– مراااااااد اصحي مراااااد  هزيته كتير وانا مرعوبه عليه ارتبكت لما لاقيته بيتنفض قدامي وعيونه مقفوله وكان في تصاعد في نفسه وبيترعش كأنه بيتصارع مع حاجات تقيله وجعاه  حسيت بوغز في قلبي وعجز من الموقف قومت وانا ماسكه وسطي بوجع وروحت اجيب مايه ليه وقربت منه وشيلت دماغه وسندته علي رجلي وبحاول اشربه وانا ايدي بتتهز قولت بدموع:

مراد فوق اشرب ...اشرب يا مراد اهدا وخد نفس ...

شربته بوق بالعافيه وبعدين لاقيت نفسه بدأ ينتظم وجسمه وقف من الارتجاف وانا خدت نفسي براحه وخدته في حضني وحتوايته جوايا وسندت دماغي علي دماغه قعدت بتاع عشر دقايق كدا لحد لما فاق وبدأ يستوعب نفسه وبص عليا بشويش وابتسم بارهاق وانا اتوترت في مكاني وعيوني كانت بتهرب من عينه قالي بصوت دافي :

– حور !! بصيت عليه بخجل وقولت : 

– ايه يا مراد انت كويس دلوقتي ؟! 

مسك ايدي بجراه وقربها من شفاـيفه بحنان وباـسها بالبطي وشعرت بسخنيه من انفاسه بتحرـق ايدي بس بتوصلي بمشاعر كلها حب وعشق ورغبه محبوسه وقال: 

– عمري ما هبقا كويس وانتي بعيده عني خليكي جنبي كدا علي طول.. 

عيونه بتلمع بنظرات بريئه وحنيه ورجاء اختلطه بمشاعر واحده بتتكلم بعيونه بدل صوته وكمل كلامه وهو متشوق لشفاـيفي : بقلمي مينو 

– انتي لسه زعلانه مني ؟!! سكت لحظه واتنهد بإحباط لما ملقاش مني رد.. وقال أنا معرفش بسالك ليه طبيعي تكوني شايله مني ومش طيقاني اللي حصلك مني مش سهل أنا اللي اذيتك في عز ما كنتي ورده مفتحه أنا جيت سودتها أنا كنت شخص اناني فكرت في نفسي بس، محستش قد إيه كنت بوجعك بكلامي وتصرفاتي أنا ندمان بعد ما شوفت فيكي الخوف عليا وانا في أضعف لحظه رغم قسوتي ليكي  حسستيني أن أنا شخص مستاهلش انك تساعديه عشان أنا قلبي مليان سوـاد مالي روحي ...

قطـ.عته بحزن وقلبي مليان سكاكيـ.ن وقولت: 

– مراد كفايه كدا اللي حصلي مش ذنبك حاجات كتير انت مكنتش فيها أنا تاذيت من صحابي وخده اعز ما املك ودي حاجه متتعوضش ومتجيش حاجه من اللي عملته معايا انت بردو وقفت جنبي وكنت بساعدني في اسوء حالاتي أنا كان مغلوب على امري ودوقت الغلب والقهر والوجع لدرجه كنت هموـت نفسي بس انت كنت كل مره تلحقني وبترد روحي لجسمي تاني وحاليا بعد المواقف دي ملقتش امان لروحي إلا معاك ...

مراد قلبه دق دقات الحب واتامل فيا بنظرات رقيقه وتركيزه في شفاـيفي وانا بتكلم قام من علي رجلي وبعدين مد أيده ليا و ابتسمت بتوتر وقلبي بيدق بعنـ.ف مسكت أيده وقومت بوجع وكنت هقع بس مراد شدني في حضـ.ني وابتسم وقال بهمس :

– مش كل مره بقا انقذك لازم نخلي بالنا من نفسنا ولا ايه بص برغبه علي شفاـيفي وانا بلعت ريقي من الخوف لاقيته بيقرب شفاـيفه ليا بالبطي وباـسني برقه وحنيه وانا قلبي سكت مع الهدوء رغم كان في عواصف وزلزال في قلبي من الخوف ناحيته قعد بتاع ثواني وبعد و خدنا نفسنا بعمق وقالي بصوت مبحوح مليان حب وشوق وكل كلمه بتطلع من قلبه مش مجرد حروف :

– أنا بحبك اوي بحبك لدرجه ان أنا ممكن أفدي بروحي عشانك انتي واخده حياتي اللي أنا مش لاقيها غير معاكي .. معاكي انتي بس ... بقلمي مينو 

طبع شفاـيفه مره تانيه بلطف وكأن كل قبلة هي وعد جديد إنه مهما كانت الدنيا صعبة، هو دايمًا هيكون جنبي. انا كنت حاسة بدفء شفاـيفه، وكأني بشعر بحب غير محدود، حب مالوش نهاية ولا حدود بعد مره تاني وسحبني وقعدني علي السرير وكل دقه من قلبي بتقع علي رجلي من الخوف جسمي اتشنج مره واحده من لمساته ليا حس قلبي بيخفق بسرعه و شاف دموعي نازله من الرعب بعد عني بشويش وبص في عيوني وقال بهدوء وخوف عليا : 

– لا لا اهدي متخافيش بصي معملتش حاجه خالص ... عيطت بحرـقه وخذلان: بقلمي مينو 

– مش قادره انسي أن في واحد لمسني قبلك الموضوع صعب عليا وجسمي مش قادر يتعايش مع الوضع وقربك ليا بيرعبني وكأنه هو لا لا أنا مش هقدر اعمل كدا انا اسفه ... مراد اتنهد بحزن بس ورا بركان ناـر شغاله بتاكل في من اللي حصلي خدني في حضـ.نه ومسح على شعري بلطف..

وقال بصوت هادي : بقلمي مينو 

– ولا يهمك خالص خدي وقتك لحد لما تكوني جاهزه نفسياً وانا هساعدك متخافيش ...

عدي ايام وعلاقتي أنا ومراد بدأت تتحسن وتقربنا من بعض اكتر وفي يوم كنت في الكليه بمتحن لاقيت واحد بيهز في رجل الكرسي بتاعي وقالي بصوت واطي : 

– هاتي ورقتك ..اضايقت من تصرفاته واتجاهلت كلامه ولاقيته بيهمس وقال بصوت واطي: 

– مش انتي صاحبه شيماء!!!.. بقلمي مينو 

 اتفاجت من كلامه ولاقيته كمل وقال ولا صاحبي اللي دخل عليكي يبخته كان نفسي ادوق بداله الصراحه يعني عيني متشالتش منك وهموـت واجربك ...

قومت من مكاني وزعقت في بغضب وانا في كل حته من الوجع نشأت من جديد: 

– انت انسان قذـر وزباـله انت ازاي تقولي الكلام ده اجي معاك فين هااا!!!؟ روحت ضرـبته بالشنطه في وشه والمراقبين اتلموا عليا وهو خاف روحت صرـخت بغضب وقولت: 

– أبعده الحيواـنننن ده عنييي حالااا...غور من وشييي ... واحده شافتني بسخريه وقالت : 

– ايه ده هو انتي البنت اللي اتشهرت بالصويت في المدرج ودكتور مراد نزل عليه الحنيه وحضـ.نك قدام الدفعه كلها وبعدين ضحكت باستهزاء واحده مغفله...

المراقبين اتكلموا بصوت صارم وقالو : 

– بس يا بنتي انتي اسكتي سكوووت مش عايز صووت والا احسب الورق ..وبعدين قالي بجمود اتفضلي يا انسه أنا سكتهم.. قعدت في مكاني وعيوني مليانة دموع من الإهانة والذل، بعد ما بقيت سيره في كل لسان شخص ..خلصت الامتحان وطلعت برا وانا بخبي نفسي من نظراتهم لاقيت الواد شدني في حته مستخبيه وكتم بوقي وقال بصوت واطي ومرعب : 

– هو انتي فكرا نفسك بعد ما تزعقيلي وتهيني بكرامتي قدامهم هسكت وهسيبك ؟!!

 أنا فضلت اصوت في أيده جامد وابعده عني وانا مرعوبه قالي برغبه: 

–هو أنا قولتلك قبل كدا أن أنا نفسي اجربك صح!!! ..

سحبني من وسطي جامد وكان بيكتم نفسي اكتر عشان مصدرش صوت ولكن حد من صحابه شده جامد 

وقاله:

– سيبها ياسطا هتجبلنا مشاكل الله يخربيتك جريت من قدامه بس جيه عشان يقفشني عورني بضوافره في دراعي شهقت بوجع ومسكت دراعي وجريت ثانيه واختفيت من عينه ..زق صاحبه بعنـ.ف وقال بعصبية: 

– هو انتي غبي ؟؟! انت متعرفش مين دي ..دي اللي دخلت واحد صاحبنا السجـ.ن يا متخلـ.ف ...

صاحبه بهدوء: ملناش دعوه يعم سيبها مش عايزين احنا كمان نحصله...

فضلت ماشيه بدموع وبجري وانا مكسـ.وره وعايزه اخد اقرب عربيه تخدني لاقيت مراد شدني من أيدي وأنا صوـت جامد من الخوف وقربني منه وقالي بشويش : 

– اهدي أنا مراد ..وبعدين اتزهل في مكانه لما شافني بعيط ودراعي مجرـوح وقال بعصبية وعروقه هتنفـ.جر: 

– مين عمل فيكي كدا انطقي؟!!!

 عيطت بانهيار وكنت بتشهق بعنـ.ف وقولت بارتجاف :

– مفيش مشيني من هنا بالله عليك..

خدي في حضـ.نه وقالي بضيق : بقلمي مينو 

– طب أهدي أنا عايزه اعرف مين عمل فيكي كدا عشان هدوسه برجليا ومش هرحمه وربنا ...

مسحت دموعي ودخلت العربيه وقولت:

– بعد اذنك روحني الاول .. بقلمي مينو 

مراد جز علي سنانه بضيق وروحنا البيت واحنا داخلين رساله جاتله علي الفون ومراد فتح الرساله كان أبوه وقال: 

– لسه مستغني عن حبيبتك هتيجي ولا هيبقى في كلام تاني !! مراد قفل الفون بعصبية ومسك في وشه بخنقه وبيحاول يسيطر على اعصابه وانا قلقت عليه بس دماغي كانت مشغوله ف جرـحي دخلت الاوضه وجبت قطن متبل وبدأت امشي علي خدوش اللي بتحرـقني وشهقت بوجع مراد دخل الاوضه وقرب مني عيونه كانت مليانة قلق، لكن ملامحه بتخبي شعور أعمق، حاجة ما بين الغضب والرغبة في الانتقام. قرب مني، سحب القطنة من إيدي بجمود وهو بيبص في عيني:

– مش هتقولي مين اللي عمل كدا في دراعك ولا هتعندي معايا..

أنا حاولت أهرب من مواجهته، تنهدت بإحباط وقلت ببرود مصطنع:

–مفيش حاجه يا مراد أنا جيت اقوم من علي الكرسي احتكيت بكذا خشبايه مفيش داعي للقلق يعني..

ميل وشه ليا وقال باستهزاء : 

– أنا كدا صدقت يعني خايفه من ايه يا حور مين بيضايقك قوليلي متخافيش أنا وانتي هنحل مع بعض اوعدك ..قومت بضيق ومشيت من قدامه وقولت :

– مفيش حاجه عشان نحلها .. 

دخلت الحمام بسرعة، قفلت الباب ووقفت وراه، صوت عياطي كان مكتوم، حسيت إن جسمي كله بيتكـ.سر من جوا. حسيت إن كل الذكريات اللي بحاول أنساها بترجع تاني، وإن وجعي مش لاقي طريقه غير في دموعي.

 عدي بتاع نص ساعه وخرجت من الحمام ملقتش مراد استغربت من اختفائه وطلعت من الاوضه وانا بخفف خطواتي سمعت صوت أنفاسه تقيلة جاي من أوضته. قربت بحذر وقلبي بيدق بسرعة فتحت الباب بشويش.

اتفاجئت بيه قاعد على طرف السرير، كم قميصه مرفوع، وبيمسك حقنة وبيحقن نفسه في دراعه بسرعة، أول ما حس بيا، رمى الحقنة على الأرض بسرعة وقام واقف وملامحه متوترة، قرب مني وهو بيقول بعصبية:

– انتي ايه اللي جابك هنا مش تستاذني قبل ما تيجي ولا هي بوابه من غير حارس!! قال كدا وهو بينهج و وشه بيكب عرق بصيتله بشك وقلبي اتقبض، حاسة إن في حاجة مش مظبوطة، قلت بتردد: 

– هو انت كنت بتاخد حقنه ليه؟!

 عيونه كانت بتهرب وملامح وشه اتغيرت لتوتر وقال بضيق :

– انتي مالك !!؟ وبعدين مباخدش حاجه ممكن تطلعي بعد اذنك ...

مركزتش علي كلامه وشوفت شنطه هدوم وبيلم فيها وقولت باستغراب اكتر: 

– انت ماشي في حته ولا ايه ؟؟

 بص علي شنطه وحك في شعره وقال بهدوء مصطنع وبيحاول يوزن أنفاسه: 

– اها ماشي وهتيجي معايا عشان مش هسيبك لوحدك ..

رفعت حواجبي بتعجب وقولت : 

– هنروح علي فين ؟!!! مراد زهق من الاسئله وقال بخنقه :

– انتي بتسالي كتير ليه يا حور روحي جهزي حاجاتك 

اضايقت من أسلوبه معايا واتكلمت بصوت حازم : 

– أنا رجلي مش هتتحرك من هنا غير ما اعرف احنا رايحين فين وفجاه كدا بدون مقدمات ...

مراد حب يريح اعصابي وبدأ يحور في الكلام عشان أصدقه وقال : 

– رايح اعيش مع اهلي كام يوم وهنرجع عشان امي تعبانه..ربعت ايدي بثبات وقولت : 

– هو الف سلامه وكل حاجه بس انا ايه اللي يوديني عن ناس مش طيقاني ... مراد اتنهد وهو بيضغط علي أعصابه وقال ببرود : 

– حور انتي ملكيش كلام معاهم انتي جايه بصفتك مراتي ولا حد هيكلمك ولا انتي تكلميهم هو كام يوم هنقعدهم وهنرجع تاني ممكن بعد اذنك تحضري شنطتك ..

قولت بجمود ودـمي بيمشي في عروقي ببرود:

– لا أنا مرتاحه هنا امشي انت ..

مراد قرب مني بغضب وقال بصوت حاسم : 

– حووورر !!!! اسمعي الكلام متخرجنيش عن شعوري روحي البسي ..

صوت صرـيخه نفض جسمي في مكاني خلاني اتوتر بس اصريت علي موقفي وبينت برودي وقولت : 

– وانا مش رايحه في حته..لاقيته شالني من وسطي وانا ضرـبته في ضهره عشان ينزلني وقولت :

– نزلني يا مراد نزلنيييي !! 

دخلت الاوضه بتاعتي وبعدين نزلني وجاب الشنطه ولم هدومي كلها وانا فضلت عاند معاه واشيل هدومي من شنطتي بص ليا بنظرات مرعبه بتوعدلي كشيت من نفسي ورجعت خطوه وقولت بصوت مخنوق : 

– أنا مش رايحه في حته هو بالعافيه.. 

مردش عليا، كان عينه مسلطة عليا، مصمم يفرض سيطرته، وبعد ما خلص لم هدومي وقف قدامي وقال بنبرة آمرة:  –غيري هدومك.

 هزيت راسي وقولت بعند :

– لا بردو .. متكلمش بردو 

وراح جابلي اللبس وبدأ ينزع هدومي وانا خوفت من تصرفاته وقولت بخوف: 

– مراد انت بتعمل ايه ابعد عني ...لاقيته مسمعنيش كان بطريقه غريبه و بيحاول ينزع هدومي بالعافيه صرـخت في بقوه : بقلمي مينو 

– مرااااد ... ابعدددد؟؟؟؟!!

فاق من شروده وبعد عني وبدأ يتأسف ليا وقال بصوت متلخبط وندم ومش عارف يقول ايه : 

– أنا أنا آسف بجد دماغي مكنتش فيا اسف وبعدين طلع برا الاوضه وهو بيلعن في نفسه ... بقلم مينو 

وانا اتنهدت بوجع ولسه دموعي هتنزل بس خدت نفس بعمق وسيطرت علي ضعفي روحت لبست هدومي وطلعتله وانا ماسكه شنطتي وهو كان مكسوف من نفسه ومكنش قادر يبص في عيني خد شنطته وبعدين نزلنا وركبنا العربيه وكنت ملزمه الصمت طول الطريق ومكنتش طيقاه بعد ما بدأت احبه رجعت لنقطه الصفر في مشاعري قربنا من البيت وخرجنا من العربيه ومسك ايدي وانا كنت ببعده عني بس ضغط علي ايدي لدرجه وجعني وبعدين دخلنا البيت لاقيت أبوه وأمه وبنت عمه ..

أبوه رحب بيه وجيه حضـ.نه وكنت شامه في الخبث وقال : 

اخيرا الغالي ابن الغالي وصل وسمع الكلام وفهم مصلحته وبعدين بص ليا بنظرات غريبه مفهمتش منها بردو

مراد اتكلم بسخريه : بقلم مينو 

– أنا جاي عشان امي غير كدا محدش في البيت ده ملزمني بص لبنت عمه وأبوه وكأنه بيتبر منهم أنا مفهمتش نظراته ليهم بس حسيت أن في حاجه مش طبيعيه وبعدين سلم علي أمه بحب وقربني منها في الوقت ده لما خدتني في حضنها حسيت بنعومه وحنيه ودفئ ومحستهاش بقالي فتره كنت محتاجه اوي الحضن ده فكرتني بي امي اللي مشوفتهاش بقالي زمن بعدت عنها وابتسمت وقالت : 

– زي القمر يا حبيبي مشاء الله لمست وشي بحنيه الام وانا ابتسمت ببراءه ليها وقولت : بقلم مينو 

–شكرا يا طنط ده من ذوقك ..

مراد خدني من أيدي وقال : 

– طيب أنا هطلع اريح أنا ومراتي شويه ..لاقيت بنت عمه بتقوله بضيق : 

– طب وانا ؟؟ دقق في الكلام باستنكار وقال: 

– وانتي ايه بظبط ؟؟ قربت منه بمياعه ودلع وكانت بتظبط في الجاكيت بتاعه وقالت : بقلم مينو

– هو انت نسيت مراتك نسمه ..

بصيت بصدمه لي وعيوني كانت مزهوله واتسمرت في مكاني وقولت بهمس : 

– هي مراتك!!! مراد اتبرجن في مكانه من جواه بس ظهر بشخصيته المغروره وبعد ايديها وقال :

– وانا قولتلك أن أنا وانتي مغصوبين لبعض عشانهم يعني انتي متهمنيش وبعدين زقها وجرني ورا وانا لسه مش مستوعبه الكلام وطلعنا علي الاوضه وقفل الباب وحس مني أن أنا مضايقه ومش بديله وش ..

قرب مني ومسك ايدي وباـسها بحنيه وانا كنت باصه الناحيه التانيه وبعدين بدأ بالكلام وقال : بقلم مينو 

– اكيد بعد العك اللي حصل والمواقف اللي اتركمت مره واحده مش هتديني وش صح!! 

تعبيرات وشي كانت جامده ومفيش حرف مني عايز يطلع مراد لف وشي ناحيته وقال بندم وببراءه : 

– بصي أنا لو قولتلك ايه اللي بيحصل مش هتفهمي لأن أنا نفسي مش فاهم اللي بيجرالي وكل اللي بيحصل ده سوابق قديمه يعني حصلت مني غصب عني في ارجوكي قدريني ..

بصيت عليه بنظرات مخنوـقه وخذلان وكلها غيظ وغضب والم ومشاعري مشوشه وبحاول افهم قصته وقولت: 

– هو انت لو قولت هتخسر حاجه ؟!! انت مخبي عليا حاجات كتير أنا مش فهماها انت قصتك كلها غموض صعب افهم تعبيراتها وتفاصيلها مره اشوفك كويس ومره اشوفك مخنوق ومخبي عليا ولا طلتك بمفاجاه انك عايز تمشي ولا حوار الحقن اللي ضرـبتها في ايدك وخبيتها مني ولا نظرتك لابوك وكلامك بااهانه  ولا مامتك اللي لاقيتها صحتها احسن مني ومنك سكت لحظه وانا قلبي بيتحرـق من الجمله اللي مش عارفه انطقها ولا بنت عمك اللي كنت رفضها ولاقيتك اجوزتها مره واحده ...انت غرضك ايه يا مراد أنا مبقتش فاهمه منك حاجه ...مسك وشي بحنيه ومشاعره متلخبطه وحس بحجم الالم وقال : 

– هتعرفي كل حاجه مع الوقت .. بقلم مينو 

ابتسمت بقله الحيله وبعدت عنه وروحت نمت وخبيت نفسي منه وبخبي اوجعاي اللي محاصره قلبي من كل ناحيه وهو جيه نام جنبي وبص في عيوني بندم اتنهدت ولفيت ضهري ليه وبعدت عنه بمسافه صغيره وهو فضل يتكلم في نفسه وقال غصب عني يا حور مش هينفع اقولك أن أنا جاي عشان احميكي من الديابه الصمت احسن من ميت كلمه ممكن توجعك في لحظه وتكـ.سر روحك وقلبك الكلام عمره ما كان سهل يتقال ولا سر من الاسرار هتقدري تستحملي تسمعيه الافضل الصمت عشان تحافظي علي روحك ..وبعدين غفل عينه ونام بعمق ... بقلم مينو 

الوقت عدي بينا وجيه في وقت الليل صحيت عشان اخش التواليت وطلعت ماسكه بطني فتحت الشنطه بتاعتي ونسيت العلبه اللي بستخدمها كل شهر معقوله نسيتها في البيت قعدت علي السرير وانا بطلع صوت بسيط من الوجع مراد سمع صوتي وقام وقال بقلق : 

– مالك ؟؟ مسكت بطني ومش قادره استحمل الوجع وقولت :

– مفيش حاجه شويه وجع هو انت مينفعش تجبلي.... وبعدين سكت شويه من الكسوف وفي نفس الوقت الوجع بياكلني مراد فهم اللي قصده وقال: 

– استني هنزل اجبلك وبتخدي مسكن معين ولا حاجه..هزيت راسي وقولت بألم:

اها في مسكن باخده ونسيته في البيت بردو اسمه ..... وبعدين مراد قام وخد الجاكيت وقال : 

– هروح اجبلك متتحركيش من هنا ماشي ولا تطلعي من برا الاوضه هزيت راسي بوجع شديد وفضلت اتالم بصوت يسمع الاوضه بس وعدي دقايق وانا قاعده بدمع من الوجع سمعت صوت حرك جسمي في مكانه من الفزع خلاني انسي الالم لاقيت حد بيرمي طوب في الشباك جيت اشوف في ايه وفتحت الشباك عشان اعرف مين بيرمي الطوب بصيت في كل حته في الجنينه ملقتش حد ..بس فجاه سمعت صوت من ورايا خضني لفيت ضهري وكنت هقع من الشباك وفعلا جسمي كان برا وصرـخت بصوتي كله وقولت : 

– لا لااااا اااااااا ؟!!!!!!

 لاقيت مراد شدني من أيدي بعزم كله وجسمي كان برا كنت ما بين الحياه والموـت ولاقيت اعلي صوته بخوف وقال: 

– حوووور!!!!!

صرـخت بدموع :

– مرااااد ونبيي مسبنيش ونبي بالله عليك

 عيطت بدموع جامد ومراد خاف اكتر عليا شدني جامد بكل قوته وقال وهو بينهج وصوته مخنوق جامد:

– عمري ما هسيبك يا حور استحاله اسيبك انتي فاهمه !!!!وبعدين شدني اكتر ودخلني جوه الشباك ووقعت عليه علي الارض وووووو يتبع