رواية وقعت في سلطانها من الفصل الاول للاخير بقلم ميار محمد
رواية وقعت في سلطانها من الفصل الاول للاخير هى رواية من كتابة ميار محمد رواية وقعت في سلطانها من الفصل الاول للاخير صدر لاول مرة على موقع التواصل الاجتماعى فيسبوك رواية وقعت في سلطانها من الفصل الاول للاخير حقق تفاعل كبير على الفيسبوك لذلك سنعرض لكم رواية وقعت في سلطانها من الفصل الاول للاخير
رواية وقعت في سلطانها من الفصل الاول للاخير
==>بْـــسم آلُلُـــہ آلُرحٍمـنْ آلُـرحٍيَـم<==
------------------------------------
ف بيت ف اسكندريه
-----------------------
عائله مكونه من اربع افراد
ساره محمد«بطله الروايه»: شخصيه مرحه و اجتماعيه و بنت جميله جدا زي والدها ف كل حاجه ف ادبها واخلاقها واحترامها و محجبه وعندها غمزتين و بشرتها بيضه وعيونها لونهم اسود و عندها 18سنه ف كليه هندسه سنه اولي و بتشتغل ف صيدليه جنب الكليه عشان توفر مصاريف الكليه و تساعد والدها
فاطمه محمد: اخت ساره الصغيره عندها16سنه شخصيه مرحه بس مش اجتماعيه زي اختها وجمليه جدا زي والدتها وعندها غمازه ف خدها اليمين وبشرتها قمحويه شويه وعيونها لونهم بني غامق وشعرها طوله متوسط ولونه اسود وهي ف تالته ثانوي
فاتن المحمدي: والده ساره وفاطمه عندها 42 سنه طيبه اوي وحنينه وجميله
محمد جاد: والد ساره وفاطمه وعنده 44سنه وحنين وبيحب بناته الاتنين
------------------------------------------
[06:30]
فاتن"ام ساره":بت ي ساره..... يلا يبت قومي هتتأخري علي الكليه
ساره"وهي مازالت مغمضه عيناها"تقول بصوت يغلبه النعاس:ايه ي ماما في ايه انا عاوزه انام بقاااا
فاتن:قومي يلا ي آخره صبري....... قومي يبت والله لأجبلك ابوكي ..."فاتن بصوت عالي" يحج محمد قوم شوف بتك ي خويا
ساره وهي تقف سريعا ووقعت علي الارض:اهههههههههه ي ضهري قومت اهو خلاص ..."ساره وهيه تتجه الي الحمام" ف ثانيه هتلاقيني مخلصه كل حاجه ي ست الكل
فاتن وهيه تضحك علي ابنتها : مبتجيش الا بالعين الحمرا ....بسرعه بس عشان الساعه 6ونص وانتي ولا اكلتي ولا لبستي لسه ولسه هتخدي وقت ف المواصلات
ساره وهيه تجاوب عليها من الحمام:ربع ساعه واكون جاهزه ي ست الكل متخافيش
فاتن وهيه تخرج من باب الغرفه:ماشي يختي..... بس انجزي نفسك بسرعه ........ومتتأخريش علشان الاكل ميبردش
ساره:حاضر ي ماما
عدي تلت ساعه وطلعت ساره بعد م اخذت شاور و لبست هدومها و حطت ميكب خفيف ولفت الطرحه علي راسها وأخذت شنطتها و اخدت نظره سريعه علي نفسها ف المرايه قبل م تطلع من اوضتها
ساره :يخربيت حلوتي ايه ده ماشاءالله قمر طول عمري والله
وطلعت من اوضتها للصاله علشان تقعد وتاكل مع عيلتها اللي بتتكون من والدها ووالدتها واختها الصغيره فاطمه
ساره: السلام عليكم... صباح الخير
فاطمه: وعليكم السلام..... صباح النور
محمد«والد ساره»: وعليم السلام... صباح الورد ي حببتي اتأخرتي كده ليه ف اللبس انا كنت مستنيكي علشان نفطر سوا و عشان اوديكي علي سكتي للكليه
ساره وهي بتطبع قبله علي جبهه ابوها وايده: معلش حقك عليا مش هتأخر تاني انا بس كنت بحضر الشنطه علشان كده اخدت وقت ...... يلا ناكل
وقعدت ساره وفاطمه و ابوها وامها علي السفره علشان يفطرو و بعد م خلصو فطار قامت ساره وفاطمه يناولو والدتهم الاطباق الفاضيه و نده محمد علي ساره عشان يوصلها الكليه
ساره قبل م تخرج من المطبخ: عاوزه حاجه ي ست الكل قبل م امشي
فاتن بأبتسامه : لا ي حببتي ركزي انتي بس ف المحاضرات ومذاكرتك
ساره وهي تطبع علي جبهه والدتها قبلهه وطبعت واحده كمان علي ايديها: حاضر ي ماما ولو عوزتي حاجه مني اتصلي بيا وكلميني وانا هجبهالك
فاتن: ربنا يخليكي ليا ي وميحرمنيش منك ابدا ي قلب ماما
فاطمه بأبتسامه: بقولك ايه ي سوسو ي حببتي متجبيلي معاكي وانتي جاي......
قاطعتها ساره وهي بتمسك شنطتها وبتلبس جزمتها : لا
فاطمه بعيون بريئه:وحياتتيييييييييييي عندك
ساره وهي بتضحك علي منظرها: ماشي ي ستي خلاص هجبلك حاجه حلوه وانا جايه
فاطمه بأبتسامه وهي بتحضن ساره: حببتي ي سوسو انا عارفه انك مكنتيش هتقوليلي لا... بحبك ي سوسو ي احسن اخت ف الدنيا ربنا ميحرمني منك
ساره: ولا يحرمني منكم ي بطوطه
محمد: يلا ي ساره عشان اتأخرنا
ساره: جايه اهو...... يلا بينا
نزل محمد وساره السلالم و قبل م تدخل ساره عربيه باباها
فاطمه بصوت عالي وهي تلوح لساره من البلكونه: اوعي تنسي ي سوسو
ساره بضحك: حاضر يختي ادخلي انتي بس ذاكري عشان عندك شامل
فاطمه وهي تضرب جبهتها: اههه يلاهوي ده انا نسيت....... سلام ي سوسو
ساره: سلام ي بطوطه
وركبت العربيه ومحمد شغل العربيه وشغل آيه قرآنيه
وفي طريقهم لكليه الهندسه
......................
بعد عشر دقايق
نزلت ساره من العربيه وسلمت علي ابوها قبل م يروح شغله و هي تدخل الكليه
محمد: خلي بالك من نفسك ي ساره
ساره بأبتسامه عفويه: حاضر ي بابا
ابتسم ليها محمد ومشي بالعربيه علشان يشوف هو اكل عيشه
وقفت ساره شويه بتتأمل الكليه ف دي الكليه اللي كان حلمها تدخلها ودخلتها..... تنهدت ساره ودخلت الكليه وشافت طلاب كتير اوي ف بصت ف الفون بتاعها لقت الساعه ثمانيه الا ربع و لقت حد بينادي عليها ف لفت ولقت صحبتها اللي كانت معاها ف ثانوي واسمها ياسمين
قربت ياسمين منها وحضنتها وهيه فرحانه و فصلت الحضن وقالت: ايه ده مش مصدقه نفسي..... وحشتيني ي بت ي ساره
ساره بفرح: والله ولا انا مصدقه نفسي... والله انتي اكتر ي بت ي ياسمينا
ياسمين: اللللللله يعني كده انا وانتي هنيجي الكليه مع بعض ونرجع البيت مع بعض
ساره بأبتسامه : اه هنيجي مع بعض ونرجع مع بعض
ياسمين بفرح: اهه..... اممم بقولك ايه ايه رأيك نكتشف الكليه بما ان لسه قدامنا ربع ساعه او نص ساعه بالكتير
ساره: اه تمام يلا بينا نكتشفها مع بعض
وذهبت ياسمبن وساره عشان يستكشفو الكليه مع بعض
_______________________________________
في مكان تاني
-------------------
ف فيلا العماري
---------------
عائله غنيه من طبقه راقيه
عز الدين العماري: شاب وسيم جدا وشديد ف تعامله وقاسي والده متوفي وعنده29سنه ودكتور ف كليه الهندسه وعنده مجموعه شركات للمهندسين والمعمار
وباقي الشخصيات هنعرفها ف الفصول الجايه
بيصحا بطلنا عز الدين العماري من نومه علي صوت الخادمه
الخادمه بخوف: عز بيه الساعه دلوقتي 7وربع وحضرتك قولتلي اصح......
قاطعها عز الدين: ششششششششش خلاص انتي لسه هترغي كتير روحي حضريلي الفطار
الخادمه وهيه تختفي من امامه: اومرك ي بيه
بعد م الخادمه مشت رن فون عز و مسكه و لقاه صحبه حازم ف رد عليه
حازم: ايه يعم كل ده نوم عمال ارن عليك من بدري وانت نايم ف سابع نومه
فتأفأف عز وقال:عاوز ايه ي حازم خلص
حازم وهو بيصفر: م تخلص ي سي عز عندك شغل ف الكليه و كمان عندنا شغل يامه ف الشرك.......
عز قاطعه : خلاص خلاص قومت د انت لكاك اوي وصداع
حازم: طب تصدق انو انا غلطان عشان بصحيك
قفل عز ف وشه الخط
وقام يجهز نفسه عشان يروح شغله ودخل ياخد شاور وبعد ربع ساعه طلع وهو بينشف شعره ولافف نفسه من تحت ب فوطه ومن فوق كان عاري وطلع البدله بتاعته ولبسها ولبس ساعته وجزمته و رش البرفان بتاعه وسرح شعره وكان وسيم اوي اوي بكتفه العريض وعضلاته
.............
طلع من اوضته ونزل للصالون وسلم علي عليته
رهف العماري: اخت عز الصغيره عندها18سنه وهي ف كليه هندسه اجتماعيه وجميله جدا
وفاء الشناوي: والدته عز ورهف عندها 48 سنه وعاوزه تجوز عز لبنت اختها جومانا بس عز رفض فكره الجواز
أسماء الشناوي: اخت وفاء عندها 46 سنه ووالدته جومانا و نفسها تجوز بنتها لعز عشان فلوسه و متكبره و خبيثه
جومانا الشرقاوي: بنت أسماء وعندها 25سنه وعاوزه تتجوز عز ب اي طريقه عشان خاطر فلوسه وثروته وبنت شرانيه ومبتحبش الخير ابدا لحد وصاحبه مشاكل
ـــــــــــــــــــــــــــــــــــــــــــــــــ
عز وهو نازل من علي السلم: صباح الخير
رهف و وفاء: صباح النور
جلس عز الدين بجانب والدته واخته عشان ياكلو
وفاء: فكرت ي عز ف الموضوع اللي قلتلك عليه امبارح
عز بأستفهام: موضوع ايه
وفاء: ف بنت خالتك جومانه ايه رأيـ.......
قاطعها عز: لا مش عاجباني ومش هتجوز واقفلي علي السيره
وفاء بعصبيه: وهو ايه اللي مش عاجبك فيها م هي حلوه اهيه وكمان من العيله و محترمـــ.......
قاطعها عز للمره الثانيه وقال بنبره شبه غاضبه: مش عاجباني ومش عاوزها ومش بحبها
رهف: الصراحه عندك حق ي عز هيه مش محترمه كمان
وفاء متدخليش ي رهف ف الكلام ده
سكتت رهف وتأفأفت بعصبيه وقامت من علي الاكل وطلعت اوضتها عشان تجيب شنطتها للكليه
رهف: برضو هتتجوزها ي عز وخصبا عنك
هنا اتعصب عز اوي و قال بصوت عالي: مش هتجوزها ومش هتجوز اصلا ومش هربط نفسي ب واحده ماشيه علي حل شعرها
أسماء: عال اوي ي عز الكلام ده
بصت وفاء نحيه الباب علي اختها وبنتها جومانا و قربو منهم
أسماء: من امتا بنتي مش محترمه ي سي عز....... وكمان هيه اللي المفروض تتجوزها عشان من نفس العيله
جرت جومانا علي عز وحضنته ف أبعدها عز عنها وقال بعصبيه: مش قولتلك مليون مره متلمسنيش وكمان متجيش نحيتي
جومانا بدلع وبطفولبه متصنعه: في ايه ي عزي م انت وحشتني
قالت رهف بعصبيه بعدما نزلت: انتي ي بت مش محترمه اللي اكبر منك يعني انتي شايفه امك واقفه وامي واقفه ومش حاسه علي دمك وتحترمي نفسك ولا اللي اختشو ماتو
جومانا: وانتي مالك ي بت انتي انتي متتكلميش اصــ.........
زعق عز فيها: انتي اللي متكلميش خالص وطالما انا هنا مستمعش حسك.... انتي فاهمه ولا افهمك بطرقتي...... يلا ي رهف عشان متتأخريش علي الكليه
ولم يترك لهم عز انهم يتكلمو وطلع من الفيلا وطلعت رهف وراه وهيه بتبص لجومانا من فوق لتحت ب أحتقار وشماته و اتعصبت جومانا وطلعت اوضه عز عشان تقعد فيها
أسماء بعصبيه: شفتي ابنك عمل ايه
وفاء: اه شفت ومش عارفه مش راضي ليه يتجوز جومانا دي حتي بتحبه
أسماء وهيه بتتصنع الحزن: اه والله ده البت مش بترضا تاكل كل شزيه بتفكر فيه
تنهدت وفاء وقالت: ربنا يهديه يارب
وذهبت وفاء وأسماء للمطبخ عشان يجهزو الغذا
ــــــــــــــــــــــــــــــــــــــــــــــــــــــــــــــــــــ
ركب رهف وعز العربيه عشان يروحو الكليه......................... ♡
كان عز الدين بيسوق العربيه بسرعه جنونيه وكان غضبه و عصبيته عمياه و رهف كانت خايفه احسن يعمل بيهم حادثه
ووصلو لجراش بيركنو فيها العربيات ف الكليه
رهف: هدي نفسك ي عز مش كده كبر دماغك من كلامهم......... ومتعملش حاجه عشان حد
عز مردش عليها وكان بيزود ف السرعه اكتر
رهف خافت اكتر وخصوصا انو في طلاب بيركنو عربيتهم وممكن حد فيهم يحصله حاجه
لو مشفش العربيه ويعملو حادثه
____________________________
ف الوقت ده كانت ساره وياسمين خلصو لف ف الكليه واكتشفو كل حاجه فيها ماعدا الجراش
ياسمين: يااااه الكليه حلوه اوي وكبيره مفضلش غير الجراش
ساره بتفكير: اممممم احنا فاضلنا عشر دقايق هنلحق و لا لا
ياسمين: اه هنلحق ومنلحقش ليه وكمان الجراش قريب يعني هنطلع من هنا ي ستي وهندخل علي المحاضره علي طول
ساره: خلاص يلا بينا
دخلو للجراش وبدأو يتمشو فيه وكل م ياسمين تشوف عربيه حلوه وفخمه تصورها
ساره بتسائل: انتي بتصوريهم ليه؟
ياسمين: شكلهم حلو...... وكمان نفسي اعرف بيجبوهم ازاي
ساره وهي بتضحك: يخربيتك هتحسديهم قولي الله واكبر حتي
ف تركتها ساره وبدأت تتمشي ف المكان و ف اللحظه دي عربيه عز كانت دخلت الجراش وكان سايق بسرعه عاليه
فجئه ساره طلعت قدام العربيه وكان عز هيخبطها لولا رهف اللي وقفته
ساره وقعت علي الارض ومعرفتش تقوم من الصدمه
جرت عليها ياسمين وقومتها و خرجت رهف من العربيه علشان تطمن عليها وعز صدره بينزل ويعلا وهو مصدوم و خرج هو كمان من العربيه
رهف بخوف شديد: انتي كويسه؟...... انا اسفه والله انــ......
قاطعتها ياسمين بعصبيه: اسفه! اسفه ايه ده كان هيقتلها
رهف بأسف شديد: حقك عليا انا... ا ا انا اسفه بتأسفلك نيابتا عنه
ف اللحظه دي فاقت ساره من صدمتها وقامت وشتمت عز
ساره بعصبيه شديده : انت ي حيوان ايه مش شايف قدامك.... ايه بهيم مش بتشوف
عز ببرود: مكنتش اقصد علي فكره انو انا ادوسك ي آنسه
ساره بعصبيه: هو ايه اللي مكنتش تقصد دي وهو انا شفافه عدت من قدام العربيه دي. . اه م انت علشان متخلف مفكر انو الجراش جراش ابوك هو... جرا ايه ي مكبوت ي ابن المكبوته
عز بعصبيه: لمي نفسك ولمي لسانك ي بت انتي انتي متعرفيش انا مين
ساره بنفس العصبيه: لا وحياتك لتعرفني انت مين يلااااا... ايه ابن رئيس معالي الوزير وهو انت مفكرني هخاف منك ولا ايـــ....
عز قاطعها بعصبيه ومسك كتفها وفضل يضغط عليها: مش قلت متتكلميش ولمي لساني ي بت انتي..... انتي عيله قليله الادب ومتربتيش واهلك مربوكيش
ساره بوجع: اههه سبني انت مجنون سبني اههه
حاولت رهف و ياسمين يفكو ساره من ايد عز لحد م هو سابها راحت ساره طربته بالقلم علي وشه والطلاب اتلمت علي صوتهم (يعيني ده اتصدم😂)
اتصدم كل اللي موجودين وعز اتصدم من اللي حصل وانو ازاي واحده تمد ايدها عليه
رهف وهي بتلطم وبتقول بنها وبين نفسها: يلاهوي يلاهوي
عز بص لساره اللي كانت متعصبه وبصلها بصه خافت منها وقبل م يتكلم ويتعصب راحت ساره رزعاه طربه برجليها تحت الحزام واخدت ياسمين وجرو برا الجراش (البت جابت اجله خلاص😂)
ووقع عز علي الارض من الوجع وفي اللي من الطلاب فضل يضحك واللي بيصور واللي مصدومين من اللي حصل
رهف بصدمه: يلاهوي ايه اللي حصل ده.... قوم ي عز قوم
عز قام وقال بعصبيه: كلو برااااااااا... وانتو بتصور ايه....كل اللش هنا شايل الماده انتو سامعين
خاف الطلاب وطلعو يجرو برا
عز بعصبيه: ودينــ*ي م انا سايبها والله لأدفعها تمن كل ده البت بت ال*********دي
رهف وهي بتحاول تهدي عز: خلاص ي عز
عز بعصبيه اكتر: لا مش خلاص ولو شفتها تاني هندمها والله لأندمها
عز بضحكه جانبيه وخبيثه: وانا عارف هعمل ايه..... انا مكبوت تمام اويي.... روحي علي محاضرتك
وعز ساب رهف وطلع برا الجراش وهو متعصب
_____________________________
عند ساره وياسمين
ساره وهيه ماسكه كتفها بوجع: ده مجنون اههه والله لأشتكي لعميد الكليه اههه
ياسمين بخوف: طب انتي كويسه......(وياسمين جت تمسك ايديها فتأوهت ساره)
ياسمين: ا ا انا اسفه مكنتش اقصـ..
ساره: لا عادي ولا يهمك يلا بينا نروح علي المحاضره كفايا بجد اللي حصل
ياسمين بخوف: وانتي هتعرفي تحضري وانتي ايدك وجعاكي
ساره وهيه بتخفي وجعها: اه هعرف احضر
ياسمين: تمام يلا .../ساره: يلا
وصل عز الدين للقاعه ودخل ولقا الطلاب بيهمسو علي اللي حصل وده زود انتقامه اكتر وعصبيته
عز بعصبيه : هشششششش مش عاوزه اسمع صوت حد...... اسكتوووو
سكت الطلاب كلهم وخافو منه
ف اللحظه دي بدء عز يشرح المحاضره بس كان كل تفكيره ف ساره وانها اتجرءت ومدت ايدها عليه
ياسمين: يلا بينا وصلنا
ساره: يلا ندخل
اول م فتحو الباب لقو الدكتور مدي ليهم ضهره وبيشرح ف لقت الطلاب بيبصو عليها بس هيه مهتمتش للدكتور ودخلت وكانت ليه هتقعد هي وياسمين وقفهم صوت عز
عز بعصبيه: انتي ي طالبه انتي ازاي تخشي من بعديا... اطلعي برااا
ساره بصدمه: انت!
عز بعصبيه اكتر: غوري اطلعي برا... وشاور علي الباب
ساره بعصبيه: وانت بقا ملكش الحق حضرتك انك تطلعني وانت لسه داخل
عز: لا انا داخل من بدري بس انتي اللي دخلتي متأخر ياعلم كنتي بتعملي ايه..... ممكن كنتي بتتمشي مع الولاد وبتتصرمحي معاهم م هو التربيه دي انا عارفها كويس
سعتها ساره نست وجعها واتعصبت اكتر: لا بقا كده كتير انت مفكر نفسك مين ي راجل انت هاااااااااااا..... ولو علي التربيه ف انا اهلي مربيني احسن تربيه والدور والباقي علي جنابك ولو علي اللف مع الولاد ف احب اقول لحضرتك انو انا لسه........(وبصتله بأشمأزاز ) ضاربه واحد بالقلم و بالرجل تقريبا كده مبقاش راجل
اتعصب عز اوي وعرف انها تقصده بكلامه راح مسكها من اديها وشد. عليها جامد وفضل يقرب اكتر وراح همسلها: وانا هوريكي اللي ضربتيه ده هيعمل فيكي ايه ف الايام الجايه
راح زقها ووقعت علي الارض:
ودلوقتي اطلعي برا
وكل ده والطلاب بيتفرجو ومصدومين من جرأه البت دي وكل ده تحت انظار ياسمين ورهف اللي كانو برضو مصدومين
قامت ساره وبصتله بعصبيه وطلعت من القاعه وهيه متعصبه وراحت علي الكافتريا
ساره لنفسها: انا انا يقولي كده الحقير ده انا.... اههه ي ايدي اههه ي كتفي منك لله ي مفتري
حازم: احممم ي آنسه انتي بتكلمي مين
لفت ساره راسها لقت شاب وسيم
ساره وهي بتتلفت يمين وشمال وملقتش الا هي اللي ف الكافيتريا كلها: انت بتكلمني انا
حازم: اه انتي
ساره بعصبيه: وانت مالك انت كمان
حازم: حبيت اعرف بس لو في حاجه عشان انتي بتكلمي نفسك ف حبيت اساعدك
ساره: لا متشكرين مش محتاجه حاجه.. واتفضل امشي م قدامي
حازم بتردد: اممم انتي ليه مش ف المحاضره بتاعتك
ساره بنفاذ صبر: وانت مالك هو اي حد هيجي يحشر مناخيره ف اللي ملهوش فيه..... امشي لو سمحت من قدامي
حازم: خلاص خلاص بس شكلك سنه اولي
ساره مردتش عليه وبصتله بعصبيه
حازم: خلاص انا اسف بس حبيت اعرف بس اسمك ايه
ساره: اسمي ساره
حازم: اسمك جميل وانتي جميله ماشاءالله... احمممم وانت حازم... اقصد دكتور حازم
ساره: اتشرفت بمعرفتك حضرتك
حازم: وانا كمان... انا ممكن اشرحلك دلوقتي المحاضره اللي فاتتك دي علي فكره ايه رأيك اشرحالك دلوقتي
ساره بفرح: بجد شكرا لحضرتك اوي... امم تمام لو مش هتعب حضرتك يعني
بصلها حازم: لا تعب ولا حاجه هشرحالك يلا نبدأ بسم الله
عدي الوقت بسرعه والمحاضره خلصت وطلع عز علي الكافيتريا علشان يشرب قهوه بسبب الصداع اللي جاله ومن اول م بدأ المحاضره وهيه مش راضيه تطلع من دماغه
واول م دخل من باب الكافيتريا لقاها قاعده مع حازم و حازم بيشرحلها حاجه وهيه مركزه وقاعدين بيتكلمو ف الوقت ده حس بنار بتغلي من جواههه واتعصب اوي وقرب منهم بخطواط ثابته و.......................
ستوب
ياترا عز الدين هيعمل ايه؟
ولحظته ساره وهو داخل من باب الكافيتريا وجي نحيتهم وهو باين عليه العصبيه وشكله ميبشرش بالخير..... للحظه حست ساره جواها بالقلق بس نفرت الاحساس ده وحاولت تركز ف شرح حازم
حازم بعد م خلص شرح بصلها بأبتسامه:فهمتي ي ساره
بصتله ساره و بادلته أبتسامه صغيره مما ذادها جمال: اه فهمتها كويس شكرا ...احمم تعبتك معايا اسفه
حازم بعد م سرح فيها شويه وبنظره اعجاب : اي.... امممم لا شكر علي واجب... وكمان ولا تعب ولا حاجه انتي لو احتجتي حاجه انا موجود
ساره: شكرا
حازم: العفو
جه وقرب منهم ولاحظه حازم ف قام حازم واستقبله بأبتسامه وحضنه: عز.... عامل ايه ي صحبي
بس عز مكنش مركز معاه كان مركز مع اللي قاعده بتحل علي المحاضره علشان متقبلش عينه ف عنيها
عز بعد م فصل الحضن: بخير وانت
حازم: يارب دايما.... بأفضل حال الحمدلله
عز وهو لسه عينه علي ساره : الحمدلله
عز بعد م بص لحازم : عاوزك ف موضوع
حازم: بعدين ي عز انا دلوقتي بشرحلها المحاضره
حازم لف ولسه هيقعد مكانه راح عز حط ايده علي كتفه ومنعه من انو يقعد
عز بجديه: بقولك عاوزك ف موضوع ضروري تقولي بعدين
شال عز ايده من علي كتف حازم وحط ايده ف جيبه وقال: خمس دقايق تكون ف المكتب
وسابه و مشى من الكافيتريا
حازم بصله بغيظ وفضل يلعن فيه ف سره ووجه نظره بعدها لساره ولقاها لسه بتحل
تحمحم حازم وقالها: احممم....آنسه ساره اممم انا لازم امشي دلوقتي لو احتاجتي حاجه انا موحود ف اي وقت
اكتفت ساره بإماء
ومشا حازم
وساره لقت ياسمين بتتصل عليها فردت
ساره: الو
ياسمين: الو... ايه ي بنتي انتي فين
ساره: انا ف الكافيتريا
ياسمين: تمام انا جيالك
ساره: تمام.. وقفلت الخط
ساره وهي بتجمع حجاتها ف الشنطه لاحظت انو تليفون حازم موحود علي الكرسي بتاعه ومشا ونساه
ساره مسكت الفون: يلاهوي ده نسا تليفونه.... الاقيه في دلوقتي بقا...
دخلت ياسمين عليها: في ايه ي سوسو
ساره: تلفون دكتور حازم نساه هنا ومش عارفه هو فين
ياسمين بعدم فهم: دكتور حازم مين؟
ساره وهي بتلم حجتها الباقيه : هفهمك بعدين تعالي بس نروح نوديهوله.... يلاهوي طب انا هلاقيه فين
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
ياسمين: اممم تقريبا ممكن نلاقيه ف المكتب..... تعالي يلا بينا علي المكتب
ساره: يلا
ومشت ياسمين وساره ووجهتهم مكتب حازم
-----------------------------------------
عند حازم
راح للمكتب بتاع عز و دخل من غير م يخبط ولقاه بيشرب سجاره وهو باصص من الشباك وعطيه ضهره ف ساب الباب مفتوح وقله وهو متغاظ منه: ايه هو الموضوع ي عز
عز لفله وقاله: كنت بتعمل ايه ف الكافيتريا
حازم: هكون بعمل ايه يعني بشرح لساره المحاض......
قاطعه عز وهو بيطفي سجارته: امممم وانت بقا بتشرحلها وخلاص صح
حازم بضيق: في ايه ي عز عادي هيه ملحقتش المحاضره ومعرفتش تدخل ف قولت اشرحلها
عز: اههههه وانت بقا مش عارف هيه ملحقتهاش ليه او مدخلتش ليه؟
حازم: ليه يعني اكيد اتأخر.....
عز قاطعه وقاله: اه اتأخرت عارف ليه عشان الهانم اكيد كانت بتلف مع الشباب
حازم: ايه؟! لا اميد لا دي باين عليها بنت ناس ومتربيه وغلبانه ومحترم.......
عز بأستنكار: والله انت اللي محترم وغلبان...... دي تمثل انها بريئه بس هيه غير...... وانت صدقت انها يعيني اتأخرت من غير اي سبب
حازم بغضب: انت بتقول ايه ي عز هيه عملتلك ايه
عز بعصبيه: عملت انها اهانتني قدام الطالبه ومحترمتش وجودي حتي والهانم داخله متأخر ولا هممها اي حد ولا اكن في دكتور واقف...... دي قليله ادب ومتربتش ولا شافت تربيه......(ثم قال بأستهزاء) اكيد اهلها مكنوش فاضيين اكيد كانو مش فاضين لواحده زيها ابن بميت لسان
ف اللحظه دي كانت ساره وصلت وسمعت كل حاجه
ساره دخلت وخبطت وهيه باصه نحيه حازم
ساره : احممم السلام عليكم
حازم بأستفهام: وعليم السلام.... في حاجه ي آنسه ساره؟
ساره طلعت الفون بتاعه وقالتله: اممم تلفون حضرتك نسيتو قبل م تمشي ف قولت اشوف حضرتك فين و اديهولك
حازم بص علي التلفون وبصلها واخده منها وقالها ببسمه كلها اعجاب: اممم... شكرا ي ساره
ساره: الشكر لله... احممم عن اذنكم
كل ده وعز متابع الموقف قدامه وحس بنار جوا برضو وميعرفش ليه وفضل باصص عليها بعين ضيقه وهو مراقب كل حركه هي بتعملها
عز بأستهزاء: كمان عاوزه توقعي حازم.....بجد مفيش تربيه..... تربيه زبالههههه قال ايه بنت ناس وملاك (وضحك ضحكه جانبيه)
ساره بصتله اخيرا وكانت مصدومه و كذالك حازم
ساره فاض بيها وقربت منه وضربته كف علي وشه تحت صدمه حازم و عز
عز بعصبيه: ايه اللي انتي عملتي.......
قاطعته ساره بعصبيه وعنيها فيها دموع :مش انا قليله ربايه........ يبقا متستغربش من اللي عملته علشان انت تستاهل
عز اتعصب جامد ومسكها من كتفها مكان الوجع : انا استاهل ي ربايه كلاب السكك
فتأوهت ساره بسبب الوجع و دموعها اخدت طريق سيرها سعتها بسبب وجع كتفها عيطت
دخلت ياسمين المكتب ولقت ساره بتعيط وعز مسكها من كتفها وحازم بيحاول يفلتها من ايده بس مش عارف وكل شويه عز يشد علي ايديها اكتر
ياسمين شهقت و جرت تفك ساره من ايد عز بس معرفتش ومره واحده عز ساب ساره وزقها
فوقعت علي الارض وانهارت بسبب الوجع ومبقتش حاسه ب كتفها
اول م شاف عز دموعها حس بحاجه غريبه جواه بس اتجهلها
جرت ياسمين عليها وساعدتها تقوم
ياسمين بخوف: ساره انتي كويسه ... قومي
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
حازم اتعصب علي عز وكان هيضربه بس عز مسكه: ايه هتضربني ولا ايه... انا معملتش حاجه غلط انا عملت اللي تستاهله
حازم بعصبيه ومسكه من ياقه قميصه: انت ازاي تعمل كده هااااااا....... انت ازاي كده
ضحك عز وقال: دي المعامله اللي لازم تتعامل بيها..... حيوانه
ساره قالت بضعف: وهو انا لو كنت حيوانه كنت زماني بمشي وراك لان كل واحد بيشوف غيره زيه بالظبط
ساره سبتهم ومشت وهيه ماسكه كتفها تحت صدمه عز من كلامها ومعناه ف اتعصب وكان هيروح وراها وقال:انا هربيها بت الكلب دي دلوقتي
وكان هيمشي لولا حازم منعه وقله بعصبيه وزعيق:خلاصصص ..... خلاص اسكت
ياسمين مقدرتش تمسك نفسها وقالت بعصبيه: انت معندكش ولا دم ولا ضمير...... انتي ايه حجر لا الزاهر فعلا مبتحسش
وسابتهم ياسمين وراحت ورا ساره علشان تلحقها
ف اللحظه دي ساره مقدرتش تقعد ف الكليه بسبب الوجع وقررت انها هتروح الصيدليه اللي جنب الكليه اللي هيه بتشتغل فيها
وهي بتعدي الطريق مأخدتش بالها من العربيه اللي جايه بسرعه جت وخبططها ووقعت علي الارض مغمي عليها
وياسمين اول م طلعت من باب الكليه شافت منظر ساره وهي واقعه علي الارض والدم اللي نازل منها
ياسمين صرخت بأسمها وطلعت تجري عليها و الناس اتلمت عليها وفضلت ياسمين تعيط والطلاب كانو شايفين المنظر وفي اللي كانو بيصرخو
_______________________
عند حازم وعز
حازم: انت معندكش احساس فعلا انت مفكر انو انا هسمحك علي الحركه دي هاااااا
عز: وانت كنت عاوزني اسكتلها ولا ايه دي عيله قليله الاد......
وقبل م يكمل كلامه سنعو صوت صريخ جي من برا
بص حازم لعز وسابه وطلع يجري علي بره وعز طلع وراه
واول م لقو الطلبه متجمعين برا الكليه طلهو علي برا علي طوا
واول م طلعو عرفو انو في طالبه عملت حادث
ف خاف عز الدين احسن تكون اخته رهف ف جري حازم وعز عليها بس اتفاجؤ انها ساره وياسمين قاعده جنبها بتعيط
حازم بصدمه: ايه اللي حصل ساره.....ساره... اصحي.... اطلبو الاسعاااااف
ياسمين ببكاء: سارع اصحي بالله عليكي ي ساره
عز واقف مصدوم ومش عارف بعمل ايه
الاسعاف وصلت واخدت ساره
وياسمين راحت معاها وحازم بقا قميصه كله دم ساره وهو مصدوم لسه
وبص علي عز لقاه واقف وساكت قرب منه ولكمه وضربه (حازم بعصبيه): كل ده بسببك.. عارف لو حصلها حاجه عارف هعمل فيك ايه.....
عز مردش عليه ودخل الكليه وسابه
وحازم اخد العربيه وهو بيلعن عز وبيشتمه وطلع علي المستشفي
___________
عند عز
دخل مكتبه وقفل علي نفسه وطلع سجاير وفضل يشرب سجاير وفضل يفتكر اول مره شافها وانو هو مش عارف ازاي هيه جميله كده وملامحها حلوه وعصبيتها ولا دموعها اللي حس انها عرفت تدوب التلج اللي كان موجود علي قلبه وخد مفاتيح عربيته ومشا من الكليه وهو مش عارف يوقف تفكير فيها
للانضمام لقناة الواتساب اضغط هنا
↚
ركب عز عربيته
عز بعصبيه: مش عاوزه تطلعي ليه من دماغي......انا ايه اللي بيحصلي
وساق عربيته بأقصي سرعه وهو مش عارف يروح فين
_____________________
ف المستشفى
نقلو ساره لقسم الطوارئ وياسمين قاعده برا خايفه وعماله تدعي انها ميحصلهاش حاجه وهي بتعيط
بعد ساعه من دخول ساره العمليات
وصل حازم ولقا ياسمين قاعده بتعيط وبتدعي ربنا انو ينجيها
حازم بقلق: هيه لسه مطلعتش
ياسمين بصتله بقهر ولفت وشها النحيه التانيه
فأتوتر حازم وقعد علي الكراسي اللي قدامها
بعد نص ساعه
باب العمليات اتفتح و الدكتور طلع بس شكله ميبشرش بالخير
ياسمين قامت وجرت علي الدكتور وقالت بخوف: ها ي دكتور طمني
الدكتور سكت وبص لتحت
ياسمين خافت وحازم قرب منه وقال بقلق :في ايه ي دكتور طمنا.... ساره مالها؟ هي كويسه.؟
الدكتور:بصراحه ساره.......................
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
الدكتور: بصراحه كده ساره خسرت دم بسبب الحادثه دي وعلقنلها محلول والحمدلله لحقناها
ياسمين بقلق: يعني هيه كويسه دلوقتي ممكن ادخلها
الدكتور: هيه لسه تحت تأثير المخدر لما تفوق تبقي تدخللها
تنهدت ياسمين وشكرت ربها انه استجابلها
ياسمين: الشكر لك يارب الحمدلله
حازم ببسمه : شكرا ليك ي دكتور ا..... أسم حضرتك ايه؟
الدكتور بادله الابتسامه وعينه علي ياسمين: العفو ده واجبي... انا اسمي دكتور مصطفي
حازم: و انا دكتور حازم اتشرفت بمعرفتك ي دكتور مصطفي
مصطفي: انا اكتر ي دكتور حازم.... عن اذنكم همشي دلوقتي عشان ورايا حاله لو أحتاجتو اي حاجه الممرضين موجودين
ياسمين بأبتسامه: شكرا ي دكتور مصطفي انك لحقت ساره متشكره لحضرتك
سرح مصطفي شويه ف جمالها و ف رقتها وادبها و ازاي دي البنت اللي كانت منهاره من شويه من العياط وخدودها بقا لونهم احمر من كتر العياط و عنيها الجميله والحلو دي حتي ضحكتها دوبته
مصطفي: لا شكر علي واجب بس خلي بالك لما ساره تفوق متضخطوش عليهت....احممم عن اذنكم
مشا مصطفي من قدامهم وفضل حازم و ياسمين اللي ف المكان...... ياسمين راحت قعدت علي الكرسي من غير م تنطق كلمه او تقول حاجه لحازم و قعدت سرحانه
تحمحم حازم وراح قعد قدامها و قعدو ربع ساعه علي الصمت ده لحد م حازم كسر الصمت ده
حازم: احمم....مش المفروض اهلها يعرفو
ياسمين بصتلو وفكرت شويه وقالت: اه انا مقلتلهومش
ياسمين بخوف وقلق: بس مش ضامنه رده فعلهم ده ممكن والدها يموت فيها ووالدتها يجلها هبوط
حازم بقلق هو كمان: بس لازم يعرفو انا عارف انو هو هيبقا الخبر صعب عليهم بس لازم يعرفو
ف الوقت ده تلفون حازم رن وقرا الاسم لقاه عز
فتأفأف حازم ونفخ ف الهوا
حازم قام من مكانه وقال بعصبيه بدأت تبدء عليه : عن اذنك هرد علي المكالمه وهاجي
مستناش حتي يسمع رد ياسمين ومشا ف أستغربت ياسمين ف الاول لكن رفعت كتفها بلا اهتمام وقعدت تفكر هتقول لوالد ساره ووالدتها ايه وهل هيستحملو
---------------------------------
عند حازم
حازم رد عليه وقاله بنفاذ صبر وعصبيه: ايه عاوز ايه ي عز
عز ببرود : بتعمل ايه وانت فين مش بتشوف شغلك ليه ف الكليه هو انت ناسي انو في سكاشن المفروض تديها انهارده لطلاب سنه تانيه
حازم بغضب: انا فين!؟!..... انا ف المستشفي ايه متعرفش
عز تصنع الدهشه وقال: اههههه سلامتك رحت المستشفى ليه
حازم قفل ف وشه الخطو ومخلهوش يكمل كلامه
رجع جازم لجوا تاني وهو ف طريقه لقا الممرضه بتنادي عليه
الممرضه: لو سمحت المروض تملي الأستماره و تدفع حق العمليه والتكاليف و.....
قاطعها حازم: تمام.... ممكن تدليني علي الرسبشن
الممرضه شاورت علي المكان: اتفضل معايا ي فندم
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
و مشا حازم مع الممرضه
بعد م دفع تكاليف العمليه راح عند العنبر اللي موجود فيه ساره وملقاش ياسمين ف عرف انها دخلتلها و لما بص من الشباك لقاها فعلا قاعده جنبها علي السرير و بتعيط ف خبط حازم علي الباب ودخل بهدوم بس ياسمين مبصتلهوش ولا عطيتله اي اهتمام
قرب حازم من الكنبه وقعد عليا وهو قاعد بيفكر هيكلمو اهلها ازاي وخصوصا انو انهارده المفروض كان اول يوم جامعه ليها وحصلها كل ده ف ادايق اوي من جوا وخصوصا انو هو اعجب بيها من اول نظرة بسبب احترامها و ضحكتها الجميله ورقتها ف قرر انو هو هيتصل بأهلها ويعرفهم ب اللي حصل معاها وقام مشا من الاوضه و اتصل عليهم
__________________
عند عز الدين
_______
بعد م حازم قطع الخط معاه رما الفون علي المكتب و قام من علي مكانه وطلع سجاره وولعها و فضل واقف قدام الشباك مبيعملش حاجه انو هو بيشرب ف سجاير... واحده ورا التانيه ورا التالته لحد م خلص حوالي نص العبوه
و بعد م خلص شرب اخد فونه واخد مفاتيحه و راح يكمل باقي المحاضرات اللي عنده علشان يحاول ينسا منظرها وهيه كانت مرميه ف الشارع زالدم سايح منها منظر مش بيتمنا يحصل لحد.... هل ي ترا لسه عايشه ولا ماتت؟؟ ده السؤال اللي بيسئله لنفسه
و ف طريقه للمدرج لقا اخته رهف جايه عليه ف وقفته
رهف بخوف: عز عز هو اللي سمعته صح فعلا في طالبه عملت حادثه وعربيه خبطتها
عز ببرود: اه
رهف بخوف شديد: وحصلها ايه متعرفش
عز بغضب مكتوم: وهيه كانت من بقيه اهلي وانا معرفش... يلا ي رهف قدامي علي المدرج
رهف بخوف وصدمه: هو انا قولتلك حاجه غلط في ايه وكمان انا بسألك عادي عشان دي شكلها غلبانه وطيبه ومحتر.....
عز بعصبيه وهو بيجز علي سنانه: رهههف قدامييي علي المدرج ومش هعيد كلامي تاني
رهف خافت وطلعت تجري علي المدرج: خلاص خلاص ماشيه اهو ي ساترررر
وصل عز للمدرح ودخل القاعه وبدء يشرح المحاضره
__________________
[03:35] PM
فاقت ساره من البينج و بصت جنبها لقت ياسمين نايمه علي الكرسي... حاولت ساره تعدل نفسها من غير م تصحي ياسمين ف تأوهت بصوت واطي بس ياسمين فاقت بفزع
ياسمين بخوف : انتي كويسه حصلك حاجه اطلب الدكتو...
ساره بتعب: اهه كويسه انتي بس بطلي تتفزعي كده
ياسمين: لا والله وهو انا بتفزع من نفسي ده انتي فزعتينا كلنا انا كنت حبه كده وهموت
ساره: بعيد الشر عنك ي ياسو
ضحكت ياسمين: ياسووو... ماشي ي سوسو.... انتي بس عامله ايه في حاجه وجعاكي
ساره: لا لا مفيش حاجه وجعاني انا بس حاسه بدوغه بسيطه
ياسمين: اممم الدكتور قالي ان انتي هيجيلك دوغه بسيطه اثر البينج وكده
ساره: اممممم
فكرت ساره شويه وقالت
ساره: اممم شكرا ي ياسو لانك لحقتيني وشكرا لانك ساعدتيني
ياسمين: انتي عبيطه ي بت لا انتي اكيد عبيطه انتي اختي ي بت ومساعدتش اختي ليه ده انا اعرفك من زمان.... انا معملتش حاجه والله
ساره: احممم شكرا علي انك دفعتي تكاليف المستشفى وكده وعد. مني هديهملك بعد م اخرج انشاء الله
ياسمين بأنكار واستغراب: بس انا مدفعتش اي حاجه؟
ساره: ايه اومال مين اللي دفع..... انتي اكيد بتهزري
ياسمين: والله م بكدب عليكي زلا بهزر معاكي انا فعلا مدفعتش حاجه
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
ساره: اومال مين اللي دفع
ياسمين: اههههه عرفت مين.... ده الدكتور حازم
ساره: دكتور حازم مين
ياسمين: دكتور حاززززم ايه نستيه لما فونه وقع منه وانتي رحتي عشان تخديه و....
وقفت ياسمين مره واحده ومكملتش لانها هتفتح ف وجع ساره... وساره افتكرت اللي حصل وكان كتفها متجبس ونزلت دمعه من عنيها
ساره بحزن: هو ليه عملني كده انا عملتله ايه
اقتربت ياسمين منها وحضنتها
ياسمين: هشششش بس خلاص متزعليش هو اللي واحد اناني ومعندهوش ضمير ولا مشاعر... هو اللي مريض ي روحي
ساره فصلت العناق:احممم فين دكتور حازم عشان اشكره واشوف التكاليف كام علشان ادفعها
وساره حاولت تقف بس رجلها كانت وجعاها ف رجعت وقعدت تاني
ياسمين: استني ي ساره هشوفه فين
ساره اخدت طرحه ولفتها عليها وعلي شعرها
وكانت ياسمين هتطلع من الاوضه بس وقفت اول م لقت الباب بيتفتح مره واحده ولقت والد ساره ووالدتها بيجرو عليها ووراهم حازم
فاتن بدموع: سارهه اههه ي بنتي انتي كويسه
واخدتها ساره بالحضن وعيطت
ساره بدموع: اهه كويسه ي ماما
فاتن وهي بتمسح علي راسها: يعني بخير ي قلبي..... ولاحظت انو هيه متجبسه ف كتفها فشهقت وكملت ي حببتي يعيني عليكي ي بنتي
ساره بعياط: وحشتيني اوي ي ماما
فاتن: انتي اكتر يروحي
ساره فصلت الحضن ولقت بباها بيقرب منها ف حضنته وفضلت تعيط
محمد:عامله ايه دلوقتيي بنتي
ساره: بخير ي بابا..اسفه
محمد:اسفه علي ايه ي قلب بابا....انا اللي اسف
ساره:لا ي بابا انا اسفه علشان قلقتكو عليا
محمد:دي حاجه كانت بأيد ربنا مكتوبالك بس الحمدلله عدت علي خير
فاتن: الحمدلله
فجأه لقت ساره باب الاوضه بيتفتح واتصدمت من الشخص اللي دخل و كانت هتقع لولا حازم لحقها ومسكها بس ساره بعدت عنه والشخص لما شاف المنظر اتدايقاويوغضبمنجواه
(شامه ريحه غيره هنا مين زيي هنا🌚)
ساره: انت..........