مش دا ادهم اللي حبني لأ ،ولا هو اللي عشت معاه كل تفاصيل حياتي ، اه منكرش اني بشوف حبه ليا فعيونه يوم ما يشوفني ويحاول يداريهم ،وبحس بغيرته لما اهزر مع محمد ويمسك نفسه بالعافيه ادامي ،انا كنت حاسه أنه فيه حاجة غريبه،لأ كنت متأكده أنه مخبي  عني حاجة وحاجة كبيرة اوي كمان،طب مش يمكن مبيحبنيش اصلا ودا كله دا أنا عشان عايزة أحسه فبحسه،وليه لأ ما كل شئ وارد، استنوا طب والسابعتاشر سنه اللي عشتهم معاه تحت سقف واحد ،طب والتفاصيل والحكايات اللي بينا ،طب ولبسي اللي بيختارهولي ،طب والخمار السكر اللي زي دمه واللي هو لبسهولي ،طب وكل لقطة صورة ما بينا، طب تفاصيلنا المشتركه ،وحنيته عليا ،طب وضحكته وهزارنا وسهرنا 

ولمعه عينيه هكدبها التانيه ،لأ هو مخبي حاجة أكيد ولازم أعرفها ."

-الساعة تمانيه بالدقيقة كنت فاوضته انا عارفه أنه النهاردا هيتأخر فالمستشفي هو ومحمد فعشان كدا قررت اعرف هو مخبي عني ايه .

-دخلت اوضته،ياه بقالي سنه مدخلتهاش كانت وحشاني بشكل زي ما هو واحشني كدا ،بحب اوضته جدا بحسها أماني ومأمني زي ما هو مسكني اللي بلجأله يوم ما احتاجة ،استنوا قميصه الأسود مرمي هناك لأ مش مرمي دا معلق ومكوي زي ما هو معلقني وكاويني ،ما هو أصل القميص دا أنا اللي اشتريته من يومها وهو بيقولي أنه  قطعه من قلبه هو واللي جيباه .

-ثواني انا بعمل ايه انا لازم ادور علي أي حاجة تثبتلي إنه لسه بيحبني ،حاجة تثبتلي هو ليه قال مننفعش لبعض ،حاجة أفسر بيها الوجع اللي فعيونه ،طب أفسر بيها وجع قلبي انا طيب .

- بدأت ادور فادراج المكتب كلها ،كلها اورق شغل مفيش حاجة مفيده ،افتكرت انا ازاي نسيت دايما لما تكون فيه حاجة مهمه كان بيشيلها فالخزنه عنده فدولابه،وصلت عندها عشان أفتحها ،اوبس دي محتاجة رقم سري ،كان عامله زمان بلقب كان بيحب يناديني بيه بس اكيد غيره ،لأ انا هجرب وخلاص بدأت ادخل الحروف لحد ما اتفتحت  ،كنت مندهشة جدا يعني هو مغيروهوش يعني لسه بيحبني ،كان دايما يقولي ي ست بنفسج  لدرجة إنه عامله باسورد لكل حاجة فحياته حتي قلبه بس انا مش عارفة هو ماله.

-بدأت ادو فالخزنة برده ملقتش حاجة ولسه بقفلها لمحت فايل زي ما يكون تحاليل باسمه ،وزي ليه طلعت فعلا تحاليل باسمه ،انا كنت بفهم فالتحاليل ونتايجها جدا لإن جدو زمان كان عنده كانسر فالدم بس الحمد لله ربنا شفاه ،بدأت افتح التحاليل واحد واحد وكإن قلبي كان هيتقلع من مكانه من اللي جواهم .

- هو مين دا اللي عنده كانسر فالدم ؟!

-أدهم ،ادهم عنده  كانسر ومخبي عني مخبي وجعه جواه وكاتم ، انا كنت بشوفه مرهق جدا وتحت عيونه سواد وارهاق كنت مفكراه إرهاق الشغل ،كنت خلاص منهاره مش مصدقة لأ، التحاليل من سنه ،سنه بيتعذب لوحده ،سنه بيتألم