في قصر الراوي

عند ماريا: ماريا (بخبث): تمام، هتاخدي اللي تطلبيه.

 مجهول: تمام. 

أغلقت ماريا الهاتف وابتسمت بخبث.

عند زين في المكتب: زين: خمسة يا عمر وهكون عندك.

 عمر: بتعمل إيه؟

 زين: باكل، تيجي تاكل معايا؟

 عمر: والله جعان هههههه 

زين: تعال وسيبك من سهرة النهاردة.

 عمر: لا يا عم، مرة تانية. ثم أكمل: هتعمل إيه في يوسف؟ زين بهدوء: سيبهولي... وأنا هعلمه الأدب.

 عمر: لازم تعرف بيوصل المعلومات لمين. 

زين: الموضوع واضح أصلاً. مش محتاج اعرف.يلا سلام دلوقتي

 أغلق زين الهاتف في وجه عمر.

عمر: أدفع نص ثروتي ويبطل الحركات دي. 

سليم: هو زين مش جاي ولا إيه يا عمر؟ 

عمر بضيق: جاي.

 سليم: أوكي.

(سليم صاحب زين بس نيتة مش صفيّه عشان بيغير منه، وعمر مش بيطيقه.)

عند ليان: كانت جالسة على السرير تقرأ كتاب. فجأة الباب خبط. ليان: ادخل. 

ماريا بتصنع: ليان، قاعدة لوحدك ليه؟

 ليان ببراءة: بقرأ كتاب. 

ماريا: قومي نقعد في الجنينة، عايزة أتكلم معاكي. 

ليان بابتسامة: حاضر. 

ماريا ابتسمت بخبث.

عند جلال: جلال (وهو يعيد ذكريات زمان):

 بس إيه الحلاوة دي يا أم زين؟ 

ثريا بضحك: يووووه يا جلال، حد يسمعك. 

جلال: طب ماللي يسمع يسمع، ده أنا بغازل في مراتي. ضحكت ثريا بخجل

 جلال بضحك: الااااااه، انتي لسه بتتكسفي يا ثريا ههههههه؟ ثريا بخجل: بس بقى يا جلال. 

ضحك جلال بصوت عالي.

عند الباب: عمر بضحك: أيوه يا جج ههههههه جلال بضحك: اخرس يا حيوان. دخل عمر: في إيه يا جلال، ده أنا زي ابنك برضو. جلال بصدمه وضحك: اخرس يا كلب واخرج برا يلا . عمر بضحك: أسيبكم أنا بقى تكملوا كلامكم.وغمز لباباه ومشي 

عمر شاف زين وهو خارج. عمر: أمال رايح فين يا زين؟ 

زين ببرود: خليك في حالك. 

عمر: طب ما أنا في حالي.

 زين مشى وركب عربيته.

عند ماريا وليان: ماريا: هو انتي بتحبي زين يا ليان؟ 

ليان بكذب: لا. ماريا بخبث: ثواني يا روحي هعمل مكالمة وأجيلك، ما تمشيش. ذهبت ماريا لغرفة ليان، فتحت الدرج، وضعت العقد، وضحكت.

عند عمر: 

عمر: اتأخرت ليه كده؟

 زين: مش مهم. 

سليم: زين بيه نورت. 

زين ببرود: بنورك يا سولي

. سليم ابتسم ومشي. 

عمر: خدلك كاس. 

زين: لا، ماليش نفس. 

عمر: مالك متغير اليومين دول؟

 زين: مفيش حاجة يا عمر.

قاطعتهم سوزي، معرفة قديمة لزين: سوزي: إيه ده، زين بيه بنفسه هنا؟ زين ببرود: إزيك يا سوزي؟ سوزي: كويسة يا زيزو. زين نظر لها مستغرب، سوزي حسّت إنها زودتها: سوزي: هاي يا عمر، عامل إيه؟ عمر: عامل كباب حلة. زين ابتسم وقال: يلا بينا يا عمر. عمر: بينا فين؟ زين: أنا همشي. عمر: طب استنى خدني معاك. زين: هوصلك حاضر. عمر: لا أنا مروح معاك عايز آكل. زين بضحك: روح كل في بيتكم، هي ناقصاك انت كمان؟ عمر بضحك: خلاص يا عم أروح بيتي أحسن. زين: برافو عليك.

بعد دقائق في القصر: ماريا بصوت عالي: أنا اختفى من أوضتي العقد الألماظ بتاعي اللي عمو جلال جابهولي في عيد ميلادي! زين رفع حاجبه. ماريا: زين، أنا شاكه في ليان. جلال: انتي بتقولي إيه؟ ماريا: زي ما سمعت كده يا عمو. ثريا: ليان متعملش كده. ماريا: ماشي، ننادي على ليان ونسألها.

ليان نزلت: ليان (بصدمة): بس ما خدتوش يا ماريا! وهاخده ليه أصلاً؟

 ماريا (وهي بتمثل إنها بتبكي): عشان بتغيري مني وبتتغاظي لو عمو جلال جابلي حاجة! 

ليان: انتي إزاي بتقولي كده؟ أنا بعتبرك زي أختي!

 ماريا: بطلي كدب بقى يا ليان!

زين بصوت عالي: مش عاوز أسمع نفس واحده فيكم. ثم نظر لليان، وعينه فيها حزن وغضب متداخلين: زين: ليه يا ليان؟ أنا... أنا كنت شايفك غير كده...

ليان ببكاء شديد، صوتها متهدج: زين صدقني... أنا ما خدتش حاجة، والله! ثم نظرت لجلال: عمو، أنا ما سرقتش منها حاجة، أقسم بالله!

عمر بخبث: خلاص، نفتش أوضتها. ولو ما كانتش واخداه، ساعتها ماريا هتتعاقب جامد. ولو كانت واخداه... هنسيب الأمر لزين.

ذهب الجميع لغرفة ليان. زين: دوري يا ماريا.

بعد دقائق: ماريا لقت العقد في درج التسريحة. ليان بصدمة، صوتها اتخنق: أنا... أنا ما حطتهوش هنا، والله ما سرقته! ماريا (بتمثيل): ليه بتسرقيه يا ليان؟ كنتي طلبتيه مني، وكنت هدهولك عادي! ليان ببكاء أشد، إيدها بترتعش: زين، صدقني... أنا مظلومة!

زين كان ساكت، بس عقله شغال... لحد ما افتكر حاجة: كاميرات القصر.

وجهه اتغير. زين: استنوا. محدش يتحرك.

(توقف الجميع، نظرات الاستغراب اتجمعت على وشوشهم.)

زين: أنا مركب كاميرات في ممر القصر... لو ماريا دخلت أوضة ليان، يبقى كل حاجة واضحة.

نظرة ماريا اتبدلت، وتوترت.

نظر عمرو الي ماريا وابتسم 

---

وبكده نكون وصلنا لنهاية البارت.

مش هنزل البارت الرابع غير لما ألاقي التفاعل حلو على البارت ده!

قولولي:

تفتكروا زين هيعمل اي 

تفكروا ماريا هتعمل ايه لو كاميرات القصر صورتها 

ليان ممكن تسامح ماريا 

وإيه الخطة التانية اللي بتحضر لها ماريا؟