وليندا فضلت جانبه وعدا الوقت وشويه وام حمزه صحيت واتفجأت ولقت ليندا قاعده جنب حمزه وعماله تعيط 🥺 وتقول حمزه قولي أنه احنا في حلم وانك بتمشي علي رجليك قولي أنه طنط وافقت علي علاقتنا حمزه انا مليش غيرك انت سندي واهلي انا من غير مليش حد 🥺 انت لو بعدت عني ولا طنط نجحت في أنها تبعدنا عن بعض انا لا هيبقا عندي سند ولا عندي أهل ولا عندي حد يسأل عليا انا عايشه لوحدي وبخاف وانا لوحدي انا بطمن بوجودك وانك بتسال عليا وبقعد اقول ي ترا لو حمزه مكنش موجود في حياتك ي ليندا كنتي عاملتي اي حمزه انا خايفه امم،،،ووت وانا لوحدي ومحدش يحس بيا ولا يعرف اني مووو،ت غير لما جث،،تي تتحلل والريحه تطلع لل الجيران ويشكوا اني مووو،ت 🥲 متسبنيش ي حمزه انا من غيرك مش هعرف اعيش انت كل عائلتي انا بدعي ربنا أنه طنط توافق على أنه نكون مع بعض وبدعي ربنا أنه اللي انت فيه ده يطلع حلم وترجع تمشي تاني حمزه انت قولت أنه حتي لو انا بعدت عنك انت مش هتبعد وبدموع ارجوك ي حمزه متبعدش عني أنا تعبانه اوي وتعبانه اكتر وانا شيفاك كده انا مش قويه بس بحاول اكون قويه علشانك ي حبيبي وانا هفضل جانبك لانك روحي مفيش حد بيقدر أنه يبعد عن روحه انا مش ذنبي اني لقيت نفسي في دار ايتام ما هو احسن ما كنت أعيش في الشارع واللي رايح واللي جاي يطمع فيا اهو الدار ده كان بالنسبة لي امان شويه ولولا الدار ده انا لا كنت هبقا ليندا القويه ولا المتعلمه ومعاها شهاده وشغاله في شركه ومستقله من غير الدار انا كنت هبقا بنت جاهله وبنت شوارع زي ما طنط مش راضيه بيا علشان تلاقيها بتقول اني جايه من الشارع واني أخلاقي مش كويسه بس انت اكتر واحد عارف اخلاقي كويس وعارف اني بنت متربيه اه متربتش مع اهلي بس ربيت نفسي المعلمه في الدار ربتني انا لو متربيه في الشارع لا دي هتبقا طريقتي في الكلام ولا ده هيكون اسلوبي انا بتمنا أنه طنط توافق وتجوزنا ل بعض وانا راضيه ي حبيبي أنه اكون معاك وانت بالشكل ده انا اهم حاجه عندي انت ي حبيبي وأنه يكون عندي عائله وأهل مش عايزه اقضي طول عمري كده من غير أهل ولا جوز ولا حبيب ولا اطفال نفسي اجيب اطفال واعمل عائله حلوه بس تكون معاك انت وبس لاني مش هقدر اني اكون ل غيرك ولأنه برضوا محدش هيقبل ب وحده جايه من دار ايتام ولا هيبص ليها بس انا ربنا كرمني بيك واني شفتك وحبيتك وحبيتني انا بحبك اووي ي حمزه وسندت رأسها جنبه علي السرير وحاولت تنام 

في الوقت ده حمزه كان صاحي بس عامل نفسه نايم ومرضيش يقوم علشان ليندا تطلع كل اللي جواها وتقوله وقال إنه عمره ما هيسبها وأنه هيكون ليها عائله وأنهم هيعملوا عائله مع بعض وأنه مش هيسمح لاي حاجه تزعلها تطول ما هو موجود وأنه هيفضل سند ليها 

ام حمزه. كانت بتسمع كل كلمه قالتها ليندا وزعلت عليها واتأثرت وقالت إنها لازم تغير معاملتها مع ليندا 

وفي الصبح 

ليندا صحيت علي صوت التليفون وكانت فريده ردت عليها وفريده قالت إنها لازم تروح الشركه لانه المدير رفض الاجازه 

ليندا. وانا مش هاجي الشركه ي فريده انا محتاجه اجازه انا حمزه عندي اهم من الشغل ومقدرش اسيبه 

ام حمزه. طبطبت عليها وقالت روحي ي ليندا الشغل وانا مع حمزه ولو فيه حاجه هتصل بيكي وبعد ما تخلصي تعالي انتي اكيد تعبتي علشان توصلي لل انتي فيه مضيعيش كل حاجه من اديكي 

حمزه. صباح الخير 

ام حمزه وليندا. صباح النور 

ام حمزه. حمزه قول ل ليندا تروح شغلها علشان المدير رفض ليها الاجازه وبعد ما تخلص تبقا تاجي انا هروح اجيب مايه وفطار ليك وسابتهم ومشيت 

حمزه. الاول صباح الورد علي احلا ورده في حياتي 

ليندا. اي الصباح الحلو ده ي حبيبي ههه 

حمزه. حلو بيكي ي حبيبتي يلا قومي روحي شغلك وبعدين تعالي انا هستناكي 

ليندا. بس انا مش عايزه اروح واسيبك ي حبيبي 

حمزه. مين قال انك هتسبيني انا هرن عليكي كل شويه اطمن عليكي لحد ما تجيلي تاني انا اصلا مقدرش اقعد من غيرك 

ليندا. بس انا 

حمزه. مفيش بس يلا علي شغلك وافطري كويس هااا وخلي بالك من نفسك 

ليندا. حاضر ي حبيبي هروح واخلص بسرعه واجيلك 

حمزه. ماشي ي حبيبتي وبعدها ليندا مشيت وراحت شغلها وكان كل شويه ي ترن علي حمزه ي هو يرن عليها ويطمنوا علي بعض 

وفي الوقت ده كان زين خلص شغله وراح ل حمزه المستشفى ومكنش فيه حد معاه في الاوضه 

حمزه. بقولك أي ي زين اقفل الباب بالمفتاح ولا حط حاجه تقيله وراه 

زين. لي يعني