زادت عصبية ايهم ورفع ايده وكان لسة هيضربها بالقلم وهي خافت من الحركة دي 

عمرو بعصبية وصوت عالي : ايهم اياك 

راحلهم بسرعة ووقف قدامها وهي احتمت فيه ودموعها بدأت تنزل بغزارة وكانت خايفة لانه ايهم عمره ما عملها بص ايهم لعمرو بتوتر 

عمرو : تقدر تقولي كنت هتعمل اي 

ايهم : انا مكنتش هضربها انا اتعصبت بس انا مستحيل اعملها حتي اسألها كدة انا عمري ما عملتها 

عمرو : اخرس مش عاوز اسمع صوتك انت اللي كنت هتعمله دا مكنتش هسامحك عليه طول عمري 

عمرو : ي بابا انا 

عمرو : قولتلك تخرس اسمع مني الكلمتين دول ي ايهم واوعي تنساهم انت فاهم امل دي بنت اخويا وانا بعتبرها بنتي هي بالنسبة ليا اغلي حد حتي اغلي منك انت وهي امانة في رقبتي وانا حافظت عليها طول عمري وبعدتها عن كل اذي فتيجي انت عاوز تطول ايدك عليها انا اقطعهالك انت فاهم اللي انت عملته ميتكررش نهائي والا هتصرف تصرف مش هيعجبك وانت عارف ابوك كويس 

ايهم : انا بس اتعصبت شوية بس مكنتش هضربها صدقني 

عمرو : وايه اللي عصبك منها للدرجة دي 

ايهم : المحترمة جايبالي واحد الشركة عشان يطلب ايدها ومني انا ولما صارحتها انكرت انها تعرفه 

امل بحزن : انا فعلا معرفهوش 

ايهم : اومال جاي يطلبك مني بمناسبة اي اكيد تعرفيه 

عمرو : ايهم صوتك ميعلاش في وجودي وميعلاش عليها خالص هي هتكدب ليه لو تعرفه هتقول 

امل : والله ي عمي ما اعرفه 

عمرو : مصدقك ي حبيبتي يلا بقي امسحي دموعك دي وبطلي عياط 

مسحت امل دموعها وبصت علي ايهم اللي لدلوقتي بيبصلها بغضب وكانه مش مصدقها 

عمرو : اطلعي يلا ارتاحي 

امل : حاضر 

كانت لسة هتطلع بس ايهم مسك ايدها جامد وهي انصدمت من حركته وبص لعمرو اللي مستني يشوف هو عاوز اي 

ايهم : مش هتطلع الا لما نخلص كلامنا 

عمرو : وانت عاوزنا نتكلم في اي 

ايهم : في اللي حصل دا انا مش هعديه بالساهل 

عمرو : ايهم سيب ايدها حالا وانا دلوقتي بقولها لك لاول اول مره وهتبقى لاخر مره لو انت محسنتش معاملتك مع امل الخطوبه مش هتحصل لان فعلا هكون اتاكدت ان انا غلطت لما قلت ان انت هتحافظ عليها واخترتك شريط لحياتها 

ساب ايهم ايدها وبص لها وبعدها بص لعمرو وقال الكلام اللي صدمهم الاتنين 

ايهم : انا مش عاوزها خطوبة بس هتكون خطوبة وكتب كتاب 

عمرو : ودا ليه ان شاء الله انت ناسي كنت عامل ازاي لما عرفت بالخطوبة 

ايهم : وانا دلوقتي بقول اني عاوز اتجوزها علي طول 

عمرو : انا مش مرتاح لاستعجالك دا بس همشي ورا عقلي وهوافق وتبقي في يوم تشتكيلي منك ي ايهم هتندم وقتها 

طلعت امل علي اوضتها وهي حاسة باحساس غريب اوي مبسوطة وفي نفس الوقت خايفة لانها عارفة ان ايهم طلب دا لشيئ في دماغه محدش يعرفه 

                    ••••••••••••••••••••••••••••••

تاني يوم كان ايهم قاعد في الشركة ومستني شخص انه يجيله دخلت السكرتيرة وبلغته انه وصل وطلب منها تدخله علي طول دخل الشخص دا 

ايهم : اتفضل اقعد 

قعد الشخص دا وايهم قعد في الكرسي المقابل ليه وهو متوتر 

ايهم : حضرتك تشرب اي