رواية حياة في رفقة القطط من الفصل الاول للاخير بقلم فونا
رواية حياة في رفقة القطط من الفصل الاول للاخير هى رواية من كتابة فونا رواية حياة في رفقة القطط من الفصل الاول للاخير صدر لاول مرة على موقع التواصل الاجتماعى فيسبوك رواية حياة في رفقة القطط من الفصل الاول للاخير حقق تفاعل كبير على الفيسبوك لذلك سنعرض لكم رواية حياة في رفقة القطط من الفصل الاول للاخير
رواية حياة في رفقة القطط من الفصل الاول للاخير
_لا يعنينيييي
=كيف يا ماما لا يعنيكييي…لقد سمعت أن أم عبير تريد بابا لنفسهاااا
_من من من من…تلك القلبوظه…المضروبة…عود الخيار الناشف
=هي يا ماما ولعي بقي ولعي
_أبوكيييييي فييييييين
دخل بابا علي صوت صويتها وهو بيبصلي بغيظ وأنا ببتسم بأنتصار
بابا بغيظ_هديتي يا ليلي كده!!!
بابتسامه باردة_ أوي أوي يا بابي…كملت وأنا برقص حواجبي_عشان ترفضلي طلب بعد كده
بصلي بغيظ ووجه نظره لماما
*حبيبه قلبي وحشانيي
_ابعد عني يا عبدالرحمن
*يلهوي مش كنتِ بتقوليلي عبودي
بحزم_لا يا خويا بلاش دلع ماسخ خلي ام عبير تدلعك
وقامت وكانت لسه هتمشي لقيته مسكها من أيدها*ساسو
اه منك يا بابا يا خبيث بيدخلها من ثغراتها المفضلة وهوب لقيت الولية مامي بتبتسم ورجعت قعدت جنبه تاني
_قلب ساسو
اتكلمت بغضب طفولي_يعني ايه يا وليه تتثبتي بالسرعه دي بقولك شوفت ام عبير كانت بتضحك معاااه
وهوب لقيت شبشب بيتحدف في وشي من بابا ولقيت نفسي بجري في الشقه وبابا بيجري ورايا
*تعالي هنا يا بنت البوبي
=خلاص يا عبدو سماح المرادي خلاص
وقفنا واحنا بننهج وبنضحك في نفس الوقت
حقيقي أنا بحب أهلي أوي
أنا ليلي عندي ٢٢سنه كليه تربيه وعايشه مع ماما وبابا لوحدينا مقطوعين من شجرة ملناش أهل بس مش مهم إحنا مكتفيين بنفسنا
فضلت اهزر مع أهلي شوية لغاية مجت الساعه ٧ فتحت دولابي ولبست فستان بيبي بلو بنص كُم ومحترم مش مكشوف وفردت شعري الكيرلي الأحمر وحطيت ميكب خفيف لأني مش بحب الميكب أكتفيت بجمال بشرتي البيضه والنمش اللي علي وشي وعيوني الزرقاء ولبست كوتش أبيض وطلعت لأهلي برا
واللي كل مرة بيندهشو من جمالي ورد فعلهم بتفرحني كل مرة
جهزنا ونزلنا كنا متجهين لفرح ابن صاحب بابا عشان بابا وهو قريبين جدا فمكنش ينفع منروحش
وصلنا القاعه اللي فيها الفرح ودخلنا بهدوء كان صاحب بابا واقف علي باب القاعه وجنبه شاب صغير أول م شافني منزلش عينه من عليا وواحده ست معاهم
قربنا منهم وبابا سلم علي صديقه وماما سلمت علي الست وعرفت أنها مراته وأن الشاب ده ابنه الصغير
مرات صديق بابا_ ماشاء الله يا حبيبتي قمر بجد ربنا يحميكي
ابتسمت بهدوء_شكرا لحضرتك
ودخلنا قعدنا علي ترابيزة بعيد عن الناس شوية
كان لسه العرسان موصلوش ففتحت فوني اتصورت شوية لوحدي ومع اهلي لأني متعودة لازم اي لحظه نمر بيها لازم نتصور صوره ونطبعها ونعلقها في البيت
*في جزء في البيت عندنا مليان صور لينا وحقيقي حاجه في قمه اللُطف
خلصنا تصوير والعرسان وصلو وفضلو يرقصو شوية وفجأة الشخص اللي واقف علي الميوزك قال ياريت الكابلز تتفضل علي الاستيدچ
وطبعاً بلا مقدمات عبده أخد ياسو وقامو يرقصو ولا كأني قاعدة معاهم عصافير الحب يا ناس
فضلت سرحانه في جمال بابا وماما ومحستش بنفسي غير وأنا باخد ڤوني وبصورهم صور وفيديوهات عشوائية وحقيقي كنت مبسوطه جداً
فجأة لقيت صوت حد جنبي بصيت لقيته أنه الشاب ابن صاحب بابا
ابتسم وقالي_مساء الخير
ابتسمت بهدوء_مساء النور
تقريبا فضل الصمت ملازمنا وقت كتير وأنا صراحه كنت محرجه جداً من وجوده معايا علي نفس الترابيزة بلا سبب
كان لسه هيتكلم معايا بس فجأة بابا وماما رجعو وبابا سلم عليه_واقف هنا ليه يا حبيبي
=ابدا يا عمي بس لقيت الانسه لوحدها والفرح مليان شباب حواليها قولت اقعد معاها لغاية محضرتكم تيجو عشان محدش يضايقها
بابا بصله بهدوء وابتسم_شكرا يا حبيبي ربنا يخليك
صراحه كنت واقفه بصاله بطرف عيني كده بس كنت حاسه بإحساس غريب من ناحيته فوقت من سرحاني علي صوت بابا الحنين_يلا يا حبايبي نروح
أنا وماما هزينا راسنا وقومنا كلنا مشينا وصلنا عند باب القاعه ولقينا اهل العريس سلمنا عليهم ووالده أصر أن ابنه يوصلنا وبابا رفض في الأول بس عمو أصر ف بابا اضطر يوافق
ركبنا العربية معاه بابا قاعد جنبه قدام وأنا وماما ورا وكنت سرحانه مع الفون بتاعي علي الصور اللطيفه اللي اتصورتها بس كنت واخده بالي أنه كل شوية يبص عليا بصه سريعه كده وفوقت من سرحاني علي وصولنا تحت البيت نزلت بهدوء وطلعت قدامهم براحه وماما ورايا وبابا وقف يودعه وطلع
مر اليوم بسلام وصحيت تاني يوم متأخر جهزت ولبست بسرعه دريس موڤ ولبست كوتشي ابيض ولميت شعري عشان أنزل الجامعة ونزلت وحظي الجامد ملقتش مواصلات
كنت مضايقه جدا
_يلهوي بجد أنا أكيد مش هروح مشي متهزرووووش
وفجأة لقيت عربيه وقفت قدامي وفجأة نزل منها!!نفس الشاب بتاع انبارح بصيت بصدمه لقيته ابتسم وقال_صباح الخير
بتوتر_صباح النور
أتكلم بحرج_انا كنت معدي من هنا ولقيتك واقفه مش بتتحركي
اتكلمت باندفاع _ايوة انا نزلت متأخر وملقتش مواصلات فمش عارفة هعمل ايه والدكتور اللي عندي انهاردة جديد وبيقولو عليه شديد وصراحه مش عايزه اتهزق علي الصبح
ضحك علي عفويتي وبعدين أتكلم بتوتر ممزوج بحرج_انا ممكن اوصلك لو معندكيش مانع وأكيد مش هتروحي الجامعة مشي وكمان عشان محدش يضايقك وبعدين كمل بصوت واطي جدا_وعشان جمالك محدش يشوفه
=بتقول ايه
_لا ولا حاجه ها ايه رأيك
بصيت له بتوتر _انا فعلا ممكن أتأخر أكتر بس مش هينفع في نفس الوقت اركب مع حد غريب فاهمني
اتكلم بهدوء_طبعا عارف أنتِ ممكن تكلمي عمي وتستأذني
بصيتله بتردد بس رنيت علي بابا عشان مكنش في وقت
_ألو
=ألو يا حبيبه بابا ها وصلتي
_لا يا حبيبي لسه بس عشان نزلت متأخر مش لاقيه مواصلات بس بالصدفه لقيت ابن عمو صاحبك اللي وصلنا انبارح وقالي أنه ممكن يوصلني وأنا قولتله هكلم بابا الأول
سكت دقايق وبعدين رد_حبيبه بابا أنا واثق فيكي وفي جبريل ولولا أني واثق فيه مكنتش هوافق أبدا اركبي معاه يا حبيبتي
=حاضر يا حبيبي يلا باي
قفلت وكان باصصلي باهتمام
اتكلمت بتوتر_بابا وافق
ابتسم وفتحلي الباب اركب جنبه ترددت بس ركبت في الآخر
وهو ركب وساق العربية
كان في صمت رهيب بينا لغاية مهو قطع الصمت
_رايحه كلية ايه
=تربية
عاد الصمت بينا تاني لغاية مهو قطع الصمت تاني
_انا آسف جدا بس هو أنتِ أسمك ايه
=ليلي
_اسمك جميل
=شكراً
عدي وقت ووصلني عند الجامعه
_يلا حمدالله على السلامه
=الله يسلمك حقيقي شكراً جدا بجد
_مش بينا يا ليلي
ياه ده أنا اسمي طلع حلو أوي بجد
ابتسمت له ودخلت الكلية دخلت المحاضره بهدوء والحمدلله الدكتور لسه مدخلش فضلت ماسكه الفون شوية لغاية م الدكتور دخل وهووب ده طلع جبريل بصيت له بصدمة وهو لمحني وابتسم
_صباح الخير أنا دكتور جبريل هدرسلكم ماده الفلسفه
عدت المحاضره بسلام وأنا بحاول اتجاهل عيونه اللي تقريبا كانت طول المحاضره معايا وتقريبا الكل لاحظ
_وبس كده ده كلام انهاردة بكرة نكمل أن شاء الله مع السلامة
خلصت المحاضره ولميت حاجتي وجيت اطلع بصيت في الفون لقيت الساعه ١١ قفلت الفون تاني وروحت اشتريت قهوة وروحت في جنينه الكلية قعدت مع اصدقائي
(القطط)
تقريبا أنا الوحيده اللي بهتم بالقطط اللي في الكلية من كتر حبي فيهم سميتهم الولد اسمه عبده والبنت فاطمة
كانو ٢ بس كانو أغلي حاجة في حياتي بعد أهلي
_صباح الخييير وحشتوني
قربو مني وقعدت علي الكرسي ونطو قعدو علي رجلي فضلت ألعب معاهم لغاية ملقيت صوت ورايا _بتعملي ايه هنا
بصيت علي مصدر الصوت اتوتر وقومت فجأة وتقريبا هو لاحظ توتري_اهدي يا ليلي براحه مالك في ايه
=مليش بس ايه اللي جابك هنا
بص للقطط وابتسم_جاي عشان اتطمن علي حبايبي
بصدمه_أنتَ عارفهم
ابتسم_طبعا دول حبايبي أنا بحبهم أوي وبحب اجي الكلية عشانهم اصلا
ابتسمت وبعدين جاتلي لحظه إدراك واتكلمت بعفوية_أنتَ طلعت الدكتور الجديد
ضحك_ايوة شوفتي ومتهزقتيش ولا حاجه
افتكرت الكلام اللي قولته الصبح وضحكت _معلش أنا أسفه بس في عداوة بيني وبين الدكاترة اللي في الكلية مش بنطيق بعض بجد
=طب ليه
_بص أنا ك ليلي مبحبش حد يكلمني وحش ولا يبصلي بقرف ولا يزعق من غير سبب وطبعاً دكاترة الكلية فيهم كل ده فكنا بنجر شكل بعض وكملت بهزار_وبعيد عنك الراجل يبصلي بقرف من هنا ابصله بقرف من هنا والبقاء للأقوي
ضحك عليا بصوته كله لدرجة غمزاته بانت وسرحت فيه ده بجد يخربيت جمال أمك فوقت من سرحاني علي صوته وهو بيتكلم بخبث_انا عارف اني حلو
بصيت بصدمه وفوقت وركزت علي اللي حصل قومت بسرعه وحطيت أكل بسرعه للقطط وجريت وأنا بقوله_باي باي يا جبريل
ابتسم علي جمالها وطريقتها الطفولية
روحت البيت وفضلت سرحانه فيه وفي ضحكته لغاية مفوقت من سرحاني علي صوت بابا وهو بيقول_يا أهل البيت صديقي عازمنا عنده علي العشا انهاردة
مش عارفه ليه حسيت إني فرحانه ليه؟!!يمكن عشان هشوفه
عدي وقت قومت لبست بنطلون بوي فريند وتيشرت ابيض وعملت كحكه مش مرتبه وحطيت ايلاينر وليب جلاس وبس
جهزنا وروحنا عندهم البيت واللي فتحلنا كان جبريل ووالده مش عارفه ليه اول معيني جت في عينه ابتسمت وهو ابتسملي وبعد ترحيب كتير بين العيلتين دخلنا قعدنا شوية وبعدين بدأنا نتعشي سوا وكل شويه نبص لبعض ونبتسم
خلصنا الأكل وقعدنا وفجأة لقيت قطه قعدت علي رجلي حقيقي كنت مبسوطه أوي وقعدت العب معاها شوية وفجأة لقيت جبريل بيقرب مني وقعد في الكرسي اللي جنبي واتكلم_ اسمها مشمشه
بصيت للقطه وابتسمت_ أجمل مشمشه
فضلنا نتكلم أنا وهو علي القطه وكنا ملاحظين بصات أهلنا الخبيثه لينا أو بمعني أصح ليا أنا
وفجأة لقيت عمو خد بابا ودخلو البلكونه
وطنط خدت ماما ودخلو المطبخ
وفضلت أنا وهو ومشمشه
_جوهم قديم صح
=أوي يا دكتور
بصلي بغيظ_جبريل أسمي جبريل
ضحكت_حاضر يا جبريل متزعلش
وفضلنا نتكلم كتير ونضحك لغاية مروحنا البيت وحقيقي كنت مبسوطه أوي دخلت قعدت في البلكونه ولقيت بابا قعد قدامي
أتكلم بخبث_لحقتي تقعي كده
بصيتله وكنت فاهمة قصده بس اتكلمت بخبث_قصدك ايه يا بابي
_انتِ فاهمة يا عيون بابي
اتنهدت تنهيده حزينه وسكت وبابا فهم
_لسه مش قادره تنسي زين؟!
يتبع
اتنهدت بحزن ودموعي ظهرت_مش عارفه يا بابا مش عارفه أنا عملت كل حاجه عشان انساه أنا اه بحس بشعور حلو مع جبريل بس خايفه أوي خايفه احبه خايفه اظلمه خايفه قلبي يتكسر تاني
بابا بحنيه_انا عارف أن اللي حصلك م سهل وعارف أن زين عمل غلطه كبيره أوي بس حاولي تنسي يا ليلي حاولي تعيشي حياتك زي مهو عايش حياته ولا علي باله وأنتِ اللي قلبك اتكسر في الأخر! اجبري نفسك أنك تنسيه
بصيت لبابا ومقدرتش أمسك نفسي دخلت في حضنه وفضلت أعيط لغاية تقريبا مفقدت الوعي
فوقت وأنا حاسه اني جسمي كلو متكسر ومش فاكرة حصل ايه صحيت لقيت نفسي في المستشفى وماما وبابا جنبي وباين علي وشهم القلق
قولت بصوت ضعيف_بابا
شافني بابا وجري عليا هو وماما
ماما بعياط_حبيبه قلبي أنتِ كويسه
حاولت أبتسم واداري وجع قلبي قبل وجع جسمي_الحمدلله يا حبيبتي
بابا بحنيه_خضتيني عليكي يا حبيبه بابا
بابتسامه_متقلقش عليا يا أبو ليلي بس هو حصل ايه
بابا بحزن_مفيش يا حبيبتي تعبتي شوية بس واغمي عليكي
_طب أنا عايزة أمشي
ماما بإصرار_لا أنتِ هتفضلي هنا لغاية متخفي
_ياماما أنتِ عارفه اني مش بحب جو المستشفيات بتخنق
كملت بدموع_انتم عارفين كويس أن اللي حصلي مش سهل والفترة اللي مريت بيها كنت عامله ازاي
بابا بحنيه_خلاص يا حبيبه بابا اللي أنتِ عايزاه هروح اطلب من الدكتور إذن خروج وارجعلك
وبالفعل راح بابا طلب من الدكتور إذن خروج وطلعنا من باب المستشفى وبابا مسندني وإحنا طالعين كان داخل جبريل المستشفى وشافنا
أول م شاف بابا مسندني جري علينا بقلق
أتكلم بقلق_في ايه يا عمي ليلي مالها
بابا بحنيه_مفيش يا حبيبي تعبت شوية بس انبارح بس وجينا نطمن عليها
وجه كلامه ليا وأتكلم بقلق_ليلي أنتِ كويسه؟
بصوت شبه مسموع_الحمدلله يا جبريل
*طب الحمدلله ثواني بس يا عمي هدخل اجيب تحاليل بتاعت بابا وهاجي اوصلكم
بابا_ملوش لزوم يا جبريل إحنا هنمشي
جبريل بإصرار_ لا يا عمي لو سمحت استناني خمس دقايق بس
وبالفعل بابا وافق ودخل المستشفي وطلع وهو في ايده تحاليل وروحنا ركبنا معاه
كنت تعبانه جدا كنت حاسه ان قلبي واجعني
في نص الطريق حسيت مش قادره أخد نفسي فتحت الشباك بس فجأة فضلت اكح كتير ومكنتش قادره أخد نفسي ووشي أحمر لدرجه جبريل وقف العربية بسرعه
فتحت الباب بسرعه ونزلت منه ووقعت علي ركبتي وأنا عماله اكح كلهم نزلو بفزع لما شافوني
اتكلمت بصوت شبه مسموع_البخ…اخه البخاخه
بابا جري عليا وطلع البخاخه من جيبه بسرعه وادهالي
هديت شوية واتكلمت ماما _انا قولت تفضلي في المستشفى شوية يا حبيبتي ليه جبرتي نفسك
اتكلمت بتعب_يا ماما أنتِ عارفه اني مبقتش أحب المستشفيات بسبب اللي حصل خلاص بحس أما بدخلها روحي بتطلع
قاطعنا جبريل_ خلاص يا طنط الحمدلله أنها بخير دلوقتي يلا اركبو
بصيت لبابا وهزيت راسي بلاء وبابا فهمني
_خلاص يا جبريل أنتَ تقدر تمشي معلش تعبناك معانا
ووجه كلامه لماما _يلا أنا وأنتِ يا ساسو
ماما_يلا فين يا عبدو وليلي
بابا بحنيه_هي هتشم هوا شوية وبعدين هتيجي ورانا
ماما بضيق_لاء يا عبدو م هسيب بنتي لوحدها هنا ممكن تتعب تاني
كملت بدموع_ يرضيك بنتي تتعب يا عبدو ومحدش يلحقها
قاطعهم جبريل_أنا هفضل معاها
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
بصو لبعض وقبل م أتكلم أنا وماما بابا قاطعنا_وانا موافق
وبابا قرب مني وحضني وهمس بصوت ضعيف_معلش مش هقدر اسيبك لوحدك وصدقيني أنا واثق فيه خليكي شجاعه
بصيتله بحب وابتسمت
بابا مشي هو وماما وأنا وهو كنا واقفين علي البحر كنت مكسوفه أوي منه بس هو قاطع الصمت اللي بينا
واتكلم_تحبي تروحي مكان معين
هزيت راسي بالنفي وقعدت بتعب علي الصخر اللي قدام البحر
_دقيقه بس هروح أجيب حاجة وأجيلك
رديت بهدوء_تمام
راح ورجع ومدلي ايده ب عصير مانجا
أتكلم بحرج_عرفت أنك بتحبي ده
ابتسمت له_شكرا يا جبريل
وقعد جنبي علي الصخر بس بعيد شويه م قريب وفجأة لقيت قطه جت جنبي وطلعت علي رجلي ونامت قعدت اطبطب عليها بحنان
وهو كان قاعد سرحان فيا
_هو ممكن سؤال
=اتفضل
أتكلم بتوتر_انا آسف وأنا عارف أن مش من حقي أعرف بس أنتِ حبيتي قبل كده
بصيتله بهدوء وبعدين بصيت للقطه اللي علي رجلي وقررت اكسر حاجز الخوف اللي جوايا و احكي لجبريل علي كل حاجه مش عارفه ليه بس حاسه إني مطمنه
_أنا مطلقه
بصلي بصدمه وأكن حد جاب جردل تلج ودلقه عليه
متكلمش فاتكلمت أنا_ كان حب حياتي كان أول حب في حياتي أصلا كنت بحبه جداً بثق فيه جداً كنا في فترة الخطوبة كنا أسعد اتنين لدرجة كل الناس بتحسدنا علي قصه حبنا
اتنهدت وكملت بدموع_لغاية مجيه يوم كتب الكتاب وكان أسوء يوم في حياتي المفروض ده يبقي أسعد يوم في حياه أي بنت بس كان أسود يوم
كملت بعياط_اتكتب كتابنا اليوم ده روحنا علي بيتنا ودخلت اخد شاور وطلعت بهدوء فجأة لقيت صوت مكتوم في اوضه الأطفال دخلتها بهدوء كان طافي النور وسمعت اللي كسر قلبي نصين ساعتها سمعته بيكلم واحده
فلاش باك
_ألو أيوة يا حبيبتي صدقيني متخافيش أنا متجوزها بس عشان تجبلي عيال لكن أنا عمري مهحب غيرك يا سلمي أنتِ حبي الأول والأخير وهطلقها واخد العيل واتجوزك
فجأة حسيت أن رجلي اتشلت وحسيت وجع في قلبي جامد ودموعي نازله زي الشلال وشغلت النور فجأة بصلي واتصدم ساعتها حاول يقرب مني عشان يشرحلي بس صرخت في وشه_ أنتَ إزاي كده!!!
=ليلي أهدي أنا هفهمك
_تفهمني ايه أنتَ إنسان قذر وكملت بصراخ_عايز تخلف عيل مني عشان واحده تانيه تربيه يا قذر
محستش بنفسي غير وأنا بديله قلم علي وشه وفجأة الجو سخن وهو من كتر العصبيه وشه احمر وعروقه بانت
جريت من قدامه عشان ادخل الاوضه بسرعه واكلم أهلي بس هو كان أسرع من ومسكني وكتفني
بعصبيه_انتِ اتجننتي بتضربيني أنا يا ليلي ايدك دي هقط*عهالك وعايزه تجري وتكلمي أهلك
كمل بعصبيه أكتر_اه يا ليلي أنا مش بحبك أنا بكرهك أنا بحب واحده تاني وأمي جوزتني ليكي بالعافية واه اللي بحبها دي مش بتخلف وكنت هاخد العيل معايا
أنا كل ده بصاله والصدمه شل*ت لساني
زقيته بعيد ودخلت الاوضه بسرعه وقفلت عليا الباب ومسكت الفون بسرعه وكلمت بابا
بعياط_ألو أيوة يا بابا الحقنيييي تعالي بسرعه
بابا بفزغ_في ايه يا ليلي
_الحقني يا بابا طلع كذاب بيكذب عليا الحقنيييي
الفون فصل مني وفجأة سمعت صوته العالي جدا
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
_افتحي يا ليلي بدل مأكسر الباب
=ابعد عني أنتَ طلعت قذر طلقني يا زيييين
قعد يضرب في الباب جامد وأنا كنت خايفه جدا وعماله أعيط واقول_يارب يارب ساعدني يارب ساعدني
وهوب لقيت الباب اتكسر وهو دخل منه بكل عصبيه وعيونه حمرا من كتر العصبيه
فضلت أصرخ كتير_ابعد عني ابعدددد متلمسنيش
قرب مني وشدني من شعري وضر*بني كتير في جسمي وضر*بي بالقلم مكنتش قادره اقف من كتر الض*رب مبقتش عارفه اصرخ حتي حسيت أن الدنيا بتسود في وشي اخر حاجه لمحتها كانت وشه بابا ومن هنا والدنيا اسودت خالص
باك
كملت بانهيار_وبعد كده دخلت المستشفى يا جبريل فقدت الوعي مكنتش حاسه بأي حد جالي انهيار عصبي واكتشفت أن قلبي ضعيف وعندي ضيق تنفس
كل ده جبريل كان باصصلي وهو مصدوم ومش بيتكلم أو مش عارف يقول ايه اصلا
_فضلت اتعالج عند دكتور نفساني لمدة سنتين لأن الصدمه مكانتش صغيرة والحمدلله اتطلقت من زين بعد إصرار كتير من اهلي كان عايز يتواصل معايا ويعتزر ونكمل تاني بس مكنتش قادره
أنا الفترة دي مكنتش بتكلم كنت خايفه من كل الناس كنت في أوضتي طول اليوم مش بخرج مش باكل مش بشرب بس الحمدلله بدأت اتعالج واتحسن بس كل ما افتكره كنت بتعب وبيحصل اللي حصل من شوية
=أنا حقيقي مش عارف اقولك ايه بس أنتِ قوية يا ليلي أنتِ جميلة وتستاهلي كل خير أنتِ مش قليله أحمدي ربنا أنه اتكشف علي حقيقته قبل م يلمسك و قبل ميكون فيه طفل بينكم
اتنهد_ليلي انا عارف أن ممكن ميكونش ده وقته بس أنا مش قادر اصبر
=في ايه يا جبريل
_ليلي أنا بحبك
بصيت له بصدمة وضحكت
بضحك_ضحكت يعني قلبها ماال
كنت مبتسمه بس رجعت بصيتله بحزن
_جبريل
=موافقه؟
_خايفه
=مني؟
اتكلمت بتوتر_لاء بس خايفه من العلاقه وخايفه اظلمك وخايفه اتعلق بيك علي الفاضي
=أنا مقدر خوفك وتوترك بس أنا حابب اني أكون عُكازك في الدنيا دي لما نكبر أنا حقيقي بحبك ومش عارف أمتي وازاي بس أنتِ فيكي حاجه مختلفه شدتيني ليكي من أول نظره كنتِ رقيقه ومحترمه ومحافظة علي نفسك
_بس أنا مطلقه
= مش مهم أنتِ فضلتي محافظة علي نفسك لما عرفتي حقيقته أنا بحبك بكل حاجه فيكي
ابتسمت_أنتَ إزاي كده
ابتسم_كده إزاي
_حنين وجميل وبتعرف تراضيني كده
مسك ايدي بحنيه_عشان أنتِ جميلة وقلبك أبيض وتستاهلي كل خير
قام فجأة وقالي_يلا بقي عشان الوقت أتأخر يلا عشان اروحك واه أنا مش عايز أعرف ردك دلوقتي خدي وقتك وفكري وأنا هحترم أي قرار
ابتسمت له وحقيقي مبسوطه أوي إزاي في شخص جميل كده
ركبنا العربية والجو كان ساقع لقيته قلع الچاكت بتاعه وعطهولي
_اتفضلي البسي ده عشان الجو ساقع
=حاضر شكراً يا جبريل
ابتسملي وكمل سواقه
وصلنا عند البيت ونزلت من العربيه وفجأة لقيت زين واقف قدامي…
يتبع....
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
بصيت له بصدمة كبيرة بانت علي وشي
هو جاي ليه؟!!! أنا مصدقت أبدأ أنساه
أتكلم بحزن_ليلي وحشتيني
وحشته ازاي؟ووحشته ليه؟وايه منظره الباهت ده
مردتش عليه ف جبريل قرب مني واتكلم_مين ده يا ليلي
بدأت أحس بتعب ونفسي مبقاش منتظم حطيت ايدي علي قلبي وقعدت اكح كتير ووشي أحمر
الاتنين اتخضو وزين حاول يقرب مني صرخت فيه_متلمسنيش
فضلت اكح ووجهت كلامي لجبريل_البخا…خه
جري جبريل علي شنطتي اللي وقعت في الأرض وطلع منها البخاخه بسرعة وادهالي وفضل واقف جنبي بيفرك علي ضهري بحنيه وكل ده تحت نظرات زين اللي مضايق منه
بدأت أهدي بس فجأة لقيت بابا بيجري عليا تقريبا شافني من البلكونه
_ليلي بنتي أنتِ كويسه
متكلمتش وشاورت علي زين في سكات
بابا مكنش شايفه بس لما شاورت شافه
بصله بابا بكل غضب واتكلم بعصبيه_ أنتَ ايه اللي جابك هنا متسبها في حالها كل ده بسببك علي فكرة لو مكنتش ظهرت في حياة بنتي مكنش جرالها حاجه حسبي الله ونعم الوكيل فيييك
وكمل بصراخ_امشيييييي من هنا
مكنتش قادره أقوم أهدي بابا كانت دموعي نازله في صمت بس كان جبريل جنبي كان بيحاول يطمني
حقيقي جبريل ده شخص جميل أوي
فجأة اتكلم زين بحده معايا_ليلي كلامنا لسه مخلصش ومش هتبقي لغيري
قدرت أقوم طبعاً بمساعدة جبريل وكان ساندني
واتكلمت بحده_نجوم السما أقربلك يا زين!!
لقيت جبريل بيردد اسمه_هو ده زين!!!
هزيت راسي وسكت
مشى زين وبابا جري عليا_انتِ كويسه حبيبتي تحبي تروحي المستشفى
رديت بصوت ضعيف_لا يا بابا ملوش لزوم أنا بس عايزه أنام
مسكت ايد بابا وسندني وشكرنا جبريل وقبل م أطلع لقيت جبريل بينادي عليا
_ليلي متنسيش تفكري في اللي قولته
ابتسمت وهزيت راسي وطلعت
طلعنا ودخلت أوضتي أخدت شاور ولبست لبس مريح ولقيت باب الاوضه بيخبط
_أدخل
=حبيبه بابا
_حبيبي تعالى
مسك أيدي وأتكلم بحنيه_حبيبه بابا متخافيش من اللي حصل تحت ومن اللي قاله هو ميقدرش يلمس شعرة منك
_عارفه يا بابا متقلقش يا حبيبي
أتكلم بخبث_وبعدين تعالي هنا جبريل قالك فكري في ايه
بصيت له وضحكتك_ابدا يا سيدي اتقدملي
بصلي شوية وبعدين اتكلم_ وأنتِ ايه رأيك
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
اتنهدت بحزن_خايفه يا بابا خايفه اظلمه معايا خايفه انسي زين بيه يبقي فار تجارب خايفه وجوايا كذا شعور ومش عارفه أعمل ايه
اتنهدت وكملت_حاسه اني معنديش اي إستعداد أدخل اي علاقه دلوقتي هكون بظلم نفسي وبظلمه
اتنهد بابا_حبيبه بابا أنا عارف أنك خايفه وعارف أن اللي حصلك مش سهل بس اتحدي نفسك يا ليلي واتعافي بسرعة محدش هينفعك غير نفسك يا حبيبه بابا وأنتِ صح أنك مش عايزه تدخلي علاقه وفكرك لسه متشتت بس هقولك حاولي بكل جهدك تنسي عشان شريك حياتك الجديد مش هيبقي له زنب أنك تعامليه وحش بسبب القديم
وأنا هساعدك في كل ده صدقيني
_حبيبي ربنا ميحرمنيش منك
=وانتِ يا حبيبتي
كمان أنتِ ممكن تشغلي وقت بالمذاكرة وكتابة الروايات وصدقيني هترجعي أحسن من الأول
_حاضر يا حبيبي أوعدك اني هتغير
حضني بحنيه وخرج وأنا نمت لأني كنت تعبانه جداً
صباح اليوم التاني
المنبه رن قومت بكسل كانت الساعه٩ قومت أخدت شاور وجهزت عشان أروح الجامعه
لبست تيشرت أخضر فاتح وبنطلون چينز وفردت شعري الكيرلي وحطيت ايلاينر وروچ ولبست الكوتشي
طلعت سلمت علي بابا وماما ونزلت لقيت جبريل واقف
_صباح الجمال
=صباح الفل ايه اللي جايبك علي الصبح
_جاي أحن عليكي وأخدك في طريقي
أتكلمت بهدوء_انا أسفه بس مش هينفع اركب
_متخافيش يا ليلي أنا كلمت عمي ووافق
بصيتله وكنت لسه هعترض بس لقيته فتحل الباب
_يلا أتفضلي ويا ستي جايبلك عصير مانجا
ضيقت عيني وبصيتله اللئيم بيمسكني من ايدي اللي بتوجعني
ضحكت وروحت ركبت وهو لف ركب وساق العربية
فجأة لقيته عطاني كيسه
_ايه ده
=شوفي بنفسك
كان جوا الكيسه عصير مانجا ودونتس
_أنتَ عرفت منين
أتكلم بغرور_طرقي الخاصه يا هانم
ابتسمت_شكرا يا جبريل
=مش بينا يا ليلي
واه أنا محتاج أتكلم معاكي ضروري فلو بعد الجامعه نروح نتغدي سوا أكون شاكر
لسه هتكلم قاطعني_ومتخافيش برضو قايل لعمي بس قولت لو وافقت هنروح
ابتسمت هو حقيقي في شخص جميل كده بجد حقيقي عايزة احضنه بس أستحي
_موافقه
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
ابتسم_تمام
وصلنا الجامعه ونزلت وودعته ودخلت قبله روحت علي جنينه الكلية عشان ادي القطط أكل
روحت وعطتهم أكل وفضلت جنبهم وقت
قعدت اكلمهم أكنهم صحابي
_تفتكرو هعرف أكمل
هعرف اديله فرصه
مش عارفه بس أنا خايفه خايفه أحبه وفجأة يمشي زي زين
اتنهدت بحزن وقومت عشان أروح المحاضره
خلصت المحاضره وطلعت في كافيه الكلية طلبت عصير مانجا وكنت عماله أكتب في الرواية
حقيقي كتابه الروايات دي شئ ممتع جداً بتطلع فيه كل طاقه سلبيه أنا بحب كتابة الروايات جداً هي الحاجة الوحيدة اللي بطلع كل همي فيها
كتبت جزء من الرواية
وخرجت من الكافيه عشان المحاضره التانيه واللي كانت بتاعت جبريل
دخلت وهو دخل وبدأت المحاضره وهو كان مركز معايا أوي لدرجه إني توترت وكل اللي قاعدين تقريبا لاحظوا
الحمدلله أنها خلصت لميت حاجتي بسرعه وطلعت جري بس فجأة لقيت حد بيشدني لفيت لقيت بنتين وولد واقفين ورايا شكلهم مش كويس
واحده منهم اتكلمت_عامله ايه
رديت بتوتر_الحمدلله
الولد أتكلم وهو بيغمز_مظبطة مع الدكتور صح
بصيت له بصدمة_أنتَ متخلف ولا إيه
اتكلمت بنت_متعمليش فيها دور شريفه يا حبيبتي ده أنتِ خرباها كل شوية مع حد شكل
مقدرتش أستحمل رميت الحاجه اللي في ايدي بعصبيه وصوتي بدأ يعلي نسبياً _ أنتم متخلفين ولا ايه احترموا نفسكم أنا أشرف من اللي خلفوكو
الولد بصلي بشر و قرب مني وتقريبا كان عايز يمد ايده عليا بس ملحقش لأن جه من ورانا صوت مليان عصبيه وتقريبا كان جبريل
_ايه اللي بيحصل هنا
بصيت له واتكلمت بعصبيه وحكيت له اللي حصل
لقيت جبريل بص لهم بعصبية بانت في عينه والولد والبنتين خافو
اتكلم خبريل بنبره حاده_قدامي علي مكتبي أنتم التلاته
وكمل بزعيق_يلاااااا
بصلي ووجه كلامه ليا_وانتِ استنيني هناااا
طب بوراحه طب أنا مالي ثواني بس هو بيزعق ليييييه
اتكلمت بعصبية_أنتَ بتزعقلي حضرتك!!!!لاء بقولك هما اللي غلطانين
أتكلم بنرفزة_انسه ليلي صوتك ميعلاش عليا
أتكلمت بعصبية أكتر_بلا ليلي بلا زفت وسع كده
لميت حاجتي اللي كانت مرمية علي الأرض ومشيت بكل عصبيه وتجاهلت صوت جبريل اللي كان بينادي عليا
خرجت من الكلية بعصبيه بس قررت مروحش البيت وروحت علي البحر
هو صديقي الوحيد أنا من صغري معنديش صحاب حتي لو عندي بس بحس وسطهم بالوحدة
روحت وقعدت فضلت أهدِي في نفسي عشان العصبية تروح وأقدر أخد نفسي بس مقدرتش أمسك نفسي وفضلت أعيط
مش عارفه فضلت قد ايه قاعده تقريبا بقالي كتير أوي بس مكنتش قادره أقوم كنت حابه القعده علي البحر لوحدي
فجأة قاطع تفكيري صوت زعيقه وهو بيتكلم بعصبيه_الهانم قعده هنا وإحنا كنا هنموت من الخوف عليكي
مسحت دموعي بسرعه قبل ما يشوفها واتكلمت بجمود_عايز ايه
أتكلم بعصبيه_فونك مقفول ليه
رديت ببرود_فصل
_ليلي ردي عدل وبطلي برود
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
=دي طريقتي
وقومت قبل ما سمع رده مشيت من قدامه وفجأة لقيته وقف قدامي ومسكني من كتفي
_رايحه فين
= وأنتَ مالك
أتكلم بعصبيه أكتر_ليلي اتكلمي عدل بدل مهكسر دماغك
في اللحظة دي كان متعصب جداً وعيونه حمرا جداً في نفس اللحظة جت قدام عيني ذكرة يوم كتب الكتاب لما زين دخل عليا الاوضه بعصبيه وفضل يض*رب فيا
في اللحظة دي بدأت اكح ومبقتش قادره أخد نفسي وبقيت اصوت وأقول _لاااا لاااا يا زين عشان خاطري متض*ربنيش لاااااا
ومن بعدها الدنيا اسودت في وشي ومحستش بنفسي غير لما فوقت لقيت نفسي في المستشفى بس كان معايا في الاوضه جبريل حاولت أقوم بس مقدرتش كان جسمي واجعني أوي
جبريل لاحظ إني فوقت جري عليا
بقلق_ أنتِ كويسه
أتكلمت بضعف_ايه اللي حصل
بصلي وسكت وأنا تقريبا افتكرت كل حاجه قبل م أفقد الوعي
بصيت له والدموع ظهرت في عيني
_أنا آسف
بصيتله وسكت
_حقيقي آسف أنا معرفتش اتحكم في عصبيتي اليوم ده بس حقيقي كنت خايف عليكي أوي كنت خايف وباباكي بيكلمني وهو مخضوض وبيقولي ليلي مرجعتش
ليلي أنا كان قلبي هيقف من الخضه عليكي كمل بدموع_كنت عمال أهزق نفسي وأقول أنا السبب لو جرالك حاجه هيكون بسببي
بصيت له واتكلمت بدموع_جبريل أنا خوفت منك أوي يا جبريل اليوم ده كنت شايفه صوره زين قدامي مكنتش حابه تبقي زيه يا جبريل!!!
مسك ايدي بحنيه وأتكلم بدموع_ أنا آسف يا عيون وروح وقلب جبريل حقيقي آسف حقك عليا
بصيتله وأبتسمت وأكني نسيت كل اللي حصل
حقيقي يا عزيزي الإنسان ده مهزق أوي كلمه توديه وكلمه تجيبه
مر كام يوم وكان كل شوية جبريل بيعتذر علي اللي حصل وكان بيطمني علي طول
في يوم بعتلي علي الواتساب
_بقولك إيه
=قول
_اجهزي عشان جايلك دلوقتي
=ليه
_هتعرفي بعدين يلا اجهزي سلام
قومت لبست دريس لبني طويل وبتلت كُم ولبست الهيلز وحطيت ميكب خفيف وفردت شعري
_جاهزة
=اها
_انزلي طب
=حاضر
سلمت علي أهلي قبل م أنزل ونزلت لقيته ساند علي العربية كان لابس قميص لبني وبنطلون أسود وحقيقي كان شكله سُكر أوي
قربت منه_خير
=مش ملاحظه حاجه
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
ابتسمت_ماتشي ماتشي؟
ضحك_ماتشي ماتشي
فتحلي الباب وركبت وهو ركب وساق
_علي فين يا معلم
=خاطفك
_طب علي الله حكايتك بقي
ضحك يااه يا جدع الواد ده طلع مز أمتي
فجأة لقيته اتكلم_ أنا عارف اني حلو كده
كمل بخبث_بس مش أكتر منك
اتكلمت بغرور_ منا عارفه
ضحك عليا
وصلنا عند مكان علي البحر كان باين عليه مكان مميز نزل جبريل فتحلي الباب ومدلي ايده
_يلا بينا
=يلا بينا
مسكت ايده بتوتر وانا داخله المكان
_هو في ايه
=متخافيش أنا معاكي
بصيت له وأبتسمت
وصلنا كان في ورد أحمر محطوط علي شكل قلب علي الرملة وموسيقي هادئة شغاله لحماقي وفجأة لقيت جبريل بيرقع قدامي وطلع علبه زرقاء وفتحها لقيت خاتم
_تقبلي تكوني زوجتي…تقبلي تكوني معايا في الحزن قبل الفرح…تقبلي تعيشي معايا ونكبر سوا ونبقي عُكاز لبعض
أبتسمت له ووافقت وفرح أوي وقام لبسني الخاتم ومسك ايدي وجري
أتكلمت بضحك_براحه يا مجنون
=ده أنتِ لسه هتشوفي جنون أكتر من كده
ضحكت وفجأة لقيت نفسي قدام السينما بصيتله بعد فهم وهو شدني وراه ودخلنا واتفرجنا علي فيلم كرتون واتصورنا صور كتير أوي
خلص اليوم وكنا بنتمشي علي البحر ماسكين ايد بعض بحُب
_أنتَ إزاي كده
=أقولك علي سر
_قول
=أنتِ كنتِ بالنسبالي حُب من طفوله
بصيت له بصدمه_اييه
ضحك_صدقيني كنا مع بعض في المدرسة والدروس كنت علي طول معجب بيكي بس العبد لله مكنتش تعرف إني عايش أصلا
ضحكت فهو كمل_كنت كل يوم قاعد في البروفايل بتاعك وكان في بوست فاكره كويس كنتِ منزله صوره لاتنين في سينما في فيلم كرتون وقولتي
"يوماً ما مع من أُحب
وأنا من يومها وأنا مستني اليوم ده عشان احققلك الأمنية مع من تُحبي
وقفت وبصيتله في عينه وقولت بكل حب_جبريل أنا بحبك
مسك أيدي وجري تاني
_في ايه يا مجنون
=بينا علي كتب الكتاب
بصيت له بصدمه _نعم!!!!
_وأنتِ فكرك بعد الكلمة دي هتباتي في بيت أبوكي تبقي أتجننتي
وبالفعل روحنا عند أهلنا وكتبنا الكتاب
فجأة لقيته قام وشدني وجري
_يابني عمال تجري من الصبح بطل فرك
=أقولك علي سر خطير
_أوعي تكون قتلت موفاسااا
تمت♥️