبارح ونتي نايمة أنا سبتكم ف المستشفي وروحت رفعت عليهم محضر ومحضر عدم تعرض ودي فيها 10 سنين حبس أصلا
روميساء:أنا مش عارفة أشكرك إزاي بجد ياآسر علي كل اللي بتعمله معايا
آسر: متشكرنيش دلوقتي أنا طلبت محامي صاحبي محمود الأنصارى وهييجي يمسك القضية وهيلبسهم في سنين حلوة سجن إن شاء الله علي اللي عملوه وهيجيب حقك منه ويثبت برائتك
روميساء:يارب يا آسر يارب
الباب خبط وكان محمود الأنصاري محامي مشهور وناجح إستأذن ودخل وأول مادخل شاف روميساء وإفتكر إنها نفس البنت اللي شافها بتمشي وهي بتعيط وخبطت فيه إبتسملها
محمود :أنا عارف حضرتك شوفتك من 3 ايام وخبطتي فيا وانتي بتعيطي
روميساء بإستغراب:إنت اللي خبطت فيك 
محمود بإبتسامة:أيوا 
آسر :مش هنشوف شغلنا طيب ولا اي
محمود بحمحمة:أه طبعا دلوقتي إحنا لازم ناخد شوية أجراءات ونبعت نجيب اللي اسمه مراد عشان نعمل التحاليل الأول ونثبت إنه إبنه عشان لما نتكلم ف المحكمة يبقي معانا إثبات
آسر: خلاص أنا هكلمه وأبلغه ييجي عن إذنكم
محمود: أأ أنسة روميساء حضرتك عندك كام سنة
صابر: مدام ياحبيبي عندها 25 لو دا هيفيد القضية
محمود بإحراج: كنت بسأل عادي ياعمي اا كنت عايز حضرتك في موضوع بس برا
صابر: ماشي يابني تعالي
عند آسر.. خلص مكالمة مع مراد و في إنتظاره عشان يتحركوا هو وروميساء ومحمود
عند مراد..جميلة شيفاه قام يلبسو متوترة ومتعصبة انها معرفتش تمنعه من انه يروح
نزل وقابلهم وراحوا معمل التحاليل وعملوا التحاليل وبما إن محمود الانصارى معروف وليه معارف كتير هناك ف التحليل هيطلع ف نفس اليوم واللي كان صدمة كبيرة جدا لمراد التحليل موضح إن مراد بيخلف عادي جداً
مراد: إزاي أنا مبخلفش التحليل اللي معايا بيقول كدا
سمير(دكتور التحاليل):التحليل القديم اللي حضرتك وريتهولي مش مطابق تماماً مع التحليل دا ومن الواضح إنه مش تحليلك إطلاقاً ممكن يكون إتبدل مع حد تاني
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
مراد بصدمة:إزاي يعني
الدكتور: زي مابقول لحضرتك كدا عن إذنكم
آسر :عشان تعرف اللي إنت إتكلمت عليها وحش دي وشككت ف اخلاقها تبقي إي يحيوان ياخ*سيس
مراد: أنا أسف ياروميساء والله بس حطي نفسك مكاني إحنا ممكن نرجع تاني ونبدأ صفحة جديدة ونربي إبننا سوا
روميساء بدموع: كان فين كلامك دا من الاول وكان فين ابننا دا من الاول لما شككت فيا ومرضتش تسمعني حتي كان فين اعتذارك ليا لما حصل كل دا إني أرجعلك دي حاجة مستحيلة إنت بتحلم أنا لو اتتحدت السما مع الارض مش هرجعلك يامراد بتحلم
مشيوا وسابوه في صدمته وندمه في وقت لا ينفع فيه الندم وصولوا البيت وروح محمود بيته وأول ماوصلت راحت لوالدها توريله إثبات برائتها وإنها شريفة ومخنتهوش هو ولا مراد
_صدقت يابابا إني بريئة ومعملتش حاجة صدقت
صابر بدموع= حقك عليا يابنتي أنا أسف والله كان غصب عني ودمي إتحرق من اللي الزفت دا قاله 
روميساء بدموع_أنا مزعلتش من آي حد قد مازعلت منك ومن ردة فعلك كان اخر واحد اتوقع يشك فيا المفروض تبقي أول واحد جنبي وتقف في صفي بس عملت العكس 
=حقك عليا يابنتي أنا اسف حقك عليا
روميساء بدموع_أنا مسمحاك يابابا ماليش غيركم أصلاً
آسر _طب أنا هستأذن بقي وهروح أنام شوية وارجع الصبح عشان نروح المحكمة ونشوف القضية مع السلامة
ودعهم آسر ومشي وروميساء أول مرة تنام مرتاحة من ساعة اللي حصلها وإن الحق بان 
تاني يوم..راحوا المحكمة وبعد محاكمة طويلة قرر بالقبض علي والدة مراد بالسجن 6 سنين لشروعها في القتل هي وجميلة ومراد بقي بائس وعايش لوحدوا وكل يوم الندم جواه بيزيد ومحدش بقي معاه ف الأخر
بعد مرور 3 أشهر كان فيها آسر ومحمود وروميساء علي اتصال دائم ببعضهم وبيتقابلوا وبقوا اصحاب 
روميساء: مش فاهمه يمحمود جايبني ضرورى هنا ليه دلوقتي اي الحاجة الضرورية اللي نزلتني فيها الساعه 11 بالليل وبعدين الكافيه مفيهوش حد ليه
محمود:إبلعي ريقك شوية يابنتي في اي رااديوو وبعدين قولتلك حاجة ضرورية ومفاجأة ليكي
روميساء:ايوا اي هي المفاجأة طيب انا مش بحب شغل الفضول والتوتر داا
فجأة محمود نزل علي ركبته وفتح علبة خاتم
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
محمود: تقبلي تتجوزيني ياحورية حياتي من أول يوم شوفتك فيه وانا معرفكيش وكنتي بتبكي خطفتي قلبي وكان نفسي أخدك بعيد عن العالم واقولك متعيطيش مفيش حاجة تستاهل دموعك أبدا أنا بحبك أوي ياروميساء ف الأول فكرته إعجاب عادي بس بعد ما عرفتك وقربت منك اكتر إتأكدت إني بحبك ومش عايز أكمل حياتي من غيرك
روميساء كانت مصدومة ومش عارفة ترد
روميساء: أنا مش عايزة أخسرك يامحمود بس مش عايزة أعيد التجربة دى تانى وهكمل حياتي أربى إبني وبس 
محمود: هنربيه سوا وهيبقي إبني أنا كمان وبعدين متخليش تجربتك الأولي تخليكي تخسري اللي بيحبوكي بجد واوعدك مش هفرق أبداً بين ابنك اللي هيبقي ابني يعني وبين ولادنا الجايين كفاية إنه منك
روميساء واقفة بتفكر ومش عارفة ترد تقول اي متنكرش انها معجبة بشخصيته وبطريقته بس مش عايزة تعيد التجربة تاني 
محمود: ياحجة خلصي ضهري أتكسر هاا قولتي إي
روميساء :مش عارفة يامحمود
_أوعدك هبقي غير آي حد وهبقي ليكي السند والآمان
بصيتله روميساء وإبتسمت وحبت متاخدهوش بذنب مراد
=أنا موافقة
محمود_أخيييرااا الحمدلله 
بعدها علي طول طلع أهل روميساء وأهل محمود من الضلمة وهما بيسقفوا وكان معاهم آسر وخطيبتوا الأجنبيه اللي عرفها من شغله برا وعملوا خطوبة صغيرة بوجود العيلتين بس وبعد ما خلصت خدها محمود وطلعوا يتمشوا شوية وبعدين هيوصلها
محمود:بوصي بقي خلفي بسرعه عشان نتجوز بقي
_ليه بسرعة ليه وبعدين لسة فترة الخطوبة هتبقي طويلة انا قررت 
=سرعه اي ياروميساء انا مستني بقالي 3 شهور اه 3 شهور متبوصليش كدا كتير اوي ومستني تخلفي علي آحر من الجمر وبعدين الدبلة دي مش عشان فترة خطوبة دي لحد ماتخلفي بس كدا عشان محدش يبوصلك وبعدها هنقلها من ايدك اليمين لإيدك الشمال
ضحكت روميساء_إنت مجنون بس بحبك.
=إي قولتي اي
_مقولتش حاجه
=لأ قولتي قوولي وإلا هرمي نفسي من فوق الكوبري
ابتسمت روميساء_ هو انا مش بحبك اوي يعني معجبة بيك بس
محمود بفرحة=مش مهم هخليكي تموتي فيا بعد الجواز المهم إنك بتبادليني نفس الشعور احمد يارب
إبتسمت روميساء بس إبتسامتها إختفت لما شافت مراد جاي عليهم
مراد=روميساء أنا أسف أوي علي اللي عملته معاكي أنا ربنا بيعاقبني بذنبك دلوقتي أمي محبوسة ومش عارفة اعملها حاجة وشغلي إتهموني فيه بالسرقة رغم اني معملتش حاجة وأتطردت منه دا غير اني مديون إني أسدد القيمة اللي
 اتسرقت أنا اسف سامحيني بتمني بجد انك تسامحيني
تنهدت روميساء: متطلبش السماح مني لأن صعب اسامحك دلوقتي اطلب السماح من ربنا يمكن يسامحك ولو علي ابنك ف انا مش هحرمك انك تشوفه مش هعمل زيك عن إذنك يامراد يلا ياحبيبي
مسك محمود ايديها ومشيوا تحت زهول مراد وندمه وتحت فرحة محمود بإنها نادته حبيبي وتمسكت بيه واعترفت بيه قدامه.
"أحياناً يأتي العوض علي هيئة شخص ينسيك كل ماحدث معك في الماضي لتبدأ معه صفحة جديدة من حياتك بها السعادة وفقط السعادة"♥️🦋.'
هاجر_نورالدين
تمت

انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا