بعدما اخدت الشيفت بتاعي باليل... ودخلت اسهر علي راحة العمدة

 الي كان فاقد الوعي ومازال في  الغيبوبة

 مسكت ايد العمدة وبدات ادعيلة

وفي اللحظة دي

شعرت بايده بتضغط علي ايدي وبتقيدها بالقوة

 وفجاءة بقيت في قبضة يده

في اللخظة دي

سمعت  صوت عفريت شاكر بيكلمني

وبيخيرني ما بين اني اسرق خزنة العمدة واهرب

او اضغط علي الولاعة واقضي علية لان لحظتها النور هيحرقة 

بس طبعا العفريت حذرني من اني اعمل كده

لان لو عفريت شاكر اتحرق

العمدة هيفوق وهيقدمني للمحاكمة وهت..&شنق

في اللحظة دي

اخدت القرار وضغطت علي الولاعة عشان النور يحرق العفريت..

وساعتها هبقي انقذت العمدة

لكن...المفاجئة

ان النور كشف خدعة العفريت المزعوم

لان الي شوفتة لحظتها مكنش عفريت شاكر

دا  الي كان ادامي 

هو....( العمدة)

 ايوه الي كان بيكلمني في الضلمة هو  العمدة

في اللخظة دي

شعرت بان تفكيري اتشل

ومبقتش قادرة استوعب الي بيحصل

فاسألتة وانا ببصلة بزهول

وقلتلة...معقولة؟

يعني انت مش فاقد الوعي ياعمدة؟

لا ...لحظة؟

يعني ... انت الي كنت بتساومني

 من لحظات مش عفريت شاكر؟

فا رد  العمدة عليا بسؤال

وقالي... اعترفي حالا بالحقيقة 

وقولي... فين ماء التنين؟

فا رديت باسف..

وقلتلة..

ماء التنين...انت شربتة 

وحتي البقايا الي كانت في الزجاجة

اخدوها للمعمل

في اللحظة دي

اتعصب عليا العمدة

وقالي...بطلي تمثيل يا عبير

نبوية اعترفت عليكي

وقالت انك محتفظة  بمية التنين عشان تقتليني بيها

فا نفيت التهمة المتوجهة ليا

وقلت..لا طبعا

نبوية كدابة...

لكن..

للاسف   العمدة  مصدقنيش 

ورد  بغضب

وقالي..

احسنلك تقولي فين ماء التنين بدل ما انتزع منك الاعتراف بطريقتي

فا رديت بحسن نية

وقلتلة..

صدقني مية التنين الي كانت معايا ...مطلعش فيها اي سموم

ولو مش مصدقني اسأل الدكتور الي معاه نتيجة التحليل

في اللحظة دي

كشر  العمدة عن انيابة..

وفتح خزنتة وطلعةمنها زجاجتين صغيرين اشبة بالحقن

زجاجة لونها احمر والتانية لونها ازرق

 والي خلاني اتأكدت انهم حقن هو اني شوفت معاهم سرنجة

في ايد العمدة

وبعدما سحب العمدة العقار الي في الزجاجة الحمراء

قرب مني وبمجرد ما اتمكن من ذراعي

حقني في ذراعي بالعقار الاحمر

وبعدها قرب العمدة مني وهو بيهمس في وداني

وقالي..

انا حقنتك دلوقتي بسم بطيئ المفعول

 يعني ادامك ٢٤ ساعة ويقضي عليكي

في اللخظة دي

صرخت وقلتلة

طب ليه كدا؟

هو ايه الذنب الي انا ارتكبتة عشان تعمل فيا كل دا؟

فا رد العمدة وهو بيلوح   بالزجاجة الزرقاء..

وقالي..في ايدك تنقذي نفسك

ولو جيبتيلي ماء التنين 

هحقنك بالترياق الازرق

وهتعيشي وهكافئك كمان

في اللحظة دي

فضلت اعيط واتوسل له

واقولة..ارجوك يا عمدة صدقني نبوية بتكرهني واكيد هي الي كرهتك فيا اوي كده

طب اقولك حاجة؟

اقسملك ان نبوية هي الي جابتلي مية بيضاء واوهمتني انها عمل وخلتني اسقيها لامي وفي الاخر المية طلعت سم وامي ماتت بسببها

و اكيد هي السبب في المرار الي انا فيه دلوقتي دا

في اللحظة دي

شرد العمدة بذهنة شوية

وبعدها

رن العمدة علي عمتة

وكان واضح ان العمة عارفة بامر تمثيلية الغيبوبة

المهم

لما العمة دخلت علينا

طلب منها العمدة

انها تخرج تزف خبر شفائة من الغيبوبة علي الجميع

وبالمرة تجيب نبوية في ايديها وهي جاية

وبالفعل

خرجت العمة ونفذت طلبات العمدة

وفي اللحظة دي

اخذ العمده في اخفاء اي اثر للعقار

وبعدها نبه عليا وحذرني

وقالي..حذار حد يعرف حاجة

عن الكلام الي دار بينا من شوية..

ولو نطقتي او قولتي  عن الحقنة 

 ...هتفقدي الامل في اخذ الترياق

ورجع العمدة ينبه عليا لاخر مره

وقالي..ادامك يوم واحد بس عشان تجيبي مية التنين

ولو اليوم عدي ومجبتيش الميه يبقي احسنلك تكتبي وصيتك

لانك هتموتي تاني يوم

انتي فاهمة؟

فا رديت وانا ببكي

وقلتلة..فاهمة

المهم..

بعد شوية لقيت نبوية داخلة تزغرط ...

ودا بعدما عرفت خبر شفاء العمدة من عمتة

وفضلت نبوية تهني نفسها...

وتقول... يا سعدك 

يا هناكي بشفاء خطيبك يا نبوية ..

واقتربت نبوية من العمدة 

وقالتلة ...الف حمد لله علي السلامة يا عمدة

في اللحظة دي

بصلنا العمدة

وقالنا..اسمعوا بقي انتوا الاتنين

انا قررت اني مش هتجوز غير واحده بس

فا ردت نبوية

بقلق

وقالتلة..

وانت اخترت مين فينا  يا سيد الناس؟

فا رد العمدة

وقالها..

الي هتجيبلي علاجي منكم هي الي انا هتجوزها

فا ردت نبوية

وسالتة

وقالتلة..

وايه هو علاجك يا سيد الناس؟

فا رد العمدة

وقال..علاج للعجز

اصل انا فوقت من الاغماءة لكن رجلي مازالت مشلولة

والشيوخ قالولي

اني عشان اقوم واقف علي رجلي تاني

فا لازم ادهنها بمية التنين

وبصراحة كده انا مش هتجوز غير الي هتساعدني علي الشفاء

وتجيبلي ماء التنين

 في اللحظة دي

اخدت نبوية جنب وقعدت تفكر

ومردتش علي كلام العمدة باي اجابة

فا اعطانا العمدة مهلة يوم

عشان نجيب له مية التنين

وقالنا الي مش هتقدر تجيب المية..مترجعش لدوار العمدة تاني

يعني طردنا العمدة تقريبا من بيتة

وبالرغم من اننا خرجنا من بيت العمدة انا ونبوية

بدون اي مكسب

لكن انا كنت بحسد نبوية لانها بالرغم من كل الجرايم الي ارتكبتها... خارجة بدون اي خسائر

 مش زي حالاتي..

كلها يوم والسم هيقضي عليا

وحياتي كلها هتنتهي

المهم

بعدما خرجنا من بيت العمدة

اتفاجئت  بنبوية وهي سيباني و بتجري وكأنها رايحة مشوار ومستعجلة

في اللحظة دي

لقيتني واقفة لوحدي ادام بيت العمدة ومش عارفة اروح فين ولا هعمل ايه ؟ ولا هاتصرف ازاي

كل الي عملتة اني بعدما خرجت برا بيت العمدة ... قعدت في الارض جنب سور الدوأر 

وفضلت اعيط

وانا بسأل نفسي

وبقول...هو ازاي العمدة كان عامل فيها عفريت شاكر وازاي كان بيطلب مني اقتل العمدة؟

وازاي عفريت شاكر اعطاني مية التنين وازاي العمدة عايز المية دلوقتي ؟

طب كان بيديهاني ليه من الاول؟

لا لا استحالة  العمدة يكون هو نفسة عفريت شاكر

لان هاني جوزي قبل ما يموت قالي...ان شاكر واقف ادامة وبيكلمة

طب تيجي ازاي دي؟

وبعدين شاكر كان كل طلبة هو اني اقتل العمدة

طب ازاي؟

وليه العمدة  يعمل نفسة عفريت ويطلب مني اني اقتلة؟

 و......و........و.......

وفضلت دماغي تروح وتيجي

لغاية ما عدي اكتر من ساعة وانا كنت مازلت في مكاني

وبرضوا مفهمتش اي حاجة

ومستوعبنش الي بيحصل

بس كل الي كنت عارفاه ساعتها  ان الوقت بيجري وانا مش عارفة هنقذ نفسي ازاي ولا هجيب المية منين

وفضلت الطم علي وشي

واقول..

عفريت شاكر هو الي كان بيجيب مية التنين

وطالما مفيش عفريت شاكر يبقي مفيش مية التنين

طب اعمل ايه؟ 

اعمل ايه؟

اعمل ايه؟

في اللحظة دي

سمعت صوت جاي من ورايا

وقالي...انتي هنا يا عبير وانا بدور عليكي....؟