:تمام انا عاوزك انتي المقابل 

تراجعت من قدامه وقعت على الارض بدموع وقالت: لا انا ليه بيحصل معايا كده انا عملت ايه وحش طيب علشان يحصل معايا كل ده

انفجرت في العياط قدامه وهو مش فاهم حاجه فقرب قعد قدامها بشفقه وقال: طيب اهدي مالك اتحولتي كده في دقيقه لطفله صغيره

بصت عليه بدموع وغيظ وقالت: انا مش طفله انا عهد 

ضحك على شكلها وقال: تمام ياعهد واجمل عهد في الدنيا كمان ممكن افهم مالك بقى؟ 

مسحت دموعها بحزن وبصت في عنيه الزيتوني اللامعه بأعجاب وقالت: انت عنيك حلوه اوي علشان كده انا هحكيلك حصل معايا ايه تمام 

قعد قدامها زي الاطفال وهو مستمتع بكلامها وشكلها البرئي وقال: تمام اتفضلي ياعهد انا سامعك 

ونفخ بضيق بعدها وقال: ماهي كده كده الليله ضاعت عليا بسببك اعمل ايه بقى 

ردت بغيط: انت بتنفخ في وشي ليه طب والله ماقايله حاجه خلاص 

ابتسم على طفولتها الجميله وقال: خلاص انا اسف قولي ياعهد 

ابتسمت بسعاده: انت اول شخص يعتزر مني انا عمرى ماحد اعتزر مني قبل كده، تمام انا هقولك الحكايه بص بقى ياعسليه، انا وماما مفيش حد كان بيحبنا غير بابا بس الله يرحمه، وبعد موته اعمامي الوحشين اخدوا كل حاجه مننا حتي البيت بتاعنا وطردونا بره البيت، وقال عمي ده بيت اخويا واخويا مات وانتو مش بقى ليكم مكان هنا بينا، وطلعت انا وماما لوحدنا وبعدها ابن عمي قال تعالي ياعهد اقعدي في الشقه بتاعتي وانا فكرت انه طيب بس طلع عاوز حاجه حرام، وانا هربت منه واجيت هنا بس فضلت انا وماما بدون مكان وحتي اكل لمده يومين لولا في راجل طيب اخد ماما عنده وجاب لها اكل وعلاج كانت ماتت مني، وانا كونت بدور على شغل من يومين بس مفيش مكان عاوز يشغلني والناس بقت وحشه وعاوزه حجات حرام بس، واجيت هنا علشان اشوف وظيفه ليا بس انت كمان طلعت زيهم عاوز حجات حرام بس مني وانا تعبت بجد والله حرام عليكم بقى

بص في عنيها بشفقه وقلبي دق بحزن عليها فوقف حط ايديه في جيوبه ببرود وقال: اقفي ياعهد خلاص انا غيرت رأيي روحي هاتي امك هنا وانا موافق على شغلك كمان عندي 

وفقت بفرحه كبيره وهي مش مصدقه انها اثرت فيه بسرعه كده وبدون ماتحس بنفسها قربت وحضنته بأمتنان وعدم وعي وقالت:شكرا شكرا اوي انت طيب وجدع يااسمك ايه انت 

ابتسم بصدمه منها وقلبه دق من قربها ولمستها الحنينه ليه وقال:احم العفو ياعهد بس ممكن تبعدي عني 

عهد اخدت بالها انها حضناها بعفويه فبعدت بكسوف وقالت:اسفه مقصدش صدقني اعمل كده يا.... 

سكتت بدون تكمله وقالت بستفهام:هو انت اسمك ايه ياعسليه؟

ضحك على كلامها وقال:اسمي ضبع مش عسليه ياعهد 

عهد ببسمه ساحره:ضبع اسم حلو بس غريب اوي 

قرب منها ضبع بخبث ومرح:عجبك الاسم او صاحب الاسم اكتر