_ الحقونيي ياناس بنتي بتغرق ،حد يلحقني بنتي الوحيده بتروح مني ،أبوس إيديكم حد ينقذها 

وفجأة شاب جري عالبحر وقلع التيشرت ونزل الميه ، وقدر يوصل للبنت اللي الميه كانت غطت جسمها كله وبدأت تشدها لتحت ، الشاب وصل للشاطئ وهو شايل البنت واللي كانت فاقده الوعي ،حطها عالرمل وبدأ يضغط علي بطنها مره واتنين لحد ما أخيرا استجابت ورجعت كل الميه اللي شربتها لكن لسه بتحاول تفتح عينيها 

_ انتي كويسه يا آنسه

البنت اتكلمت بضعف ولسه قافله عنيها :ااه أنا، 

أنا كويسه 

~ أميره حبيبتي انتي كويسه ،كده تخضي ماما عليكي،هو أنا ليا غيرك في الدنيا 

_ حصل خير يا طنط،والحمد الله ربنا سترها 

~ أنا مش عارفه أشكرك إزاي ياابني لولاك كانت بنتي ضاعت مني 

_ ملوش داعي تشكريني ياطنط ،ربنا اللي باعتني ليها

~  انت اسمك ايه ياابني 

_ أنا فارس ،فارس الشيمي 

فارس في الوقت ده فونه رن واستأذن ومشي 

«في شاليه في اسكندريه»

_ عامله ايه يابنتي دلوقتي 

~ الحمدلله يا ماما أحسن كتير

_ أنا مش متخيله لو فارس مكانش أنقذك ،كان ممكن يحصل ايه

~ فارس مين يا ماما 

_ ده الشاب اللي ربنا بعته ليكي وأنقذك ،

اسمه فارس الشيمي باين 

~  اها ،بس تصدقي يا ماما أنا مشوفتش وشه خالص 

_ ده ماشاءالله طول ايه وعرض ايه ،ومقولكيش بقا عالغمزات

~ جرى ايه يا ماما انتي بتكراشي علي واحد قد عيالك ولا ايه ، ااه لو الحاج عرف ااه

_ اختشي يابت ،أنا بوصفهولك ،وبعدين هو فيه زي أبوكي ،صحيح فكرتيني أما أروح أكلمه أصله وحشني اووي ،، ربنا يرجعهولنا بالسلامه يارب

~ روحي انتي كلمي بابا واطفحوا انتوا فراشات ،

مش مراعين خالص ان فيه سنجل بائسه هنا

تاني اليوم الصبح وخصوصا في وقت الشروق 

أميره خرجت من الشاليه وقعدت قصاد البحر عالرمله ،

بدأت تكتب في المذكرات بتاعتها خواطر وأشعار 

لإن دي هوايتها ،وفي إيدها مج النسكافيه المفضل 

وعالجانب التاني وعلى بعد خطوات منها كان واقف فارس مراقبها بهدوء 

_ معقول تكون هي 

فارس قرب من أميره ،لحد ما بقى وراها مباشرة ،

عينه جت عالمذكرة بتاعتها ولمح خاطرة هي كاتبها وكانت :

«قالت أتهوى؟ قلت نعم أهوى ،

ابتسمت وقالت : من؟ قلت من ابتسمت ...

فارس ابتسم من الجمله دي لإنها عجبته جدا 

فارس قرر يتكلم أخيرا : احم ،حمدالله علي سلامتك يا أنسه أميره

أميره انتبهت للصوت واتخضت إنه واقف وراها بالظبط ،سابت القلم وقالت بتوتر :انت مين

_ أنا فارس 

أميرة ربطت الكلام ببعض ،وافتكرت كلام أمها :ده ماشاءالله طول ايه وعرض ايه ،ومقولكيش بقا عالغمزات 

~ انت ،انت اللي أنقذتني من الغرق 

_ أيوة أنا ،عامله ايه دلوقتي 

~ الحمدلله بقيت كويسه 

_  ابقي خدي بالك بعد كده ،بس غريبه يعني واحدة في سنك ومش بتعرف تعوم 

~ عادي أنا في العموم مش بحب أنزل البحر أصلا ،

بحب أتأمله أكتر 

فارس استغرب لإن هو كمان كده 

_ انتي ومامتك قاعدين هنا لوحدكم 

~ اه ،بابا قاعد في الكويت عشان شغله ،وأنا وماما في أجازه هنا 

_ أومال انتو منين أصلا 

~ احنا من اسكندريه بس عايشين في القاهره لإن كليتي هناك

_ اها تمام 

~  انا عايزة أشكرك جدا علي اللي انت عملته يومها ،لولاك مكنتش عارفه كنت هبقي فين دلوقتي 

_ متقوليش كده ،أي حد مكاني كان هيعمل كده 

~ لا طبعا ،بدليل إن كان فيه ناس كتير واقفه وانت الوحيد اللي نزلت البحر وأنقذتني 

فارس ابتسم وقعد جانبها عالرمله وبعدين اتكلم وقال : خلاص اعتبري إنه القدر  خلاني أنقذك عشان نتقابل ،مين عارف 

أميرة بصتله وسكتت ، وبعدين بدأت تلم حاجتها عشان تمشي 

_ انتي راحه فين ،أنا شكلي ضايقتك ولا ايه

~ لا أبدا ،أنا بس لازم أرجع الشاليه ،ماما زمانها صحيت وأنا معرفتهاش إني خرجت ،عن اذنك 

أميرة مشيت ،وفارس متابعها بعينه لحد مادخلت الشاليه 

فارس اتنهد وبص للبحر شويه ،لحد ما لاحظ قلم واقع عالرمله ،مسك القلم وابتسم علي شكله الطفولي ،القلم كان لوني وردي ومن فوق نجمه صغيره ، وافتكر إنه نفس القلم اللي شافها بتكتب بييه ،

فارس ابتسم بخبث وقال :حلو اووي ،كده أقابلها بحجة إني أديها القلم اللي نسيته

« في نص اليوم »

~ ماما أنا هروح المول أشتري شوية حاجات بقا

زي ماقولتلك 

_ ماشي يا حبيبتي ،بس متتأخريش 

~ تمام 

«بعد شويه في المول»

أميره كانت في محل لبيع الديكورات ،لاحظت راجل مراقبها من وقت مادخلت المحل وكانت نظراته مريبه،

لكن أميره مهتمتش وكملت اللي كانت بتعمله ،

وكان فيه تمثال معين أميره كانت بتحاول توصله لكن مكنتش عارفه تمسكه  لإنه في مكان عالي ،

وفجأة لقت الشخص المريب ده قرب منها ومثل إنه بيحاول يساعدها تجيب التمثال لكن في الحقيقة كان بيحاول يلمسها بطريقة مش كويسه 

أميرة صرخت بصوت عالي لما فهمت نيته القذ*ره،

مفاتش ثواني وكان المول كله اتلم ،والأمن بتاع المول مسكوا الراجل وأخدوه القسم وطلبوا من أميره تيجي معاهم القسم عشان تعمل محضر 

_ أوووف ده وقته الفون يفصل شحن،لازم أتصل

علي ماما وعرفها 

بعد شويه ،«في قسم اسكندريه»

_ اقعدي هنا يا آنسه لحد ما الظابط المسؤول يجي ويعمل المحضر 

~ من فضلك بس ممكن أعمل مكالمة من موبايلك عشان موبايلي فصل ومحتاجة أكلم والدتي

_ ممنوع والله ياآنسه ،ممكن تستأذني الظابط لما يجي بس من رأيي بلاش 

~ ليه يعني 

_ عشان الباشا عصبي حبتين ،ومش بعيد لو طلبتي منه تعملي مكالمه يحبسك فيها 

~ عصبي علي نفسه ،أنا مبخافش من حد ،وبعدين أصلا من حقي أعمل مكالمه واحدة عالأقل 

_ بصي انتي حرة ،افتكري إني قولتلك بلاش وخلاص 

 العسكري اللي كان بيكلم أميرة خرج من المكتب ،

أميرة زهقت من القعدة خصوصا إن الظابط اتأخر ،

بدأت تستكشف المكتب لحد ما وصلت للمكان اللي بيتحط فيه الملفات الخاصة بالقضايا وبدأت تقرأ فيها ومحستش بالوقت 

وفجأة حست بشخص وراها بالظبط لدرجة إنها حست بصوت أنفاسه 

_ انتي بتعملي ايه 

أميره اتفزعت ولفت بسرعه :أنا ،أنا بس كنت 

_ أميره!

_ فارس؟

(صدمه غير متوقعه بالمره😂 )