خرج حسن وأمسك بياقه هذا المتطفل 

حسن :ماروحتش ليه يا بغل إنت 

احمممم...لا مؤاخذه ياباشا قلت يمكن تحتاج حاجه كدة ولا كدة 

بصله بإستفهام ليخاف هذا الرجل ويكلمه بنصح 

إنت مش كدة ...مش حسن باشا النشار اللي ياخد واحدة غصب عنها ...وإنت شايفها بنفسك هبله وطيبه وماحيلتهاش غير شرفها تتمسك بيه ...واهيه ما  أستسلمتش ...ومد إيده يديله  منديل أبيض 

حسن :إيه ده 

منديل يا باشا وشك كله مليان  لا مؤاخذه خرابيش وطعاوير 

بصله حسن بغضب فالتاني بص في الأرض بخوف 

حسن : لو خلصت كلامك غور من وشي وبلغ السواق يجيب لها اي زفت علي دماغها تلبسه لما تصحي وخليك هنا علشان توصلها .

ابتسم الرجل وقاله حمامه ياباشا .

دخل حسن المخزن لقاها مرميه علي الارض زي ماهي ما إتحركتش وفاقده الوعي تماما فشالها ودخلها أوضه جانبيه ونيمها علي السرير وهي مش دريانه بالدنيا ...كانت هدومها متقطعه وجسمها باين وصوابع إيديه معلمه علي وشها غمض عنيه  بضعف وافتكر صورة أخته الضعيفه وهي بتوصيه علي بنتها ففتح عنيه وبصلها  بتعاطف وغطاها بالجاكيت  بتاعه تاني .

اعد علي الكرسي جنب السرير يراقبها وعنيه ما فارقتش التأمل في  وشها  قرب من السرير   ومد إيده وحسس علي خدودها الحمر الوارمين من ضربه ليها ...وعينيه ما غفلتش عن ضوء اللمبه اللي منور علي وشها ومبينه زي القمر ليله تمامه  وبص لشفايفها الممتلئه كأنها مرسومة بريشه فنان ...في اللحظة دي، حس بتقل على قلبه، حاجه مكتمومه جواه. كانت بتعاتبه علي الغلط في حقها ، وبتحسبه على اللي كان ممكن يحصل.

حسن : إزاي كنت هغلط وأعمل معاها كدة ؟ إزاي كنت هضيع البرائه دي بإيدي زي ما أختي ضاعت ...أنا هنتقم منهم واحد واحد بس  بطريقتي من النهاردة...هلاعبهم علي المكشوف ...وهدفعهم التمن غالي أوي  ....الكلام ده فضل يتردد جواه، زي صدى بيلف حواليه. كان عارف إنه كان قريب قوي من الغلط، أقرب مما هو يتخيل. لحظة ضعف منه كانت هتخليه يندم ندم عمره كله ...مش قادر يتصور هو كان هيخسر نفسه إزاي  زي ما خسر أخته فسأل نفسه وهو بيعض شفايفه...وهو بيفكر بكلام ندي لما كان بيحاول يغ_تصب_ ها...إن أخته كانت سهله علشان كدة أيهم قدر عليها ... صدره  كان  بيضيق مع كل تنهيده حارة  بتخرج منه ومع استمرار تأمله لكل  تفصيلة فيها .

قام وقف وفك أزرار قميصه وقلعه ورماه علي السرير جنبها  بعد ما بدأت الجروح اللي سببتهاله ندي  تألمه  بينما هو كان  واقف وعاطيها ضهره ، بدأت هي تستعيد وعيها فرفعت وشها فجأة، وشافته من ضهرة ... عينيها كانت سكاكين بتخترق جلده من الخوف ...فحس  هو  بحركتها وإبتسم إبتسامه  خبيثه تحمل معاني كثيره كانت أولهم أنه هيفضل  ينتقم لاخته ويعذب فيها  لاخر أنفاسه  ولأنه حس باللي بتفكر فيه وكأنه شم ريحه الخوف والرعب اللي عيشهولها قام رعبها أكتر  وقال 

حسن : صباحيه مباركه يا مدام ...ولا نقول يا عروسه .