ملك: كنت خايفه افشل قدامهم.... بس انت اديتني فرصه اثبت نفسي.. شكرا علي وقفتك معايا

عز سحبها شويه منه وبص في وشها: ونجحتي... لازمته ايه العياط دا.. يلا روحي اغسلي وشك وانزلي الناس عايزين يشوفو بنت الجبالي

ملك ابتسمت ابتسامه صغيره وبدموع: حاضر

لتأتي سعيده: يلا ياملك.... انت طلعت تجيبها ولا تقعد معاها

عز يضع يده علي رقبته ويهمس لملك: جيبالي الكلام 

ملك ضحكت: حاضر ياسعيده انا جايه اهو

ملك نزلت علي السلالم بخطوات بطيئه، ملامحها هاديه، فيها تعب بس كمان فيها عزيمه، كانت بتحاول تسيطر علي رعشه ايديها

اول مدخلت الصالون الكل لف ناحيتها

 الستات وقفت بيبصولها وبدأت همهمات الاعجاب والدهشه تنتشر في المكان

إحدي الضيفات بابتسامه: انتي الي عملتي الاكل دا؟ 

ملك بصوت خافت: ايوة... حاولت اعمل الي اقدر عليه

سيده تانيه بضحكه مبهوره: ده انتي مش حاولتي.... انتي ابدعتي، البشاميل تحفه، والملوخيه تجنن

ملك ابتسمت بخجل ونظرتها كانت بدور في المكان.... كانت بتدور عليه

عز واقف  سامعهم وساكت بس نظره عليها كانت نظره فخر، وقعت عينه في عينها وهز راسه ومتكلمش

&&&&&&&&

بعد مرور بعض الوقت الضيوف مشيوا واخيرا ملك خدت نفس

البيت رجع هادي من تاني 

جليله بابتسامه: كويس انك لحقتي الموقف... الناس دول بيمسكوا علي الغلطه

ملك: الحمدلله... عدت

فياض بصوته الرجولي القوي: الي عملتيه مش قليل... انك تلحقي تعملي أكل جديد في وقت قليل جدا   ذي دا دي شطاره اشهدلك عليها

رقيه بابتسامه: انا مبسوطه منك اوي ياملك براڤو عليكي

ماهر يضع يده علي رقبته بحرج: بصراحه كنت فاكر الموضوع هيفلت منك بس اهو كسفتينا

ملك كانت عينها بتروح وتيجي علي عز عشان يقول كلمته هو كمان بس هو مكتفي انه يسمع: الكلام دا كتير عليا اوي

جليله: بصي يابنتي انا مبحبش الغلط... بس بحب الي يغلط يصلح غلطه... ورغم انك مغلطيش وان سبب الملح دا منعرفهوش لدلوقتي بس انت صلحتي كل حاجه في نص ساعه بس

ملك ابتسمت بلطف وحضنت جليله وجليله حضنتها جامد: ربنا يحفظك ياحبيبتي

رقيه بتريقه: ايوة ياعم من لقي حبابه نسي صحابه

جليله لرقيه: انا كنت مرتاحه منك جايه ليه جاتك ستين مصيبه

ماهر: اومال مين الي قعد يزن كلمها كلمها؟ 

الكل بقي بيضحك واليوم خلص بنهايه سعيده 

ملك: طيب بما ان كلنا مبسوطين انا هعملكم عصير

ملك دخلت المطبخ هي وسعيده ورقيه يعملوا عصير وبعد دقائق خرجوا وملك قدمت العصير لكل واحد فيهم وحات عند عز وقال هو وبيسحب الكوبايه: مقولتيش عايزه ايه مكافئه؟ 

الكل استغرب 

جليله: مكافئه ايه دي

عز وهو باصص لملك: كنت واعدها بمكافئه لو الاكل عجبني

رقيه: علي فكره انا ساعدتها ليا نص المكافئه

عز: صاحبه الشأن بقي هي الي تقرر

ملك ابتسمت بخجل واقتربت منه وبهمس: ممكن اقولك بعدين لما نكون لوحدنا

عز بيقترب هو كمان ويهمسلها: تمام براحتك 

فياض: متعلوا صوتكم مش سامعين 

جليله بهزار: ياخي افهم البت مش عايزه تقول إلا لجوزها

ملك وشها احمر وبتقول ياارض انشقي وابلعيني وبتجري ع المطبخ

عز واقف مبتسم علي خجلها 

عدا اليوم والكل راح اوضته يرتاح من يوم طويل ومتعب وملك فضلت في البلكونه بتعت اوضتها سرحانه في النجوم والقمر بس فجأه تليفونها بيرن وكان عز 

ملك فضلت باصه علي المكالمه قلبها بيدق بسرعه: ألو

عز: تعالي دقيقه تحت  في الجنينه عايزك 

ملك: حاضر

ملك جريت غيرت البيجامه الي كانت لابساها ونزلت علي تحت لقيته قاعد باصص للسما 

ملك: أنا جيت

عز عدل قعدته وبصلها: اقعدي

.... احنا بقينا لوحدنا اهو، قوليلي عايزه ايه 

ملك ابتلعت ريقها ببطئ واتوترت جامد مكانتش فاكره ان قعدتها معاه لوحدهم وهي بتختار مكافئتها هتبقي صعبه كدا: اااا لا انا مش عايزه حاجه

عز: مفيش حاجه اسمها مش عايزه حاجه.... انا قولت ليكي عندي مكافئه... اختاري اي حاجه انتي نفسك فيها وهتبقي تحت رجلك اي كانت اية هي انا مستعد اجبهالك

ملك لنفسها: لو ينفع اطلبك انت 

عز: انا مش هقترح عليكي اي حاجه... وعايزك تختاري بنفسك... قولي الي نفسك فيه ياملك ثم قال بضحك: انا غني متقلقيش 

لتضحك ملك ثم تسرح وتقول: الحاجه الي عايزاها ملهاش علاقه بغني او فقير 

عز دماغه بقت بتروح وتيجي : تعبتيني... اية هي بقي الحاجه دي

ملك: ااا عايزه ااا

عز منتبهه معاها وعايز يطلع بجمله مفيده بس هي كانت متوتره جدا: قولي متردده ليه 

ملك بصوت مهزوز وايدها بترتجف: نفسي في حاجه وخايفه متقدرش تديهاني  

عز سكتت للحظات الموضوع بقي اكبر من انه يبقي مكافئه ثم قال: انتي عايزه ايه بالظبط؟ 

ملك وقفت: خلاص صدقني مش ضروري.... انا كفايه عندي انك صدقتني واديتني فرصه اثبت نفسي مش عايزه حاجه اكتر من كدا

عز وقف بجمود وثبات: عايزه ايه ياملك؟ 

ملك بتنفجر: عايزاااااااك

عز وقف متجمد كلمتها وقعت عليه كالصاعقه قلبه كان بيخبط كأنه هيخرج برا جسم*ه

&&&&&&&&&&&

رقيه: ماهر

ماهر قاعد علي اللابتوب:..... 

رقيه: ماهر رد عليا

ماهر قفل اللابتوب: عايزه ايه من زفت

رقيه: ماهر... انا اسفه بجد... انا غلطت وندمانه.... انت وحشتني وانا من غيرك مش انا وبحس نفسي تايهه

ماهر: كام مره تتأسفي واعدي واقول بكره تعقل وترجعي لتصرفاتك الغبيه دي

رقيه بعياط: اوعدك اني مش هكرر تصرفاتي دي تاني وهفكر كويس قبل متصرف بس متعاقبنيش بسكوتك 

ماهر بحنيه شدها لحضنه: لو رجعتي تكرريها تاني مش هعرف اسامح واعدي 

رقيه وهي بتعيط في حضنه: ساعتها هيبقي حقك انك تعمل الي انت عايزه 

&&&&&&&&

عند عز وملك

عز كان مصدوم من كلمتها  وبعد ثواني بصلها وبحده: اية الي انتي بتقولية دا؟ 

ملك اتوترت ووشها اصفر:  أنا.... أنا أسفه... مش قصدي أقول كدا... خرجت مني غصب عني

عز بنفس النبره الحاده: انتي عارفه بتقولي ايه؟ عارفه معني الكلمه دي ايه؟  ثم قرب منها خطوه 

: انتي فاكره الموضوع لعب؟ فاكره لما تقولي كلمه ذي دي الدنيا هتمشي ذي ماانتي عايزه؟ 

ملك بتدمع وهي بتهتته: لا والله.... انا بس كنت.... بتكلم من قلبي... انا اسفه

عز(بص بعيد وشد نفس عميق وهدي نبرت صوته شويه): انا....