حسام بيبصلها بغضب و بيدخل

الممرضة بصدمة : انتو مين اللي اذنلكم تدخلوا؟؟؟ 

عفاف بعصبية : احنا مش محتاجين اذن عشان ندخل!!... احنا اهلها!! 

الممرضة بهدوء : المريضة لازم ترتاح بعد اذنكم اخرجوا 

كانت عفاف هتتكلم لولا جوزها اللي امسك معصمها بقوة وجرها لبره 

الممرضة : تؤمري بحاجه تانيه؟؟ 

حنين بدموع وهي باصة للحيطة : لا متشكرة 

الممرضة بتبتسم لها بشفقة وتخرج 

: لوسمحتي 

بتبص لمصدر الصوت بتلاقي شاب حنين بتبصله باستغراب 

الشاب بحمحة : انا اسمي اسامه انا دكتور نفسي وسمعت عنك من الدكاترة وحابب اساعدك 

حنين بدموع : بس انا مش مجنونة!! 

اسامة بابتسامة : ومين قالك ان اللي بيحتاج لدكتور نفسي او بيروحله مجنون؟؟؟.... بالعكس ده بيبقى عاقل وعامل جدا كمان!!! 

حنين بصتله بدهشة فأبتسم وكمل: ده بيبقى انسان عاقل ممكن يكون اتعرض لحاجه في حياته اثرت فيه او الناس اذته بحاجه او مش لاقي حد وحاسس بالوحده بس ده مش بيعني انه مجنون بالعكس انه قرر ياخد خطوة زي دي ده يدل انه شخص عاقل وفاهم وهيقدر يواجه وهيعيش الحياة اللي نفسه فيها وهيرتاح من مشاكله لانه عايز كده!!

حنين حست بانها مخنوقة ومحتاجه تتكلم فحكتله عن كل حاجه وعن اختها وامها واسامة كان بيسمع لها بكل تركيز وهو زعلان و مستغرب ازاي في ام بالشكل ده 

اسامة وهو بيضم شفتيه وبيخفي ملامح الزعل : حنين انتي لازم تتابعي معايا في كلام كتير لسه لازم اسمعه منك و حاجات كتيره اقدمهالك هتتابعي 

حنين بدموع : هتابع 

اسامة وطلع كرت صغير من جيبه : طب ده رقمي عشان انا مش شغال في المستشفى دي دايما احطهولك فين؟؟؟ 

فتحت يدها السليمة وهو حطلها الكرت في ايدها وهي كورت ايدها كانها قاصده تخبيه

اسامة بابتسامة : هستني مكالمتك اكيد هتتصلي 

حنين بصتله وسكتت 

اسامة بشك : اوعديني انك حتتصلي!! 

حنين بابتسامة : وعد 

اسامه ابتسم وخرج من عندها وهو خارج شافته الدكتورة

الدكتورة : انت مين وايه اللي دخلك الاوضة؟؟؟ 

اسامه بتوتر وكدب : معلش انا ملغبط في الاوض كنت جاي ازور صاحبي وافتكرتها اوضته

الدكتورة بصلته بشك ومشيت وهو تنهد براحة ومشي والدكتورة سمحت لاهلها يدخلولها

حسام : الحمدلله على السلامة يا بنتي كده يا بنتي تعملي بنفسك طب مفكرتيش انا كان جرالي ايه لو جرالك حاجه؟ 

حنين بدموع و ابتسامه : انا اسفه يا بابا حقك عليا 

عفاف بعصبية : ما كفاية محن بقى!! 

حسام بعصبيه : عفاف ايه الكلام ده اسكتي مش وقتك!! 

عفاف بعصبية : لا مش هسكت ايه الهبل اللي انت بتقولهولها بدل ما تعاقبها وتزعقلها عشان تتعدل عمال تطبطب عليها بنتك بسببك بقيت شخصيه مش قادرة انطقها وعشان مش قادرة تواجه نفسها بده وتحسن من نفسها حاولت تنـ*تحر!! 

حنين بهدوء : انتي السبب في كل ده انتي وبنتك اللي جاراها وراكي دي اللي في وقت المصلحة بتاعتها حنين وفي العادي انتي مش اختي انا بكرهك انتي انسانه مريضة انا كنت بسمع الكلام ده من بنتك دي وقدامك عشان كده بقيت بكرهها وبتجاهلها ومش بسمعها اما انتي امي فمقدرتش اعمل فيكي كده حاولت الفت نظرك ان عندك بنت اسمها حنين مشيت في الغلط قولت يمكن ماما تنتبهلي وتجي تتكلم معايا تنصحني توريني الصح من الغلط بس على العكس سمعت كلام تاني برضو ومشيت في حاجات كتير تانيه غلط بدون ما اقصد لان معنديش الام اللي توريني الصح من الغلط بس خلاص انا اكتفيت منكم انا مش مضطرة اسمع كلامكم اللي زي السـ*ـم ده !! 

عفاف بصدمة ونكران : انتي 

حنين بمقاطعة : انا عارفة انا مين وبعمل ايه انا مش محتاجه تقييم حد في حياتي وهصلح غلطاتي وهتحسن لاني انا عايزه كده انا هخلي الناس لما تعرف انك امي يقولوا معقوله دي امها من النجاح اللي هكون اللي هكون فيه وهتشوفي وقولي حنين م قالت 

كانت حنين متوقعة رد تاني من امها اللي ان امها واختها انفجروا من الضحك عليها وقالوا : ابقي قابلينا وقتها... وخرجوا 

اغمضت عيونها بحزن شديد بس فاجأها ابوها اللي مسك ايدها وضمها بقوة وفي عينيه نظره الفخر وقالها : انا معاكي 

كانت قاعدة زعلانة وهي بتفتكر الكلام اللي سمعته من صحبة عمرها واللي كانت تعتبرها اختها لحد ما دخل عليها اخوها بحماس وفرحه

اسامه بسعادة : انا لقيتها يا منه!!! 

منه باستغراب : لقيت ايه؟؟ 

اسامه بسعادة : اللي خطفتلي قلبي من اول نظرة!!!