رواية حيث لا خوف من الفصل الاول للاخير بقلم ايمان الرشيد
رواية حيث لا خوف من الفصل الاول للاخير هى رواية من كتابة ايمان الرشيد رواية حيث لا خوف من الفصل الاول للاخير صدر لاول مرة على موقع التواصل الاجتماعى فيسبوك رواية حيث لا خوف من الفصل الاول للاخير حقق تفاعل كبير على الفيسبوك لذلك سنعرض لكم رواية حيث لا خوف من الفصل الاول للاخير
رواية حيث لا خوف من الفصل الاول للاخير
- خطوبته بكره.
= مُش هقدر اكون موجوده يا حسام.
- بس انتِ بالنسباله حاجه كبيره ، لو محضرتيش هيزعل منك.
= معتقدش انه شايفني ، ميعرفش اني عايشه اصلا.
- كُل العيله هتحضر واكيد هيلاحظوا غيابك.
اتنهدت وانا بحاول اكون ثابته لكن اتكلمت بنبره خرجت مهتزه:
= هحاول احضر واكون موجوده.
بصلي بحُزن ظهر علي ملامح وشه:
- متزعليش ، بُكره هيعرف قيمتك.
اتنهدت بهدوء وانا بهز راسي بثبات:
= قولتلك اخوك مُش شايفني معتبرني اخته بس.
ابتسم ابتسامه جانبيه واتكلم بخبث:
- سيبي دي عليا ، اصلا البنت اللي هيخطبها دي حر_بايه.
بصتله بعدم فهم:
= انتَ هتعمل اي يا حسام.
- كُل خير يا شعنونه.
/اتنهدت وروحت نمت علي سريري بعد كلامي معاه ، مفتحه عيني ، دموعي نازله في صمت ، بحاول امنع صوت شهقاتي، خطُوبه حب عمري وطفولتي هيخطب غيري مُش قادره استوعب ، كميه وجع رهيب في قلبي فضلت علي الحال
ده مصدومه مُش قادره اصدق لحد ما روحت في النوم وصحيت علي صوت جدي وهو بيصحيني:
- عيوش ؟!.
قومت بصعوبه وانا بفُرك في عيني:
= نعم يا جدو .
- قومي بقي كفايه نوم يا كسوله ، قومي افطري معايا.
ابتسمت بخفه:
= مليش نفس يا جدو.
اتكلم بحزن مصتنع:
- بقي كده هتسيبني افطر لوحدي اهون عليكي ؟!.
هزيت راسي بالنفي:
= لا طبعا متهونش عليا يا اغلي عبود في الدنيا.
ضحك وخدني في حضنه:
- يبقي هتقومي تفطري معايا وتونسيني.
/قومت اتحركت بهدوء كُنت ماشيه بلا روح ، دايما جدي هو اللي مصبرني علي الدنيا دي عُمره ما عاملني معامله وحشه ولا رفضلي طلب ، دايما كُل طلباتي مُجابه:
- اي ده يا عبود انا هتعود علي الدلع ده كده.
اتكلم بابتسامه وهو بيمد ايده يأكلني:
= طول ما انتِ معايا تدلعي براحتك.
ابتسمت وانا بتناولها مُنه بهدوء:
- انا كده هعيش طول عُمري معاك.
ضحك بهدوء:
= لا انا عاوزك تتجوزي بقي.
- اخص عليك عاوز تخلص مني.
بصلي بابتسامه:
= لا طبعا انا لو عليا عاوزك معايا العمر كُله.
- خلاص اطمن انا قاعده معاك علطول.
/بلعت الغصه اللي جوايا وانا باكُل ، كُنت باكل غصب عني وحاسه الاكل بيقف في زوري بيتبلع بالعافيه عشان ميلاحظش حزني ، لاحظ شرودي واتكلم بحنيه:
- سرحانه في اي يا حبيبه جدو.
اتنهدت بابتسامه بتلمع بالدموع:
= مُش سرحانه ياجدو.
اتنهد بهدوء وهو بيبصلي :
- عليا يا بكاشه ، بتفكري في ياسين صح ؟!.
حاولت اتوهه في الموضوع واتكلمت بتلعثم :
= اا.. انا.. لا طبعا بعدين هو هيخطب هفكر فيه ازاي ؟!.
طبطب عليا بهدوء:
- عارف انك بتحبيه بس هو بيغلط غلطه عمره الوقتي.
حاولت اقفل الموضوع واتكلمت بضحكه متصنعه:
= يالا يا عم نقوم نجهز زوزو سبقتنا.
ضحك بملامح حزينه:
- اختاريلي بدله ، عشان اروح اشوف رزقي.
ضحكت علي كلامه:
= لو زوزو سمعتك هتعمل مننا حواوشي.
/ضحكنا بيأس ، اتحركت انا كمان عشان اجهز ، لبست فستان بيبي بلو وطرحه بيج، وهيلز اسود ، وحطيت ميكب خفيف يكاد يكون باين:
اتكلم جدو بانبهار:
- انتِ العروسه والله ، اي الجمال والحلاوه دي.
ابتسمت بخجل وانا بمسك ايده:
= والله انتَ اللي عسل يا عبود.
- لا كده هتغر علي فكره انا لسه في عز شبابي.
اتكلمت بضحكه:
= امال ربنا يطول في عمرك يا حبيبي.
/مشيت مع جدو وانا بقدم رجل وبأخر رجل ، اتكلمت مع جدو وانا بضحك معاه بحاول اشغل نفسي ودماغي عشان مفكرش واسيب نفسي لدماغي حاولت اتمالك وامثل القوه فوقت من شرودي لما وصلنا قرب مننا حسام:
اتكلم وهو بيصفر:
- مشوفتش قمر وجمال غيرك طب والله طلعتي اجمل مليون مره من الحر_بايه مع انها حاطه كيلو ميكب بس زي الزفت.
نغزته في كتفه:
= صوتك المعازيم يقولو اي.
- يقولوا اللي يقولوه انا اصلا مُش راضي عنها وعن الخطوبه دي كُلها.
ضحكت بيأس مدلي ايده :
= مُش هدخل غير لما نُدخل زي العروسه والعريس.
ابتسمت وانا بمدله ايدي فتابع كلامه بضحكه:
- يا دبله الخطوبه عُقبالنا كُلنا.
/دخلنا وراهم ، شوفته وهو لابس البدله كان شكله جميل ، بس كان ناقص حاجه واحده بس ان انا اكون جنبه انا انانيه ايوه ، شوفتها جنبه، كانوا مبسوطين وكُله بيصورهم ، النار كانت بتاكل في قلبي ، كُنت بضحك بالعافيه ، جت لحظه تلبيس الدبل ، غمضت عيني بارهاق ، كُله بيسقف ومبسوط خرجت بسرعه بره بحاول انظم انفاسي دموعي نزلت
حاولت اداريها لكن مقدرتش اكون ثابته اكتر من كده
عيطت بقهر لقيت ايد بتطبطب عليا اتلفت عشان
اشوف مين كان جدي مسحت دموعي بسرعه:
اتكلم بنبره متحشرجه:
- كبرتي وبتداري حُزنك مني يا عائشه ده انا اللي مربيكي مُش هعرف بنتي.
اتنهدت وانا بحاول اداري وجعي لكن فشلت اتكلمت بشحتفه:
= انا موجوعه اوي يا جدو قلبي محر_وق.
اتنهد بدموع وهو بياخدني في حضنه:
- هيندم والله بكره هيفوق احنا سايبنه يعرف غلطته بنفسه.
اتكلمت بدموع:
= انا مقهوره ، لي كُل حاجه بحبها بتروح مني ، بابا وماما سابوني وانا صغيره وراحوا مني في غمضه عين ، هيبص لواحده يتيمه هو اصلا مُش شايفني.
مسح دموعي برفق:
- هشش انتِ بتقولي اي ، اي الكلام ده ، انتِ مش يتيمه، انا معاكي انا وجدتك احنا اهلك ، وبعدين هما شايفينك من فوق وزمانهم زعلانين منك .
اتنهدت بعياط وانا في حضنه:
= انا موجوعه اوي.
- عائشه ، عائشه حبيبتي ردي عليا ، تابع كلامه بزعيق:
= حسااام.
- في اي جدو بتزعق لي.
= حسام اتصل بالدكُتور بسرعه.
يتبع...
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
- حسام اتصل بالدكتور بسُرعه.
= عائشه مالها يا جُدي حصل اي.
- مُش وقته يا حسام اتصل بالدكتور بسُرعه.
/الدكتور وصل ، كانوا كلهم متجمعين حواليا منهم اللي كان قلقان عليا ومنهم اللي كان عادي وشمتان.
= خير يا دُكتور طمنا عليها ؟!.
- عندها انهيار عصبي ياريت تبعدوها عن اي حاجة ممكن تأثر علي نفسيتها ، انا علقتلها محلول ، ودي شويه ادويه وهتبقي بخير ان شاء الله عن اذنكم.
/فوقت وكُنت حاسه بتقل وصداع رهيب في دماغي ، فتحت عيني بصعوبه وابتدت الرؤيه توضح ، بصتلهم باستغراب فاتكلم جدي بهدوء:
- عائشه حبيبتي انتِ كويسه.
اتنهدت وانا بهز راسي بهدوء وبفتكر اللي حصل:
= كويسه يا جدو.
- انتِ وقفتي قلبي عليكِ كده يا عائشه.
حضنته بهدوء:
= بعيد الشر عنك يا جدو انا مليش غيرك.
قربت مني صاحبتي ندي واتكلمت بدموع:
- انتِ مهمله ومبتهتميش بنفسك.
اتنهدت بابتسامه:
= انا كويسه والله يا جماعه مكنش اغماء يعني.
اتكلم حسام بضحكه خبيثه:
- يا سواد السواد يا بابا رشدي انتِ كويسه يا شعنونه.
بصتله باستغراب:
= والله كويسه.
تابع كلامه بخبث:
- يا قلبي يا بنتي مكنش يومك يا حبيبتي.
اتكلمت باستغراب:
= علي فكره انا عايشه قدامك اهو يا حسام.
- هنقول اي بس ، ناس لسه مدخلتش حياتنا وجابت الهم والسواد من اول يوم.
حاولت اداري ضحكتي بصله ياسين واتكلم بهدوء:
= قصدك اي يا حسام.
- قصدي اللي اقصده بقي يا اخويا اللي علي راسه بطحه بقي بياخد الكلام علي نفسه.
اتنهد ياسين ووجه بصُره ليا واتكلم بقلق واضح:
- انتِ كويسه ؟!.
هزيت راسي بهدوء:
= انتَ سيبت خطوبتك لي ، انا اسفه يا جماعه كُل ده حصل بسببي انا؟!.
اتكلمت خطيبته بحده:
- وانتِ ما شاء الله مجاش يغمي عليكِ غير النهارده.
اتكلم بحده وهو بيبصلها:
= مليكه اياكِ تتكلمي مع عائشه كده تاني سامعه انتِ متعرفيش عائشه غاليه عندي ازاي واللي يزعلها يزعلني.
تابع كلامه بحنيه:
- انا اسيب الدُنيا كلها بحالها عشانك يا عائشه انتِ اختي.
/بلعت الغصه اللي جوايا بسبب كلامه ، نزلت بصري من عليه بعد ما كُنت بتأمله بالبدله ، كُنت بضغط علي نفسي عشان مضعفش تاني قاطع الكلام حسام بحده:
- وانا بقُول الواد حصله اي…ياريتك فضلت ساكت ومتكلمتش
اتكلم جدي بهدوء:
= يالا يا جماعه عائشه بقت كويسه روحوا واحنا هنسبقكم.
/بعد ما كُله مشي ، فضل معايا جدي وحسام وندي ، كانوا بيبصولي بحزن وشفقه ، عيطت بقهر بعد ما خرج ، قربوا
مني كانوا عارفين ان الكلام مُش هيعمل حاجه في وضع
زي ده بس فضلوا جانبي يشاركوني حزني:
- انا شكلي حبيت من طرف واحد ، انتوا عارفين الحب اللي من طرف واحد ده بيوجع اوي بيك_سر القلب !!.
اتنهد جدي بوجع وهو بيطبطب عليا:
= الواد ياسين علي قد ما هو طيب ، طيبته عمياه ، مُش عاوز يعترف ولا يصارح نفسه بالحقيقه ، هو شايفك اخته بس من جواه انا متاكد عكس كده.
- وانتَ اي ضمنك يا جدو انه جواه عكس كده.
= تصرفاته وافعاله دي مُش علي اخت.
- طب خطب غيري لي ؟!.
= عشان عبيط.
اتدخلت ندي وقالت:
- تؤ هيا اللي عبيطه ؟؟.
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
اتكلم حسام باستغراب:
= عبيطه في اي.
- كانت تقدر تعترف بمشاعرها ، البنت اللي خاطبها دي مُش مستريحالها لله في لله كده.
ابتسم حسام بخبث:
= انتِ بيرفيكت انتِ هتشتغلي معايا.
بصتله ندي بعدم فهم:
- اشتغل اي.
اتكلم بغمزه:
= هقولك بعدين يا قمر.
بصتله باستحقار:
- انتَ متاكد انك اخو ياسين اصل التربيه معدتش عليك ؟!.
اتكلم بضحكه:
= مهو لازم حد يخلف الطريق.
___________
/حاولت اغير الموضوع ، ومسحت دموعي بكفوف ايدي ، تابعت كلامي بابتسامه:
- يا جماعه قوموا نلحق الجاتوه.
اتكلم حسام وندي وهما بيجروا:
= اللي يلحق.
/ضحكت بيأس وانا بمشي مع جدي ، كان بيحاول يخرجني من المود بأي طريقه قاطع كلامنا حسام وهو بيقرب مننا:
- استأذن منك يا جدي اخد منك المُز_ه ثانيه.
= انتَ فعلا مشوفتش تربيه.
- حبيبي يا جدو هاخد شعنونه ثانيه وارجعالك.
- انا مستحيل اعمل كده انتوا بتقولوا اي.
ايدت ندي كلامه:
= انتِ حره احنا عاوزين مصلحتك الحربا_يه هتاخده.
بصتلهم بضيق لكن كلامهم اقنعني وقربت من مليكه:
- اووبس سوري يا مليكه مكُنتش اقصد.
اتكلمت بزعيق:
= انتِ متخلفه ما تفتحي يا عاميه.
اتدخل ياسين بزعيق:
- قالتلك مكنش قصدها اكيد مُش هتعمل كده بقصدها يا مليكه وقولتلك مليون مره متزعقيش لعائشه ولا تكلميها
كده فاهمه.
بصتله بحزن مصتنع:
= انا اسفه انا ماشيه.
مسك ايدي وشدني:
- لا طبعا مُش هتمشي مليكه بس مرهقه من اليوم متزعليش من كلامها.
في الجانب الاخر:
- شكلها هتو_لع.
اتكلمت ندي بابتسامه:
= صاحبتي تربيتي دي لازم تاخد حقها.
- واضح فعلا انك نار عائشه هاديه.
اتكلمت بغضب:
= بقولك اي اقعد ساكت بدل ما اقلبها خناق عليك.
- وعلي اي بس يكون في علمك بموت في الدماغ اللي زيك.
= سا_فل.
- هاتي الجاتوه بتاعك بدلي كده خليكي كريمه.
= بتاعتك كريمه.
- هاتي الشكولاته وخدي الكريمه.
= ركز بقي في اللي بيحصل واسكت.
بصتلنا بعصبيه وراحت التواليت تعدل فستانها ، اتكلم ياسين بابتسامه وهو بيمدلي ايده بقطعه جاتوه:
- خدي دي من ايدي.
ابتسمت بحب وانا باخدها منه وببادله بقطعه انا كمان لكن قاطعت كلامنا مليكه بزعيق وهيا بتشدني من ايدي :
= انتِ خطافه رجاله !!
/بصتلها بصدمه من صوتها العالي واللي لفت كُل الموجودين ، قررت اخرج من صمتي واتكلمت بحده:
- احترمي نفسك قولنالك احنا مُجرد اخوات.
= وهما الاخوات بيأكلوا بعض كده.
- مُش ذنبي ان عندك نقص.
/سيبتهم وجريت خرجت بدموع ، مكنتش شايفه
قدامي مكُنتش حاسه بحد ولا كلامهم ولا صوتهم ،
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
كُل اللي كُنت بفكر فيه كرامتي ، لو الحُب هيهين
كرامتي ف مُش عاوزاه فوقت من شرودي وانفاسي
العاليه لقتني علي طريق العربيات السريع مكُنتش
عارفه اتحرك ولا اعمل حاجه عقلي كان واقف
عن التفكير من الخضه غمضت عيني بسرعه لكن
حسيت بحركه ايد بتسحبني ناحيتها بسرعه فتحت
عيني اللي كانت مليانه دموع لكن كان شخص هيأته
مكنتش غريبه عليا :
- انتِ مجنونه كُنتِ هترمي نفسك قدام العربيات.
= انتَ بتقول اي يا جدع انتَ.
- ايوه كنتِ عاوزه تنت_حري.
= انت_حر انتَ شايف فيلم وجاي تمثله ؟؟!.
اتكلم بحده:
- قبل ما تنت_حري فكري في اهلك ، وفي ربنا ، اي كان السبب متعمليش كده ، فين اهلك عشان اوديكي ليهم .
اتكلمت بعصبيه:
= انتَ فاكرني عيله صغيره وبعدين مكنتش هتنيل ، مشيت وسيبته بضيق كانت نقصاك انتَ كمان .
بصلي بعصبيه ومشي ورايا اتلفت وتابعت كلامي بعصبيه:
- انتَ ماشي ورايا لي انتَ عاوز مني اي انتَ شكلك حر.امي؟!.
= مش هسيبك تمشي لوحدك افرضي رميتي نفسك تاني.
- قولتلك مكُنتش هرمي نفسي.
بصلي بضيق:
= امال تسمي ده اي.
- وانتَ مالك يا اخي.
= انا هقول لاهلك وسعي كده.
- انتَ مين اصلا وبعدين انتَ فاهم الموضوع غلط ؟!.
بصلي بشك:
= لولا اني لحقتك كنتِ لقدر الله مو_تي.
- كانت ليله سوده يوم ما شوفتك انتَ هتذلني.
/قاطع خناقنا حسام وجدي وندي وهما بيقربوا مننا ، كان باين علي ملامحهم الخوف والقلق اتكلم جدي بتوتر:
- عائشه انتِ عاوزه تغلبيني معاكِ يا بنتي مبقاش فيا صحه.
= انا اسفه يا جدو.
اتدخل واتكلم بعصبيه:
- طلعت تقربلكم دي كانت هتنت_حر لولا ستر ربنا واني لحقتها ؟!.
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
/بصولي كلهم بصدمه ، فتابعت كلامي بعصبيه:
- انتَ يا اخي قولتلك مكُنتش هتنيل انتَ مصمم لي وبعدين انتَ مين اصلا.
اتكلم حسام بابتسامه وهو بيبادله بالحضن:
= ده رسلان يا عائشه ، كان بقاله فتره غايب ولسه راجع ، فكراه كُنا بنلعب معاه سوا واحنا صغيرين.
/رجعت بذكرياتي لورا افتكرته فعلا شكله اتغير كتير عن زمان ملامحه ، كُل حاجه فيه ، حتي صوته ، او يمكن لان
انا مكُنتش بخرج زي الاول ف مُش فكراه ، كُنت اغلب وقتي قاعده في اوضتي لوحدي ، او يمكن لان انا اذيت نفسي بحُب وتخيلات بعدتني عن الكل ، الحُب وحش بس مُش فكل الحالات لكن فالحالات اللي بتخلينا نبعد عن الناس اللي بنحبهم وساعتها مُش هنقدر نعوض الوقت اللي بيعدي من عمرنا ساعتها هنندم علي كُل لحظه عدت ، لما نإذي نفسنا بنفسنا ، ونهين كرامتنا عشان ناس مُش حاسه بينا ، ساعتها لازم نشيل الحب ده من قلبنا حتي لو هنتعذب ميجراش حاجه ، وحتي لو فاق متاخر وندم ساعتها الندم مُش هيفيد بحاجه فوقت من شرودي وصمتي علي صدمته هو الاخر:
- انتِ عائشه ؟!.
ابتسمت وانا بمد ايدي اصافحه:
= نورت يا رسلان ، ياريت كُنا اتقابلنا في ظروف احسن من كده.
مد ايده هو الاخر بابتسامه جامده:
- لو مكنتش لحقتك مكنتش عارف اي هيحصل.
زفرت بضيق وانا بضرب علي دماغي:
= يادي النيله انا ماشيه.
- حد يلحقها لتعمل في نفسها حاجه.
____________
/بعد ما روحنا البيت بتعب ، قعدت علي اقرب كنبه ، وكذلك هما حواليا كانوا هيفتحوا الموضوع لكن قاطعتهم بحده :
- ياسين صفحته اتقفلت محدش يفتحها.
بصولي بحزن فتابعت ندي كلام:
= انتِ اللي بتقولي كده.
اتنهدت بهدوء وانا ببصلهم بجمود:
- ايوه انا مُش ههين كرامتي ولا اجرح نفسي تاني.
اتكلم حسام بياس:
= بس لازم تحاولي تاني.
بصتلهم بهدوء اتكلمت بنبره مرتجفه:
- لا مُش هحاول كفايه محاولات في الفاضي وقله قيمه ، لي انا الطرف اللي لازم يحاول و يحارب ، لي لازم انا اللي امسك بايدي واسناني وافضل متمسكه لوحدي انا الوقتي هسيب كل حاجه ، ملع_ون الحُب اللي يعمل كده ، انتَ اكتر واحد عارف يا حسام انا حاولت قد اي وكتير لحد اخر لحظه لكن انا مبقتش عاوزه اخوك وحتي لو فاق بعدين انا مبقتش عاوزاه.
اتكلم جدي وهو بييأيد رايي:
= عائشه كُل كلامها صح ، عائشه تستاهل حد يحبها ويحارب عشانها ويصونها ويشيلها من علي الارض شيل هيا مُش قليله.
بصتلهم بامتنان:
- شكُرا ليكم وانكم مقدرين موقفي ، هدخل انام عشان اليوم كان مرهق.
/كُنت موجوعه ، اكيد الحُب مُش هيتنسي في يوم وليله، لازم اتوجع شويه ، واتعذ_ب واتالم ، بعدين هبقي كويسه، لكن عايشين ممو_تناش ولا حاجه من البعد.
/عدت الايام وانا بتجنب اشوف ياسين ، او اظهر في اي مكان هو موجود فيه ، او اتعامل معاه ، قررت اخرج افك عن نفسي شويه بدل العُزله اللي انا فيها:
- عبود انا خارجه.
= علي فين كده يا عيوش ؟!.
- علي البحر هتمشي شويه وهرجع اجهز قعدتنا سوا ، ونتصل بالواد حسام والبت ندي.
اتنهد بابتسامه:
= يارب اشوفك علطول مبسوطه كده.
/قربت منه وحضنته ؛ وبصراحه انا عندي جد حنين وبيعاملني معامله الفراشات وجوده بيطمني وبيحسسني بالامان ، اتنهدت ومشيت قعدت علي جدار الحيطه من فوق وانا ببص علي منظر البحر وانا بشرب قهوتي شهقت بخضه لما لقيت حد بيشدني :
- انتِ ازاي يسيبوكي تُخرجي لوحدك ؟!.
= انتَ انسان مجنون مُستحيل تكون عاقل.
- كنتِ هتنت_حري تاني انتِ معندكيش عقل.
يتبع..
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
- انتِ ازاي يسيبوكي تُخرجي لوحدك ؟!.
= انتَ انسان مجنون مُستحيل تكون عاقل.
- كنتِ هتنت_حري تاني انتِ معندكيش عقل.
= انتَ حد مسلطك عليا ، انتَ بتراقبني ؟!.
- كُنت بتمشي بالصُدفه ، انتِ ازاي مستغنيه عن حياتك.
زفرت بضيق واتكلمت بعصبيه:
= انتَ وقعت علي دماغك وانتَ صغير يا رسلان ؟!.
- لا انا زي الفل.
= عندك عُقده مع الانتح_ار ولا حاجه.
- لا برضوا.
= يبقي محتاج تروح تتعالج في المص_حه عشان انتَ من ساعه ما قابلتك وانتَ مُش سايبلي فرصه اوضحلك ان مُكنتش هتنيل انت_حر والله يا اخي احلفلك ب اي تاني ؟!.
اتكلم بعصبيه:
- امال تسمي ده اي ده انا لولا اني لحقتك كمان المره دي الله اعلم كان حصل اي ربنا بعتني ليكي عشان انقذك !!.
خدت نفس عميق واتكلمت بضيق:
= انتَ بجد انتَ اللي كُنت هتموتني بشدتك طب اي رايك
ان انا كُنت قاعده في امان الله ريلاكس كده مع نفسي ومُستجمه ومُبسوطه الاقي حد بيشدني افرض كُنت
وقعتني بدل ما تشدني.
اتكلم بحنق:
- صحيح تعمل خير تلقي شر ، بعد كده هسيبك شالله تمو_تي الحق عليا ان بنقذك.
بصتله وتابعت كلامي بعصبيه:
= هيقولي بنقذك تاني وانا اصلا مكُنتش هتنيل انتَ لي مصمم ان انا كُنت هنتح_ر.
- ايوه انا مصمم.
= طب وسع والله لانت_حر بسببك اهو يبقي بحق وحقيقه.
/مسك ايدي وشدني عليه ؛ كُنت هقع لولا ايده حاوطتني ، سرحنا في بعض لثواني ، بعِدته بُسرعه بخجل:
- انتِ بتعملي اي يا مجنونه كنت هترمي نفسك.
بصتله بضيق:
= ايوه عشان تبقي حقيقه انتَ مصمم وانا مكُنتش هتنيل واهو كُل اللي حصل الوقتي ده بسببك.
زفر بضيق:
- ايوه انا اللي غلطان ووحش.
اتنهدت وانا باخد شنطتي وبمشي:
= انا ماشيه عكننت عليا اليوم.
- انا برضوا ده انتِ اللي قفلتيلي اليوم.
= مين اللي جه وشدني وبدأ يديني محاضره.
- وانا اي عرفني انك قاعده فكرتك هتنتَ_حري زي امبارح.
= وانا مكُنتش هعمل كده انا معرفتش اعمل اي ولا اتحرك لما شوفت العربيات.
- سوء تفاهم انتِ اللي مكبره الموضوع.
= انا من امبارح وانا بفهم فيك وانتَ مُش بتفهم.
- يا لهوي علي نكدك.
= نكد انا نكديه وانتَ حكمت منين اصلا !!
- اسكوووتي صدعتيني يخربيتك رغيك.
= انا برضوا اللي برغي انتَ اللي زن زن مش سايبلي فرصه.
/بصتله بعصبيه ومشيت ، حسيت بخطوات ورايا اتلفت بضيق عشان ازعقله لكن مطلعش هو سرعت خطواتي :
- علي فين يا قمر ؟!.
كملت مشي بسُرعه من غير ما اتلفت ولا اتكلم تابع كلامه:
- متحاوليش تجري المنطقه هنا منطقتي وانتِ جيتي برجليكي !!
بلعت ريقي بتوتر وخُصوصا ان الشارع كان فاضي بدات اجري لكن اتعثرت في طُوبه ووقعت قرب مني بخبث :
- مُش هتقدري تهربي.
/حاولت اطلع فوني واتصل علي حد يجيلي لكن خد مني الفون وقفله ورماه وخصوصا حالته كانت غريبه وكأنه شا_رب مُش في وعيه نهائي شهقت بخضه وانا بحاول
اتمالك علي نفسي واجري:
- اجري براحتك هتروحي مني فين !!
/دموعي نزلت من الخوف والتوتر ، مسكت طوبه وضربته بيها في دماغه ، لكن مأثرتش فيه قرب مني بخُبث غمضت عيني بخُوف وانا ببعد لكن فتحتها وانا شايفه رسلان قدام عيني بيضربه كان منظره غريب انفاسه عاليه ، حالته متبشرش بالخير شكله يخوف انا للحظه خوفت منه:
- ده انتَ يومك مُش فايت يا زبا_له..!!
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
= رسلان خلاص سيبه هيمو_ت في ايدك.
بعدته عنه بصعوبه وهو بينهج تابع كلامه بابتسامه وهو بيعدل هدومه وكأنه معملش اي حاجه:
- خلاني اشت_م واقول كلام زبا_له وانا راجل مُحترم.
بصتله بشك:
= واضح اوي من اللي قولته.
- حقك عليا انك سمعتي كلام بذئ بس هو السبب عصبني.
بصتله بتوتر وتابعت كلامي بابتسامه:
= ايوه اوي ، مُتشكره جدا يا رسلان لولاك مكُنتش عارفه هيحصل اي.
- شُوفتي عشان كده مينفعش تمشي لوحدك.
بصتله بضيق وقولتله:
= هو انتَ عرفت مكاني منين.
اتكلم بابتسامه وخُبث:
- اصل انا قولت يا واد يا رسلان هتسيبها افرض عملت حاجه ف مشيت وراكِ بس روحت اجيب قهوه وجيت لقيت المعفن ده يالا حلال اللي حصل فيه مُش عارف بعدتيني عنه لي.
تابع كلامه وهو بيبصلي بابتسامه وهو بيوطي وقام وقف ومدلي ايده بالقهوه:
- الحمدلله القهوه بخير محصلهاش حاجه.
/كُنت ببصله بانبهار واعجاب ازاي هو كده ، ازاي كان زي الوحش الوقتي وفي ثانيه اتبدل حاله وكأن شيئا لم يكن فوقت من شرودي علي صوته:
- عارف ان حلو مُش محتاجه كلام بس امسكي القهوه سخُنه وانا بقالي ساعه ماددها ليكِ.
بصتله بضيق طفولي:
= علي فكره كُنت بفكر ان انتَ السبب في المصايب اللي حصلتلي النهارده دي.
- ايوه حُطي اللوم عليا.
= ايوه عشان انتَ اللي بوظت اليوم.
- شاطره اشربي القهوه وانتِ ساكته بقي بدل ما اسيبك وامشي ووريني البطله اللي جواكِ.
/بصتله بتوتر وخوف وفعلا سكت وبدأت اشرب القهوه باستمتاع ، كان ماشي معايا طول الطريق عشان يضمن
ان وصلت البيت ، كُنت ملاحظه نظراته ليا بين كُل فتره والتانيه ، عيونه حلوه حتي ضحكته حلوه ، وصلنا لحد
البيت وقفت عشان اشكره:
- شُكرا يا رسلان.
ابتسم وهو بيقولي:
= متشكرنيش معملتش حاجه يا عائشه.
كُنت هطلع لكن وقفني صوته:
- اتفضلي الورده دي قطفتهالك كُنت عاوز اقولك انك لما كبرتي احلويتي اكتر.
اتكلمت بابتسامه:
= يعني كُنت وحشه وانا صغيره.
- ابدا كُنتِ جميله وبقيتي اجمل.
ابتسمت بخجل وانا ببصله قاطع كلامنا ياسين بحده:
- انتوا واقفين بتعملوا اي هنا ؟!.
اتكلمت بابتسامه من غير ما ابصله:
= ابدا ده رسلان كان بيوصلني.
- بيوصلك !!.
= ايوه.
/رسلان مد ايده يسلم علي ياسين بحده بادله ياسين بحده اكبر ؛ كُنت ملاحظه نظراتهم وشدت ايديهم علي بعض ، كُنت حاسه الجو مشحون فحاولت الطف الجو:
- عن اذنك يا رسلان.
بادلني الابتسامه
= مع السلامه.
/طلعت علي السلم وانا بدندن مع نفسي بضحكه ، لكن وقفني صوت ياسين:
- بعد كده متقفيش مع رسلان لوحدك .
اتكلمت ببرود:
= اظن دي حاجه تُخصني انتَ ملكش حكم عليا.
اتكلم بزعيق:
- يعني اي تقفي معاه لوحدك مفيش الكلام ده.
تابعت كلامي بزعيق:
= ياسين الزم حدودك.
/اتجمعوا كلهم علي خناقنا واللي مستغربينه حتي انا مستغربه هو ماله:
- الزمي حدودك انتِ مُش عشان اهلك اتوفوا تُخرجي مع واحد ميقربلكيش حتي ومتلاقيش حد يوقفك عند حدك
ولا يقولك ده غلط .
بصتله بصدمه وبلعت الغصه اللي جوايا اتكلمت بجمود وانا بحاول اداري دموعي :
= متجيبش سيره اهلي علي لسانك تاني انا متربيه احسن منك انتَ ليك حكم علي خطيبتك بس انا لا سامع وبعدين انا كبيره كفايه وعارفه انا بعمل اي كويس.
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
بصلي بتوتر:
- انا مُكنتش اقصد اللي حصل ا...
قاطع كلامه جدي بزعيق:
= ملكش دعوه بعائشه يا ياسين ، انتَ ملكش حكم عليها ، وانا هنا ابوها سامع مُش هسمحلك تغلط فيها.
/سيبتهم ودخلت اوضتي ، خدت نفس عميق ، ومسكت صوره اهلي دموعي نزلت غصب عني ، وحشوني ، فراقهم صعب حتي لو حواليا كتير لكن هيفضل فيا جزء مكسو_ر ووحيد من غيرهم مسحت دموعي بسرعه لما حسيت بحد بيفتح الباب قربوا مني بهدوء فاتكلمت بمرح:
- اي ده يا عبود انتَ لحقت تتصل بيهم مُش قولتلك لما اجي.
اتنهد تنهيده واتكلم بابتسامه:
= قولت عشان نسهر ونقضي اليوم لسه هنستني.
- طب يالا مستنين اي.
حمحم جدي واتكلم بابتسامه:
= اصل لسه حد مجاش.
بصتلهم باستغراب:
- حد مين ؟؟!.
اتكلم حسام وندي في نفس واحد بخُبث:
= رسلان.
- نعم مين عزمه ولي.
اتكلم جدو بابتسامه:
= قاعد لوحده ، حرام قولت يغير جو معانا.
بصتلهم بشك وانا ببص للورده اللي معايا بابتسامه اتكلم حسام بخبث:
- يا تري الورده دي من مين ومالك مبتسمه كده.
حمحمت بخجل وانا بقوم وبقولهم هرتب السهره علي السطح:
= وانتَ مالك ده انتَ حشري.
/طلعت رتبت المكان والاكل ومسرحيه جميله ، ورسلان جه وكان جايب معاه مكُسرات وشيبسي وفاكهه لزوم التسليه طلعنا كلنا علي السطح في جو اسري جميل فضلنا قاعدين نتكلم ونضحك لحد ما حسام قام يشوف ندي بتعمل اي :
في الجانب الاخر عند حسام وندي:
- مانجا بتاكل مانجا.
بصتله بحنق:
= مُحن في الاكل مُش عاوزين.
- يا سلام علي كلامك الرقيق.
اتكلمت بغضب:
= انتَ عاوز اي في يومك ده اتمسي علي المسا.
- هو لازم اكون عاوز حاجه.
بصتله بشك وهيا بتقرب منه السكي_نه:
= كل اللي عرفتهم بتوع مصالح فتلاقيني باخد حذري من اللي زيك كده برضوا .
زفر بضيق وبصلها بحنق:
- حلو_فه انتِ حلو_فه بعدين انا غيرهم يا قمر اديلي فرصه طالب القرب من الغزال.
اتكلمت وهيا بتقرب منه السك_ينه علي رقبته:
= انتَ تسكت خالص بلسانك البيئه ده فاهم.
بصلها بعصبيه وهو بيأكلها:
- اطف_حي وانتِ ساكته شكلك وانتِ ساكته احسن.
/ضحكنا بيأس عليهم انا ورسلان ، اتكلم رسلان بابتسامه:
- اوعي ترمي نفسك.
= يادي النيله تاني.
- وتالت ورابع كمان .
= اتكل علي الله يا رسلان.
- متزقيش بس يا عائشه.
/قاطع كلامنا ياسين بحده وهو بيقرب مننا:
- انا قالب عليكم البيت كُلكم والاقيكم هنا في الاخر والله عال اوي ولا كأنكم مخطوبين اطلبلكو لمون ؟!.
بصله رسلان من فوق لتحت بهدوء:
= ياريت لمون بالنعناع وشوف الانسه عائشه تطلب اي ، تحبي تطلبي حاجه غير لمون بالنعناع يا عائشه.
بصتله بضحكه:
- لا حلو اللمون بالنعناع حد عاوز لمون بالنعناع.
/ياسين كان واقف بعيد هياكلنا بنظراته ، اتكلم رسلان بابتسامه:
- عائشه فيها اي لو عملنا مقلب في ياسين زي واحنا صغيرين؟!.
ابتسمت وانا بسقف:
= نرشه بكيس الميه وهو مش واخد باله.
ضحك بيأس:
- بالظبط كده.
/وفعلا قربنا منه ورسلان ضربه بالكيس في دماغه ضحكنا سوا بيأس وكذلك ندي وحسام وجدي لكن اتفاجئنا كلنا برد فعل ياسين اللي ملامحه اتحولت للغضب وقرب من رسلان ومسكه من ياقه قميصه :
- انتَ مُتخلف ، اي اللي انتَ عملته ده ؟!.
اتكلم رسلان بابتسامه :
= بنهزر معاك مبتهزرش يا ياسين.
- لا مبهزرش خلي هزارك لنفسك سامع.
اتكلم رسلان بحده هو الاخر:
= حاسب لعروقك تطق .
/الاتنين اتخانقوا خناقه جامده حاولنا نبعدهم عن بعض بصعوبه لكن كانوا ماسكين في بعض بحده :
- ياسين احنا كُلنا كُنا بنهزر محصلش حاجه لكُل ده.
= متدخليش انتِ.
اتكلمت وكأني كلامي محدش سامعه:
- سيب رسلان ، رسلان سيبه عشان خاطري .
اتكلم ياسين بحده:
= خايفه عليه اوي.
حاولت افض التَشابُك اللي بينهم انا وحسام وندي لكن ياسين زقني ووقعت :
- عاااااااااااائشه.
يتبع.
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
- عاااااااااااائشه.
/صرخ بيها جدي وهو بيقرب وبيجري عليا ، كلهم اتخضوا ونزلوا جري كان باين علي ملامح وشهم الصدمه اتكلمت ندي بعياط:
- د_م ، د_م عائشه دماغها بتن_زف ، تابعت كلامها بحقد وهيا بتبص لياسين انتَ السبب انتَ اللي زقيتها من علي السلم.
اتكلم ياسين بتوتر وتلعثم:
= اا.. اا.. انا معملتش كده بقصدي مُكنتش اقصد انا قولتلها تبعد مكنش قصدي اللي حصل .
اتكلم رسلان بزعيق:
- انتوا لسه واقفين مكانكم ، بسُرعه لازم ناخدها علي اقرب مُستشفي حالا.
تابع كلامه وهو بيوجهه ليا بحنيه:
- عائشه خليكي مفتحه عينك متغمضيش.
اتكلمت ندي بدوخه:
= د_م ؛ د_م.
قرب منها حسام واتكلم بقلق:
- ندي مالك انتِ كويسه.
اتكلمت وهيا بتحاول تقاوم:
= انا بخاف من الد_م عندي فوبيا.
/وقف حسام بقله حيله وهو مُش عارف يلحق جدي من صدمته مش قادر يتحرك ولا ندي اللي اغمي عليها ، وجه كلامه لاخوه ياسين بحده:
- هات جدك وتعالي ورايا ، عُقبال ما افوق ندي.
اتكلم رسلان بقلق بان علي ملامح وشه قدرت اشوفها واميزها :
= عائشه سمعاني .
/كُنت حاسه بألم رهيب في دماغي مكُنتش قادره انطق بكلمه ، لحد ما استسلمت للدوامه السوده اللي حاوطتني وغمضت عيني باستسلام ومحستش بأي حاجه بعدها.
- دكُتور بسُرعه.
= حُطها بسُرعه هنا.
- اعملي اللازم لو حصلها حاجه هولعلكم في المست_شفي.
اتكلمت الممرضه بتوتر:
= اهدي يا استاذ اقعد استريح واحنا هنعمل اللي علينا.
اتكلم بزعيق وخوف:
- انتِ لسه هتتكلمي شُوفيها بسرعههه.
/مشت الممُرضه بخُوف من قدامه ، ودخلتني غُرفه العمليات ، ادتني بي_نج عشان محسش بالخياطه، بعد
مُده طلع الدكتور قربوا عليه بقلق واضح :
- طمنا يا دُكتور عائشه كويسه هيا بخير ؟!.
اتكلم بهدوء:
= الحمدلله هيا كُويسه ، لكن الجر_ح كان كبير لكن ربنا ستر ، هنكتبلها علي شويه ادويه ومُسكنات ، وممكن تسخن منكم بليل ده طبيعي اثر الجرح.
- طب هيا فاقت نقدر ندُخلها.
= لسه مفاقتش لما تفوق وتقدروا تدخلوا تشوفوها لكن بلاش ضغط علي المريضه لانها محتاجه ترتاح.
بعد مُده كُنت بدأت افوق فتحت عيني بتعب ، الرؤيه كانت بدأت توضح لقيتهم كُلهم موجودين كان باين عليهم الحُزن والخوف كُنت هتكلم لكن ضحكت بيهستريا اتخضوا مني :
اتكلم رسلان :
- هيا عائشه الوقعه اثرت علي دماغها ولا اي.
ضحكت بيهستريا اكتر واتكلمت:
= اصل افتكرت يا رسلان لما كُنت مفكرني هنت_حر وماشي ورايا اوي ولما وقعت ملحقتنيش يعني في الموقف الجد ملحقتنيش اقول اي بس.
بصلي بحزن وقرب مني بعد ما كان واقف بعيد:
- انا اسف.
ابتسمت بيأس:
= بتتأسف علي اي مُش ذنبك انتَ مكُنتش شايفني وانا بقع وانا واثقه انك لو كُنت شوفتني كُنت هتلحقني.
قرب مني جدي وهو بيطبطب عليا بدموع:
- قلبي كان هيقف بعدك لو حصلك حاجه يا عائشه.
حضنته بدموع:
= بعيد الشر عنك يا حبيبي ؛ مُش عاوزه اشوف دموعك ابدا ، يا جماعه انتوا جايين تنكدوا عليا انا مُش قادره اعيط.
اتكلم ياسين بهدوء:
- اسف يا عائشه صدقيني مكنش قصدي اللي حصل انتِ عارفه غلاوتك عندي.
اتكلمت بهدوء من غير ما ابصله:
= ولا يهمك يا ياسين ، بس انا مُكنتش فاهمه سبب عصبيتك دي احنا كُنا بنهزر كلنا سوا وبنضحك انتَ قلبتها خنا_قه.
/اتنهد بهدوء من غير ما ينطق بكلمه وخرج وقفل الباب وراه ، اتنهدت بارهاق وانا بغمض عيني:
- انا عاوزه اخرج من هنا انا مبحبش جو المستشفيات.
= الدُكتور هيكتبلك علي خروج بكره استريحي الوقتي.
- ندي انتِ كويسه .
اتكلم حسام بضحكه بيحاول يتلاشي القلق اللي جواه من ناحيتها:
= الاخت ندي اغمي عليها عشان بتخاف من الد_م ، طلعت فافي البت دي وعملالي فيها استرونج.
اتكلمت ندي بعصبيه:
- انتَ حد قالك قبل كده انك مُستفز ورخم.
= كتير وحياتك بس منك انتِ احلي.
- انا هت_شل منك.
= سلامتك من الش_لل لا اجمدي كده لسه اللي جاي احلي.
اتنهدت وانا ببصلهم بضيق:
- اطلعوا برااااااا.
= اي ده لي.
- هتموتوني انتوا جايين تتخانقوا هو انا ناقصه.
اتكلم حسام بخُبث:
= احنا الخناق بينا محبه اه والله.
اتكلمت ندي بزعيق
- محبه في عينك ده انتَ عد_وي.
= مهو اسمعي مني ما محبه الا ما بعد عد_اوه.
/قرب منهم رسلان وطردهم برا ، فدخلوا تاني بضيق واتكلموا في نفس واحد:
- احنا هنفضل معاكِ لحد ما تقومي بالسلامه.
= لا روحوا ارتاحوا انتوا وبعدين انا كويسه صدقوني.
- لا هفضل مُش متحركه.
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
= لا روحي انتِ يا ندي عشان اهلك وصدقيني لو احتاجت حاجه الممرضه هنا هتساعدني.
اتكلم رسلان بضيق:
- ممرضه وانا روحت فين ، انا قاعد معاكِ انتِ وجدي مُش متحرك مُش هسيبك ؟!.
اتكلمت بتعب:
= يا رسلان انا مُش قادره اناهد.
بصلي بقلق:
- مُش متحرك بقولك.
وجهت كلامي ليهم :
= خلاص روحوا بقي جدي ورسلان مَوجودين.
غمز حسام لندي:
- والعه ها.
اتكلم رسلان وهو بيخرجهم برا:
= هتولع بيكم ان شآء الله.
/وفعلا روحوا ، حُسام وصل ندي في طريقه لان الوقت اتاخر ، وجدي نام من التعب وخضته عليا ، بس انا مُكنتش
قادره انام من الوجع كُنت ملاحظه نظرات رسلان ليا قام وقف وجاب كُرسي قُصادي :
- انتِ بتعملي اي.
= مُسكن.
اتكلم وهو بيشده من ايدي:
- ما انا عارف انه مُسكن ، انتِ مُش لسه واخده مُسكن.
= برضوا لسه تعبانه.
- مُش هتاخدي ده ، كُتر المُسكنات غلط.
اتنهدت وانا بنفخ:
- يعني افضل تعبانه.
= متنفخيش مُش عاجبك.
- ايوه مُش عاجبني.
= طب كويس مُش مهم برضوا رايك اوقات.
/زفرت بضيق وسكت ؛ وهو كان مشغول في فونه ، كُنت حاسه بملل وخصوصا ان مكُنتش عارفه انام ، بصلي واتكلم:
- شويه وجاي محتاجه حاجه قبل ما امشي.
= رايح فين تابعت كلامي لو تعبت عادي ممكن تروح.
بصلي بجمود:
- ياريت تسكُتي ، هجيب حاجه وجاي.
/مر بعض الوقت ولقيته جاي وفي ايده كيسه كبيره ، قرب وعدلي المخده عشان اسند عليها ، مدلي ايده بالكيسه فاتكلمت باستغراب:
- اي دول ؟!.
= جبتلك بيتزا وشويه حاجات تانيه اكيد جوعتي.
اتكلمت بمرح وانا بفتح البيتزا وباكلها باستمتاع:
- والله بتفهم يا رسلان كُنت جعانه فعلا بس مبحبش اكل العيانين ده.
ضحك بيأس واتكلم بهدوء:
= مقولتيش لي انك جعانه.
بصتله بخجل:
- عادي.
اتنهد بهدوء واتكلم بابتسامه:
= لا مُش عادي بعد كده اطلبي متتكسفيش وانا هنا موجود هجبلك كُل اللي عاوزاه.
ابتسمت وناولته قطعه:
- طب كُل معايا بقي عشان تفتح نفسي.
/وفعلا بدأ ياكل معايا بعد اصرار مني ، كان بيتكلم معايا ، وبيحاول يضحكني ، لحد ما اتهديت وتعبت بدأ يقرألي قران بعدها رُوحت في النوم علطول.
تاني يوم الصُبح فوقنا علي خبط الباب كان حُسام وندي:
- صحوا النوم بقي.
فركت عيني واتكلمت:
= منك لله قطعت عليا نومي وانا ما صدقت انام.
- مُش عارف اقولك اي والله علي كلامك الحلو.
اتكلمت ندي بابتسامه:
= انا جبت فطار لينا كُلنا عشان نفطر سوا.
/وفعلا بدأنا نفطر كُلنا سوا مع بعض في جو ملئ بالحُب والضحك ، قاطع كلامنا صوت خبط كان ياسين ومعاه خطيبته قربت مني واتكلمت :
- الف سلامه عليكِ يا عائشه اول ما ياسين قالي قولتله لازم اروح ازورك.
اتنهدت واتكلمت بابتسامه:
= لا فيكي الخير والله.
- طبعا انا قولت اكيد هتبقي لوحدك ومحدش جنبك يسندك.
اتكلم رسلان بحده:
= وتبقي لوحدها لي ، كُلنا جنبها هنا وانا كُنت سهران معاها ؟!.
اتكلم ياسين بضيق:
- سهران معاها ازاي يعني ؟!.
= كُنت جنبها عشان لو احتاجت حاجه.
- وهيا هتحتاج منك انتَ لي.
اتكلمت بعصبيه:
= في اي يا ياسين انتَ جاي تتعبني ولا جايين تزوروني.
اتكلمت خطيبه ياسين بعصبيه:
- وانتَ مالك بيها يا ياسين مين جنبها او لا ملناش دعوه.
= لا ليا دعوه.
- انتَ مُش ولي امرها يا ياسين.
قاطع حُسام كلامهم بخُبث:
- في ناس بتقطع اللحظات السعيده بوشها انا قولتها كلمه من الاول مصدقتونيش.
اتكلم جدي بهدوء:
= اسكتوا كلكم مسمعش نفس ، انا حفيدتي عندي بالدنيا ، وانا واثق فيها ، انتَ ملكش حق تدخل في حياتها يا ياسين خليك انتَ في حياتك الجديده ، وسيب عائشه بنتي تعيش حياتها زي ما هي عاوزه وبراحتها تعمل اللي عاوزاه وبعدين رسلان مُش واحد غريب.
/سكتوا كُلهم وكانت ملامح الضيق باينه بوضوح علي ياسين ، قطع الصمت رسلان بعد ما خرج وجه قدملي
بوكيه ورد احمر اتكلمت بابتسامه وانا بستنشق ريحته:
- ده ليا.
= لا لامي انتِ عليكِ اسئله غريبه ؟!.
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
ضحكت بهدوء:
- ده تُحفه اوي يا رسلان.
= عجبك.
- اوي انا اصلا بحب الورد.
= خلاص هجبلك كُل يوم ورد يستي بس قومي انتِ بس.
/خرج ياسين بعصبيه ورزع الباب استغربنا طريقته اللي بقالها كام يوم مُش زي عادته ، خطيبته مشت بعده علطول تلحقه ، وبعدها روحنا للدكتور عشان يكتبلي خروج من المستشفي ، وبعدها فعلا خرجت وروحت ، الواحد ملوش
الا بيته برضوا.
_______________
بعد مُرور ايام :
- عائشه هتشتغل معاكم في الشركه.
اتكلم ياسين:
= بس ازاي عائشه متعرفش حاجه.
اتكلم جدي بزعيق:
- متعرفش حاجه ازاي يعني عائشه متعلمه احسن تعليم.
= مُش القصد بس هيا لسه متعرفش حاجه وازاي بنشتغل وممكن الشركه تخسر.
/سمعت كلامهم بالصُدفه وانا خارجه ، حسيت ان اتقفلت من ياسين نهائي، سبحان مُغير الاحوال من شخص كان غالي لشخص عادي ميفرقليش ، مبقتش اتهز او اتوتر قصاده ، مبقتش ملهوفه عليه نفس اللهفه ، بقي شخص غريب
اتنهدت واتكلمت بحده:
- مين قالك ان انا عاوزه اشتغل في شركتك اصلا يا ياسين.
بلع ريقه بتوتر:
= مُش قصدي بس لسه هتاخدي وقت وكمان انتِ لسه تعبانه.
بصتله بحده:
- انا هنزل ادور علي شغل من بكره مُش عاوزه اشتغل علي الجاهز كده وحد يكون ليه فضل عليا تابعت كلامي وانا ببص لجدي لو سمحت يا جدي انا عاوزه كده وحابه كده وبعدين انا بقيت احسن من الاول.
اتنهد بهدوء:
= اعملي اللي يريحك انتِ انا عاوزك مبسوطه.
ابتسمت وقولتله:
- انا من يوم ما وعيت علي الدنيا وانتَ بتعملي كُل حاجه حلوه وكُل حاجه عندي مُش ناقصني حاجه انا مُبسوطه علطول بسببك وبوجودك انا عاوزاك انتَ تطمن وتنبسط.
/ابتسم وهو بيدعيلي ودعته ؛ ونزلت ادور علي شُغل ما دام فيه وقت ليه منبداش علطول ، لفيت كتير وروحت اخر شركه بتعب اتكلمت السكرتيره:
- اتفضلي ادخلي المدير في انتظارك.
اتنهدت بابتسامه لكن مدامتش كتير اختفت اول ما شُوفت رسلان:
= انتَ !!.
بصلي بصدمه:
- انتِ بتعملي اي هنا.
= انا جايه اقدم علي شُغل انتَ المدير.
هز راسه بابتسامه مُستفزه:
- مفاجاه مُش كده.
= طب مُش هشتغل معاك يالا.
- بس انتِ لسه تعبانه اي خرجك من بيتكم الوقتي كُنتِ استني اما تخفي؟!.
= زهقت من القاعده عاوزه اشتغل واعمل لنفسي كيان بقي.
- كمان اسبوع بالظبط وهلاقيكي بتقولي كان مالي ومال الشغل.
اتنهدت بابتسامه:
= فعلا محدش عاجبه حاله كده ولا كده.
ضحك بيأس:
- طب خلينا نبعد صله القرابه ونشوف الشُغل بجد.
/كُنت قادره اشوف الفرق بينه وبين ياسين ، فعلا رسلان ميتقارنش بيه نهائي رسلان مفيش منه اتنهدت من شرودي:
ابتسمت وانا بقوله:
= ايوه خلينا كأننا منعرفش بعض هنا وريته ال cv بتاعي.
/شافه واعجب بيه ، وعيني في الشُغل معاه ، الشُغل عباره عن Fashion design، ولاني بحب الرسم جدا وكُنت باخد كورسات فيه وافقت بدون تفكير ان ارسم التصاميم حتي
لو كُنت متخرجه بمؤهل غير ده .
- هتبدأي شُغل من بكره ، والانسه منار برا هتوريكي مكتبك ، وياريت متتاخريش.
اتنهدت بابتسامه:
= مُتشكره عن اذنك.
/روحت بابتسامه ، بعد ما غيرت وقعدت مع جدي، وحكتله كُل حاجه وان لقيت شغل وطلع رسلان ؛ كان مبسوط لانه شايفني بتكلم بانبساط ولهفه ومرح ، معارضنيش بالعكس شجعني اكتر وقالي انا في ضهرك وحقيقي كُل ما احس بالوحده والضعف والانكسار من غير اهلي بيكون هو
مكانهم واكتر هو اهلي كلهم مُش متخيله حياتي من غيره.
/جهزت قهوتي وقطعه كيك انا اللي عملاها ، وخرجت
اقعد في البلكونه ، بحب الجو بليل جدا ، منظر السما
والنجوم مُبهج يستحق التأمل ، شغلت اغنيه ل عايده
الايوبي بحبها جدا وغمضت عيني وانا بسمع بروقان ؛
ان كُنت غالي يا عنيا وحُبك مالي عنيا لتيجي في يوم
تقابلني تنسي السلام تنسي التحيه ، الدُنيا بعنيا ما تحلي
يوم وانتَ بعيد الدُنيا بحلاوتها كلمه حلوه تطمني، ان كان للحبيب حبيب تاني انَشغل قَلبه بحبيب غيري نِسي كلامه الاولاني كان اهون عليا لو كان قالي قاطع سرحاني صوت:
- بسبس.
/وقفت الصوت واتلفت حواليا لكن ملقتش حاجه فتحت الاغنيه تاني لكن الصوت رجع تاني:
- بسبس.
/بصيت حواليا لكن مكُنتش شايفه حد كُنت هطنش لكن اتخضيت لما شوفت رسلان واقف قصادي في البلكونه لكن بمنظر يرعب :
- انتَ مُصمم تمو_تني يا رسلان حرام عليك.
حاول يداري ضحكته لكن فشل:
= كُنت بجرب التصميم الجديد.
- جاي تجربه عليا حرام عليك قطعتي الخلف.
= لا بعيد الشر اجمدي كده.
اتنهدت بابتسامه:
- انتَ دايما بتقطعلي اوقاتي الحلوه بجد.
= اوعي تنت_حري بس.
بصتله بغيظ:
- امشي من وشي.
= احترمي مديرك.
- في الشغل مش هنا.
ابتسم بخبث:
= ماشي.
/ابتسمت وقولتله خليك واقف ، دخلت عملتله قهوه ، وجبتله قطعه كيك :
- دُوق وقول رايك.
= خطيره اكيد مُش انتِ اللي عملاها.
بصتله بضيق ورفعه حاجب:
- طب هات يا رسلان هات خساره فيك.
اتكلم بضحكه:
= مُش معقول انتِ اللي عملاها.
هزيت راسي ب "اه"
- تحفه تسلم ايدك ، حتي اختيارك للاغنيه بيرفيكت.
= بحبها اوي الاغنيه دي.
اتكلم بغمزه:
- ليكي قصه معاها ولا اي.
حمحت بخجل:
= حتي لو كان فيه اتقفلت خلاص.
بصلي بهدوء كُنت ملاحظه شدته علي ايده تابع كلامه:
- المهم انك عرفتي قيمه نفسك ومتبذليش مشاعر لناس مُش شيفاها ولا بتحس بيها .
حاولت اغير الموضوع:
= حلو الكيك ؟!.
- قمر الكيك وضحكه الكيك وعيون الكيك.
ابتسمت بخجل:
= ده الكيك ؟!.
- مُش عارف بقي انتِ ادري.
/ضحكت علي كلامه دخل اوضته لحظه ورجع ببوكيه ورد:
- اتفضلي.
ابتسمت وانا باخده منه:
= انتَ جبتلي ورد كتير.
- وماله مُش بتحبيه.
= جدا مُش قادره اوصفلك فرحتي.
/اليوم عدي ودخلت نمت وانا ابتسامتي من الخد ده للخد ده ، حطيت الورد جنب اخواته وانا بستنشق ريحتهم اللي بتسحرني.
- عاوز حاجه يا جدو ؟!.
= لا يا حبيبتي مع السلامه خدي بالك من نفسك.
/نزلت عشان اوقف تاكسي ، لكن لقيت رسلان بيقرب مني بعربيته:
- اركبي.
= هاخد تاكسي.
بصلي بحده:
- اركبي احنا كده كده رايحين سوا الشركه.
/اشتغلت وبدأت ارسم التصاميم ، وروحت اوريها لرسلان:
- دي خطيره انتِ بتقولي اي.
= يعني حلوه ؟!.
- تهبل.
/ابتسمت علي دعمه ليا ، وفيه فرق بين انسان بيدعمك، وانسان بيحبطك.
/بعد ما اليوم خُلص من غير اي جديد ، رسلان اصر انه يوصلني في طريقه، نزلت وشكرته بعد ما وصلت ، كان ياسين واقف مع حُسام تحت قرب مننا بحده وشدني بالجامد:
- سيب ايدي يا ياسين انتَ بتشدني كده لي.
= انتِ ازاي تركبي معاه لوحدكم.
قرب منه رسلان بحده:
- سيب ايدها احسنلك ومتلمسهاش.
= انتَ بتدخل لي اصلا خليك بعيد.
- هو اي اللي خليك بعيد انا ساكت عشان عائشه بس.
/ياسين شدني وطلعني بقوه فوق عند جدو ، زقني بالجامد لكن ايد رسلان لحقتني اتكلمت بزعيق:
- انتَ غبي يا ياسين.
= اخرصي انتِ بتركبي معاه بصفتك اي.
حاول رسلان يتحكم في عصبيته لكن فشل اتكلم رسلان بزعيق ، وعروقه بارزه:
- بصفتها هتبقي خطيبتي يا ياسين بيه.
يتبع.
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
= اخرصي انتِ بتركبي معاه بصفتك اي.
حاول رسلان يتحكم في عصبيته لكن فشل اتكلم رسلان بزعيق ، وعروقه بارزه:
- بصفتها هتبقي خطيبتي يا ياسين بيه.
/صدمه وقعت عليا كُلنا وبالأخص انا ، اتِسمرت في مكاني وكأني عاجزه عن الحركه ، لساني عاجز عن الرد وكأني
فقدت النُطق ، قطع الصمت ياسين وهو بيتكلم بزعيق:
- انتَ اتجننت انتَ بتهبب تقول اي خطيبه مين !!.
اتكلم ببرود وملامح جامده:
= هتبقي خطيبتي اي قولت حاجه غلط.
قرب منه ومُسكه من ياقه قميصه:
- لا ده انتَ اتجننت رسمي .
ضحك رسلان بسُخريه وهو بيبعد ايده وبينفض قميصه:
= ايدك بس انتَ عارف الجاكت ده بكام ؟!.
قرب منه تاني ومسكه من ياقه قميصه:
- اي البرود اللي انتَ فيه ، امشي من هنا من غير مطرود.
ابتسم رسلان بتهكم وكَور ايده وضرب ياسين في وشه:
/شهقت بخضه ، متوقعتش الرد ده من رسلان ، تابع كلامه:
= انتَ اي اللي مضايقك فعلا هتبقي خطيبتي ، وكُنت متفق مع جدك ، بس كان لسه هيفاتحها في الموضوع.
- كلمه تانيه اقسم بالله ما هيحصل خير.
اتكلم رسلان بحده وزعيق وشكله ميبشرش بالخير:
= اسمع انتَ انا كُنت ناوي اخليها خطوبه بس والله لهيبقي كتب كتاب وبالكتير اوي اسبوع يا ياسين، انتَ ملكش حق تدخل ، خليك مع خطيبتك انتَ وسيبنا في حالنا وطبعا
القرار برضوا يرجع لعائشه.
/كُنت بسمع وانا مزهوله ، الكلام بينزل عليا زي الصاعقه ، كان بيتكلم جد ، كلنا وجهنا نظرنا لجدي بصدمه مستنينه يتكلم يقول حاجه وفعلا اتكلم بجمود:
- رسلان كُل كلامه صح مغلطش في حاجه.
بصله ياسين بضيق:
= يعني اي ؟!.
- يعني لو عائشه وافقت هتبقي لرسلان قولتي اي يا عائشه.
/كُلهم وجهوا نظرهم ليا مُنتظرين اجابتي ، كُنت لسه مُش مُدركه حاجه من هول الصدمه ، بلعت ريقي بتوتر وفركت ايدي تابعت كلامي بتلعثم:
= اا..اا..انا..اصل.. عاوزه شويه وقت افكر ، اعذروني انا بس مُش قادره استوعب كُل ده.
اتكلم رسلان بابتسامه وهو بيغمزلي:
- وماله خدي وقتك براحتك خالص ، احنا ورانا اي مستنين.
ابتسمت بخجل من كلامه فتابع:
= لو وافقتي هجبلك ورد كُل يوم ، ومُش بس كده هخرجك وهجبلك شكولاته كمل بضحكه ودي طبعا حلاوه البدايات تابع كلامه بجديه مهو اصل هنعمل خُطوبه لي واحنا عارفين بعض ف الاحسن كتب كتاب وهو اخد راحتي معاكِ بقي.
بصلي ياسين بحده:
- هو اي اللي هتفكري.
بصتله بحده وتابعت كلامي بجُمود:
= اظن ده قراري وحاجه ترجعلي وانا ادري بمصلحتي.
في الجانب الاخر ندي جت لاني كُنت قيلالها تيجي ، دخلت وفي ايديها فشار ، لكن اتصدمت من الكلام اللي سمعته:
- انا حاسه اننا في فيلم.
= لا بس ده احلي وواقعي وقدام عينك ببلاش.
- انتَ خلصت الفشار ده انتَ طفس.
= انتِ اللي جايبه علي القد.
- علي القد ده انتَ داخل في الكيس العاشر !!
= احسديني بقي هتبصيلي في اللقمه طب مُش طافح.
- بعد ما قومت عليه كُله وخلصته.
= بدل ما تقوليلي بالهنا والشفا علي قلبك يا بيبي.
- ياا اييه .
= يا بيبي.
- طب اتظبط ، اتظبط وخلي يومك يعدي.
بصلها بحنق:
= انتِ لي قاسيه كده.
- انا هقوم امشي لـ هيحصلي حاجه وانا لسه في عز شبابي.
اتكلم حُسام بجديه بصوت عالي :
= يا جماعه انا كمان عاوز اكمل نص ديني واتجوز زيكم علطول علشان اخد راحتي انا كمان ولا حلال ليكم وحرام ليا.
ضحكنا بيأس عليه اتكلمت بخُبث:
- ويا تري مين سعيده الحظ.
= نديي.
بصتله بصدمه:
- انتَ تعبت في دماغك.
اتنهد بهدوء واتكلم بجديه:
= بتكلم جد لو سمحتي ممكن رقمك والدك ؟!.
اتنهدت بصدمه فتابعت كلامي بابتسامه:
- بتفكري في اي يا ندي الواد بيحبك وشاريكي ، بعدين ده الموضوع اللي كنت عاوزاكِ فيه ؟!.
اتكلمت بخجل:
= بيحبني ؟!.
اتكلم حُسام بضحكه:
- اكيد انتِ كمان بتحبيني انا عارف احنا مَفضوحين ، بحبك يا ندي بحبك من ساعه ما شوفتك مع عائشه كُنت دايما بحب ارخم عليكم عشان اشوفك ولو ثانيه ، تابع كلامه بابتسامه لكن قدرنا نشوف دمعته اللي مُش عاوز يظهرها ، استنيتك كتير لحد الوقت المناسب ، وبصراحه مُش متخيل حياتي
من غيرك انا عاوزك شريكه حياتي، حتي لو كُنتِ رفضتي
كُنت هخطف_ك.
اتكلمت بابتسامه مليانه دموع من تاثرها :
= اتفضل رقم بابا.
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
/ابتسمت وانا بسقفهلم ، بصراحه حُسام طيب ومؤدب ، يمكن لسانه طويل لكن قلبه طيب وحنين ، وندي كمان رغم الدبش اللي هيا فيه لكن قلبها طيب وبتحب الخير للكل ومفيش منها ، وبصراحه الاتنين بيكملوا بعض ضحكت علي حُسام وهو بيقول:
- وهتجوز ، هتجوز .
قرب رسلان وترك مسافه بينا واتكلم بهمس :
= عقبالنا .
/بصتله بخجل فهزلي حواجبه فضحكت بيأس عليه، كُنا ملاحظين نظرات ياسين اللي بتطلع شرار ، كان واقف بعيد مشي في صمت وهو بيقفل وراه الباب بالجامد ، اتكلم رسلان بضحكه:
- مُش جديده علينا انه يعمل كده يلا عن اذنكم، تابع كلامه بهمس قبل ما يمشي هستني رد ك كمل بضحكه لو موافقتيش هخطفك زي ما حسام قال لندي ، مُش عاوزك توافقي لمُجرد انك خايفه ، حتي لو رفضتي هنفضل اصحاب وكُل حاجه، ابتسمت بخجل وانا بودعه ، بعد ما مشي قعدت مع نفسي افكر كُنت مُتردده مُش عارفه اعمل اي قاطع تفكيري ندي:
- وافقي انتِ لسه بتفكري.
= مُش عارفه انا مُتردده.
- اوعي تكوني لسه بتحبي ياسين.
= انتِ بتقولي اي طبعا لا ، مبقتش بحب ياسين، هتصدقيني لو قولتلك بقي انسان عادي بالنسبالي زيه زي الغريب، مبقاش يهمني فقط العلاقه بينا ازيك وبس ، اوقات لما بقعد مع نفسي بندم علي الوقت الهدر اللي ضيعته في حُبه الغلط ، مكنش ليا ولا انا كُنت ليه بس عقلي اوهمني بكده .
- طب بتحبي رسلان ؟!.
ابتسمت بخجل وانا بهز كتافي:
= مُش عارفه مشاعري متلخبطه ، لكن مؤخرا بقيت بفرح لما بشوفه، بفرح لما بكلمه ، بضايق لو شُوفته مع غيري ، لكني بتبسط بوجوده وهو بيعمل كل حاجه زي جدو حنين .
- يبقي حب مستنيه اي وخايفه من اي.
= خايفه اكون بختار غلط ، خايفه تكون دي حلاوه بدايات.
- صدقيني حلاوه البدايات بتبقي دايمه مع الشخص الصح ورسلان بيحبك وشاريكي .
= محتاجه برضوا وقت افكر.
- خُدي وقتك وفكري براحتك ، محدش هيضغط عليكِ ، بس صدقيني كُلنا شايفين انه بيحبك ورسلان مُش وحش.
ابتسمت وانا بحضنها:
= المُهم هنفرح بيكِ انتِ وحسام عن قريب.
ابتسمت وبادلتني الحُضن:
- اقدر اقولك ربنا عوضني بيه.
___________________________
/صحيت الصُبح متاخر غير العاده اتاخرت علي الشركه ، لبست بسُرعه ، ونزلت جري بعد ما ودعت جدي ، فضلت استني تاكسي لكن اتاخرت ، شُوفت ياسين وهو بيقرب مني :
- راحه فين.
= الشركه.
- اركبي هوصلك.
= بستني تاكسي.
- هتتاخري مُش هضايقك هوصلك بس.
/مكُنتش عارفه اعمل اي ، حسيته بيتكلم بهدوء عكس عادته تماما ، لكن ركبت معاه مكنش عندي حل ، كان ساكت تماما منطقش فعلا بحرف:
- ايوه هنا شُكرا.
= اي ده ؟!.
- في اي.
= انتِ بتشتغلي في شركه رسلان.
- ايوه فيه حاجه ؟!.
اتحول من الهدوء اللي كان فيه لعصبيه:
= انتِ ازاي تشتغلي في شركه رسلان ؟!.
- وفيها اي واظن دي حاجه ترجعلي.
جز علي اسنانه بضيق وضرب علي دركسيون العربيه:
- ماشي يا عائشه لينا كلام في البيت عند جدك.
/بصتله بضيق وخدت شنطتي ونزلت جريت علي جوا ؛ كُنت متوتره ، دخلت مكتبي ودخلت بعدي السكرتيره وقالتلي ان رسلان عاوزني ، قومت من مكتبي وانا معايا بعض التصاميم دخلت بعشم من غير ما اخبط علي الباب لكن اتضايقت لما لقيت بنت واقفه قريب منه نوعا ما اتكلمت بتوتر:
- اسفه دخلت من غير ما اخبط.
اتكلم بجمود:
= عادي اتفضلي ، لما نخلص الشُغل ده.
/كُنت قاعده حاسه بغيره شديده ، وخصوصا ان البنت دي لا بتطيقني ولا انا بطيقها سبحان الله القبول برضوا ، قربت عشان اخد ازازه الميه لكن وقعت القهوه من غير قصد علي الورق اللي بيشتغلوا فيه ، شهقت بخضه:
- انا مكُنتش اقصد والله.
اتكلم بعصبيه اول مره يعاملني بيها كده:
= ولا بقصدك مُش فارقه !!.
بلعت ريقي بحرج كان بيبصلي بنظرات حاده :
- انا اسفه.
زفر بضيق:
= حصل خير انا اللي اسف.
/مكُنتش عارفه اعمل اي ؛ كُنت محروجه جدا ، كان الوضع مُش لطيف الجو مَشحون بغضب:
- كنتِ جايه مع ياسين لي.
= اتاخرت وملقتش تاكسي انتَ شوفتني منين.
- مُش مهم.
= هو انا عملت حاجه غلط.
- لا انا اسف اتعصبت عليكِ بس كُنت مضايق من حاجه.
هزيت راسي بهدوء وسكت كُنت مضايقه تابع كلامه بضحكه:
- حقك عليا متزعليش احسن تنت_حري تاني ولا حاجه.
بصتله بعصبيه:
= يادي النيله هتفضل تقولهالي لحد ما امو_ت.
ضحك بيأس:
- لا بعيد الشر عنك .
اتكلمت بغضب:
= برضوا مضايقه منك انتَ اتعصبت عليا لي.
اتكلم بهدوء لكن ملامحه اتبدلت للضيق:
- ببساطه عشان غيرت عليكِ.
/ارتبكت من كلامه وحاولت اغير الموضوع ، كلمته عن الُشغل والتصاميم الجديده ، لحد ما خلصنا ، وروحت بارهاق لقيت ياسين عندنا اتكلم بعصبيه:
- انتَ كُنت عارف يا جدي انها بتشتغل عند رسلان.
= ايوه فيها اي ؟!.
اتكلم بعصبيه:
- يعني انتَ مُش عارف ان شركه رسلان مُنافسه ليا.
اتكلم جدي ببرود:
= والعمل؟! ما انتَ السبب لما اتخانقت مع صاحب عمرك عشان واحده متستاهلش شككتك فيه ، وبعدين رسلان بقي ليه شركته الخاصه ومُش بينافس ليك انتَ بس اللي شايف كده خليك انتَ في نفسك يا ياسين.
/كُنت مصدومه، عشان كده كُنت بحس دايما انه هو ورسلان بينهم نظرات حاده وحتي تعاملهم لبعض مُش حلو ، مُكنتش قادره اجادل ولا اتكلم سيبتهم ودخلت اوضتي .
/عدت بعض الايام ، مكُنتش بنزل الشُغل ، ولا بشوف رسلان ، ولا حتي ياسين، كان ياسين بيحاول ، يتقرب مني ، يكلمني، كان بيهتم غير عادته لكني كنت بارده معاه وبعامله عادي ، ولا ندي وحسام ، كُنت حاسه بخنقه غير طبيعيه مكُنتش في المود نهائي كُنت مُفتقده اهلي، نزلت اتمشيت شويه وقعدت عند البحر ، كُنت ماسكه صورتهم ومُنهاره ، مهما الواحد بان قوي قدام الناس بيجيله لحظه بيضعف فيها ، علي قد ما فيه ناس حواليا علي قد ما انا مُفتقده وجودهم ، حسيت بحركه جانبي كان رسلان قعد جانبي بصمت وترك مسافه مسحت دموعي بسرعه قطع الصمت واتكلم:
- علي اساس ان مشوفتش دموعك ؟!.
- هما في مكان احسن الوقتي وشايفينك من فوق.
عيطت بقهر اكتر :
= انتَ جاي لي.
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
- عشانك ، اختفيتي مره واحده ، حتي مقولتليش.
= عرفت مكاني منين.
- قولت اكيد جيتي هنا لانك بتيجي هنا وقت حزنك.
هزيت راسي وانا دموعي نازله في صمت تابع كلامه:
= متعيطيش هما في مكان احسن الوقتي.
- صدقني ده غصب عني ومُش ضعف.
/الانسان مننا يا رسلان بيجيله لحظه بينهار فيها وبيقع مُش ضعف ابدا بس بيبقي من التراكمات واختبارات الدنيا ليه بتبقي صعبه بس هو مؤمن ان ربنا هيراضيه ، بيبقي
محتاج يخرج كُل اللي جواه بس ومحدش يقوله انتَ
بتأفور او مصطلح اتنشن اللي طلع ده اللي خلي الناس
تستهزا بالمشاعر الانسان بس بيبقي محتاج كتف يسند عليه مُش مهم يسمعه.
بصلي بحُزن بان علي ملامح وشه حاول يلطف المود:
- طب ما توافقي يستي خليني اكونلك الكتف اللي يسندك.
ضحكت بخجل:
= لسه بفكر.
- اتقل علينا يعم.
ابتسمت بيأس وحقيقي رسلان بيطلعني من المود تابع كلامه:
= عائشه اوعي ترمي نفسك ؟!.
زفرت بضيق وقومت مشيت:
- اقعد مع نفسك يا رسلان.
ضحك وقام ورايا:
= استني بس متبقيش قموصه.
____________________
/كُنت واقفه في البلكونه بشرب قهوتي كالعاده لكن كُنت مبسوطه جدا النهارده كتب كتاب حُسام وندي ؛ كُنت بجهز وانا مُبسوطه اوي لصاحبه عمري ، وحُسام عُمره ما كان بالنسبالي ابن عم كان بالنسبالي صديق عزيز ، طول عمره واقف جنبي وبيدعمني ، النهارده جه اليوم اللي اشوفه عريس .
- كويس انك واقفه البس اي بسرعه مفيش وقت للتفسير ؟!.
= استرجاني اكتر ؟!.
بصلي بحنق:
- مُش عاوز منك حاجه ، طب انتِ مختاره ليكِ لون اي.
= بُني.
- خلاص مُش عاوز منك حاجه اصلا.
/ضحكت عليه وكأنه طفل ، دخلت لبست فُستان لونه بُني ، وطرحه بيضه ، وهيلز ابيض بعد ما جهزت ، نزلت لانهم كلهم كانوا سبقوني.
/نزلت كان رسلان واقف مع اصحابه تحت ، كُنت قادره الاحظ نظراته ليا كويس، اتصدمت لما لقيته لابس بني زي عشان كده سالني ،سابهم دقيقه وقرب مني صفرلي باعجاب واتكلم بحب:
- ده انتِ العروسه والله.
ابتسمت بخجل:
- الله يخليك.
= فنون الرد.
ضحكت بهدوء فتابع كلامه:
- انا كده هسيبهم وافضل معاكِ ما تيجي نكتب كتابنا بالمره.
/سيبته بضحكه ومشيت ، وصلت وكانوا كلهم موجودين ، وياسين وخطيبته كان بيبصلي بس مهتمتش ، قعدت جنب جدي بهدوء ، كُنت مبسوطه بفرحتهم ، حُسام وكأنه ما صدق حضن ندي ولف بيها ، خطفت نظره علي رسلان لقيته بيبصلي ، فبعدت نظري بحرج ، اتكلم حُسام بفرحه:
- بحبك يا ندي ، اوعدك ان عمري ما هزعلك وهعاملك بما يرضي الله ، لانك ست البنات وتستاهلي كُل حاجه حلوه.
- كُنت بستخسرك فيا ساعات ودي مُش مبالغه ، كمل بنبره متحشرجه ميهمنيش الناس تشوفني مدلوق يشوفوني زي
ما يشوفوني انتِ اعظم انتصاراتي.
اتكلمت ندي بدموع:
= انتَ عوض ربنا ليا.
اتكلم بضحكه:
- مراتي ، بقت مراتي يا جماعه ، وكيدنا الاعداء رغما عن رفض ابوها وعيلتها كُلها بس كُنا قدها الحمدلله ، الزياره ممنوعه لمده تلت سنين سواء اقارب او اغراب .
/ضحكنا علي فرحته وطبعا ندي كانت شبه الطماطم واكيد ندي عبرتله عن حُبها لكن هيا خجوله ؛ خرجت برا ومعايا قطعه جاتوه كُنت باكلها باستمتاع قدام البحر وده لان
القاعه كانت قدام البحر:
- عاااائشه طالعه لوحدك هترمي نفسك صح ؟!.
= رسلاااااااااان طلعتني من المود.
ابتسم واتكلم باستفزاز:
- بحب اعصبك.
= تاخد جاتوه ؟!.
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
- انتَ بتقرب لي .
= كُنت هاخدك بيتنا.
- انا بقولك جاتوه.
= ما انتِ الجاتوه بالنسبالي.
ابتسمت بخجل:
- بتكسفني كدهو.
ضحك بيأس واتكلم بجديه:
= عاوز اعرف رايك الوقتي ؟!.
شرقت ف جابلي ميه:
- اشربي اشربي متمو_تيش الوقتي عاوز اعرف رايك.
ابتسمت وانا بهز راسي:
= موافقه يا رسلان.
ابتسم كُنت شيفاه طاير من الفرحه اتكلم بمرح:
- يا بركه دعاكي يا امه ، خلاص هنكتب الكتاب بكُره مفيش نقاش.
ضحكت بخجل:
= طب ده احنا لسه في كتب كتاب ندي وحسام ، كمان اسبوعين كده !!.
قاطع كلامنا خطيبه ياسين وهيا بتقرب مننا:
- يا تري بتضحكوا علي اي ؟!.
اتكلم رسلان بخُبث:
= عقبال عندكم يارب كتب كتابنا كمان اسبوعين.
بصلي ياسين بصدمه:
- انتِ وافقتي.
اتكلمت بابتسامه:
= ايوه عقبالكم يا ياسين.
/رسلان بلغ جدي وجدي بلغ كُل معارفنا، وانا بلغت ندي وحسام ، وبلغت ياسين وخطيبته ، وجهزت كُل حاجه.
/عدت بعض الايام بسُرعه كُنت راجعه انا وندي كُنا بنشوف فستان رقيق لكتب كتابي ، لكن سمعنا ياسين وهو بيعيط وبيقول لجدي ان شركته خسرت بسبب خطيبته سرقت
ملف مهم جدا وودته لشركه منافسه ليه وانه عرف من الكاميرات وطردها وفسخ خطوبته ، وانه ندم انه فاق
متأخر ، وانه اكتشف انه بيحبني ومُش هيقدر يعيش
من غيري بس فاق متاخر، وانه تعبان وتايه ووحيد
، جدي قاله:
- انتَ مخسرتش شركتك بس انتَ خسرت اكتر انسانه حبتك كل دا كان اختيارك انتَ الشركه اللي قولت عليها هتخسر بسبب عائشة خسرت بسبب خطيبتك تحمل نتيجه اختياراتك.
دخلت انا وندي وبصتله بهدوء ، كان بالنسبالي عادي متأثرتش لاني بحب رسلان جدا ومقدرش اخونه :
- مُش بحبه يا جدي ده كان ماضي انا بحب رسلان .
بصلي بهدوء وقرب مني اتكلم بدموع:
= انا اسف يا عائشه سامحيني.
اتنهدت وانا ببصله بجمود:
- مكُنتش شايله منك عشان اسامحك لانك كُنت بالنسبالي غريب ، المهم انك فوقت يا ياسين، ربنا يرضيك ويرزقك بنت الحلال.
= ضيعتها بسبب غبائي.
- بعد اذنك.
/احساس ان حقك يجيلك قدام عينك ممتع اوي ، بيترد لو بعد حين، لو بعد شهور ، لو بعد سنين ، كُنت عاوزه اقول ان الانسان مبيحسش بقيمه الجوهره اللي معاه الا لما تروح منه وياخد الغدر من اللي حواليه واقرب ليه ، كُنت عاوزه اقول كمان الدنيا مبتقفش علي حد بتمشي ، وربنا بيعوضنا بأحسن منهم ، ياريت محدش يجي علي كرامته عشان حد مُش حاسس بيه بلاش نفرش الارض ورد لناس متستاهلش ، العوض احلي واجمل صدقوني هيعوضكم بناس تشيلكم
في عنيها وموجودين والله بس احنا اللي بنختار غلط.
___________________
/النهارده كتب كتابي انا ورسلان حبيب ايامي وحبيب عُمري الجاي ، بدأت اجهز ، اكيد لبست فُستان ابيض ، وطرحه بيضه ، كُله ابيض ، وحُطيت ميكب خفيف وهادي ، كُنت متوتره جدا ، قرب جدي مني وباسني علي جبيبني اتكلم بدموع:
- جه اليوم اللي تمشي فيه وتسيبيني يا عائشه.
بصتله بدموع:
= انتَ بتقول اي يا عبود انا قاعده علي قلبك مُش متحركه.
بصلي بابتسامه وعينه مليانه دموع:
- لا مع جوزك بقي ولا عاوزاه يقت_لنا.
ضحكت وانا بمسح دمعه فرت مني:
= هجيلك انا وهو كُل يوم وهنقرفك.
/مسك ايدي ونزلنا ، رسلان كان واقف تحت بصلي بابتسامه واعجاب ، اتحركنا كُلنا بالعربيات ، بدأ كتب الكتاب ، بعدها جدو سلمني لرسلان وهو بيقوله:
- انا مديلك بنتي مُش حفيدتي ، دي حته مني ، اوعي تزعلها في يوم هتلاقيني واقفلك سامع ، وصدقني انتَ واخد اطيب واحن بنت في الدنيا.
دمعت من كلامه وقربت حضنته:
= يالا يا جدو يالا هروح معاك.
بصلي رسلان برفعه حاجب:
- وانا اروح اشرب شاي بلبن.
/ضحكنا بيأس ؛ قرب مني رسلان قدام كُل الموجودين ، قعد علي ركُبته وقدملي بوكيه ورد ، ولبسني خاتم في ايدي، قام وقف قرب مني حضني شدد علي حُضني للدرجه حسيت ضلوعي هتنكسر في ايده كُنت حاسه بدموعه ، بادلته الحضن بدموع ، قربت منه ومسحتله دموع اتكلم بنبره متحشرجه:
- بحبك يا عائشه ، كُنت عاوز اقولك ان انتِ حُب طفولتي، فُزت بيكِ والدنيا مُش سيعاني ، اوعدك ان عمري ما هزعلك.
- انتِ اجمل بنت يا عائشه ، انتِ مكسب لاي حد ، وانا كسبتك من الدنيا دي ، الغبي اللي يخسرك ويضيعك من ايده يا عائشه وانا مُش غبي عشان اضيعك ، او افكر اعمل حاجه تضيعك من ايدي.
قرب مني وباس جبيني اتكلمت من بين دموعي:
= انا بحبك اكتر
= انا المُعتاده دائما علي الرفض اقولها الان قبلت.
.
حضني بابتسامه ولف بيا تابع كلامه بضحكه:
- عائشه اوعي ترمي نفسك.
= تاني يا رسلان.
اتكلم بجديه:
- خلاص ارمي نفسك.
= افندم ؟!.
فتح ذراعه بابتسامه وتابع كلامه بحنيه :
- ارمي نفسك في حضني ، مكانك هو حضني.
وفي الخلفيه اغنيه لام كلثوم بدون موسيقي :
/وقابلتك انتَ لقيتك بتغير كُل حياتي ، معرفش ازاي انا حبيتك معرفش ازاي يا حياتي من همسه حب لقتني بحب، لقتني بحب وادُوب بالحب.
تمت بحمدالله