صوتت ايرين اول ما شافت خالتها و فهد جنبها 

قام الياس من مكانه بس قبل ما يعمل حاجه ضر"به فهد بالنار 

جريت ايرين عليه و صوتت بعلو صوتها اول ما لقيت نبضه وقف 

قامت ايرين مفزوعة من النوم و جسمها بينتفض 

ليث بخوف قام من جنبها و جري على اوضه أبوه : ماما ..

قبل ما يتكلم قام الياس بتعب و راح على اوضه ولاده لقى ايرين جسمها كله سخن 

- ايرين بس اهدي ..انا معاكي 

حضنته و فضلت تعيط اكتر : الياس خلاص خلينا هنا مش لازم نرجع بيتنا 

- طب ايه اللي حصل اهدي ..ده كابوس و انتهى 

فضلت ماسكه فيه وهي بتترعش : بس انا حاسه أنه مش هينتهي ابدا حاسه ان القصه دي نهايتها مش هتكون سعيدة 

ليث بحزن : مامي انتي ليه بتعيطي مين زعلك و انا اضر"به 

ضحك الياس و خده في حضنه هو كمان : مامي تعبانة شويه ممكن تسمحلي اخدها عندي اهتم بيها 

ليث بغيره : انا كمان اقدر اهتم بيها صح يا مامي 

ابتسمت ايرين و باسته : صح يا عمري 

الياس : طيب ايه الحل دلوقتي انام انا معاكم 

ليث : لا خد ماما عادي لأنها اصلا بتحبني اكتر من اي حد في الدنيا و انت مش هتقدر تأثر عليها 

ضحك الياس و نيم ليث جنب اخوه و خد ايرين في حضنه و خرجوا من اوضه الاولاد و دخلوا اوضتهم 

قعدها الياس على رجله وهو حاضنها من ضهرها : ممكن اعرف نمتي عند الاولاد ليه 

لفت ايرين و حطت راسها على كتفه : ليث كان غيران منك و طلب مني انام معاه و الياس بيحبني انام جنبه بيتطمن لما يلاقيني جنبه 

ابتسم الياس : و الياس الكبير ؟؟ ملهوش نفس 

ضحكت و مسكت أيده : كنت هنيمهم و اجيلك 

بصلها بخبث : طب ما تيجي بقى 

اتكسفت و كانت هتقوم بس شدها عليه و باسها بكل حب و بعد شويه وهو بيهمسلها بصوت هادي : شكلها هتبقى ليله حلوة يا حلوه 

خجلت ايرين و غمضت عينيها 

....

كانت رقيه قاعدة في اوضتها بتكلم جوزها : سعد ممكن تيجي تاخدني انا عايزة اكون معاك تعبت و انا لوحدي حتى كان نفسي يكون ليا ابن يونس وحدتي بس حتى ده حرمتني منه 

- انتي هبله ، قولتلك الف مرة اني مش فاضي عايزة تيجي تعطليني و ابن ايه اللي بتقولي عليه ده عشان تجه"ضيه زي الاول 

انهارت و فضلت تعيط : مكانش بسببي كله بسبب الياس لما ضر"بني

سعد بعصبية : لو مكنتيش اتبليتي على مراته مكانش ضر"بك بس حتى أهلك مش عايزينك عاااايزة مني ايه بقى سيبيني في حالي 

انهارت بسبب كلامه و قفلت في وشه بس في نفس اللحظه رن عليها فهد 

ردت وهي بتعيط : انت عايز ايه انت كمان 

- بتعيطي ليه يا حلوة 

فهد سيبني في حالي حتى انت بتكر"هني انا هتطلق من جوزي 

عمل فهد نفسه أنه متأثر : بجد لييه انتي كويسة فيكي حاجه ؟؟

ابتسمت رقيه لخوفه عليها بس افتكرت أنه بيحب ايرين اصلا : مفيش حاجه ممكن تقول متصل بيا ليه 

- لانك وحشتيني و نفسي اشوفك و اشوف عيونك أول مرة احس اني محتاج اشوفك حقيقي 

فهد انت بتتكلم بجد ؟؟ 

- هضحك عليكي ..ابقى بكذب على نفسي لو قولت غير ده 

ابتسمت رقيه : طيب انت كويس في حاجه مزعلاك 

- لا بس لازم نتقابل بكره 

صعب جدا لان سارة هترجع من المستشفى بكره ولازم اكون جنبها 

- خلي اي حد يكون معاها هستناكي بكره في مكاننا متتأخريش 

ضحكت رقيه و اول ما قفل التليفون فضلت تبوس فيه : اخييييرررا حس بمشاعري بحبك يا فهد بحبببك

في مكان تاني 

رمى فهد التليفون و هو متعصب : لامتى هفضل مجبر اتكلم معاها كده ...يلا كله يهون عشان حبيبه القلب و الروح 

دخل عليه الشيخ كامل : انت لسا صاحي يا فهد 

- ايوا يا حج في حاجه 

امتى هفرح بيك يا ابني 

- ليه الكلام ده دلوقتي يا حج قولتلك اني بحب ايرين 

يا ولدي متغلطش غلطتي زمان ، انا برضوا كنت شاب زيك و حبيت بس متحبتش ...كان قلبي بيتكسر كل مرة اشوفها مع حد غيري لحد ما بقيت ليا 

- ضحك فهد :في الاخر بقيت ليك ده مبشر حلو 

ليا بس من غير روح كان كل هدفي الاقيها في حضني لما اصحى بس لما صحيت في يوم لقيتها اختفت ولا بقيت معايا ولا مع غيري قلبي انكسر اكتر و رجعت ليك و لامك اللي كانت أم مثالية و زوجة صبورة مستحملاني رغم عيوبي و رغم اني كل يوم كنت بقولها اني هتجوز عليها شعري شاب و لسا فاكرها و عايزها بس ده كله أوهام لو كنت ركزت في حياتي و سيبت الحب ده يروح كان زمانك عندك اخوات تانيين و مش لوحدك ..ملخص العبارة يا ولدي انا مش عايز أفقدك انت ابني الوحيد 

مسك فهد أيده و باسها : يا حج متقلقش المره دي ايرين هتبقى ليا و عمري ما هسيبها ..انا متقبلها بولادها ب كل عيوبها 

قام الشيخ سليمان وقف بعصبية : فهد ايرين متجوزه و مسلمه مش كاف"رة انت لو عملت حاجه تبقى بتظ"لمها ديننا معلمناش كده 

قام فهد و رد عليه بعصبية و حقد اكبر : اتجوزها غصب عنها و ده حرام شرعاً يعني هي عايشة معاه في الحررر"ررام 

- مين قالك ...انت ايش عرفك طلاما عايشة معاه تبقى موافقة و بتحبه 

صرخ فهد في أبوه : ابويااااا النقاش في الموضوع ده انتهى بالنسبالي و ياريت ميتفتحش تاني 

........