عدا اليوم بسلام علي الكل 

تاني يوم في المستشفى 

*******************

بدأت سندس تفوق واحده واحده وتستدرج الدنيا حواليها كانت الممرضه عندها ساعتها

الممرضه بابتسامه. حمدالله على السلامة 

سندس بتفتح عينها وتقفلها لغايت مافاقت واكلمت براحه. اي الي حصل 

الممرضه. انتي عملتي حادثة وبقالك شهر في غيبوبه وحصلك حاجات كتيره بس الحمدلله ربنا كتبلك عمر جديد 

سندس. انا مش حاسه بنص جسمي خلاص ولا عارفه احركو 

الممرضه.الحادثه كانت كبيره هي عمليه صغيره وهترجعي زي الفل

ودخل الدكتور اتطمن علي حالتها ونقلها اوضه عاديه وكلم اخواتها 

اتنقلت اوضه عاديه بس التعب لسه باين عليها

الممرضه. انا ركبتك المحلول مش هتحسي بحاجه 

سندس. انا عطشانه اوي 

الممرضه. بعد المحلول هتشربي وتاكلي عادي طلعت الممرضه ونامت سندس من التعب عقبال مايجو اخواتها 

وصل اياد المستشفى زي كل يوم عشان يعد معاها طلع على العنايه ملقهاش قلبو وقف افتكر انها ماتت فضل يسال محدش عارف حاجه عنها خالص لغايت ماشاف الممرضه 

الممرضه. استاذ اياد الانسه سندس الحمدلله فاقت ونقلنها علي اوضه عاديه تحب تخشلها

اياد برتياح. اوضه كام

الممرضه. اوضه 738ومشيت دور علي الاوضه ودخل لقاها نايمه جاب الكرسي واعد جمبها

اياد. اوف الحمدلله كنت هموت الحمدلله انك بقتيي كويسه كنت قلقان عليكي اوي ليجرالك حاجه يلا اهم حاجه انك بقيتي كويسه صحيت سندس لقتو بيتكلم

سندس بتعب. انتا مين

اياد. انا الي خبطتك

سندس. وبتعمل اي هنا 

اياد. انا كل يوم باجي اطمن عليكي الحمدلله انك بقتيي كويسه حقيقي مكنتش هسامح نفسي لو جرالك حاجه 

سندس. الحمدلله انا اسفه انا الي طلعت قدامك 

اياد. بصراحه كانت احلا صدفه انك تتطلعي. قدامي

سندس. نعم

اياد. قصدي يعني اقولك انك مشاءالله عندك عيله بيحبوكي اوي وكانو هيموتو عليكي وحقيقي طول الفتره دي وهما زعلانين

سندس. مفيش حاجه تعوضك عن الكل الوحش غير حب الاهل

اياد بزعل. فعلا عندك حق الاهل دي حاجه جميله ورزق من ربنا

سندس. ربنا يباركلك فيهم

اياد. بس انا معنديش اهل وراح قام عشان عينه دمعت معلش بقا انا همشي حمدالله على سلامتك 

سندس. استنا ياكابتن بس هو كان مشي نزل اياد وهو موجوع اوي

اياد. ياريت يبقا عندي اهل واشوفهم واحضنهم ياريت يكون ليا حد اتسند عليه وقت وجعي وبص للسما وقال يارب عوضني عن الاهل واكرمني 

(اياد 28سنه مبرمج تكنولوجيا اياد يتيم من وهو عندو سنه كان في دار الايتام وكبر فيه وسنه وراه سنه وهو مش عارف يوصل لحاجه عن اهلو لغايت مبدأ يدرس ويفكر في الدراسه ولما تم السن القانوني خرج وكمل تعليمو واتخرج واشتغل واعتمد علي نفسو لغليا مابقا ناجح وبقا عايش حياه اي حد يتمنها لكن دايما الحلو مش بيكمل بيتمنا بس لحظه تجمعو باهلو او يتمنا كل الي عندو ده يروح بس عايش مكون اسره تعوضو عن حنان اهلو الي مشافهمش) 

وصل ليث وريم وفرح علي المستشفي الاول وطلعو ليها

ريم. سندس وجريت عليها وخدتها بالحضن 

سندس بتعب. براحه ياريم مش قادره 

ريم. معلش انا اسفه بس انا كنت هموت عليكي

سندس. الحمدلله بقيت كويسه ياحبيبتي متعيطش 

ليث راح باس راسها. حمدالله على السلامة ياحبيبتي انتي كويسه 

سندس. الحمدلله 

فرح. حمدالله على سلامتك ياسندس كده تقلقينا عليك

سندس. اهو بقا قولت اشوف بتحبوني قد اي ولا اي ياريم وخدتها في حضنها

ريم. والله وحشتيني اوى الشهر والاسبوعين دول عدو كانهم سنين 

سندس. يااه انا نمت كل ده 

دخل غيث. اه شوفتي انتي نايمه واحنا هنموت عليكي وراح حضنها وباس راسها. حمدالله على سلامتك يابنوتي الحمدلله انك بقتيي كويسه 

ليل. حمدالله على سلامتك ياسوسو الحمدلله انك قومتي بالسلامه 

سندس. الله يسلمك ياليل

غيث. عامله ايه دلوقتي انتي كويسه 

سندس. كويسه بس مش حاسه بنص جسمي خالص

ليث. معلش ياحبيبتي هي عمليه صغيره كده وهترجعي تبقي كويسه هي بس فتره

دخل الدكتور

الدكتور. لا كده ياجماعه اخنا هنتعبها هي المفروض ترتاح 

ريم. يعني نمشي يعني داحنا مصدقنا انها فاقت

الدكتور. عارف والله لهفتكم عليها بس انتا عارف الي فيها يادكتور ليث وانها تعبانه دلوقتي 

سندس. بس انا كويسه يادكتور سبهم معايا شويه 

الدكتور. خلاص ربع ساعه بس وبعد كدا لازم ترتاحي واداها حقن وكتب تقرير ان شاءلله كمان يومين هنعمل العمليه فامش عاوزك تجهدي نفسك 

سندس. حاضر وطلع الدكتور فضلو يتكلمو معاها علشان يشغلوها عن موضوع العمليه وبعد كده مشيو عشان ترتاح 

في الشركه 

غيث. كلمت ملكيه

عز. ايوه والفرحه ما كانتش سيعاها 

غيث. وعملت الي قولتلك عليه 

عز. عيب عليك طبعا كل الي اتقفنا عليه حصل 

غيث. ده الكلام المظبوط

عز. تفتكر ليل هتسكت لو مليكه قربت منك

غيث. نشوف بس ناويه هي علي اي ولو الموضوع خرج عن السيطره انا هتصرف مع ليل 

عز. خلصانه ياصحبي وخبطت ليل ودخلت وطلع عز

غيث. اي ياليل مالك شكلك مضايقه

ليل. مفيش حاجه الايميلات اهي جاهزة

غيث. مالك

ليل. سمعت انكم قبلتو الموظفين الجداد

غيث. اه منتي عارفه اننا متحاجين

ليل. وملقتش غير البنت المسهوكه دي وتوظفها عندك مكنش لازم يعني تقبلها انتا كنت محتاج موظفين رجاله 

غيث بتوهان. ماهو اصل هي السيڤي بتاعها كويس كده وشاطره فا محتااجينها معانا وكده

ليل. اه كويس والله 

غيث بغمزه. انتي غيرانه ولا اي

ليل. واغير ليه يعني كده كده هتبقا في الدور الي فوق يعني بعيده عنك

غيث. لا ماهي المكتب بتاعها هيكون جمب مكتبك عشان هتمسك الحسابات هنا

ليل. نعم ده ليه ان شاءلله منا مسكها هو انتا شايفتي قصرت في الشغل عشان تجبها تمسك شغلي

غيث. بس اهدي ياحبيبتي وبعدين الموضوع مش كده الموضوع اني عاوز اخفف عليكي الشغل وبعدين انتي هتبقي زي منتي بس الحسابات هي هتكون مسؤله عنها

ليل بزعل. براحتك ياغيث 

غيث وحضنها من ضهرها. لا مش حكاية براحتي حكاية اني عاوزك تبقي معايا علي طول فعشان كده هشيل من عليكي الشغل ده لانو صعب 

ليل. اممم

غيث. خلاص بقا متزعليش نفسك 

ليل. خلاص مفيش حاجه 

غيث. تعرفي اني بحبك اوى ياليل

ليل بكسوف. وانا كمان 

غيث بصدمه. انتي قولتي اي

ليل. وانا كمان بحبك اوى ياغيث اهتمامك وحبك وحنانك عليا خلاني احبك اوي اوعدني ياغيث بعد الثقه دي عمرك متخذلني

غيث. وانا اوعدك وراح حضنها وقد اي كان مبسوط ان ليل حبيتو زي ماهو حبها 

عدا اليوم بخير وسلام علي الكل 

بليل في المستشفى 

*******************

اعده سندس لوحدها عشان اخوتها روحو وهيفي بتفكر في الي كان عندها واعدت تفكر ازاي حد يهتم بانسان خبطو بالعربيه دي قالي كل يوم كنت بجيلك اطمن عليكي معقول لسه في بني ادمين طيبين اوي كده وقطع تفكيرها تخبيط الباب واتفتح شافت سندس انو ادم لفت وشها الناحيه التانيه 

ادم. سندس حبيبتي انتي كويسه 

سندس بسخريه. حبيبتك 

ادم. ايوه انتي حبيبتي وانتي عارفه كده كويسه ياسندس صدقيني لو كان جرالك حاجه كنت هموت عليكي 

سندس. عايز اي يادم

ادم. هو اي الي عاوز اي انتي وحشتيني اوي وانا كنت هموت عليكي سامحيني ونبدأ صفحه كده وانتي لما تعرفي السبب هتعذريني وانتي عارفه اني بحبك 

سندس. وانا مبقتش احبك

ادم. انتي بتقولي اي

يتبع