وما فيش دقايق وحصلها اول ما ادخل بقى يقلع هدومه بهدوء شديد قالت بارتباك ...ايوب ممكن تسمعني للاخر

ايوب قال بخنقه وهو بيغير... انتي مش طلعتيه عايز ايه تاني 

بدور اتسعت عنيها بزهول وقالت انت ...

ايوب  ابتسم بسخريه والدموع بتلمع في عيونه وقال ...معقوله لسه بتخافي عليه ...معقوله  لسه بتحبيه

بدور  قالت بدموع ...مش حب..والله العظيم ما حب...انا مش زيك صدقني...لو كانت حصلتلو  حاجه ما كنتش هقدر اكمل من عذاب ضميري مش من حاجه تاني صدقني يا ايوب

ايوب وقف  قصادها بالظبط وقال....انا  سمعت الكلام اللي قولتهوله كنت هناك....شوفت كل حاجه ...وبعد ما كنت هدخل  اكسر يده اللي مسك يدك بيها بس لما ضربتيه هديت ناري شويه ....مش سهله ان راجل يتضرب من حرمه

بدور لسه هتتكلم قال بسرعه وتعب...اشششس اسكتي...اسمعي يا بدور  انا تعبت من المناهده والمكابره...بعد  اللي سمعته وبعد ما صنتي غيبتي وبعد الكلام اللي سمعته  اتمنيت يكون حقيقي مع اني متاكد انك بتقوليه علشان يرضى يمشي... خلاص ما اقدرش اكابر على نفسي اكتر من كده لو حابه ترجعي له حالا ودلوقتي اقدر اعتبرك مش مراتي على راحتك شهر ولا حاجه واطلقك ...خلاص نفسي مش جيباني اغصبك  اكتر من كده.. بعد ما روحتيله تاني بعد كل ده...مبقتش شايف ان في امل بينا وشايف اني تعبت نفسي على الفاضي

ايوب  قال كده بمنتهى الالم ولسه هيمشي مسكت ايده وبصت لعيونه وقالت.....انت فاكر اني قولتلو اني عيزاك انت  عشان يرضى يمشي ...ليه فاكر اني مغصوبه عليك...اسمع يا ايوب  انا اه  كنت مغصوبه عليك..بس  اول ما لقيت نفسي بهرب معاه وفكرت ان  بسببي ممكن الناس تتكلم عليك ما قدرتش اتحرك خطوه معاه رجعت عشانك... رجعت قبل ما انت تلاقينا مقدرتش اهون فيك يا ولد عمي....انا انهارده روحتلو لما  سمعتك بتتكلم في التليفون بتقول هتقتله... مش لاني خايفه عليه ولا لاني بحبه زي ما انت فكرت...لا لاني  انا اللي كنت السبب في انكم تلاقوا رحت عشان اطلعو وبس انت مصدقني ولا لا

ايوب ابتسم  بسخريه وقال....مش هتفرق  اصدقك او لا على العموم...انا كنت باتكلم في التليفون على بهيمه عيانه وملهاش علاج مش عليه...انا عمري  ما كنت ناوي اقتله واصل ولو كنت عايز اموتو كنت طخيتو في دماغو  بدل رجله وانتي  عارفه اني اقدر اعملها ...بس انا عملت احساب كلامك ده وخوفت تزعلي وتحسي بالذمب علشان كده خليته عايش

بدور اتفاجأت بكلامه وكانت هتتكلم بس سبقها وقال ...اقعدي مع نفسك وفكري ... وشوفي انتي عايزه ايه وانا هعملو

و لسه هيمشي قالت بسرعه ...عايزاك انت يا ايوب

ايوب بصلها بحده ونزلت دمعه مقدرش يحوشها وقال بغضب... وانا ما بقيتش عايزك ايه رايك عاد

بدور  ابتسمت على غضبه وقربت منه وبصت لعيونه ومسحت دمعتو  وقالت ....ما عاش اللي يوقع لؤلؤ عنيك يا ولد عمي ما عاش ولا كان

بصلها بحزن وقال..اديكي وقعتيه يا بدور ....وعلشان كده مبقتش عايزك

بدور قربت منو وقالت بابتسامه جميله...كذاب يا ايوب طول عمرك عايزني ومعايزش غيري ولساتك عايزني

ايوب  بعد وقال بضيق...غيرت رايي ما بقيتش عايزك هو بالعافيه

بدور ابتسمت وحاوطت رقبته بايديها وقربت قوي وقالت بهمس قدام شفايفه... حتى لو قلت لك اني بحبك ....حتى لو قلت لك اني عشقت الوقت معاك يا ولد عمي.... حتى لو قلت لك اني ما اقدرش اعيش من غيرك يا ايوب

ايوب بلع  ريقه بارتباك وبص لعيونها اللي كانو بيلمعو بصدق وقال.... الكلام ده جد ولا بتقولي كد علشان تصبريني

بدور بصت لعيونه وقالت... عيوني تقول لك 

ايوب شدها من وسطها عليه وقال... عيونك عامله زي هدومك مش بتبين اي حاجه

 بدور ضحكت جامد وقالت....بس  بتعرف تعمل اللي انت عايزه ودلوقتي تقدر تقرها برده

ايوب ضمها بكل قوته وقال ...انا كل اللي عارفه اني بحبك ومش عايز غيرك  من الدنيا ولا هقدر اعيش من غيرك دقيقه  واحده 

بدور ابتسمت بسعاده وبقت تحضنه بقوه وقالت...ولا انا يا ايوب والله ما عرفت للدنيا طعم غير معاك

ايوب بصلها بحب شديد وقرب من شفايفها وباسها بقوه وجنون وهي بقت تبادله بنفس المشاعر  

بعدو عن بعض بالعافيه وقالت... اي دقيقه زعلتها  بسببي هعوضك عنها باحلى ايام وعد يا حبيبي انا خلاص بقيت أسيره في هواك يا ايوب

ايوب ابتسم و قال... اسيره بقلب عاشق مبقاش عايز غير قربك يا بدور دنيتي... انتي نورها وحلاها وبس ربنا ما يحرمني منك 🥰