بعد ٤ ساعات 

رجع ايان و دخل عشان يقعد شويه شاف جوري نايمه 

فضل ايان باصص ليها متردد يصحيها ولا يدخل اوضته من غير يزعجها 

بس قرر يصحيها 

ايان :جوري 

جوري اصحي 

جوري :اه نعم 

ايان:نايمه هنا ليه

جوري بصتله بتوتر: غصب عني كنت قاعده ونمت 

ايان :مافيش مشكله بس قولت اصحيكي النوم هنا مش مريح

جوري:لا عادي 

ابتسم ايان ابتسامه خفيفه وكان هيلف ويمشي 

جوري:انت بقيت كويس دلوقتى 

ايان:كويس

جوري :انا عارفه ان اكيد الموضوع ديما في دماغك انا حسه بوجعك انا كمان بابا لما مات كان اسوء يوم في حياتي وقتها حسيت ان كل حاجه بقت وحشه قعدت كتير عشان اتخطي موته ولحد دلوقتي متخطش بس اتعودت الوقت بيخلينا نتعود علي فراقهم و خلاص بنعرف ان ده الواقع بس الحزن بيفضل في القلب و بنفضل فاكرين الاشخاص دي ديما و في الاول وفي الاخر مش هنعترض علي امر ربنا مش هنعمل حاجه غير ان ندعلهم نعملهم صدقه الحجات اللي تفدهم

ابتسملها ايان :ربنا يرحمهم شكرا يا جوري واسف علي اي تصرف مني ضايقك 

جوري :عادي ولا يهمك 

ابتسملها ودخل اوضته

بعد ساعه 

كانت جوري قاعده في اوضتها 

كانت بتكلم اختها 

جوري:عامله ايه يا سلمي وحشاني اوي وماما عامله ايه

سلمي كويسين يا جوري انتي عامله ايه وحشاني اوي بجد وعامله ايه مع الاجنبي ده 

جوري:كويسه الحمدلله والله مافيش جديد وهو شخص يعني لو كان هيعملي حاجه وحشه كان عمل من زمان 

سلمي:خلي بالك حتي لو معملش ابعدي عنه بقي كل واحد في حاله وكلها كام يوم خلاص و تروحي لدكتور وبعدها وكلها فتره صغيره وترجعي 

جوري:اه هانت و ارجع هي ماما فين

سلمي:نايمه  عايزه تكلميها

جوري: لا لا خلاص هكلمها بعدين سلميلي عليها بقي وعليهم كلهم

سلمي:حاضر يا حبيتي خلي بالك من نفسك 

جوري:حاضر يا حبيبتي وانتي كمان مع السلامه 

سلمي :سلام

قفلت جوري معها وفضلت قاعده 

جوري:ايه الزهق والله انا لو بعرف اتكلم كنت نزلت وخرجت وروحت وجيت و يا سلام 

سمعت جوري صوت غريب