سليم : اسد انا قولتلها مش عايز نرتبط .. انا بحبها بس مش عايز ارتبط بها دلوقتي… و بعدين الانت..حار ده شغل مراهقين .. عايزني اربط مستقبلي بطفلة ؟ انا عايزها بس لما تكبر شوية و تبطل عبط العيال ده 

اسد بجنون : انت مصر تجلطني ؟؟؟؟ انت اييييه ؟ منت عقلك اصغر من عقلها … انت الراجل المفروض تكون سند ليها مش تأذيها كدة .. و بعدين دي ايش فهمها ؟ دي بنت بتتحكم بحياتها في قلبها مش من عقلها … ليه تديها امل من اساسه .. دي بنت عمك يا  حمار … مش وحدة من الشارع .. مش هسمحلك تعمل مشاكل في العيلة … انت عارفني كويس 

سليم بضيق : خلاص ماشي انا غلطان .. و ندمت و خفت اوي عليها … بس مش عايز اربطها بيا قبل ما اشتغل و اسس حياتي 

اسد : هتشتغل و تاسس حياتك طول ما انت واقف و ساند اهلك و عيلتك .. عايز تنجح بشغلك ركز و اعقل .. بلاش سرمحة و جري ورا البنات …  و غدير دي هتحافظ عليها و ما تأذيهاش ابدا .. فاهم 

سليم اخذ نفس و قال : طيب .. ماشي .. ممكن كفاية ؟ .. انا بجد مش قادر 

اسد : ماشي يا سليم .. على الله بس الي قولته ما يتنفذش 

سليم : يعم حاضر اوعدك هعمل كل الي قولته 

*******************

ايراهيم : يا حببتي مفيش حاجة تستاهل تعملي بروحك كدة .. ده انتي سكرة البيت و النص الحلو .. اوعك الحركات دي تتكرر تاني .. انا مش حمل اخسرك يا حببتي 

غدير بتعب واضح في صوتها : انا اسفة .. بس تعبت من الدنيا دي .. مش عايزة اكون حمل تقيل على حد 

ابراهيم : اخص عليكي .. انتي بنتي يا غدير  عمرنا ما هنتثاقل منك ده انتي العسل كله 

مليكة بدموع : ع اساس لو رحتي يعني هترتاحي .. كنتي هتقابلي ربنا ازاي و انت عاصية؟ اوعك تعملي كدة تاني

غدير : ربنا يسامحني بس  

فراس بغصة و عنيه حمرا : خلاص مش وقت عتاب .. قومي انتي بس و صحصحي و بعدين اعملك الي انتي عايزاه … حتى لو عايزة تبعدي عن الكل انا هاخدك لمطرح ما انتي عايزة 

رزان : طب بقولوكو ايه حلاص انتو اطمنتو عليها كل واحد يروح لبيته انا هنام عندها 

ابراهيم : ماشي يحببتي خلي واحد من الاولاد معاكي عشان ياخد باله منكو 

خالد :  ماشي انا كمان هفضل هنا .. فراس انت تعبت اوي روح معاهم 

فراس : لا مش هقدر .. انا هفضل هنا مستحيل اسيبها لوحده 

مليكة بنظرات نارية : و هتفضل حضرتك مع رزان لوحدكو ؟ 

فراس : يا بنتي احنا بمستشفى مش في شقة مفروشة ! 

مليكة بضحك : اه صحيح 

مهران بحزم : لا رزان هترجعي معايا .. و هبعت رضوى تنام عندها 

هشام : ليه يا مهران رضوى عندها شغل كتير بكرا صعب تفضل هنا .. خلي رزان انا بقول 

مهران : لا .. لو عايزين مليكة و اسد ممكن يفضلو و رزان تروح 

نظرت مليكة الى والدها بنظرات تدل على انها فهمت ما يفكر  به  و استغلت تاثيرها عليه 

مليكة بتمثيل : بس يا بابا انا لسا تعبانة اوي .. معلش تخلي رزان عندها … و بعدين فراس هيفضل بره مش كدة 

فراس بابتسامة: طبعا 

مهران بقلق : طب تعالي يحببتي هنروح .. و انتي يرزان خليكي هنا خلاص 

ابتسمت رزان بخبث و هي تنظر لملكية  التي غمزتها 

غدير بضحكة تعب  همست لفراس : دماغها سم البت دي .. خدمتك اهي 

فراس بضحك : احلى مليكة و الله  البت دي عسل 

خرجو كلهم 

اسد : مالك يا حببتي انتي تعبانة ؟ 

مليكة بغمزة : اه عايزة اروح 

سليم : روحو انتو انا هفضل مع فراس 

خالد : لا رزان و فراس هيفضلو معاها 

مهران : طب خليك يا سليم ونس فراس بره 

مليكة بسرعة : طنط زينب هتقلق عليه اوي 

سليم : لا مهي الي قالتلي 

ابراهيم : طيب خليك انت .. امشو يلا 

مليكة بهمس : ده عيل رخم 

اسد بضحك : ليه بيقطع عليهم ؟ 

مليكة :  بصراحة انا مش عايزاه يقرب من غدير  

*********************

بعد منتصف الليل 

دنيا : مالك يا مليكة .. مش بتتكلمي معايا ليه ؟ 

مليكة : ابعدي من وشي الساعة دي انا مش طايقاكي 

دنيا : ليه في ايه ؟ 

مليكة : يا بت انتي معندكيش دم ؟ البت انتح..رت بسببك .. من الكلام الي زي السم الي حضرتك قولتيه .. انتي منفوخة على ايه يا دنيا ؟؟ ما تنسيش ربنا مش بيسيب حق حد … سابت سليم النهاردة و تخانقو .. و تحانقت مع اهلها .. فوق كل ده انتي جرحتيها بكلامك .. على فكرة انتي الانانية يا دنيا مش هيا .. عشان انتي مش بتفكري بشعور الي قدامك .. بتجرحي و خلاص 

دنيا بدموع : والله ما قصدت .. بس انا كنت مدايقة و فشيت كل غلي فيها 

مليكة : قصدك عندك نقص حاولتي تمليه بالزعيق .. مشكلتك يا دنيا دايما عايزة تورينا انك احسن مننا .. على فكرة انك تكوني احسن مننا دي حاجة ما تزعلناش بالعكس احنا بنفرحلك عشان بنحبك اوي .. بس انتي مش بتقدري مشاعر حد خالص و على طول متكبرة و مغرورة و بتجرحي اي حد .. ده حتى خطيبك ما سلمش من لسانك 

دنيا بدموع و غضب : انتي فاكراني ايه ؟ منا كمان عندي مشاكل .. و يمكن مشكلتي اكبر من مشاكلكم .. انا عايشة بسجن مش عيلة و بابا ضاغط عليا جامد .. مش عايزة حد يتحكم بيا .. و مش هسكت لمامت مروان انا بعديله بس عشان بحبه  .. و دي الشرارة الي بدات مشكلتي مع غدير .. انا مش بقولك انا ما غلطتش … لا انا غلط و غلطت اوي .. عشان الي قولته جرحها اوي .. بس انا مش مستحملة افضل اخد اوامر زي العساكر .. الانسان برضه طاقة .. و انا تعبت 

مليكة : عارفة يا دنيا … انتي غبية .. و معندكيش نظر .. وحدة مكانك كانت هتصلي ليل نهار شكر لربنا على الاهتمام الي بقدموهولك اهلك … و لو فاكرة الجواز هو مفتاح الحرية تبقي غلطانة يا دنيا .. عشان الجواز مسؤولية .. ايوة صحيح انا مليش زمان متجوزة بس فعلا حسيت بمسؤولية كبيرة عليا … حماتك الي بتتحكم بيكي مروان حاطط حد لتصرفاتها .. و هو بيحبك اوي يا دنيا .. و مستعد يعملك اي حاجة .. بس انتي الي مش بتقدري .. الكل بيضحي عشانك بس انتي مش بتشوفي ده .. دنيا بطلي جنان .. الكل بيحبك و عمو هشام بيعمل المستخيل عشانك و مروان بيعشق الارض الي بتمشي عليها  .. و اخواتك بس اطلبي و اتمني يكون حاضرلك .كل ده حضرتك ما قدرتيهوش .. بطلي انانية و دلع ..حاولي مرة وحدة تضحي عشان حد .. جرحك لغدير ده عمرها ما هتنساه … حتى لو كانت طباعها صعبة و مش بتتقبليها ميحقلكيش تزعليها كدة .. اقسم بالله لو ما صالحتيهاش لا انا اعرفك و لا تعرفيني 

دنيا بندم و دموع  : والله انا ندمانة على كلامي ليها .. انا كنت قاسية اوي .. بس اقسم بالله مش قادرة احس بالي حواليا خالص انا بحب غدير و بحبكو كلكو ..  انا فعلا مش مقدرة الي عندي و رزان قالت الكلام ده قبلك … انا مش عارفه … هتجنن 

مليكة : طب خلاص ما تعيطيش يحببتي .. بكرا هتروحي لغدير و تاخديلها بوكيه ورد حلو و تصالحيها ماشي ؟ 

دنيا و هي بتمسح دموعها : حاضر 

مليكة : طب انا هروح لاسد .. الوقت تاخر نامي دلوقتي 

خرجت مليكة بينما دنيا  تنظر للمكان بدموع .. نظرت الى سرير غدير و بدأت تبكي بشهقات .. شعرت بالوحدة فهذه اول مرة تجلس في الغرفة لوحدها 

سحبت الغطاء و المخدة و حملتهم الي اوضة رضوى و ايمان ………. يتبع