في قصر الراوي وتحديدا في غرفة زين الراوي 

---

زين كان محتار وعايز يعرف مين اللي ورا الرسالة دي ويقصد مين باللي بيقولوا وهل هو حد يعرفة ولا لا كان بيدور في ماغة ميت سؤال-وفجأة مسك زين هاتفة وهو ينظر الي الرسالة اللي وصلتلة 

"مش لازم تعرف انا مين، اهم حاجه تاخد بالك كويس من تصرفات اللي حواليك وانت هتعرف انا اقصد مين" 

"طالما مش هتقولي مين اللي عمل كده بعتلي ليه من الاول" 

زين بعت الرسالة دي لشخص المجهول وكان متعصب جدا

 صوت رسالة وصلت ف موبايل زين 

"عشان تعرف مين اللي ورا كل ده لازم تقابلني،  وانا عارف انك تعبان ومش هتقدر تخرج برا القصر ف هستاني اسبوع تكون اتحسنت شوية" 

شاف زين الرسالة دي ومردش، ولكن كان بيدور في دماغة الف سؤال، 

تنهد زين وقال 

_مش مشكلة اسبوع مش بعيد. 

وغرق في النوم 

---

في صباح اليوم التالي كانت العيلة كلها متجمّعة ع السفرة بما فيهم زين 

ماريا بدلع _ها يا زين حاسس بايه دلوقتي؟ 

زين بيتكلم وهو مش بيبصلها 

_متشغليش بالك يا ماريا مفيش حاجه 

ماريا بغيظ _شايف يعمو بيتكلم معايا ازاي! 

جلال وهو بيكتم ضحكتة 

_معلش يا ماريا تلاقية تعبان شويه ولا حاجه 

"نظرت ماريا لزين وكانت هتفرقع" 

ادهم بضحك _والله يا ميرو انتي صعبانة عليا 

"العيلة كلها ضحكت بصوت عالي" 

ماريا بعصبية _تعرف تخليك ف حالك يا استاذ ادهم 

ادهم _خلاص يستي متزعليش، ثم اكمل ضاحكا، هنجوزك عمرو ايه رأيكم يا جماعة 

عمرو بعصبية مزيفة _ده عند امه يا ادهم 

ناصر بضحك _طب وهو فيه اجمل وارق واطيب واحن من ماريا 

عمرو بسخرية _انت متأكد انك تقصد ماريا؟!!! 

ناصر _اه طبعا ماريا طيبة وقلبها ابيض 

ماريا _قولهم يعمو 

عمرو _مين دي اللي طيبة 

ناصر بضحك _اسأل زين هيقولك، مش صح يا زين؟ 

زين _هي مش طيبة بس ممكن يكون قلبها ابيض 

ماريا بعصبية _عاجبك كده يا طنط ثريا 

ثريا بضحك _انا بضحك بس كملوا انتوا

رقية _والنبي انتي مريحة دماغك "وضحكت" 

جلال _ايه رأيك في اللي بيحصل ده يا ليان 

ليان بضحك _لا طبعا ماريا عسل.، ثم اكملت بصوت واطي "سامحني يارب" 

"ضحكت العيلة كلها وماريا كانت هتموت من الغيظ "

---

في شركة الراوي 

عمر: ياسمين هاتي الاوراق اللي قولتلك عليها بسرعة 

ياسمين: اتفضل يا عمر بيه 

عمر: حطيهم عندك 

وفجأة هاتفة رن 

عمر: الوو 

علي: ايوه يا عمر عملت ايه 

عمر: خلاص قربت انهي كل حاجه انت فين لحد دلوقتي 

علي: معلش الطريق زحمة عشان كده اتأخرت 

عمر: طب حاول متتأخرش اكتر من كده 

علي: خلاص كلها عشر دقايق واكون عندك 

عمر: تمام 

اغلق عمر الهاتف مع علي وذهب لحضور الاجتماع. 

كمال: مبروك يا عمر وبارك لزين بيه واقولة الف سلامة عليك. 

عمر بسعادة: الله يسلمك يا مستر كمال شكرا جدا. 

كمال: لينا مقابلة تاني لما يقوملنا زين بيه بالسلامة. 

عمر: اكيد طبعا 

كمال: فرصة سعيدة 

عمر بسعادة: انا اسعد 

علي: مبروك يا جماعة 

عمر، وكمال 

_الله يبارك فيك 

عمر بفرحة: عندي ليك اخبار تجنن يا زين 

زين بابتسامة: في ايه 

عمر: الصفقة تمت 

زين: كنت متاكد من كده، عازمك النهارده ف البيت وابقي هات امجد معاك 

عمر بمداعبة: دقايق وهنكون عندك 

زين: مش دلوقتي يا متخلف 

ضحك عمر وقال

_خلاص هنتأخر شوية هههههه 

زين: تصدق انا غلطان

عمر بضحك: خلاص يعم كده كده عندي شغل لما اخلص ابقي اجي 

زين: شيلتك مسؤلية اهو 

عمر بحزن مزيف: طالع عيني والله (😭) 

زين بضحك: انت لسة شوفت حاجه 

عمر: مضطر استحملك وخلاص 

زين بضحك: يلا ياض روح شوف شغلك بلا لعب عيال 

عمر: مااااااشي ماشي يا زين بيه ثم اكمل. هخلص وجاي نيييههههااااا

زين: انا ايه اللي عملتة ف نفسي ده بس ياربي

ثم اغلق زين الهاتف..

عند ليان 

_ايه يافرح فينك كل ده 

فرح: حذري فذري مين معايا 

ليان بلهفة: مين 

فرح بضحك: مش هقولك خليها مفاجأة 

ليان بعياط مزيف: لا بقي قولي 

فرح: ابدا لما اجي 

ليان: طب متتاخريش 

فرح: مسافة السكة وهكون عندك 

اغلقت ليان الهاتف واكملت في ارتداء ثيابها 

لبست ليان، بنطلون ابيض واسع وسوتشيرت اسود عليه كلام ابيض وعملت شعرها ديل حصان ولبست كوتشي ابيض، واكتفت بروچ ومسكرا وبلاشر 

ليان لسه هتمسك الفون عشان تتصل علي فرح لقيت الباب بيخبط 

ليان: ادخل 

فرح: هاااالوووو 

ليان: تصدقي انك باردة 

فرح ببرود: عارفه عارفه 

ليان: وفين بقي المفاجأة 

فجأة ليان سمعت صوت جاي من ناحية الباب 

_انا اهوووو 

ليان شهقت بصوت عالي 

ليان_جني،، ليان جريت ع جني وخدتها بالحضن 

ليان: وحشتيني اوى اوى اوى اوى جيتي امتي ومقولتيش ليه 

جني بفرحة: اهدي طيب خليني اتكلم 

ليان: حقيقي مش مصدقة 

جني: وحشتيني اويييي يا لولي 

ليان بدموع: وانتي كمان ياقلبي 

جني بضحك: ايه انتي هتعيطي 

فرح: هي ع طول بتعيط ايه الجديد ههههههه

ليان: اسكتي يا رخمة 

جني: تعالي بقي وحشتني قعدتك 

ليان: وانتي كمان والله 

في صالة القصر 

جلال: مسافة السكة وهكون عندك 

ثريا بخفوف: في ايه يا جلال خضيتني 

جلال وهي بيمشي ايده علي راسها 

_متخافيش يحبيبتي ده انا رايح ازور واحد صاحبي 

ثريا بابتسامة: ربنا معاك يحبيبي 

ابتسم جلال ليها 

ناصر: استني يا جلال وصلني في طريقك 

جلال: هتروح فين؟. 

ناصر: رايح اقابل واحد صاحبي 

ادهم بمداعبة: واحد صاحبك برضو 

ناصر بضحك: خلي امك تشك فينا علي الفاضي

رقية بضحك: واثقة فيك متقلقش 

ادهم: منصحكيش بالثقة الزايده ديي

ناصر: بس يبني يخربيتك 

جلال: يلا يا ناصر لحسن ابنك هيشعللها ( وضحك) 

ناصر بضحك: عيل ابن ك*لب

عند زين 

---

عمر: انا جعان 

امجد: يخربيتك ياض دانت فضيحة 

عمر: يعم يعني اموت من الجوع 

زين: لا متموتش انزل في المطبخ تحت كل وتعالي 

عمر: احم طيب انا رايح المطبخ ساعتين وجاي مش هتأخر 

امجد بضحك: غور بقي 

عمر: حد جعان اجبلة ياكل ولا حاجه 

زين بضحك: دانت بجح ياض 

عمر: يعم البيت بيتي عادي 

امجد: رووووح يعمر يحبيبي روح 

عمر بحزن مزيف: انت بتزعقلي يا امجد

امجد: طلقني لو مش عاجبك طلقني 

زين: انتوا مجانين رسمي 

امجد بضحك: اهو مشي 

عند ليان 

ليان: تعالوا ننزل الجنينة 

فرح: يلا بينا 

كانوا ماشيين في ممر القصر وقابلهم عمر 

ليان: ازيك يا عمر 

عمر: الحمدلله وانتي عامله ايه 

ليان: بخير الحمدلله 

عمر: ازيك يا فرح 

فرح بتوتر: انا كويسة 

ليان: اعرفك ع جني صاحبتي 

عمر: ازيك يا جني 

جني: الحمدلله وانت 

عمر: انا تمام، يلا عن اذنكم 

ليان: ايه يا فرح مال وشك جاب الوان كده ليه هههههه 

فرح: بس بقي 

جني بضحك: ايوه بقي يا فرح 

ضحكت ليان بصوت عالي 

فرح: بس بقي يخربيوتكم 

ليان: فرح بتتكسف ههههه 

امشوا يلا 

جني: حلوة الجنينة 

ليان: اه جدا 

فرح: تعالوا نتمشي ع البحر 

ليان: لا خلينا هنا احسن 

فرح: دانتي رخمة 

ليان: جدا 

جني: وحشتوني والله يا بنات 

فرح وليان 

_وانتي كمان وحشتينا جدا 

"فجأة سمعوا صوت من ورا "

زين _بتعملوا ايه هنا 

ليان: كنا بنتمشي عادي 

زين: ازيك يا فرح 

فرح: الحمدلله الف سلامة عليك 

زين: الله يسلمك 

امجد: مش تعرفينا يا ليان 

ليان: اه دي فرح ودي جني صحابي 

امجد وهو ينظر الي جني اللي اتوترت من نظراتة 

_تشرفت بيكم 

جني: ميرسي 

امجد لجني: انا امجد ظابط مخابرات 

جني بتوتر: اهلا وسهلا 

كان الجميع مندهش من تصرفات امجد 

زين: احم احم نحن هنا

جني: طيب عن اذنكم، يلا ي ليان 

ليان: تعالي يا فرح

عمر بصوت واطي: ماشيين ليه 

امجد بضيق: كله بسبب غتاتك

زين بسخرية: يا عصافير الحب انتوا، مش فاضيين للكلام ده 

---

عدا اسبوع وكانت العيلة كلها سعيدة ومكنش في اي مشاكل افتكروا ان مش هيكون فيه مشاكل تاني 🙂

في الاسبوع ده ماريا كانت بتحاول تقرب من زين وهو بيصدها، ليان وزين لسه التوتر اللي بينهم موجود، ادهم بيخطط عشان يكشف عمرو لزين ، جلال مستني الوقت المناسب عشان يقول لزين علي الموضوع اللي ناصر بيكلمة فيه. 

(نرجع لموضوعنا) 

في صباح يوم جديد في قصر الراوي 

زين: صباح الخير 

الكل _صباح النور 

زين: انا رايح الشركة عايزين حاجه 

_عايزين سلامتك يحبيبي 

خرج زين من القصر وركب عربيتة ووراه الحرس كالعادة 

زين كان قاعد وجاتلة رسالة في العربية 

"عدي الاسبوع لو عايز تعرف قابلني ف العنوان اللي هبعتهولك" 

بعد ثواني وصلت رسالة تانية لزين وكان فيها عنوان 

زين: يا ترا مين ده وبيعمل كده ليه