قالها بصوت كله اعتذار و اسف

مراد...حقك عليا يا نغم مكنتش اقصد

ردت عليه بصوت حزين

نغم...متزعقليش تاني

هز مراد راسه و قالها

مراد...انا بس مش عايزك تبقي زعلانه مني

مسحت دموعها و قالتله

نغم...حصل خير مفيش حاجه

حاول مراد انه يخليها تتكلم في اي حاجه عشان لو سابها هيلاقيها ساكته و مبتتكلمش

مراد...مش عايزه تعرفي اي حاجه او تسأليني عن حاجه؟

نغم...زي ايه يعني

مراد...يعني مثلا ماما عرفت ازاي ان القصر دا قصرك انتي و كدا

نغم...اكيد خالو قالك و انت قولتلهم

ضحك مراد و قالها بانبهار مصطنع

مراد...لأ و ذكيه كمان!!

غصب عنها ابتسمت و قالتله

نغم...اكيد طبعا

مراد...ايوا بقى على الغرور

ضحكت على كلمته و قد ايه كلمه منه بس ممكن تنسيها زعلها 

وقف العربيه و قالها 

مراد....وصلنا

اتصدمت و قالتله

نغم...انت ازاي عرفت اني بحب اشوف منظر النيل في وقت العصر و ازاي عرفت انه الوقت دا بالذات

ابتسم و قالها

مراد ..كنتي بتيجي هنا مع مين و كان بيجبلك حمص الشام؟

قالت بسرعه و هي مبسوطه

نغم...خااالوووو!!!!

ضحك و قالها

مراد..يعني بتسألي السؤال و بتردي بالاجابه بعدها بثواني؟؟

سكتت شويه تحاول تفهم قصده و بعدين قالتله بزهول

نغم...خالو الي قالك!!!

قالها بضحك

مراد....مطلعتيش ذكيه ابدا

نغم...لا خلي بالك انا ذكيه بس مكنتش مركزه

ضحك و هو بيقولها

مراد...اه طبعا طبعا

ابتسمت و قالتله

نغم...طيب مش هتجيبلي حمص الشام بقى ؟

مراد...دا انا اجيبلك حمص الشام و ترمس كمان 

ضحكت نغم و هي فرحانه انه عارف كل الاكلات الي بتحبها

 بالفعل اشترى ليهم حمص الشام و ترمس و هي كانت مبسوطه اوي اوي و بتحمد ربنا ان ربنا عوضها بـ مراد

.......................

اما في القصر ف بعد م سليمان و خديجه و صحاب نغم مشيو زعق خالد في وش صباح بغضب كبير و هو بيقول

خالد....انتي ايه الهبل الي قولتيه دا يا صبااااح

صباح...بوظت شكلي قدام اهل جوز بنتك اختك يا خالد!!! فهمتهم اني زورت ورق و واخده بيت البت 

خالد...ايييه مش دي الحقيقه ولا ايه ولا انتي فاكره اني كنت هستنى لما تكسروا فرجة البت انهاردع كمان زي م بنتك البنس ادمه المحترمه الي مش حقوده خااالص كسرت فرحتها يوم م مراد و اهله جم 

صباح.. ملكش دعوع ببنتي يا خالد سامع كفايه اوووي ان الي حصلها

خالد...اعقلي يا صباح اعقلي و زي م قولتي افتكري الي حصل لبنتك و وشها الي اتشوهه و كفايه اذيه للناس بقى عشان محدش يإذيكوا

سكتت صباح و هي مش عارفه تقول ايه 

و هيام و شيرين كل واحده طلعت على اوضتها و خالد راح الشركه

بصت صباح لسجده الي كانت الدموع في عينيها و قالتلها 

صباح...من بكره تنزلي مع خالك الشركه يشوفلك شغلانه سمعتي

بصتلها سجده الي كانت تقريبه مش سامعه امها قالت ايه و قالتلها

سجده...هو انا بقيت وحشه يا مامي؟ 

صباح...ايه يا حبيبتي الي انتي بتقوليه دا بس مفيش الكلام دا

قالتلها سجده و الدموع في عينيها

سجده..بجد؟

هزت صباح رأسها بتأكيد و قالتها

صباح...ايوا يا حبيبتي

ابتسمتلها سجده 

....................

سليمان...شكرا يا خديجه

بصتله خديجه باستغراب و قالتله

خديجه...على ايه؟؟

سليمان...على انك مأحرجتيش البنت و وقفتي في صفها بعد م كنتي مش عايزه مراد يتجوزها

ابتسمت خديجه و قالتله

خديجه...هي شكلها طيبه و محترمه اوي يا سليمان و بعدين لما فكرت لاقيت فعلا خالتها و بنتها مبيحبوهاش خالص شوفت بنتها عملت ايه المره الي فاتت

هز سليمان راسه بأسى و هي قالتله

خديجه...احنا لازم نساعدها و نثبت ان دا بيتها يا سليمان

سليمان...اكيد هنعمل كدا يا خديجه

................

كانوا قاعدين كلهم متجمعين معادا نغم الي كانت قاعده في الجنينه 

سمعوا رنة جرس الباب و راحت غدير فتحت الباب و ظهر حسن

و طبعا اتفاجئ من كمية الزينه الي كانت في البيت 

اول م شافوه فرحوا بوجوده جدا و امه و اخته راحولوا بسرعه و سلم عليهم كلهم و قالهم باستغراب

حسن...ايه كمية الزينه دي كلها ؟

خالد...اصل انهارده كان كتب كتاب نغم 

في ثواني ملامحه كلها اتحولت للصدمه من كلام خاله و كلهم لاحظوا انه اتصدم 

حسن...نـــــعـــــم!!!!!

هيام...ايه يا حسن م انتوا خلاص اطلقتوا و بعدين هي حياتها مش هتقف يعني و انت كمان شوف حياتك 

مهتمش لكلام مرات خاله و بص لأمه بغضب و هو بيقولها

حسن....ازااااي تسيببها تتجووووووز!!!!

رد عليه خالد بغضب و هو بيقول

خالد....يــعــنــي ايــه يــعــنــي ازااي تــســيــبــهــا تــتــجــوز ؟؟؟؟؟

في الوقت دا جت نغم على صوتهم العالي و اتفاجئت بوجود حسن 

حمدت ربنا انها مشالتش الطرحه من على راسها من ساعة م جت 

نغم...في ايه مالكوا صوتكوا عالي ليه؟؟؟

كان حسن مضايق جدا

و هيام شدتها من ايدها بالراحه و وقفتها جمبها

نغم...في ايه؟؟؟

قال حسن لخاله

حسن....حلو اوووووي مش انت خالفت وعدك ليا لما وعدتني اني هطلقها فتره بس و بعدين نرجع و انت عارف اني بحبها و مكنتش عايز اطلقها و فضلت تقولي معلش يا حسن لازم تطلقها انت برضو ضربتها و هي لما تلاقي نفسها هديت لما عملت الي هي عايزاه و اطلقت انا هقنعها انكوا ترجعوا تاني و هقولك انك بتحبها و مكنتش تقصد تزعلها او تضربها؟؟؟؟.. تمام انا كمان بقى اقولها على انك اصلا كل دا قاعد في بيتها عشان تاخد قصر امك الي هي ستي عشان دا ورثكوا كلكوا و  انت و ماما ليكوا في القصر عشان مينفعش ان خالتي احلام كل املاك ستي تتكتبلها هي لوحدها و نغم تاخد كل القصر دا في الاخر ووووووو

يتبععععع