وجع القلوب لا يوصف جرح لا يلتائم ولا يشفى في لحظة حزن تنكسر وتتألم الروح ولا تجد مخرج

في وجع القلوب نجد الألم نجد الحزن والأسى

نجد الفراغ والوحدة ونجد الذكريات التي تولم

فضلت فى غرفتها تبكى وميت سؤال خطر فى بالها هو  راح لها

هو معاها معقول قلبها هان عليه 

وترجع تستنكر ده لا مستحيل كريم يعمل فيه كده طيب

هو سابنى ومشى  هنت عليه للدرجه دى 

وفى وسط أفكارها وحزنها وبكائها رجع كريم وأول حاجه

عملها راح على غرفتها وخبط بقلق 

فتحت أمينة الباب وشعرها مبعثر وعيونها ورمه من البكاء 

قلق كريم عليها وتالم قلبه على شكلها اخدها لحضنه

بخوف وقلق حست أمينة أن روحها اترددت ليها استسلمت

لحضنه فهى كانت فى أشد الاحتياج  للاطمئنان أنه معاها

كريم بحزن وهو ضممها لحضنها وبيملس على شعرها. كدة ياامنيه حياتى كده توجعى قلبى انتى مش وثقه فى 

عشق ليكى 

أمينة ببكاء . قلبى وجعنى اوى ياكريم مش قادره اتنفس 

بعدها كريم من حضنه ومسح دموعها . سلامه قلبك 

ياحبيبى تعالى قعدى كده  وانا احكيلك كل حاجه 

أولا كده لازم تكونى متأكدة انى  مكتفي بيكى عن نساء

الدنيا كلها 

الموضوع انى كان لازم أدفع عمى مصطفى تمن اللى عمله مع

 امي وحرمنى منها السنين دى كلها بسبب طمعه وأنه 

استحل  مال إخوة 

اتفقت مع السكرتاريه بتاعته اللى إسمها سالى أنها تاخد 

مبلغ بس تمضيه على أوراق اقدر من خلاله استرجع

كل فلوس اللى اخدها منى السنين اللى فاتت

وارجعه على الحديده وبفعل سالى النهارده نفذت المطلوب منها بعد ما حتيط

فى العصير بتاعه حبوب هلوسه خلته يمضي 

وهو مش دريان ورحت عندها واخذت الورق منها 

أمينة بغيره . بس هى قريبه منك لدرجة أنها تقولك ياحبيبى

حبها برص يارب

ضحك عليها كريم  . طيب انا مالى أنا معرفش هى قالت

كده ليه انا أصلا  مليش دخل بيها ومش بطقها 

وطلع شوكولاته من جيبه ودهالها خلاص بقى حليب ياقشطة

اخدت منه أمينة الشوكولاته بابتسامة ومرة واحدة 

اتكلمت  بجديه وهى بترفع صبعها فى وشه . بس دى اخر

مره تتكلم معها 

مسك كريم صبعها وبسها بحب . حاضر يالى تعبه قلبى

اتكسفت أمينة من حركته وتكلمت بخجل .  بعد الشر على قلبك

كريم . أمينة ممكن اطلب منك طلب 

أمينة . حبيبي انت تأمر 

كريم  . خلينى نايم فى حضنك النهارده بجد أنا محتاج

أحس انك جنبى 

أمينة بتوتر . بس يعنى 

كريم  . ما تخفيش منى ياحبيبي هنام بس

وبالفعل اخدها كريم وناموا ودخلوا فى سبات عميق 

تانى يوم صحى كريم قبل أمينة وبدأ يصحيها بحب وهو

بيبعد خصلات شعرها . امنيه حياتي حبيبي اصحى بقى 

عيونك وحشونى

اتململت  أمينة وبدأت تفتح عنيها وكأنها فى حلم شافت

كريم ابتسمت 

كريم . صباح الجمال ياحبيبي 

فاقت أمينة  وتعدلت بخجل . صباح النور 

كريم . ياله ياحبيبي قومى اجهزى على شان نقوم نفطر

على شان عندى كام مشوار وبعدها تكونى جهزتى شنطتنا

ارجع واخدكم ونطلع على الفيلا

أمينة. الفيلا بتاعت عمك

كريم بضيق . بتاعتنا ياامينة عمى ملهوش فيها قومى اجهزى

ونتكلم فى التفصيل وحنا بنفطر

وبالفعل قامت أمينة وتوضت وصلت ودخلت على المطبخ

لقت عايدة كالعادة بتجهز الفطار اتكلمت بلوم  . صباح الخير ياماما تعبتى نفسك برده ياحبيبتى أنا كنت هقوم أجهزة 

ابتسمت عايدة . صباح الورد  ياحبيبتي أنا دخلت الصبح

على شان اصحيكى لقيت كريم نايم معاكى فى الاوضه

 فسيبتك براحتك

نزلت أمينة رأسها بخجل . اصل احنا اتكلمنا امبارح وراحت

علينا نومه 

قربت منها عايدة . حبيبتي ربنا يفرحكم يارب بس بلاش

يحصل كده تانى غير بعد الفرح ياله خدى الاطباق وحطيها 

على السفرة 

خرج كريم من غرفته وبدأ فى تناول الفطار ووجه كلامه

لعايدة . بقولك صحيح ياماما انتبهت له عايدة 

كمل كريم كلامه أنا ناوى لما ارجع من مشوارى ننقل على 

الفيلا 

عايدة بقلق . ليه ياكريم خلينا هنا احنا كده كويسين

كريم بغضب . مش كويسين ياماما أنا لازم ادفعه تمن بعدى

عنك السنين دى كلها حضرتك متعرفيش أنا كنت عايش

ازى كان مدخلنى فى مدرسة داخليه بحاجه أنه بيشتغل 

ومش هيقدر ياخد باله منى كنت بكره بنته اللى عايشه معه لكن أنا مينفعش كنت عايش فى قهر وانا 

شايف زميلى وأهلهم حوليهم وكنت كل يوم بكرهك 

على شان اخترتي تكونى مع راجل تانى وتبعدى عنى

وكل ده يطلع كدبه كان معيشنى فيها على شان يكون

الواصى  عليه وسيتولى على فلوسى

عايدة . بس انا خايفه عليك منه ده نابه ازرق يابنى وأنا لما صدقت أنك رجعت لحضنى 

كريم . انا مش عايزك تخافى طول ما انا موجود ياست الكل

عايدة باستسلام . حاضر ياحبيبى اللى تشوفه 

قام كريم وباس رأس عايدة وأمينة وستأذن وخرج 

عده ساعتين وتصل كريم باامينة . حبيبي جاهز ولا 

لسه

أمينة . اه ياحبيبى أنا جهزت الشنط أنا وماما 

كريم . تمام يا قلبى أنا هطلع مع البواب على شان ننزلهم

وصل كريم وعايدة وأمينة قدام الفيلا وأمر الحراس 

يدخلو الشنط 

فى الوقت ده كانت لوجى قاعدة وماسكه تليفونها واول

ما شافت كريم جريت عليه تحضنه بفرحه . كيمو حبيبى 

وقفها كريم وبعدها عنه استغربت لوجى ولقت أمينة 

بتظهر من وارى اتصدمت لوجى وفى نفس اللحظه خرج

مصطفى من مكتبه وتكلم بحده . أخيراً الاستاذ ظهر

بيبص على اللى معاه واتاكد أنها عايدة ولسه هيقرب منها

بغضب وتكلم بصراخ . انتى ايه اللى جابك هنا

وقف كريم قدامه وتكلم بغضب مماثل . ايه ياعمى مش

عايزها تيجى بيت ابنها ولا ايه 

مصطفى بغل . قدرت تضحكت عليك ياكريم بعد ما رمتك 

وراحت اترمت فى حضن راجل تانى تتدخلها حياتك

بسهوله كده

قرب كريم منه وتكلم بغضب وقهر . كدب كله كدب 

كدبت عليه وخطفتنى من أمى وحرمتنى منها بعد ما عرضت

عليها الجواز ورفضت كل ده على شان  تستولى على 

ورثى من أبوي انت ايه انت شيطان 

مصطفى بابتسامة خبث وقعد على الكرسي وحط رجل

على رجل  . حلو انت كده عرفت كل حاجه نتحاسب

وكل واحد ياخد حقه انا ليه أسهم فى الشركه

انا من رأى تبعلى الاسهم بتاعتك وتاخد امك وتتكل 

على الله 

ضحك كريم بغيظ هو طول عمره كان عايش معه وعارف

إنه حاد العامله لكن مكانش يعرف أنه خسيس وندل 

كده قعد قدامه وحط رجل على رجل . هو انا  ما قلت لكش مش انت بعتيلى كل حاجة بالتوكيل اللى 

عملته لى 

اتنفض مصطفى ووقف قصاده ومسك من يائه قميصه . انت بتقول ايه انا 

معملتش توكيل لحد انت اتجننت ولا إيه 

نزل كريم ايد . أهدى ياعمى لحسن يحصلك حاجه ووجه 

كلامه لاامينة حبيبتي هاتى الملف اللى معاكى 

قربت أمينة وديته الملف 

اتفضل ياعمى دى نسخه من الأوراق الاصليه اللى  تثبت

أنك  بعت لي الاسهم بتاعتك وفلوسك اللى فى البنك

اتحولت باسمى الا مبلغ صغير سبتهولك تعيش منه انت

وبنتك وكمان اشتريت ليك شقه صغيرة تعيش فيها 

على شان تعرف انى اصيل مش زيك

ودلوقتي ياريت تجهز حاجتك انك وبنتك على شان

السواق هيوصلك لشقتك الجديدة 

ووجه كلامه لعايدة وأمينة . ياله ياأمى على شان اوريكى

اوضتك وانتى ياقلبى ياله انتى كمان على شان  ترتاحي

وطلعوا وسبوهم قعد  مصطفى بصدمه قربت منه لوجى

بغل وحقد . انت هتسيبهم يخدو كل حاجه كده

وقف مصطفى . لو فاكر انى هسيبه ياخد كل حاجه

بالساهل يبقى بيحلم بس اتاكد أن الأوراق سليمه 

الاول ولا لا و.............