كان اسر محاوطها وبيحاول يبوسها بالعافيه لكنها ضربت بالقلم ورفعت صباعها في وشه وهي بتقول انا بجد قرقانه منك... ربنا رحمني اني موافقتش على جوازتي منك .. ربنا عمل كل ده عشان اشوف وشك الحقيقه ...ولسا هتمشي اسر مسكها بسرعه وقال متعمليش كده فيا انتي عارفه انا بحبك قد ايه.. سراج بيعمل كل ده عشان منكونش مع بعض وعمره ما هيحبك.. متضيعيش.. حياتنا كده..

لبنى بانفعال : سيب أيدي ..انت فعلا واحد مش متربي

لكنه كان مصر ميسبهاش وفضل ماسكها وباصص في عينيها وهو بيقرب منها وبيقول انت مش عارفه انا بحبك قد ايه اديني فرصه وحده بس.. ولسا هنتكلم وتزقه دخلت عليهم عليا وهي بتقول. الله عال جوزك مرمي في المستشفى وانت بتتمعشقي مع اخوه .

لبنى وسعت عينيها بصدمه وهي بتقول انت بتخرفي بتقول ايه .

عليا بتحذير بنت انتي متفكريش تقربي من ابني تاني انت فاهمه .

اسر بغضب ماما

بلا ماما بلا بتاع اي الاشكال اللي اتحدفت علينا دي ربنا يسامحك ياسراج..

لبنى عيطت ومعرفتش تقول ايه وخرجت بسرعه وهي بتعيط وحاسه بالاهانه ومش عارفه تقول ايه او تدافع عن. نفسها بأيه...

اسر بانفعال انتي عملتي ايه ..

عليا انت اللي بتعمل ايه ناسي انها مرات اخوك..

اسر انا السبب في كل حاجه انا مش هسامحك ..

عليا انت بعمل كل ده عشان متفهم يابني ادم... لبنى دي بتستغلك... طمعانه في الرفايه اللي هتطولها بعد متتجوزك..

اسر بغصه انت كل تفكيرك في الفلوس سيبني مره وحده بس أقرر انا عاوز ايه. حرام عليكي .. انتي بتضيعي حب عمري من اديا لما جوزتيها لسراج..

عليا مش انا اللي جوزتها لسراج هي اساسا كانت على علاقه بيه من زمان.. وانت بنفسك شفتها في شقته...

اسر كفايه بقى كفايه خطط انا عرفت كل حاجه .. انا زهقت بتدخلك في حياتي. ويكون في علمك.. لبنى انا مش هسيبها وتبقى مراتي عاجلا أو آجلا وسراج مصيره يطلقها. ..

عليا بانفعال : انت بتخرف بتقول ايه دي مرات اخوك.

اسر مش انتي اللي وصلتنا لكده تتحملي بقى المصايب اللي هتشوفوها الفتره دي. انا هندمكم على كل اللي عملته بيا...

*******

فتح عينيه سراج بوهن وكانت لبنى واقفه في البلكونه وسراحانه.

سراج ضحك وقال باستفزاز وتعب. معلش بسببي ضيعنا صبحيتنا لكن متقلقيش هعوضك..

لبنى بصت ناحيته ببرود غريب واتكملت بجديه. عاوز تعوضني يجدد..

سراج حاول يعدل ويقعد وهو بيقول اه اطلبي اللي انتي عايزاه الا الطلاق...

لبنى مش عايزه ارجع البيت لحد ما تخلص فتره جوزنا..

سراج برفعة حاجه ماشاء الله اتقبلتي فكره زوجنا وبقيت بتقولها عادي..

لبنى انا خلاص تعبت من المناهده وعارفه انك مش حد سيء وعاوزه المده دي تعدي بخير

سراج ضحك وقال وانت بعد كلامك ده شايف انك تعرفي تقنعني . .. على فكره انا ما بحبس حد يمدحني بالكدب..

لبنى اتغاضت وقالت انت عاوز ايه ياسراج انا مش عارفه افهمك..

سراج عاوز نرجع البيت العيله ونفضل فيه..

لبنى بس انا مش هعرف اقعد هناك .

سراج ليه عشان حبيب القلب..

لبنى بصت ناحيته بصدمه وقالت انت بجد حد مش طبيعي ولازمك علاج..

سراج بابتسامه طب وانت مش دكتوره عالجيني..

لبنى لا انت مريض نفسي ..

سراج رفع كتفيه وقال ماشي المهم اعمل اللي انا عاوزه. بالوقت ده .. دخل عليه أبوه وكان وشه تعبان اووي..

عبد الله عامل ايه يابني..

سراج زي الفل بس القعده في المستشفى. بتجيب المرض ..

عبد الله ده عشان اطمن عليك..

سراج اي يابو سراج انا زي الفل ومينفعش تخاف عليا.. بعدين انت عارفني زي القط بسبع ارواح.

متقولش الكلام ده ربنا يعافيك يابني..

بعد مدة خف سراج ورجع البيت .. وكانت العلاقه بينه وبين لبنى هاديه على غير العاده

وهما قاعدين عالسفره بيفطروا..

سراج هي تيتي هترجع انتي يابابا

عبد الله كمان اسبوع انت عارف بعد تعبها الاخير طلبت تزور عمتك عشان تغير جوى..

سراج بصراحه هي وحشتني اوووي .

ابتسم عبدالله بحب أما لبنى كانت بتاكل بصمت واسر مركز معاها اوووي.. وعليا بتبصله بغيظ وقهر .

عليا اي يا سراج مش ناوي تاخد عروستك شهر العسل والا ايه .

سراج بص ناحيتها باستغراب ورجع بص لأسر اللي باين على وشه أنه اتضايق من كلامه ..

سراج مسك كف لبنى وبأسها قدامها وقال اكيد طبعا انا اساسا عندي خطه لشهر العسل جميله اووي..

لبنى سحبت أيدها بحرج .

اسر بغضب رزع المعلاقه ومشي..

عليا ابتسمت بخبث.. أما سراج كما اكله عادي ويتجاهل.. كل ده ولبنى بتراقبهم عاوزه افهم ايه اللي يخلي سراج يتجاوزها عشان يمعن جوازها من اسر مع أن سراج شخصيته قويه وليه كلمته بالبيت والمسؤول عن كل حاجه .. والكره بتاع عليا ليها ايه سببه العيله دي فيها حجات كتتتيره مش مفهومه..

خلصت لبنى اكل واستئذنت وطلعت اوضتها .. هي مش عايزه تحتك بالعيله دي ابدا عاوزه تخلص منهم بسرعه .

اول ما دخلت عشان أوضتها ولسا هتقفل الباب دخل اسر بسرعه وقفل الباب وراه..

لبنى بغضب انت بتعمل ايه اطلع بررا

اسر انت لازم اسمعيني.

بقولك اطلع برراا ولسا هتصرخ كتم بقها ولازقها في الحيطه.. وهو بيقول بتحذير متروحش معاه شهر العسل ..

زقته وهي بتقول مالكش دعوه ولسا هاتفتك الباب عشان تخرج اتصدمت بسراج واقف مصدوم وهو بيشوف لبنى وأخوه في اوضت نومه وقافلين الباب..

لبنى معرفتش تقول ايه ولسا هنتكلم

قال اسر بجرأه متتصدمش كده مستني ايه يحصل وانت اتجوزتها بالغصب ..

سراج منحملش الالي حصل وضربه لكن ..

يتبع ...