في عمق قلبي حبك مكتوب وفي كل لحظة

أشعر بالشوق الذي لا يطاق ويظل قلبي يحن إليك

أحبك بكل قلبي أشتاقك بكل روحي أتمنى لو كنت

 بجانبي كي يهدأ قلبي وترتاح روحي

اتنفضت أمينة اول ما سمعت صوته البغيض  وردت 

بغضب . انت جبت رقمى منين 

بلال ببرود . اهى ياحلوه انى اجيب رقمك ده حاجه

مش صعبه 

أمينة بدموع . انت بتعمل فيه كده ليه انا كنت بعتبرك

أخويه الكبير 

بلال بغضب . وانا كنت بعتبرك كيف خليتى يسر اللى 

غدرتى بيها

أمينة . انا مستحيل اغدر بيها دى كانت اختى انت ليه مش عايز تصدق انى كنت سيبها عايشه المفروض تعرف مين اللى كان  السبب فى موتها انت بتنتقم من الشخص اللى غلط

حرام عليك اللى بتعمله فيه ده

بلال بغموض . ومين قالك انى معرفش مين السبب بس 

مستانى لما تكونى معايا وساعتها هنتقم منيه قدام 

عينك

أمينة بصدمه . تقصد مين يعنى انت عارف انى بريئه وعارف من اللى كان فى موت يسر طيب بتعمل فيه كده ليه وعايز

تطلقنى من جوزى ليه

بلال بغضب . بس متقولش جوزك ومتقلقيش كل حاجه

هتعرفيها فى وقتها متستعجليش اعملى حسابك

قدامك يومين وتجيلى وتكونى مطلقة وكمل بصراخ 

سامعه

رمت أمينة التليفون بغضب بعد ما قفلت مع بلال وانهارت

من البكاء 

فى الوقت ده كان كريم خارج من غرفة وسمع بكائها 

مقدرش يمنع قلبه أنه يطمن عليها دخلها كريم بلهفة 

وقلق شافها منهاره وبتبكى بحرقه جرى عليها واخدها في حضنه بيحاول يهديها . مالك ياقلب كريم فيكى إيه

 إيه اللى موصلك الحاله دى احكيلى 

انتى مش طبيعيه من وقت ما كنتى فى المستشفى 

انهارت فى حضنه كانت مستسلمة وكأنه أمنها وراحت بالها

مساكنها وقوتها وضعفها عايزه تصرخ تقوله متبعدش عنى

احمينى كن ملجئي

بعدها عنه ومسك وشها وبدء يمسح دموعها بلطف وهو

بينظر  لعيونها مسحور بجمالها رغم بكائها في ملامحها زادتها جمال تكلم بهمس وهو كالمغيب . بحبك 

تاهت أمينة بكلماته للحظات وغاصت فى بحر عيونه  الزرقتان  تتمنى أن تغرق فى اعماقها ولكن افتكرت تهديد بلال وأنه هيقتله لو ما اتطلقتش وبعدت عنه  

اتنفضت أمينة وقامت من جانبه وكلمت بحده  . لو سمحت يا كريم ياريت تنفذ طلبى وطلقنى احنا اتجوزنا على شان

تساعدنى وخلاص مشكلتى  اتحلت وانا بشكرك على

وقفتك معايا 

وقف كريم بصدمه وبصلها بزهول . انتى بتقولى إيه انتى

اتجوزتينى على شان اساعدك وكمل بغضب انتى سامعه

نفسك بتقولى ايه اتنفضت أمينة من صوته 

كمل كريم كنتى بتستغلينى  لدرجه دى كنت لعبه في ايدك طيب 

كنتى تقولى وانا بردو ماكنتش هتخلى عنك على الأقل 

كنت عرفت أطيب قلبى اللى انشق من جوه 

وبصلها بصه انكسار وكمل ياخسارة ياامينة ياخسارة

انا هعمل كل اللى انتى عايزاه عايزة تبعدى حاضر 

بس وحيات تدميرك لقلبى لهتندمى 

وخرج ورزع الباب وراه بقوة 

ماقدرتش أمينة تتحمل القهر اللى سمعته من لسانه وشافته

فى عيونه وهي السبب في قهرته دي حست أن الدنيا لفت بيها ووقعت مغمى عليها

كانت عايدة فى المطبخ وسمعت زعيق كريم خرجت تشوف

ماله لقته خارج من اوضه أمينة ولسه هتساله مالك لقته

خرج من الشقه وقفل الباب وراه بعنف

دخلت عايدة لامينة لقتها مرميه على الأرض مغمى عليها

اتخضت عليها وحولت تفوقها لكن معرفتش فاتصلت 

بالاسعاف 

وعند كريم كان سايق بغضب ولقى تليفونه بيرن برقم عايدة

فمردش وفى نفس الوقت طارق كان بيرن عليه 

كان مش قادر يرد عليهم وكان لسه هيقفل التليفون 

لقه طارق باعت ليه رساله . كريم كلمنى ضرورى موضوع 

يخص أمينة مراتك 

مقدرش كريم يتجاهل قلقه واى حاجه تخصاها ركن عربيته

على جنب الطريق وتصل بطارق . السلام عليكم ايوه ياطارق

خير إيه الموضوع اللى يخص أمينة

طارق بقلق . مال صوتك ياكريم انت بخير

كريم بضيق . كويس ياطارف قولى بس إيه الموضوع 

محبش طارق يضغط عليه . مش هينفع فى التليفون لازم

نتقابل ضرورى

حس كريم بقلق . تمام يا طارق انت فين وانا هجيلك

طارق . انا فى المكتب تعالى مستنيك 

وصل كريم القسم ودخل مكتب طارق رحب طارق بيه 

سأله كريم بفضول وقلق . طمنى ياطارق ايه الموضوع 

المهم اللى يخص أمينة فى حاجة حصلت من عمى

مصطفى 

طارق  بنفي . لا الموضوع ملهوش علاقة بعمك أمينة بتتعرض لتهديد

كريم بعدم فهم . تهديد يعنى ايه ازى ومين اللى بيهديدها

بدأ طارق يحكيله كل كلام حبيبة عن بلال وتهديده أنه 

هيقتلك لو هى مطلقتش وراحت له

فهم كريم تغير أمينة وطلبها للطلاق وده بسبب حبها ليه

وخفها عليه حس براحه وتلمم شتات قلبه وكسرته كأنها دوائه بس حزن انها مش وثقه أنه يقدر يحميها

من الدنيا كلها بس ادها  عذرها لأن عاطفه المرأة وخوفها 

بيتغلبوا عليها اتنهد كريم وتكلم بغضب وضيق . 

انا عايزك تجبهولى ياطارق الحيوان ده لازم يدفع تمن 

تهديده انت متعرفش حلتنا ايه بسببه

حاول طارق يهديه . أهدى ياكريم هنجيبه بس احنا لازم

نعرف هو قال ايه بظبط لمدام أمينة على شان نقدر

نتصرف 

وعند عادية كانت فى المستشفى مستنيه  الدكتور يخرج

على شان يطمها على أمينة كانت بتحاول تتصل بكريم 

بس مش بيرد رد بقى يا كريم انت فين يا ابني ولسه هترني تاني لقت تليفونها بيرن برقم حبيبة

حبيبة . ازيك حضرتك ياطنط عمله ايه وأمينة ازيها النهاردة

عايدة بدموع وحزن . أمينة تعبانه اوى ياحبيبة وفى المستشفى 

حبيبة بخضة . مالها امينه تعبانه عندها إيه 

عايدة . لسه الدكتور عندها مستنياه  يطلع يطمنى عليها

أنا لوحدى معاها بحاول اتصل بكريم مش بيرد قلقانه 

عليه هو كمان كان خارج زعلان ومش عارفه اتصرف ازاي 

يابنتى

حولت حبيبة تطمنها . ماتقلقيش ياطنط أنا هجيلك حالا

وقفلت معاها وتصلت بطارق . الو طارق انا اسفه 

لو بتصل بيك وانت فى شغلك

طارق وهو بيحاول يتكلم بصوت كريم  ما يسمعهوش. 

ياقلب طارق من جوه انتى تتصلى فى اى وقت 

حمحمت  حبيبة بخجل . انا كنت بتصل بيك على شان مش

عارفين نوصل لكريم 

طارق بقلق . ليه حصلت حاجه كريم معايا هنا 

انتبه ليه كريم 

حبيبه . أمينة فى المستشفى وطنط عايدة بتحاول توصله

مش عارفه 

طارق بعفوية . طيب ياحبيبتي احنا هنروح حالا على هناك

وقفل معاها وبص لكريم دى حبيبة بتقول ان المدام فى المستشفى وولدتك بتتصل بيك وانت مش بترد

انتفض كريم بخضه ووقف يدور على تليفونه فى جيوبه 

. أمينة فى انى مستشفى 

قاله طارق عنوان المستشفى وخرج بسرعه وجرى على

عربيته ونطلق وخرج وراه طارق وركب عربيته ومشي وراه

خرج الدكتور من عند أمينة قربت منه عايدة بقلق . طمنى

يادكتور أمينة حالتها ايه

الدكتور بعمليه. انهيار عصبي حاد ادنها حقنه مهدئه وحالياً 

 نايمه

عايدة بحزن . ممكن ادخل اطمن عليها 

دكتور . اه اتفضل الف سلامه وسبها ومشى

وصل كريم وسأل على غرفتها دخلها كريم ولقى عايدة 

قعده جنبها قرب منها وسألها بهدوء . مالها أمينة ياماما

عايدة بلوم  . انت كنت فين ياكريم كده يابنى تقلقنى

عليك

قرب منها كريم وبسها من  رأسها . انا أسف ياامى كنت مخنوق شويه طمنينى

مالها أمينة 

عايدة . بعد ما نزلت دخلت اوضتها اسالها ايه اللى حصل 

ما بينكم خلاك تنزل غضبان لقتها مغمى عليها حولت

 افوقها ما فاقتش  اتصلت بالاسعاف وجبتها على هنا 

الدكتور كشف عليها قالى عندها انهيار عصبى حاد

وقبل ما يرد كانت دخله عليهم حبيبة بقلق . السلام عليكم 

ازيك ياطنط ازيك يادكتور كريم

ردت عايدة . الحمد لله ياابنتى اتفضلى

حبيبة . طمنينى أمينة عمله إيه 

عايدة . الحمد لله يابنتى الدكتور قال انهيار عصبي وكملت

بدموع أنا مش عارفه ايه اللى وصلها لكده

قربت حبيبة منها لتهديها وحضنتها . متقلقيش ياطنط

إن شاء الله هتبقى كويسه 

ووجهت كلامها لكريم . استاذ طارق برة ومحرج  يدخل

ردت عايدة  . خليك انت ياكريم وانا هخرج له

خرجت عايدة وحبيبة قرب كريم من أمينة وبدأ دموعه 

تنزل حزن عليها وتوعد فى سره لبلال اللى وصلها للحاله 

اللى هى فيها مسك اديها وبسها بلطف وتكلم وهو مقرب 

منها 

( اه يامن ملكت الفوائد بنظره كنت فى غيابات الجب

فى الظلام الدمس رايتك فكنتى نجاتى من وحداتى

والنور لقلب بات مظلما  لا تتركني وتذهبى فاانتى 

روحى وظمأتى ) و.........