_ طب اومال ليه عملت معايا كلو دا انا استاهل منك كدا !!

: غصب عني 

اتكلمت بعياط وزعيق _ هنستعبط احنا فين اللى غصب عنك مش انت اللى كنت بتعاملنى وحش وانت اللى كنت هتموت كدا وتطلقنى ليه جاى دلوقتى وعايزنى ومبررك انو غصب عنك 

_ ممكن وتهدى هفهمك 

: فهمنى بس بكلام يتصدق 

_ مش انتى عندك صاحبه اسمها منال 

: اه مالها 

_ كنتى دايما فالخطوبه بتقولى انها اقرب حد ليكى ولو ليكى اخت مش هتحبيها كل الحب دا صح ؟

: صح مالها منال بحكايتنا دى 

_ حكيلك بس سيبينى اتكلم ما تقاطعنيش .منال كلمتنى يوم الفرح فالتليفون وقالتلى انها عايزه تقابلنى ضرورى ولما روحتلها قالتلى انك مش بتحبينى ومجبوره عليا وانك عايزه ترجعى للشخص اللى كان خاطبك قبل كدا وانك متعلقه بيه وانك مش عايزه تقوليلى كدا وهى من حبها ليكى جت تقولى عشان الجواز ما يبقاش باطل عشان اهم شرط فالجواز القبول وانتى مش قبلانى 

روحت قولت لأهلى انى مش هروح الفرح وطبعا امى وابويا حلفو انى لو ما روحتش هيغضبو عليا ولما اتجوزنا وقولت اطلقك قالو لو طلقتها مش هتبقى ابننا بالذات انى محكتش اسباب 

كانت كل يوم صحبتك تبعتلى وتقولى قد ايه انتى مش متقبلانى وانها بتحاول توصلى الكلام بدون علمك وكانت قيلالى مهما حصل ما احكلكيش حاجه ولما روحت عند بيت اهلك ارجعك اتكلمت مع محمد وقالى ان فعلا الشخص اللى صحبتك بتحكى عليه دا كان متقدملك وانتى اللى كنتى رفضاه واتقدم كذا مره وانتى موافقتيش 

و كنت مبسوط جدا ولكن تعبت فالفتره اللى انتى كنتى فيها عند باباكى وكشفت ولقيت ان فيه جزء تالف فالكبد وقولت ارجعك عشان اعرفك ان دا كان بسبب صحبتك وتكونى جنبى عشان انتى مصدر الامان بالنسبالى 

ولما رجعنا البيت لقيت بتقولى انى انانى ف اضطريت اطلقك عشان ما ابقاش انانى واعيشك معايا ايام التعب والحمدلله عملن عمليه استئصال للجزء التالف وبقيت كويس وجتلك 

مكنتش حاسه غير بالدموع اللى بتنزل من عينى _ للدرجادى صحبتى تعمل فيا كدا !! طب ليه 

انا عملتها ايه لكلو دا !! 

: انا اسف 

_ ممكن تسينى لوحدى 

: كفايه سيبتك لوحدك كتير انا اسف حقك عليا سامحينى 

_ كتير كلو دا عليا