خرجت من حضنها على صوت بكاء لؤي خدته من فاطمه و ملست على رأسه بحنان مفرط و حزن شديد و هي بتحاول تسكته  ، و وداد كانت قاعده في الممر في حاله لا تحسد عليها و دموعها على خدها

_ اللهم صلِّ و سلم و بارك على سيدنا محمد 🦋.

في المساء 

ناديه مررت ايديها على شعره بحنان و اتكلمت بحب

: عامل اي يحبيبي 

دياب بابتسامة مرهقه بيداري تعبه فيها 

: الحمدلله يا أمي لؤي عامل ايه 

ناديه بحنيه مفرطة

: نايم برا مع فاطمه متخفش عليه الدكتور قال غلط يدخل هنا 

جلال : حمدالله على سلامتك مكنش نعرف انك بتحب كدا

دياب بعشق جارف

 : لو كانت طلبت عمري مش هبخل عليها فيه

ناديه بلهفه : بعد الشر عليك يضنايه 

جلال بص لمسلم و اتكلم بجدية : 

ارجع البيت ارتاح أنت انهارده و انا هبات مع دياب 

دياب قاطعه بعتراض و اتكلم بهدوء

: انا كويس يا جماعه مش محتاج حد يبات معايا 

ناديه : لا يحبيبي ممكن تحتاج حاجه يجبهالك 

مسلم بجدية : انا متعبتش روحه أنتوا البيت 

دياب بص لجلال و اتكلم بحده شديدة

: عملت ايه مع الغفير 

جلال : زي ما اتوقعت حد جه ضربه على دماغه بحاجه و دخل السراين فصل النور و فتح الباب لبقيت صحابه بس كاميرات المراقبه جابت عربيه كانت واقفه بعيد عن السرايا بشويه من الصبح و شكين انها كانت بتراقب كل اللي في البيت 

دياب بغضب مفرط

 : تابع الموضوع بنفسك عايز اللي عمل كدا يتقبض عليه في اقرب وقت 

اكمل و هو بيبصلهم بقلق : حد راح شاف أميرة 

ناديه بحنيه

 : انا شوفتها بس من برا الرعايه محدش بيدخلها 

وداد قربت عليه بدموع

: مش عارفه اشكرك ازاي انت من غيرك كان زماني خصرت بنتي عمري ما هنسالك الجميل دا طول عمري

دياب بدموع بتلمع في عينيه

: انا معملتش غير المفروض يتعمل 

دياب كان كل تفكيره و عقله في اميرة و مش مركز معاهم لحد اما مشيوا و مفضلش معاه غير صالح اللي صمم انه هيقعد معاه و يرعيه انهارده 

دياب فضل بصص على صالح بتردد ، و صالح بصصله و مستغرب تردد وقف قدامه و هز راسه بمعنى اتكلم ، دياب اتكلم بتوتر

: بابا سندني اقوم

صالح : هتروح فين 

دياب و هو ببشيل الغطاء من عليه بضعف و اتكلم بهدوء

: زهقت من القاعده عايز اتمشى شويه 

صالح سنده و قام معاه و خرجه من الاوضه و اتمشي في ممر المستشفى 

دياب همس بصوت متعب باحراج

 : انا اسف على اللي حصل مني امبارح بس أنا اول ما أميرة كلمتني و سمعت صوتها كان لازم اجري و الحقها كل تفكير كان اني اوصلها باسرع وقت و ملحقتش اقول لاي حد 

صالح ربط على ايديه بحنينه و اتكلم بهدوء فيه بعض الجديه 

: الكلام ده ميتقلش ليه انت تروح لعمك و تعتذر منه

دياب وقف مكانه و بصله و اتكلم بجدية شديدة رغم تعبه

: انا مش هتجوز على مراتي و  لا هحطها في موقف زي دا في يوم من الايام انا وافقت اروح معاك عشان مش عايز اصغرك قدام عمي بس مكنتش هكمل في العلاقه دي لاني مش هعرف اوفق ما بنهم و بجد هكون بظلم بدور معايا انا بحب مراتي و مش عايز غيرها و ربنا رزقنا بطفل مش عايز حاجه تانيه من الدنيا غير اني اعيش انا و هي و نربي ابننا من غير مشاكل عارف اني غلطت لما اتجوزنا من غير علمك و كان لازم ارجعلك من الاول بس الموضوع مش زي ما انتوا فكرين انا متجوزتهاش عن حب و لا عشان حتا اعجبت بيها لانها بنسبالي طفله انا اجبرتها على الجوز عشان اجيب حق زينه بس ببرائتها و رقتها اكتشفت اني باخده من الشخص الغلط و الطريقه الغلط لو جيت دورة في الموضوع ده كله هتتلقيها هي اكتر واحده اتظلمت و انا مش عايز اظلمها معايا تاني كفايه عليها كل اللي شافته بسببي صدقني يا بابا هتبقي بتدفني معاها بالحياة لاني ملقتش نفسي غير مع اميره

صالح رغم غضبه منه إلا انه احترم قراره و حبه الشديد لمراته

: الجوز عمره مكان بالغصب انا هكلم عمك و قفل باب الموضوع ده عشان لو البنت متعشمه

هز راسه بالتأكيد و جهه بقا شاحب و حبات العرق على جبينه من تعبه المفرط بسبب مجهوده في الحركه و اتكلم بهمس بارهاق

: طلعني الدور التاني وديني عند أميرة في الرعايه 

صالح بصله بقلق شديد لما شاف وشه الشاحب 

: لا خليني نرجع انت شكلك تعبان مش هتقدر تروح 

دياب بصله بتعب و اتكلم براجاء

 : ارجوك وديني عندها علاجي اني اشوفها

صالح سنده و مشي و دياب ماسك جنبه بتعب لحد اما وصل الرعايه بص عليها من الشباك الازاز و هي نايمه بعمق من التعب و مش حاسه بأي شئ حوليها و متواصله باجهزه

 دموعه نزلت على خده بحزن شديد و حط ايديه على الازاز و هو بيتخيل انه لامس ايديها و حضنها بحنان و بالايد التانيه مسك جنبه بتعب 

دياب فضل بصصلها كتير بدموع و همس

 : يارب لا اسالك رد القضاء و لاكن اسالك الطف فيه 

صالح بحزن شديد و حنان : دياب كفايه انت تعبان 

دياب بدموع و هو لسه بصصلها اتكلم بصوت مخنوق 

: أنا كويس 

صالح بصرامة حاده : لا شكلك تعبان و لازمك الراحه 

دياب بصلها بحزن شديد كأنه بيودعها و مشي مع صالح رجع اوضته 

بعد يومين أميرة بدأت تفوق تدريجياً من أثر المخدر... اللي بيحطه في المحلول كل يوم عشان تفضل نايمه اطول فتره ممكنه 

مسكت جنبها و هي حاسه بتعب ، الممرضه قربت منها و اطمنت عليها و الدكتور أمر انها تتنقل اوضة عاديه و أتنقلت في اوضة دياب 

أميرة بصت جنبها و هي نايمه لاقيت دياب جنبها اتكلمت بارهاق و صوت ضعيف متعب

: دياب انت كويس