رواية كسرة لم أستحقها من الفصل الاول للاخير بقلم هالة احمد
رواية كسرة لم أستحقها من الفصل الاول للاخير هى رواية من كتابة هالة احمد رواية كسرة لم أستحقها من الفصل الاول للاخير صدر لاول مرة على موقع التواصل الاجتماعى فيسبوك رواية كسرة لم أستحقها من الفصل الاول للاخير حقق تفاعل كبير على الفيسبوك لذلك سنعرض لكم رواية كسرة لم أستحقها من الفصل الاول للاخير
رواية كسرة لم أستحقها من الفصل الاول للاخير
علشان خاطري يا محمد هولد وخد الطفل من هنا انا مش هعرف اربيه هنا انا في السجن مش في الملاهي انا
رد محمد ببرود وقال: ليلي انا طلقتك
وقفت وعلامات الدهشه والصدمه عل وشها: انت بتقول ايه
محمد: بقولك طلقتك انتي متشرفنيش دلوقتي ولا تشرفي اهلي
ليلي بصراخ وبدون وعي: انت بتقول اييييييه يا احمد انا هنا بسببك انا شيلت كل حاجه مكانك علشان انت كنت منهار ومش عارف تتصرف ووعدتني لما ادخل هنا هتتصرف وهتحل كل حاجه ده جزاتي يا احمد
محمد وقف قدامها وقال ببرود: ومقدرتش احل حاجه والطفل ده انا مليش علاقه بيه تربيه ترميه انا مليش فيه
ليلي بعياط هستيري: احمد انا هقعد هنا خمس سنين مش خمس دقايق ولا خمس ايام علشان خاطري خد الولد بس كل اللي انا فيه ده بسببك اساسا اعمل حاجه كويسه ولو لمره في حياتك ابوس ايدك
محمد بزعيق: بقولك اييييه بقا حلي عن سمايا وفكك مني خالص انتي فاهمه وياريت متبعتليش تاني انا هتجوز الاسبوع الجاي ومراتي مش هتقبل ده تمام
وسابها ومشي وهيا لسه واقفه مكانها كأن كل الدنيا اتهدت فوق دماغهاا وكل شئ اتفق يكون ضدها هيا وطفلها اللي لسه مجاش الدنيااا بصيت للسما بضعف وقله حيله ودموعها نازله زي الشلال وقالت: فوضت امري أليك يارب..........!
بااااك بعد 7سنين
رجعت من ذكرياتها عل صوت مديرها..
ليلي انتي كويسه
مسحت دموعها بسرعه وقالت: ايوه يا استاذ خالد حضرتك محتاج حاجه
بصلها بشفقه وقال: انتي عارفه انا بساعدك ليه ورجعتك شغلك رغم اللي حصل
ليلي بستغراب: ليه
خالد: علشان عارف ومتأكد انك مش كده ومظلومه وعلشان كده هفضل اساعدك وليكي مني مساعده جديده
ليلي بصتلو وقالت: مساعده ايه
خالد ببتسامه: انتي قولتيلي ان سامر اخو محمد مشافكيش قبل كده صح
ليلي بسرعه: ايوه بظبط لأن علي ما اعتقد سامر كان مسافر دايما ومكنش مهتم بلعيله اصلا وبعدين محمد كان متزوجني من وراهم كلهم
واكملت بعياط وقالت: انا اللي رخصت نفسي بشكل ده انااا
خالد بزعل: ليلي لو سمحتي متعيطيش انا عوزك قويه علشان تعرفي تنتقمي من العيله دي ليكي ولأبنك فاهمه ولا لا دلوقتي سامر هنبعتلو صحفيه من عندنا تعمل معاه لقاء واللقاء ده عن حياتو كلهاا وازاي عمل نفسو كده علشان هو حابب يعرف الناس اكتر عن حياتو
ليلي بتركيز: تمام
خالد: انتي اللي هتروحي واللقاء ده هيقعد شهر بظبط لأنك هتصوري طبعا كل حاجه عن تفاصيل يومو وشغلو وصحابو وكل حاجه بكده هتقدري تتدخلي العيله وتخربي كل حاجه فوق دماغ الزفت اللي اسمو محمد مراتو بنتو كل حاجه
ليلي بفرحه: تمااام اوي هبدأ امته
خالد: بعد بكره استعدي يا بطله يلا قومي اوصلك
ليلي بفرحه ودموع: شكرا اوي يا استاذ خالد شكرا بجد
خالد ببتسامه: هستناكي برا
ليلي مسحت دموعها وقالت بتحدي: ماشي يا محمد هوصلك اخيراا وعملالك مفجأه هتصدمك طول حياتك اصبر عليه.....
قامت ليلي مستعده تماما من نومها والابتسامه عل وشها علي غير عادتها...
ياسمين ببتسامه: يااااه اخيرا شوفتك فرحانه
ليلي بفرحه: مش مصدقه ان اخيرا هدخل العيله دي تاني بجد مش مستوعبه
ياسمين بحب: ربنا معاكي يا حبيبتي وانا دايما معاكي احتجتيني في اي وقت هتلاقيني
ليلي: شكرا يا حبيبتي انا نازله دلوقتي علشان متأخرش
ياسمين: مع السلامه ربنا ينصرك عليهم يارب
ليلي اتفجأت بخالد قدامها...
ليلي بستغراب: ايه يا استاذ خالد في حاجه
خالد ببتسامه: لا خالص مفيش حاجه خدي الكارنيه ده والبطاقه دي
ليلي اخدتهم منو واستغربت جدأ بصتلو وهيا في عنيها مليون سؤال...
خالد بضحك: متبصليش كده انا لازم اغير اسمك وهويتك الحقيقه تختفي عن سامر تماما انتي مفكره ان واحده هتكون معاه ليل ونهار وتعرف كل حاجه وتكتب عنو مش هيسأل عليها ويجيب اخبارها بتفصيل
ليلي بصدمه: ازاي مفكرتش في كده بجد شكرأ اوي يا استاذ خالد مش عارفه اقولك ايه حقيقي
خالد ببتسامه: متقوليش حاجه يا سلوي
ليلي بستغراب: سلوي مين
خالد بضحك: لا فوقي معايا كده لأن ده اسمك من دلوقتي طول ال30يوم فاهمه
ليلي خبطت دماغها بخفه وقالت: معلش اصل لسه مش واخده علي الاسم ده
خالد: ولا يهمك هتجيلك دلوقتي مريم دي هتساعدك في كل حاجه وهتبقا معاكي دايما انا مفهمها كل حاجه متقلقيش
ليلي: تمام
خالد ببتسامه: يلا سلام انا بقا وابقي طمنيني عليكي من الوقت لتاني
ليلي بادلتو نفس الابتسامه وقالت: مع السلامه يا استاذ خالد
بعد شويه وصلت مريم...
مريم بقلق: انا اسفه يا استاذه سلوي علي التأخير ده
بصتلها ليلي بستغراب وقالت: نعم حضرتك بتكلميني
مريم: ايوه مش حضرتك استاذه سلوي الفيومي
خبطت دماغها بخفه لتاني مره وقالت فنفسها: يخربيت غبائي انا لازم اخد علي الاسم ده
بصتلها ليلي وقالت ببتسامه محرجه: ايوه يا مريم صح
مريم ببتسامه: تمام يا استاذه هنبدأ منين
ليلي: طب يلا يا مريم علشان منتأخرش باقي علي معادنا اقل من ساعه
مريم بجري وراها: حضرتك بتجري لييييه
ليلي بضحك: لا شدي حيلك معايا كده واتعودي علي السرعه دي انا مبحبش الملل ولا البطئ
وبعد نص ساعه وصلو قدام مبني فخم وقفت ليلي ومريم مصدومين من جمال المبني والمكان..
مريم: لما ده شكل المكان من برا امال المكان من جوا عامل ازاي
ليلي بضحك: بقولك ايه مش وقت اندهاش يلا اتأخرنا
وبالفعل طلعو الشركه وانتظرو في غرفه الاستقبال....
وبعد شويه دخلت السكرتيره وقالت: اتفضلو سامر بيه في انتظاركم
قامت ليلي بتحدي ورسمت علي وشها ابتسامه هاديه ووراها مريم... دخلت المكتب واتصدمت من جمالو رغم البساطه فخامه وبساطه في عنوان واحد...
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
كان قاعد عل مكتبو بهدوء تام في ايدو اوراق قال من غير ما يرفع عينو من علي الاوراق: اتفضلو اقعدو
ليلي قعدت علي الكرسي اللي قدامو وقالت ببتسامه: استاذ سامر
قاطعها وقال: استاذه سلوي لو سمحت اقفلي تلفونك علشان مبحبش الازعاج
تلفونها كان بيرن بستمرار من صديقتها ياسمين بصت لتلفون بعصبيه وقفلتو وقالت: اسفه
سامر رفع عينو من الورق وبصلها وقال: متتكررش تاني لو سمحتي
اتصدمت من جمالو وهدوء ملامحو عينو العسلي بشرتو الخمريه شعرو المرتب ملامح ممذوجه بين الهدوء والقوه والجمال.....
سامر ببرود: هتفضلي تبصيلي كتير كدا
حمحمت مريم باحراج وقالت: استاذ سامر تحب نبدأ امته
بصتلو ليلي وقالت: انا اسفه انا بس متلخبطه شويه
سامر بعدم اهتمام: متلخبطه تقعدي في بيتكو مش تيجي تقعدي قدامي دلوقتي
حاولت تهدي اعصابها وقالت: انا اسفه يا سامر بيه
بصلها ببرود وقال: شكلك هتفضلي تعتذري كتير الفتره الجايه
بصتلو ليلي بغيظ وقالت: هنبدأ امته
سامر قام من مكانو بهيبه واضحه وقال: دلوقتي يلا بينا
ليلي قامت بسرعه ووراها مريم
سامر: اتفضلو
ليلي بستغراب: نتفضل فين
سامر بستغراب: اركبو هو اي اللي هنتفضل فين انا معنديش وقت لو هتفضلي بعقليتك دي
ليلي بصدمه: عقليتي!!!
سامر سابها ومشي ركب بجانب السواق
مريم وهيا كاتمه ضحكتها: يلا يا استاذه هنتأخر
مريم وهيا بتشدها: ده بيقولي عقليتي عقلي مالووو
وركبو سوا وفضلت ليلي مشحونه غضب طول الطريق لغايه ما وصلو لفيلا صغيره وهاديه نزلو كلهم من العربيه.. ودخلو سوا واتصدمت ليلي من جمالها وتصميها والوانها الهاديه مريحه لااعصاب وكل شئ مرتب بشكل ملحوظ..
مريم بصدمه: عليه الطلاق احنا ما عايشين
ليلي بصتلها بجانب عنيها وقالت: اسكتي يا مريم هتفضحينا
سامر دخل مكتبو ودخلت وراه ليلي ومريم
للانضمام لقناة الواتساب اضغط هنا
↚
مريم باحراج: ممكن ادخل الجنينه بتاعتك ما احنا لازم نكتب عنها برضو وعن الورد اللي بتحبو والزرع اللي بتحب تزرعو وهكذا يعني
سامر بصلها بلا مبالاه وقال: اتفضلي طبعا
ليلي غمضت عنيها بعصبيه وقالت فنفسها: اي البلوه دي ياربي البت دي مجنونه
مريم طلعت الجنينه وسامر قعد علي مكتبو وليلي قعدت قدامو
سامر: حابه تبدأي منين
ليلي: اسمك بلكامل
سامر: سامر اسامه محمد الشناوي
ليلي: سنك
سامر: 33سنه
بصتلو ليلي بصدمه: 33سنه
سامر بضحك: مش باين عليه ولا ايه
سرحت ليلي في الغمازات اللي ظهرت مع ابتسامتو الجميله واللي خطفت قلبها او خلعت قلبها من مكانو ايهما اقرب...
سامر: هيا دي الاسئله بس
ليلي باحراج: متجوز
سامر: لا
ليلي: اخواتك
سامر: تلاته محمد وملك ولينا
ليلي والعصبيه بانت عل ملامحها نوعا ما: ممكن اعرف سنهم
سامر: محمد 29سنه ملك24لينا18
ليلي وهيا بتحاول تمسك دموعها لمجرد ذكر اسمو: بدأت مثيرتك والنجاح ده ازاي واول خطوه كانت ايه وفين
سامر بهدوء: انتي كويسه يا استاذه سلوي
ليلي بصتلو وغصبن عنها دموعها نزلت قالت: انا بس مرهقه شويه
سامر: الحمام اخر الممر ده اتفضلي
سابتو وقامت ودخلت الحمام بسرعه
وقفت قدام المرايه واخيرأ سمحت لدموعها تنزل وقالت: يارب قويني علشان اخد حقي وحق ابني من النااس دي يارب خليك جنبي انا اتظلمت انا وابني ولازم اخد حقنا انا كنت منتظره الفرصه دي بفارغ الصبر يارب متخلهاش تروح مني...
وغسلت وشها البرئ الجميل الهادي برغم كركبه قلبها وحياتها...
: انا اسفه يا استاذ سامر اتأخرت علي حضرتك
سامر ببتسامه: مش قولتلك شكلك هتعتذري كتيرر
ليلي باحراج: نكمل
سامر: لا يلا بينا علي بيت العيله اولأ وبعد كده نكمل هناك
ليلي بتوتر واضح: تمام
سامر بصلها بستغراب من توترها بس تجاهل ده
ركبو كلهم العربيه ووصلو لفيلا كبيره دخلو علطول نزلت ليلي ورجليها بتترعش من المقابله دي خطواتها كانت بطئيه النفس اللي بتخرجو تقيل قلبها بيدق بعنف كأنو عاوز يخرج من مكانو...
رحبت بيهم ملك اخت سامر
ملك ببتسامه جميله: اتفضلو نورتو
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
سامر بجديه: فين محمد ولينا انا مش قايل ان كلهم يكونو موجودين
ملك بهدوء: اهدا يا سامر بيجهزو فوق اهدا بقا
دخلو كلهم قعدو في الجنينه
مريم باعجاب: انا دخلت الجنه ولا ايه
بصتلها ليلي بغيظ وقالت: جهزي الكاميرا والاضاءه والزوايه يا استاذه مريم
مريم باحراج: حاضر
سامر تنهد بعمق وقال: اهو انا اتربيت هنا وياما لعبت وجريت في الجنينه دي مع امي الله يرحمها
ليلي بصتلو بحزن وقالت: الله يرحمها
وفجأه سمعت صوت من وراها صوت مش ممكن تنساه صوت خشن بيرن في ودانها طول 7السنين وازاي هتنساه قامت ببطئ ولفت ليهم...
محمد بستغراب وصدمه: ليلي
ليلي ببتسامه جانبيه: استاذه سلوي الصحفيه ومسؤله عن كل حاجه تخص المقال اللي هينزل
محمد بدون وعي:لا ليلي انا مش ممكن انسا ملامحك ابدا مستحيل
سامر بستغراب: ليلي مين يا محمد انت اتجننت ولا ايه
محمد قرب عليها ومسك ايديها بعنف: انتي ليلي صح انا مش ممكن اتوه عنك حتي لو غيرتي نفسك مليون درجه انتي جايه ليه عاوزه تعمليلي ايه انطقي
ليلي بتمثيل الدموع والخوف: استاذ محمد مينفعش كدا لو سمحت ابعد ايدك عني ابعد لو سمحت
سامر بعصبيه قرب منو وبعدو عنها بعنف وقال بزعيق كفيل يهز اركان الفيلا كلها: انت المخدر*ات لحست عقلك ولا ايييييه انت اتجننت انت ازاي تقرب منها بشكل ده مراتك فين تشوف المهزله دي
محمد مسك سامر من الجاكيت بتاعو وقال: انا لو شربت كل المخدرا*ت اللي في الدنيا مش ممكن انسا ليلي بقولك دي ليلي جايه تنتقم مني
سامر نفذ صبرو وقال بهدوء قبل العاصفه: ابعد ايدك عني احسن ما اعمل حاجه مش هتعجبك دلوقتي
محمد بعد بخوف ومسك دماغو وقال بزعيق وهو بيبصلها: مستحيل اغلط فيها هيا دي ليلي
ليلي بعياط: لو سمحت يا استاذ سامر انا همشي من هنا انا مش هكمل هنا بشكل ده
سامر شدها من ايديها وقال: تعالي معايا
ودخلو الفيلا جوا لي ملك..
سامر بهدوء: ملك خليها معاكي لما تهدا شويه وبعدين نزليها لما تحسي انها بقت كويسه
ملك بهدوء: حاضر تعالي معايا يا حبيبتي
واخدتها وطلعو اوضه ملك قعدت ليلي علي السرير بهدوء وهيا بتعيط بشكل هستيري...
ملك قعدت قدامها وهيا بتمسحلها دموعها وقالت بصوت متقطع: انا مش ممكن اتوه عنك بقا يا ليلي برغم تغيير لون شعرك ولبسك والندبه اللي كانت في وشك واختفت والليسنز السوده اللي مخبيه بيها لون عيونك الخضرا اللي شبه الزرع علشان كنتي بتقولي بتلفت النظر ليا اوي وكل الناس بتبصلي بسببها وانتي مكنتيش بتحبي حد يبصلك فاكره يا ليلي..
ليلي بصتلها برتباك وقالت: انتي بتقولي ايه حضرتك شكلك متلخبطه
حضنتها ملك بسرعه وقالت بعياط: مش مهم لو انتي هتنكري ده طمنيني علي ابنك بس حتي انا عارفه انتي كنتي منتظراه بفارغ الصبر
ليلي عيطت بضعف وقله حيله في حضنها وقالت: ابني ما*ت يا ملك اخوكي السبب اخوكي اللي مو*تو يا ملك
بعدت ملك عنها بصدمه وقالت: انتي بتقولي اييييه
وفجأه دخل عليهم سامر وقال بحده: ممكن افهم معني ده ايه
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
ليلي بصتلو بخوف وقالت: مش فاهمه حضرتك
سامر ببتسامه: اصلكو مقربين من بعض اوي كأنكو تعرفو بعض من زماان
ليلي بارتياح: ملك كويسه اوي وحبت تهديني ف حضنتني
ملك بضحك: ايوه احنا البنات بنعمل كده بنحضن بعض علطول ملكش دعوه انت
سامر باستغراب: تمام علي راحتكم جاهزه يا استاذه سلوي
ملك: ايوه اديني خمس دقايق وهتكون جاهزه
سامر سابهم وطلع برا....
ليلي قامت من مكانها وعدلت هدومها ومسحت دموعها وقالت: اتمنا ان محدش يعرف يا ملك
ملك بحب: انا اختك مش صحاب انا عمري ما نسيت اللي عملتيه معايا زمان ووقفتك جنبي وانا هوقف جنبك لو احتجتي اي حاجه
ليلي ببتسامه هاديه: شكرا يا ملك عن اذنك علشان متأخرش اكتر من كده
وسابتها ونزلت للجنينه تاني...
محمد بصلها بغل وقال فنفسو: مش ممكن اتوه عنك ابدا في حاجه واحده بس اللي هتأكدلي انك انتي بس مش وقتو اصبري عليه
سامر بهدوء: اتفضلي يا استاذه سلوي متخافيش محمد كان منفعل شويه بس مش اكتر
ليلي بصتلو بهدوء وقالت: لا عادي ولا يهمك
مريم: انا ظبطت كل حاجه يا استاذه مستعدين نبدأ
سامر: ثواني باقي العيله تيجي
دخلت عليهم ست في الخمسين من عمرها وراجل في الستنيات من عمرو...
ساميه ببتسامه: معلش اتأخرت عليكو
ليلي بصتلهم بغل وحقد وقالت فنفسها: ميعرفوش ورا الوش الهادي المبتسم ده ايه ميعرفوش انكو مجرمين ولبستوني شيله مش شيلتي اصبري عليه يا ساميه هانم انتي بذات هنتقم منكم بشكل مثالي زي حياتكم بظبط....
جلال بجديه: ايه يا سامر اخبار شغلك ايه
سامر ببرود: انت اكيد عارف اخبار شغلي كلها مش محتاج احكيلك حاجه يا جلال بيه
جلال بعصبيه خفيفه: جلال بيه!!!
سامر تجاهلو وقال: استاذه سلوي ياريت تشيلي كل اللقطات اللي زي دي ملهاش لازمه
ليلي ببتسامه: حاضر يا سامر بيه
ساميه ببتسامه خبيثه: وانت بقا يا سامر هتعرفهم برضو عن مو*ت والدتك وما*تت ازاي
سامر قبض عل ايدو بعصبيه واضحه وبصلها وقال: ساميه هانم لو عاوزه نعدي اللقاء ده علي خير ياريت متوجهيش اي كلام ليا
ليلي: مرات استاذ محمد وبنتو فين لازم يكونو موجودين
محمد بنفعال: ويكونو موجودين ليه عوزاهم ليه هاااا
ليلي بتمثيل الاستغراب: استاذ محمد مرات حضرتك وبنتك من العيله واحنا هنكتب وهنصور عن عيله وحياه استاذ سامر يعني من الطبيعي جدا كل فرد في عيلتو يكون موجود
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
سامر بستهزاء: معلش اصل دماغو علي قدو
مريم: لازم نصور فيديو قصير جدا فيه العيله كلها علشان هينزل علي المدونه بتاعه الجريده
دخلت ست في التلاتينات من عمرها لبسها ملفت ميكب جرئ وقالت بتكبر: معلش يا جماعه اتأخرت بس كان عندي حاجه مهمه بعملها
سامر ضحك بصوت عالي وقال: وكنتي في انهي با*ر وانهي سر*ير يا مدام المرادي
ليلي بصتلو بصدمه وقالت فنفسها: ايه العيله دي ده شكل في مفجأات كتير منتظراني..
محمد بعصبيه: انت ازاي تقول علي مراااتي كده انا مسمحلكش فاهم ولا لا
سامر قام وقف قدامو وهنا بان فرق الطول بينو وبين محمد.. وكأن محمد قدامو طفل صغير..
سامر قرب من ودانو وقال بهدوء: مراتك كل يوم في سرير شكل يا محمد بيه والله اعلم يمكن سر"ير من السراير دول واحد منهم بتاعي...
محمد بصلو بصدمه وضر*بو بع"نف في وشو وقال: انا هخلص عليك دلوقتي لو نطقت بكلمه زياده في حقها
كلهم اتفزوعو خصوصا ليلي... ساميه قربت من ابنها محمد وقالت: خلاص يا حبيبي خد مراتك واطلع فوق يلا اهدي
سلمي زوجه محمد قالت بتكبر واضح: يلا يا محمد ده مجنون وميستاهلش انك تضيع نفسك علشانو
جلال بحده: روح يا سامر احنا مش عاوزين نعمل حاجه انت جاي تولع الدنيا نااار
ليلي جريت جابت منديل من شنطتها وقعدت جنبو علي الارض وقالت: انت كويس يا استاذ سامر
سامر بعصبيه: ايوووه كوييييس اوي
ليلي بهدوء: طب متتحركش علشان اعرف امسحلك الد*م ده
سامر بصلها بحده وقال: لا شكرااااا
وقام من مكانو بسرعه والتوتر واضح علي ملامحو وقال: انا اسف ان ضيعت وقتك بكره نكمل
ليلي بتفهم: تمام معنديش مشكله
وسابها ودخل بسرعه طلع علي اوضه ملك ورمي نفسو علي سريرها ونام علي رجليها وتنهد وقال: كويس انك منزلتيش
ملك بضحك: يا عم انا مليش في الجو ده انت عارفني
سامر ودموعو علي وشك الهروب من عينو: انا تعبان اوي يا ملك
ملك مسحت علي شعرو بهدوء وقالت: عارفه يا حبيبي عارفه
سامر بضعف: اول ما قربت مني حسيت ان الدنيا والساعه وقفت بيا كان لازم ابعد واهرب بسرعه
ملك بنرفزه: هروبك ده سبب دلوقتي في اللي هيا فيه لو كنت قربت منها زمان وعرفتها حقيقتهم مكنتش ليلي عاشت كل ده وضياع 5سنين من عمرها ببلاش
سامر تنهد بقوه وقال: مكنش بايدي انا كنت خايف أذيها انا مؤذي وانتي عارفه كده انتي عارفه كل حاجه وطبيعه حياتي
ملك: مهما كنت مؤذي مكنتش هتأذيها زي ما اتأذت دلوقتي روحلها عرفها انت عملت اي علشانها ومين ساعدها ولغايه دلوقتي مين اللي بيساعدها عرفها حقيقتك وهيا هتتقبلها انا متأكده هيا هتعالجك وهتتحمل لغايه ما تبقا كويس
سامر مسح علي وشو بعصبيه وقال: لاااا مستحيل احطها في خطري مستحيل ابقا سبب في انها تتأذي من غير قصد انا كويس كده كفايه عليه اشوفها كويسه وفرحانه وانا اللي هفرحها من جديد
ملك بدموع: انا زعلانه اوي علي ابنها ازاي ما*ت ازاي بس انت ازاي معرفتنيش كل ده يا سامر بس ازاي سبتها لوحدها تعيش كل ده
سامر بهدوء: محبتش ازعلك واشيلك فوق طاقتك بس وغلاوتك وغلاوه ليلي لجيب حقهم انا محضرلهم مفجأه هتطلع من عنيهم كلهم عاوزك تشدي الكرسي وتقعدي تتفرجي بس..
عند ليلي كانت وصلت بيتها وهيا منهكه وتعبانه دخلت علي اوضتها بسرعه ورميت جسمها علي سريرها وسمحت لدموعها اخيرأ تنزل بدون أذن بعد اللي شافتو طول اليوم.... كان يوم متعب ومرهق لأبعد الحدود بنسبالها قالت بضعف وهيا بتتنهد بقهره...
: كنتي منتظره ايه يا ليلي بس هتاخدي حقك ازاي وانتي بضعف ده هل هتخليهم ينتصرو عليكي زي زمان لا يا ليلي لازم تهدي وتفكري بعقلك شويه قبل قلبك لااازم...
بس فجأه سمعت خبط عل باب شقتها قامت ومسحت دموعها وراحت تفتح..
: بقا كده يا ليلي يا وحشه انتي مفكره انك لما تنقلي من مكانك وتختفي وتخفي كل حاجه مش هعرف اجيبك
ليلي وقفت مصدومه وعلامات الدهشه احتلت ملامحها......
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
قالت ليلي بتعلثم وخوف: انتي عرفتي مكاني منين
ضحكت بسخريه وقالت: انتي ناسيه انا مين عيب عليكي والله ده احنا كنا في عنبر واحد معادك جيه ولازم تنفذي وانا واجب مني مش هعملك حاجه علي هروبك مني بس والله العظيم لو ما نفذتي لأكون متصرفه تصرف هيندمك طول حياتك فاهمه
ليلي بتوتر وخوف: انا مش هعرف دلوقتي اصبري عليه شويه يا دينا بعد اذنك
دينا بعصبيه: بقولك ايييييه الشغل ده مينفعش معايا وهتروحي للراجل بكره بليل فاهمه ولا لا انا نفذتلك خدمه انتي تنفذيلي خدمه وخدمه قصاد خدمه يا عسل انا هسيب راجل من رجالتي برا علشان لو فكرتي بس مجرد تفكير انك تهربي مني هتعرفي وقتها اي اللي هيحصلك سلام يا عسل
ليلي بزعيق: يشيخه يلعن اليوم اللي شوفتك فيه يا الله اعمل اي بس دلوقتي اعمل ايييييه
دخلت اخدت دش وراحت اوضتها قعدت قدام المرايه وبدأت فقره لوم نفسها ولوم ايامها...
قالت بدموع: لو كان ليا اهل مكنش كل ده حصلي منهم لله بقا..
وراحت سريرها ونامت نوم عميق تهرب فيه من مشاكلها دي طريقتها الوحيده وهو الهروب في نومها...
عند سامر كان عاري الصدر وواقف في بلكونه اوضتو بيستمتع بلهوا البارد والهدوء رغم ان في دوشه كتير اوي بس في عقلو وقلبو...
وفجأه ارتفع صوت رنين هاتفو..
سامر: ها عملت ايه
: مفيش دليل يا باشا خالص انا لفيت كتيرر بس مفيش دليل علي كلامك بس في محاوله اخيره
سامر بعصبيه: طيب مستني ايييه متحاول
: تمام يا باشا يومين بظبط وارد عليك
سامر بعصبيه: هو يوم 24ساعه بس فاهم
وقفل السكه بعصبيه....
تاني يوم صحيت ليلي من نومها وكعادتها ملامحها الحزينه واضحه وعيونها وارمه من عياطها طول الليل قالت بزهق: انا فكرت ان همو*ت ولا حاجه واتزفت صحيت تاني يلا اهو يوم هنعيشو بطول او العرض امنشوف اخرتها..
وقامت من مكانها لبست هدومها وكانت مريم مستنياها قدام بيتها..
ليلي بحزن: صباح الخير يا مريم
مريم بستغراب: انتي كويسه يا استاذه
ليلي بصت حواليها علشان تشوف الراجل اللي بيراقبها ولقتو بالفعل واقف ومشي وراهم...
ليلي بخنقه: يارب توب عليه من اللي انا فيه ده بقا..
مريم: متقوليلي مالك بس يا استاذه سلوي
ليلي: مفيش حاجه يلا علشان منتأخرش
وبعد شويه وصلو قدام فيلا سامر...
سامر طلع بلعربيه وقال: اركبو
ليلي بستغراب: هنروح فين
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
سامر: النهارده اجازتي يعني اظن ان اليوم ده هنكتب عنو كل حاجه برضو
ليلي باحراج: بظبط
مريم ركبت بسرعه وليلي ركبت جنب سامر...
وبعد شويه وصلو مطعم هادي ومش باين عليه التكلفه اوي بسيط عل عكس عيشه سامر..
نزلو ورحبت بيه ست كبيره وباين علي ملامحها الطيبه..
سعاد: اتفضلو اهلا وسهلا اول مره سامر يجيب حد معاه يوم اجازتو
سامر باحراج: خلاص يجميل فطاري المعتاد بقا وشوفي هما هياخدو ايه
مريم وليلي طلبو...
وبعد شويه فطارهم نزل...
ليلي كانت بكتب كل تفصيله سامر بصلها ببتسامه وقال: سيبي الشغل مش هيطير وافطري
ليلي ببتسامه: متقلقش عليه انا متعوده علي الشغل كده وممكن اقعد طول يومي من غير اكل وافتكر بصدفه ان مكلتش لما اتعب او ادوخ شويه
سامر بصلها يشفقه وحزن وقال بحده: قولت سيبي الشغل وافطري
ليلي بصتلو بستغراب وقالت: تمام
مريم بضحك: عندهم البيض حلو اوي
سامر: بالهنا
وبعد شويه خلصو وقامو..
سعاد بجديه: مين اللي مخلصش الساندوتش ده
سامر بسرعه: مش انا
وشاور علي ليلي وقال: هيا اللي مخلصتوش
ليلي بصدمه وضحك: بصي انا مش بفطر كتير والله انا
وقبل متكمل كلامها سعاد حطت الساندوتش في بوقها وقالت: انا مش بعمل مع اي حد كده بس اي حد من طرف سامر يبقا زي سامر بظبط وانا بعمل معاه كده
سامر بضحك: حصل انا مستحيل اقوم من مكاني غير لما اكون مخلص فطاري كلو
ليلي بصتلهم بدهشه وقالت والاكل في بوقها: انتو ازاي كده
سعاد ببتسامه: ممتكلميش والاكل في بوقك يلا علي شغلكو...
ليلي ضحكتلها ومشوا...
بعدين وصلو قدام دار مسنين...
ليلي بستغراب: انت جاي هنا لمين
سامر: هتعرفي دلوقتي
ليلي بصتلو بغيظ وقالت بهمس: هتتشل في لسانك يعني لو قولتلي
سامر بصلها بطرف عينو وقال: بتقولي حاجه
ليلي ببتسامه: لااا طبعا
مريم: بقولك يا استاذه ينفع امشي النهارده بدري اصل متقدملي عريس
ليلي بضحك: ماشي يا ستي ربنا يتمملك علي خير
ودخلو كلهم...
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
سامر دخل لأوضه راجل كبير في السن..
شاكر بتعب: ده انا مستنيك من بدري يا حبيبي
سامر بقلق: مالك يا جدي انت كويس حاسس بأي
شاكر ببتسامه: ولا حاجه يا حبيبي انا كويس طمني عليك انت
ليلي فنفسها: دول كأنهم مش من العيله مختلفين عن بعض تماما
شاكر بضحك: انت هتتجوز ولا ايه
سامر باحراج: لا يا جدي دول صحافه منا قايلك
شاكر: ايوه ايوه انا بنسي بس
سامر بنرفزه: مليون مره قولتلك يا استاذه سلوي تقفلي تلفونك..
ليلي باحراج: انا اسفه ثواني وجايه
وخرجت وسابتهم..
ومريم شافت شغلها وكانت بتكتب كل تفصيله...
وبعد شويه ليلي دخلت وقالت بتوتر حاولت تدرايه: ممكن استأذن من حضرتك انهارده بس ومريم معاك اهي
مريم بصدمه: انا قيلالك لازم امشي بدري
ليلي ضغطت علي ايديها وقالت: هما اللي تجوزو اخدو ايه اقعدي ساكته
سامر بقلق حاول يدرايه: ليه في حاجه
ليلي: اصل صحبتي تعبت اوي ودخلت المستشفي ولازم اروحلها
سامر: تمام اتفضلي
ليلي ببتسامه: مع السلامه يا جدي انا اسفه معرفتش اقعد معاك المرادي بس اوعدك هجيلك تاني
شاكر مسح علي شعرها بحنيه وقال: خلي بالك من نفسك يا بنتي هستناكي
ليلي اتأثرت وحاولت تداري دموعها ومشيت بسرعه...
سامر بص عليها وهيا ماشيه وعمل تليفون...
بليل كان سامر قاعد مع ناس صحابو في النادي بس قاطعو صوت رنين هاتفو المستمر....
سامر: ايوه عاوز ايه
: باشا الهانم اللي انت قايلي اراقبها اتقبض عليها ونازله من شقه دعار"ه
سامر بزعيق وصدمه: انت بتقوووول ايييييه...
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
ليلي كانت واقفه قدام مكتب الظابط في احدي مراكز شرطه اسكندريه كانت دموعها بتنزل زي الشلالات رجليها كانت بتترعش ومش عارفه تعمل ايه ولا مين ينقذها من اللي اتحطت فيه ده
فجأه دخل سامر وهو بيجري شاف ليلي من بعيد جري عليها وقال بلهفه وخوف: ليلي انتي كويسه حد اتعرضلك حد عملك حاجه
ليلي بدموع: والله ما عملت حاجه انا كنت راحه اجيب حاجه من هناك ومعرفش انها شقه مشبوهه والله معرف صدقني يا سامر انا معملتش حاجه
سامر بعصبيه: متعيطيش هطلعك من هناا اهدي
العسكري كان رايح يشدها من ايديها بس سامر لحقو وشدها نحيتو وقال: انا هدخل بيها ملكش دعوه انت
العسكري بزعيق: نعم يخويا المحن ده مش هنا ابعد احسن ما اخليك تشرفنا شويه معاها
سامر قال بهدوء عظيم: لو فكرت تحط ايدك عليها بس هيبقا اخر يوم ليك في الدنيا مش في شغلك بس فاهم ولا لا
وطلع كارت من جيبو وقال: دخل الكارت ده للي جوا ايآ كان مين يلا
العسكري سابو ودخل..
العسكري: حسام بيه في واحد مجنون كدا برا مع البنت اللي لسه جايه في شقه الدعار"ه وقال ادخلك الكارت ده
حسام بصلو بستغراب وقال: هو احنا هنا بنتعامل كده ولا ايه انا معنديش الكلام ده
حسام بص باهمال علي الكارت قام بسرعه من مكانو: نهار ابيض دخلو بسرعه
العسكري بستغراب: تمام يا فندم
وبعد شويه دخل سامر وليلي كانت متعلقه في كتفو بخوف وبتترعش
حسام ببتسامه: اهلا اهلا اتفضل يا سامر باشا
سامر بحده: عاوز اخدها وامشي خلص الاجراءات
حسام بصلها ورجع بصلو وقال: بس لكل حاجه يعني مقابل وحضرتك غايب علينا بقالك فتره
سامر بنرفزه: اللي انت عاوزو تعالا خدو بكره مني في المكتب
حسام ببتسامه: تمام يا باشا تقدر تخدها وتمشي وسيب الباقي عليه
سامر مسكها من ايديها واخدها ومشي..
عند محمد وسلمي في اوضتهم بتحديد..
سلمي بلا مبالاه: بقولك سيليا عندها حفله انهارده في المدرسه لازم تروح علشان انا مش فاضيه
محمد بعصبيه: مش فاضيه وراكي ايه يعني مش فاهم
سلمي بزعيق: ورايا حجات كتير ملكش دعوه انت ايه القرف ده
وسابتو ومشيت
محمد بص عليها بعصبيه: والله انتي اللي قرف كان يوم اسود يوم مسمعت كلامهم واتجوزتك وسيبتها في الهلاك ده لوحدها اديني دخلتو برجليا وبارادتي...
عند سامر وليلي في العربيه...
ليلي فضلت تبصلو بستغراب وقالت فنفسها: هو قالي يا ليلي صح انا فاكره هو عرف اسمي منين يادي الليله الطين هل معني كده انو عارف كل حاجه
سامر بحده: مش جعانه
بس ليلي كانت غرقانه في افكارها
سامر بصلها ووقف العربيه وقال: مش بكلمك انا
ليلي رجعت من افكارها وقاالت: ها معلش انا اسفه مسمعتش
سامر بصلها بنظره طويله وكأنها عتاب علي اللي بتعملو في نفسها وساذجتها مع اللي حواليها..
ليلي بتوتر: استاذ سامر
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
سامر نزل من العربيه وقف قدام البحرر ليلي نزلت وراه بستغراب وقالت بضحك: بتعرف تعوم ولا لا
سامر مردش عليها ف راحت عندو وقالت: هو احنا بنعمل ايه هنا
سامر بصلها وقال بزعيق: انتي ازاي كده ازااااااااي
ليلي بخضه: مش فاهمه انا عملت ايه
سامر مسكها من كتفها بعنف وقال: ليه بتدخلي نفسك دايما في مشاكل اكبر منك ايه اللي خلاكي تروحي هناك ردي عليييييييه
ليلي بعياط وتعلثم: علشان بتهددني
سامر ودموعو علي وشك الهروب: هيا مين وانا هخفيها من علي وش الارض مش هسمح لحد يأذيكي من تاني فاااهمه انا في ضهرك متعمليش حاجه تاني من دمااااغك
ليلي وقعت علي الارض منهاره وفضلت تعيط زي الاطفال: انا محدش في ضهري ومعنديش حد يحميني انا لوحدي وبقابل كل حاجه لوحدي يا سامر انا تعبت واتأذيت كتير اوي ليه مكنتش انت اللي بقيت معايا ليييه يا سامر
سامر نزل لمستواها وبصلها بستغراب فكملت كلامها وقالت: انا كنت عوزاك انت بس انت كنت متكبر ومتعجرف والبنات حواليك كتيرررر اوي انا كنت نكره وسطهم مكنتش شايفني اصلا مع ان عملت كل حاجه علشان تشوفني ولما قررت اجيلك واعترفلك...
فلاش باك...
متأكده انك هتعملي كده يا ليلي
ليلي بفرحه وهيا بتظبط شعرها: ايوه انا مش هينفع افضل واقفه كده
ياسمين:طيب ربنا معاكي
ليلي بضحك: يارب يا موزتي جهزيلي المكرونه بلبشاميل القمر بتاعتك علي ما اجيلك مش هتأخر عليكي
ياسمين ببتسامه: حاضر يا حبيبتي
ونزلت ليلي ركبت تاكسي وراحت الكافيه اللي بيقعد فيه سامر دايما بس فجأه لقت بنت تانيه قاعده في حضنو وهو بيضحك معاها بشكل مبالغ فيه وسمعت البنت وهيا بتقول بصوت عالي: جمااااعه هستناكم انا وسامر يوم الخميس في خطوبتنا
كلو بقا بيسقف وبيهني بس ثواني انا سامعه صوت تكسير.. ده صوت تكسير قلبي عادي اللي اتكسر بدل المره مليون...
طلعت تجري علي الطريق ومش عارفه فين مكانها ولا هتروح فين بس فجأه عربيه كانت هتخبطها نزل منها محمد بسرعه..
محمد بخوف: انتي كويسه
ليلي بدموع: انت اتعميت انا مش كويسه خالص
محمد بهدوء: انا اسف طب اتفضلي معايا نروح مستشفي
ليلي بعياط: والمستشفي هتعملي ايه هيعالجو قلبي ولا هيعالجو حبي ويرجعوه ولا هيقسوني عليه..
محمد مسكها من ايديها وقال: قومي معايا بس
بااااااااك
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
سامر بصدمه: انتي بتقولي ايه
ليلي قامت وقفت وفضلت تضرب فيه بعنف: غبي مكنتش شايفني غبي هتفضل طول عمرك غبي وقاسي ولا يمكن تحب حد انا بكرهك
وفجأه شدها لحضنو وقال: هششششش اعملي اللي انتي عوزاه بس متكرهنيش يا ليلي
ليلي حضنتو اقوي وتنهدت وقالت: ريحه البرفيوم بتاعتك حلوه اوي
سامر ببتسامه: انتي ريحه شعرك احلي
ليلي بضحك: كنت عارفه البت ياسمين جبتلي شامبو جديد حلو اوي هوا غالي حبتين ب965جنيه بس عادي فدايا
سامر ضحك بقوه: همو"ت منك والله
ليلي فضلت في حضنو كانت حاسه انها ماسكه الدنيا كلها بايدها الصغيره وبامأن الدنيا كلو ودفا عمرها محست بيه...
سامر مسح علي شعرها بحنيه وقال: مش جعانه يا حبيبتي
ليلي بطفوله: عاوزه اكل كشري
سامر بستغراب: نعم يختي
ليلي بعدت عنو وقالت: عاوزه اكل كشري يا سامر
سامر بضحك: صبرني يارب قدامي يلا
ليلي ركبت العربيه ومشو
وبعد شويه وصلها بيتها..
ليلي بتردد وبتفرك في ايديها: انا خايفه
سامر بهدوء: خايفه من ايه يا حبيبتي
ليلي بدموع: الست دي اكيد هتبعت عندي حد
سامر ببتسامه: بصي قدامك كده
ليلي بصت لقت رجاله كتير حوالين بيتها وفي كل مكان..
ليلي بصدمه: مين دول
سامر بضحك: رجالتي وارهنك لو حد يعرف يقرب من بيتك
ليلي ببتسامه: شكرا يا سامر
سامر نزل من العربيه وقال: هوصلك لغايه فوق علشان تطمني اكتر
ليلي بصتلو بحب وقالت: شكرا
واخدها وطلعو واستغربت ان نور بيتها مفتوح قالت بتعلثم: انا فاكره ان قفلت كل انوار البيت
سامر: افتحي الباب متخفيش
فتحت الباب وسامر بعدها عن الباب ووقفت وراه ودخل الأول وهيا بعدو وفجأه جري طفل صغير عليها وقال: مااااااامي وحشتيني
ليلي بصتلو بصدمه وسامر وقف مكانو كأن برميل مياه ساقعه نزل علي وشو....
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
ياسمين بضحك: يا واد يا يزن مليون مره قولتلك متقولش كده مامي لطنط ليلي علشان الناس متاخدش عننا فكره مش حلوه
ياسمين ببتسامه: مش تعرفينا يا ليلي
ليلي: استاذ سامر انا حكيتلك عنو
ياسمين بضحك: اللهم بارك مكنتش متوقعه انك بلجمال ده يا استاذ سامر عكس ما وصفتك ليلي خالص
سامر رفع حاجبو وقال ببتسامه جانبيه: ويا تري ليلي وصفتني ازاي
ليلي باحراج راحت نحيه ياسمين وشدتها: احنا نجيب الأكل قبل ما يبرد ومش هيبقي حلو اتفضل يا استاذ سامر اتعشي معانا
سامر: لاا مش هينفع مره تانيه
ياسمين بزعيق: والله ابدااااااااا ده عيب في حقي اقعد
سامر بضحك: معلش مره تانيه يا مدام
ياسمين راحت عندو وقالت بزعيق: قولتلك اقعدد اسمع الكلام
سامر اتخض ووقع علي الكنبه وقال: تمام حاضر
ليلي بضحك: حرام عليكي يا ياسمين خضيتي الراجل
ياسمين بنفاذ صبر: ما هو اللي مش عاوز يقعد كان لازم اعمل كده يلا خمس دقايق والاكل هيبقا علي السفره
يزن: مامي
ليلي نزلت لمستواه وقالت: يواد انت مش قولتلك مليون مره متقوليش مامي قولي يا خالتو اتفقنا
يزن والدموع اتجمعت في عنيه: بس انتي علطول بتجبيلي شكولاته ودايما بتلعبي معايا ولما بابا بيضربني بتزعقيلو عشان كده بحب اقولك مامي
ليلي ببتسامه: طب خلاص متعيطيش انا اسفه
سامر كان قاعد بيبص عليها بكل حب وقال: ليلي
ليلي بصتلو وقالت: نعم يا سامر
سامر ببتسامه كفيله تخطف قلبها: بحبك
ليلي باحراج: سامر مش قدام الولد
يزن بصلو بعصبيه وقال: انا اللي احبها بس
سامر بصلو برفع حاجب وقال: نعم يخويا انا حبيتها وشوفتها من قبل متتولد اساسا
يزن بعياط وصراخ: لاااااا انا شوفتها الاول
ليلي بصدمه: سامر انت هتعمل عقلك بعقل طفل
سامر بعناد: ما هوا اللي قال انا احبها بس مين اللي اداه الحق ده الله
ليلي بستغراب: سامر اسكت علشان الولد يسكت
سامر بص الناحيه التانيه كأنو طفل صغير وهنا الهيبه والطول والعضلات والسن ضاعو..
ليلي بضحك: سامر بتهزر
سامر مردش عليها وبعدين دخلت عليهم ياسمين..
ياسمين: يلا يا جماعه السفره جهزت
يزن مشي معاها ووراها ليلي وسامر...
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
سامر باعجاب: الله بجد انا مدوقتش اكل حلو كده من زمان والله
ياسمين بضحك: بألف هنا
ليلي فضلت تبصلو بحب واعجاب بمنظرو وتعابير وشو اللي معجبه بألاكل..
يزن بعناد: خالتو اكليني
ليلي بستغراب: انت علطول بتاكل لوحدك يا يزن
سامر بصلو بطرف عينو وقال: انت مش راجل وتعرف تاكل لوحدك ولا ايه
ليلي شدت المعلقه واكلتو ويزن بصلو وطلعلو لسانو..
سامر وعلامات الدهشه عل وشو: بقا الواد المفعوص ده بيعاندني ماااااشي
ليلي كانت راحه تحط المعلقه في بوق يزن بس لحقها سامر واكلها هوا
ليلي بصدمه: اي اللي عملتو ده
يزن بصلو وعيط..
ياسمين بضحك: يزن عيب كده تعالا معايا
واخدتو ودخلت...
ليلي فضلت بصالو بصدمه: سامر انت عيل صغير علي الكلام ده
سامر قام من مكانو وقال: انا ماشي هستناكي بكره
ليلي ببتسامه: تمام
سامر راح عندها تاني ونزل لمستواها وهيا قاعده وقال: متتصرفيش اي تصرف من دماغك ولو حصل حاجه تعرفيني فاهمه ولا لا
ليلي بتوتر من قربو ليها: تمام حاضر
سامر كان بيبص علي شفايفها بشوق وكان هيقرب منها بس رجع عن افكارو وقال: خلي بالك من نفسك..
وسابها ومشي..
ليلي بستغراب: مجنون ده ولا ايه
عند محمد وابوه جلال
جلال بعصبيه وزعيق يكاد يكون هز اركان الفيلا: يعني ايه خسرررررتها انت مش عارف الصفقه دي كانت مهمه ازاي بنسبالنا
محمد بتوتر: اعمل ايه يعني هما اللي بعتو قالو كده قالو بنص مش عاوزين نتعامل مع شركتكو اروح اجبهم من رقبتهم واقول لا اتعاملو
جلال بزعيق: علشان انت فاشل يا فااااشل خسرتنا صفقه بملايين كانت هترفعنا وتعوضنا عن فشلك شويه
محمد بنرفزه: ابنك سامر هو السبب لأن الراجل اللي انا حطو وسطهم في شركتو قال ان سامر اخد الصفقه دي وبقا شريك تقريبا في نص املاكهم..
جلال بص قدامو بغل وقال: انا كنت حاسس انو هيعمل حاجه ذكي زي امو ودايما كل حاجه بتجيلو وهو قاعد مكانو..
محمد: طب وبعدين هنعمل ايه
جلال بهمس: اسمع اللي هقولو ده وتعملو بلحرف الواحد..
محمد بضحك: ابوس دماغك دي يا حاج ابوسها والله
عند سامر كان رايح ينام بس فجأه الباب خبط نزل يفتح..
سامر اتصدم وليلي واقفه قدامو هدومها متقطعه ووشها غرقان د"م ومش قادره توقف علي رجليها..
قالت بصوت متقطع: الحق يزن وياسمين يا ساا
ووقعت علي الارض قبل ما تكمل كلامها..
سامر نزل علي الارض بسرعه وقال بزعيق: ليليييييييييي