– في ... في حد... حد بعتلي فيديو وحش عليا ...

 مراد خد التليفون واتصدم لما شاف الفيديو وبلع ريقه وهو مزهول وانتبه علي مجموعه طلاب واقفين وراه بيحاولو يكتشفه ايه هو الفيديو اللي رعبه في مكانه بس مراد لما شاف كدا وشه كشر من الغضب وسمعهم صوت جهوري ارعب أجسامهم وقال:

– انتو واقفين بتعملوا ايييه!!! كل واحد علي مكانه يلاااا مشوفش مخلوق هنا واقف غورو من وشييي ..

كل واحد اتبرجن من صوته وروحوا علي مكانهم ..وانا كان ضربات قلبي سريعه بتخبط في ضلوعي من الخوف اللي شافته عيني حضـ.نت نفسي بدموع ورعب مراد خدني من أيدي وحضـني واتخطي بيا قدام الدفعه اللي كانت مزهوله من تصرفه معايا كل واحد عيونه كانت بتتكلم بدل لسانهم في اللي بيحقد وفي اللي مستغرب وفي اللي ثابت وعايز يفهم ايه اللي بيحصل مراد اختفي من نظراتهم وراح بيا الاوضه.. بقلم مينو 

 واول لما دخل سندني علي الحيطه ومسك وشي ببراءة وهدوء وكان مقرب وشه شويه ومسح دموعي بطرف صوابعه وقال:

– أنا عايزاك تهدي خالص عارف انك مصدومه وعارف انك مش قادره تتنفسي حتي حقك بس متخافيش اللي حصل ده مش ذنبك ومكنش بايدك وكل ده حصل بغفله عين انتي مكنتيش مدركه ولا دريانه مش ذنبك فاهمه ومش هسمح لحد يشوـه صورتك ولا يتهم شرـفك طول ماانا موجود..

سكت لحظه لما شافني بفقد الوعي من كتر الصدمه اللي حصلت ونفسي بيروح مني بيكسـ.ر قلبي عند طلوعه ومن هنا فقدت توازوني ومراد مسكني من وسطي وسند دماغي علي كتفه بسرعه وقال بقلق:

– حور ؟!؟ انتي كويسه..سمع صوت عياطي بتسمع ودنه بقهره كنت بفرغ كل اللي وجعني وكل اللي قهرني علي روح مراد اللي مش قادر يتحكم علي أعصابه من الغيظ والوجع فضل يهديني بنره مطمنه وصوت واطي وقال: 

– ششش اهدي خالص كل حاجه هتتصلح وهدـفن الفيديو لسابع ارض ولا هتتاذي منه ولا حتي نفسيا اوعدك هجيب حقك من الاوسـ.اخ دول اطمني ..

زقته عني وقولت بحرـقه وانهيار:

– انت السبب أنت لو مكنتش دخلت حياتي مكنش كل ده حصلي انت دـمرتني ماليت اللي حواليا من حقد وغل خليتهم يكرهوني والنتيجه اهو اذوني وتعبوني جسديا ونفسيا وانت أولهم خدتني وسيله عشان توصل لهدفك وكل ده بيجيي علي حساب نفسيتي و اوجعاي وحياتي أنا مش مسمحاك لحد يوم الدين أنا بكرهك بكرهك وبكره اى حد يستغل حد في وقت ضعفه و وقوعه ... 

مراد قرب تاني وخدني في حضـ.نه بالعافيه وانا كنت بصرـخ عشان يبعد وكنت بضرـبه بس كتم صريخي بصدـره وكنت بسمع قلبه وبحرـق في بناـر بصوتي قادر يخليه ينهار ويتعقد نفسيا بسبب ضميره الاسوـد مراد اتكلم بحزن شديد:

– طلعي اللي في قلبك أنا هتحمل كل اللي وجعك وهاخده أنا.. أنا فعلا السبب في اللي حصلك أنا إنسان قذـر عشان خليتك كدا بالسوء ده قولي كل اللي نفسك في يا حور أنا  استاهل واستحمل نتيجه اى فعل منك ...

بعدت عنه بتعب وقولت عايزه اروح روحني مش قادره اتنفس هنا هز رأسه بهدوء وطلعنا من الاوضه قبلنا عميد الكلية وكان مضايق وقال:

– أنا مش عارف ايه اللي بيحصل في الكليه دي وانت يا استاذ مراد اللي حصل في المدرج مش مقبول، واللي حصل في المكتب كمان فيه تجاوز، ده مكان تعليمي، مش مسرح للمشاعر وكمان سمعت أنها فضحتنا بصوتها ده ..انت عارف ان ده هياثر علي سمعه الكليه  ..

مراد بصله بقرف واضح وملامحه كانت مزيج بين الغضب والاحتقار وقالله بنبرة حادة: 

– يعني ده همك شكل الكليه وسمعتها ومش همك الطالبه اللي منهارة قدام عينك !! اومال فين بقا حقوق الطالب اللي بتتكلموا عنها في المؤتمرات وفين دور الاداره في حمايه الاولاد معقوله اتبخرت وكله علي الورق!!

العميد انفعل أكتر وقال بعصبية:

– إنت بتغلط فيا يا أستاذ مراد؟! أنا عميد الكلية ومينفعش حد يكلمني كدا... وبعدين بدل ما تتهم الناس، شوف بنفسك المصيبة!! هتعمل فيها ايه .

ومد إيده وفتح الموبايل... وورّى مراد نفس الفيديو.

أنا كنت واقفة وراهم، جسمي بيترعش، ودموعي نازلة، وقلبي بيخبط كإني في ساـحة إعدـام، ولما سمعته بيقول شوف المصيـ.بة، حسيت بإهانة تغرس جوه قلبي لاقيت الفيديو وانا بصرـخ في المدرج ومراد حضـ.ني قال بصوت بارد : 

– أنا معملتش حاجه وحشه أنا كنت بساعدها وده فيديو إيجابي بتعامل معاها بشكل انساني ودعم ولا بضرـبها ولا بهينها ولو فاكر ده هياثر عليك ابقا دور علي اللي صورنا لو شايف أن ده فضيحه ليك ...وبعدين خدني من أيدي ومشينا من قدام عينه ودخلنا العربيه وانا فضلت اعيط بغزاره وصوتي مكتوم وقولت :

– أنا كدا اتفضحت خلاص بقيت مكشوفه للكل أنا ليه بيحصلي كدا يارب ليه يارب خدني وريحني من الوجع ده انا تعبت .. مراد شافني كدا واتغاظ وصدـره اتنفخ من الغضب وقال:

– بعد الشر ممكن تسكتي أنا مش هخلي حد ياذيكي تاني انتي فاهمه والفيديو ده هيتمسح وهجيبه وربنا هجيبه..

بصيت عليه بخذلان وقولت:

– أنا عايزه اكشف علي نفسي وديني اكشف ممكن عايزه اطمن علي نفسي أنا مش مرتاحه ..

مراد اتنهد بعمق وبيحاول يوزن علي أعصابه ويتمكن من غضبه وقال: بقلم مينو 

– حاضر.. وبعدين روحنا للمستشفي وطلبنا دكتوره نساء ملقناش بس كان في زميل لمراد .. 

مراد دخل مكتبه وانا كنت معاه وسلموا علي بعض وكنت متوتره اوي وكنت قافشه في هدوم مراد من الخوف مفيش غيره اللي لما ببقا معاه بطمن وبرتاح وبحس بأمان..قعدت أنا ومراد قدام زميله وقاله كل حاجه والدكتور كان باصص عليا وبيفهم حالتي بإتقان من مراد وبعدين قام وقالي: 

– اتفضلي يا مدام حور لاقيته بيشاورلي علي السرير وبصيت علي مراد بارتجاف والخوف محاصرني وقفت قدام مراد وقولت ببراءه وصوت يسمعه هو بس: 

– انا خايفه يا مراد... قام وقف قدامي ومسك وشي بحنيه وقال: بقلم مينو 

– متخافيش أنا معاكي اهدي ..وبعدين مسك ايديا الاتنين وقال خدي نفس كدا وطلعي يلا أنا واقف ... 

روحت سبته وانا بفرك في أيدي الاتنين واتستحطت علي للسرير والدكتور كان بيلبس الجونتي وقالي حطي رجلك الاتنين علي الدعامات نفذت اللي بيقوله وفعلا لاقيته قفل الستاره علينا روحت ارتبكت وقومت بلهوجه والدكتور استغرب من رد فعلي وقولت بتوتر : 

– مراد.. مراد... مراد جيه بسرعه عليا بخضه لاقيت الدكتور اتكلم بصوت ثابت : 

– مدام حور ده كشف عادي متخافيش هكشف عليكي بسرعه... بقلم مينو 

قولت بدموع : بس انا خايفه خلاص مش عايزه اكشف جيت اتحرك لاقيت مراد مقعدني علي السرير وقال :

– أنا واقف اهو جنبك مش هتحرك هيكشف عليكي بسرعه كشف بسيط مش هتحسي بحاجه اهدي كدا ومتقلقيش .. مراد طمني وحسسني بالأمان واداني تحفيز اسيطر علي خوفي وفعلا نمت علي السرير وهو كان واقف ورا دماغي وماسك ايدي في الوقت ده حسيت أن داخله علي العمليات الولاده واستعد للألم والصرـيخ وده عقلي بيهيئلي كدا إنما كان مجرد كشف عادي من هنا الدكتور استأذن وبدأ يجهز للكشف، بس قلبي كان بيخبط، وكل خلية في جسمي كانت بتترج... بقلم مينو 

  وبترعش من الخوف وقبضه علي ايد مراد بس ملحقش يكشف قومت بسرعه وقولت بارتجاف:

– لا لا خلاص مش هكشف مشيني من هنا ..

مراد بهدوء وصوت ثابت : 

– طيب اهدي معلش هي بس خايفه شويه وقلقانه مش مشكله هنعيد الكشف مره تانيه لما تكون مستعده... الدكتور قعد علي الكرسي وقال: 

– مفيش مشكله لما تكون جاهزه تكشف هكون موجود أن شاء الله... مراد ابتسمله وخدني وركبنا العربيه وقالي : 

– لما انتي خايفه يا حور ليه بتخليني اوديكي للدكتور واتحرج قدامه !! 

سكت لحظه وقولت بدموع: 

– ممكن متسالنيش ليه عشان مش هعرف اديك الجواب.. 

بقلم مينو 

مراد سكت وكمل سواقه لحد لما رجعنا البيت وانا دخلت نمت بدموع لحد لما تعبت ونمت بعمق ومراد قعد في الصاله وفضل يشرـب و يحرـق في سجاير وهيموـت ويعرف مين بعت الفيديو ده وشيماء في السجـ.ن قام مره واحده وخد الجاكيت واتاكد الاول أن أنا نايمه واطمن عليا وبعدين خرج وقفل الباب وراح القسم اللي في شيماء وطلب أنه يشوفها وفعلا شيماء جت بسخريه وقالت: 

– خير تاني هو انت ملكش غيري ولا ايه !!

مراد انفعل عليها بغضب :

– انتي هتستعبطي يا بت انتي عارفه كويس أنا جاي ليه ويلا بقا من غير لف ودوران ومش عايز تحوير عشان لو لاقيتك بتحوري عليا هفصل دماغك عن جسمك..

شيماء خافت من جواها بس بينت برودها وقالت : 

– بس انا معرفش انت بتتكلم عن ايه ولا حتي عارفه جاي ليه ..صوت غضب جهوري هز المكان وقال: 

– انتي هتصيعي عليا أنا صدقت أنا كدا يا بت الوش البرئ انطقي مين اللي بعت الفيديو ده لحور أنا عارف انك صورتيها واللي ياكدلي اكتر انك عارفه مين اللي بعت الفيديو ليها انطقي وقولي الحقيقه بدل ما تشوفي النور تاني ..

قالها بصوت منخفض بس نبرته كانت قاـتلة، وعينيه موـلعة نار، خلّت ضهر شيماء يتفرك من الخوف من غير ما تبينه، بس لسانها لسه طويل وقالت وهي بتضحك بسخرية:

– إنت كدا جاي بتهددني يا دكتور؟ انا مليش دخل من اللي بيحصل ده انت سجنتني ظلم...مراد قرب منها ومسك شعرها بعنـ.ف وقال:

– كدا شكلك عايزه تشوفي مني الوش التاني وبعدين ضرـبها كذا قلم وقال بصريخ انتي اللي زيك يتعامل معاكي بالضرـب عشان يحس علي دـمه ويحكي.. متنرفزنيش انطقييي مين اللي بعت الفيديو ده انطقي وإلا هخلي كل اللي في دماغك يطلع للنور، وبالورق والقانون، ساعتها هتبقي مش بس في السجن... هتبقي منسية... وانتي عارفة إني أقدر. 

شيماء صوـتت وفضلت تتالم من أيده وقالت بخوف : 

حاضر هقول والله سبني الاول..مراد سابها لدرجه كانت هتقع علي الارض وقرب منها تاني بصوت واطي ومرعب :

– هااا قولييي متفوريش دـمي اكتر ما هو مولع اقسم بالله هولعك معايا هخليكي طالعه حرـيقه وبلا رماد ..شيماء اتكلمت وهي خايفه وقالت كل اللي حصل وختمت بجمله وقالت: 

– بس الراجل ده معرفهوش بعت رجالته وعرض عليا مبلغ كبير محلمش بيه طول حياتي وعشان كدا قبلت حاولت اعرف مين الراجل ده من اسمه هددوني بكذا حاجه كدا تخصني وعشان احمي نفسي استغنيت عن حور وكمان خدت من وراها المبلغ الكبير ده ونفذت طلابهم معلش بقا يا دكتور كل واحد عايز ينفد بجلده من الناـر بس والله العظيم أنا معرفش مين الراجل ده ولا اعرف جنس مليته ..

مراد اتنهد بعصبية وقال: 

– ده انتي طلعتي واطيه وزباـله ومش باقيه على حد!

قرب منها وهو بيجز على سنانه وقال:

انتي إيه يا شيخة؟! مفيش دـم؟ مفيش رحمه؟

لف حواليها بعصبية وقال:

بتلعبي في سُمعة بنت! بنت مالهاش غير ربنا!

بص لها بنظرة كلها قرف وقال:

انتي لو عندك ذرة ضمير، مكنتيش فكرتي تعملي كده حتى لو بتكرهيها!

سكت لحظة، وبص لها تاني وقال:

بس عادي، اللي زيك عمره ما يعرف يعني إيه قلب ولا نخوـة، لأنك ببساطة... مفيش فيكي غير القذـارة! 

وبعدين بص باصه استحقار ومشي ورجع للبيت بس وهو داخل حس بحاجه مش طبيعيه سرع خطواته ناحيه الاوضه بتاعتي وشاف الاوضه متبهدله وكل حاجه متكسـ.ره ده كأن قامت الحرب وغير كمان اتصدم لما شاف دـم علي الارض في كل خطوه بيمشيها كان رجله بتتهز من الرعب عليا مراد راقب بعينه في كل حته في الاوضه ملقنيش وهنا قلبه اتنفض من مكانه راح دور عليا ملقنيش شاف باب الحمام مقفول وجري يخبط علي الباب مفيش رد مني ومن هنا مراد هاجم بجسمه كله وفتح الباب واتصدـم لما شافني قاعده علي الارض وأيدي الاتنين بينزـفه وتعبيرات وشي ثابته مش بتتحرك كأني داخله في حاله صدمه مراد جري عليا وقال بخوف :

– حور ردي عليا ايه اللي عملتيه ده بس !!! .. جاب الفوطه وحاول يكتم الدـم ده غير كمان شافني معوره نفسي في كل حته في جسمي وده استكشفه لما شاف موـس علي الارض وشه اتشل… جسمه اتجمد…

مسك دراعي وهو بيصرخ:

– حور!! فوقي!! حورر..

 مراد وهو بيصرخ عشان يفوقني من الصدمه دخلت واحده عليه من صوته وصرـخت من المنظر مراد لف ضهره من الصرخه واستغرب وقال بغضب:

–  نسمه !! انتيييي مين اللي جابك هنا؟!! قبل ما تقول اخوها اتخض من صوتها ودخل بسرعه يشوف في ايه وهنا مراد شاف ابن عمه اتجنن اكتر عشان كنت مكشوفه في عينه وانفعل مراد عليهم وقال بصوت جهوري: 

– اطلعوا براااا برااا ووووو يتبع