الماذون كان مرتبك ومش عايز يكتب الكتاب وريم كانت بتصرخ ومش راضيه تهدى 

بس صحاب يوسف اللي جايين علشان يشهدوا على العقد مسكو المأذون وبقم يستعجلوه ويهددوه لحد ما كتب الكتاب 

يوسف ابتسم بسعاده و ودع صحابه ..واول ما مشيو

قال بسعاده.. مبروك يا عروستي 

ريم بقت ترجع لورا وقالت بخوف...والله لو قربتلي انت حر هقتل نفسي وو 

بس يوسف شالها بسرعه ودخل بيها على الاوضه ورماها على السرير 

ريم بصتلو بخوف وقالت ..انت انت هتعمل ايه طب بص...بص  يا يوسف والنبي هنتفاهم و 

يوسف اتفاجئ اول مره تناديه باسمه  فضل يبص لها بابتسامه جميله ومش مصدق نفسه وقال.. قولتي بص يا ايه 

ريم قالت بتوتر...ايه ..انا مقولتش حاجه 

يوسف قعد جمبها ومسك ايدها وقال.. عجبني اسمي من شفايفك ...كأني اول مره اسمعه في حياتي..قوليه تاني كده 

ريم قالت بسرعه ..مش قايله حاجه وانت اكيد مش هتعتبر ان اللي حصل بره ده جواز لان انت خا... 

بس يوسف قاطعها وحط صباعه على شفايفها وقال اوعي تقوليها تاني..بصي يا ريم انا هاحكيلك كل حاجه علشان ترتاحي وتريحيني 

انا والدي والدتي من زمان اتوفو..وفضلت لوحدي في الشارع..عملت مشكله كده مع واحد غني ومكانش معايا حد يوقف في ضهري...واترميت في  الاصلاحيه وانا عمري 16 سنه لاني مكانش ليا حد..فضلت هناك لحد ما كملت 20 سنه بعدها طلعت وبدأت احاول اتعيش وابني نفسي..بس كل حاجه اتغيرت لما قابلت والدتك من خمس سنين عند قبر ابوكي

بقلم...زهرة الربيع

كانت بتبكي وبتكلم ابوكي كأنو موجود..كانت بتقولو اخواتك  عايزين ياخدو البيت و كل حاجه مني عايزين يجوزوني غيرك بالغصب 

انا حاولت اتجاهل الي سمعتو وكنت همشي ..بس سمعتها قالت وهي بتبكي... حتى لو كان عندي اخ كنت خرستهم وقولتلهم اخويا هيقعد معايا ..لكن انت سبتني في الدنيا لوحدي 

كان حالها نفس حالي..انا عشت الي عاشتو..اتسجنت لاني لوحدي ومعنديش حد .. صعبت عليا جدا روحتلها وعرضت عليها اني امثل دور أخوها وكل واحد يعيش حياتو عادي جدا 

والدتك مرفضتش لانها ما كانتش عايزه تتجوز من عندهم ولا ترجع البلد انا عملتلها شويه اوراق عند واحد معرفه وخليتها فهمت اعمامك اني اخوها الي راجع من بلاد بره وطبعا هما  مكانوش يعرفوا اي حاجه عن حياتها ولا عن اهلها  لانها اتجوزت والدك من غير رضاهم ومكانوش على تواصل 

ريم كانت بتسمعه بزهول ويوسف بصلها وابتسم وقال...بس اجمل حاجه في عمري كلو كانت وجودك كان عندك   13 سنه بس وقتها.. من اول يوم شوفتك وانا هتجنن عليكي مع انك كنتي طفله بس فضلت مستني اليوم اللي تكبري فيه وتكوني ليه ما حاولتش اتجوز ولا حاولت اتعرف على واحده حتى وانا مستنيكي مستنيكي وميت على اليوم اللي تكوني فيه بين ايديا كنت مبسوطه قوي بوجودي معاكي وكنت بتقصد اجي اضايقك بالليل علشان تشيلي من خيالك حكايه ان خالك دي حتى لو كانت الطريقه غلط كل اللي قصدتو منها اني اخليكي تفكري فيا مش اكتر 

ريم بصتلو بدموع وقالت ... عشان كده كنت تبات في الجنينه .. علشان كده مكنتش تنام في البيت 

يوسف اتنهد وقال..شوفي والدتك ست جميله وكانت صغيره والفرق بيني وبينها بتاع 15 سنه مش كتير انا كنت بشوفها بالظبط زي اختي بس مكنتش حابب اضايقها علشان كده كنت انام في الجنينه ... بس انتي عمري ما شوفتك  بنت اختي كنت ديما  بشوفك حبيبتي ودفا حضني وقمري الي مستنيه يبقى بدر وينور دنيتي 

ريم ابتسمت لا اراديا وهي بتبصله باعجاب ومتنكرش السعاده الي دخلت قلبها لما عرفت الحقيقه ..لانها طول عمرها معجبه بشخصيتو وبتتمنى لو تلاقي واحد زيه 

ريم قالت بابتسامه هو انت بتحبني قوي يعني 

يوسف ابتسم وحط ايده على خدها وقال فوق ما تتخيلي انا بعشقك..وقرب  منها اكثر بس بعدت بسرعه وقالت تمام.. انا صدقت كل كلمه انت قولتها مصدقاك بس ده ما يمنعش ان  الموضوع ده غريب اوي بالنسبالي يعني محتاجه وقت على بال ما اتعود انك جوزي وكده مش واحد قريبي فاهمني 

يوسف فرح انها هتديه فرصه  وقال بلهفه ..ماشي فاهمك محتاجه وقت قد ايه يعني 

ريم قالت بتفكير ..اممم..مش كثير يعني خمس ست شهور كده يعني سنه مثلا 

يوسف اتسعت عنيه وقال بسخريه.. يا قلبي ..لا بسيطه قوي وقلب وشه فيها وقال..سنه .. ده عند اللي زرع واللي جنى..هما يومين اتنين علشان خاطرك بلياليهم تتصرفي تتشقلبي وتحبيني مليش فيه..ان شاله تفتحي حته في قلبك كده وتحطيني فيها.. افتحي قلبك  بدل ما افتح انا ..وانا هموت وافتح 

ريم بصيتله بغيظ وقالت ..تفتح ايه ما تبطل وقاحه لافتح دماغك 

يوسف شاور لها على دماغه اللي كانت مفتوحه وحاطط عليها قطن وقال..تفتحي اكتر من كده يا اختي 

ريم اتنهدت بحزن وقالت... هي بتوجعك 

يوسف قال  بسخريه ...لا ابدا دي حتى مونساني والله 

ريم ضحكت ضحكه جميله ويوسف قال بمشاكسه.. ايوه كده بقى ..ده انا اخبط لك دماغي كل يوم لو هتضحكي كده 

ريم قالت بضحك..مش الخبطه اللي مضحكاني انت كلامك بيضحكني اوي والله .. طيب بص وديني عند ماما وانا  هاقولها اني عرفت انكم مش اخوات واني موافقه عليك وافضل هناك بقى على راحتي لحد ما اتعود عليك 

يوسف وقف وطلع لبس ليه من الدولاب وقال...لا معلش..انا  باذن الله هدخل الحمام واطلع الاقيكي اتعودتي 

ريم بصتلو بدهشه  ووووو